საკრებულოს სამმაგი სტანდარტები

მთავარი თემა

საკრებულოს სამმაგი სტანდარტები

2011 დეკ 15 08:07:53
ამ ყველაფრის შემდეგ, კიდევ მეტად უცნაურად გამოიყურება მათ საპასუხო წერილში მოყვანილი ასეთი ფრაზები: "სამწუხაროა, რომ მსგავსი, რბილად რომ ვთქვათ, "უზუსტობები" ხშირად გამოიყენება სხვადასხვა პოლიტიკური ძალის ხმამაღალი განცხადებებისა და სარეიტინგო მაჩვენებლების ხელოვნურად ამაღლების საშუალებად. ჩვენ მსგავს ქმედებებსა და პროვოკაციულ მცდელობებს ვემიჯნებით და მოვუწოდებთ საზოგადოებას საქმიანი ოპონირებისაკენ!"

ცოტა გაუგებარია რა იგულისხმება ამ ტექსტში, მაგრამ რადგან ოპონირებისკენ მოგვიწოდებთ, მზად ვართ, ყველაფერი ქრონოლოგიური თანმიმდევრობით მოვუთხროთ მკითხველს.

ოზურგეთის მუნიციპალიტეტის საკრებულოს თავმჯდომარის, ალეკო მამეშვილის განცხადებით, ოზურგეთის მუნიციპალიტეტის ბიუჯეტი დამტკიცებულად იმ შემთხვევაში ითვლება, თუ მას ხმას საკრებულოს 19 დეპუტატი მისცემს: _ დებულების თანახმად, ბიუჯეტის დამტკიცებას ხმა უნდა მისცეს 19 დეპუტატმა. რა თქმა უნდა, ამ შემთხვევაში იქნება ის მიღებული, _ აღნიშნა 9 დეკემბერს, "გურია ნიუსთან" სატელეფონო საუბარში მამეშვილმა. ამასვე მოწმობს ოზურგეთის მუნიციპალიტეტის საკრებულოს დებულების 89-ე მუხლი, რომელიც საკრებულოს ოფიციალურ ვებ-გვერდზევეა გამოქვეყნებული _ დებულების თანახმად, "ბიუჯეტის პროექტს ამტკიცებს საკრებულო საკრებულოს წევრთა სიითი შემადგენლობის ნახევარზე მეტით". ამის მიუხედავად, ოზურგეთის მუნიციპალიტეტის საკრებულომ 2012 წლის ბიუჯეტი 18 ხმით, ტაშის კვრით, გასული კვირის პარასკევს მიიჩნია დამტკიცებულად. ბიუჯეტის დამტკიცებას მხარი არ დაუჭირა დარბაზში მყოფმა ოთხმა ოპოზიციონერმა დეპუტატმა _ "გურიის თავისუფალი დემოკრატების" ლიდერმა თემურ სალუქვაძემ, ფრაქცია "ქრისტიან დემოკრატების" ლიდერმა კახა ღლონტმა, სოფელ მელექედურის მაჟორიტარმა დეპუტატმა ავთანდილ ხინთიბიძემ და სოფელ კონჭკათის მაჟორიტარმა დეპუტატმა ალეკო ტუღუშმა.

ოთხი საათის განმავლობაში, 2012 წლის ბიუჯეტის პროექტის განხილვა, დაცარიელებულ დარბაზში მიმდინარეობდა. მთავარი ფინანსური დოკუმენტის განხილვას არაკომერციული, არამომგებიანი იურიდიული პირების ხელმძღვანელებიც ესწრებოდნენ. მმართველი პარტია კვორუმის პრობლემის წინაშე დადგა, შესვენება გამოაცხადა და კენჭისყრის დაწყების წინ ორი დეპუტატის "მობილიზება" მას შემდეგ შეძლო, რაც საკრებულოს თავმჯდომარემ დარბაზში არმყოფ დეპუტატებს სათითაოდ გაკიცხვა დაუწყო. გადარეკვა-გადმორეკვის შემდეგ, სხდომას ერთი "ნაციონალი" და ერთიც ოპოზიციონერი დეპუტატი შეემატა და საერთო რაოდენობამ 22 შეადგინა.

განცხადებების ქრონოლოგია ანუ "კახა, თემურ, გურამ, გადმოდით წინ..."

დღის წესრიგის წაკითხვამდე, საკრებულოს თავმჯდომარემ დეპუტატებს თავიანთი ადგილების დაკავებისკენ მოუწოდა:

"ძალიან გთხოვთ, დეპუტატებო, თქვენი ადგილი დაიკავეთ. კახა, თემურ, გურამ, გადმოდით წინ. რაღაც ისე ვქნათ, რომ დეპუტატებმა დავიკავოთ ჩვენი ადგილი".

დეპუტატებმა მათთვის განკუთვნილი წინა რიგების დაკავების შემდეგ, მამეშვილისგან მადლობაც კი დაიმსახურეს, რის შემდეგაც საკრებულოს თავმჯდომარემ სხდომა გახსნილად გამოაცხადა და ხაზგასმით აღნიშნა: "საკრებულო უფლებამოსილია შეუდგეს მუშაობას, რადგან სხდომას ესწრება 26 დეპუტატი".

პრეზენტაციის მიმდინარეობისას, საკრებულოს დარბაზი დაცარიელდა, შესვენების შემდეგ კი, მამეშვილმა ამ შინაარსის განცხადება გააკეთა (სტილი დაცულია): "პირველ რიგში, საყვედურს ვამბობ იმ დეპუტატების მისამართით, რომლებიც ბრძანდებოდნენ და აი, ასეთ დღეს, როცა უნდა მიიღოს საკრებულომ 2012 წლის ბიუჯეტი, თითქოს გამოუჩნდათ უფრო მნიშვნელოვანი საქმე. დეპუტატი ხარ, ხარ ხალხის რჩეული სოფელსა თუ ქალაქში. რა უნდა იყოს იმაზე მნიშვნელოვანი, ვიდრე შენი ბიუჯეტი, რომელიც მთავარი ძარღვი და არტერიაა მუნიციპალიტეტის. მაინტერესებს რა უფრო მნიშვნელოვანი საქმე აქვთ შოთა მარგალიტაძეს, თეიმურაზ ქინქლაძეს, გიორგი ხუჭუას, ნესტორ ჟღენტს, დავით დოლიძეს, გურამ მიქელაძეს, თემურ სალუქვაძეს?"

კენჭისყრის პროცესამდე რამდენიმე წუთით ადრე, დეპუტატებს შემოუერთდნენ ნაციონალი მიქელაძე და ოპოზიციონერი სალუქვაძე, თუმცა, როგორც იმ დღეს შედგენილ ოქმში იკითხებოდა, ერთი დეპუტატი დოლიძე უკან, შეუმჩნეველ ადგილას იჯდა. ანუ საკრებულოს სხდომის დაწყების დროს რეგისტრაცია გაიარა 26 დეპუტატმა, შესვენების შემდეგ მათი რიცხვი 7-ით შემცირდა და 19 შეადგინა; შემდგომ, 2 დეპუტატი დაემატა, რისი დამამტკიცებელი ფოტომასალა ჩვენ გაგვაჩნია და როგორც სხდომის დასრულების შემდეგ ირწმუნებოდნენ, ერთიც _ რომელიც, საკრებულოს თავმჯდომარის განცხადების მიხედვით, ისეთ ადგილას იჯდა, რომ არავის შეუმჩნევია (?!).

"ეს არის შეურაცხყოფა. გავაგრძელოთ სხდომა. სხდომას ესწრება 21 დეპუტატი. რა თქმა უნდა, უფლებამოსილი ვართ, რომ განვაგრძოთ სხდომა. პირველად მოხდა, რომ შესვენება დაგვჭირდა," _ საკრებულოს თავმჯდომარის ამ გამოსვლის შემდეგ, სხდომა გამგებლის გამოსვლით გაგრძელდა.

სატელეფონო საუბარი

ალეკო მამეშვილი ამ სხდომიდან მეორე დღეს თავად დაგვიკავშირდა. როგორც თავად განმარტა, მისი ინიციატივა, მხოლოდ და მხოლოდ სწორი ინფორმაციის მიწოდებით იყო მოტივირებული. თუმცა, ამ საუბარმა უფრო მეტი კითხვის ნიშანი და გაუგებრობა გამოიწვია, ვიდრე ეს სხდომის დასრულების შემდეგ არსებობდა (სატელეფონო საუბრის სტილი დაცულია მხოლოდ იმიტომ, რომ ვინმემ ტექსტის ინტერპრეტირებაში არ დაგვდოს ბრალი):

_ რაღაც ჩემები მეუბნებიან, რომ გუშინ ინფორმაცია მოგაწოდეს არასწორი, გუშინდელ დღესთან დაკავშირებით და მეც მინდოდა თუკი რაიმე დამატებით საჭიროა ჩემგან ინფორმაცია, რომ მომეცა, რომ რაღაც გაურკვევლობა არ ყოფილიყო. სხდომა ჩატარდა მართლა წესის დაცვით, კანონით. ბიუჯეტს მხარი 19 ადამიანმა დაუჭირა. რა ვიცი, ნახე შენ, გადახედე სიასაც და ჩემს მიერ ვინ დეპუტატებიც დასახელდა. სწორია რეალურად ხო?

_ ბატონო ალეკო, სანამ დღის წესრიგს დაამტკიცებდით, თქვენ სხდომა უფლებამოსილად გამოაცხადეთ და საჯაროდ თქვით, რომ სხდომას ესწრებოდა 26 დეპუტატი, შესვენების შემდეგ კი, თქვენ იმ დეპუტატებს გამოუცხადეთ საყვედური, რომლებმაც სხდომა დატოვეს. ჩვენ მიერ გადაღებულ ვიდეომასალაში, თქვენ ასახელებთ იმ შვიდი დეპუტატის გვარს, რომლებიც შესვენების შემდეგ, სხდომათა დარბაზში არ იმყოფებოდნენ...

_ ოქმში იყო 1 ადამიანის მიერ, რომელიც ამბობს, რომ არ დამინახია ბოლქვაძე და დოლიძეო, მაგრამ შენ ხომ ფოტოც გქონდა და ვიდეოც და მე მგონი დაფიქსირებულია და ყველა შეწუხებული არის, რომ რატომ მოხდა ოქმში ისე, რომ ვთხოვე ვისაც ეკუთვნის აღრიცხვა, ქალბატონ ნათიას, მე თვითონ ამოვიკითხე სია და ნათიას ვთხოვე, რომ ნახე რამდენი დეპუტატია,-თქო. იყო 23 დეპუტატი, 4-მა აქედან ნამდვილად არ დაუჭირა მხარი, არ მიიღო მონაწილეობა და 19-მა ხელი აიწია. ვინც არ იყო ჩვენები შესვენების დროს, რომ წავიდნენ, ისინი თავისთავად არ იყვნენ დარბაზში. რაღაც მინდა გითხრა, რომ გაუგებრად და არასწორ ინფორმაციად ნუ გავიგებთ, მე გეუბნები, რომ ასე ჩატარდა სწორად, თუმცა, რაღაც ხარვეზები შეიძლება ყოფილიყო.

23 დეპუტატი იჯდა, ახლა რას იმას შვებით რო, ჩამოგითვლი ყველას სახელს ვინც მიიღო მონაწილეობა და ვერ იტყვის ვერავინ, ვერც პოზიციური, ვერც ოპოზიციური, ჟურნალისტებიც ვინც იყავით, რომ რომელიმე არ იყო იმ დროს დარბაზში, მოდით ამ სიას გადახედე, ვინ იყო ის 19 ადამიანი და თუკი ეჭვი გექნებათ, მოდი მაშინ ვისაუბროთ, რომ არ იყო მაშინ დარბაზში. რომ რაღაცა იყოს, მე არც გავბედავდი და არ მივცემდი თავს უფლებას დამერეკა და მეთქვა შენთვის. მე მინდა, რომ სწორი ინფორმაცია გქონდეს, იმიტომ შემოგეხმიანე.

_ ოქმში 21 დეპუტატი იყო დაფიქსირებული, თუმცა, როგორც ოქმის შემდგენმა მითხრა, ერთი დეპუტატი მას შემდეგ შეიყვანეს ოქმში, როცა დარბაზში მყოფმა გამგეობის ერთ-ერთმა თანამშრომელმა უთხრა, რომ დეპუტატი, თურმე, უკანა რიგებში იჯდა.

_ ოქმში არაფერი არ იყო, ოქმში იყო იმის დაწერილი და ოქმი არის სამი დღის ვადაში უნდა მომზადდეს, ოქმში რომ ჩაიწერება პირობითად, რომ იყო 22 დეპუტატიო და ვინმე დეპუტატი თუკი იყო 23-ე, მე როგორც ვამბობ, ის რომ იტყვის მე ვიყავი და რატომ არ შეგყავართ ოქმშიო, ამასაც უნდა პასუხის გაცემა. მე გეუბნები, თუ კი გაქვს მასალა, ამ სიტუაციაში ვარ მე რაოდენობრივად მართალი, თუკი ვინმე გაწვდით არასწორ ინფორმაციას, რაღაც უხერხულობები ვარდება და უხერხულობები და არ მინდა რომ ეგ მოხდეს, რადგან რეალურად იყო ის სიტუაცია, რასაც მე გეუბნები ის 19 დეპუტატი, პლიუს 4 დეპუტატი, ანუ 23 თითოეულს გავესაუბროთ, გაესაუბრე ჩემს გარეშე, ვინც ამბობს რომ 22 იყოო, ისიც გაესაუბრა იმ 23-ვეს და ვფიქრობ, რომ არის გადაწყვეტილი და დარწმუნებული, მინდა იცოდე, რომ რეალურად არის ეს სიტუაცია... ვინც არ იყო, ის თავისთავად არ იყო, ვერც გავბედავთ და არც ითქმებოდა, გეუბნები 23 დეპუტატიდან 19-მა ნამდვილად დაუჭირა მხარი, მე ჩემებსაც ვუთხარი ბარემ გუშინ გეთქვათ-თქო, რაღა ახლა იმას შვებოდენ, თუ გუშინ ასეთი სიტუაცია იყო, ახლა მეც რო გავთვალე და მეც რო გამოვაცხადე, ესეც კარგი დარჩა, რო კვორუმი იყო, რომ დაგვეწყო... მარა ხმის მიცემის დროს 19 დეპუტატმა ნამდვილად დაუჭირა მხარი, _ გვიმტკიცებდა რამდენიმე წუთის განმავლობაში სატელეფონო საუბარში ოზურგეთის საკრებულოს თავმჯდომარე.

18 დეპუტატის ამბავი და ოქმი #18

ალბათ შემთხვევითი არც ისაა, რომ საკრებულოს 18 დეპუტატის ამბავი #18 ოქმში აისახა.

ოქმში ვკითხულობთ, რომ სხდომას, 28 დეპუტატი ესწრებოდა. აქვე ისიცაა განმარტებული, რომ ოზურგეთის მუნიციპალიტეტის 2012 წლის ბიუჯეტი მიიღეს სიითი შემადგენლობის უმრავლესობით. შესვენების შემდეგ, ჩატარდა სხდომაზე დამსწრე საკრებულოს წევრთა ხელახალი რეგისტრაცია. სხდომას ესწრებოდა 23 დეპუტატი. აქედან, კენჭისყრაში მონაწილეობა მიიღო საკრებულოს 19 წევრმა, ხოლო 4 წევრმა უარი განაცხადა კენჭისყრაში მონაწილეობაზე.

მარტივი არითმეტიკა

შევაჯამოთ საკრებულოს თავმჯდომარის მიერ გაკეთებული განცხადებები.

26-7=19+2=21+1 (ანუ დეპუტატი, რომელიც თურმე უკან იჯდა) = 22- 4 =18. ამის გამოთვლა, ზეპირი ანგარიშითაც კი, პირველკლასელ მოსწავლესაც არ გაუჭირდებოდა...

ოზურგეთის მუნიციპალიტეტის საკრებულოს მიერ "არაკომპეტენტურად მონათლული" იურისტების განმარტებები კი ასეთია:

როგორც "გურია ნიუსს" საქართველოს ახალგაზრდა იურისტთა ასოციაციის ოზურგეთის წარმომადგენლობის ადვოკატმა ქეთი თოიძემ განუცხადა, საქართველოს საბიუჯეტო კოდექსის 78-ე მუხლის მე-2 ნაწილი განსაზღვრავს, რომ ადგილობრივი თვითმმართველი ერთეულის ბიუჯეტის პროექტის დამტკიცების შესახებ გადაწყვეტილება მიიღება წარმომადგენლობითი ორგანოს სიითი შემადგენლობის უმრავლესობით. აქედან გამომდინარე, ბიუჯეტის პროექტი არ შეიძლება დამტკიცებულად ჩაითვალოს, თუკი მას მხოლოდ სხდომაზე დამსწრეთა უმრავლესობამ დაუჭირა მხარი. თუკი დღესდღეობით საკრებულოს სიითი შემადგენლობა განისაზღვრება 37 დეპუტატით, ბიუჯეტის პროექტის დამტკიცების შესახებ გადაწყვეტილების მიღებას სჭირდებოდა, მინიმუმ, 19 დეპუტატის ხმა.

როგორც "გურია ნიუსს" "საერთაშორისო გამჭვირვალობა საქართველოს" აღმასრულებელმა დირექტორმა ეკა გიგაურმა უთხრა, ბიუჯეტის დამტკიცებისთვის მხარი 20 დეპუტატს მაინც უნდა დაეჭირა, წინააღმდეგ შემთხვევაში, იგი დამტკიცებულად არ ითვლება.

"ცალსახად ვიტყვი, რომ ბიუჯეტი არ არის დამტკიცებული", _ თქვა ჩვენთან სატელეფონო საუბარში იურისტმა ალექსანდრე ბარამიძემ.

სახელმწიფო მმართველობის მაგისტრი, ვლადიმერ სიხარულიძე, განმარტავს, რომ ოზურგეთის მუნიციპალიტეტის საკრებულოს სრული შემადგენლობა, ორგანული კანონის თანახმად, 39-ია. სიითი შემადგენლობით კი 37-ი.

საქართველოს საბიუჯეტო კოდექსის 78-ე მეორე პუნქტის თანახმად, "ადგილობრივი თვითმმართველობის წარმომადგენლობითი ორგანო საჯაროდ იხილავს ბიუჯეტის პროექტს და ახალი საბიუჯეტო წლის დაწყებამდე იღებს გადაწყვეტილებას ადგილობრივი თვითმმართველი ერთეულის ბიუჯეტის პროექტის დამტკიცების შესახებ. გადაწყვეტილება ბიუჯეტის პროექტის დამტკიცების შესახებ მიიღება წარმომადგენლობითი ორგანოს სიითი შემადგენლობის უმრავლესობით".

P.S. კვორუმის პრობლემა ოზურგეთის მუნიციპალიტეტის საკრებულოში პირველი არ არის, არც ოქმში ჩასწორების შემთხვევაა პირველი და ამას ის აუდიოჩანაწერები ადასტურებს, რომელიც "გურია ნიუსის" არქივში ინახება და რომელიც ამჯერად არ გამოგვიქვეყნებია.




 ახალი ამბები
  • ყალბი დოკუმენტების დამზადების ფაქტზე კომპანიის ხელმძღვანელები დააკავესსაქართველოს ფინანსთა სამინისტროს საგამოძიებო სამსახურის თანამშრომლებმა, ჩატარებული ოპერატიულ - სამძებრო და საგამოძიებო მოქმედებების შედეგად, ყალბი საგადასახადო დოკუმენტების დამზადება - გამოყენებისა და ქონების მესაკუთრის მოტყუებით, დიდი ოდენობით ქონებრივი დაზიანების ფაქტზე, ორი კომპანიის ხელმძღვანელი ორი პირი დააკავეს. აღნიშნულის შესახებ ფინანსთა სამინისტროს საგამოძიებო სამსახურში განაცხადეს. "გამოძიებით დადგენილია, რომ ბრალდებულებმა, უკანონო მატერიალური სარგებლის მიღების მიზნით, მათ მმართველობაში არსებული კომპანიების სახელით, ყალბი საგადასახადო დოკუმენტების გაწერის გზით, ერთმანეთში განახორციელეს ხის მასალის ფიქტიური მიწოდებები, რითაც, ერთ - ერთ კომპანიას ხელოვნურად შეექმნა ხის მასალის ნაშთი და დღგ - ს აქტივი, რომელიც შემდგომში ნაწილობრივ გამოყენებულ იქნა მიმდინარე საბიუჯეტო ვალდებულებების დასაფარად. ბიუჯეტისათვის მიყენებული ზიანი 100 000 ლარს აღემატება. გამოძიება მიმდინარეობს საქართველოს სსკ-ის 210-ე მუხლის მეორე და 185-ე მუხლის მესამე ნაწილებით, რაც სასჯელის სახით ითვალისწინებს თავისუფლების აღკვეთას 4 -დან 7-წლამდე ვადით,"_ აცხადებენ უწყებაში. ... ...
  • რას ამბობს „ფონდი ქართუ“ განულებული სესხების შესახებ გავრცელებულ ინფორმაციაზესოციალურ ქსელებში განულებული ვალების პროგრამის შესახებ რამდენიმე დღეა ვრცელდება ინფორმაცია, რომ საიტი vali.ge გაუქმდა და ჩამოწერილი  სესხების გადახდა მოსახლეობას მოუწევს. აღნიშნულ ინფორმაციას  ა(ა)იპ საერთაშორისო საქველმოქმედო „ფონდი ქართუ“ ეხმაურება და ამბობს რომ არასწორი ინფორმაცია  ვრცელდება. „ვაცხადებთ, რომ 2018 წლის ნოემბერ-დეკემბერში ა(ა)იპ საერთაშორისო საქველმოქმედო „ფონდი ქართუს" მიერ, ერთჯერადი სოციალური სოლიდარობის აქტის ფარგლებში, განხორციელდა ფიზიკური პირების პრობლემური ვალდებულებების შესყიდვა საქართველოში მოქმედი 55 ფინანსური ინსტიტუტისგან. აღნიშნული სესხების შეძენის მიზანს მისი შემდგომი პატიება წარმოადგენდა, რაც განხორციელდა კიდეც. შეძენილი პორტფელის მოცულობიდან გამომდინარე, პატიების პროცესი გრძელდებოდა 2019 წლის განმავლობაში და ეტაპობრივად ხდებოდა შესაბამისი საკრედიტო სტატუსის ასახვა სს „საკრედიტო საინფორმაციო ბიურო კრედიტინფო საქართველოს" ბაზებში. „ფონდი ქართუ" კიდევ ერთხელ აცხადებს და ადასტურებს, რომ მიმდინარე ეტაპზე შეძენილი სესხების პატიება განხორციელებულია სრულად, იმ ფიზიკური პირებისთვის, ვისი სასესხო ვალდებულება და მონაცემებიც მოწოდებული იქნა ამა თუ იმ ფინანსური თუ საკრედიტო ორგანიზაციისგან და აღარ არსებობს აღნიშნულ ვალდებულებებზე რაიმე სახის მოთხოვნის უფლება. შესაბამისად, ყველანაირ საფუძველს მოკლებულია გავრცელებული ინფორმაცია იმის შესახებ, რომ „ფონდი ქართუ" გეგმავს ან ახორციელებს აღნიშნული სესხების დაფარვის მოთხოვნას. აქვე დავძენთ, რომ „ფონდი ქართუს" მიერ სრულად იქნა შეძენილი 2018 წლის ნოემბერ-დეკემბერში ფინანსური ინსტიტუტების მიერ შერჩეული და გადმოცემული სესხები, შესაბამისად, თუ რომელიმე პირის ვალდებულებები ვერ მოხვდა სოციალური სოლიდარობის აქტის ფარგლებში განხორციელებულ პროექტში, ფონდი მოკლებულია შესაძლებლობას აღნიშნულთან დაკავშირებით გააკეთოს რაიმე კომენტარი ან აიღოს პასუხისმგებლობა. რაც შეეხება საიტს - vali.ge, როგორც თავიდანვე იყო გაცხადებული (მათ შორის მითითებული იყო საიტზეც), ის იფუნქციონირებდა მხოლოდ პროგრამის ფარგლებში და შესაბამისად, დაიხურა 2019 წლის ბოლოს. იმ შემთხვევაში, თუ რომელიმე ფინანსური ინსტიტუტი ან სხვა პირი ითხოვს ჩვენ მიერ შეძენილი სესხების დაფარვას, მოვუწოდებთ დაინტერესებულ პირებს, თავიანთი აქტიური ვალდებულებების სტატუსი გადაამოწმონ საკრედიტო საინფორმაციო ბიურო კრედიტინფოში“,_ წერია „ფონდი ქართუს“ მიერ გავრცელებულ ... ...
  • თბილისში ქურდობის ბრალდებით 1 პირი დააკავესთბილისში მოპედის ქურდობის ბრალდებით 1991 წელს დაბადებული, წარსულში ნასამართლევი თ. პ. დააკავეს. აღნიშნულის შესახებ ინფორმაციას შინაგან საქმეთა სამინისტრო ავრცელებს. უწყების განცხადებით, დანაშაული 4-დან 7 წლამდე ვადით თავისუფლების აღკვეთას ითვალისწინებს. „გამოძიებით დადგინდა, რომ ბრალდებულმა თბილისში, ცოტნე დადიანის ქუჩიდან, მოქალაქის კუთვნილი მოპედი მოიპარა და შემთხვევის ადგილიდან მიიმალა. სამართალდამცველებმა ბრალდებული მოსამართლის განჩინების საფუძველზე, თბილისში დააკავეს. პოლიციამ მოპარული მოპედი ნივთმტკიცებად ამოიღო. დაკავებული დანაშაულს აღიარებს. გამოძიება სატრანსპორტო საშუალების წინააღმდეგ ჩადენილ ქურდობის ფაქტზე, საქართველოს სსკ-ის 177-ე მუხლის მე-3 ნაწილის „დ“ ქვეპუნქტით მიმდინარეობს,“_ ნათქვამია შინაგან საქმეთა სამინისტროს მიერ გავრცელებულ ... ...
  • თბილისში ავტოსაგზაო შემთხვევას ქალი ემსხვერპლათბილისში,  გაფრინდაშვილის სანაპიროზე  ქვეითად მოსიარულე ქალს ავტომობილი დაეჯახა, რის შედეგადაც, ქალი ადგილზევე გარდაიცვალა. შემთხვევა გვიან ღამით მოხდა. თვითმხილველები ამბობენ, რომ ავტომობილის მძღოლს საგზაო წესები არ დაურღვევია და ქალს გზაზე გადარბენის დროს დაეჯახა. შინაგან საქმეთა სამინისტროს განცხადებით, მომხდარზე გამოძიება სისხლის სამართლის კოდექსის 276-ე მუხლის, მეექვსე ნაწილით ... ...
  • გარდაცვლილ ხუთ მგზავრს შორის, ერთ-ერთი 30 წლის ქალიასამტრედიაში მომხდარი ავტოსაგზაო შემთხვევისას დაღუპულთა შორის, ერთ-ერთი 30 წლის ქალია. ჩვენ ხელთ მანამდე არსებული ინფორმაციით, იგი სენაკის მუნიციპალიტეტის სოფელ ძველ სენაკის მკვიდრი იყო. ინფორმაციის დასაზუსტებლად მერის წარმომადგენელს ალექსანდრე ჯანჯღავას დავუკავშირდით, რომელიც "გურია ნიუსთან" საუბრისას ამბობს, რომ თითქმის ექვსი წელია, ოჯახი ძველ სენაკში აღარ ცხოვრობს: "უკვე თითქმის ექვსი წელია ეს ოჯახი ჩვენს სოფელში აღარ ცხოვრობს. მათ სახლი გაყიდეს და როგორც ვიცი, საცხოვრებლად თბილისში გადავიდნენ", _ განუცხადა "გურია ნიუსს" ალექსანდრე ჯანჯღავამ. შეგახსენებთ, ავტოსაგზაო შემთხვევა სამტრედიაში რამდენიმე საათის წინ მოხდა. ერთმანეთს "მინივენი" და ტრაილერი შეეჯახა. როგორც "გურია ნიუსს" ერთ-ერთმა თვითმხილველმა განუცხადა, შეჯახება იმდენად ძლიერი, იყო რომ "მინივენში" მსხდომი ხუთივე მგზავრი ადგილზე დაიღუპა. რა გახდა ავტოსაგზაო შემთხევის ზუსტი მიზეზი, ჯერჯერობით, უცნობია. შსს-მ გამოძიება სსკ-ის 276-ე მუხლის მერვე ნაწილით ... ...

არქივი

ზაფრანი

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...