„თუ უზენაეს სასამართლოში ისევ პარტიის წარმომადგენელი გვეყოლება, მაშინ დარჩეს კუბლაშვილი“

მთავარი თემა

„თუ უზენაეს სასამართლოში ისევ პარტიის წარმომადგენელი გვეყოლება, მაშინ დარჩეს კუბლაშვილი“

2015 თებ 12 19:11:07

საქართველოს პრეზიდენტის, საპარლამენტო უმრავლესობისა და ოპოზიციის, ასევე, არასამთავრობო ორგანიზაციების კონსულტაციების შედეგად, საქართველოს უზენაესი სასამართლოს თავმჯდომარე ოთხი კრიტერიუმით შეირჩევა: პრინციპულობა, მენეჯერული თვისებები, პარტიული გავლენისგან თავისუფლება და პროფესიონალიზმი.

საქართველოს პრეზიდენტის ადმინისტრაციის მიერ გამოქვეყნებულ კანდიდატთა სიაში, 3 კანდიდატი პოლიტიკური კუთვნილებისაა.  დავით კოღუაშვილი - "ახალი მემარჯვენეები", ზაქარია ქუცნაშვილი - "ქართული ოცნება", შალვა შავგულიძე - "თავისუფალი დემოკრატები".

როგორც "გურია ნიუსთან" საუბრისას, "საქართველოს ანტიკორუფციული პალატის" თავმჯდომარე პაატა შავაძემ განაცხადა, დაუშვებელია უზენაესი სასამართლოს თავმჯდომარეობის კანდიდატი პოლიტიკურად აქტიური პირი იყოს.

"არაერთხელ მითქვამს და კიდევ გავიმეორებ, რომ ყოვლად დაუშვებელია უზენაესი სასამართლოს თავმჯდომარეს პოლიტიკური რეგალიები და ზეგავლენები ჰქონდეს. 

უზენაესი სასამართლოს თავმჯდომარე, პოლიტიკისგან მთლიანად თავისუფალი და სამართლებრივად განსწავლული პიროვნება უნდა იყოს.

ისეთი თავმჯდომარე,  რომელიც  პოლიტიკისგან თავისუფალი არ არის და გამოხატავს რომელიმე პარტიის ნებას, ვერ იქნება ობიექტური და მიუკერძოებელი.

ჩვენ კვლავ დამოკლეს მახვილივთ თავს დაგვატყდება ის უბედურება, რასაც უსამართლობა, მიკერძოებულობა და არაობიექტური გადაწყვეტილების მიღება ჰქვია.

აქედან გამომდინარე, თუკი კვლავ არის მცდელობა იმისა, რომ ჩვენ ახალი კუბლაშვილი გვეჯდეს უზენაეს სასამართლოში, ოღონდ არა "ნაციონალური მოძრაობის" კუბლაშვილი, არამედ "ქართული ოცნების", ამას უკვე არსობრივი მნიშვნელობა აღარ ექნება და შეგვიძლია ჩავთვალოთ, რომ არც არაფერი შეცვლილა.

თუკი, უზენაეს სასამართლოში, რომელიმე პარტიის, პოლიტიკური დაჯგუფების წარმომადგენელი უნდა გვეჯდეს, მაშინ ყოფილიყო ისევ კუბლაშვილი და გვეხელმღძღვანელა პრინციპით - " შეჩვეული ჭირი მირჩევნია შეუჩვეველს", _ განაცხადა პაატა შავაძემ.

ამ საკითხთან დაკავშირებით, საწინააღმდეგო მოსაზრება აქვს პრეზიდენტის მრჩეველ კახა კოჟორიძეს.

"ჩვენს მიერ დასახელებული კრიტერიუმი იყო ის, რომ პირი უნდა იყოს პოლიტიკური გავლენისგან თავისუფალი. ეს შეკითხვა – არის თუ არა პირი თავისუფალი, შეიძლება დაისვას პარტიის წევრთა მიმართებაში. ის, რომ ეს კითხვა ისმება, არ ნიშნავს, რომ პასუხი იქნება ყოველთვის კი. რადგან პირი არის პოლიტიკური პარტიის წევრი, ის იქნება პოლიტიკურ გავლენას დაქვემდებარებული პირი. ასე არ ვფიქრობთ, ეს არის შეფასებითი კატეგორია", _ განაცხადა კახა კოჟორიძემ.

შეგახსენებთ, რომ საქართველოს პრეზიდენტს გადაეცა შერჩეული კანდიდატების სია. გიორგი მარგველაშვილმა, აღნიშნული კანდიდატებიდან ერთი 23 თებერვლამდე უნდა დაასახელოს.
თავდაპირელად სიაში 38 კანდიდატი იყო. მათგან რვამ უარი განაცხადა მისი კანდიდატურის განხილვაზე.

28-კაციან სიაში შედიან: დავით ასათიანი, მამუკა ახვლედიანი, ირაკლი ბურდული, მერაბ გაბინაშვილი, გოჩა გოგიშვილი, ნინო გვენეტაძე, ევა გოცირიძე, ანა დოლიძე, ინგა თოდრია, ავთანდილ კახნიაშვილი, დავით კოღუაშვილი, ალექსი კობაიძე, კობა კობახიძე, თამარ ლალიაშვილი, გია მეფარიშვილი, როინ მიგრიაული, მამუკა მდინარაძე, ნოდარ მილაძე, ლევან მურუსიძე, მურმან ქამადაძე, ზაქარია ქუცნაშვილი, მადონა ღიბრაძე, შალვა შავგულიძე, მარიამ ცისკაძე, მარინე ჭყონია, რომული ჯაფარიძე, თეიმურაზ ჯორბენაძე და გიორგი ჯუღელი.

ამასთან, წარდგინებაზე უარი შემდეგმა პირებმა განაცხადეს: დარეჯან გოგიბერიძე, ნუნუ კვანტალიანი, დავით მამისეიშვილი, დავით სულაქველიძე, იური ტაბუცაძე, ნათია წკეპლაძე, ლადო ჭანტურია და თინათინ ხიდაშელი.




 ახალი ამბები
  • იძებნება!ჩოხატაურის მუნიციპალიტეტის სოფელ სურებში მცხოვრებ, 75 წლის ჯანფოლად (აბელ) სოროზანიშვილს ოჯახი და ახლობლები რამდენიმე დღეა ეძებენ. ისინი მოგმართავენ თხოვნით, უკანასკნელი დღეების განმავლობაში თუ სადმე შეგხვდათ აღნიშნული პიროვნება, დაუკავშირდეთ ტელეფონის ნომერზე: ... ...
  • ჩოხატაურელი მომღერალი ჯემალ ნაკაშიძე გარდაიცვალაცოტა ხნის წინ, ჩოხატაურელი მომღერალი ჯემალ ნაკაშიძე გარდაიცვალა. ბატონი ჯემალის გარდაცვალების მიზეზად ინსულტი სახელდება. იგი წლების განმავლობაში ანსამბლ "გურიაში" მღეროდა. ჯემალ ნაკაშიძე 79 წლის იყო. მისი გარდაცვალება დიდი დანაკლისია ანსამბლისთვის და მისი მშობლიური ჩოხატაურისთვის. "გურია ნიუსის" რედაქცია მწუხარებას გამოხატავს ბატონი ჯემალის გარდაცვალების გამო და სამძიმარს უცხადებს ოჯახს და ... ...
  • საგანგებო მდგომარეობის რეჟიმის დარღვევის 238 ფაქტი გამოავლინესშინაგან საქმეთა სამინისტროს თანამშრომლები, საქართველოს მთავრობის მიერ საგანგებო მდგომარეობისა და ე.წ. კომენდანტის საათის ფარგლებში დაწესებული შეზღუდვების დამრღვევი პირების გამოვლენის მიზნით, 24-საათიან რეჟიმში მუშაობას განაგრძობენ. პოლიცია, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებს. სამართალდამცველებმა, მონიტორინგის შედეგად, ბოლო 24 საათის განმავლობაში, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 238 ახალი ფაქტი გამოავლინეს. პოლიციამ საჯარო სივრცეში 3-ზე მეტი პირის შეკრების და 2-მეტრიანი სოციალური დისტანციის დაუცველობის გამო 21 მოქალაქე დააჯარიმა. 1 იურიდიული და 1 ფიზიკური პირი დაჯარიმდა ეკონომიკურ საქმიანობასთან დაკავშირებული შეზღუდვების დარღვევის ფაქტზე. ქვეყანაში ასევე დაფიქსირდა, ე.წ. კომენდანტის საათის, თვითიზოლაციის და  მგზავრთა გადაყვანისა და ავტომობილით გადაადგილების წესების დარღვევის ფაქტები. საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით. შინაგან საქმეთა სამინისტრო კვლავ მოუწოდებს მოქალაქეებს, დაიცვან საგანგებო მდგომარეობით დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ... ...
  • რამდენი პირი დააჯარიმეს ავტომობილით გადაადგილების წესის დარღვევისთვისმგზავრთა გადაყვანისა და ავტომობილით გადაადგილების წესის დარღვევის ფაქტზე, 31 მარტიდან დღემდე 960 მოქალაქეა დაჯარიმებული. შინაგან საქმეთა სამინისტროს მიერ  გავრცელებული ინფორმაციით, ბოლო 24  საათში,  სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე 90 პირი დააჯარიმეს. 4 აპრილს გავრცელებული ინფორმაციით, სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე 163 პირი დააჯარიმეს. როგორც უწყების მიერ 3 აპრილს გავრცელებულ ინფორმაციაშია ნათქვამი, სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე 280 პირი დააჯარიმეს. 2 აპრილს გავრცელებული ინფორმაციით,  სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე 415 პირი დააჯარიმეს. 1 აპრილს გავრცელებული ინფორმაციით კი,  სამართალდამცველებმა 12 პირი დააჯარიმეს მგზავრთა გადაყვანისა და ავტომობილით გადაადგილების წესის დარღვევის ფაქტზე. ქვეყანაში 31 მარტს ამოქმედდა საქართველოს მთავრობის მიერ საგანგებო მდგომარეობისა და ე.წ. კომენდანტის საათის ფარგლებში დაწესებული შეზღუდვები. საკარანტინო პირობების შემოღების ფარგლებში ავტომობილით 3 ადამიანზე მეტის გადაადგილება ... ...
  • თვითიზოლაციის წესების დარღვევის 12 ახალი ფაქტი გამოვლინდაშინაგან საქმეთა სამინისტროს ინფორმაციით, თვითიზოლაციის წესების დარღვევის 12 ახალი ფაქტი გამოვლინდა. პოლიცია, დაავადებათა კონტროლის ეროვნულ ცენტრთან ერთად, თვითიზოლაციაში მყოფი მოქალაქეების მკაცრ კონტროლს ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...