შეხვედრა ზამთართან... შიმშილით და სიცივით

მთავარი თემა

შეხვედრა ზამთართან... შიმშილით და სიცივით

2011 ნოე 16 06:15:16

"გურია ნიუსის" კითხვაზე, თუ როგორ ხვდებიან მოქალაქეები მოახლოებულ ზამთარს მათი პასუხი ერთგვაროვანია: შიმშილით და სიცივით! ოზურგეთელ 87 წლის მარტოხელა პენსიონერს თინა კილაძეს "გურია ნიუსი" სახლში ესტუმრა. სიცივით გათოშილი და აკანკალებული მოხუცი ლოგინში იწვა.

_ ავადმყოფი შვილი მყავს, მეორე ჯგუფის ინვალიდია, შაქრის დიაბეტითა და გულის ავადმყოფობით დაავადებული. ამის გამო, მამიდაშვილთან ცხოვრობს სუფსაში. მეც ინვალიდი ვარ, თან _ მარტოხელა. ძალიან გაჭირვებულად ვცხოვრობ. პენსია წამლებში არ მყოფნის. რა ვიყიდო პენსიით _ წამალი, საჭმელი თუ შეშა? სულ უპატრონოდ ვარ, შვილო. გამგეობაში ვიყავი და დამპირდნენ, ერთ კვირაში შეშას მოგიტანენო, მაგრამ ჯერ არაფერი არ ჩანს. იქნებ, თქვენ დაგვეხმაროთ! თუ არადა, წელს, ალბათ, სიცივით მოვკვდები. ასჯერ გავიფიქრე, თავს მოვიკლავ,-მეთქი. რად მინდა ასეთი სიცოცხლე?! სიცივის გამო ლოგინში ვწევარ, თუ მზეა, მზეს ვეფიცხები. ძალაც აღარ მაქვს, რომ ისევ მივიდე გამგეობაში, _ გვითხრა თინა კილაძემ.

ნათელა ჩხარტიშვილი, მარტოხელა პენსიონერი: _ ზამთრის მოსვლის განსაკუთრებით მარტოხელა, მოხუც პენსიონერებს გვეშინია. ჩვენთვის უპირველესი პრობლემა გათბობასთანაა დაკავშირებული. წარმოუდგენელია, შეშის ყიდვა შევძლოთ ამ კატეგორიის ადამიანებმა. ახლა, მართალია, წინანდელივით უშუქობას აღარ ვუჩივით, თუმცა, ვერც ბუნებრივი აირით ვსარგებლობთ, ელექტროღუმელის გამოყენება უფრო მოსახერხებელია, თუმცა, ჩვენი კატეგორიის ადამიანებს ესეც გაგვიჭირდება, რადგან რაც არ უნდა მომჭირნეობით ვხარჯოთ დენი, მთელი ზამთრის განმავლობაში მისი საფასურის გადახდა იოლი არ იქნება. შარშან ხელისუფლებამ რომ 20- ლარიანი დენის ვაუჩერები დაგვირიგა, მიუხედავად იმისა, ზღვაში წვეთი იყო, მარტოხელა პენსიონერებს ცოტა შეღავათი მაინც მისცა. წელს ასეთი დახმარებების იმედი აღარ არის.

ანიკო მოდებაძე: _ როგორ ვხვდებით ზამთარს და უწყლობით, შიმშილით, სიცივით, არავინ ჩვენი მომხედავი არაა. მაქვს მარტო "კუხნა" _ როგორც გარეთ, ისე წვიმს შიგნით. მეუღლე გარდაცვლილი მყავს, სულ წამლები მჭირდება, ჩემი პენსიით წამლები ვიყიდო, საჭმელი თუ შეშა? ან რისთვის მეყოფა? ტანსაცმელიც არ მაქვს ამის მეტი, რაც მაცვია. არავინ გაქცევს ყურადღებას. იძულებული ვარ განცხადება დავწერო და პირდაპირ სააკაშვილთან გავაგზავნო, ერთჯერადი დახმარება მომცეს, რომ ზამთარში თავი გავიტანო.

მთელი სოფელი რომ შემოიარო, ათ ოჯახს თუ იპოვი, რომ შეშა ჰქონდეს. ახლა მოდის არჩევნები და გვეტყვიან, მოგვეხმარეო. ვინ მისცემს მაგათ ხმას? 50 ლარიანი დახმარებები რომ იყო, წინა საარჩევნოდ, რომ მივედი დაგვიანებული ხარო, მითხრეს, ისიც არ მომიწია.

ზური ირემაძე: _ არ გვაქვს სოფელში იმდენი ტერიტორია, რომ შეშა მოვჭრათ. ვაუჩერებით კი ისეთ ადგილებშია გამოყოფილი, რომ აზრი არ აქვს მოჭრას და ამოტანას _ ძალიან ძვირი ჯდება. 700 ოჯახი ვართ სოფელში და ათ ოჯახს თუ ექნება შეშა. გამწარებულია ხალხი, ვწვალობთ, ჩემს საკარმიდამოში 7 ძირი წყავის და ტყემლის ხე მოვჭერი.

მევლუდი აგაძე: _ გაჩეხა ხალხმა საკარმიდამო ნაკვეთში ხეხილი. ვაკიჯვარში და მთისპირში არ შეგვიშვეს იქ მცხოვრებლებმა. მაგარი გაურკვევლობაა. არჩევნები რომ იყო და ხმები სჭირდებოდათ, ხმების 80 პროცენტი წაიღეს ჩვენი სოფლიდან. ჩვენ ჩვენი მოვალეობა პირნათლად შევასრულეთ ხელისუფლების წინაშე, მათ კი გზაც არ გაგვიკეთეს. მოგვაქციონ ცოტა ყურადღება! ნასაკირალში მოსახლეობის 99 პროცენტს დღეს შეშა არ აქვს. ასე გვითხრეს, თუ გაქვთ ნაძვი საკარმიდამოში, მოჭერითო.

ახალგაზრდების აბსოლუტური უმრავლესობა სოფლიდან თურქეთშია წასული სამუშაოდ, ზოგს აძლევენ თანხას, ზოგი უფულოდ მოდის. თურქეთი რომ არ ყოფილიყო, რა ეშველებოდა ხალხს, არ ვიცი _ ალბათ, შიმშილით დაიხოცებოდნენ.

ოზურგეთის მუნიციპალიტეტის გამგებლის მოვალეობის შემსრულებელს ილია ვაშაყმაძეს "გურია ნიუსმა" აღნიშნული პრობლემების შესახებ ოფიციალურად მიმართა:

_ მოახლოებულ ზამთართან დაკავშირებით, რა სამუშაოებს ახორციელებს მუნიციპალიტეტის გამგეობა, რომ მოსახლეობის დაუცველი ფენები ასე თუ ისე მომზადებული შეხვდნენ ზამთარს?

_ ოზურგეთის მუნიციპალიტეტის გამგეობა, ბუნებრივი რესურსების სააგენტოს გურიის სამსახურთან ერთად, მუშაობს იმ დაზიანებული ხეების გამოყენებისათვის, რომელიც არის გაშენებული ყოფილ საკოლმეურნეო ტყეებში. ბუნებრივი რესურსების სააგენტოს გურიის სამსახური დამატებით ახორციელებს ინვენტარიზაციას ყოფილ საკოლმეურნეო ტყეებში, რის შედეგადაც მოხდება გამოვლენილი ხე-ტყის მოსახლეობაზე გადაცემა. მუნიციპალიტეტის გამგეობაში ტერიტორიული ორგანოს რწმუნებულებმა წარმოადგინეს დაზიანებული ხეების ნუსხა. მოხდება მათი დამუშავება და აქტის საფუძველზე, შეჭირვებულ მოსახლეობისთვის გადაცემა. აღნიშნული პროცესი დაწყებულია. მაგალითისთვის, დაბა ლაითურის ტერიტორიაზე სათბობი შეშით უზრუნველყოფილ იქნა 4 ოჯახი, გაღმა დვაბზუს ტერიტორიაზე _ 1 ოჯახი, თხინვალის ტერიტორიაზე _ 4 ოჯახი, მერიის ტერიტორიაზე _ 1 ოჯახი. ამას გარდა, მუნიციპალიტეტის ტერიტორიაზე მიდის ხმელი, ნამეხარი, გადატეხილი და ფაუტი ხეების ინვენტარიზაცია, რის შედეგადაც აღნიშნული ხეები მოიჭრება და შეჭირვებულ ოჯახებს გადაუნაწილდება. საშეშე მერქნის რესურის შევსება დამატებით მოხდება იმ ჭადრის ხეების მოჭრისა და გადამორვის გზითაც, რომლებიც ხელს უშლიან ქალაქის ინფრასტრუქრტურულ განვითარებას.

_ არსებობს თუ არა ტყის მართვის სამმართველოსთან მოლაპარაკება ტყე-კაფის იმ ადგილებში გამოყოფის თაობაზე, სადაც შედარებით იოლია მოჭრილი შეშის გამოზიდვა?

_ ბუნებრივი რესურსების სააგენტოს გურიის სამსახურის მიერ, 4 ნოემბერს, წარმოდგენილ იქნა სოციალური ჭრებისთვის ტყე-კაფის გამოყოფის ადგილები. ტყე-კაფები გამოყოფილია შემოქმედის სატყეოში (გომისფერდი, გომი, გომისმთა); ვაკიჯვრის სატყეოში (ვაკიჯვარი, ცხემლისხიდის ჩუნია, ვაკიჯვრის ჩუნია); მთისპირის სატყეოში (მთისპირის უკანავა, ნაგომარი, ბახმარო); ლიხაურის სატყეოში (ლიხაური, ლიხაურის აჭი, მაკვანეთი).

_ რა თანხაა გამოყოფილი ბიუჯეტიდან სოციალურად დაუცველი ოჯახების დასახმარებლად? გასულ წლებში, წინასწარ დგებოდა იმ ოჯახების სია, რომელსაც დახმარება უნდა გასწეოდათ. რამდენმა ოჯახმა მოგმართათ დასახმარებლად, არის თუ არა შედგენილი სია და როგორ მოხდება სიებში მოხვედრილი ოჯახების უზრუნველყოფა?

_ დღეის მდგომარეობით, შემოსულია 86 განცხადება, დაკმაყოფილებულია უკიდურესად შეჭირვებული, სიღარიბის პროგრამაში შესული 4 მოქალაქე. გარდა ამისა, მოვარდნილი ქარის შედეგად, ზვანში, ჩაის ფაბრიკის მიმდებარედ, წაიქცა ფოთლოვანი ჯიშის ხეები, მომზადდა აქტები და სათბობი ხე გადაეცა კიტა მეგრელაძის #8-სა და #4-ში მცხოვრებ შეჭირვებულ 15 ოჯახს. აქვე უნდა აღვნიშნო, რომ ქალაქის ტერიტორიაზე ქარისაგან დაზიანებული ხეები, რომელიც გამოდგებოდა სამასალედ, დამუშავდა და ჯორჯიაშვილის ქუჩაზე ქარიშხლისგან დაზიანებული ხუთსართულიანი სახლის სახურავის შეკეთებისათვის გამოვიყენებთ. რაც შეეხება განცხადებებით შემოსული ოჯახების უზრუნველყოფას, მათ გადაეცემათ არა ფულადი დახმარებები, არამედ საშეშე მერქნის განსაზღვრული ოდენობა. ვფიქრობთ, ეს გაცილებით ეფექტური იქნება, ვიდრე უშუალოდ თანხის დარიგება. პირველ ყოვლისა, სათბობი შეშით უზრუნველყოფილნი იქნებიან ის ოჯახები, რომლებიც იმყოფებიან აღრიცხვაზე სოციალური მომსახურების სააგენტოში, ასევე მარტოხელები და მრავალშვილიანი ოჯახები.

რაც შეეხება, მარტოხელა მოხუცს თინა კილაძეს, რომელიც უკიდურესად შეჭირვებულია, მას გამგებელმა დახმარება აღუთქვა: _ ჩემთვის ამ ქალბატონს ნამდვილად არ მოუმართავს, თუმცა მნიშვნელობა არ აქვს _ ის მოხუცებულია, მარტოხელაა და დახმარებას საჭიროებს. ჩავინიშნავ და გპირდებით, რომ ამ დღეებში აუცილებლად დავეხმარები, _ თქვა "გურია ნიუსთან" საუბარში ვაშაყმაძემ.




 ახალი ამბები
  • "დედა ჩემს შიშველ გადაღებებს ესწრებოდა!" _ ექსკლუზიური ინტერვიუ სექსუალურ ტრეფიკინგში ჩართულ არასრულწლოვნათანდედა მაფრთხილებდა, რომ იმის შესახებ, თუ როგორ მიღებდნენ, არავისთვის მეთქვა, _ ამბობს გოგონა, რომელსაც, ბებიის თქმით, დედის ძალიან ... ...
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს. მათ ჯილდოები ზურაბ ნასარაიამ და კოტე შარაშენიძემ გადასცეს. ოზურგეთის მუნიციპალიეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...