წამლის რეცეპტი 50 თეთრად ექიმთან კონსულტაციის გარეშე

მთავარი თემა

წამლის რეცეპტი 50 თეთრად ექიმთან კონსულტაციის გარეშე

2015 თებ 3 22:55:09

ექსკლუზივი - რუსთავში ნებისმიერ მოქალაქეს ნებისმიერი სახის მედიკამენტის რეცეპტის ყიდვა 50 თეთრად, ექიმთან კონსულტაციის გარეშე შეუძლია.

ჟურნალისტური გამოძიების ფარგლებში, რუსთავში, მეგობრობის გამზირზე არსებულ ერთ-ერთი აფთიაქის შენობაში მდებარე რამდენიმე კვ.მ-იან ოთახში განთავსებულ ექიმის კაბინეტს ვესტუმრეთ.
სამედიცინო კაბინეტთან მუდმივად ცოცხალი რიგი დგას. 10-წუთიან პერიოდში, სანამ "გურია ნიუსის" ჟურნალისტი საკუთარ რიგს ელოდა,  ექიმმა ე. მ.-მ რეცეპტი სამ მოქალაქეს მიჰყიდა. პროცესი კი მხოლოდ მოკლე გასაუბრებას მოიცავდა: "აბა, შენ რა გინდა? რამდენი აბი? სახელი, ასაკი... 50 თეთრი დატოვე და თავისუფალი ხარ..."

50 თეთრი ერთი დასახელების მედიკამენტის რეცეპტის ღირებულებაა. ჩვენ 2 ტიპის წამლის რეცეპტის საყიდლად 1 ლარი გადავიხადეთ. შესაბამისად, აფთიაქში 180 აბი ბაკლოფენის (25მგ-ანი), რომელიც ფსიქოტროპულ მედიკამენტთა სიაში შედის, და 60 პაკეტი ნიმესილის ყიდვა უპრობლემოდ შეგვიძლია. ფსიქოტროპული მედიკამენტი პირობითად ბებიისთვის შევიძინეთ. ექიმისთვის აღნიშნული ოდენობის ნარკოტიკული თრობის გამომწვევი წამლის რეცეპტის გასაცემად საჭირო მხოლოდ წამლის შესაძლო ადრესატის სახელის, გვარისა და ასაკის ზეპირი ცნობება იყო.

"ერთი ლარი დატოვე და თავისუფალი ხარ," _ გვითხრა ე.მ.-მ და ბეჭედდარტყმული რეცეპტით გამოგვისტუმრა. სკამზე ჩვენი ადგილი კი შემდგომმა კლიენტმა დაიკავა.

ცნობისთვის, არსებობს მედიკამენტების სამი ჯგუფი. პირველ ჯგუფს მიეკუთვნება კონტროლს დაქვემდებარებული საშუალებები, ფსიქოტროპული და ნარკოტიკული მედიკამენტები და ფსიქოაქტიური კომბინირებული საშუალებები. ბაკლოფენი მედიკამენტთა პირველ ჯგუფში შედის.

"გურია ნიუსი" შეეცადა გაერკვია, თუ როგორ ხდება ექიმისა თუ სამედიცინო ობიექტისათვის რეცეპტის ბლანკის გადაცემა და თუ არსებობს რამე მექანიზმი, რომელიც გამოყენებული ბლანკების რაოდენობას გააკონტროლებს.

სამედიცინო საქმიანობის სახელმწიფო რეგულირების სააგენტოს ფარმაცევტული საქმიანობის დეპარტამენტის ინსპექტირების სამმართველოს უფროსი, ნანა შაშიაშვილი აცხადებს, რომ ბლანკის სასურველი რაოდენობის მიღება შესაბამისი ლიცენზიის მქონე ნებისმიერ პირს შეუზღუდავად შეუძლია.

მისი თქმით, საქმიანობის უფლების მქონე ექიმს რეცეპტის ბლანკების მიღება/ამობეჭდვა ჯანდაცვის სამინისტროს ოფიციალურ ვებ-გვერდზე არსებულ სპეციალურ სისტემაში შესვლის შედეგად შეუძლია.

"ამ სისტემაში შესვლის შემდეგ ექიმს სასურველი რაოდენობით შეუძლია დღე-ღამის ნებისმიერ შუალედში ამობეჭდოს რეცეპტების ბლანკის სასურველი რაოდენობა. ნებისმიერ ექიმი თუ სამედიცინო დაწესებულება, რომელსაც სურვილი აქვს, რომ რეცეპტის ფორმაზე ესა თუ ის ფარმაცევტული პროდუქტი გამოწეროს, შედის სისტემაში და ამობეჭდავს  ფორმას მისთვის საჭირო რაოდენობით," _ ამბობს ნანა შაშიაშვილი და დასძენს, რომ ექიმები რეცეპტის ფორმის ამობეჭდვის ოდენობაში შეზღუდულნი არ არიან.  

თუმცა, საჭიროების შემთხვევაში, სამინისტროს კონკრეტული ექიმისა თუ სამედიცინო დაწესებულების მიერ ამობეჭდილი ბლანკების რაოდენობის გარკვევა შეუძლია.

"მაგრამ, ვფიქრობ, ამის საჭიროება არ არის, რადგან რეცეპტის ფორმა არ არის მკაცრი აღრიცხვის დოკუმენტი და ნებისმიერ პირს, რომელიც პაციენტს იღებს და მედიკამენტებს გამოწერს, შეუძლია, ფორმა იმ რაოდენობით მიიღოს, რამდენიც ესაჭიროება," _ უთხრა "გურია ნიუსს" ნანა შაშიაშვილმა.

ჯანდაცვის სამინისტროს ჯანდაცვის დეპარტამენტის უფროსი მარინა დარახველიძე ამბობს, რომ რეცეპტის გამოწერა სამედიცინო მომსახურების პროცესის ნაწილია და არ შეიძლება, ის დამოუკიდებლად არსებობდეს. ანუ ჩვენს მიერ მოპოვებულ ინფორმაცია, სადაც ექიმი ნებისმიერ მოქალაქეს ნებისმიერი დასახელების მედიკამენტის რეცეპტს ყოველგვარი კონსულტაციის გარეშე უწერს, მინიმუმ, სამედიცინო საქმიანობის რეგულირების სააგენტოს შესწავლის საგანია.

"თქვენ არ მიხვალთ მეან-გინეკოლოგთან იმ დიაგნოზის დასადგენად, რომელიც ვთქვათ, სასუნთქი სისტემის დაავადებას ეხება და ალბათ, არ სთხოვთ გამოგიწეროთ იმ ტიპის მედიკამენტები, რომელიც სასუნთქი გზების პათოლოგიას მკურნალობს. შეზღუდვა ექიმებს არ აქვთ, მაგრამ რეცეპტის გამოწერა სამედიცინო მომსახურების პროცესის ნაწილია, შესაბამისად, ექიმის პასუხისმგებლობაა, როგორ უმკურნალებს თავის პაციენტს. ეს არის ერთიანი კომპლექსური მიდგომა. ჯანდაცვის სამინისტრო რეცეპტის გამოწერასთან დაკავშირებით შეზღუდვებს არ აწესებს, მაგრამ ექიმს აქვს თავისი კომპეტენცია, უმკურნალოს ავადმყოფს და ეს თავისი სპეციალობის ფარგლებში უნდა გააკეთოს," _ აღნიშნავს დარახველიძე.

მისი თქმით, ექიმი არ არის პაციენტის დაკვეთის განმახორციელებელი და პაციენტი არ უნიშნავს საკუთარ თავს მედიკამენტს.

ამდენად, "ექიმმა ავადმყოფი ჯერ უნდა გასინჯოს, გამოკითხოს, ანალიზები ნახოს და შემდეგ უნდა გამოუწეროს დანიშნულება".

"გურია ნიუსის" კითხვაზე, თუ არსებობს რამე მექანიზმი, რომელიც ექიმის ან სამედიცინო დაწესებულების მუშაობის შესაძლო დარღვევებს გამოავლენს და გააკონტროლებს, დარახველიძე აცხადებს, რომ ასეთი რეგულირების სააგენტოს გეგმიური შემოწმებაა. "მაგრამ ყოველ წუთში ყველა ადგილზე ფიზიკურად ყოფნა და ყველა ექიმისთვის თვალის დევნება არ შეუძლიათ".

გარდა ამისა, ჯანდაცვის დეპარტამენტის უფროსის თქმით, სამედიცინო დაწესებულებებს უნდა ჰქონდეთ შიდა კონტროლის სისტემაც.

როგორც ირკვევა, სამინისტრო რეცეპტების რეფორმის წარმატება-წარუმატებლობის საკითხში მოქალაქეებისა და ექიმების იმედად არის, რადგან რეგულირების სააგენტოს გეგმიური შემოწმების გარდა, გადაცდომების გამოვლენა-შესწავლას სამინისტრო მხოლოდ მოქალაქეთა შეტყობინებების საფუძველზე აწარმოებს. თუმცა, საეჭვოა აღნიშნული მიდგომის ეფექტურობა იმ პირობებში, როდესაც მოქალაქეს ნებისმიერი მედიკამენტის რეცეპტის მიღება გაცილებით იაფად და მარტივად შეუძლია, ვიდრე ექიმთან კონსულტაციის გზით.

მარინა დარახველიძის თქმით, რეცეპტის ინსტიტუტის დანერგვის ერთ-ერთი მოტივი არაადექვატური მკურნალობისა თუ თვითმკურნალობის თავიდან აცილება იყო, ისევე როგორც ფსიქოტროპული მედიკამენტების გაცემის კონტროლიც.

თუმცა, ფაქტია, რომ ჩვენ ფსიქოტროპული მედიკამენტის, 25მგ-ანი ბაკლოფენის 180 აბის რეცეპტი 50 თეთრად ვიყიდეთ.

რუსთავში აღნიშნული ობიექტის არსებობის შესახებ თითქმის ყველამ იცის. თუმცა, როგორც ჩანს, სამართალდამცავმა ორგანოებმა და ჯანდაცვის სამინისტროს შესაბამისმა დეპარტამენტმა _ არა, რადგან ექიმ ე.მ.-თვის საქმიანობაში ამ დრომდე ხელი არ შეუშლიათ. 

შეგახსენებთ, ჯანდაცვის სამინისტროს გადაწყვეტილებით, 2014 წლის  1-ლი სექტემბრიდან პირველი და მეორე ჯგუფის მედიკამენტები რეცეპტით გაიცემა, ხოლო მესამე ჯგუფის მედიკამენტების შეძენა მომხმარებლებს ურეცეპტოდ შეუძლიათ.




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...