"შენც რომ არ იწვალო და ჩვენც არ გვაწვალო, ეს ნაკვეთი სახელმწიფოს აჩუქეო..."

მთავარი თემა

"შენც რომ არ იწვალო და ჩვენც არ გვაწვალო, ეს ნაკვეთი სახელმწიფოს აჩუქეო..."

2011 დეკ 20 07:43:39

როგორც ბადრი კუტალაშვილი ამბობს, მას პრობლემები შეუქმნეს და როგორც "ნაციონალურ მთავრობას" ჩვევია, ნაკვეთის ჩუქებასაც თხოვდნენ:

_ ლანჩხუთში, ჟურნალისტები აღმოჩნდით გამონაკლისები, რომლებიც ჩემთან არ მოსულხართ და რჩევისა თუ მუქარის სახით არ გითქვამთ, რომ გრიგოლეთში ჩემს საკუთრებაშია არსებული მიწის ნაკვეთი სახელმწიფოსთვის მეჩუქებინა.

_ იქნებ, დაგვიკონკრეტოთ რა მიწის ნაკვეთზეა საუბარი და კონკრეტულად ვინ გთხოვდათ?

_ ეს არის გრიგოლეთის ტერიტორიაზე 4 500 კვ.მ. მიწის ნაკვეთი. როგორც გახსოვთ, გრიგოლეთში პორტის მშენებლობა კარგად გაპიარდა და დღეს ეს პორტი უკვე აშენებული უნდა იყოს. აშენებულია პორტი?

_ არა და სავარაუდოდ, ამ პორტმა "სუფსის წყალი დალია".

_ ჰოდა, ამ პორტის გამო, როგორც ჩანს, ჩემი მიწის ნაკვეთი იყო საჭირო მათთვის. მაშინ, გაგებული გექნებათ, დადიოდნენ მაკლერები, რომლებიც იაფად ყიდულობდნენ მიწებს და შემდეგ საკმაოდ ძვირად ყიდდნენ. იყო რჩევაც, უფრო ეს იყო მუქარანარევი რჩევა და, რა თქმა უნდა, იყო მუქარებიც. მე და კიდევ რამდენიმე პიროვნება, რადგან არ დავთანხმდით მათ მიზერულ ფასებს, გამოვედით სახელმწიფო პოლიტიკის მოწინააღმდეგეები და ხელშემშლელები.

_ რა ფასს გთავაზობდნენ?

_ საუბარი იყო 25 დოლარზე კვადრატულ მეტრში, თუმცა, თანხის პირდაპირი შემოთავაზება არ ყოფილა. უბრალოდ, ერთხელ "შემოგვიგდეს", რომ 100 ათასს გადაიხდიდნენ, ანუ 25 დოლარიც არ გამოდიოდა. მე ვუთხარი, ჯერ ერთი, მე ვყიდდი ამ მიწას და ამის შესახებ არსად განმიცხადებია და მეორეც: სადღაც, გადაკარგულში მდებარე ნაკვეთშიც იხდიან 25 დოლარს და ის მიწის ნაკვეთი, რომელიც გზის პირას, სტრატეგიულად მნიშვნელოვან ადგილზე მდებარეობს, იგივე ღირს,-მეთქი? ამაზე ერთმა მითხრა, თქვენ რომ მეტი გადაგიხადოთ, სხვაც მომატებას მოითხოვსო. ისიც თქვეს, ჯერ სხვებისაგან ვიყიდით და შემდეგ მოვალთ შენთანო, ანუ იმათ ცოტას მისცემდნენ და რადგან მე გავძალიანდი, მეტს მომცემდნენ. თუმცა, მოგეხსენებათ, პორტის მშენებლობა შეჩერდა და შეგვეშვნენ, თუმცა გასული წლის დეკემბერში, წინასაახალწლოდ, ისევ მომიბრუნდნენ. ისეთი ახალი წელი მქონდა, მაგათ ვუსურვებ, ვინც ამაში მონაწილეობდა. დამიკავშირდნენ სუფსის პოლიციის განყოფილებიდან და მითხრეს, რომ დაბარებული ვიყავი გურიის პროკურატურაში. რა თქმა უნდა, წავედი. გაგებული მქონდა, რომ ბახმაროს მიწების სკანდალის შემდეგ, იბარებდნენ ადამიანებს და მიწის ნაკვეთების დათმობას თხოვდნენ. ჩავედი ოზურგეთში, შევხვდი მთავარ პროკურორს, კახა კოჩივარს. გამომკითხა, სად არის შენი ნაკვეთი და მეზობლები ვინ არიანო. რა თქმა უნდა, ავუხსენი ყველაფერი. ბოლოს მითხრა, საბუთები ჩამოიტანეო. წავიღე დოკუმენტების ასლები, დედნები სპეციალურად არ ჩავუტანე. თუმცა, მითხრეს, დედნები მოიტანე, ეს ქსეროქსზე გადაღებული რად გვინდაო? ამის შემდეგ მომიბრუნდა და მეუბნება _ შენც რომ არ იწვალო და ჩვენც არ გვაწვალო, მოდი, ეს ნაკვეთი სახელმწიფოს აჩუქეო!

_ 100 ათასზე აღარ იყო საუბარი?

_ არა, უკვე ჩუქებას მთხოვენ. რა "გაახურე" საქმე, ხალხმა სახელმწიფოს მილიონები აჩუქესო, _ მითხრა პროკურორმა. მე ვუპასუხე, მილიონის თუ აჩუქეს, ათი მილიონი დარჩათ. ეს ფული ჩემთვის წამლის ფულია, თქვენ პენსიონერ მასწავლებელს მეძახით და მეუბნებით _ სახელმწიფოს აჩუქე ქონება, ნაცვლად იმისა, სახელმწიფო აქეთ დამეხმაროს,-მეთქი.

_ ამის შემდეგ როგორ განვითარდა მოვლენები, იოლად შეგეშვნენ?

_ არა, რა თქმა უნდა! მაინც ჩამატანინეს დედნები. პროკურორს ავუხსენი _ სანამ ცოცხალი ვარ, ამაზე ხელის მომწერი არ ვარ. ჩემი ბიჭი ინგლისშია და ახლოს არის სტრასბურგთან-მეთქი. ისიც დავუმატე, რომ მეტს არ ჩავიდოდი ოზურგეთში და ამ საკითხზე არავის დაველაპარაკებოდი.

მას შემდეგ ჩემთვის არავის დაურეკავს. ამ ზაფხულს ინგლისიდან ჩამოვიდა ჩემი შვილის მეგობარი, რომელიც ლანჩხუთში რიგი ინვესტიციების გახორციელებით დაინტერესდა. ერთ-ერთი აღმოჩნდა მიწის ნაკვეთი გრიგოლეთში, სადაც სურს გაზის სატუმბი სადგურის გაკეთება. მან ბევრი ადგილი მოინახულა, ფასებიც გაარკვია. რადგან ჩემი შვილის მეგობარი იყო, შეღავათი გავუწიე და გადავწყვიტე, ჩემი ნაკვეთი დამეთმო. შემომთავაზა, რომ ნაკვეთს შეიძენდა და მოწილედ შემიყვანდა. ამის შემდეგ დაიწყო, რაც დაიწყო.

_ კიდევ პრობლემები შეგიქმნეს?

_ 19 ოქტომბერს მივედით ფოთის საჯარო რეესტრში, რათა გადამეფორმებინა ეს ნაკვეთი ბრიტანეთის მოქალაქეზე. 23-24-ში პასუხი უნდა ყოფილიყო, მაგრამ ვერ მივიღე. ამიტომ დავუკავშირდი ფოთის საჯარო რეესტრს, სადაც მითხრეს, რომ ეს ლანჩხუთს უნდა გაეკეთებინა. თურმე, დაიბლოკა ჩემი საქმე. მახსოვს, პარასკევია, ანუ სამუშაო 2 დღის შესრულებული უნდა იყოს. მივედი ლანჩხუთის ოფისში. უფროსი სარდიონ ჩხაიძე მელაპარაკა. მითხრა, რომ ჩემი შვილიც ელაპარაკა და ისე ნუ იზამთ, სასკანდალოდ გახდეს საქმე და საელჩოები ჩაერიონო. ორშაბათს იქნება, სავარაუდოდო. ორშაბათს ვერა და სამშაბათს მივედი. სარდიონი შვებულებაში აღმოჩნდა გასული! ამდენ თანამდებობაზე მიმუშავია და ასეთი არ გამიგია _ პარასკევს არ იცოდა, შვებულებაში თუ გადიოდა? დაიმალა! რეესტრის თანამშრომლებმა მითხრეს, ამას სარდიონი აკეთებდა და ჩვენ ვერ ვიზამთო. უკიდურეს პროტესტს რომ მივმართე და რეესტრიდან წამოსვლას რომ არ ვაპირებდი, სასწრაფოდ მომიმზადეს საბუთი. მოვითხოვე, გაეცათ პასუხი _ რატომ დამიგვიანეს ამდენი ხანი? ეს პასუხი ვერ მივიღე. არადა, მე პრობლემები შემიქმნა ამ დაგვიანებამ _ ბრიტანელი მოქალაქე სამართლიანად შეშფოთდა, ფულს ვიხდი, წილში ვსვამ და კიდევ პრობლემები რად მინდაო? ჩიხში შემიყვანეს და ჩაიშალა მოლაპარაკება.

ახლა გავიგე, რომ ჩემი სოფლის რწმუნებულობის პერიოდით დაინტერესდნენ. ღრმაღელეში დღეს გაუვალი გზაა. ჩემს დროს რომ გზა გაკეთდა, ხელშეკრულებაში იდო, თუ 4 წლის მანძილზე დაზიანდებოდა გზა, გამკეთებელი კომპანია ვალდებული იყო, აღედგინა. დღეს რა ხდება? მას შემდეგ ეს გზა ბიუჯეტის ფულით სამჯერ შეაკეთეს. ვითხოვ, გამოიძიონ ეს საქმე!

ყველაზე მთავარი რაც მინდოდა მეთქვა _ პრობლემები შეუქმნეს იმ ადამიანს, რომელიც საფეხბურთო კლუბ "გურიას" თემაზე შეხვდა ლანჩხუთის გამგებელს და გოგუაძემ უთხრა _ ოღონდ "გურიას" უპატრონე და ჯაპანიდან გრიგოლეთამდე რომელ მიწასაც დაადებ ხელს, მოგყიდიო. აი, ასეთ ადამიანს შეუშალა ხელი, ანუ მე "დამბლოკა"...

_ ვინ? გამგებელმა?

_ კი, რა თქმა უნდა, გამგებელმა და სხვებმაც. რეზო ჩიტიძესთან მივედი, რომელმაც მითხრა, პროკურატურა რაღაცას იკვლევდაო. თუ იკვლევდა და რამე არასწორად იყო, დაეყადაღებინათ. სხვა მხრივ, რატომ არ მაძლევდნენ ჩემი მიწის გაყიდვის უფლებას?

_ თქვენ გამგებელთან რაიმე დაპირისპირება გაქვთ?

_ როცა სააკაშვილმა ღრმაღელეში წააგო, გამგებელმა ჩემი რწმუნებულის პოსტიდან გაშვება მოითხოვა. არადა, არაფერი გააკეთეს და ხმა საერთოდ რომ ავიღეთ, ესეც გასაკვირია. თავად მაშინ გამგებელი არ იყო, პეტრიაშვილის კაბინეტში რომ იჯდა, იქ იღებდა ხალხს. თურმე, ეძებს ჩემს შემცვლელს. მე ვუთხარი, არ ვარ არენიდან წაგებულ წასვლას მიჩვეული, საპარლამენტოს მოვიგებ და წავალ,-მეთქი. არა, განცხადება დაწერეო. არ დავწერე, მაგრამ მალე გრიპი დამემართა და ერთი კვირა ბიულეტენზე ვიყავი. თურმე, უნდა გამეფრთხილებინა ესენი. ისარგებლეს ამით და გამიშვეს.

ჩვენ კომენტარისთვის ლანჩხუთის გამგებელ გიორგი გოგუაძეს დავუკავშირდით:

_ ბატონო გიორგი, ბადრი კუტალაშვილი ამბობს, რომ თქვენ მას მიწის ნაკვეთის გაყიდვაში შეუშალეთ ხელი.

_ მე რა შეხება უნდა მქონდეს მაგ საქმესთან? თუ ეს არის კერძო საკუთრება და გაყიდის, მე ხელს როგორ შევუშლი? ვერავინ იტყვის, რომ ჩემი მხრიდან მასზე ზეწოლას ჰქონდა ადგილი და ამ მიწასთან დაკავშირებით რაიმე თხოვნა მქონდა.

_ თქვენზე ამას არ ამბობს, თუმცა, აღნიშნავს, რომ პიროვნულად არ გაქვთ მასთან კარგი ურთიერთობა.

_ რატომ არ უნდა მქონდეს კარგი ურთიერთობა?

_ თავად ამბობს, რომ თავის დროზე სოფლის რწმუნებულის თანამდებობიდან გაათავისუფლეთ...

_ არანაირი შეხება მაგ საკითხთან მე არ მქონია. მაგ ადამიანმა, შესაძლოა, კიდევ ბევრი რამ დამაბრალოს...

ჩვენ საჯარო რეესტრის ლანჩხუთის განყოფილების უფროსთან დაკავშირებას ვეცადეთ, მაგრამ სარდიონ ჩხაიძეს მობილური გათიშული ჰქონდა.




 ახალი ამბები
  • სასამართლომ "რუსთავი 2"-ის საქმეზე დვალის და აქიმიძის სარჩელი განუხილველად დატოვათბილისის საქალაქო სასამართლომ დღეს, 17 იანვარს, გაავრცელა ინფორმაცია, რომლის მიხედვითაც, სასამართლომ 2020 წლის 10 იანვარს განუხილველად დატოვა ჯარჯი აქიმიძისა და დავით დვალის (წარმომადგენელი – კახა კოჟორიძე) სარჩელი, მოპასუხეების, ქიბარ ხალვაშისა და პაატა კარსანიძის მიმართ ტელეკომპანია “რუსთავი 2-ის” წილის ნასყიდობის ხელშეკრულების ბათილად ცნობის, საჯარო რეესტრში წილის რეგისტრაციის გაუქმებისა და შპს-ს წილის მესაკუთრედ ცნობის მოთხოვნის თაობაზე. სასამართლომ ზეპირი მოსმენის გარეშე განიხილა საქმის მასალები და მიიჩნია, რომ მოსარჩელე მხარემ ვერ უზრუნველყო სამოქალაქო საპროცესო კოდექსით გათვალისწინებული მოთხოვნის დაცვა, კერძოდ, სარჩელისა და თანდართული მასალების მოპასუხისთვის ჩაბარება და კანონით დადგენილ ვადაში ჩაბარების ან/და ჩაუბარებლობის დამადასტურებელი დოკუმენტების  სასამართლოში წარმოდგენა. როგორც სასამართლო აცხადებს, მოსარჩელის მხრიდან კანონით დადგენილი ნორმის მოთხოვნის შეუსრულებლობის გამო, სასამართლომ  მოცემულ საქმეზე გააუქმა თბილისის საქალაქო სასამართლოს სამოქალაქო საქმეთა კოლეგიის 2019 წლის 18 ოქტომბრის განჩინებით გამოყენებული სარჩელის უზრუნველყოფის ღონისძიება, რომლის საფუძველზეც ყადაღა დაედო შპს “სამაუწყებლო კომპანია რუსთავი 2-ის” პარტნიორის, ქიბარ ხალვაშის კუთვნილ 60% წილს. სასამართლოს განჩინება შეიძლება გასაჩივრდეს კერძო საჩივრით მხარისათვის მისი ჩაბარებიდან 12 დღის ვადაში თბილისის სააპელაციო სასამართლოს სამოქალაქო საქმეთა პალატაში.  ამავე თემაზე: "რუსთავი 2"-ის 60 % დაყადაღებულია _ სასამართლომ აქიმიძის და დვალის სარჩელი წარმოებაში მიიღო ნიკა გვარამიას „რუსთავი 2“-ის საქმეზე ახალი ბრალი წაუყენეს სამხარაულის ექსპერტიზის ბიურო: დოკუმენტზე ქიბარ ხალვაშის ხელმოწერა არაა ... ...
  • თბილისში 1 პირი მაღაზიის გაქურდვის მცდელობის დროს დააკავესშინაგან საქმეთა სამინისტროს საპატრულო პოლიციის ისანი-სამგორის სამმართველოს თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, ქურდობის მცდელობის ბრალდებით, 1987 წელს დაბადებული ჯ.ს. თბილისში დააკავეს. ჩადენილი დანაშაული 3-დან 5 წლამდე ვადით თავისუფლების აღკვეთას ითვალისწინებს. საპატრულო პოლიციის თანამშრომლებმა ბრალდებული იმ დროს დააკავეს, როდესაც მან სამგორის ქუჩაზე მდებარე ერთ-ერთ მაღაზიაში უკანონოდ შეაღწია და სავაჭრო დაწესებულებიდან ფულისა და ლეპტოპის მოპარვას ცდილობდა. ქურდობის მცდელობის ფაქტზე გამოძიება საქართველოს სსკ-ის 19-177-ე მუხლის მე-2 ნაწილის „ა" და „ბ" ქვეპუნქტებით ... ...
  • მიკროავტობუსის მძღოლს 15 წლის გოგოსთან გარყვნილი ქმედებისთვის 6 წელი მიუსაჯესხელვაჩაურში მცხოვრები 29 წლის კაცი 15 წლის გოგოსთან გარყვნილი ქმედებისთვის, ასევე პირადი ცხოვრების ამსახველი საიდუმლოს ხელყოფის მუხლით გაასამართლეს. პროკურატურა მას გოგოს გაუპატიურებასაც ედავებოდა, თუმცა ეს სასამართლომ არ დაადასტურა. განაჩენის მიხედვით, შემთხვევა ღამის საათებში, ჭოროხის სანაპიროზე მოხდა. 29 წლის ბრალდებულმა დაზარალებულად ცნობილი 15 წლის მოზარდი თავის კუთვნილ მიკროავტობუსში გაიცნო და მასთან კომუნიკაცია სოციალურ ქსელში გააგრძელა. დაზარალებული გოგოს ჩვენებით, მას ბრალდებულმა სახლში საღამოს მიაკითხა და დალაპარაკება სთხოვა. მიკროავტობუსი ჭოროხის სანაპიროზე გაჩერდა. დაზარალებულმა გოგომ მოსამართლე ნუგზარ მგელაძეს უთხრა, რომ მას ბიჭი მანქანიდან გარეთ აღარ უშვებდა, კოცნიდა და სექსუალურ კონტაქტს აიძულებდა. მოგვიანებით, გოგოს ხელები ბრალდებულმა მანქანის ღვედით შეუკრა. გოგომ სახლში დაბრუნება დილის 6 საათზე შეძლო. მას მშობლები ეძებდნენ და პოლიციისთვის უკვე მიმართული ჰქონდათ. პროკურატურამ ბრალდებულს გაუპატიურების და გარყვნილი ქმედების ჩადენის მუხლით წაუყენა ბრალი, თუმცა ჩხრეკის შედეგად აღმოჩნდა, რომ ბრალდებულს საკუთარ მობილურ ტელეფონში 15 წლის გოგოსთან კოცნა ვიდეოთი ჰქონდა გადაღებული და პროკრატურამ ბრალდებულს პირადი ცხოვრების საიდუმლოს ხელყოფის მუხლითაც წაუყენა ბრალი. გაუპატიურება ამ საქმეზე სასამართლომ არ დაადასტურა და აღნიშნა, რომ მხოლოდ დაზარალებულად მიჩნეული გოგოს ჩვენება საკმარისი არ არის. „სასამართლოს მიაჩნია, რომ მხოლოდ მისი ჩვენება საკმარისი არ არის გამამტყუნებელი განაჩენის გამოსატანად, რადგან სასამართლო სხდომაზე გამოკვლეული დანარჩენი მტკიცებულებები  ეჭვქვეშ აყენებს მათ უტყუარობას. ბრალდებულის მიერ ძალადობით სხეულში სექსუალური ხასიათის შეღწევის შესახებ სასამართლოს ინფორმაციას აწვდის მხოლოდ თვით დაზარალებული, სხვა რაიმე პირდაპირი მტკიცებულება, ექსპერტიზის დასკვნა, ან სხვა მტკიცებულება, რომელიც ერთმნიშვნელოვნად დაადასტურებდა ძალადობის ფაქტს, საქმეში არ მოიპოვება და მხოლოდ აღნიშნული ჩვენება არ შეიძლება გახდეს გაუპატიურების ნაწილში მსჯავრდების საფუძველი,“ – აღნიშნულია განაჩენში. ბრალდებულმა დანაშაული უარყო. მან მოსამართლეს უთხრა, რომ გოგოს მოეფერა, მაგრამ ეს მისი თანხმობით გააკეთა და ვიდეოც მისი თანხმობით გადაიღო. ბრალდებულმა ასევე თქვა, რომ არ იცოდა, თუ გოგო 16 წლის არ იყო. გარყვნილი ქმედებისთვის და პირადი ცხოვრების საიდუმლოს ხელყოფისთვის ფ.-ს 6 წლით თავისუფლების აღკვეთა მიუსაჯეს. ჯაბა ანანიძე ... ...
  • 20 წლის დედა ახალშობილის მკვლელობისთვის გაასამართლესხელვაჩაურის ერთ-ერთ სოფელში მცხოვრები ქალი ახალშობილის განზრახ მკვლელობის მუხლით გაასამართლეს. მას მოსამართლე ნუგზარ მგელაძემ 4 წლით თავისუფლების აღკვეთა შეუფარდა, რაც ჩაეთვალა პირობით გამოსაცდელი ვადით. შემთხვევა 2018 წლის თებერვალში მოხდა – 20 წლის გოგომ სახლში იმშობიარა. გამოძიების ვერსიით, საძინებელ ოთახში „მშობიარობის შემდეგ უმალვე კისრის ორგანოებზე დაწოლით მან განზრახ მოკლა მამრობითი სქესის ახალშობილი…“, – აღნიშნულია განაჩენში. ადგილზე მისულ პოლიციელებს ახალშობილი უკვე გარდაცვლილი დახვდათ, ქალი კლინიკაში გადაიყვანეს. ბრალდებულმა დანაშაულის ჩადენა აღიარა და უდავოდ მიიჩნია ყველა მტკიცებულება, რაც პროკურორმა მის წინააღმდეგ წარმოადგინა. „სასამართლო მიიჩნევს, რომ ბრალდებული, რომელიც ადრე არ არის ნასამართლევი, აღიარებს, ინანიებს და მძიმედ განიცდის ჩადენილ დანაშაულს, სასჯელი უნდა დაენიშნოს იმ ზომით, რაც შეესაბამება მსჯავრდებულის ქმედების სიმძიმეს, მის პიროვნებას და დანაშაულის შემდგომ ქცევას და რაც არ იქნება მკაცრი და უსამართლო, რაც სასამართლოს აზრით უფრო მეტად შეუწყობს ხელს სამართლიანობის აღდგენას და მის საზოგადოებაში ინტეგრაციას,“ – წერია განაჩენში. 20 წლის ქალი სისხლის სამართლის კოდექსის 112 -ე მუხლის შესაბამისად გაასამართლეს. ეს მუხლი გულისხმობს  „დედის მიერ ახალშობილის განზრახ მკვლელობას მშობიარობისას ან მშობიარობის შემდეგ უმალვე“. დანაშაული ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით სამიდან ხუთ წლამდე. წყარო: ... ...
  • ხუნდაძე: "უდიდესი ნაწილი კლინიკებისა არის ანაზღაურებული"ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ ბიუროს სხდომაზე  ლევან კობერიძის მიერ წამოჭრილ საკითხთან დაკავშირებით აღნიშნა, რომ დღეს იგი საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილეს ხვდება 520-ე დადგენილებასთან დაკავშირებით. „თუმცა მხოლოდ ეს შეხვედრა არ არის ამ საკითხთან დაკავშირებით სამუშაო რეჟიმის ნაწილი. ჩვენ გასული წლის ბოლოს პრემიერმინისტრთან და შესაბამისი უწყებების მინისტრებთან, მათ შორის, ეკა ტიკარაძესთან ერთად, შევხვდით კლინიკის ხელმძღვანელებს. რა თქმა უნდა, იყო გარკვეული პრობლემური საკითხები, მაგრამ ეს გასული წლის ბოლოს დალაგდა. უდიდესი ნაწილი კლინიკებისა არის ანაზღაურებული",- განაცხადა დიმიტრი ხუნდაძემ. მისი ინფორმაციით,520-ე დადგენილებასთან დაკავშირებით შექმნილია დარგობრივი, თემატური ჯგუფები, სადაც დარგის სპეციალისტები მუშაობენ კონკრეტული ნოზოლოგიებისა და განფასების წესის დასადგენადდა დასათვლელად. მისივე თქმით, მანამდე არსებული დისკომუნიკაცია არის აბსოლუტურად აღმოფხვრილი და ჯანმრთელობის დაცვისა და სოციალურ საკითხთა კომიტეტი სრულად არის ჩართული ამ პროცესში. „მთავარია ყველას გვქონდეს სურვილი იმისა, რომ  სისტემა სწორად იმართებოდეს, რადგან ყველაზე მეტ შემხებლობაში მოსახლეობასთან,გეთანხმებით,სწორედ ჯანდაცვის სექტორი არის. ამიტომ თქვენი დახმარებაც,თქვენი რესურსიც, ვფიქრობ, სასარგებლო იქნება გამოვიყენოთ პოზიტიურად. ჩაერთეთ, ვიმუშაოთ ერთად, პრობლემები, ხარვეზები აღმოვფხვრათ და სისტემა გავმართოთ იმაზე უკეთ, ვიდრე იყო აქამდე", - მიმართა დიმიტრი ხუნდაძემ ლევან ... ...

არქივი

ზაფრანი

იუმორი და ასტროლოგია

ვერძი - მუშაობს პრობლემური სესხების...

ცოცხის „მაგიური“ ძალა

ბევრ ქვეყანაში არსებობს გარკვეული "ცრურწმენები",...

"წიწაკიანი" ქალები ზოდიაქოს ნიშნის მიხედვით

მორიელი _ ქალი მორიელის გამოხედვა ხერხს...

არსებობს თუ არა ერთი ნახვით სიყვარული

ოდესმე თქვენს ცხოვრებაში მომხდარა ისე,...

ყავის მომზადების რეცეპტები მსოფლიოში

ვიეტნამი - ყავის მომზადების დროს...

როგორ შევინარჩუნოთ მამაკაცი

არასდროს უყვიროთ მას - ის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...