მდგრადი ენერგეტიკის დღე თელავში (ფოტოები)

მთავარი თემა

მდგრადი ენერგეტიკის დღე თელავში (ფოტოები)

2015 აპრ 19 18:18:36

ქალაქ თელავში 17 აპრილს „მდგრადი ენერგეტიკის დღე“ გაიმართა, რომლის ფარგლებშიც საზეიმოდ გაიხსნა თელავის #1 საჯარო სკოლასა და კავკასიონის ქუჩაზე განხორციელებული სადემონსტრაციო პროექტები.
თელავის #1 საჯარო სკოლაში განხორციელებული სადემონსტრაციო პროექტი ითვალისწინებდა ისეთი ენერგოეფექტური ღონისძიებების განხორციელებას, როგორიცაა: სკოლის სხვენის თბოიზოლაცია (1150 კვ.მ.); სკოლის განათების სისტემის შეცვლა LED და ენერგოეფექტური ნათურებით; გათბობის სისტემის მოდერნიზაცია, კერძოდ კი, დიზელზე მომუშავე გათბობის სისტემის გადაყვანა ბუნებრივ აირზე, რაც გაცილებით ეკონომიურია და ეკოლოგიურად უფრო სუფთა. ხოლო კავკასიონის ქუჩაზე განხორციელებული ენერგოეფექტური ღონისძიების შედეგად მოხდა მანამდე არსებული განათების მოძველებული და ხარჯიანი სისტემის შეცვლა შუქდიოდური (LED) განათებით.

თელავის სკოლის შენობის წლიური ენერგოდანახარჯები გათბობასა და განათებაზე საკმაოდ მაღალი იყო და საშუალოდ წელიწადში 13,000 ლარს შეადგენდა. თელავის #1 საჯარო სკოლის პროექტი მიზნად ისახავდა იმის დემონსტრირებას, რომ ენერგოეფექტური ტექნოლოგიების დანერგვით შესაძლებელია ენერგოდანახარჯების და გადასახადების მნიშვნელოვანი შემცირება, ამასთან კომფორტის დონის ამაღლება და ამავდროულად გარემოზე მავნე ზემოქმედების შერბილება.

თელავის კომპონენტი ასევე ითვალისწინებდა თელავში, კავკასიონის ქუჩისა და მიმდებარე ტერიტორიის განათების სისტემის შეცვლას LED–განათებით. სადემონსტრაციო პროექტამდე ექსპლუატაციაში იყო 74 რუსული წარმოების ნათურა, რომლის წლიური ხარჯიც წელიწადში თელავის ბიუჯეტს 13,000 ლარზე მეტი უჯდებოდა. პროექტის დასრულებისა და LED– განათების დამონტაჟების შემდეგ უკეთ განათდება კავკასიონის ქუჩაზე მდებარე საბავშვო მოედანი. ამდენად, მიღწეული იქნება ეკონომია უკეთესი ხარისხის განათების ხარჯზე. ენერგოეფექტური სამუშაოების დასრულების შემდეგ, თელავის ბიუჯეტი შეძლებს, ყოველწლიურად დაზოგოს დაახლოებით 6700 ლარი მხოლოდ არსებული განათების სისტემის ენერგოეფექტურად დაზოგვის შემდეგ. გარდა ამისა, 2–ჯერ შემცირდება ნახშირორჟანგის გამოყოფა.

სამუშაოები ჩატარდა „განახლებადი ენერგეტიკისა და ენერგოეფექტურობის ახალი პროექტის“ ფარგლებში, რომელიც დაფინანსებულია „BP საქართველოსა“ და მისი პარტნიორების მიერ ნავთობისა და გაზის სფეროში. პროექტი განახორციელა კავშირმა,  „ენერგოეფექტურობის ცენტრმა“.

„ენერგოეფექტურობის ცენტრის“ ხელმძღვანელი და „მერების შეთანხმების“ კოორდინატორი გიორგი აბულაშვილი პროექტის მნიშვნელობაზე გვესაუბრა:

„მერების შეთანხმება“ არის გლობალური ეკოლოგიური პრობლემების შესამცირებლად მიმართული. თელავში განხორციელებული პროექტები ერთის მხრივ, ენერგოკომპანიისთვის შემცირებულ გადასახადს ნიშნავს, ხოლო სკოლაში გაკეთებული თბოიზოლაცია - სკოლის ბიუჯეტის დაზოგვას. საქართველოს 11 ქალაქში მიმდინარეობს მსგავსი პროექტები. პირველად, 2010 წელს, თბილისში  განხორციელდა. მას შემდეგ კიდევ 10 ქალაქი შეუერთდა ამ შეთანხმებას: გორი, თელავი, რუსთავი, ფოთი, ზუგდიდი, ქუთაისი, ბათუმი, სტეფანწმინდა, ბოლნისი, თიანეთი.
ამ ტიპის განათების სისტემის შეძენა ძვირი ჯდება, თუმცა წელიწადნახევრის ექსპლუატაციის განმავლობაში, ენერგიის გადასახადების შემცირებით მიიღება  იმხელა ეკონომია, რომ ფარავს დამატებით გადახდილ ღირებულებას. ამ ქუჩაზე 40 % -ით შემცირდა ენერგიის მოხმარება. წარმოიდგინეთ, ყველა ქალაქში რომ იყოს მსგავსი განათება, რა რაოდენობის ენერგია დაიზოგება! მხოლოდ გარე განათებებით არ შემოვიფარგლებით. სხვა პროექტები ადგილობრივ საჭიროებებზე იქნება მორგებული. პროექტები შემდგომში უნდა განხორციელდეს ადგილობრივი თვითმმართველობების ბიუჯეტით, ან საკრედიტო დაფინანსებით. ჩვენი ამოცანაა, ამ პროექტებით დემონსტრირება მოვახდინოთ და ქალაქის თვითმმართველობა და მოსახლეობა დავარწმუნოთ, რომ ამ ტიპის ტექნოლოგიებს ეკოლოგიურ ეფექტთან ერთად მოაქვთ ძალიან დიდი ეკონომიკური და სოციალური სარგებელი“, _ამბობს გიორგი აბულაშვილი.

სხვა აქტივობებთან ერთად, პროექტი მოიცავს განახლებადი ენერგიის და ენერგოდამზოგი ტექნოლოგიების ფართო დანერგვას საზოგადოებრივი და სოციალური დანიშნულების დაწესებულებებში და იმის დემონსტრირებას, რომ საქართველოში სუფთა ენერგოტექნოლოგიების დანერგვით შესაძლებელია ენერგოდანახარჯების შემცირება, კომფორტის დონის ამაღლება და გარემოზე მავნე ზემოქმედების შემცირება.
პროექტი აქტიურად თანამშრომლობს საქართველოს მუნიციპალიტეტებთან, რომლებსაც ევროპული ინიციატივის - “მერების შეთანხმების“ ფარგლებში აღებული აქვთ ვალდებულებები, როგორიცაა მათ ტერიტორიებზე 2020 წლისთვის 20% ნახშირორჟანგის ემისიის შემცირება და 20% სუფთა ენერგოტექნოლოგიების გამოყენების გაზრდა. თელავი წარმოადგენს „მერების შეთანხმების“ ხელმომწერ ქალაქს და მომავალში გეგმავს სუფთა ენერგოტექნოლოგიების დანერგვას სხვადასხვა მუნიციპალურ ობიექტზე.

თელავის მერის პლატონ კალმახელიძის განცხადებით, განხორციელებული პროექტი თელავს, როგორც „მერების შეთანხმების“ ხელმომწერ ქალაქს, დაეხმარება აღებული ვალდებულებების შესრულებაში, როგორიცაა მის ტერიტორიაზე 2020 წლისთვის 20%-ით ნახშირორჟანგის (CO2) ემისიის შემცირება და სუფთა ენერგოტექნოლოგიების გამოყენების 20%-ით გაზრდა:

„ქალაქი მდგრადი განვითარების პროექტებზე, მოძრაობის განტვირთვაზე მუშაობს, რაც ხელს შეუწყობს ემისიების შემცირებას. ასევე ვმუშაობთ, საზოგადოებრივ ტრანსპორტზე, რომელიც ეკოლოგიურად სუფთა იქნება“, _ გვითხრა თელავის მერმა პლატონ კალმახელიძემ.

„მდგრადი ენერგეტიკის დღის“ ფარგლებში, თელავის #1 საჯარო სკოლის ეზოში ჩატარდა ელენე ახვლედიანის სახელობის სამხატვრო სკოლის მოსწავლეების მიერ შესრულებული ნამუშევრების გამოფენა, ეკო-კლუბის მოსწავლეების მონაწილეობით ე.წ. ‘ფლეშ-მობი’ და სადემონსტრაციო პროექტის პრეზენტაცია.




 ახალი ამბები
  • მამა გაბრიელმა ნეაპოლში 930 ადამიანს გაუწია დახმარებასოციალურ ქსელ ფეისბუქში, ნეაპოლში მსახური ქართველი მღვდელი, მამა გაბრიელი წერს, რომ ამ დრომდე ეკლესიამ იტალიაში მცხოვრებ 930 ქართველს გაუწია დახმარება და მათ საკვები პროდუქტები გადასცა. „დასავლეთ ევროპის მიტროპოლიტი აბრაამის (გარმელია) კურთხევით, 2020 წლის 16 მარტიდან 1 აპრილამდე ქალაქ ნეაპოლში დახმარება გაეწია 930 ადამიანს. თავიდან დახმარება დავიწყეთ ჩვენი ძალებით, შემდეგ დაგვეხმარნენ ნეაპოლის სამრევლოს წევრები, სულიერი შვილები…. რეჯო ემილიას და ბოლონიის სამრევლოებიდან, აგრეთვე საქართველოდან…. გვერდში გვიდგას ჩვენი საელჩო იტალიაში, რომელიც გასული კვირიდან გვაფინანსებს….დიდი მადლობა ყველას.“  ... ...
  • „ჩვენ ინფორმაციას ვაწვდით ადამიანებს“ არქიტექტურულ-სამშენებლო საქმიანობაზე ზედამხედველობის განყოფილების უფროსი,  შალვა გაბრიჩიძე „გურია ნიუსთან“ საუბრის დროს ამბობს, რომ მისი სამსახურის თანამშრომლები უფრო მეტად ადამიანებს ინფორმაციას აწვდიან საყოველთაო კარანტინის შესახებ. „ასევე ვაკონტროლებთ აგრარულ ბაზარში, სუპერმარკეტებში და ბანკებში, რამდენად იცავენ ადამიანები პრემიერ-მინისტრის გაცემულ ბრძანებას. ჩვენ ინფორმაციას ვაწვდით ადამიანებს,“ - გვითხრა შუქრი გაბრიჩიძემ. „გურია ნიუსის“ ინფორმაციით, მიუხედავად პოლიციის და ზედამხედველობის სამსახურის აქტიურობისა, ოზურგეთში დიდი სუპერმარკეტების მიმდებარე ტერიტორიაზე ხალხმრავლობაა. „ამ კონკრეტულ ფაქტზე შემიძლია გითხრათ: ყველაფერი კეთდება, ვასრულებთ იმ რეკომენდაციებს, რომელიც აუცილებლად უნდა შესრულდეს,“ _ აღნიშნა ჩვენთან სატელეფონო საუბრის დროს შუქრი ... ...
  • "კარგი ახლა კოლეგებო, სასაცილო ნუ გავხდებით" _ პაატა იმნაძე"ტემპერატურის სტანდარტი არის 37.5 გრადუსი, ეს ეხება ყვლას, აეროპორტშიც იგივე ტემპერატურა იყო, ტრასაზეც იგივე ტემპერატურაა, ანუ სტანდარტი არის ერთი. ეს უკვე არის საყურადღებო ტემპერატურა, რომლის შემთხვევაშიც საჭიროა დაკვირვება", _ ამის შესახებ დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორმა მოადგილის პაატა იმნაძემ განაცხადა. "კარანტინის რეჟიმი ეს არის, როდესაც მოძრაობაა ქვეყნის ქალაქებს შორის, ქვეყნის დასახლებულ პუნქტებს შორის, კონტროლდება სამედიცინო მიზნებისათვის, მათ შორის ტემპერატურის გაზომვით. მათ, ვისაც აღენიშნებათ ტემპერატურა, გადაიყვანენ შესაბამისად მოწყობილ „ცხელების ცენტრებში“, იმისათვის, რომ გაარკვიონ ექიმებმა სიცხის გამომწვევი მიზეზები. ე.წ. ცხელების ცენტრებზე დიდი აჟიოტაჟია შექმნილი, ჩემი კოლეგების ნაწილიც ძალიან შეშფოთდა ამ „ცხელების ცენტრებზე“ და კარგი ახლა კოლეგებო, სასაცილო ნუ გავხდებით. ეს ყველას არ ეხება, ძალიან ცოტა იყო ასეთი მე როგორც ვიცი, მაგრამ იმიტომ ხართ ექიმები და იმიტომ მუშაობთ იქ, რომ ცხელებიან ავადმყოფს როდესაც მიიღებთ მერე, ცოტა ტრიაჟი უნდა ჩაატაროთ, რომ გამოიკვლიოთ ეს ცხელება რითია გამოწვეული, იქნებ უბრალოდ ინერვიულა ადამიანმა, იქნებ ინფარქტი აქვს ადამიანს და სიცხემ მოუმატა, ეს ხომ არ არის აუცილებლად კორონავირუსით გამოწვეული სიცხე. სანამ დავასახელებდე იმ ექიმეს ძალიან გთხოვთ, რომ თქვენს პროფესიას მოეკიდოთ პროფესიონალურად“, - განაცხადა პაატა ... ...
  • ონლაინგაყიდვები ისევ დასაშვები გახდასაქართველოში ონლაინვაჭრობა ისევ დასაშვებია. მთავრობის ახალი დადგენილება დღეიდან, 2 აპრილიდან ძალაშია. აქვე დამატებით აღნიშნულია, რომ დასაშვებია „ვაჭრობა ტელესაკომუნიკაციო მოწყობილობებით და ნაწილებით (დისტანციურად)“. აქამდე ონლაინ მხოლოდ მზა საკვების გამოძახება იყო დასაშვები. ახალი დადგენილებით კი ამ ჩამონათვალს საკვები პროდუქტი, სურსათისა და სამედიცინო დანიშნულების ნივთების მიტანის სერვისით ყიდვაც დაემატა. იმისთვის, რომ კომპანიამ ონლაინ გაყიდოს პროდუქტი, აუცილებელია დისტანციურად, სახლიდან ამუშაოს თანამშრომლები. იმ შემთხვევაში, თუ თანამშრომლის სამსახურში ყოფნა დაწესებულების ფუნქციონირებისთვის „კრიტიკულად აუცილებელია“, დასაშვებია ოფისში მაქსიმუმ 5 ადამიანის ... ...
  • "ნემსებს მეზობელი უკეთებდა" _ თერჯოლელ ახალგაზრდას კორონავირუსი დაუდასტურდათერჯოლაში 30 წლამდე მამაკაცს ახალი კორონავირუსი დაუდასტურდა. იგი თბილისში, ლომბარდში მუშაობდა. ფაქტის შესახებ "გურია ნიუსთან" დაინფიცირებულის ახლობელმა ისაუბრა: "საეჭვო სიმპტომებით თბილისის ერთ-ერთ სამედიცინო ცენტრში მივიდა, სადაც უთხრეს, ფილტვების ანთება გაქვსო. მერე ექიმის დანიშნულებით თერჯოლაში ჩამოვიდა. ნემსებს მეზობელი უკეთებდა. როცა მაღალი ტემპერატურა დაუფიქსირდა და ჯანმრთელობის მდგომარეობა გაუუარესდა, სასწრაფო გამოიძახეს, რომელმაც იგი საჩხერის სამედიცინო ცენტრში გადაიყვანა, სადაც ლაბორატორიულად დაუდასტურდა ახალი ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...