შეღებილი "საჯდომები", ბულდოზერით მოსწორებული ასფალტი და 52 183-ლარიანი სპორტული კომპლექსი

მთავარი თემა

შეღებილი "საჯდომები", ბულდოზერით მოსწორებული ასფალტი და 52 183-ლარიანი სპორტული კომპლექსი

2012 იან 12 10:20:26

2010 წლის 19 აპრილს, ჩოხატაურის მუნიციპალიტეტის საკრებულოს თავმჯდომარემ, ანტონ ხუნდაძემ ერთ პირთან მოლაპარაკების წესით, ხელშეკრულება გააფორმა ინდმეწარმე შალვა სიხარულიძესთან 40 000 ლარზე. ხელშეკრულების თანახმად, სიხარულიძეს დაბა ჩოხატაურში, ბენდელიანის ქუჩაზე, მინი სპორტული კომპლექსი უნდა მოეწყო. იმავე წლის 12 აგვისტოს, ხუნდაძე სიხარულიძეს ისევ უფორმებს ხელშეკრულებას, ამჯერად 12 183 ლარზე, რამდენიმე თვის წინ გაკეთებული მინი სპორტული კომპლექსის მოწყობის სამუშაოების მეორე ეტაპისთვის.

დღეს, ამ მინი სპორტულ კომპლექსს, მხოლოდ ღობე და ფეხბურთის კარი "ამშვენებს". უსწორმასწორო მოედანზე, ყოველი გაწვიმების დროს, წყლის გუბეები დგება. როგორც მიმდებარე ტერიტორიაზე მცხოვრებლები ამბობენ, ეს ე.წ. სპორტული კომპლექსი, რომელზეც საერთო ჯამში 52 183 ლარი დაიხარჯა, სხვა სახით არასდროს უნახავთ:

_ ერთი წელიც კი ვერ გაძლო საღებავმა. თავდაპირველად, ახალ შეღებილი კარგად გამოიყურებოდა, მაგრამ დღეს რა მდგომარეობაშიცაა, თავად ხედავთ. სპორტული კომპლექსი თუ ერქვა, თქვენგან გავიგე. ჩვეულებრივი მოედანია, რომლის გაკეთება არჩევნების წინ დაიწყეს და მალევე დაასრულეს, _ გვითხრა ბენდელიანის ქუჩის ერთ-ერთმა მცხოვრებმა, რომელიც ვინაობის გამხელას "პრობლემების" თავიდან აცილების მიზნით მოერიდა.

ხუნდაძემ 2010 წლის 30 ნოემბერს ინდმეწარმე დავით ცინცაძესთან ხელშეკრულება 2 890 ლარზე გააფორმა _ კომერციული გაერთიანება "მომავლის" და სპორტული სკოლის ეზოს შემოღობვაზე. ეს ის ადგილია, რომელიც რამდენიმე ხნის წინ, იუსტიციის სამინისტროს მიერ გარემონტდა და შენობაში საჯარო და სამოქალაქო რეესტრთან ერთად, არქივიც არის განთავსებული. რაც შეეხება ღობეს, მის მაგივრად, რამდენიმე მეტრ სიგრძეზე, მხოლოდ დაბალი ე.წ. სარებია შემოვლებული, რომელიც შეღებილიც კი არ არის.

იმავე ინდმეწარმესთან, 2010 წლის 20 მაისს, ხელშეკრულება ნოდარ დუმბაძის სკვერის კეთილმოწყობისთვის გაფორმდა 6 331 ლარზე. მიღება-ჩაბარების აქტის თანახმად, ცინცაძეს "მიწის შემოზიდვისთვის" 435 ლარი დასჭირდა, "ხის "რეიკებით" საჯდომების შესაცვლელად" _ 286 ლარი, "გრანიტის ფილების შესაცვლელად" _ 188 ლარი, "ბორდიურების შეღებისთვის" _ 2 740, "ხის საჯდომების ზეთოვანი საღებავით შესაღებად" _ 188 ლარი. ცემენტისთვის ინდმეწარმემ 360 ლარი დახარჯა, მასალების ტრანსპორტირებისთვის _ 864 ლარი, ხოლო მიწის ხელის იარაღებით მოსასწორებლად _ 265 ლარი. ერთადერთი, რაც დღეს ნოდარ დუმბაძის სკვერში თვალში მოგხვდებათ, რამდენიმე კვადრატულ მეტრზე დაგებული ქვაფენილია. ხის ძელსკამები, რომელსაც ხელისუფლება რატომღაც "საჯდომებად" მოიხსენიებს, რამდენიმეა, ზოგი მათგანი დამტვრეულია და საღებავის კვალი ალაგ-ალაგ ეტყობა.

ყველაზე მსხვილი ხელშეკრულება 2010 წელს, ერთ პირთან მოლაპარაკების წესით, შპს "გურია კომპანისთან" არის დადებული _ 57 031 ლარზე. ამ თანხაში კომპანიას დაბის კეთილმოწყობის სამუშაოები უნდა განეხორციელებინა. მიღება-ჩაბარების აქტის თანახმად, დაბაში შეკეთდა ხიდები, დემონტაჟი ჩაუტარდა ძველს, შეიღება და ფილები დაიგო მოაჯირებზე, შეიღება ბორდიურები... შეღებილი ბორდიურები დაბაში დღეს რთული მოსაძებნია, რადგან, პრაქტიკულად, არ არსებობს. ჩოხატაურის შემოსასვლელი ხიდის გასწვრივ კი, მოაჯირი დიდი ხანია არ არსებობს, რაც ავტოავარიების რისკს ზრდის. მით უმეტეს, რომ ამ ადგილზე საბავშვო ბაღი და სკვერი მდებარეობს, სადაც პატარები ხშირად თამაშობენ.

შპს "გურია კომპანისთან" 2010 წლის 16 მარტს კიდევ ერთი ხელშეკრულებაა გაფორმებული, ამჯერად 24 853 ლარზე. მიღება-ჩაბარების აქტის თანახმად, ამ თანხაში კომპანიამ ჩოხატაურის ცენტრალური სტადიონის ნაწილობრივი რემონტი ჩაატარა და შეღება "საჯდომები"(?!). მართალია, ამავე აქტით, ყველაფერი კარგადაა და სამუშაოები საუკეთესოდ არის შეფასებული, მაგრამ რეალობა სულ სხვაა _ ფეხბურთელების გასახდელში რამდენიმე შეღებილი ფიცარია კედელზე მიჭედებული. შეღებილი "საჯდომები", რომლებშიც სკამები იგულისხმება, გატეხილი და საღებავი აქერცლილია, მიუხედავად იმისა, რომ მიღება-ჩაბარების აქტის თანახმად, "საჯდომები" ზეთოვანი საღებავით შეიღება.

წარმოდგენილ ხელშეკრულებებში და მიღება-ჩაბარების აქტებში იმდენად ბევრი შეღებილი "საჯდომი" შეგხვდა, რომ დავინტერესდით, რა ჯდება რეალურად ერთი "საჯდომის" შეღებვა. ამიტომ, ჩოხატაურის გამგებელს ოფიციალურად მივმართეთ და ვთხოვეთ, დაეკონკრეტებინა რამდენი "საჯდომი" შეიღება 2010-2011 წელში ჩოხატაურის მუნიციპალიტეტში, რა ფერის და რა მარკის საღებავებით შეიღება ისინი და რა ღირს ერთი "საჯდომის" შეღებვა. წერილზე გვიპასუხეს, ჩვენს მიერ დასმულ კითხვებზე პასუხი წინა წერილებში გაგვცეს (ხელშეკრულებებს და მიღება ჩაბარების აქტებს გულისხმობდნენ, რომლებშიც შეღებილი "საჯდომების" რაოდენობა მითითებული არ არის. თუმცა, საერთო ჯამში, შეღებვის ღირებულება საკმაოდ დიდ თანხას აღწევს).

რაც შეეხება წლევანდელ წელს, 12 ივლისს, გამარტივებული შესყიდვის წესით, ხელშეკრულება გაფორმებულია შპს "არტი"-სთან. თანხა 2 685 ლარია და ეს თანხა კომპანიას დაბა ჩოხატაურში საკოლმეურნეო ბაზრის ტერიტორიაზე ავტოსადგომის კეთილმოწყობის სამუშაოებისთვის გადასცეს. მიღება-ჩაბარების აქტის თანახმად, მოეწყო ჰორიზონტალური მონიშვნა, გაკეთდა საგზაო ნიშნები, აღდგა წყალგამტარი არხი და ტერიტორია მოსწორდა ბულდოზერით.

ადგილზე მისულები ყველაზე მეტად იმან გაგვაოცა, რომ ბულდოზერით დაგებული ასფალტი აქვთ მოსწორებული(?!). რაც შეეხება საგზაო ნიშნებს, ზოგან არის, ზოგან არა, ზოგან კიდევ კედელზეა გაკრული.

ჩვენს მიერ გამოკითხული ჩოხატაურელების უმრავლესობა ამბობს, რომ პროექტები მხოლოდ არჩევნების წინ, ხმების მისაღებად კეთდება. არიან ისეთებიც, რომლებიც ფიქრობენ, რომ მთავრობა საკუთარი ხალხისთვის ყველაფერს აკეთებს. თუმცა, ფაქტია, რომ ის თანხები, რომლებიც ხელშეკრულებებშია მითითებული, შესრულებულ სამუშაოების ღირებულებას საკმაოდ აჭარბებს.




 ახალი ამბები
  • ბახმარო თანამედროვე მუსიკალურო ფესტივალის სამზადისში _ ის, რაც არ უნდა გამოტოვოთSunset Fest Bakhmaro 2019-ის მზადება აქტიურად მიმდინარეობს. უკვე მოწყობილია კარვების ქალაქი, მოსასვენებელი კუთხეები, კაფე-ბარები. ამ წუთებში, ზღვის დონიდან 2050 მეტრზე საკონცერტო სცენის აწყობა მიმდინარეობს. ბახმაროში, ხვალ, 19 აგვისტოს ბევრი სიურპრიზი და დიდი მხიარულება გელით. ტრადიციული დოღის დასრულების შემდეგ, 17 საათზე, მზის ჩასავალი გორის მიმდებარედ (ასასვლელი ვერტოდრომიდან) თანამედროვე მუსიკის ფესტივალი გელოდებათ არაჩვეულებრივი შემსრულებლებით _ Bedford Falls, LOUD speakers, Kordz & Dro, Pitter J, Anushka Chkheidze, Lua და Kraumur თქვენს შესანიშნავ განწყობაზე დილამდე იზრუნებენ. შეაგროვე მთელი წლის სამყოფი ენერგია და მოგონებები. სუფთა ჰაერი, ნისლი, წიწვოვანი ტყე, კოცონები, ვარსკვლავებიანი ცა, კარვების ქალაქი, კარგი მუსიკა, ზაფხულის მზესთან დამშვიდობება _ ეწვიეთ 19 აგვისტოს ბახმაროს! არ გამოტოვოთ დიდი მხიარულება. ფესტივალი „ჩექინ ჯორჯიას“ ფარგლებში იმართება და მისი თანადამფინანსებელია საქართველოს განათლების, კულტურის, სპორტისა და მეცნიერების სამინისტრო. გენერალური სპონსორია „წყალი მარგებელი“. სპონსორები და მხარდამჭერები არიან: „ზედაზენი“; “New Road”; „ორბი ჯგუფი“; „ვასაძის პური“; „სანდომი“; „თქვენი მარკეტი“ ასკანგელი“, ‘გზამშენი 18“, „ლიდერფუდი“, „ბითი ჩერითი ჯგუფი“, „ბახმარო ჰოტელი“; ჩოხატაურის მუნიციპალიტეტის მერია; ლანჩხუთის მუნიციპალიტეტის მერია; „ენერგო პრო ჯორჯია“; საგანგებო სიტუაციების მართვის სამსახური; საგანგებო სიტუაციების კოორდინაციისა და გადაუდებელი დახმარების ცენტრი; ფესტივალის მედია პარტნიორი და საინფორმაციო მხარდამჭერია ... ...
  • „ნაბეღლავი“, „ბახმარო“, „გალფი“ _ ბახმაროში ტრადიციული დოღის სამზადისიახვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია. ტრადიციულ დოღს,  რომელიც მეორე წელია,  ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება, წელს ბევრი სიახლე ახლავს _ „ბახმაროს თასი 2019“ ღონისძიებისათვის კომპანია „წყალი მარგებელმა“ ახალი სპონსორები მოიძია, რის გამოც საპრიზო ფონდი გაზრდილია. _ წინა წელს დავიწყეთ ეს ღონისძიება ამ მასშტაბით და მაშინ დავპირდით  პირველ რიგში გურულებს და მთელ საქართველოს, რომ ბევრად დიდი მასშტაბი იქნებოდა წელს, რაც ვფიქრობ, რომ შევძელით.  ჩვენი გეგმა, რომ 10 წლის მანძილზე ბახმარო გავხადოთ არამარტო გურიის, არამედ მთელი საქართველოს სავიზიტო ბარათი.  დღეს ვნახე და ძალიან გამიხარდა, რომ დოღში მონაწილეთა რაოდენობა გაზრდილია _ მონაწილეები დაგვემატნენ ბათუმიდან, პანკისიდან,  რაც მისასალმებელია. ასევე, სასიხარული და მნიშვნელოვანია, რომ გაიზარდა ბიზნესის ჩართულობაც _  “საქართველოს ბანკის“ შემდეგ, დაგვემატა „გალფი“, „გლოვო“, „კროკო ბეთი“. ჩვენ ვართ ამ ქვეყნის ნაწილი და მთავარი ნაწილი შეიძლება ითქვას . ჩვენთვის ძალიან მნიშვნელოვანია ვიყოთ სახე ქვეყნის და ყველაფერი გავაკეთოთ ჩვენი ქვეყნისთვის, _ ამბობს კომპანია “წყალი მარგებლის“ დამფუძნებელი მიხო სვიმონიშვილი. სვიმონიშვილი იმედოვნებს, რომ წელს, ბახმაროს დოღს შარშანდელზე მეტი ადამიანი დაესწრება: _  წინა წელს 27 000 ათასი ადამიანი დაესწრო დოღს და ამდენი გაღიმებული ადამიანის ერთად ნახვა ბედნიერებაა. იმედი მაქვს, წელს, ეს რიცხვი მეტი იქნება, _ აღნიშნა სვიმონიშვილმა. კომპანია „გალფის“ ვიცე პრეზიდენტის ნინო ჯიბლაძის თქმით, „გალფისთვის მნიშვნელოვანია ჯანსაღი ცხოვრების წესი და ეკოლოგიურად პასუხისმგებელობიანი აქტივობების მხარდაჭერა“: _  წელს პირველად დავუჭირეთ მხარი ბახმაროს დოღს და მოხარულები ვართ, რომ გარდა საპრიზო ფონდში თანამონაწილეობისა, საჩუქრებს და პრიზებს დავაწესებთ ოთხივე გარბენის გამარჯვებულისათვის, _ თქვა ნინო ჯიბლაძემ. ერთი სიტყვით, „ნაბეღლავი“, წყაროს წყალი „ბახმარო“, მათი გენერალური მხარდამჭერი „საქართველოს ბანკი“ და ღონისძიების სპონსორები _ „გალფი, გლოვო და კროკო-ბეთი ხვალ, 19 აგვისტოს, ბახმაროში კარგ სანახაობას გპირდებიან. ზღვის დონიდან 2050 მეტრზე გამართული დოღი ასეთი იქნება: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულა გარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარი I ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი; I ადგილი 1000 ლარი; II ადგილი 500 ლარი; III ადგილი 300 ... ...
  • გადაიწევს თუ არა აბიტურიენტთა ჩარიცხვების ვადების გამოცხადებააბიტურიენტები სახელმწიფოს მიერ 2019 წელს სრულად დაფინანსებული საგანმანათლებლო პროგრამების ე.წ. უფასო ფაკულტეტების სიას ელოდებიან, რომელიც, ჯერჯერობით, არ ჩანს. განათლების, მეცნიერების, კულტურის და სპორტის სამინისტროში edu.aris.ge-ს განუმარტეს, რომ დოკუმენტს ახლო მომავალში გამოაქვეყნებენ და ვადებში ეტევიან. თუმცა, ფაქტია, რომ  აბიტურიენტებს საგანმანათლებლო პროგრამებში ცვლილებების შესატანად ცოტა დრო რჩებათ. საგულისხმოა, ისიც რომ გასულ წლებში უფასო ფაკულტეტების ჩამონათვალი აგვისტოს დასაწყისში უკვე გამოქვეყნებული იყო, მაგალითად: 2016 წელს სახელმწიფოს მიერ სრულად დაფინანსებული საგანმანათლებლო პროგრამების სია გამოქვეყნდა 28 ივლისს, 2017 წელს – 2 აგვისტოს, 2018 წელს – 6 აგვისტოს. უკავშირდება თუ არა სიის გამოქვეყნების დაგვიანება სამინისტროს მიერ უფასო ფაკულტეტების დაფინანსების წესში შესატან ცვლილებებს, ამ ეტაპზე უცნობია. შეგახსენებთ, რომ სამინისტრო პირველ ეტაპზე, 2019 წლისთვის უფასო ფაკულტეტების დაფინანსების მოდელში ცვლილებების შეტანას აპირებდა, მოგვიანებით კი მინისტრი მიხეილ ბატიაშვილი მის საერთოდ გაუქმებაზე ალაპარაკდა, რაც შემდეგ 2020 წლისთვის გადადო. ცნობისთვის! – აბიტურიენტებს უფასო ფაკულტეტების არჩევის ვადა, აპელაციის შედეგების გამოქვეყნებიდან შემდეგი დღის 18:00 საათამდე აქვთ. “ნაეკის” ინფორმაციით, აპელაციის შედეგების გამოქვეყნება, სავარუდოდ, მომავალი კვირის ბოლოს დასრულდება. სამინისტროში კი აცხადებენ, რომ ფაკულტეტების სია, ამ პერიოდისთვის გამოქვეყნებული ... ...
  • საქართველოს საგარეო უწყება საერთაშორისო თანამეგობრობას მიმართავსმივმართავთ საერთაშორისო თანამეგობრობას, ქმედითი ზომები მიიღოს საოკუპაციო ძალების უკანონო მოქმედებების შესაჩერებლად, – ამის შესახებ საქართველოს საგარეო საქმეთა სამინისტროს სპიკერმა, ვლადიმერ კონსტანტინიდმა საოკუპაციო ხაზიდან საქართველოს შვიდი მოქალაქის გატაცებასთან დაკავშირებით საუბრისას განაცხადა. მისი თქმით, საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში. „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან შვიდი ადგილობრივი მცხოვრების გატაცების გამო. იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო, საოკუპაციო ძალების მიერ საქართველოს მოქალაქეების გატაცებისა და უკანონო დაკავებების პრაქტიკის გაგრძელება წარმოადგენს ქვეყანაში ვითარების დესტაბილიზაციის აშკარა მცდელობას. საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში“, – აცხადებს საგარეო საქმეთა სამინისტროს სპიკერი. ვლადიმერ კონსტანტინიდის თქმით, გააქტიურებულია ცხელი ხაზი; საქმის კურსში არიან ჟენევის საერთაშორისო მოლაპარაკებების თანათავმჯდომარეები, პროცესში ჩართულია ევროკავშირის სადამკვირვებლო მისია. „ჩვენ დაუყოვნებლივ გავააქტიურეთ ცხელი ხაზი; უკვე დავუკავშირდით ჟენევის საერთაშორისო მოლაპარაკებების თანათავმჯდომარეებს; პროცესში ჩართულია ევროკავშირის სადამკვირვებლო მისია. მოვუწოდებთ რუსეთის ფედერაციას, დაუყოვნებლივ შეწყვიტოს უკანონო ქმედებები საოკუპაციო ხაზზე და პატივი სცეს ნაკისრ საერთაშორისო ვალდებულებებს. მოვუწოდებთ რუსეთის ფედერაციას, რომ დაიწყოს 2008 წლის 12 აგვისტოს ცეცხლის შეწყვეტის შეთანხმების უპირობო შესრულება, რადგან საქართველოს ტერიტორიიდან ჯარების გაყვანა არის ადგილზე მდგრადი მშვიდობისა და უსაფრთხოების დამყარების ერთადერთი გზა. მივმართავთ ასევე საერთაშორისო თანამეგობრობას, რომ ქმედითი ზომები მიიღოს საოკუპაციო ძალების უკანონო მოქმედებების შესაჩერებლად“, – განაცხადა ვლადიმერ კონსტანტინიდმა. საოკუპაციო ხაზთან რუსმა სამხედროებმა საქართველოს შვიდი მოქალაქე დააკავეს. დაკავებულები სოფელ ახალუბნის მცხოვრებლები არიან. არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან ... ...
  • რუსმა სამხედროებმა სოფელ არცევთან საქართველოს კიდევ ერთი მოქალაქე დააკავესრუსმა სამხედროებმა საოკუპაციო ხაზთან, ოკუპირებული სოფელ არცევის მიმდებარე ტერიტორიიდან საქართველოს კიდევ ერთი მოქალაქე, სოფელ დიდი მეჯვრისხევის მკვიდრი დააკავეს. ამის შესახებ საქართველოს პირველ არხს სახელმწიფო უსაფრთხოების სამსახურში განუცხადეს. სუს-ის ინფორმაციით, დაკავებული ცხინვალის იზოლატორშია გადაყვანილი. საქართველოს მოქალაქეს ე.წ. საზღვრის უკანონო კვეთას ედავებიან. სუს-ის ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია. სახელმწიფო უსაფრთხოების სამსახურის ინფორმაციით, რუსი სამხედროების მიერ დაკავებული საქართველოს შვიდი მოქალაქე ცხინვალის იზოლატორში იმყოფება და ე.წ. სასამართლო პროცესს ელოდება. საოკუპაციო რეჟიმის წარმომადგენლები მათ ე.წ. საზღვრის უკანონო გადაკვეთაში სდებენ ბრალს. ე.წ. სასამართლო პროცესი, სავარაუდოდ, ხვალ ჩაინიშნება. სუს-ის ინფორმაციით, ცხელი ხაზის რამდენჯერმე გააქტიურების შემდეგ, გვიან ღამით შედგა დე-ფაქტოცხინვალის წარმომადგენლობასთან კომუნიკაცია, რომლებმაც დაადასტურეს საქართველოს შვიდი მოქალაქის ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...