რაზე მუშაობდა ივანიშვილი ოზურგეთში 14 წლის ასაკში

მთავარი თემა

რაზე მუშაობდა ივანიშვილი ოზურგეთში 14 წლის ასაკში

21 ნოე. 2011, 06:26:55

შეხვედრა 2 საათს გაგრძელდა და ივანიშვილმა 30-ზე მეტ კითხვას უპასუხა. _ კარგად ვიცით, ეროვნული არხები როგორ ახმოვანებენ შეთანხმებულად მხოლოდ გარკვეულ პოზიციას და მეორე მხრივ, კარგად ვიცი ისიც, როგორ ზეწოლას განიცდით თქვენ ადგილობრივი თუ ცენტრალური ხელისუფლებისგან. ისიც კარგად ვიცი, რომ ზოგიერთ მედიას ხალხის დასაქმების როლიც აქვს შეთავსებული, რამდენადაც ნებისმიერი თანამშრომლის გადაბირებაზე მუშაობენ ადგილობრივი ორგანოები, რომლებსაც საშუალება აქვთ უფრო დიდი ხელფასი შესთავაზონ ყოფილ ჟურნალისტებს. კადრების მუდმივი ცვლა, ჟურნალისტების გადაბირება _ ეს არის ძირითადად ის დახმარება (ბრჭყალებში, რა თქმა უნდა), რასაც ადგილობრივი ხელისუფლება გიწევთ. კარგად ვაცნობიერებ, რომ ადგილობრივი მედია საჭიროებს დახმარებას და ჩვენ ყველაფერს გავაკეთებთ იმისთვის, რომ თქვენ გქონდეთ მაქსიმალური დამოუკიდებლობა, რათა ჩვენ, ჩვენმა ქვეყანამ, თქვენი დახმარებით მოვახერხოთ გაძლიერება. თქვენი როლი ამაში ძალიან დიდია. მაქსიმალურად უნდა შევძლოთ ადგილობრივი თვითმმართველობის გაძლიერება _ ქვეყნის დემოკრატიაში და დემოკრატიულ ინსტიტუტებში განმსაზღვრელი, პირველი როლი მიენიჭება, როგორ მოვახერხებთ ადგილობრივი თვითმმართველობის ჩამოყალიბებას, რომელიც ჯერ, პრაქტიკულად, არ არსებობს და მერე მის გაძლიერებას, _ ამ საუბრით დაიწყო ჟურნალისტებთან შეხვედრა ივანიშვილმა.

პრესკონფერენციაზე პირველი შეკითხვა "გურია ნიუსმა" დასვა:

_ ბატონო ბიძინა, თქვენი წინა პრესკონფერენციის და შეხვედრების დროს, რატომღაც არავინ დაინტერესდა, როგორია თქვენი ხედვა სოფლის მეურნეობის განვითარებასთან დაკავშირებით. ჩვენ, 2006 წლიდან, მკითხველისთვის ვამზადებთ ბეჭდურ და ონლაინ დამატებას "კარმიდამო ჩემი", რომელშიც ვცდილობთ, სოფლის მეურნეობის სიახლეების შესახებ მივაწოდოთ ინფორმაცია აუდიტორიას და კარგად ვიცით, როგორ უკიდურესად მძიმე მდგომარეობაშია, როგორი პოლიტიზირებულია ეს სფერო. მიგაჩნიათ თუ არა, რომ ქვეყნის სიძლიერის საფუძველი წელგამართული, მდიდარი და არა დაბეჩავებული, მიწაწართმეული, ყველასგან მიტოვებული გლეხია?

_ რა თქმა უნდა, გეთანხმებით. ზოგადად, ვერც ერთ განვითარებულ ქვეყანაში, საუბედუროდ თუ საბედნიეროდ, წამყვან დარგად არ ითვლება აგრარული სექტორი. ძირითადად, განვითარებულ ქვეყნებშიც კი, ეს სექტორი გარკვეულ სუბსიდირებას და დახმარებას იღებს ცენტრალური ხელისუფლებისგან. ალბათ, პირველ ეტაპზე განსაკუთრებით, ვერც საქართველო იქნება გამონაკლისი ამ კუთხით და ცენტრალურმა ხელისუფლებამ ყველაფერი უნდა გააკეთოს იმისთვის, რომ შეჭირვებული გლეხის ნაცვლად გვყავდეს ძლიერი და წელგამართული გლეხი. მე მიყვარს ტერმინი _ "თოხზე გადამკვდარი" გლეხი. დღეს, თუ გამოვიკვლევთ, ძირითადი იარაღი, ალბათ, სოფელში თოხი იქნება. თუ ამას მყისიერად და სასწრაფოდ არ შევცვლით და არ დავეხმარებით სოფელს, ალბათ, სოფლის მეურნეობის განვითარების და მით უმეტეს, მისი ტემპების გაზრდის დიდი პერსპექტივა ვერ ექნება. ჩვენ უნდა მოვახერხოთ ამ სფეროს მდგრადი განვითარების პრინციპებზე მაქსიმალურად უზრუნველვყოთ საქართველოს მოსახლეობის სასურსათო უსაფრთხოების პროგრამა, რომ ყველა მოქალაქეს შესაძლებლობა ჰქონდეს კარგი და სრულყოფილი პროდუქტი მიიღოს. ეს არის ევროპული ქვეყნების ქარტიაც და ყველა ქვეყანა ცდილობს, რომ თავისი მოქალაქეები, ჭარბი და შესატყვისი თვისებების კარგი პროდუქტით დააკმაყოფილოს. მე გლეხის შვილი ვარ, სოფელში გავიზარდე და შეიძლება, განსაკუთრებით ამიტომაც განვიცდი გლეხის შრომას. მოგეხსენებათ, სოფელი როგორია _ საქართველოში შედარებით რომ ვთქვათ, იყო და არის ღარიბი და ცოტა უკეთეს მდგომარეობაში მყოფი სოფელი, მაგრამ საერთოდ, დღევანდელი გადასახედიდან, ეს უკვე აღარ არსებობს და ყველა გლეხი ერთმანეთს დაემსგავსა _ ყველა არის საოცრად გაჭირვებული. ჩემს პირველივე გამოსვლაში აღვნიშნე, რომ დღევანდელი სოფელი სასწრაფო დახმარებას საჭიროებს. 2004 წელს, როცა ჩვენ ახალი პრეზიდენტი ავირჩიეთ, მქონდა შეთავაზება _ დღესაც არ ვიცი, რატომ არ დაინტერესდა სააკაშვილი, როცა მე დაფინანსებას, ერთ მილიარდს მყისიერად ვთავაზობდი, რაც საჭირო იყო პირველად ინვესტიციებისთვის აგრარული რეფორმის გატარების საქმეში და შემდგომშიც ვპირდებოდი, წლების მიხედვით, ჩემი შესაძლებლობების ფარგლებში დახმარებას. რა თქმა უნდა, ჩვენი გუნდი ხელისუფლებაში მოსვლისთანავე და მყისიერად დავიწყებთ ამ სექტორის განვითარებას და გაძლიერებას. ეს მე უკვე დაწყებული მაქვს და პირადად, ძალიან ვერევი მართვაში. ეს რეფორმა არის მარტივი და გასაგები _ რა უნდა მოხდეს და როგორ უნდა გაკეთდეს.

ამ საკითხმა სხვა ჟურნალისტების დაინტერესებაც გამოიწვია და ივანიშვილიც ამ თემას უფრო ჩაუღრმავდა:

_ უნდა მოხდეს საფინანსო წყაროების შექმნა, რაშიც უდიდესი წვლილი ცენტრალურ ხელისუფლებას უნდა მიუძღოდეს. ამ მიზანს მოემსახურება "ქართუ ბანკი" და ეს უნდა იყოს სხვა ბანკების ინტერესიც, რომ გლეხებისთვის შეღავათიანი და ხელმისაწვდომი კრედიტები გასცენ. უნდა შეიქმნას ინსტიტუტი, რომელიც გლეხებს სხვადასხვა კულტურების შემოტანასა და უკვე არსებულის განვითარებაში დაეხმარება. სამუშაო ადგილები გადამამუშავებელი საწარმოების ხარჯზეც უნდა შეიქმნას. დიდი სამუშაოებია ჩასატარებელი სარწყავი სისტემების მოწესრიგების კუთხით.

უნდა არსებობდეს ბაზარი, რაც გლეხს მოწეული პროდუქტის რეალიზების საშუალებას მისცემს. გარდა შიდა ბაზრისა, უნდა ვიზრუნოთ გარე ბაზარზეც. ეს, პირველ რიგში, ჩვენი მეზობლების ბაზარი უნდა იყოს და შემდგომ უნდა ვიფიქროთ ევროპაზეც, _ აღნიშნა ბიზნესმენმა.

ივანიშვილი მიწების საკითხსაც შეეხო და თქვა, რომ გლეხების უფლებების შელახვის პრაქტიკა საქართველოში უნდა დასრულდეს: _ ჯერ უნდა შეიქმნას დამოუკიდებელი სასამართლო სისტემა და შემდეგ აუცილებლად მოხდება მიწია წართმევასთან დაკავშირებული დავების სამართლიანი გადაწყვეტა. ამას ჩვენი გუნდი ხელისუფლებაში მოსვლიდან უმოკლეს დროში გააკეთებს.

ბიზნესმენმა გურიაზე საკმაოდ ვრცლად ისაუბრა და აღნიშნა, რომ გურულები უნიკალური ხალხია:

_ უნიკალური ხალხი ხართ გურულები, კარგი იუმორით. მეექვსე თუ მეშვიდე კლასში ვიყავი, როდესაც ოზურგეთში, ცენტრალური უნივერმაღის მშენებლობაზე დამხმარე მუშად ვმუშაობდი. ასე რომ, ოზურგეთის ერთი ობიექტის მშენებლობაში წვლილი მეც მაქვს შეტანილი, თანაც ადრეულ ასაკში. თქვენი მხარე ძალიან მდიდარია, გაქვთ უნიკალური საზღვაო კურორტი, შესანიშნავი მთა. ამ ყველაფრის განვითარება გურიას ეკონომიკურად წინ წასწევს. გურულები ყოველთვის მიჩვეულები იყვნენ კარგ ცხოვრებას. შეიძლება, საჩხერის მოსახლეობას გაჭირვება ახლა დიდად არ დაეტყოს, რადგან ისინი ადრეც ცუდად ცხოვრობდნენ, მაგრამ გურულებისთვის ეს განსაკუთრებით მძიმე იქნება, _ თქვა ბიზნესმენმა და აღნიშნა, რომ მიუხედავად გურიაში მის მიერ გახორციელებული რამდენიმე პროექტისა, გურიის ხელისუფლებას არ იცნობს:

_ ცოტა ხნის წინ, შეკვეთილში, საკონცერტო დარბაზის მშენებლობაზე შევხვდი ოზურგეთის გამგებელს. საკმაოდ სიმპათიური ადამიანი იყო. მერე გავიგე, რომ ჩემთან შეხვედრიდან, ათ დღეში დააკავეს.

"გურია ნიუსის" ჩაკითხვაზე, რომ გიორგი ტაკიძის ბრალის განმტკიცებას სწორედ ამ შეხვედრას და მის ძმასთან, ადიკო ივანიშვილთან მეგობრობას უკავშირებენ, ბიზნესმენმა აღნიშნა, რომ თავად ასე არ ფიქრობს:

_ როცა ეს შეხვედრა შედგა, რომელმაც დაახლოებით ათ-თხუთმეტ წუთს გასტანა, მე ხელისუფლება არ მებრძოდა, შესაბამისად, არ მგონია მის დაკავებას ჩემთან რაიმე კავშირი ჰქონდეს.

_ თუმცა, გვითხრეს რომ თქვენი პოლიტიკაში გამოჩენის შემდეგ, პატიმრობაში მყოფ ტაკიძეს თქვენს ძმასთან ახლო ურთიერთობაც გაუხსენეს. სხვათაშორის, ყოფილი გამგებელი ერთადერთი არ არის, რომლის პრობლემებიც თქვენთან დააკავშირეს. ცნობილია, რომ ოზურგეთის ყოფილი პოლიციის უფროსი, გია ურიდია, რომელიც ასევე თქვენი ძმის მეგობარი იყო, დღეს გარეთ გირაოთია გამოშვებული თქვენს ძმისშვილთან დაკავშირებული ინციდენტის დაფარვის გამო.

_ ჩემი ძმა ცოტა სხვანაირი, მოქეიფე კაცია და ბევრთან მეგობრობს. კონკრეტულად ვერაფერს გეტყვით, თუმცა, ამ ხელისუფლებისგან ჩემი ახლობლების თუ ჩემთან დაკავშირებული ადამიანების დაკავების ფაქტი პირველი არ არის _ დააკავეს ჩემი შვილის მეგობარი, ჩემი მრჩევლის მამა, პრობლემები შეექმნა ახმეტის საკრებულოს წევრს და მის ოჯახს ჩემი მხარდაჭერისთვის, _ თქვა ივანიშვილმა და დასძინა, რომ ამ ადამიანებისთვის დახმარებას ამ ეტაპზე მხოლოდ კარგი ადვოკატების აყვანით შეძლებს.

ივანიშვილმა ყურადღება ადგილობრივ თვითმმართველობებზე გაამახვილა და აღნიშნა, რომ აუცილებელია თვითმმართველობის ორგანოების ადმინისტრაციული, პოლიტიკური და ფისკალური დეცენტრალიზაცია: _ ჩემს გარშემო გაერთიანებული ექსპერტების გუნდი უკვე მუშაობს საქართველოს სტრატეგიული განვითარების გეგმაზე, რომელიც ადგილობრივი თვითმმართველობების პროექტსაც მოიცავს. უნდა დადგინდეს, რეალურად, რამდენი მუნიციპალიტეტია საჭირო, რათა შევესაბამებოდეთ განვითარებული სახელმწიფოების ვარიანტებს ამ საკითხში. დღეს, ყველა სფეროს ცენტრალიზაციის პირობებში, თვითმმართველობები ეფექტურად ვერ მუშაობენ, _ აღნიშნა ბიზნესმენმა და დასძინა, რომ თვითმმართველობის ორგანოები თავად უნდა წყვეტდნენ, რა მიმართულებით წარმართოს ფინანსები. მისივე განცხადებით, ერთ-ერთ ექსპერტს, ირაკლი შავიშვილს საკმაოდ კარგი წინადადება აქვს, რომლის თანახმადაც, ქონების გადასახადი და საშემოსავლო გადასახადის ნაწილი ადგილზე დარჩება, რაც მუნიციპალიტეტის ეკონომიკურ დამოუკიდებლობას განაპირობებს.

ივანიშვილმა რუსეთთან შესაძლო ურთიერთობებზე და პოლიტიკურ პარტნიორებზე ბევრი ისაუბრა: _ ჩვენ ხელისუფლებაში მოსვლისთანავე დავიწყებთ რუსეთთან ურთიერთობების დალაგებას, სტაგნირებულ პოზიციას მყისიერად დავძრავთ ადგილიდან. თუ რა დრო დაგვჭირდება, დღეს ამის ანალიზი ძალიან რთულია, მაგრამ ერთი ცხადია _ ეს არ მოხერხდება, სანამ სააკაშვილი არის საქართველოს პრეზიდენტი. ილუზია არ მაქვს, რომ ეს მალე მოხდება. ვაცნობიერებ, რომ ძალიან რთული მოლაპარაკებები გველის წინ, მაგრამ შეუძლებელი არაფერია. ჩვენი ბედია, რომ ვართ რუსეთის მეზობელი და უნდა მოვახერხოთ მეზობელთან ურთიერთობების დალაგება, _ თქვა ბიზნესმენმა და განაცხადა, რომ ყველა ოპოზიციურ ძალასთან აპირებს თანამშრომლობას:

_ ვადასტურებ, რომ უნდა შევძლოთ ყველა ოპოზიციურ ძალასთან თანამშრომლობა, არა თუ ბურჯანაძე, ნებისმიერი ქართველი არ უნდა დარჩეს ყურადღების გარეშე. ჩვენ ყველა ქართველს გავუწვდით ხელს აღმშენებლობის გახორციელების საქმეში. ჩვენ მოვედით არა სააკაშვილის დასამარცხებლად, არამედ ქვეყნის გასამარჯვებლად. ამაში წვლილი უნდა შეიტანოს თითოეულმა ქართველმა. ბურჯანაძე ვერ იქნება გამონაკლისი. კონკრეტული თანამშრომლობა ბურჯანაძესთან _ ასეთი გეგმა არ მაქვს. მასთან არსებობს ბევრი კითხვა, მაგრამ შესაძლებლობა, რომ მან ამ კითხვებს გასცეს პასუხი და საქართველოს აჩვენოს ის პოზიცია, რაც მოსახლეობას მოსწონს. მხოლოდ ამის შემდეგ უნდა გავხადოთ შესაძლებელი გარკვეული ურთიერთობები.

პრესკონფერენციაზე ბიზნესმენი მოქალაქეობის საკითხსაც შეეხო: _ ხვალ ჩემი ადვოკატები აპირებენ განცხადების შეტანას, რომელიც პრინციპში წინააღმდეგობაში მოდის იმ სასამართლო საჩივართან, რომელიც შეტანილი გვაქვს უკვე მოქალაქეობის ჩამორთმევასთან დაკავშირებით. ჩვენი სასამართლო ამ საქმეს, რამდენ ხანსაც უნდა ხელისუფლებას, იქამდე გააჭიანურებს და დაუსრულებელი შეიძლება იყოს ეს პროცესი. ახლა შეგვაქვს მოთხოვნა მოქალაქეობის მინიჭების თავიდან უზრუნველსაყოფად. რუსეთის პასპორტი უკვე ჩავაბარე და მხოლოდ საფრანგეთის პასპორტით ვსარგებლობ დღეს. მოგეხსენებათ, ევროსაბჭოში უკვე განიხილება ჩემი მოქალაქეობის ჩამორთმევის საკითხიც და სასიამოვნოა, რომ ევროპას ასეთი მყისიერი რეაქცია აქვს სააკაშვილის უკანონო ქმედებაზე. თუ ის არ აღმიდგენს მოქალაქეობას, ამით დიდად არაფერი შეიცვლება _ ჩვენ ჩამოვაყალიბებთ პარტიას, იქ იქნება ცენტრი, მოვახერხებთ პოლიტიკური სპექტრის კონსოლიდაციას და ქართველ მოსახლეობასაც კარგად ვაჩვენებთ, ვის უნდა მისცენ ხმა.

მისივე თქმით, მას აქვს სუფთა წარსული და რაც არ უნდა ეძებონ, უკანონოს ვერაფერს იპოვიან.

როგორც შეხვედრაზე ივანიშვილმა აღნიშნა, სააკაშვილი საქართველოს დამონებას ვერ მოახერხებს: _ დღეს სააკაშვილია მოსამართლეც და პროკურორიც. ჩვენ ყველაფერი უნდა გავაკეთოთ ამ სიტუაციის გამოსასწორებლად, _ დასძინა ბიზნესმენმა.

ივანიშვილის თქმით, სააკაშვილმა მენეჯმენტი და მმართველობა არ იცის: _ ქუთაისისთვის საპარლამენტო სტატუსის მინიჭება კიდევ ერთხელ ამტკიცებს, როგორი გაუგებარია სააკაშვილი მენეჯმენტში. ის ძალიან ბევრ რამეს აკეთებს აბსოლუტურად გაუგებრად და გაუცნობიერებლად. ქუთაისს როგორ განავითარებს პარლამენტი? ამას საპირისპირო შედეგები ექნება. რამდენი ადამიანიც იქ დასაქმდება, იმდენივე დედაქალაქში დარჩება სამსახურის გარეშე. არც ერთ სახელმწიფოში არ ხდება ასეთი საკვანძო ორგანოების რეგიონებში გადატანა. ეს არ არის რეგიონებისთვის საშველი. ერთადერთი საშველი ადგილობრივი თვითმმართველობის გაძლიერება და განვითარებაა. უნდა მოხდეს სწორი ეკონომიკური და პოლიტიკური გათვლებით რეგიონების განვითარება, _ თქვა ბიზნესმენმა.

ივანიშვილს კითხვები ქველმოქმედებასთან დაკავშირებითაც დაუსვეს და იმ კრიტერიუმებით დაინტერესდნენ, რომლითაც ივანიშვილი ქველმოქმედების დროს ხელმძღვანელობს: _ არსებობდა ასეთი კრიტერიუმი _ ვისაც ქვეყნის წინაშე განსაკუთრებული დამსახურება აქვს, მათ ვაფინანსებდით. რაც შეეხება იმას, რომ ისინი არ არიან ღარიბნი და მათ დახმარების გარეშეც შეუძლიათ არსებობა, ფონდს ხელი არავისთვის არ ამოუგრეხია. ყოველწლიურად ხდება განცხადებების დაწერა მიღება. რაც შეეხება იმ მოსაზრებას, უფრო გაჭირვებულებს რატომ არ ვეხმარებით, თუ კარგად გადაავლებთ თვალს ჩვენს ქველმოქმედებას, ნახავთ, რომ გაჭირვებულებზე იხარჯება გაცილებით მეტი, ვიდრე წარმატებულ ადამიანებზე. მსგავსი პროექტებიდან მინდა ერთი გამოვყო _ მე, პირადად, მქონდა სურვილი, რომ ქვეყნის მასშტაბით, ყველა კუთხეში გაჭირვებულებისთვის სამედიცინო მომსახურება უნდა გამხდარიყო უფასო. ეს იყო გათვლილი იმ ადამიანებზე, რომლებსაც მკურნალობის საშუალება არ ჰქონდათ. გერმანულ კომპანიასთან ერთად შეიქმნა პროექტი, რომლის საფუძველზეც რესპუბლიკური საავადმყოფოს რეაბილიტაცია და ახალი შენობის მშენებლობა იგეგმებოდა. რესპუბლიკური საავადმყოფოს ძველ შენობაში სამედიცინო უნივერსიტეტი, ხოლო მეორე შენობაში კლინიკა უნდა განთავსებულიყო. ეს ყველაფერი ხორციელდებოდა სააკაშვილის თანხმობით, თუმცა, მშენებლობის დაწყებამდე ცოტა ხნით ადრე მოხდა ის, რომ მძიმე წონოსანი ეკონომიკის მინისტრის ჩარევით, როგორც სააკაშვილმა მითხრა, გამოირიცხა ამ პროექტის შესრულება, რადგან არ შეიძლება ქვეყანაში რესპუბლიკური საავადმყოფო უფასო იყოსო და რომ ეს საზოგადოებაში კითხვებს გააჩენდა და კერძო კლინიკების გაკოტრებას გამოიწვევდა. ამაში გარკვეულწილად ვეთანხმები, თუმცა, ის ადამიანები, ვისზეც ჩვენი პროექტი იყო გათვლილი, მაინც ვერ შეძლებდნენ კერძო კლინიკებში მკურნალობას. აღნიშნული პროექტი დღესაც გაჩერებულია, _ თქვა ივანიშვილმა.

ეროვნულ უმცირესობებზე საუბრისას ბიზნესმენმა აღნიშნა, რომ მათი მაქსიმალური ინტეგრაცია საქართველოს მოსახლეობასთან აუცილებელია: _ უნდა მოხდეს მათი მაქსიმალური ინტეგრაცია ქართულ მოსახლეობასთან. უნდა მოვახერხოთ ქართული ენის სწავლის მხრივ დახმარება. მე ვიცი, როგორი გაღიზიანებულები არიან ეროვნული უმცირესობების წარმომადგენლებიც იმ დამოკიდებულებით, რაც დღევანდელ მთავრობას გააჩნია მათ მიმართ. ჩვენ უნდა მოვახერხოთ მათი სოციალიზაცია და ინტეგრაცია ქართულ საზოგადოებაში.

ბიზნესმენს პასუხი არ ჰქონდა კითხვაზე რამდენი უნდა იყოს პენსია მისი მმართველობის პერიოდში: _ მე დღეს ვერ მოგახსენებთ, რამდენი უნდა იყოს პენსია. ის კი ვიცი, რომ ასეთი მწირი არ უნდა იყოს. მაგრამ ვაცნობიერებ, ჩვენი ხელისუფლებაში მოსვლისას როგორი ბიუჯეტი დაგვხვდება და გავითვალისწინოთ მისი შესაძლებლობები. საოცრებები ვერ მოხდება, მე ვერ გავაკეთებ ცრუ დაპირებებს. ვფიქრობ, დაგვხვდება ძალიან ცუდი ბიუჯეტი. ვიცი, რომ პენსია უნდა იყოს იმდენი, რომ პენსიონერებს შეეძლოთ ელემენტარული პირობები მაინც დაიკმაყოფილონ, _ განაცხადა ივანიშვილმა.

ბიზნესმენის თქმით, ბევრ ქართველს იცნობს, რომლებსაც სამშობლოში დაბრუნების სურვილი აქვს:

_ ძალიან ბევრი ქართველი ვიცი, რომელსაც კაპიტალი აქვს და უნდა სამშობლოში ჩამოიტანოს. შემდეგ მათ სერიოზული უცხოური კაპიტალიც მოჰყვება. ეს კი დამატებითი სამუშაო ადგილებია. ამისათვის ხელსაყრელი საინვესტიციო გარემო უნდა შეიქმნას და არა ისეთი ილუზიური, როგორსაც ახლანდელი ხელისუფლება ქმნის. უფრო სწორედ, ამბობს, რომ ქმნის.

მისივე თქმით, ნურავის ექნება ილუზია რომ ყველაფერი ერთ დღეში შეიცვლება:

_ სიღარიბის დაძლევა ქვეყანაში რამდენიმე თვეში ვერ მოხდება. ამის ილუზია მე არ მაქვს და ყალბ იმედებს არც თქვენ მოგცემთ. აუცილებლად დაიწყება სამუშაო ადგილების შექმნა. დღეს ხალხს სამუშაო არ აქვს, ამიტომ მათ ეს უფლება უნდა აღვუდგინოთ. გარწმუნებთ, რომ უახლოეს მომავალში დავძლევთ იმ პრობლემას, რომელსაც უმუშევრობა ჰქვია და რომელიც მართლა სირცხვილია, _ თქვა ივანიშვილმა და დასძინა, რომ ის მის გუნდთან ერთად, აუცილებლად მოვა ხელისუფლებაში მხოლოდ და მხოლოდ არჩევნების გზით.

_ ყველაფერი უნდა გავაკეთოთ რომ ეს ხულიგნური პროცესები აღმოვფხვრათ, _ თქვა ბიძინა ივანიშვილმა.




 ახალი ამბები
  • გარყვნილი ქმედებისთვის არასრულწლოვანი, მასზე ძალადობისთვის კი 1 პირია დაკავებულისაგარეჯოს მუნიციპალიტეტში გარყვნილი ქმედების ბრალდებით არასრულწლოვანი, ხოლო მასზე ძალადობის და ჯანმრთელობის დაზიანების ბრალდებით 1 პირი 1989 წელს დაბადებულ ბ.ქ. დააკავეს. გამოძიებით დადგინდა, რომ საგარეჯოს მუნიციპალიტეტის ერთ-ერთ სოფელში ბრალდებულმა არასრულწლოვანმა სხვა არასრულწლოვნების მიმართ გარყვნილი ქმედება ჩაიდინა, რის შემდეგაც მას ძალადობისთვის ბრალდებულმა პირმა ფიზიკური შეურაცხყოფის შემდეგ ყურის არეში დაზიანებები მიაყენა. პოლიციამ დანაშაულის იარაღი - დანა ნივთმტკიცებად ამოიღო. დანიშნულია შესაბამისი ექსპერტიზები, მიმდინარეობს მოწმეთა გამოკითხვები. შინაგან საქმეთა სამინისტრო მომხდარ ფაქტზე გამოძიებას სისხლის სამართლის კოდექსის 137-ე, 126-ე და 117-ე მუხლებით ... ...
  • თხილის მზარდი ფასი: დღეს, ოზურგეთში, „ბერძნულა“ 7,50 ლარი ღირსბოლო ერთი  კვირის განმავლობაში, ოზურგეთში,  თხილის ფასის  ყოვლდღიური მატება  შეიმჩნევა. დღეს, დილიდან, ერთი  კილოგრამი „ბერძნულა“ შვიდლარნახევრი ღირს, ხოლო „გულშიშველა“ _ ექვსი ლარი. გუშინ ორივე სახეობა 50 თეთრით ნაკლები ღირდა. მოქალაქეებს ის უკვირთ, რომ თუ ზოგ პუნქტში გაუტეხავადაც იბარებენ, ვიზუალის მიხედვით, რატომ ტეხენ ზოგიერთები. _ რა ვქნათ, ჩვენ ხარისხს გულშიც ვაკვირდებით და მხოლოდ გარეგნულ  ეფექტს ვერ დავეყრდნიბით, - გვეუბნებიან თხილის მიმღები პუნქტების ... ...
  • გიორგი გახარია - ძირითადი ამოცანა დღეს არის ვირუსთან ადაპტაცია და თანაცხოვრების სწავლაბოლო პერიოდის განმავლობაში, ჩვენ ინფიცირების ზრდის აშკარა ტენდენცია გვაქვს, თუმცა მდგომარეობა სრულად ექვემდებარება კონტროლს და მართვადია, რაც მთავარია, - ამის შესახებ ს მთავრობის დღევანდელ სხდომაზე განაცხადა.  მისივე თქმით, პირველ ეტაპზე მკაცრი ღონისძიებები და შეზღუდვები, მათ შორის, საგანგებო მდგომარეობა იყო სწორედ იმისთვის, რომ გადარჩენილიყო მოქალაქეების სიცოცხლე და ნაკლები ზიანი დამდგარიყო ეკონომიკისთვის, ვინაიდან, ცოდნა ვირუსთან დაკავშირებით მსოფლიოში საერთოდ არ არსებობდა და დროის მოგება იყო მნიშვნელოვანი.  „ჩვენ ყოველთვის ვამბობდით, რომ შეზღუდვების, მათ შორის ეკონომიკური შეზღუდვების მოხსნასთან ერთად, ინფიცირებულების რაოდენობა გაიზრდებოდა, როგორც სხვაგან ყველგან, მთელ მსოფლიოში. ამიტომ ვამბობდით, ძირითადი ამოცანა არის ვირუსთან ადაპტაცია და თანაცხოვრების სწავლა. ხაზგასმით მინდა აღვნიშნო, რომ ჩვენ დღეს ამ ეტაპზე ვიმყოფებით. ხაზგასმით მინდა აღვნიშნო, რომ პირველ ეტაპზე მკაცრი ღონისძიებები, „ლოქდაუნები", შეზღუდვები, მათ შორის, საგანგებო მდგომარეობა იყო სწორედ იმიტომ გადაწყვეტილი და მიღებული, რომ გადაგვერჩინა ათეულობით ჩვენი მოქალაქის სიცოცხლე და ნაკლები სოციალურ-ეკონომიკური ზიანი მიგვეყენებინა ეკონომიკისთვის, უბრალოდ იმისთვის, რომ ცოდნა მაშინ მსოფლიოში ვირუსთან დაკავშირებით საერთოდ არ არსებობდა და ჩვენ ვირუსის დროში გავრცელების დრო უნდა მოგვეგო,"- განაცხადა პრემიერმა.  მთავრობის მეთაურმა აღნიშნა, რომ საქართველომ ეს დრო მოიგო და ვინაიდან, ახლა როგორც საქართველოში, ისე მსოფლიოში ვირუსთან დაკავშირებით ბევრად უფრო დიდი ცოდნა და გამოცდილება დაგროვდა, ეს არის შესაძლებლობა, რომ ჩვეულებრივად გაგრძელდეს ცხოვრება - გარკვეული წესების დაცვით.  „ჩვენ ეს დრო მოვიგეთ, დღეს არა მხოლოდ საქართველოში, არამედ მსოფლიოშიც ვირუსთან დაკავშირებით ცოდნა არის ბევრად უფრო დიდი და მნიშვნელოვანი, რაც გვაძლევს შესაძლებლობას, მიუხედავად მსგავსი ციფრებისა, ჩვეულებრივად გავაგრძელოთ ცხოვრება. ეს ის ცოდნაა, რომელიც ჩვენ დავაგროვეთ ბოლო თვეების განმავლობაში, ეს ის გამოცდილებაა, რომელიც ჩვენ დავაგროვეთ ბოლო თვეების განმავლობაში ვირუსის რისკების მართვით, ვირუსის დროში გავრცელების მართვით, რომელიც დაფასებული და შეფასებული იყო საერთაშორისო დონეზეც და დღეს ჩვენი ძირითადი ამოცანა არის ის, რომ აღვადგინოთ ჩვენი ეკონომიკა, მაქსიმალურად სწრაფად, ისე რომ არ შევუქმნათ რისკი ჩვენი მოქალაქეების ჯანმრთელობას. რას ნიშნავს ეს, ეს ნიშნავს, რომ დღეს პრიორიტეტი უკვე ხდება ეკონომიკის სწრაფი აღდგენა და ეს შეუძლებელია გარკვეული წესების დაცვის გარეშე. მარტივი წესებია - პირბადე, სოციალური დისტანცია, ელემენტარული ჰიგიენის წესების დაცვა და ა.შ. ეს ის წესებია, რომელსაც ჩვენ ყოველთვის ვამბობდით და დღესაც გავიმეორებთ. ჩვენ ყველამ ერთად უნდა ვისწავლოთ ვირუსთან თანაცხოვრება, საბოლოო ჯამში, სამწუხაროდ, სანამ გლობალურად ვირუსის პრობლემა არ გადაწყდება ვაქცინით ან სხვა საშუალებებით, შეუძლებელი იქნება ცალკე აღებულმა ქვეყანამ ვირუსი დაამარცხოს,"- განაცხადა გიორგი გახარიამ.  მისივე თქმით, მკაცრი შეზღუდვებით არ უნდა დადგეს რისკის ქვეშ ეკონომიკის აღდგენის პროცესი.  „მძიმე შეზღუდვები, პირველ ეტაპზე, მაშინ როდესაც იყო ათეული შემთხვევები და არა მეტი, იყო აუცილებელი პირობა იმისთვის, რომ გადაგვერჩინა ჩვენი მოქალაქეების სიცოცხლე და შეგვეჩერებინა ვირუსის დროში გავრცელება, რათა დრო მოგვეგო, უფრო მეტი გვესწავლა, მეტი გამოცდილება მიგვეღო, სისტემა უკეთესად მოგვემზადებინა, რაც შევასრულეთ. ჩვენ არც ერთ შემთხვევაში მკაცრი შეზღუდვებით არ უნდა დავაყენოთ რისკის ქვეშ ეკონომიკის აღდგენის პროცესი, რომელიც ასევე საკმაოდ წარმატებულად მიმდინარეობს," - განაცხადა გიორგი გახარიამ. ... ...
  • უბედური შემთხვევა ქუთაისში _ საქართველოს რკინიგზა განცხადებას ავრცელებსქუთაისში, თაბუკაშილის ქუჩაზე მეცხრე ჩიხში მაღალი ძაბვის გადამცემი ხაზის საყრდენი კონსტრუქციის დემონტაჟის დროს მოხდა უბედური შემთხვევა. გარდაიცვალა საქართველოს რკინიგზის ორი თანამშრომელი (ელენტრომონტიორები), დამწვრობა კი მიიღო ერთმა თანამშრომელმა (ასევე ელექტრომონტიორი).  „საქართველოს რკინიგზა“ მწუხარებას გამოთქვამს თანამშრომლების გარდაცვალებისა და დაზიანების გამო. უბედურ შემთხვევასთან დაკავშირებით მიმდინარეობს მოკვლევა. კომპანია თანამშრომლობს გამოძიებასთან, რის შედეგადაც დადგინდება შემთხვევის გამომწვევი მიზეზები. მოკვლევაში ჩართულია შრომის უსაფრთხოების სამსახური. ... ...
  • "გაერთიანებული წყალმომარაგების კომპანია ჰაერში გვახდევინებ ფულს? "„ისე გავიდა მთელი ზაფხული, წყალი, წესიერად კი არა, მგონი, საერთოდ არ გვღირსებია. გრაფიკიო, _ იძახიან. სადაა გრაფიკი. როდის უნდა იყოს ჩვენს ქუჩაზე წყალი მათი გრაფიკის მიხედვით, _ გვითხრან. დილას არაა, შუადღეზე არაა, საღამოს არაა, დღის არც ერთ მონაკვეთში არაა. სამაგიეროდ, ჰაერია ბლომად. ფშუტუნებს მთელი დღის განმავლობაში და მოაქვს, ჩემო ბატონო, ჰაერის ნაკადი უწყვეტად. დახედავ მრიცხველს და ისე გარბის თვალს ვერ მოკრავ. თვის ბოლოს მოდის შეტყობინება ტელეფონზე _ გადახდის ბოლო ვადა. გადასახდელი თანხა არასდროს არაა 12-13 ლარზე ნაკლები და ონკანში კი წყლის ნაცვლად ჰაერი მოდის.გაერთიანებული წყალმომარაგების კომპანია, გეკითხებით, რაში გვახდევინებთ ფულს, ჰაერში?! _ გვწერს ჩოხატაურის მუნიციპალიტეტში ნინოშვილის ქუჩაზე მცხოვრები უწყლობით შეწუხებული რამდენიმე ადამიანი. მოსახლეობის პრობლემაზე პასუხის მისაღებად "გურია ნიუსი" გაერთიანებული წყალმომარაგების ჩოხატაურის სერვისცენტრის ხელმძღვანელს იოსებ ცინცაძეს დაუკავშირდა. ცინცაძის თქმით, მოსახლეობის პრობლემას წყლის დებეტი იწვევს. "მრიცხველი რასაც დაწერს, ის უნდა გადაიხადოს აბონენტმა და რაც შეეხება გრაფიკს, წყლის დეფიციტიდან გამომდინარე ვართ ასეთ სიტუაციაში. ჩოხატაურში გვაქვს 10-საათიანი გრაფიკი. როდის მომგმართეს ნინოშვილის ქუჩიდან? რამდენიმე დღის წინ კი იყო პრობლემა. კონკრეტულად მითხარით ვინ არის. მითხარით აბონენტის ნომერი, კონკრეტულად ვის აქვს პრობლემა. იქნებ, მასთანაა მარტო ეს პრობლემა, გავუშვებ ჯგუფს და გამოასწორებენ ან მოვიდეს და გავარკვევ დეტალურად თანხაზეც, ქვითარზეც, რა კითხვებიც ექნება", _ გვითხრა ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ ყველაზე, ყველაზე...

იცი თუ არა გეოგრაფია

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...