სალომე ზურაბიშვილი თვლის, რომ საქართველო საერთაშორისო არეალზე აქტიურად არაა წარდგენილი

მთავარი თემა

სალომე ზურაბიშვილი თვლის, რომ საქართველო საერთაშორისო არეალზე აქტიურად არაა წარდგენილი

2014 დეკ 1 14:58:08

ყოფილი საგარეო სქმეთა მინისტრი და პარტია "საქართველოს გზის" საპატიო თავმჯდომარე სალომე ზურაბიშვილი მიიჩნევს, რომ საქართველოს როლი საერთაშორისო ასპარეზზე იმდენად შემცირებულია,  ქვეყნის საერთაშორისო არეალიდან გაქრობის ნიშნები არსებობს.

მისივე თქმით,  ქვეყანაში ინსტიტუციების დასუსტება მიმდინარეობს, თუმცა ვერ აკონკრეტებს ეს შეგნებულად ხდება თუ არა.

ამის მაგალითად, ზურაბიშვილს, "გურია ნიუსთან" პარლამენტისა და პრეზიდენტის ინსტიტუტები მოჰყავს. ასევე, თავდაცვის ყოფილი მინისტრის, ირაკლი ალასანიას გადაყენების გადაწყვეტილებაც. თუმცა, ამ უკანასკნელის საქმეზე შეფასებების გაკეთებისგან თავს იკავებს, რადგან, როგორც ამბობს, საკმარის ინფორმაციას არ ფლობს.

_ არ ვიცი რა ხდება, არ მქონია არანაირი შეხება, არც  ალასანიას შევხვედრილვარ, რომ მისგან მომესმინა ინფორმაცია თუ რა მოხდა. ამიტომ, ვერ გამოვთქვამ რაიმე მოსაზრებას, ეს არ იქნება კორექტული.

თუმცა, ამ საერთო მოვლენებში  პოლიტიკური ნაწილი, რომ იკვეთება - ალასანია ემზადებოდა ყრილობისთვის, გააქტიურებისთვის, შესაძლოა ოპოზიციისთვისაც, ფაქტია. თანაც, მთავრობის მხრიდან მის მიმართ უკმაყოფილება, არაერთხელ დაფიქსირებულა.

რაც შეეხება ალასანიას შემდგომ რეაქციებს, როცა პოსტიდან გათავისუფლების შემდეგ მან ქვეყნის დასავლურ კურსზე დაიწყო აპელირება, მიმაჩნია, რომ არასწორი მიდგომა იყო.

ეს განცხადება ცოტა დროში აცდენილია, რადგან ასეთ რამ, ერთ დღეში არ ხდება. თუ ასე იყო, იმთავითვე უნდა გაეკეთებინა რეაგირება, რადგან ეს ძალიან მნიშვნელოვანი საკითხია.

ამ საკითხზე ნაადრევი დასკვნები და განგაშის ზარის დარეკვა, საფრთხის შემცველია, რადგან არ შეიძლება წინასწარ მგლის ყვირილი, რადგან როცა რეალური საფრთხე იქნება და დაიყვირებ, არავინ დაგიჯერებს.

_ როგორ ფიქრობთ, "თავისუფალი დემოკრატები" კოალიციიდან გასვლა იქნება თუ არა კოალიციის რღვევის დასაწყისი?

ეს მოვლენების ბუნებრივი განვითარება იქნებოდა. ეს კოალიცია, კოალიცია არასდროს ყოფილა. კოალიცია ჩემთვის სხვა რამეა. ის თვით პარლამენტში იქმნება სხვადასხვა პარტიებისგან, როცა  ცალ-ცალკე არიან არჩეულები და მერე იწყებენ მოლაპარაკებებს, რათა შექნან უმრავლესობა ან სპეციფიკურ საკითხებზე, ან მართვისთვის და აირჩიონ პრემიერი.

ეს კოალიცია კი შეიქმნა არჩევნებისთვის. ამიტომ,  არ ვიცით ამ პარტიების წონა შიგნით, კოალიციაში. პრინციპში, წონა არც არავის აქვს. ივანიშვილის გამო იყვნენ ყველანი არჩეულნი და ეს  ჩვენი ინსტიტუციების სისუსტის ერთ-ერთი მომენტია. 

რაღაც მომენტში ეს პარტიები უნდა გავიდნენ და მოსინჯონ თავიანთი ძალები საარჩევნო მოედანზე. წინააღმდეგ შემთხვევაში, ვერ შედგებიან როგორც პარტიები.

ამ პროცესში არც კარგია რაიმე და არც ცუდი, ესაა ბუნებრივი.

ცუდს ვხედავ იმაში, როცა არსებული კოალიცია არ ეგუება უმრავლესობის დაკარგვას და არ ესმის, რომ დემოკრატიულ წყობაში, უმრავლესობა  საკითხების ირგვლივ იქმნება.

მათ კი, იმის გამო, რომ არ დაკარგონ უმრავლესობა, კოალიციაში  "ნაციონალური მოძრაობის" ყოფილი დეპუტატები შეიყვანეს.  ესაა მახინჯი ფორმა, რომელიც ამ "ნაციონალური მოძრაობის" ყოფილ წევრებს ბერკეტებს აძლევს,  რადგან რეალურად, ეს უმრავლესობა  მათი მძევალი ხდება. რა დონის ნდობა უნდა გქონდეს ამ ჯგუფის, რომ მას ჩააბარო შენი ყოფნა-არყოფნის საკითხი?!  უარს ეუბნები გუშინდელ მოკავშირეს, ალასანიას და არჩევ მუდმივი კავშირი  ყოფილ "ნაციონალებთან" გქონდეს. ეს მძიმე გზავნილია დემოკრატიისთვის.

_ ინსტიტუციების სისუსტე ახსენეთ, ამაზე არაერთხელ გაგისვამთ ხაზი... კონკრეტულად რას გულისხმობთ და როგორ ფიქრობთ, შეგნებულად ხდება სხვადასხვა უწყებების "ჩაძირვა"?

_ რთულია ჯერ ამაზე რაიმე დასკვნის გამოტანა, მაგრამ ფაქტია, რომ ინსტიტუციები ნელ-ნელა სუსტდება.

თუნდაც პრეზიდენტის ინსტიტუტი. ჩვენ არ ვართ საპარლამენტო რესპუბლიკაში. ვიღაცეები ამას ამბობენ, მაგრამ არასწორია, კონსტიტუციით შერეული ტიპის სახელმწიფო ვართ, სადაც ჯერ კიდევ საპრეზიდენტო ინსტიტუტს აქვს ძალიან სერიოზული წონა და პრეროგატივები, რადგან ის ხალხის არჩეულია.

იმ ქვეყნებში, რომლებზეც არის აპელირება, პრეზიდენტი ხალხის არჩეული არაა. ამიტომ, არ ატარებს იმ ლეგიტიმურობას და იმ წონას, როგორც ჩვენთან.

როცა ინსტიტუციების შესუსტებაზე ვსაუბრობ, ვგულისხმობ ალასანიას თემასაც, ჩვენი ქვეყნისთვის ამ პოსტს  უფრო მეტი დატვირთვა აქვს, რადგან გარკვეული საფრთხეების წინაშე ვართ. თუ აუცილებლობა იყო გამოძიებას, სხვაგვარად უნდა მომხდარიყო, რომ საჯარო აჟიოტაჟი არ გამოეწვია.

იგივე პარლამენტი. არ ვიცი განგებ კეთდება თუ არა, მაგრამ საზოგადოებისთვის ცნობილი ხდება ისეთი უაზრო საკითხები, როგორიცაა ჰიმნის მოსმენისას ქუდის მოხდა-არმოხდა. ამდენად, პარლამენტიც დისკრედიტირებულია.

_ ახალბედა არასამთავრობო ორგანიზაციების მხრიდან არაერთხელ გაკეთებულა განცხადება, რომ "ნაციონალური მოძრაობა" ცდილობს დესტაბილიზაციის შემოტანას და ქვეყანაში ისეთი მდგომარეობის შექმნას, როგორიც მაგალითად იგივე ინსტიტუციების დასუსტებაა...

_  "ნაციონალურ მოძრაობას" პიარის ბერკეტები გააჩნიათ, რასაც სამწუხაროდ ხელისუფლება  ვერ დაეუფლა. ნაცმოძრაობას რომ ეს ბერკეტი გააჩნია და შეუძლია შექმნას ისეთი საკითხები, რომლებიც  შემდეგ სადაო ხდება, ეს ფაქტია.

რამდენად აქვთ მათ ქვეყანაში სერიოზული წონა, ამის მაჩვენებელი იყო 15 ნოემბრის დემონსტრაცია, რაზეც ვერ ვიტყვით, რომ შთამბეჭდავი იყო, ალბათ, რასაც ელოდნენ ის არ იყო.

არ მჯერა, რომ საქართველოში ახლო მომავალში მათ რეალური მომავალი ჰქონდეთ არჩევნების  ან არეულობის შემოტანის კუთხით.

თუმცა, ისინი ჯერ კიდევ რჩებიან როგორც ერთ-ერთი პოლიტიკური ძალა. ამაზე პასუხისმგებლობა თვითონ ხელისუფლებას ეკისრება, რადგან  "ნაციონალურ მოძრობას" ოპოზიციური ნიშა შეუნარჩუნა. ვფიქრობ, ეს იმიტომ, რომ ხელისუფლებისთვის კომფორტულია როცა მათი მთავარი ოპოზიცია დისკრედიტირებულია და  მომავალი არც ისე ადვილად არ ესახება.

_ პრეზიდენტს, თავდაცვის ყოფილ მინისტრს თუ საპარლამენტო უმცირესობას, არაერთხელ უთქვამთ, რომ ქვეყანა კულისებიდან იმართება. როგორ ფიქრობთ  სადაა ეს კულისები?

_ მე არ ვიცი სადაა კულისები, იქნებ მთავრობაა კულისები და რეალური ხელისუფლება სხვაგანაა. ფაქტია, რომ დღეს ესეცაა იმ ნიშნებს შორის, რომელიც არშემდგარ სახელმწიფოზე მიუთითებს.

_ ოკუპირებულ აფხაზეთსა და რუსეთს შორის  ე.წ. სამოკავშირეო ხელშეკრულება გაფორმდა. ჰქონდა თუ არა საქართველოს შანსი, ეს აეცილებინა და რა არ გააკეთა ქვეყანამ ამისთვის?

_ ამით არც არაფერი მომხდარა, რატომ ვაქცევთ ასეთ დიდ ყურადღებას იმას, რაც ჩვეულებრივი პროვოკაციული ნაბიჯია?! ეს რომ სიმბოლურად გასაპროტესტებელია გასაგებია, არ შეიძლება სრულიად ურეაქციოდ დავტოვოთ, მაგრამ რეალურად არაფერი მომხდარა ისეთი, რაც ადრე არ ხდებოდა.

აფხაზეთის სამხედრო ძალები, რამდენიმე ხანია უკვე სრულიად რუსეთის მიერაა დაკომპლექტებული. არ არსებობს აფხაზეთის ჯარი, არსებობს რუსეთის ჯარი აფხაზეთში, ასე რომ, ამაზე მეტი ინტეგრაცია რა უნდა მოხდეს?

ესაა რუსეთისგან საქართველოს მიერ ასოცირებაზე ხელის მოწერის პასუხი.

საერთაშორისო დონეზე  და ჩვენს პარტნიორებს უნდა გავაგებინოთ, რომ ესაა რუსეთის პოლიტიკის კიდევ ერთი ნაწილი და ამას მიხედონ. მათ უნდა მიაქციონ ყურადღება. იყვნენ ფხიზლად, მაგრამ ქვეყნის შიგნით, ამაზე ახალი ვნებათაღელვა არაა საჭირო.

_ როგორც ყოფილი საგარეო საქმეთა მინისტრი, როგორ ფიქრობთ, შესუსტებულია საქართველოს როლი მსოფლიო ასპარეზზე?

_ საერთოდ რაც კოალიცია მოვიდა ხელისუფლებაში, ვიტყოდი რომ როგორც შიგნითაა სახელმწიფოებრიობის კუთხით დასუსტების ნიშნები, ასევეა, საგარეო პოლიტიკის კუთხითაც. საქართველოს გაქრობის ნიშნებია საერთაშორისო არეალიდან, რადგან  ჩვენი საკითხი  აქტიურად არ არის წარდგენილი.

სააკაშვილის დროს, შეიძლება ითქვას, რომ ზემდეგად აქტიურად, პროვოკაციული იყო უფრო და ამითი ვარსებობდით, ახლა პირიქითაა. ჩვენ ყველაფერზე ძალიან ჩუმად ვართ. საქართველო არ ატარებს არცერთ დროშას და მისი ადგილი ნელნელა ცარიელდება.

იმდენი კრიზისია მსოფლიოში, რომ თუ ჩვენ, ჩვენი სათქმელი არ ვთქვით, არავის  სცალია იმისთვის დაჯდეს და საქართველოზე იფიქროს.

ძნელი სათქმელია ეს რის გამო ხდება. ალბათ  გამოუცდელი კადრების გამო და ასევე,  არ არის პოლიტიკური ნება და ხედვა, ხელოვნურად კი  ყველაფერზე რაღაცას ვერ წამოიძახებ.




 ახალი ამბები
  • ევროკავშირის ელჩი კარლ ჰარცელი გურიაში სოფელ ნაგომარს ეწვიადღეს, 12 ოქტომბერს,  ოზურგეთის მუნიციპალიტეტის სოფელ ნაგომარს ევროკავშირის ელჩი საქართველოში,  კარლ ჰარცელი მხარის  რწმუნeბულთან, ზურაბ ნასარაიასთან და ხელისუფლების სხვა წარმომადგენლებთან ერთად ეწვია. აქ ელჩმა მოინახულა კოოპერატივი „ნაგომარი“ და მის დაქვემდებარებაში მყოფი პლანტაციები, რომელიც ევროკავშირის დახმარებით  გაშენდა. _ ჩვენი კოოპერატივი 2015 წელს შევქმენით. იმდენად რთული იყო ეს ყველაფერი, რომ ვიხსენებ, ხშირად მიჩნდება კითხვა _ დღეს რომ ვიწყებდე ყველაფერს თავიდან, ნეტა, თუ გავრისკავდით,-მეთქი. ისე კი, ნულიდან კი არა, ნულს ქვემოდან დავიწყეთ ყველაფერი და თავდაუზოგავმა შრომამ, უდიდესმა დახმარებამ, რაც ევროკავშირმა გაგვიწია, შედეგი გამოიღო და საუკეთესო შედეგი მივიღეთ. ახლა უკვე მხოლოდ წინსვლასა და წარმატებაზე ვფიქრობთ, _ გვითხრა კოოპერატივ „ნაგომარის“ ხელმძღვანელმა ნანა ყირმელაშვილმა. კოოპერატივი ნაგომარს  ENPARD-ის  პროგრამის  ფარგლებში შეძენილი ჩაის გადამუშავებისთვის საჭირო დანადგარები გააჩნია, რის  მეშვეობითაც მოახდინა 12 ჰა  ჩაის პლანტაციის რეაბილტაცია. სულ კი, როგორც ნანა ყირმელაშვილმა გვითხრა, 25 ჰა ჩაის პლანტაციას ფლობენ, რომელიც უკვე რეაბილიტირებულია. მათ 75 ადამიანი დაასაქმეს.  დღეისთვის აქ 15 ტონა ჩაის ფოთოლს კრეფენ. სამომავლოდ კი მეტ წარმატებას ელიან და სურთ, კიდევ უფრო გააფართოვონ და გაზარდონ ჩაის პლანტაციიების რაოდენობა. _ კოოპრატივი „ნაგომარი“ ჩვენი 17 პარტნიორი კოოპერატივიდან ერთ-ერთი საუკეთესოა. აქ ჩანს, რამდენი ენერგიადა შრომა არის ჩადებული. ვიმედოვნებ, რომ  აქ დამზადებული ჩაი საერთაშორისო ბაზრებზე გავა“, _ თქვა ევროკავშირის ელჩმა კარლ ... ...
  • გურიის რომელ მუნიციპალიტეტს რა თანხა ერგება დღგ-დანდამდეგი 2020 წლის ქვეყნის მთავარი საფინანსო დოკუმენტის პროექტში, რომელიც პარლამენტში განხილვის სტადიაშია, სხვა პარამეტრებთან ერთად ისიცაა განსაზღვრული, თუ რომელი მუნიციპალიტეტი რა თანხას მიიღებს დღგ-ის 19%-იდან, რომლითაც ცენტრალური ბიუჯეტიდან ადგილობრივი თვითმმართველობები  მეორე წელია ფინანსდებიან. ცნობისთვის, მთავრობამ ადგილობრივი თვითმმართველობის დაფინანსების წესი, ფისკალური დეცენტრალიზაციის მოტივით, შარშან შეცვალა და გააუქმა გათანაბრებითი ტრანსფერი, საშემოსავლო გადასახადი სრულად ცენტრალურ ბიუჯეტში მიმართა, ხოლო თვითმმართველობებს დღგ-ის სახით მიღებული შემოსავლების 19%-ის განაწილება დაუდგინა. როგორც ირკვევა მიმდინარე წლის მსგავსად, 2020-შიც გურიის სამი მუნიციპალიტეტიდან ყველაზე მეტი თანხა კვლავინდებურად  ოზურგეთს ერგება. მისი დაფინანსების წილი 1.41%-დან 1.45%-მდე გაიზრდება. შესაბამისად, თითქმის მილიონნახევრით გაიზრდება თანხაც. თუ წელს დღგ-ის 19%-იდან ოზურგეთის მუნიციპალიტეტს 13 313.8 ათასი ლარი ერგო, გაისად ეს თანხა 14 771.6 ათასი ლარი იქნება. ნახევარი მილიონით გაიზრდება  ლანჩხუთის მუნიციპალიტეტის დაფინანსებაც, მიუხედავად იმისა, რომ თავად დაფინანსების პროცენტი კვლავ 0.74 დარჩება. თუ წელს ამ მუნიციპალიტეტს დღგ-ის 19%-იდან 6 980.8 ათასი ლარი ჰქონდა, 2020-ში ეს თანხა 7 496.4 ათას ლარამდე გაიზრდება. რაც შეეხება ჩოხატაურის მუნიციპალიტეტს, 2020 წელს გაიზრდება როგორც მისი დაფინანსების პროცენტი _ 0.32-დან 0.37%-მდე, ისე თავად თანხაც, რომელიც წლევანდელს 755 ათასით აჭარბებს. წელს ამ მუნიციპალიტეტს დღგ-ის 19%-დან 3 021.8 ათასი ლარი ერგო, გაისად კი 3 777.2 ათას ლარს მიიღებს. ჯამში, 2020 წელს მუნიციპალიტეტების მიერ დღგ-ის 19%-იდან მისაღები შემოსავლები 1 016.5 მლნ ლარის ოდენობით არის პროგნოზირებული, რაც, წლევანდელთან შედარებით, თითქმის 70 მილიონით მეტია. დღგ-ის 19%-ის განაწილება მუნიციპალიტეტებზე საქართველოს საბიუჯეტო კოდექსით დადგენილი წესით ... ...
  • „ვითხოვთ სივრცის დაბრუნებას“_ რა ხდება ვარკეთილში „ანას ბაღთან“ვარკეთილის ზემო პლატოს მეორე მიკრორაიონის მაცხოვრებლები 11 სართულიანი საცხოვრებელი კორპუსის მშენებლობას აპროტესტებენ. ადგილობრივი მოსახლეობა ამბობს, რომ ახალი კორპუსის აშენების შემთხვევაში დაუცველი იქნება უსაფრთხოების ნორმები, რადგან სახანძროსა და სასწრაფოს მათ კორპუსამდე მისვლა გაუჭირდება. აღნიშნულ საკითხთან დაკავშირებით ვარკეთილის ზემო პლატოს მეორე მიკრორაიონის 22-ე კორპუსის წინ მდებარე პატარა სკვერში „ანას ბაღში“ ადგილობრივ მოსახლეობასა და თბილისის მერის მოადგილე ილია ელოშვილს შორის შეხვედრა შედგა. ცნობისთვის, ბაღი რამდენიმე წლის წინ ტრაგიკულად დაღუპული მოზარდის სახელს ატარებს, რის გამოც, ადგილობრივი მოსახლეობისთვის კიდევ უფრო მეტად არის მნიშვნელოვანი. სამი წლის წინ თბილისის მერიამ ზემო პლატოს მეორე მიკრორაიონის 21-ე და 22-ე კორპუსების ეზო გაასხვისა, გაიცა მშენებლობის ნებართვაც, რასად ადგილობრივი მოსახლეობის მხრიდან პროტესტი მიოჰყვა. როგორც ადგილობრივი მოსახლეობა ამბობს, სამშენებლო კომპანიას 11 სართულიანი კორპუსის მშენებლობის დაწყების საშუალება სამი წელია არ აძლევენ. „ვითხოვთ იმ სივრცის დაბრუნებას, სადაც ჩვენი შვილები თამაშობდნენ, სწავლობდნენ ველოსიპედის, სკეიტბორდის და გორგოლაჭების მართვას. როგორც ადგილობრივი მაცხოვრებელი ნუგზარი „გურია ნიუსს“ უყვება, აღნიშნული შეხვედრის მიზანია, რომ დაინახოს თვითმმართველობამ თუ რაოდენ შემაშფოთებელია იქ მაცხოვრებლებისთვის  ქალაქის ეკოლოგიური საკითხები და რამდენად მნიშვნელოვანია სივრცეები მათი შვილებისთვის, ბავშვების ჯანსაღ, მწვანე გარემოში გაზრდისთვის და არა ბეტონის ჯუნგლებში, რადაც ნელ-ნელა იქცა თბილისი. „დღევანდელ ქალაქს, ჩვენს თბილისს ძალიან უჭირს. ყველამ იცის ცენტრალურ უბნებში რა პრობლემებიცაა, მაგრამ იგივე კეთდება და ამ პრობლემის გადაჭრა არავის სურს. ცენტრში გამოილია ცარიელი ადგილი და გადმოვიდნენ გარეუბანში, სადაც ასე თუ ისე თავისუფალი ადგილი მოიძებნება. აქ უნდათ მშენებლობის დაწყება. აქ თუ დავუშვებთ ამ კორპუსის აშენებას ამ შენობას მოჰყვება 5 შენობა, რაც იქნება იგივე გამეორება რაც გვაქვს ქალაქის ცენტრში. არა ჰაერი, არა სკვერი, არა პარკინგი და ჯოჯოხეთი ასე რომ ვთქვათ პირდაპირი გაგებით. გვინდა რომ ჩვენს ბავშვებს ჰქონდეთ ჰაერი, სუფთა გარემო, ამ მოედანზე ბავშვები თამაშობდნენ და გვინდა გაკეთდეს სკვერი, ახლა შეზღუდულია. აქ რომ ეს შენობა აშენდება არ ექნება თავის ეზო და აქედან გამომდინარე ჩვენი პატარა სკვერი, რომელიც მშენებლობის დროს დაინგრევა, გახდება ახალი კორპუსის ეზო“,_ ამბობს ის. როგორც დედაქალაქის მერის მოადგილემ ვარკეთილის ზემო პლატოს მეორე მიკრორაიონის მაცხოვრებლებთან შეხვედრისას აღნიშნა, პრობლემის მოსაგვარებლად გამოსავლის პოვნას ინვესტორთან გასაუბრებით აპირებს, რის შემდეგაც, ადგილობრივ მოსახლეობას ისევ შეხვდება. „დღეს ჩემი მხრიდან რაიმე სახის გადაწყვეტილების მიღება არასერიოზული იქნება. მთავარია ვიპოვოთ კომპრომისი, რომელიც არ აგრძნობინებს ინვესტორს, რომ კინწისკვრით გააგდეს და არც თქვენ არ გაგრძნობინებთ, რომ თქვენი უფლებები არავის დააინტერესა“,_ თქვა ელოშვილმა. ცნობისთვის, დედაქალაქის მერს აქტივისტები პლაკატით „კახი გადაგვირჩინე ანას ბაღი“, რამდენიმე დღის წინ ორბელიანის მოედანზე დახვდნენ. როგორც კალაძემ მაშინ განაცხადა, ნებართვა 2016 წელს არის რომელიც მერიამ უკვე შეისწავლა. „ჩემი დაპირება იყო, რომ სკვერებში, სპორტული მოედნების ადგილზე არანაირი მშენებლობა არ განხორციელდებოდა. შევისწავლეთ ეს კონკრეტული თემა და მას სკვერთან არანაირი კავშირი არ აქვს",- განაცხადა კალაძემ. შეგახსენებთ, რომ დედაქალაქის მერიამ აღნიშნული კორპუსის მშენებლობის გაბათილების შესახებ გადაწყვეტილება გასულ წელს მიიღო, რადგან პროექტს გააჩნდა პრობლემა პარკირების ნაწილში, ასევე სახანძრო უსაფრთხოებასთან მიმართებაში არ იყო შესაბამისობა დადასტურებული, თუმცა, მოსახლეობისთვის პრობლემა ისევ პრობლემად რჩება. ადგილობრივი მოსახლეობა ითხოვს, რომ მერიამ ინვესტორს ადგილის გაცვლა შესთავაზოს და  ამბობს, რომ თუ პრობლემა ამ შეხვედრის შემდეგ არ მოგვარდება, პროტესტს  გზის გადაკეტვით გამოხატავს. კორპუსის მშენებლობას „ევროპული სამშენებლო ჰოლდინგი“ ... ...
  • რას ითხოვს „ადამიანის უფლებათა ცენტრი“ პროკურატურისგან„ადამიანის უფლებათა ცენტრი“ პროკურატურისგან 20 ივნისის ღამეს თბილისში, რუსთაველის გამზირზე პოლიციის მხრიდან ძალის გადამეტებით საპროტესტო აქციის დარბევისას დაშავებული ჟურნალისტების დაზარალებულად ცნობას მოითხოვს. როგორც ცნობილია, 20 ივნისის ღამეს 38 ჟურნალისტი დაშავდა, რომელთაგან 4-ს სამართლებრივ დახმარებას „ადამიანის უფლებათა ცენტრი“ უწევს. ამ 4 ჟურნალისტს შორი არის „გურია ნიუსის“ ჟურნალისტი, მერაბ ცაავა. „მათ აქციის დარბევისას მიიღეს სხეულის სხვადასხვა სახის დაზიანება, რა დროსაც საჭირო გახდა სასწრაფო სამედიცინო დახმარების ჩარევა. ბესლან კმუზოვს 6 ტყვია მოხვდა, აქედან ერთი თავის არეში, მერაბ ცაავას კი რეზინის ტყვიების შედეგად დაუზიანდა ხელი და ასჭირო გახდა ქირურგიული ჩარევა. აქციის დროს ასევე დაშავდნენ ჟურნალისტები: ვახტანგ ბერიკაშვილი და ზაზა სვანაძე. ვახტანგ ბერიკაშვილმა მიიღო მნიშვნელოვანი დაზიანება, სპეცრაზმელების ნასროლი ე.წ. პლასტმასისა და კაუჩუკის შემცველი გაურკვეველი წარმოების ტყვიებისგან, რის გამოც იგი სასწრაფო სამედიცინო სამსახურმა საავადმყოფოში გადაიყვანა. ბერიკაშვილის სხეულიდან ამოღებული ტყვია საქმეს ნივთმტკიცების სახით ერთვის. ამ ტყვიის ფოტოსურათი არაერთხელ გავრცელდა სოციალურ მედიაში და სამოქალაქო საზოგადოების შეშფოთება გამოიწვია. აქციის ძალისმიერი დაშლის დროს ზაზა სვანაძემ სპეცრაზმელების მიერ ნასროლი ტყვიებისგან არაერთი დაზიანება მიიღო, რის გამოც ის საავადმყოფოში გადაიყვანეს. აქციის დარბევისას დაზარალებული ჟურნალისტები მოწმის სახით საქართველოს გენერალურ პროკურატურაში გამოკითხეს“,_  აცხადებენ იურისტები. როგორც „გურია ნიუსის“ ჟურნალისტი, მერაბ ცაავა იხსენებს, დაზიანების მიღების შემდეგ პოლიცია ხელს უშლიდა სასწრაფო სამედიცინო დახმარების მანქანამდე მისვლაში პოლიციაც და სპეცრაზმიც ხელს უშლიდა. პროკურატურაში გამოკითხვაზე მისულს კი  სთხოვდნენ გაეხსენებინა სად იდგა როცა ტყვია მოხვდა, ხომ არ შეეძლო გაეხსენებინა რომელიმე სპეცრაზმელი რომელმაც ისროლა ან ხომ არ დაუნახავს პოლიციელი, რომელიც გასროლის შედეგად დაზარალდა. „ხალხისგან მოშორებით ვიდექი, კადრები გადავიღე და გადავაგზავნე რედაქციაში, რა დროსაც რეზინის ტყვია მომხვდა. რეზინის ტყვია ჯერ ხელზე მომხვდა, მერე ტელეფონმა აისხლიტა და გულმკერდის არეში მომხვდა. მაგ დროს მედიის წარმომადგენლებს გამიზნულად ესროდნენ. ჩემთან ერთად, კიდევ ერთი ჟურნალისტი იყო, ისიც დაშავდა, ორივენი მოშორებით ვიდექით და ისე ვიღებდით. დაზიანების მიღების შემდეგ სპეცრაზმი ხელს მიშლიდა სასწრაფო სამედიცინო დახმარების მანქანამდე მისვლაში. პროკურატურაში ძირითადად აინტერესებდათ ვნახე თუ არა რომელიმე პოლიციელი რომელიც სროლის შედეგად დაზარალდა ან ხომ არ დავინახე სპეცრაზმელები, რომლებიც ისროდნენ. ბოლოს კი მითხრეს, რომ დამიკავშირდებოდნენ, თუმცა, ჯერ არავინ დამკავშირებია. ვითხოვთ, რომ ვიქნეთ დაზარალებულად ცნობილები და მოხდეს ამ საქმის სრულყოფილად გამოძიება“,_ ამბობს ცაავა. აღსანიშნავია, რომ ივლისში „ადამიანის უფლებათა ცენტრმა“ გენერალურ პროკურატურას განცხადებით მიმართა გატარებული საგამოძიებო მოქმედებების შესახებ ინფორმაციის მიღების მიზნით. ორგანიზიციამ ასევე მოითხოვა მათი დაზარალებულად ცნობა მიმდინარე სისხლის სამართლის საქმეზე. „ჟურნალისტებისთვის პროფესიულ საქმიანობაში ხელის შეშლის ფაქტზე გამოძიება უნდა დაწყებულიყო სისხლის სამართლის კოდექსის 154-ე მუხლით, რაც გულისხმობს ჟურნალისტური საქმიანობისთვის ხელის შეშლას, მაგრამ გენერალური პროკურატურის პასუხის თანახმად, სისხლის სამართლის საქმეზე მიმდინარეობს გამოძიება, რომელიც დაწყებულია სსკ-ის 333-ე მუხლის მე-3 ნაწილის „ბ“ ქვეპუნქტით, რაც გულისხმობს მოხელის მიერ სამსახურეობრივი უფლებამოსილების გადამეტებას, ძალადობით ან იარაღის შესაძლო გამოყენების ფაქტზე“,_ ამბობენ იურისტები. „ადამიანის უფლებათა ცენტრის“ ინფორმაციით, გენერალური პროკურატურის მიერ დაზარალებულად ცნობილია 67 პოლიციელი და 4 დემოსნტრანტი. მათ შორის დაზარალებულის სტატუსი დღემდე არ აქვს მინიჭებული მოქალაქეებს, რომლებმაც მძიმე დაზიანება მიიღეს გაურკვეველი წარმოების ტყვიებისგან. შესაბამისად საზოგადოებას უჩნდება სამართლიანი განცდა, რომ მიმდინარე გამოძიება მიკერძოებული და არაობიექტურია და არ არსებობს შესაბამისი პოლიტიკური ნება პროცესების სამართლებრივ რეჟიმში წარმართვისათვის.  ... ...
  • თამარ ჩუგოშვილი: არც ერთ კანდიდატს არ მოქცევია ოპოზიცია ისე, როგორც შალვა თადუმაძეს მოექცაუზენაესი სასამართლოს მოსამართლეობის კანდიდატების მხარდაჭერაზე ჩემი გადაწყვეტილება დამოკიდებული იქნება იმაზე, როგორ გაივლიან კანდიდატები გასაუბრებას და რა შთაბეჭდილება დამრჩება თითოეულზე, – ამის შესახებ საქართველოს პარლამენტის პირველმა ვიცე-სპიკერმა, თამარ ჩუგოშვილმა განაცხადა. მისი თქმით, ჯერ არ აქვს გადაწყვეტილი, რომელ კანდიდატს დაუჭერს მხარს. ჩუგოშვილის შეფასებით, გენერალურ პროკურორ, უზენაესი სასამართლოს მოსამართლეობის კანდიდატ შალვა თადუმაძის მიმართ არაეთიკური შეტევა განხორციელდა. „რაც შეეხება შალვა თადუმაძესთან დაკავშირებით, რამ გამოიწვია უმრავლესობის პროტესტი და პროცესში ჩართულობა, ამას ერთადერთი ახსნა აქვს. იმდენად დიდი პოლიტიკური და არაეთიკური შეტევა იყო, ეს ძალიან კარგად ჩანდა, არც ერთ კანდიდატს არ მოქცევია ოპოზიცია ისე, როგორც მოექცა შალვა თადუმაძეს. ამ თვალსაზრისით მასზე პირდაპირ პოლიტიკური შეტევა ჩანდა. ალბათ, ამან გამოიწვია ის, რომ მამუკა მდინარაძემ და სხვებმა გააკეთეს აქცენტი თემებზე, რომელიც კომიტეტზე გაჟღერდა“, – განაცხადა პირველმა ვიცე-სპიკერმა. მისი თქმით, ამ ეტაპზე, შეუძლებელი თქმა, ვინ გახდება უზენაესი სასამართლოს მოსამართლე. „ვინ გახდება უზენაესის წევრი, ამის თქმა შეუძლებელია. არის რამდენიმე კანდიდატი, რომელმაც საკმაოდ კარგად გაიარა გასაუბრება. არიან სხვები, რომლებზეც კითხვებია, მაგრამ ზუსტად ვის დავუჭერთ მხარს, ეს გვეცოდინება მხოლოდ მაშინ, როდესაც კენჭისყრაზე დადგება საკითხი“, – აღნიშნა თამარ ჩუგოშვილმა. ... ...

არქივი

ზაფრანი

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...

მკურნალი ყველი

რამდენი თვის წინ დანიელმა მეცნიერებმა...

კივის დიეტა

საუზმე მოამზადეთ სალათი, მწვანე ხახვით,...

ჩვილი ბავშვების საოცარი თვისებები

ჩვილები არ ტირიან სინამდვილეში ჩვილები...

ყურძნის კურკის სამკურნალო თვისებები

ყურძნის კურკებში დიდი რაოდენობით E...

რატომ უნდა ვსვათ სტაფილოს წვენი?

ძირითადი მიზეზი, რატომ ითვლება სტაფილო...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...