შემოსავლების სამსახურის მივლინებები, პრემიები და წარმომადგენლობითი ხარჯები

მთავარი თემა

შემოსავლების სამსახურის მივლინებები, პრემიები და წარმომადგენლობითი ხარჯები

5 იან. 2015, 20:55:56

2012 წლის განმავლობაში ქვეყნის გარეთ მივლინებებზე შემოსავლების სამსახურის მიერ გახარჯულია 587.0 ათასი ლარი. ხარჯები გაწეულია მთლიანად საკუთარი შემოსავლებიდან. მივლინებებთან დაკავშირებით გამოცემულია 205 ბრძანება, რომელთა საფუძველზეც გაწეულია საკასო ხარჯი.

აუდიტის სახელმწიფო სამსახურის დასკვნაში აღნიშნულია, რომ  60 შემთხვევაში წარმოდგენილი იქნა მივლინების საფუძვლები (მიწვევები სხვადასხვა ქვეყნებიდან და საერთაშორისო ორგანიზაციებიდან). 145 შემთხვევაში, რომლის შესაბამისი ხარჯი შეადგენს 415.8 ათას ლარს (მთლიანი ხარჯის 70%) მივლინების საფუძვლები წარმოდგენილი ვერ იქნა.

2013 წლის განმავლობაში ქვეყნის გარეთ მივლინებებზე გახარჯულია 292.5 ათასი ლარი (ასევე მთლიანად საკუთარი შემოსავლებიდან). მივლინებებთან დაკავშირებით გამოცემულია 113 ბრძანება, რომელთა საფუძველზეც გაწეულია საკასო ხარჯი. მათ შორის 46 შემთხვევაში წარმოდგენილი იქნა მივლინების საფუძვლები. 67 შემთხვევაში, რომლის შესაბამისი ხარჯი შეადგენს 175.9 ათას ლარს (60%) მივლინების საფუძვლები წარმოდგენილი ვერ იქნა.

იმ მივლინებების კანონიერების შემოწმებით, რომლებზეც წარმოდგენილი იქნა მივლინების საფუძვლები გაირკვა, რომ რიგ შემთხვევებში ადგილი ჰქონდა თანხების ზედმეტად ანაზღაურებას კანონმდებლობით დადგენილ ზღვრულ გასაცემ ნორმებთან შედარებით (რომელიც პრაქტიკაში მიღებულად ითვლებოდა და იყენებდა ყველა საბიუჯეტო ორგანიზაცია, მათ შორის სსიპ-ები, მიუხედავად იმისა პირდაპირ ავალდებულებდა თუ არა ამას ეს ნორმა). აღნიშნული გამოწვეული იყო სხვადასხვა გარემოებებით.

კერძოდ: - რიგ შემთხვევებში მიწვევებში დაფიქსირებულია, რომ მიმწვევი მხარე ანაზღაურებდა კვების ხარჯებს. მიუხედავად ამისა მოხსენებით ბარათებში (რომელთა საფუძველზეც გამოიცემოდა ბრძანებები მივლინებებთან დაკავშირებით) ეს დაფიქსირებული არ არის. შედეგად მივლინების სადღეღამისო ხარჯები ანაზღაურებულია სრულად, ნაცვლად კანონმდებლობით განსაზღვრული 30%-ისა;

რიგ შემთხვევებში ბრძანებებით დაფიქსირებული მივლინების ვადები არ ემთხვევა (რამდენიმე დღით აღემატება) მიწვევებში დაფიქსირებულ უცხოეთში დასასწრებ ღონისძიებების ვადებს;

ცალკეულ შემთხვევებში თანამდებობის პირებისთვის ანაზღაურებულია სასტუმროს ნომრის ღირებულება ნორმებით განსაზღვრულზე მეტი ოდენობით ისე, რომ წარმოდგენილი არ არის ხარჯის დამადასტურებელი დოკუმენტები.

მაგალითად:  საქართველოს პრეზიდენტის 2005 წლის 20 აპრილის N231 ბრძანებულებით დამტკიცებული „მოსამსახურეთათვის სამსახურებრივი მივლინების ხარჯების ანაზღაურების წესის“ მე-11 პუნქტის და საქართველოს ფინანსთა მინისტრის 2005 წლის 5 აპრილის N220 ბრძანების (დაქირავებულისთვის გადახდილი სამივლინებო ხარჯების ნორმების განსაზღვრის შესახებ) მე-4 პუნქტის მიხედვით. 

შემოსავლების სამსახურის უფროსის მოადგილის 2012 წლის 3 იანვრის Nმ-04 ბრძანებით შემოსავლების სამსახურის ორი თანამშრომელი 2012 წლის 11-13 იანვარს მივლინებული იქნა ქ. ბუდაპეშტში საგადასახადო ადმინისტრაციების შიდაევროპული ორგანიზაციის (IOTA) ორგანიზებით მოწყობილ სემინარში მონაწილეობის მისაღებად. მიწვევის წერილის შესაბამისად მიმწვევი მხარე უზრუნველყოფდა საცხოვრებლის და კვების ხარჯებს. საერთაშორისო ურთიერთობათა დეპარტამენტის უფროსის მოხსენებით ბარათში დაფიქსირებულია მხოლოდ მიმწვევი მხარის მიერ საცხოვრებლის ანაზღაურების პირობა. შედეგად სადღეღამისო ხარჯები ანაზღაურებულია სრულად, ნაცვლად 30%-ისა. ზედმეტად ანაზღაურებულია ორივე თანამშრომელზე ჯამურად 252 ლარი.

შემოსავლების სამსახურის უფროსის 2012 წლის 28 ივნისის Nმ-1069 ბრძანებით შემოსავლების სამსახურის სამი თანამშრომელი მივლინებული იქნა ქ. ოსლოში საგადასახადო ადმინისტრაციების შიდაევროპული ორგანიზაციის (IOTA) ორგანიზებით მოწყობილ რიგით მე-16 გენერალურ ასამბლეაზე. ღონისძიება გაიმართა 2012 წლის 5-6 ივლისს. საერთაშორისო ურთიერთობათა დეპარტამენტის უფროსის მოადგილის მოხსენებით ბარათში და ბრძანებაში დაფიქსირებულია მივლინების ვადები (ერთი თანამშრომლისთვის 2-8 ივლისი, ხოლო დანარჩენი ორისთვის 4-7 ივლისი), რომლებიც არ შეესაბამება მიწვევაში დაფიქსირებულ ღონისძიების ვადებს. გარდა ამისა მიმწვევი მხარე უზრუნველყოფდა კვების ხარჯებს, რაც არ არის დაფიქსირებული მოხსენებით ბარათში.
შედეგად ზედმეტად ანაზღაურებულია სამივე თანამშრომელზე ჯამურად 922 ლარი.

შემოსავლების სამსახურის უფროსის მოადგილის 2012 წლის 17 თებერვლის Nმ-221 ბრძანებით შემოსავლების სამსახურის სამი თანამშრომელი 2012 წლის 4-11 მარტს მივლინებული იქნა მალაიზიაში მსოფლიო საბაჟო ორგანიზაციის რიგით მე-3 ფორუმზე მონაწილეობის მისაღებად. ერთ–ერთ თანამშრომელს აუნაზღაურდა სასტუმროს ღირებულება ნორმებით განსაზღვრულზე 283 ლარით მეტი ოდენობით. წარმოდგენილი არ არის ფაქტობრივი ხარჯის დამადასტურებელი დოკუმენტი (რასაც გამონაკლისის სახით აღნიშნულ შემთხვევაში ითვალისწინებს ზემოაღნიშნული კანონმდებლობა).

შემოსავლების სამსახურის უფროსის 2013 წლის 1 თებერვლისის Nმ–201 ბრძანებით სამსახურის ერთი თანამშრომელი მივლინებული იქნა საფრანგეთში. მიწვევის წერილის შესაბამისად მიმწვევი მხარე ანაზღაურებდა კვების ხარჯებს. სადღეღამისო ხარჯები ანაზღაურებულია სრულად, ნაცვლად 30%-ისა. ზედმეტად ანაზღაურებულია 340 ლარი.

ასევე, შემოსავლების სამსახურის უფროსის 2013 წლის 13 მაისის Nმ–965 ბრძანებით სამსახურის ერთი თანამშრომელი მივლინებული იქნა ქ. ბრიუსელში. მიწვევის წერილის შესაბამისად მიმწვევი მხარე ანაზღაურებდა კვების ხარჯებს. სადღეღამისო ხარჯები ანაზღაურებულია სრულად, ნაცვლად 30%-ისა. ზედმეტად ანაზღაურებულია 283 ლარი.

იმ მიწვევების შემოწმებით, რომლებიც წარმოდგენილი იქნა, დადგინდა, რომ ზემოაღნიშნული სახის დარღვევებით 2012 წლის განმავლობაში ქვეყნის გარეთ მივლინებებზე ზედმეტად გაცემულია ჯამურად 8.4 ათასი ლარი. 2013 წლის განმავლობაში კი - 7.6 ათასი ლარი. აუდიტის პერიოდში ზედმეტად გაცემულია ჯამურად 16.0 ათასი ლარი (დეტალური ინფორმაცია და გაანგარიშება მოცემულია დანართში ელექტრონული სახით). დანარჩენ ნაწილში, რომელშიც მივლინების საფუძვლები (მიწვევები) ვერ იქნა წარმოდგენილი, ადგილი ჰქონდა აუდიტის მასშტაბის შეზღუდვას. 

ქვეყნის გარეთ მივლინებების დაფინანსებაში არსებული ზემოაღნიშნული ხარვეზების მიზეზი იყო შიდა კონტროლის გარემოს არ არსებობა, რაც იმაში გამოიხატებოდა, რომ მივლინებებთან დაკავშირებული მიწვევები არ იგზავნებოდა საფინანსო სამმართველოში და შესაბამისად ამ სტრუქტურის მიერ ვერ კონტროლდებოდა მიწვევის პირობები.

მოხსენებითი ბარათების (რომლებიც ძირითადად იწერებოდა საერთაშორისო ურთიერთობათა დეპარტამენტში) სისწორე არ კონტროლდებოდა არც ბრძანების პროექტის მომმზადებლის (ყოფილი ადამიანური რესურსების დეპარტამენტი) მიერ.

2012 წლის განმავლობაში შემოსავლების სამსახურს წარმომადგენლობითი ხარჯების სახით გაწეული აქვს 193.6 ათასი ლარის საკასო ხარჯი. მათ შორის 5.8 ათასი ლარის ხარჯი გაწეულია საბიუჯეტო სახსრებიდან, ხოლო 187.8 ათასი ლარი - საკუთარი შემოსავლებიდან. 2013 წლის განმავლობაში წარმომადგენლობითი ხარჯების სახით გაწეულია 171.2 ათასი ლარის საკასო ხარჯი (მთლიანად საკუთარი შემოსავლებიდან). ხარჯების უდიდესი ნაწილი გაწეულია სარესტორნო და სასტუმრო მომსახურებების შესაძენად.

წარმომადგენლობითი ხარჯების გაწევა წარმოებდა საერთაშორისო ურთიერთობათა დეპარტამენტის პასუხისმგებელი პირების მოხსენებითი ბარათების საფუძველზე. აღნიშნული დეპარტამენტის მიერ სრულყოფილად ვერ იქნა წარმოდგენილი ღონისძიებების მიხედვით სისტემატიზებული დოკუმენტაცია (მოხსენებითი ბარათები, მოწვევები და სხვა), რის შედეგადაც რიგ შემთხვევებში გაურკვეველი დარჩა ღონისძიებების მიზნები, სარესტორნო თუ სასტუმრო მომსახურების გაწევისას სტუმრების და მასპინძლების ვინაობა, რაოდენობა და ა.შ.

შემოსავლების სამსახურის მიერ 2012 წლის განმავლობაში შრომის ანაზღაურების მუხლით გაწეულია სულ 47,322.6 ათასი ლარის ხარჯი (საბიუჯეტო სახსრებიდან 41,000.0 ათასი ლარის ხარჯი, ხოლო საკუთარი შემოსავლებიდან 6,322.6 ათასი ლარის ხარჯი). მათ შორის პრემიის სახით გაწეულია სულ 17,862.4 ათასი ლარის ხარჯი (საბიუჯეტო სახსრებიდან 11,539.8 ათასი ლარის ხარჯი, ხოლო საკუთარი შემოსავლებიდან 6,322.6 ათასი ლარის ხარჯი). 2013 წლის განმავლობაში შრომის ანაზღაურების მუხლით გაწეულია სულ 58,690.5 ათასი ლარის ხარჯი (საბიუჯეტო სახსრებიდან 40,551.8 ათასი ლარის ხარჯი, ხოლო საკუთარი შემოსავლებიდან 18,138.7 ათასი ლარის ხარჯი). მათ შორის პრემიის სახით გაწეულია სულ 24,477.6 ათასი ლარის ხარჯი (საბიუჯეტო სახსრებიდან 6,338.9 ათასი ლარის ხარჯი, ხოლო საკუთარი შემოსავლებიდან 18,138.7 ათასი ლარის ხარჯი).

შრომის ანაზღაურების სახით ერთ პიროვნებაზე (ხელმძღვანელი პირებიდან) გაცემული წლიური ჯამური თანხების ოდენობა 2012 წლის განმავლობაში მერყეობს 74.6 ათასი 43  ლარიდან 106.7 ათას ლარამდე, მათ შორის წლიური პრემიების ოდენობა 48.7 ათასი ლარიდან 78.5 ათას ლარამდე (რაც თანამდებობრივი სარგოების 188%-278% შეადგენს).

ხოლო 2013 წლის განმავლობაში 87.0 ათასი ლარიდან 98.7 ათას ლარამდე, მათ შორის წლიური პრემიების ოდენობა 59.4 ათასი ლარიდან 68.5 ათას ლარამდე (რაც თანამდებობრივი სარგოების 216%-227%-ს შეადგენს).

აუდიტის სამსახურის მიერ  შესწავლილი იქნა აგრეთვე შემოსავლების სამსახურის თანამდებობის პირების მიერ „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონის მე-13 მუხლის მოთხოვნების დაცვის მდგომარეობა. რასთან დაკავშირებითაც სახელმწიფო აუდიტის სამსახურის 2014 წლის 30 სექტემბრის N73/06 წერილით მოთხოვნილი იქნა ინფორმაცია თანამდებობის პირთა შემოსავლების შესახებ.

შემოსავლების სამსახურის 2014 წლის 9 ოქტომბრის N21/72131 წერილით მოწოდებული ინფორმაციის მიხედვით შემოსავლების სამსახურის საგადასახადო მონიტორინგის დეპარტამენტის უფროსს 2013 წლის განმავლობაში გარდა სსიპ შემოსავლების სამსახურიდან მიღებული ხელფასისა, შრომის ანაზღაურების სახით შემოსავალი მიღებული აქვს ასევე სს „გაერთიანებული ენერგეტიკული სისტემა საქრუსენერგოდან“ (ს/ნ 211324468) 59.8 ათასი ლარის ოდენობით და შპს „MASURO”-დან (ს/ნ 404869585) 24.0 ათასი ლარის ოდენობით, რითაც დარღვეულია ზემოაღნიშნული კანონის მე-13 მუხლის მე-3, მე-4 და მე-8 პუნქტების მოთხოვნები.




 ახალი ამბები
  • უნარების გამოცდის შედეგები გამოქვეყნდა _ ვინაა ყველაზე მაღალქულიანი ჩოხატაურშიგამოცდების ეროვნული ცენტრი აგრძელებს ეროვნული გამოცდების შედეგების გამოქვეყნებას. "გურია ნიუსი" იმ აბიტურიენტებს გაგაცნობთ, რომლებმაც ზოგადი უნარები ჩააბარეს და მარალი შეფასება დაიმსახურეს. ზოგად უნარებში მაქსიმალური 80 ქულიდან 70 ქულა მიიღო სამრევლო სკოლის მოსწავლე ნინი ცინცაბაძემ. მისივე კლასელებმა: ალექსანდრე წეროძემ _ 53, ქეთევან ჩხიკვაძემ _ 51, ნიკა ბედინეიშვილმა კი 46 ქულა მიიღეს. შუა ამაღლების სკოლის კურსდამთავრებულმა მანანა ანთიძემ ზოგად უნარებში 42 ქულა დაიმსახურა, 40 ქულით შეფასდა თავისივე კლასელის, დიმიტრი სიხარულიძის ნამუშევარი. პ.ს. შეგახსენებთ, რომ ეს არ არის აბიტურიენთა შედეგების სრული სია. აქ მხოლოდ იმ კურსდამთავრებულთა შედეგებია გამოქვეყნებული, რომლებიც "გურია ნიუსს" ... ...
  • მაშ ასე, მოემზადეთ _გაიცანით მაღალქულიანი აბიტურიენტები ჩოხატაურიდან!ეროვნულ გამოცდებში ისტორიის შედეგები რამდენიმე საათის წინ გამოცხადდა. "გურია ნიუსი" იმ აბიტურიენტებს გაგაცნობთ, რომლებმაც გამოცდაში მაღალი ქულები დაიმსახურეს: ჯერჯერობით, მოწოდებული ინფორმაციის მიხედვით, 57 ქულით ჩაისუბნის სკოლის კურსდამთავრებული რატი რამიშვილი ლიდერობს. დანარჩენი აბიტურიენტების ქულები ასეთია: პირველი საჯარო სკოლა: მარიამ ტიშჩენკო _ 55 ქულა; სალომე მახარაძე _ 50 ქულა; ერეკლე მამალაძე _ 50 ქულა. სამრევლო სკოლა: ცოტნე გოცაძე _ 55 ქულა; ნინი მგალობლიშვილი _ 55 ქულა; ალექსანდრე წეროძე _ 52 ქულა; ქეთი ჩხიკვაძე _ 51 ქულა;  ნიკა ბედინეიშვილი _ 50 ქულა.  შეგახსენებთ, რომ ეს არ არის აბიტურიენთა შედეგების სრული სია, აქ მხოლოდ იმ კურსდამთავრებულთა შედეგებია გამოქვეყნებული, რომლებიც "გურია ნიუსს" ... ...
  • საჯარო ინფორმაციის ხელმისაწვდომობა _ ჩოხატაურის მუნიციპალიტეტის საკრებულო დააჯილდოვდაჩოხატაურის მუნიციპალიტეტის საკრებულო 2019 წელს საჯარო ინფორმაციის ხელმისაწვდომობის უზრუნველყოფისათვის ინფორმაციის განვითარების ინსტიტუტმა (IDFI) დააჯილდოვა. მსაგვსი ჯილდო მუნიციპალიტეტის საკრებულოს 2018 წელსაც აქვს მიღებული. ინფორმაციის თავისუფლების განვითარების ინსტიტუტის (IDFI) მიერ 2019 წელს განხორცილდა საჯარო ინფორმაციის ხელმისაწვდომობის მდგომარეობის შეფასება, რომელიც მოიცავს საჯარო ინფორმაციის გაცემის ტენდენციების ანალიზს 2010-2019 წლებში და საჯარო დაწესებულებათა საჯარო ინფორმაციის ხელმისაწვდომობის რეიტინგებს.რეიტინგებში ჩოხატაურის მუნიციპალიტეტის საკრებულოს 100 % აქვს მინიჭებული. "აღნიშნული შედეგი მუნიციპალიტეტის საკრებულოს თანამშრომლების დაუღალავი შრომის შედეგია, რომლებიც მუდმივად ორიენტირებულნი არიან მოქალაქეთა საჭიროებებზე", _ ამბობს საკრებულოს თავმჯდომარე ზაალ ... ...
  • "ბაჩალიაშვილის საქმე" _ პოლიცია ZAG-ის თანამშრომლების სახლებს ჩხრეკსკომპანია ZAG-ის დირექტორის და ყველა თანამშრომლის სახლში საგამოძიებო მოქმედებები მიმდინარეობს. ჩხრეკა ყველგან ერთდროულად დაიწყო. კონრკეტულად რას ეძებენ კომპანიის თანამშრომლების ბინებში უცნობია, თუმცა დღევანდელ საგამოძიებო მოქმედებას ZAG-ის წარმომადგენლები ბაჩანა ლობჟანიძის ბრალდებებს უკავშირებენ. გრძელდება "ბაჩანას გამოძიება" ... ყველანაირი ინფორმაცია კომპანიას და კომპანიის თანამშრომლებს მიწოდებული აქვთ. ბაჩანას მითითებებით და ბაჩანას აზრებით ჩატარებული საგამოძიებო მოქმედებებით რისი მიღწევა უნდათ არ ვიცი. მაქვს კითხვა საგამოძბებო ორგანოებთან, ჩატარდა თუ არა თვითონ ბაჩანა ლობჟანიძის სახლში ჩხრეკა - ამბობს კომპანიის ადვოკატი, რომელიც სახლებში, ჩხრეკის საჭიროებას ვერ ხედავს. კომპანიის დირექტორის სახლში უკვე დასრულდა საგამოძიებო მოქმედებები. ბინიდან პოლიციამ ტექნიკა და კომპიუტერები ამოიღო. კომპანიის იურისტის, მამუკა ჭაბაშვილის ინფორმაციით, გამოძიებამ მათ 1 აგვისტოთი დათარიღებული ჩხრეკის ოქმი წარადგინა, რაც მასში ეჭვს იწვევს, რატომ დასჭირდა 1 კვირა გამოძიებას ჩხრეკის ჩასატარებლად, თუ ფიქრობდნენ, რომ ბინებში საქმისთვის მნიშვნელოვან ფაქტს იპოვიდნენ. პარალელურად კი გარდაცვლილი თამარ ბაჩალიაშვილის მშობლები დღეს ისევ შსს-ში დაიბარეს. ოჯახს გამოძიების მასალები უნდა გააცნონ. ოჯახის ადვოკატის ინფორმაციით, მათ თანხებისა და ტრანზაქციების ისტორიები აინტერესებთ.  წყარო: ... ...
  • ვის ეკუთვნის “პარვუს ჯგუფი”, რომელიც ოზურგეთში ინტერნეტის ინფრასტრუქტურას მოაწყობსსაქართველოს საყოველთაო ინტერნეტიზაციის საპილოტე პროექტი გურიიდან იწყება. პროექტი განხორციელდება ოზურგეთის მუნიციპალიტეტის ტერიტორიაზე, სადაც ფართოზოლოვანი ინტერნეტისთვის საჭირო ინფრასტრუქტურა მოეწყობა 49 სოფლისთვის. პროექტს კომპანია “პარვუს ჯგუფი” განახორციელებს, რომელთანაც საქართველოს მთავრობამ 10-მილიონიანი ხელშეკრულება უტენდეროდ გააფორმა.კომპანია “პარვუს ჯგუფი” 2019 წლის მარტშია შექმნილი და მისი დირექტორი და 50%-იანი წილის მფლობელი საქართველოს სახელმწიფო ელექტროსისტემის ყოფილი ხელმძღვანელი სულხან ზუმბურიძეა. ზუმბურიძემ სახელმწიფო კომპანია, რომელიც წლების განმავლობაში ზარალიანი სახელმწიფო უწყება იყო, 2018 წელს დატოვა. სახელმწიფო აუდიტის სამსახურის მიერ მომზადებული შესაბამისობის ანგარიშის მიხედვით, 2014-2017 წლებში კომპანიამ 76,708,726 ლარის ზარალი განიცადა, თუმცა “აღნიშნულ პერიოდში, მისი ადმინისტრაციული ხარჯები ხშირად არაგონივრული იყო”. კომპანიაში დარჩენილი 50%-იანი წილი ეკუთვნის მამუკა პაპუაშვილს, რომელიც ასევე წლების განმავლობაში მუშაობდა ამავე სახელმწიფო კომპანიაში, ტექნიკური დირექტორის თანამდებობაზე.კომპანიის ოფიციალურ ფეისბუკ გვერდზე ვკითხულობთ, რომ ,,პარვუს ჯგუფის“ მისიაა ხელი შეუწყოს საქართველოში ელექტროენერგეტიკული სექტორის განვითარებას; განახორციელოს განახლებადი ენერგიის წყაროებზე მომუშავე ჰიდრო, ქარის და მზის ელექტროსადგურების მშენებლობა. ასევე, გაწიოს ელექტროენერგეტიკის სექტორში საკონსულტაციო მომსახურება.რატომ შეარჩია ეკონომიკის სამინისტრომ საყოველთაო ინტერნეტიზაციის განხორციელებისთვის “პარვუს ჯგუფი”?ეკონომიკის სამინისტრო აღნიშნავს, რომ საყოველთაო ინტერნეტიზაციის სახელმწიფო პროგრამის ფარგლებში, ოზურგეთის სამიზნე გეოგრაფიულ არეალში ფართოზოლოვანი ინფრასტრუქტურის პროექტირება-მშენებლობის განსახორციელებლად „ოუფენ ნეტმა“ ბაზრის/ფასთა კვლევა მიმდინარე წლის 9 მარტიდან გამოაცხადა, რომლის საფუძველზეც საუკეთესო წინადადების მქონე კომპანია - შპს „პარვუს ჯგუფი“ შეირჩა. აქვე აღნიშნულია, რომ კომპანიას განხორციელებული აქვს არაერთი მასშტაბური სახელმწიფო და კერძო პროექტი.სანამ მთავრობა ამ გადაწყვეტილებას მიირებდა, 10-მილიონიანი ხელშეკრულების უტენდეროდ გაფორმებისთვის “ოუფენ ნეტმა” საქართველოს მთავრობასა და სახელმწიფო შესყიდვების სააგენტოს მიმართა. განაცხადში აღნიშნული იყო, რომ ძირითადი ინფრასტრუქტურის გაყვანა დეკემბრამდე უნდა დასრულებულიყო, რის გამოც შემსყიდველი უწყებებისგან ხელშეკრულების გაფორმების ნებართვას უტენდეროდ ითხოვდა.“წინასწარი დაგეგმვა შეუძლებელი იყო იქიდან გამომდინარე, რომ საქართველოს მთავრობის ზემოაღნიშნულ დადგენილების საფუძველზე, საპილოტე რეგიონი, შესაბამისი კომისიის მიერ განისაზღვრა 2020 წლის 9 მარტს, რის შემდეგაც ოუფენ ნეტმა დაუყოვნებლივ დაიწყო ბაზრის კვლევა პოტენციური მიმწოდებლებისა და პროექტირება-მშენებლობის ფასის დადგენის მიზნით (სულ გაეგზავნა 5 კომპანიას). აღნიშნულ ბაზრის კვლევაში მონაწილეობა არცერთ კომპანიას არ მიუღია. აქედან გამომდინარე ოუფენ ნეტმა გაზარდა მიმწოდებლების რაოდენობა (17 კომპანია) და 8 აპრილს გამოცხადდა ხელახალი ბაზრის კვლევა. COVID-19-თან დაკავშირებული პანდემიისა და ქვეყანაში შექმნილი საგანგებო მდგომარეობის გამო, მიმწოდებლების მოთხოვნის საფუძველზე საჭირო გახდა ბაზრის კვლევის ფარგლებში წინადადებების წარმოდგენისათვის განსაზღვრული ვადის (23.04.2020) გაგრძელება 06 მაისამდე. შედეგად გამოვლინდა 2 პოტენციური მიმწოდებელი. აღნიშნულ მიმწოდებლებს შორის საუკეთესო წინადადების გამოვლენის მიზნით, ოუფენ ნეტმა დამატებით ჩაატარა ბაზრის კვლევა, რომელიც დასრულდა 18 მაისს,”- ნათქვამი იყო სახელმწიფოს კუთვნილი ა(ა)იპ-ის “ოუფენ ნეტის” განცხადში.საყოველთაო ინტერნეტიზაციასაქართველოში ინტერნეტიზაციის პროექტზე საუბარი, ხუთ წელზე მეტია მიმდინარეობს, თუმცა მისი აქტიური განხორციელება მხოლოდ ახლა იწყება. პროექტისთვის მთავრობამ “ინოვაციებისა და ტექნოლოგიების სააგენტოს” ბაზაზე სპეციალური იურიდიული პირი - "Open Net-ი” 2015 წლის 21 ივლისს დააფუძნა.2020 წლის იანვარში მთავრობამ ფართოზოლოვანი ინტერნეტ ინფრასტრუქტურის განვითარების ახალი სტრატეგია დაამტკიცა. მის თანახმად, მთავრობა დააფინანსებს ინტერნეტ ინფრასტრუქტურის გაყვანას იქ, სადაც კერძო სექტორს ამის ინტერესი ნაკლებად აქვს.ეკონომიკის სამინისტროს გეგმით, 2025 წლისთვის შინამეურნეობების 100%-ს უნდა ჰქონდეს 100 მეგაბიტ წამის ინტერნეტთან წვდომა, ხოლო ბიზნესებს - 1 გიგაბიტ წამის სიჩქარის ინტერნეტთან. თავდაპირველად, ინტერნეტიზაციის პროექტის დამფინანსებლად ბიძინა ივანიშვილის საქველმოქმედო ფონდი “ქართუ” დასახელდა. ამის შესახებ განცხადება 2016 წელს მაშინდელმა პრემიერ-მინისტრმა გიორგი კვირიკაშვილმა მთავრობის სხდომაზე განაცხადა, რომ “ქართუ” ინტერნეტიზაციაში $100 მილიონ დოლარს დახარჯავდა. დღეს მთავრობა ამ პროექტის დაფინანსების ერთ-ერთ შესაძლო წყაროდ მსოფლიო ბანკს განიხილავს. ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...