ფინანსურ პოლიციაში ახალ დაკავებებს აანონსებენ _ ბაღების სკანდალი გრძელდება

მთავარი თემა

ფინანსურ პოლიციაში ახალ დაკავებებს აანონსებენ _ ბაღების სკანდალი გრძელდება

2015 აპრ 22 21:45:12

ფინანსთა სამინისტროს საგამოძიებო სამსახურმა ყალბი დოკუმენტების დამზადება-გამოყენებისა და სახელმწიფო ბიუჯეტის კუთვნილი დიდი ოდენობით თანხის მართლსაწინააღმდეგოდ  დაუფლების  ფაქტზე შპს "შემოქმედმშენის" დირექტორი გია შილაკაძე და შპს "ჯორჯიან კომპანის" დირექტორი ვალერიან კაკურია დააკავა.

საგამოძიებო სამსახურის ინფორმაციით, დადგენილია, რომ ჩოხატაურის მუნიციპალიტეტის გამგეობის მიერ გამოცხადებულ ელექტრონულ ტენდერში გამარჯვებულად გამოვლინდა შპს "შემოქმედმშენი", რომელთანაც 2014 წლის 11 ივნისს გაფორმდა ხელშეკრულება საბავშვო ბაღების სარეაბილიტაციო სამუშაოების გახორციელების თაობაზე.

2014 წლის 12 ივნისს კი, აღნიშნული სამუშაოების შესრულება შპს "შემოქმედმშენმა", თავის მხრივ, დაუკვეთა შპს "ჯორჯიან კომპანის". ჩატარებული საგამოძიებო მოქმედებების და ექსპერტიზის დასკვნების  მიხედვით დგინდება, რომ აღნიშნული კომპანიების მიერ ფაქტობრივად შესრულებული სამუშაოების ღირებულება გაცილებით ნაკლებია გამგეობისთვის წარდგენილ აქტებში ასახული სამუშაოების ღირებულებაზე.

შესაბამისად, ბრალდებულებმა ამ გზით მიითვისეს სახელმწიფოს კუთვნილი დიდი ოდენობით ფულადი სახსრები. 

ასევე დადგენილია, რომ ტენდერის დროს კომპანიის გამოცდილების დასადასტურებლად, ბრალდებულებმა შესყიდვების სააგენტოს ვებ-გვერდზე ატვირთეს ყალბი ინფორმაცია, თითქოსდა 2012 წელს შესრულებული ჰქონდათ ანალოგიური ტიპის, 250 000 ლარის ღირებულების სამუშაოები.

"გურია ნიუსის" ჟურნალისტური მოკვლევით _ "როგორ გაარემონტეს არსებული და არარსებული ბაღები", ფინანსური  პოლიცია 2014 წლის ნოემბერში დაინტერესდა. კვლევაში დტალურად იყო საუბარი როგორ გარემონტდა ჩოხატაურის მუნიციპალიტეტში 5 საბავშვო ბაღი.

მასალაში საუბარი იყო იმაზეც, რომ ჩოხატაურის მუნიციპალიტეტის გამგეობის ინსპექტირების ჯგუფმა ხუთივე საბავშვო ბაღი ყოველგვარი კითხვების გარეშე ჩაიბარა. მიუხედავად იმისა, რომ რემონტი პირობითად იყო გაკეთებული, რადგან ერთ შემთხვევაში, ეკონომიკის სამინისტროს ბალანსზე არსებული შენობაა გადახურული, მეორე შემთხვევაში კი კერძო შენობა გარემონტდა. თანაც ისე, რომ ლამის მთელი საქართველოს დასაცინი გახდა _ რეაბილიტაცია “ჩვენებურად“ კედლების გარეშე მდგარ კარსაც ნიშნავს. რაც შეეხება დანარჩენ სამ ბაღს, იქ დაგებული ლამინატი და ჩასმული კარი ვერავითარ კრიტიკას ვერ უძლებს, დავიწყებულია "პლინტუსები" და .აშ.

 გამგეობის ქონების მართვის სამსახურის უფროსი, რომელიც ინსპექტირების ჯგუფის ხელმძღვანელია _ ვლადიმერ ლომთათიძე ამბობდა, რომ  "ჩოხატაურში საქმის სხვანაირად კეთება არ იციან", თავად "ჩაქუჩს ხელში ვერ დაიჭერს" და "ესაა რაცაა". მანვე დაადასტურა, რომ რიგი სამუშაოები უხარისხოდ იყო შესრულებული, ბევრი არ ვარგოდა, თუმცა, კომისიამ მაინც ჩაიბარა მოტივით, რომ "ასე იყო საჭირო და რა გვექნა, სულ არ ჩაგვებარებინა?!"

ამ კომენტარიდან მალევე, ლომთათიძე უფრო შორს წავიდა და "ნაციონალური მეთოდი" _ კამერაზე ხელის დაფარება, "კომენტარს აღარ ვაკეთებ" წარმატებით გამოიყენა.

თუმცა, ეს ყველაფერი ექსპერტიზის დასკვნის გასაჯაროებამდე ხდებოდა. დასკვნის დადებამდე რამდენიმე დღით ადრე, ჩოხატაურის გამგებელმა ირაკლი კუჭავამ ისიც განაცხადა, რომ კომისია აუცილებლად შეიცვლებოდა. თუმცა, კომისიას დღემდე ლომთათიძე ხელმძღვანელობს.

გამოძიების ამ შედეგის დადგომის შემდეგ, კომენტარის გაკეთება არ სურს ჩოხატაურის მუნიციპალიტეტის გამგებელს ირაკლი კუჭავას. მისი თქმით, მისთვის ბევრი დეტალი უცნობია და არც დასკვნებს იცნობს. კუჭავა არც იმაზე გვპასუხობს, შეცვლის თუ არა ინსპექტირების ჯგუფის ხელმძღვანელს და მიაჩნია თუ არა, რომ ამ შემთხვევაში, პასუხი ლომთათიძემაც უნდა აგოს:

_ გავეცნობი საქმეს, მოვუსმენ ყველა მხარეს და კომენტარს შემდეგ გავაკეთებ, _ გვითხრა კუჭავამ.

კომენტარს არ აკეთებენ "ჯორჯიან კომპანიშიც". კომპანიის ერთ-ერთი ხელმძღვანელი გია ლომინეიშვილი ამბობს, რომ კომენტარის გასაკეთებლად არ სცალია.

_ არ მაქვს საუბრის დროს, _ გვითხრა ლომინეიშვილმა, რომელიც გამგებლის ყოფილი მოადგილის მაია კუტუბიძის მეუღლეა.

_ ბატონო გია, გამოძიებას თქვენი კომპანიის მიმართ ბევრი ბრალდება აქვს. მათ შორის დოკუმენტაციის გაყალბებაზეა საუბარი... თანაც ეს იმ დროს ეხება, როცა თქვენი მეუღლე, მაია კუტუბიძე გამგებლის მოადგილის პოსტს იკავებდა...

_ ვერაფერს გეტყვით. ყველაფერს დაადგენს პროკურატურა, _ გვითხრა ლომინეიშვილმა.

ჩოხატაურის მუნიციპალიტეტის გამგებლის ყოფილი მოადგილე მაია კუტუბიძე ამბობს, რომ ამ საკითხზე ინფორმაციას არ ფლობს.

_ მე რა შუაში ვარ ამ საქმესთან?!

_ თქვენ იყავით გამგებლის მოადგილე და სწორედ იმ პერიოდში, გამოძიების ინფორმაციით, თქვენი მეუღლის და ძმის კომპანიამ, იმის გამო, რომ ტენდერში გაემარჯვა, ყალბი დოკუმენტაცია ატვირთა...

_ ამაზე არაფრის თქმა არ შემიძლია. მე სატენდერო კომისიის წევრი არ ვყოფილვარ. ვერ წარმომიდგენია, როგორ უნდა ატვირთო ყალბი დოკუმენტაცია. შეიძლება ამის კომპეტენცია არ მაქვს, მაგრამ ამის წარმოდგენაც კი არ შემიძლია. შესაბამისად, ამაზე ვერანაირ კომენტარს ვერ გავაკეთებ, _ გვითხრა კუტუბიძემ.

საგამოძიებო სამსახური გამოძიებას აგრძელებს.  დაზარალებულად ჩოხატაურის მუნიციპალიტეტის გამგეობაა ცნობილი.

ოფიციალური ინფორმაციით, გამოძიება გრძელდება საქართველოს სისხლის სამართლის კოდექსის 180-ე მუხლის მე-2 ნაწილის "ა" და მე-3 ნაწილი "ბ" პუნქტით და 362-ე მუხლის მე-2 ნაწილის ,,ბ" პუნქტით, რაც სასჯელის სახით ითვალისწინებს თავისუფლების აღკვეთას ცხრა წლამდე ვადით.

როგორც საგამოძიებო სამსახურში "გურია ნიუსს" უთხრეს, ამ თემაზე ახალი დეტალები საზოგადოებისთვის მალე გახდება ცნობილი. უწყებაში აანონსებენ, რომ ამ საქმეზე კიდევ რამდენიმე პირის დაკავება მოხდება. არ გამორიცხავენ იმასაც, რომ პასუხისგება ყოფილ და მოქმედ ჩინოსნებსაც მოუწიოთ.

_ გამოძიება მიმდინარეობს და მისი ინტერესებიდან გამომდინარე, დეტალებზე საუბარი არ შეგვიძლია. მხოლოდ იმას გეტყვით, რომ ახალ დეტალებს მალე გამოვაქვეყნებთ, _ აღნიშნეს ჩვენთან საუბრისას ფინანსთა სამინისტროს საგამოძიებო სამსახურის პრესსამსახურში.

აღსანიშნავია, რომ "ჯორჯიან კომპანის" ბოლო ხუთ თვეში რამდენიმე ძვირადღირებული პროექტი ისევ აქვს გახორციელებული. გადამოწმებისას გაირკვა, რომ ობიექტებზე ბევრი ხარვეზია. ამ თემაზე "გურია ნიუსი" მუშაობას აგრძელებს და დეტალურად გავაცნობთ მკითხველს.

ამავე თემაზე: გამგებლის ხედვის განხორციელების მოლოდინში; რა დარღვევები აღმოაჩინა ექსპერტიზის ბიურომ #1 ბაგა-ბაღში; "გურია ნიუსის" ჟურნალისტური გამოძიებით ფინანსური პოლიცია დაინტერესდა _ გამოძიება უკვე დაწყებულია; "რეაბილიტაცია" ჩვენებურად _ ბაღების სკანდალი გრძელდება; საგამოძიებო ფილმი _ როგორ გაარემონტეს არსებული და არარსებული ბაღები




 ახალი ამბები
  • მარინა ეზუგბაია: გამოჯანმრთელებულებს დღეს ალბათ კიდევ რამდენიმე ადამიანი შეემატებადიდი ალბათობით, დღის განმავლობაში გამოჯანმრთელებულებს კიდევ რამდენიმე ადამიანი შეემატება, - ამის შესახებ ჟურნალისტებს ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა. „დღევანდელი მონაცემებით, ქვეყნის მასშტაბით გვაქვს კორონავირუსის 170 შემთხვევა. დღის განმავლობაში გამოჯანმრთელებულებს ალბათ კიდევ შეემატება რამდენიმე ადამიანი, ამის შესახებ საღამოს მოგაწვდით ინფორმაციას. ახლა გვყავს 51 პაციენტი, მათგან 36 დადასტურებულია, გუშინ ერთი შემოიყვანეს უკვე დადასტურებული დიაგნოზით, რომელიც ჩვენი მკურნალობის ქვეშ მყოფი პაციენტების კონტაქტია. ასევე გვყავს ამ ახალი პაციენტის 7 კონტაქტი, რომლებსაც დღეს ავუღებთ ნიმუშს. კრიტიკულ მდგომარეობაში ერთი პაციენტი რჩება. დილით 15 პაციენტის ანალიზები უკვე ავიღეთ, დღის განმავლობაში ეს პროცესი გაგრძელდება“, - განაცხადა ეზუგბაიამ. საქართველოში კორონავირუსი 170 ადამიანს დაუდასტურდა, აქედან 36 გამოჯანმრთელდა, 1 ... ...
  • პროგნოზი გვაქვს, რომ შეგვიძლია ვმართოთ 3500-მდე კოვიდინფიცირებული სტაციონარში _ ტიკარაძეგვაქვს პროგნოზი, რომ შეგვიძლია ვმართოთ 3500-მდე კოვიდინფიცირებული სტაციონარში საშუალო და რთული შედეგებით, _ ამის შესახებ ჯანდაცვის მინისტრმა ეკატერინე ტიკარაძემ განაცხადა. „ჩვენ ამ ეტაპისთვის კოვიდის მართვაში ჩართული გვყავს 20 საავადმყოფო. “ცხელების კლინიკებში” ჩვენ ვთლით, რომ ჩაერთვება დამატებით 40 ჰოსპიტალი რეგიონების მხრიდან და დაავადების მატებასთან ერთად კიდევ გვაქვს რესურსი, რომ ჩავრთოთ 15 დამატებითი ჰოსპიტალი. საერთო ჯამში, გვაქვს პროგნოზი, რომ შეგვიძლია ვმართოთ 3500-მდე კოვიდინფიცირებული სტაციონარში საშუალო და რთული შედეგებით და ასევე გვაქვს იმის საშუალება, რომ 5000-ზე მეტი პაციენტი ვმართოთ უკვე საკარნტინე ზონებში, რომლის მეთვალყურეობასაც დატრენინგებული ოჯახის ექიმები და ეპიდემიოლოგები განახორციელებენ. აქედან გამომდინარე, ის საშუალო რიცხვი, რომელიც დღეს საქართველოს შეუძლია მართოს არის დაახლოებით 10 000-მდე, თუმცა ჩვენი ჰოსპიტალური სერვისების რესურსიდან გამომდინარე, ვინაიდან თქვენ იცით, რომ საქართველოში არის 15 000-მდე საწოლი, ჩვენ შეგვიძლია საჭიროების შემთხვევაში კიდევ უფრო მეტი საწოლის დატვირთვა კოვიდინფიცირებული პაციენტებით. აქვე, მნიშვნელოვანია აღინიშნოს ის ფაქტი, რომ ჩვენ გვყავს ექიმების გარკვეული რესურსი. თანაფარდობა საწოლფონდისა და ექიმების არის ძალიან მნიშვნელოვანი და სწორედ ამ ეტაპისთვის სამინისტრო მუშაობს ყველა იმ ექიმის მობილიზაციასა და ტრენინგზე, რომელიც პერსპექტივაში შეიძლება გახდეს საჭირო, რომ ჩაერთოს კორონავირუსით ინფიცირებული პაციენტების მართვაში“,- განაცხადა ეკატერინე ტიკარაძემ საქართველოს პირველი არხის გადაცემა „მოამბეში“ ... ...
  • ჩოხატაურში "წითელი ჯვრის" ოფისი გაქურდეს "გურია ნიუსისთვის" ცნობილი ხდება, რომ რამდენიმე დღის წინ ჩოხატაურში "წითელი ჯვრის" ორგანიზაციის ოფისი გაქურდეს. როგორც გვითხრეს, მძარცველებმა ოფისში უკანა ფანჯრიდან შეაღწიეს. "ფანჯრის მინა ჩაამსხვრიეს და ისე შემოვიდნენ ოფისში. წაღებულია 2 ველოსიპედი. აღნიშნულის შესახებ ვაცნობეთ პოლიციას", _ გვეუბნებიან "წითელი ჯვრის" ადგილობრივი ორგანიზაციის თანამშრომლები, რომელთა თქმით, საქმე უკვე აღიძრა. "გურია ნიუსი" აღნიშნულის შესახებ კომენტარს შსს-ს პრესსამსახურიდან ელოდება, რომელსაც მიღებისთანავე ... ...
  • დახურული აგრარული ბაზრობები და ლანჩხუთელი მოსახლეობის შიში ბოსტნეულის გაძვირებაზელანჩხუთში უკვე მეორე დღეა, რაც უსაფრთხოების დაცვის მიზნით, აგრარული ბაზარი დაიკეტა და გარევაჭრობა აიკრძალა. როგორც ადგილობრივი ხელისუფლების წარმომადგენლები განმარტავენ, დაწესებული შეზღუდვების მიუხედავად, ბაზარსა და გარემოვაჭრეებთან მაინც ხალხმრავლობა იყო და ვერ ხერხდებოდა წესების დაცვა, რის გამოც დახურვის გადაწყვეტილება მიიღეს. ჯერჯერობით, უცნობია, როდემდე გაგრძელდება აღნიშნული შეზღუდვა. ერთი კი ფაქტია, ამ ახალ შეზღუდვის დაწესებამ მოქალაქეებში არაერთგვაროვანი შეფასება გამოიწვია _ მოსახლეობის ნაწილი ფიქრობს, რომ მსგავსი აკრძალვა ლანჩხუთის სინამდვილეში ბოსტნეულის დეფიციტსა და მასზე ფასების ზრდას გამოიწვევს. მათი თქმით, მსგავს პირობებში არ აქვთ საშუალება ხარისხიანი ბოსტნეული შეიძინონ. „მაინტერესებს, გარევაჭრობა რომ აკრძალა, რა იქნება ახლა?! ორი სუპერმაკეტის უვარგისს ბოსტნეულზე უნდა ვიყოთ დამოკიდებული?! ლანჩხუთს არ აქვს მარკეტებში ბოსტნეულზე არჩევანის თავისუფლება, რაც არის ისიც უვარგისი და თან მაღალ ფასებში. ვფიქრობთ, ახალი რეგულაციები კიდევ უფრო გაზრდის ფასებს“, _ ამბობს მოქალაქეთა ერთი ნაწილი. ზოგი კი შედარებით ოპტიმისტურადაა განწყობილი და მეტი უსაფრთხოებისთვის აგრარული ბაზრისა და გარევაჭრობის შეზღუდვის ... ...
  • როდის ელოდებიან სპეციალისტები ვირუსის გავრცელების პიკსეს პერიოდი ეპიდემიოლოგების მხრიდან ჯერ არ არის იდენტიფიცირებული როგორც პიკი. პიკის დასაწყისს ველოდებით აპრილის მეორე ნახევარში, - ამის შესახებ ჯანდაცვის მინისტრმა, ეკატერინე ტიკარაძემ განაცხადა. მისი თქმით, იმისათვის, რომ ეს პიკი იყოს უფრო ზომიერი და არა სწრაფად მზარდი, რისიც ჩვენ ყველაზე მეტად გვეშინია, ანუ არ იყოს ეს 400 პაციენტი დღეში, არამედ იყოს დავუშვათ 50 პაციენტი დღეში, მნიშვნელოვანია, რომ ჩვენ კვლავ გავითვალისწინოთ რეკომენდაციები, რაც გულისხმობს სოციალურ დისტანცირებას და ყველა ჰიგიენური ნორმების დაცვას. მინისტრმა საზოგადოებას ამ რეკომენდაციების დაცვისკენ მოუწოდა. „დღეს ჩვენთვის ყველაზე მნიშვნელოვანი არის სოციალური დისტანცირება, ჩვენი მშობლებისა და შვილების დასაცავად. მოვუწოდებ ყველას, რომ დავიცვათ ყველა ის მითითება, რომელსაც არაერთხელ აცხადებს როგორც მთავრობის ხელმძღვანელი, ასევე დაავადებათა კონტროლის ყველა თანამშრომელი, როგორც ბატონი ამირანი, ასევე ბატონი პაატა. გთხოვთ დაიცვათ სოციალური დისტანცია“, - განაცხადა ეკატერინე ტიკარაძემ საზოგადოებრივი მაუწყებლის ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...