რა კავშირშია ნელსონ მანდელა ჩოხატაურის გამგებელთან

მთავარი თემა

რა კავშირშია ნელსონ მანდელა ჩოხატაურის გამგებელთან

2015 აპრ 3 19:39:06

"დანაშაულებრივი სისტემა ჰქონდა შექმნილი "ნაციონალურ მოძრაობას" და ის ადამიანები დღესაც მუშაობენ _ ზოგი ძალოვან სტრუქტურაში, ზოგიც _ საკრებულო-გამგეობებში და ა. შ. ეს არის მწარე რეალობა, რომელსაც მე ყოველთვის ვაპროტესტებდი.

მე ვამბობ იმ ადამიანებზე, რომლებიც იმ დროს "ნაციონალების" დაძახილზე დარბოდნენ, ასრულებდნენ უკანონო დავალებებს. ასეთი ადამიანები ბევრია ჩვენს გვერდით. თანამდებობებზე დამნაშავეები მუშაობენ _ გაიხედ-გამოიხედეთ და დაინახავთ... ამის გამო პროტესტი ყოველთვის არის საზოგადოებაში," _ ეს განცხადება გასულ კვირას G-News TV-ის ყოველკვირეულ გადაცემაში "კვირის თემა", რომელიც ყოველ პარასკევს გადის ეთერში და რომლის ნახვა შეგიძლიათ ჩვენს ვებგვერდზე www.gurianews.com, ჩოხატაურის მუნიციპალიტეტის საკრებულოს დეპუტატმა, კოალიცია "ქართული ოცნების" წევრმა, "რესპუბლიკური პარტიის" ადგილობრივი ორგანიზაციის ხელმძღვანელმა გოჩა ჯიქიამ გააკეთა.

ჯიქიას კონკრეტული გვარები არ დაუსახელებია, თუ ვის გულისხმობდა "დამნაშავეებში", რომლებიც, მისი თქმით, დღესაც ადგილობრივ ხელისუფლებაში არიან.

ამ განცხადებას გამოეხმაურა ჩოხატაურის მუნიციპალიტეტის გამგებელი ირაკლი კუჭავა, რომლის თქმით, გამგეობაში კვალიფიციური კადრები მუშაობენ:

_ ხაზგასმით მინდა ავღნიშნო, რომ ვერც ერთმა ხელისუფლებამ ვერ გაბედა პირდაპირი წესით, თან 50%-იანი ბარიერით გამგებლებისა და მერების არჩევა. ასევე, საჯარო მოხელეთა კონკურსების ჩატარება. შეიძლება ეს პროცესი (კონკურსებს ვგულისხმობ) ხარვეზებით ჩატარდა, მაგრამ ჩოხატაურში იგი მაქსიმალურად გამჭვირვალედ მიმდინარეობდა _ ამას ადასტურებს ავტორიტეტული არასამთავრობო ორგანიზაციების შეფასებებიც. მე იმის თქმა მინდა, რომ ახალ ტრადიციას ეყრება საფუძველი, რომელიც მომავალში კიდევ უფრო დაიხვეწება და შედეგად მივიღებთ იმას, რომ, მეტი კვალიფიციური ადამიანი იმუშავებს საჯარო სექტორში, მიუხედავად არჩევნების დროს გამოვლენილი პოლიტიკური შეხედულებებისა.

ჩოხატაურის გამგეობაში მუშაობენ ადამიანები, რომლებიც გოჩა ჯიქიას მსგავსად, პოლიტიკური მოტივებით იყვნენ დაპატიმრებულნი, მაგალითად ზურაბ კოტრიკაძე. ასევე მუშაობენ ისინიც, ვინც თავის დროზე ნაციონალებს უჭერდა მხარს, მაგრამ საკვალიფიკაციო მოთხოვნებს კარგად გაართვეს თავი და კონკურსის შედეგად დაინიშნენ. ჩვენ ერთად ვმუშაობთ და ამ მუშაობის შედეგია ის, რაც ბოლო 8 თვეში გაკეთდა და რასაც ჩაეყარა საფუძველი.

_ ბატონო ირაკლი, უფრო კონკრეტულად _ ამ ხელისუფლების ერთ-ერთი მთავარი დაპირება სამართლიანობის აღდგენა იყო, რომელშიც იმ ადამიანების პასუხისმგებლობის დაყენებაც იგულისხმებოდა, რომლებიც 2012 წლის არჩევებამდე ნაციონალებისთვის ბევრ უკანონობას ჩადიოდნენ. თუმცა, ეს დაპირება დაპირებად დარჩა _ თანამდებობებს ისევ ძველი სახეები იკავებენ.

_ გეთანხმებით, ერთ-ერთი მთავარი დაპირება ეს იყო. აქაც ორ ცეცხლშუაა მმართველი პოლიტიკური ძალა _ ერთი მხრივ სტრატეგიული პარტნიორები გვირჩევენ, რომ ამ საკითხებში სიფრთხილე გამოვიჩინოთ, თემამ პოლიტიკური ელფერი რომ არ შეიძინოს, ხალხი კი უკმაყოფილოა ამ პროცესების გაჭიანურებით. ამ დროს, წინა ხელისუფლებისაგან დევნილ ადამიანებს ზოგს შვილის საფლავთან, ზოგს კი ქუჩაში კლავენ. ეს სახიფათო ტენდენციაა და ამას პასუხი უნდა გაეცეს ობიექტური გამოძიებით.

ამავე კონტექსტში მინდა გავიხსენო კიდევ ერთი დაპირება _ "ქართული ოცნება" ასევე აცხადებდა იმასაც, რომ ყველა ის ადამიანი, რომელიც მუშაობდა სახელმწიფო სამსახურებში თუ თვითმმართველობებში და იყო კომპეტენტური, მიუხედავად წინა ხელისუფლებასთან თანამშრომლობისა, არ გახდებოდნენ პოლიტიკური დევნის მსხვერპლნი. როდესაც გამგეობაში მივედი, ბევრი ადამიანი დამხვდა ისეთი, რომელსაც არჩევნებში "ქართული ოცნებისთვის" და ჩემთვის ხმა არ მოუცია. როცა პირველი შეხვედრა ჩავატარე, ნელსონ მანდელას ცნობილი საქციელი გავიხსენე _ მანდელამ ოპონენტები, მათ შორის, პრეზიდენტის პირადი დაცვის ზოგიერთი წევრიც კი დაიტოვა და ამით მათ შანსი მისცა, ახალ ხელისუფლებასთან ერთად ქვეყნისთვის სასიკეთო საქმე ეკეთებინათ. წარმოიდგინეთ, ეს იყო იმ ქვეყანაში, სადაც რასიზმი მძვინვარებდა (დიდი განსხვავებაა ყოფილი პრეზიდენტის პირადი დაცვის წევრსა და დამნაშავე ჩინოვნიკებს შორის, რომლებიც ხელისუფლების უკანონო ბრძანებებს ასრულებდნენ _ პოლიტიკური შეხედულებებით აპატიმრებდნენ ადამიანებს, ართმევდნენ ქონებას, აყალბებდნენ არჩევნებს, რითაც, ფაქტობრივად, დანაშაულს სჩადიოდნენ. რედ.).

_ ბოლო თვის განმავლობაში ჩვენს ეთერში გასულ ყველა დებატში წაგებული რჩება "ქართული ოცნების" წარმომადგენელი... ისინი კადრს მიღმა საუბრობენ 9-წლიან სისხლიან რეჟიმზე, ხოლო როცა "ნაციონალები" ბრალს დებენ ხელისუფლებას უნიათობაში, დუმან. 

_ 9-წლიანი რეჟიმის დავიწყება იოლი არ არის. არც უნდა დავივიწყოთ _ უნდა გავაანალიზოთ და წინ გავიხედოთ. მუდმივად მხოლოდ იმაზე აპელირება, თუ როგორ იქცეოდა "ნაციონალური მოძრაობა", პოლიტიკურად წამგებიანია (მუდმივად იმაზე აპელირება, რომ "ნაციონალური" ხელისუფლება დამნაშავე რეჟიმი იყო, მართლაც არ შეიძლება _ როცა ხელისუფლება ვინმეს სამი წლის განმავლობაში "დამნაშავეს" უწოდებს, რაც ხშირად გვესმის პარლამენტის ტრიბუნიდან, მედიასთან მმართველი პარტიის წარმომადგენლების საუბრებში, მაშინ უნდა დაუმტკიცოს "ნაციონალებს" ეს დანაშაული და კანონის სრული სიმკაცრით დასაჯოს. და თუ "ქართულ ოცნებას" ამ დანაშაულის დამტკიცება არ შეუძლია, მაშინ კეთილი ინებოს და უდანაშაულობის პრეზუმპცია დაიცვას! რედ.).

"ნაციონალები" ხელისუფლებაში მოსვლის პირველსავე წელს დარწმუნდნენ, რომ დემოკრატიული მმართველობის გახორციელება რთულია, ამიტომ, ძველი და ნაცადი, "მათრახისა და თაფლაკვერის" მეთოდი აირჩიეს. ბოლოს მხოლოდ მათრახი შერჩათ ხელში, რომელიც საქართველოს მოქალაქეებმა გამოგლიჯეს და დარწმუნებული ვარ, აღარ დაუბრუნებენ. სწორედ ისინი არიან უუნარონი და უნიათონი, რადგან დემოკრატიის პირობებში მართვა ვერ შეძლეს და დასავლურ ღირებულებებსაც უღალატეს, რუსული (საბჭოთა) მმართველობის ადაპტირებული ვარიანტი შექმნეს. შეცდომები დაუშვეს და რუსეთსაც მისცეს საბაბი, კიდევ უფრო მეტი ტერიტორია მიეთვისებინა, _ გვითხრა ჩოხატაურის მუნიციპალიტეტის გამგებელმა და დასძინა, რომ "ქართულ ოცნებას" ყველა კითხვაზე აქვს პასუხი: "თქვენ გვაკრიტიკეთ, ჩვენ ვიმუშავებთ _ ასეთია დემოკრატიული მმართველობის ანატომია!" _ თქვა ირაკლი კუჭავამ.




 ახალი ამბები
  • რა განსხვავებაა მოლეკულურ და სწრაფ ტესტებს შორისსაკოორდინაციო სხდომის დასრულების შემდეგ საქართველოს დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილემ, პაატა იმნაძემ განმარტა, რა განსხვავებაა მოლეკულურ და სწრაფ ტესტებს შორის. „არსებობს კლასიკური მოლეკულური ტესტი, ის რასაც ლუგარის ლაბორატორია და ამ ეტაპზე ინფექციური საავადმყოფო, ქუთაისის და ბათუმის ფილიალები აკეთებს. ამ პროცესში ჩაერთო ერთ-ერთი კერძო ლაბორატორია თბილისში. ყველა ესენი სარგებლობენ პი-ჯი-ერ (პოლიმერაზა ჯაჭვური რეაქციის ტესტი) ტესტით. რომელიც არის ოქროს სტანდარტი დიაგნოსტიკაში. ძალიან ბევრი დაავადების და მათ შორის Covid-19-ის დიაგნოსტიკაში. ამ ტესტს სჭირდება რამდენიმე საათი, იმისთავის, რომ პასუხი მივიღოთ. ასევე არსებობს დაჩქარებული პოლიმერაზა ჯაჭვური რეაქციის დაჩქარებული ტესტები. ტესტირება ხდება კარტრიჯული სისტემით და არ სჭირდება მაღალი კლასის სპეციალისეტები. ეს აპარატი საქართველოში არის 50. გარდა ამისა, არსებობს სწრაფი ტესტები, რომლებიც უკვე შემოსულია საქართველოში. ეს იქნება ვალიდაციისთვის, რამდენად იმუშავებს ეს ტესტები. ეს ტესტი კარგია, მაგრამ სჭირდება აპარატი, რომელიც ტესტის შედეგს ხილულს ხდის. ეს არის სწრაფი ტესტი, ოღონდ ცოტა სხვა ტექნოლოგიებით გაკეთებული. ასევე არსებობს სწრაფი, მარტივი ტესტები, რომლებიც სისხლის წვეთით კეთდება. თუმცა არის ტესტები, რომლებიც ვენურ სისხლზე მუშაობს. ეს არის ანტისხეულების, ანუ ორგანიზმის პასუხის აღმომჩენი ტესტები. ასევე არის სწრაფი მარტივი ტესტი ანტიგენის აღმოჩენის, რომელიც მხოლოდ კორეას აქვს. კორეასთან მიდის მუშაობა, რადგან ამ ქვეყანასაც ეს ტესტები შეზღუდული რაოდენობით აქვს“, - აღნიშნა პაატა იმნაძემ. იმნაძემ აღნიშნა, რომ  კორონავირუსის დამდგენი ტესტებით მსოფლიო ბაზარი სავსეა,  თუმცა, შერჩევას დიდი სიფრთხილე ... ...
  • ლანჩხუთის საბავშვო ბაღებში აღსაზრდელებისთვის პროდუქტების გაცემა დაიწყოლანჩხუთში, სკოლამდელი საგანმანათლებლო-სააღმზრდელო ცენტრის ბაგა-ბაღებში აღსაზრდელების მშობლებისთვის პროდუქტების გაცემა დაიწყო და როფორც ცენტრის ხელმძღვანელი ნატა კობალავა ამბობს, კორონავირუსის გავრცელების პრევენციის მიზნით, მაქსიმალურად გათვალისწინებულია რეკომენდაციები და დაცულია უსაფრთხოების წესები. მისივე ინფორმაციით, თითოეული აღსაზრდელის მშობელი მათსავე ბაღში მიიღებს განკუთვნილ ... ...
  • ლევან რატიანი: ამ ეტაპზე ომში მეტწილად გავიმარჯვეთდღეს ძალიან ბედნიერია მთელი ჩვენი კლინიკა, რადგან ომში მეტწილად გავიმარჯვეთ და პაციენტის, რომელიც კრიტიკული მდგომარეობით იყო შემოსული, მდგომარეობა გაუბჯობესდა და არის კონტაქტური, _ ამის შესახებ პირველი საუნივერსიტეტო კლინიკის დირექტორმა ჟურნალისტებს განუცხადა. ლევან რატიანის თქმით, აღნიშნულ პაციენტს აღენიშნებოდა მწვავე რესპირატორული დისტრეს სინდრომი და ყველა გართულება, რაც ამ დაავადებისა და კორონავირუსისთვის არის დამახასიათებელი. „ამ ეტაპზე უნდა გითხრათ, რომ ომში მეტწილად გავიმარჯვეთ, ვინაიდან პაციენტი გახდა კონტაქტური, ადექვატური და დღის ბოლომდე შეიძლება იგი აპარატიდან მოიხსნას. რაც შეეხება 80 წლის ქალბატონს, რომელიც არის კოვიდინფიცირებული, აქვს გულის უკმარისობა და ამავდროულად ასაკი, ამ ქალბატონის შესახებაც მინდა გითხრათ, რომ ჩატარებული კვლევებითა და სუბიექტურ-ობიექტური მონაცემებით, დადებითი დინამიკაა მიღწეული და გამარტივდა სუნთქვის პარამეტრები. კიდევ ერთი გამარჯვებაა ის, რომ ამ ეტაპამდე ქალბატონი ცოცხალია, ვიტალური ფუნქციები უკეთესია, იმედია ასე გაგრძელდება და რამდენიმე დღეში ეს პაციენტიც მოიხსნება აპარატიდან“, - განაცხადა ლევან ... ...
  • თიბისიმ პროგრამის „თიბისი შენთვის“ ფარგლებში COVID-19 -ის სწრაფი ტესტები შეიძინა (R)თიბისიმ მთავრობასთან კონსულტაციების საფუძველზე COVID-19 -ის 10 000 სწრაფი ტესტის შეძენის გადაწყვეტილება მიიღო. ტესტებს საქართველოში უახლოეს დღეებში ჩამოიტანენ და თიბისი მათ ჩამოტანისთანავე გადასცემს ჯანდაცვის სამინისტროს.  „სახელმწიფოსა და კერძო სექტორს შორის თანამშრომლობას შეუძლია გადამწყვეტი როლი ითამაშოს ქვეყნის წინაშე არსებული გამოწვევების დაძლევაში. ჩვენ გვესმის ჩვენი პასუხისმგებლობა და მზად ვართ, მაქსიმალურად დავეხმაროთ ქვეყანას კორონავირუსთან ბრძოლაში. სწორედ ამიტომ ვმუშაობთ მთავრობასთან ერთად იმ საჭიროებების გამოსავლენად, რაც ახლა ჩვენს წინაშე დგას და ამ ნაბიჯით თიბისი არსებულ გამოწვევებს პასუხობს,“ - განაცხადა თიბისი ბანკის გენერალურმა დირექტორმა ვახტანგ ბუცხრიკიძემ. შეკვეთა 10 000 სწრაფი ტესტის შეძენაზე უკვე გაგზავნილია აშშ-სა და შვეიცარიაში. აღნიშნული პროგრამა „თიბისი შენთვის“ ფარგლებში განახორციელდა, რომელიც თიბისიმ  COVID-19 -ის გამოწვევების დასაძლევად წამოიწყო. პროგრამა „თიბისი შენთვის“ ფარგლებში 5 მილიონ ლარზე მეტი დაიხარჯება სხვადასხვა სოციალურ პროექტზე, დისტანციური  განათლების ხელშეწყობასა და ციფრული ტექნოლოგიების გავრცელებაზე. ... ...
  • განზრახ მკვლელობის მცდელობა და დაჭრა_ ბრალდებულს თავისუფლების აღკვეთა მიესაჯათბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და განზრახ მკვლელობის მცდელობისა და ჯანმრთელობის განზრახ დაზიანებისთვის ბრალდებული ტ.ბ. დამნაშავედ ცნო. სასამართლო პროცესზე გამოკვლეული მტკიცებულებებით დადასტურდა, რომ 2019 წლის 12 ივლისს, თბილისში, ბეგიაშვილის ქუჩის მიმდებარე ტერიტორიაზე, ტ.ბ-მ ურთიერთშელაპარაკების ნიადაგზე, განზრახ მოკვლის მიზნით, ცეცხლსასროლი იარაღიდან გასროლით გ.ბ.-ს სხეულის სხვადასხვა არეში სიცოცხლისთვის სახიფათო ჭრილობები მიაყენა, ხოლო მ.ნ. ფეხის არეში დაჭრა. გადაუდებელი სამედიცინო დახმარების შედეგად გ.ბ.-ს გადარჩენა მოხერხდა. სამართალდამცველებმა ტ.ბ. დანაშაულის ჩადენიდან რამდენიმე საათში ქ.თბილისში დააკავეს.   მას  ბრალდება საქართველოს სისხლის სამართლის კოდექსის 19-108-ე მუხლით (განზრახ მკველელობის მცდელობა) და 120-ე მუხლის პირველი ნაწილით (ჯანმრთელობის განზრახ მსუბუქი დაზიანება)  წარედგინა და აღკვეთის ღონისძიების სახით პატიმრობა შეეფარდა. თბილისის საქალაქო სასამართლომ ტ.ბ. დამნაშავედ ცნო წარდგენილ ბრალდებაში და სასჯელის სახედ და ზომად 7 წლით თავისუფლების აღკვეთა ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...