კიდევ ერთი უხარისხოდ გარემონტებული ობიექტის ამბავი

მთავარი თემა

კიდევ ერთი უხარისხოდ გარემონტებული ობიექტის ამბავი

2015 ივნ 11 13:23:33
ჩოხატაურის მუნიციპალიტეტს საკრებულოში სამუშაო ოთახების სარეკონსტრუქციო-საშემკეთებლო სამუშაოების ჩასატარებლად ტენდერი ჩოხატაურის მუნიციპალიტეტმა მარტში გამოაცხადა.
 სატენდერო დოკუმენტაციაში მითითებულია, რომ შესყიდვის სავარაუდო ღირებულება   9 614 ლარია. ამავე დოკუმენტში ვკითხულობთ"  "2 წლის განმავლობაში პრეტენდენტი პასუხისმგებელია შესრულებული სამუშაოების ხარისხზე. ხარვეზი უნდა აღმოფხვრას საკუთარი ხარჯებით"
ტენდერში გამარჯვებულ ინდმეწარმე ვალერი კაკურიასა და ჩოხატაურის მუნიციპალიტეტის გამგებელს ირაკლი კუჭავას შორის ხელშეკრულება მიმდინარე წლის 27 მარტს დაიდო 9 557 ლარზე. დოკუმენტის თანახმად, სამუშაოები 25 აპრილამდე უნდა დასრულებულიყო. 
ინდმეწარმემ სამუშაოები დადგენილ ვადაში შეასრულა, თუმცა, მიღება-ჩაბარების კომისიამ არ ჩაიბარა _
როგორც კომისიაში განმარტეს, უხარისხობის გამო.
თუმცა, სამუშაოების უხარისხოდ შესრულებას უარყოფს კაკურია, რომელიც ამბობს, რომ ყველაფერი ხარჯთაღრიცხვის მიხედვით გაკეთდა:
_ ყველაფერს პროექტის მიხედვით, ხარისხიანად ვაკეთებთ,  _ გვითხრა ვალერიან კაკურიამ, რომელიც ცოტა ხნის წინ სწორედ უხარისხოდ შესრულებული სამუშაოებისთვის დააკავეს.
ჩოხატაურის მუნიციპალიტეტის საკრებულოს შენობაში. ე. წ. "გარემონტებული" ოთახები ჩვენ კაკურიასთნ ერთად მოვინახულეთ _ ბზარები კედელზე, ჩამოცვენილი საღებავი, ამძვრალი და ზოგ შემთხვევაში არასაკმარისი "პლინტუსები". კარი, რომლებიც არ იკეტება და რომლებსაც თითქმის ხუთსანტიმეტრიანი "საჰაერო" ღრიჭოები აქვს:
_  ხარჯთაღრიცხვაში  მეწერა არსებული კარის მონტაჟი და გავაკეთე კიდეც. ახალ კარს ხომ არ ჩავსვამდი?! _ ამბობს კაკურია და კითხვაზე, რას ჰქვია მონტაჟი, როცა არც კარი იკეტება და მას იატაკიდან დიდი დაშორება აქვს, მხრების აჩეჩვით გვპასუხობს:
_ მე ხომ არ შემიკერავს ეს კარი?! მეტს ვერაფერს ვერ ვუზამ. ჩაესვათ პროექტში ახალი და გაკეთდებოდა ახალი, _ განმარტავს ინდმეწარმე.
"გარემონტებულთაგან" ყველაზე დიდ ოთახში კარნიზები ალაგ-ალაგაა გაკეთებული.
კაკურიას თქმით, ეს მიღება-ჩაბარების კომისიის ბრალია, რადგან ოთახის გასატიხრი კედლები თაბაშირ-მუყაოს ფილებით გააკეთეს, თუმცა კომისიამ, იმის გამო, რომ ეს ხარჯთაღრიცხვაში არ იდო, დაიწუნა და აღება მოუხდათ. კარნიზებიც, რომელიც კაკურიას მტკიცებით, საკუთარი სახსრებით, ხარჯთაღრიცხვის გარეშე გააკეთეს (?!), იმიტომ არ არის საკმარისი.
იმას, რომ თაბაშირ-მუყაოს ფილების აღება და ოთახების გატიხვრა სხვა, უფრო თხელი მასალით მოუხდა შემსრულებელს, ადასტურებს საკრებულოს აპარატის უფროსი მერაბ ხუნდაძე. მისი თქმით, რემონტის თავდაპირველი ვერსია ამჟამინდელს სჯობდა:
_ თუმცა, კომისიამ თქვა, ასე არ იყო გათვალისწინებულიო და ამატომ სულ ფართხა-ფურით აიღეს. ერთ ღამეში აიღეს და ეს გაკეთდა. თქვენც ხედავთ, რაცაა და როგორიცაა _ ე. წ. კედელს რომ მიეყრდნო, წაიქცევა.  რაღაც რკინა გააკეთეს ზუსტად ჩემი სკამის თავზე. ასეთი რამე გინახავთ? არ ვიხრჩობ ჯერ თავს, არ მაქვს თავის დასახრჩობად საქმე!   _ ჩატარებული სამუშაოების უხარისხობის გამო უკმაყოფილება არ დაუმალავს ხუნდაძეს.
მიღება-ჩაბარების კომისიის თავმჯდომარე ვლადიმერ ლომთათიძე ჩვენთან საუბრისას ამბობს, რომ ინდმეწარმემ ხარჯთაღრიცხვით გათვალისწინებული სამუშაოები არ შეასრულა: _ შესრულებული სამუშაო დავიწუნეთ იმიტომ, რომ ხარჯთაღრიცხვის შესაბამისი არ იყო, _ განმარტა ლომთათიძემ.
მისივე თქმით, შესრულებული სამუშაო ბევრ ეჭვს ბადებს:
_ ჩვენ ეჭვები გაგვიჩნდა როგორც სამუშაოს მოცულობაზე, ასევე ხარისხზე. ამიტომაც მოვიწვიეთ სამხარაულის ექსპერტიზის ბიუროს ექსპერტი და ველოდებით მათ დასკვნას, _ გვითხრა კომისიის ხელმძღვანელმა.
სამხარაულის ექსპერტს, რომელმაც შესრულებული სამუშაოები დაათვალიერა, "გურია ნიუსიც" შეხვდა.
მან გაგვიმარტა, რომ ის ექპერტიზას მხოლოდ სამუშაოს მოცულობაზე ატარებდა:
_ ამ შემთხვევაში, მხოლოდ მოცულობას ვამოწმებ. ხარისხი რომ იყოს შესამოწმებელი, ჩათვალეთ, ეს ობიექტი არ ჩაბარდება იქედან გამომდინარე, რომ ხარჯთაღრიცხვაა შესრულებული ძალიან ცუდად. ამიტომ, არ შეიძლება ხარისხის განსაზღვრა ამ შემთხვევაში. მე ახლა ვაკეთებ მხოლოდ მოცულობითი სამუშაოების ექსპერტიზას. უნდა დავადგინო შეესაბამება თუ არა "ფორმა ორით" გათვალისწინებული მოთხოვნები ჩატარებულ სამუშაოებს. დანარჩენი საკითხები გასარკვევია _ მოსაკითხია, ვინ გააკეთა ხარჯთაღრიცხვა. უნდა შემოწმდეს, რამდენად კარგად არის შედგენილი, რამდენად შეესაბამება შესასრულებელ სამუშაოებს და ფასებს. თქვენ წეღან აღნიშნეთ, რომ ჭერი ცუდად არის შეღებილი. გეთანხმებით, ცუდია. ეს რომ კარგი იყოს, გაცილებით მეტი სამუშაო უნდა ჩატარდეს. ამ კონკრეტულ შემთხვევაში გეთანხმებით _  არ არის ხარისხიანად გაკეთებული, მაგრამ ეს შემსრულებლის ბრალი არ არის.
ექპერტს, რომელსაც საკრებულოში კაკურია და მისი თანამშრომლებიც ახლდნენ,  ვკითხეთ, ვისი ბრალია, როცა "პლინტუსების" ნაწილი დაგებული არაა, ნაწილი კი ცუდადაა დაგებული.
სპეციალისტმა განგვიმარტა, რომ ხარჯთაღრიცხვაში "პლინტუსის" დაგება არც იყო გათვალისწინებული:
_ ეს სულ არ წერია ხარჯთაღრიცხვაში.  მადლობა უთხარით ამას (საუბარია კაკურიაზე), რომ გააკეთა.
თუმცა, მალევე მასთან ერთად გავარკვიეთ, რომ ხარჯთაღრიცხვაში "პლინტუსების" გაკეთება გარკვევით ეწერა.
კაკურიას თქმით, მხოლოდ 10 მეტრი  იყო დაგეგმილი და მათ 14 მეტრი გააკეთეს.
_ თქვენ ხშირად ამოწმებთ ასეთ სამუშაოებს. საინტერესოა ექპერტის  აზრი _ რა უნდა ვიფიქროთ ჩვენ, არაექსპერტებმა, როცა კომპანია იღებს ვალდებულებას კონკრეტული ობიექტის სამუშაოები შეასრულოს იმაზე გაცილებით დაბალ ფასად, რაც ხარჯთაღრიცხვის დოკუმენტაციაშია მითითებული? ინდმეწარმე ვალერიან კაკურიას მსგავსად, ბევრი ფასის შემცირების ხარჯზე იგებს ტენდერებს. ასეთ შემთხვევაში ხარისხიანად შესრულებულ სამუშაოებს მივიღებთ?
_ ვერა, _ დაგვიზუსტა  სამხარაულის ექსპერტიზის ეროვნული ბიუროს ექსპერტმა.  
აღსანიშნავია, რომ ექპერტმა დასკვნის დაწერამდე, სამუშაოების სრულად ნახვამდე გვითხრა, რომ ინდმეწარმე კაკურიამ ის სამუშაოები შეასრულა, რომელიც ხარჯთაღრიცხვით იყო  გათვალისწინებული.
როგორც ჩოხატაურის მუნიციპალიტეტის გამგეობაში ამბობენ, სამხარაულის  ექსპერტიზის ეროვნული ბიუროს დასკვნა რამდენიმე დღეში ჩამოვა. მანამდე კი მიღება-ჩაბარების კომისიის თავმჯდომარე განმარტავს, რომ კომისიამ ხარჯთაღრიცხვა თავიდანვე შეამოწმა და მასში წუნი არ უპოვია.
ლომთათიძე ამბობს, რომ კომისიამ შესრულებული სამუშაოს ხარისხიც დაიწუნა და მისთვის უცნობია, რატომ არ ჩატარდა ექპერტიზა ხარისხზე:
_ ჩვენ ეჭვი შეგვეპარა, როგორც მოცულობაში, ასევე ხარისხშიც. ვნახოთ, რას დაწერს ექპერტიზა და ამის შემდეგ იმსჯელებს კომისია. თუკი მოცულობაში ყველაფერი კარგადაა, მაშინ ინდმეწარმეს ხარისხის გამოსწორების საშუალებას მივცემთ. თუმცა, ამ თემის დეტალებზე საუბარი მხოლოდ დასკვნის შემდეგ შეგვეძლება, _ აღნიშნა ლომთათიძემ.



 ახალი ამბები
  • გიორგი გახარია: "ყველაზე დიდი დარტყმა მიიღო პოლიციამ"შინაგან საქმეთა მინისტრმა გიორგი გახარიამ დაშავებული პოლიციელები მოინახულა და მათ ჯანმრთელობის მდგომარეობას ადგილზე გაეცნო. გიორგი გახარიამ პოლიციელებს მადლობა გადაუხადა და განაცხადა, რომ გამოძიების შედეგად, იდენტიფიცირებული იქნება თითოეული პოლიციელზე თავდამსხმელი, რასაც კანონის შესაბამის ზომებს მიიღება მოჰყვება. მინისტრმა, ასევე, მადლობა გადაუხადა პანკისის ხეობის თემის უხუცებსაც ერთად მიღწეული შედეგისთვის: „მოვინახულე პოლიციის დაშავებული თანამშრომლები. ძირითადად, ეს, გახლავთ ნასროლი ქვებისგან მიღებული დაზიანებები. კიდევ ერთხელ ხაზგასმით ვიტყვი, რომ თითოეული ადამიანი იქნება იდენტიფიცირებული და თითოეული ადამიანი, რომელმაც გაბედა პოლიციელზე თავდასხმა, იქნება შესაბამისად დასჯილი. ამას მე ვპირდები თითოეულ პოლიციელს და თითოეულ ჩვენს მოქალაქეს. საბედნიეროდ, მძიმე შემთხვევები არ გვაქვს _ ერთ პოლიციელს დაზიანება აქვს თავის არეში. მას ახლა აკვირდებიან ექიმები და იმედი გვაქვს, რომ ყველაფერი სერიოზული გართულების გარეშე გამოვა. ამ მომენტისთვის მიმდინარეობს საგამოძიებო მოქმედებები. ჩვენ დეტალურად შევისწავლით ყველა კამერაზე ასახულ ყველა მოვლენას, თითოეული ადამიანის და თითოეულ ჩვენ პოლიციელზე თავდასხმის შემთხვევას და მხოლოდ ამის შემდგომ, კანონის სრული შესაბამისობით გავატარებთ იმ ზომებს, რის საშუალებასაც გვაძლევს იურისდიქცია. სიტუაცია დამშვიდებულია, დაწყნარებულია, შედეგი მიღწეულია, როგორც კომპანიის ინტერესებიდან გამომდინარე, ასევე, საქართველოს ენერგოუსაფრთხოებიდან გამომდინარე და რა თქმა უნდა, მოქალაქეების და ადგილობრივი მცხოვრებლების ინტერესებიდან გამომდინარე. ყველაზე დიდი დარტყმა მიიღო პოლიციამ. ჩვენ გვესმის, რომ გვაქვს უაღრესად დიდი თმენის ვალდებულება, რომელიც განახორციელა თითოეულმა ადამიანმა, რომელიც დღეს აქ იმყოფება. მე მათ მინდა მადლობა გადავუხადო, გადავუხადო მადლობა ყველა იმ პოლიციელს, რომელსაც ამ ღონისძიებაში, ნებსით თუ უნებლიეთ, დღეს იღებდა მონაწილეობას. მათ ღირსეულად შეასრულეს თავისი ფუნქცია-მოვალეობა. რაც მთავარია, მადლობა მინდა გადავუხადო, ასევე, უხუცესებს, რომლებთან საუბარშიც ჩვენ ობიექტურ რეალობასთან დაახლოებაც შევძელით და მივაღწიეთ იმ შედეგს, რომელიც ეფექტური იქნება ხვალინდელი დღისთვის, როგორც ხეობის, ასევე ქვეყნისთვის. კიდევ ერთხელ ხაზგასმით ვიტყვი, რომ ყველა ჩვენი, თითოეული მოქალაქის, თითოეული პოლიციელის, თითოეული პანკისელის ინტერესი და მიზანი უნდა იყოს ძლიერი საქართველო და ამას მივაღწევთ!“ _ განაცხადა გიორგი ... ...
  • გახარია: ‘სამინისტრო იძულებული იყო, მოეხდინა ძალების მობილიზება“შინაგან საქმეთა მინისტრმა გიორგი გახარიამ პანკისის ხეობაში დღეს განვითარებულ მოვლენებზე ჟურნალისტების კითხვებს უპასუხა. გახარიას განცხადებით, შინაგან საქმეთა სამინისტროს ვერავინ ვერასდროს შეუზღუდავს არეალებს _ „სამინისტრო როდესაც ჩათვლის საჭიროდ, რომ მის თანამშრომლებსა და საქართველოს მოქალაქეებს ემუქრებათ საფრთხე, იმოქმედებს ისე, როგორც საჭიროა“. როგორც მინისტრმა განაცხადა, „თითოეული ძალოვანი, რომელიც დღეს პანკისის ხეობაში დგას, იცავს ყველას, მათ შორის, სოფელ ბირკიანის მოსახლეობის ინტერესსაც“. მინისტრის თქმით, პანკისის ხეობაში დამატებითი ძალების შეყვანა მოხდა მაშინ, როდესაც დილას ადგილობრივები 35 ფორმიან პოლიციელს დაუპირისპირდნენ: „შემდგომ სიტუაცია დარეგულირდა, დაიწყო მოლაპარაკებები, ამ მოვლენების პარალელურად კი კონფლიქტი გამწვავდა და უკვე მწვავე ფაზაში შევიდა. შსს-ს ოფიციალურად მიმართა ეკონომიკის სამინისტრომ, რომ აქ იწყებოდა გარკვეული სამუშაოები და უსაფრთოხების დაცვის მიზნით, ითხოვეს მათი მხარდაჭერა. ამიტომ დილით, როდესაც მშენებლები აქ ამოვიდნენ, მათ ამოჰყვათ 35 პოლიციელი. მას შემდეგ, რაც მოხდა მათზე თავდასხმა და დაუშინეს ქვები, რა თქმა უნდა, სამინისტრო გახდა იძულებული, მოეხდინა ძალების მობილიზება. დამატებითი ძალების მობილიზების აუცილებლობა იყო იმიტომ, რომ შსს ვალდებულია ყველგან, მთელი საქართველოს ტერიტორიაზე დაიცვას მოქალაქეების ჯანმრთელობა და უსაფრთხოება. ვერავინ ვერასდროს შსს-ს ვერ შეუზღუდავს არეალებს. შინაგან საქმეთა სამინისტრო როდესაც ჩათვლის საჭიროდ, რომ მის თანამშრომლებსა და საქართველოს მოქალაქეებს ემუქრებათ საფრთხე, იმოქმედებს ისე, როგორც საჭიროა“, _ თქვა ... ...
  • "გაიღიმეთ" _ უტიფრად გვეუბნება მინისტრი, როდესაც კვამლშია გახვეული პანკისის ხეობა"„მთავარი პრობლემა პანკისის ხეობაში არის უპატრონობა ცენტრალური ხელისუფლების მხრიდან, ჰესი არის აისბერგის წევრი,“ - ასე გამოეხმაურა „ევროპული საქართველოს“ წევრი, გიგი უგულავა პანკისში განვითარებულ მოვლენებს. გიგი უგულავამ პანკისელებს სიმშვიდისკენ მოუწოდა. სიმშვიდე არის მათი თავდაცვის და სიმართლის დამტკიცების ყველაზე კარგი საშუალება. მან ხელისუფლების მიერ გადადგმულ არასწორ ნაბიჯებზე ისაუბრა. „მიუღებელი საყურებელია, როდესაც ვხედავთ პოლიციელების მიმართ ნასროლ ქვებს, ჯოხებს, უნდა გვესმოდეს რატომ მივიდეს ულამაზესი და მნიშვნელოვანი რაიონი ამ ვითარებამდე. ბოლო 7 წელია ივანიშვილი და მისი მთავრობა ყოველდღიურ რეჟიმში დგამს იმ უგუნურ ნაბიჯებს, რამაც საბოლოო ჯამში აქამდე მიგვიყვანა. აქ იგულისხმება ის, რომ სახელმწიფოდა ცენტრალური მთავრობა, არცერთი შტო აღარ წარმოადგენს იქ ფაქტორს. ვაკვირდებით კადიროვის ხალხის და ISIS-ის რეკრუტირების ძალიან სახიფათო, მავნებლურ სახელმწიფოსთვის კამპანიას, რასაც ჩვენი ხელისუფლება არაფერს და ვერაფერს უპირისპირებს... "გაიღიმეთ" უტიფრად რომ გვეუბნება მინისტრი, როდესაც კვამლშია გახვეული პანკისის ხეობა, ეს არის უტიფრობის ზეიმი გახარიას და მთავრობის მხრიდან,“- აღნიშნა უგულავამ რუსთავის 2-ის ... ...
  • აქციის შედეგად დაზიანებული სპეცტექნიკა _ "გურია ნიუსის" ფოტორეპორტაჟი პანკისიდანმძიმე დღის შედეგი პანკისიდან _ ამ დროის მონაცემებით დაშავებულია 27 ადამიანი. აქედან 12 პანკისის მცხოვრებია, ხოლო დანარჩენები სპეცრაზმელები არიან. დაპირისპირების შედეგად დამწვარია ჰესის მშენებელი კომპანიის ტექნიკა და შინაგან საქმეთა სამინისტროს ... ...
  • ნიკა მელია: ასეთი ცინიკური შს მინისტრი ამ ქვეყანს არ ჰყოლია„ეს იყო თავზე ხელაღებული ბიძინა ივანიშვილის ხელის ბიჭის ქმედება," - ასე გამოეხმაურა „ნაციონალური მოძრაობის“ წევრი ნიკა მელია პანკისში განვითარებულ მოვლენებს. მან შს მინისტრს, გიორგი გახარიას კრიმინალი უწოდა. ნიკა მელიამ მკაცრად გააკრიტიკა ხელისუფელების მიერ გადადგმული ნაბიჯები და აღნიშნა, რომ ბიძინა ივანიშვილს მხოლოდ საკუთარი ბიზნესინტერესები ამოძრავებს. „მას და ბიძინა ივანიშვილს ჰგონია, რომ მოჯადოებული წერე არასოდეს გაირღვევა ხალხის მიერ და ჰგონიათ, რომ ოლიგარქი ივანიშვილი, ჩხარტიშვილი და რამდენიმე ადამიანი დაეპატრონა ამ ქვეყანას სამუდამოდ, აღმოჩნდა, რომ ეს ასე არ არის... ბიძინა ივანიშვილი ხალხის ინტერესს და წუხილს არ ითვალისწინებს, მას ბიზნესინტერესები ამოძრავებს და გახარიას, ჩხარტიშვილისა და ფარცხალაძეების მეშვეობით ამ ბიზნესინტერესებს ახორციელებს,“- განაცხადა ნიკა მელიამ. ოპოზიციის წევრმა „კურიერის“ პირდაპირ ეთერში აღნიშნა, რომ შინაგან საქმეთა მინისტრის, გიორგი გახარიას ბოლო განცხადებიდან  იკვეთება, რომ ის შეუშინებიათ ხალხს. გახარიას თქმით, ჰესის თემა გადადეს და როცა მოსახლეობის 90% დაუჭერს მხარს, მაშინ აშენდება ის. "შეუშინებია ხალხს ბატონი გახარია," - აღნიშნა ნიკა მელიამ, რომელმაც შინაგან საქმეთა მინისტრს ცინიკოსი უწოდა.  „ასეთი ცინიკური შს მინისტრი ამ ქვეყანას არ ჰყოლია, ხან თვალს აპაჭუნებს, ხან წერილი გინდათ თუ სიხარულიო, ამაზე ლაზღანდარობს. დღეს თურმე, ჟურნალისტმა, რომელმაც ცრემლსადენი გაზი გადაყლაპა, ამ ადამიანს ეუბნება ცინიკურად, რომ გაიღიმეო,“ - განაცხადა ნიკა ... ...

არქივი

ზაფრანი

იცინეთ ხშირად!

თუ მძიმე დღე გქონდათ –...

რატომ უნდა მიირთვათ ხშირად კარტოფილი

არსებობს რამდენიმე მიზეზი, რის გამოც...

რატომ უნდა მივბაძოთ ბავშვებს

ნებისმიერი ადამიანი ზოგჯერ ბავშვობაში უნდა...

ელტონ ჯონის „საბედისწერო“ სტილი

ელტონ ჯონზე სტილისტები ამბობენ, ისე...

შვიდი დღე გასალამაზებლად

ნამდვილად არ გაწყენთ, სულ რაღაც...

ქრონიკული დაღლილობა ვირუსით არის გამოწვეული

ადამიანის დაღლილობა, შეიძლება, ვირუსით იყოს...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...