"თუ ალასანია თანამდებობას და კოალიციას დატოვებს, მმართველი გუნდი ნაკლებად პროდასავლური იქნება"


მთავარი თემა

"თუ ალასანია თანამდებობას და კოალიციას დატოვებს, მმართველი გუნდი ნაკლებად პროდასავლური იქნება"

4 ნოე. 2014, 20:04:50

დატოვებს თუ არა თავდაცვის მინისტრი ირაკლი ალასანია დაკავებულ თანამდებობას და კოალიციას? ასეთ შემთხვევაში,  კოალიციაში შემავალი რომელი პოლიტიკური სუბიექტი აღმოჩნდება მის გვერდით და რა საფრთხეების  წინაშე დადგება მმართველი ძალა?

იმაზე, რომ ალასანია, შესაძლოა, კოალიციურ მთავრობას გაემიჯნოს, უკვე დიდი ხანია საუბრობენ.

NDI-ის უკანასკნელი კვლევების შედეგად, რომელიც 27 აგვისტოს გახდა ცნობილი, პოლიტიკოსებში, მოწონების მხრივ, თავდაცვის მინისტრი ირაკლი ალასანია 60%-ით ლიდერობდა. მას 54%-ით მოჰყვებოდა პრემიერ-მინისტრი ირაკლი ღარიბაშვილი,  მესამე ადგილს კი, პარლამენტის თავმჯდომარე დავით უსუფაშვილი - 51%-ით იკავებდა.

მაშინ, მოწონების რეიტინგში ალასანიას ლიდერობას, მინისტრთა კაბინეტის მხრიდან არაერთგვაროვანი შეფასებები მოჰყვა.

ექსპერტთა ნაწილი კი არ გამორიცხავდა, რომ კვლევის შედეგები პრემიერსა და ალასანიას შორის მეტი დაპირისპირების საბაბი გამხდარიყო. ეს ის პერიოდია, როცა აქტიურად საუბრობდნენ იმაზე, რომ პრემიერი ალასანიას მინისტრთა კაბინეტს დაატოვებინებდა.

აღნიშნული რეიტინგების გამოქვეყნებას წინ უძღოდა თავდაცვის მინისტრის მხრიდან აშშ-ში ვიზიტისას გაკეთებული განცხადება, როცა მან აღნიშნა, რომ  დასავლეთმა უნდა შესთავაზოს NATO-ს წევრობა ასპირანტ ქვეყნებს და განათავსოს იქ თავდაცვითი საშუალებები, განსაკუთრებით კი, საქართველოში. ამ განცხადებას, მაშინ, მმართველი გუნდის წევრებმა ნაჩქარევი და მთავრობასთან შეუთანხმებელი უწოდეს.

რამდენიმე დღის წინ კი, 28 ოქტომბერს, საქართველოს მთავარმა პროკურატურამ თავდაცვის სამინისტროს მოქმედი მაღალჩინოსნები დააკავა და ბრალი 4 102 872 ლარის გაფლანგვაში დასდო. საქმეს გირიფით საიდუმლო დაედო, შესაბამისად დეტალები უცნობია.

მიუხედავად იმისა, რომ მინისტრმა ირაკლი ალასანიამ მოითხოვა საქმისთვის გრიფის მოხსნა, საქართველოს პროკურატურამ აღნიშნული არ დააკმაყოფილა.

დღეს, 4 ნოემბერს, საქართველოს პროკურატურამ პროკურატურამ ჯარისკაცების მოწამვლის ფაქტზე თავდაცვის სამინისტროს თანამშრომლების მიმართ ბრალდების შესახებ დადგენილება გამოიტანა და შეიარაღებული ძალების რამდენიმე მაღალჩინოსანს ბრალი წარუდგინა.

თავდაცვის სამინისრტოსა და მინისტრის გარშემო მიმდინარე მოვლენების პარალელურად, კოალიციაში შემავალი პარტიის -"რესპუბლიკური პარტიის" საპარლამენტო ფრაქციამ საკანონმდებლო ცვლილება გააკრიტიკა, რომლის თანახმადაც რეპრესირებულთათვის გასაცემი ფულადი კომპენსაციის 2000 ლარზე მეტი ვერ იქნება.

მაშინ, ფრაქციის თავმჯდომარე დავით ბერძენიშვილმა აღნიშნა, რომ როცა ჩინოვკნიკები გაორმაგებულ შემოსავალს იღებენ, ხოლო რეპრესირებულებისათვის თანხა არ იძებნება, ისინი ამას არ შეეგუებიან.

ამავდროულად რესპუბლიკურმა პარტიამ გაავრცელა განცხადება, სადაც მან კოალიცია "ქართული ოცნების" ეფექტიანობის გაზრდის მიზნით პარტნიორებს ორ შესაძლო გზა შესთავაზა, ერთი - არსებულის, წინა ხელისუფლების მოშორებაზე ორიენტირებული კოალიციის კლასიკური ევროპული ტიპის  კოალიციად გადაქცევას გულისხმობს,  მეორე კი ისეთ კოალიციად ჩამოყალიბებას ისახავს მიზნად, რომელიც მასში შემავალი პარტიების საკუთარი იდეოლოგიის შესაბამისად პოზიციონირებისა და განსხვავებული პოზიციების დაფიქსირების თავისუფლებას უზრუნველყოფს.

იმაზე, რომ კოალიცია რღვევას დაიწყებდა, ჯერ კიდევ 2012 წლის საპარლამენტო არჩევნების შემდეგ საუბრობდნენ. თემას აქტუალურობა დღემდე არ დაუკარგავს. ოპოზიციურ პარტიებში თუ პოლიტოლოგთა წრეებში აქტიურად განიხილება საკითხი - იქნებიან თუ არა პირველები "თავისუფალი დემოკრატები" და "რესპუბლიკური პარტია", რომლებიც კოალიციის მიღმა აღმოჩნდებიან?

"როგორც ჩანს, ვიღაცისთვის მიუღებელია ალასანიას ფიგურა, თუნდაც იმიტომ, რომ იგი გამოკითხვებში ლიდერია. ვგულისხმობ მოქმედ პრემიერს, ირაკლი ღარიბაშვილს და ყოფილ პრემიერ-მინისტრსაც. 

რა თქმა უნდა გამორიცხული არაა, რომ მიმდინარე მოვლენების ფონზე,  ალასანიამ დატოვოს თანამდებობა და კოალიცია, მაგრამ თუ ეს მოხდება, ქვეყანაში მიმდინარე პოლიტიკურ პროცესებზე ცუდად აისახება, რადგან ალასანიას თანაპარტიელები ("თავისუფალი დემოკრატების" წარმომადგენლები), არიან როგორც პარლამენტში ასევე მინისტრთა კაბინეტში წარმოდგენილები და მოსალოდნელია მათ თავდაცვის მინისტრს სოლიდარობა გამოუცხადონ.

ასეთ  შემთხვევაში იარსებებს ხელისუფლების ვაკუუმი. ასევე, საფრთხე შეექმნება საგარეო პოლიტიკურ ორიენტაციას, რადგან ალასანიას მხრიდან თანამდებობის და კოალიციის დატოვება ნიშნავს, რომ კოალიციას გამოეყვნენ დასავლური ორიენტაციის პირები და იგი ნაკლებად პროდასავლური დარჩება", _ ამბობს "გურია ნიუსთან" საუბრისას პოლიტოლოგი ნიკა ჩიტაძე და დასძენს, რომ აქ მხოლოდ ალასანიას  პრობლემა არაა და რამდენიმე ნეგატიური დამოკიდებულება რესპუბლიკელების მისამართითაც გამოვლინდა.

რა პროცესები შეიძლება გამოიწვიოს კოალიციის შიგნით თავდაცვის მინისტრ ირაკლი ალასანიას წასვლამ, როგორც  საზოგადოებრივი კომუნიკაციების კვლევისა და განვითარების ცენტრის ხელმძღვანელი, ანალიტიკოსი არჩილ გამზარდია "გურია ნიუსთან" განმარტავს, ეს მიზეზებსა და ამ მიზეზების შეფუთვაზე იქნება დამოკიდებული.

"თუ მოხდა და ალასანიამ კოალიცია თანამდებობასთან ერთად დატოვა, ძალიან დიდი მნიშვნელობა ექნება ამის მიზეზებს და მის შეფუთვას.

თუ თავისი ნებით გადადგება, შესაძლოა, ეს ნაკლებად ნეგატიურად აისახოს თავისსავე პერსპექტივებზე. მოიხვეჭს დადებით საიმიჯო მახასიათებლებს როგორც საკუთარი ნებით პასუხისმგებლობის აღება და ა.შ.

თუ მას გადააყენებენ, ეს უკვე კოალიციის რეიტინგზე შეიძლება ნეგატიურად აისახოს, მაგრამ ალასანიას რეიტინგზე დადებითად.

თუ მას საკმარისი მოცემულობით არანაადრევად და არა სადაოდ, არამედ რეალური და დამტკიცებული მიზეზებით გადააყენებენ ეს კოალიციაზე კარგად აისახება, რადგან ალასანიას მართვა შეფასდება ნეგატიურად.

ამიტომ, ძალიან დიდი მნიშვნელობა აქვს იმ ფაქტორებს და პირობებს, რითაც შესაზლოა მან თანამდებობა დატოვოს ან დაატოვებინონ", _ განმარტავს "გურია ნიუსთან" გამზარდია.

დატოვებს თუ არა თავდაცვის მინისტრი ირაკლი ალასანია დაკავებულ თანამდებობას, ან/და ის და მისი პარტია "თავისუფალი დემოკრატები" კოალიცია "ქართულ ოცნებას", სავარაუდოდ,  დღეს, 18:00-ზე გახდება ცნობილი.




 ახალი ამბები
  • მდინარაძე: „პიარულ თავხედობაში გადაიჭრნენ რუსები, ნაცები და საქართველო ზეიმობდა გამარჯვებას"„გუშინ პიარულ თავხედობაში გადაიჭრნენ რუსები და ნაცები ხოლო საქართველო ზეიმობდა გამარჯვებას. საქართველო ზეიმობდა გამარჯვებას  იმიტომ, რომ ეს არის ისტორიული ფაქტი. ეს მარტივი ნამდვილად არ იყო, ეს იყო უდიდესი შრომის შედეგი. ჩვენ არც ვაპირებდით იმაზე საუბარს, თუ ვისი დამსახურება იყო ეს და მთელ საქართველოს, ყველა მოქალაქეს განურჩევლად ყველაფრისა,  ვულოცავდით ამ გამარჯვებას თუმცა, „ნაციონალურმა მოძრაობამ" განიზრახა ე.წ. პიარული ტრუკების კეთება. გუშინ, ამისი დრო ნამდვილად არ იყო  თუმცა, იკადრეს. მათი მთავარი მიღწევა არის ის რეზოლუცია, რომლითაც ომიდან 2 თვეში საქართველოს ომის დაწყება დააბრალეს. ჩვენი  და საქართველოს მთავარი მიღწევა ამ საკითხან დაკავშირებით  იყო გუშინდელი დღე, როდესაც ადამიანის უფლებების დაცვის ევროპულმა სასამართლომ უკვე სამართლებრივად და არა პოლიტიკური შეფასებების  და რეზოლუციის დონეზე დაადგინა, რომ რუსეთი ოკუპანტია და მან ადამიანის უფლებები დაარღვია ბევრ პუნქტში და ბევრ ნაწილში', - ამის შესახებ  ფრქციის „ქართული ოცნება" თავმჯდომარემ, მამუკა მდინარაძემ მედიის წარმომადგენლებთან გნაცხადა. მისი თქმით ხელისუფლებას არ აქვს იმის მოლოდინი, რომ  რუსეთის მიერ ნაკისრი ვალდებულებების შესრულება ხვალვე დაიწყება, რადგანაც ასეთი გადაწყვეტილებაა მიღებული. „თუმცა, დეოკუპაციის გზაზე ეს იყო უმნიშნელოვანესი  და ისტორიული დოკუმენტი, რომელთა დაკავშირებითაც, როდესაც აღსრულების მექანიზმი ჩაირთვება მინისტრთა კომიტეტს ვგულისხმობ,  გარკვეული მოთხოვნის უფლება გვექნება, როგორც მინიმუმ და სამართლებრივი საფუძველი გვექნება, რაც აქამდე ასე მყარად რა თქმა უნდა არ გვქონდა", - განაცხადა მამუკა მდინარაძემ. მისი თქმით, „ნაციონალური მოძრაობის" ხელისუფლების ერთ-ერთი მთავარი „მიღწევა" იყო ევროსაბჭოს საპარლამენტო ასამბლეის რეზოლუცია, სადაც საქართველოს ომის დაწყება ბრალდებოდა. „მათი ერთადერთი დამსახურება, რაზეც აგებენ ამ პიარულ ნარატივს, იყო ის, რომ მათი ხელისუფლებაში ყოფნის დროს შევიდა სარჩელი. სარჩელის შეტანასაც თუ გვამადლიან მგონი ამაზე არ უნდა ვისაუბროთ. რაც შეეხება მიხეილ სააკაშვილის უტიფრობას, მინდა გავახსენო, რომ მათ თითი-თითზე არ ჰქონდათ დადებული იმისთვის, რომ მოეძიებინათ ისკანდერის ნაწილები, რაც იყო მთავარი მტკიცებულება. ამაზე ზრუნვა და ასობით მტკიცებულების წარდგენა 2013 წლის შემდეგ მოხდა", - განაცხადა ფრაქციის ... ...
  • „28 იანვარს ოზურგეთის მოსახლეობის დიდი გამოღვიძება უნდა მოხდეს!“: უარი მეტალურგიულ საწარმოსროგორც ჩვენთან, ისე არაერთ მედიასაშუალებაში, დიდი ხანია, აქტიურად ისმოდა და ისმის ხმა, ოზურგეთში მეტალურგიული საწარმოს აშენების წინააღმდეგ. ადგილობრივი ხელისუფლება ამბობს, რომ ეს საკითხი  აქ არ წყდება. 28 იანვარს,  გარემოს დაცვის და სოფლის მეურნეობის სამინისტრო ონლაინრეჟიმში აპირებს  შპს „არერსა მეტალის“ მიერ,  ოზურგეთში მეტალურგიული საწარმოს მშენებლობის პროექტის განხილვას. როგორც ვთქვით, აქმ საწარმოს აშენების და ექსპლოატაციის წინააღმდეგ, მოსახლეობამ არაერთხელ გამართა საპროტესტო აქცია. ასევე წერილობით არაერთხელ მიმართეს ხელისუფლებას. ცალკე საუბრის თემაა   ის ტერიტორია, სადაც კომუნისტური მმართველობისას მანქანათმშენებელი ქარხანა იდგა. ადგილი ოზურგეთში, თაყაიშვილის ქუჩაზეა, ექადიის დასახლების  დასაწყისში. ის  ოზურგეთს ეკუთვნოდა და  2004 წელს , საეჭვო მაქინაციით, სოფელ ლიხაურზე გადაფორმდა. ვინც არ იცის, ეგონება, რომ საწარმო სადღაც სოფლის განაპირას ან სულაც მისგან შორს შენდება, რადგან გზშ მასს განიხილავს, როგორც ლიხაურში მშენებარეს. იქვე, ოციოდე მეტრში კი ანასეულის წყალმომარაგების ჭაბურღილებია განლაგებული. მოსახლეობა სამართლიანად შიშობს, რომ ეს საწარმო უდიდეს ეკოლოგიურ საფრთხეს შეუქმნის როგორც ამ წყალმომარაგების სათავეს, ისე მთლიანად ოზურგეთის მუნიციპალიტეტშ მცხოვრებ თითოეულ ადამიანს.   სხვადასხვა სტატისტიკური კვლევებისას არაერთხელ ითქვა, რომ ოზურგეთის  მუნიციპალიტეტში მცხოვრებთა შორის ძალიან მაღალია ტყვიის შემცველობა. მცირეწლოვანებშიც კი. ახლა ოზურგეთის  მოსახლეობის წარმომადგენლები კატეგორიულად ეწინააღმდეგებიან ონლაინ რეჟიმში ამ საკითხის განხილვას. ირინა საჯაია, ანასეულის მკვიდრი:  28 იანვარს ოზურგეთის მოსახლეობის დიდი გამოღვიძება უნდა მოხდეს. არ შეიძლება ამ პროექტის ინლაინრეჟიმში განხილვა, მოსახლეობის ჩართულობის გარეშე. გაკეთდეს, აშენდეს, რაც ქვეყანას და ხალხს სჭირდება, თუმცა არა საშიში  ეკოლოგიური დაბინძურების ხარჯზე. როცა აცხადებენ, რომ უკვე განხილვა ხდება, ეს იმის მანიშნებელია, რომ ხალხს კვლავ არაფერს ეკითხებიან.   ამიტომ მიიღებენ უკუშედეგს-პროტესტს. ავთო ბერიშვილი, ადგილობრივი მკვიდრი: ყველაზე მეტად მეცნიერები იტყვიან თავის სათქმელს.  ეს საწამლავი ვერ მოვიშორეთ აქედან. 20 მეტრი მანძილია წყალსადენის ჭაბურღილებამდე. რა განხილვაზეა საუბარი? ინვესტორი კი უნდა მოვიდეს, მაგრამ საქმის საკეთებლად და არა გასაფუჭებლად. არ დაუშვებს ხალხი ამას. გააკეთონ, ააშენონ მოსახლეობისგან შორს და არა ქალაქში. „გურია ნიუსი“ მალე, კიდევ ერთხელ,  ვრცლად შემოგთავაზებთ სტატიას ამ თემაზე. ასევე თვალს მივადევნებთ 28 იანვრისთვის დაგეგმილ პროცესს, რომელსაც ხალხი კატეგორიულად ... ...
  • "რაღაც სიცოცხლის ნაპერწკალი იყო, მაგის იმედი გვაქვს!" _ როგორია თემურ წიკლაურის ჯანმრთელობის მდგომარეობამომ­ღე­რალ თე­მურ წიკ­ლა­უ­რის ჯან­მრთე­ლო­ბის მდგო­მა­რე­ო­ბა კვლავ სტა­ბი­ლუ­რად მძი­მე რჩე­ბა. რო­გორც "ინ­ტერპრეს­ნი­უსს“ მომ­ღე­რალ­მა ნუგ­ზარ კვა­შალ­მა გა­ნუ­ცხა­და, თე­მურ წიკ­ლა­უ­რის ჯან­მრთე­ლო­ბის მდგო­მა­რე­ო­ბის შე­სა­ხებ დე­ტა­ლუ­რი ინ­ფორ­მა­ცია 10 დღე­ში იქ­ნე­ბა ცნო­ბი­ლი. "10 დღის გან­მავ­ლო­ბა­ში ახალს ვე­რა­ფერს ვი­ტყვით. ექი­მე­ბი გვე­უბ­ნე­ბი­ან, რომ მო­ვით­მი­ნოთ, სტა­ბი­ლუ­რად მძი­მეა. კონ­სი­ლი­უ­მი თით­ქმის კვი­რა­ში სამ­ჯერ იმარ­თე­ბა. დრო სჭირ­დე­ბა, გვი­თხრეს, რომ 10 დღე­ში ყვე­ლა­ფერს დე­ტა­ლუ­რად მოგ­ვახ­სე­ნე­ბენ. რა­ღაც სი­ცო­ცხლის ნა­პერ­წკა­ლი იყო, მა­გის იმე­დი გვაქვს, მაგ­რამ ბო­ლომ­დე ვე­ლო­დე­ბით ექი­მე­ბის დას­კვნას", _ აცხა­დებს ნუგ­ზარ კვა­შა­ლი. შე­გახ­სე­ნებთ, ცნო­ბი­ლი ქარ­თვე­ლი მომ­ღე­რა­ლი თე­მურ წიკ­ლა­უ­რი თავ­დაც­ვის სა­მი­ნის­ტროს გო­რის სამ­ხედ­რო ჰოს­პი­ტალ­შია მო­თავ­სე­ბუ­ლი. თე­მურ წიკ­ლა­ურს კო­რო­ნა­ვირუ­სი და­უ­დას­ტურ­და, მდგო­მა­რე­ო­ბის გარ­თუ­ლე­ბის შემ­დეგ კი, ის სტა­ცი­ო­ნარ­ში გა­და­იყ­ვა­ნეს. წყარო: ... ...
  • ლანჩხუთელი ძაღლი „მარკუშა“, რომლის მოხერხებულობამ გერმანელებიც დააინტერესაყოფილი პარლამენტარის, ომარ ხუციშვილის ოთხფეხა მეგობრით, როგორც ჩანს  გერმანელი ჟურნალისტები დაინტერესდნენ. ძაღლი „მარკუშა“, რომელსაც სახელი ახლო წარსულში სახელოვანი  ჰოლანდიელი ფეხბურთელის საპატივცემულოდ შეურჩიეს,  პატრონთან ერთად ლანჩხუთში, სოფელ ჩოჩხათში ცხოვრობს და სოციალურ ქსელში საკმაო პოპულარობით სარგებლობს. ლანჩხუთელი „მარკუშა“ მართლაც სასწაულებს აკეთებს. შეუძლია გამოიცნოს ამა თუ იმ პოლიტიკოსის თუ პოლიტიკური პარტიის ფოტოები, პატრონისთვის მიაქვს ჩუსტები სახლიდან, გაზეთები ჭიშკრიდან, ლიმონი და მანდარინი ეზოდან... თამაშობს ფეხბურთს, კარში ისეთ ბურთებს იჭერს, მეკარეებსაც შეშურდებათ. ხუმრობენ კიდეც- საქართველოს ნაკრებს ამისთანა მეკარე რომ ჰყავდეს,   ევროპისა და მსოფლიო პირველობებზე მოხვედრა არ გაგვიჭირდებაო. მოკლედ, „მარკუშა“ საკმაოდ ჭკვიანი და მოხერხებულია. შესაბამისად, სოციალურ ქსელში მის შესახებ განტავსებული ვიდეოები ყურებადია, რომელსაც  გამოცდილი გელა პატარაია იღებს. ჰოდა, სწორედ  გელას მორიგი ვიდეოს, რომლის ნახვა მალე მილიონს მიუკაკუნებს, გავრცელების შემდეგ მოექცა „მარკუშა“ გერმანელი ჟურნალისტების ყურადღების ცენტრში. გელას ბერლინიდან დაუკავშირდნენ და სიუჟეტის გაკეთებაში დახმარება სთხოვეს. „დიახ, გერმანიიდან დამიკავშირდნენ, კონკრეტულად ბერლინიდან და დახმარება მთხოვეს სიუჟეტის მომზადებაში. ჩამოვლენ და დამიკავშირდებიან",_ ამბობს ლანჩხუთელი ოპერატორი. მარკუშას პატრონი, რომელსაც ყველაზე მეტი წვლილი მიუძღვის ოთხფეხა მეგობრის  პოპულარობაში, ყველაზე დიდი წვლილი მის პატრონს მიუძღვის _ ბატონი ომარი გახარებულია გერმანელთა დაინტერესებით.  „გელა პატარაია -ზუსტად ასეთი წარწერა აქვს  იმ ვიდეოებს სოციალურ ქსელში, რომელსაც დიდი რაოდენობით ნახვა და მოწონება გააჩნია. მშვიდი, გაწონასწორებული, ზრდილი, საღი აზროვნებით გამორჩეული, მუდამ კეთილად განწყობილი და თავისი საქმის მაღალი პროფესიონალი. ასეთ ადამიანად გავიცანი იგი, როცა მან ჩემს ძაღლს, მარკუშას რამდენიმე ვიდეო გადაუღო. ამ ბოლო ხანს ვირუსის გამო საოჯახო რიტუალებთან დაკავშირებული ღონისძიებები თითქმის აღარ იმართება. ამიტომ იყო, რომ მორიგი ვიდეოს გადაღების წინ გელამ ძაღლს ხუმრობით უთხრა-მარკუშა საქმე ისე მიდის, მგონი, შენს იმედად ვრჩებიო. ძაღლიც თითქოს მიხვდა რასაც ეუბნებოდა და თანაგრძნობის ნიშნად ყველაფერი დიდი პასუხისმგებლობით და მონდომებით შეასრულა. ვიდეო ერთ კვირაში თავს 700 000-მდე მნახველით იწონებდა. გელას გერმანიის დედაქალაქიდან დაუკავშირდნენ. თურმე ეს ვიდეო ბერლინშიც უნახავთ. ერთ-ერთი სატელევიზიო არხის წარმომადგენლებს აღფრთოვანება არ დაუმალავს და იმ ვიდეოში, სადაც მარკუშა კარებში ოსტატურად იჭერს ბურთს, ვრცელი სიუჟეტის მომზადება განუზრახავთ. ჰოდა, ამ საქმეში გერმანელებს დახმარება ვიდეოს ავტორისათვის უთხოვიათ,“ _ ამბობს ომარ ... ...
  • ლიხაურში დაჭრილი ყანჩა გადაარჩინესოზურგეთის მუნიციპალიტეტის  სოფელ ლიხაურში დაჭრილი ყანჩა გადაარჩინეს. ყანჩა ამ დროისთვის ადგილობრივი მცხოვრების ირმა გორდელაძის სახლშია. „ვიღაცამ ესროლა და დაჭრილია. ახლა ვაპირებ ბათუმის ზოოპარკს დავუკავშირდე და ისინი უპატრონებენ,“ - გვითხრა ირმა ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....