რას მივიღებთ თუ მოსამართლეებს "გადაცმული პროკურორებით" დავაშინებთ

მთავარი თემა

რას მივიღებთ თუ მოსამართლეებს "გადაცმული პროკურორებით" დავაშინებთ

2015 ივნ 23 00:39:46

მართლმსაჯულების რეფორმის მიმდინარე პროცესი, ისევე როგორც სხვა მნიშვნელოვანი პოლიტიკური მოვლენები თბილისში, 13 ივნისს განვითარებულმა პროცესებმა გადაფარა.

თუმცა, რეფორმის პროცესი საზოგადეობის ყურადღების მიღმა მაინც გრძელდება.

ცნობისთვის, იუსტიციის სამინისტროს მიერ, მართლმსაჯულების რეფორმირების მესამე ეტაპისთვის შემუშავებული კანონპროექტი, რომელიც  სასამართლოების თავმჯდომარეთა არჩევისა და მოსამართლეობის კანდიდატების შესახებ ინფორმაციის მოპოვების პროცედურებს, მოსამართლეთა მივლინების წესსა და დისციპლინური სამართალწარმოების საკითხებს  ეხება; ამასთანავე, სასამართლოს თავმჯდომარისა და მენეჯერის ფუნქციების გამიჯვნასა და სასამართლოს თავმჯდომარისთვის საქმეების განხილვის ვალდებულებასაც ითვალისწინებს, კვლავ განხილვის და დაპირისპირების საგანია.

კანონპროექტს, რომლის თანახმადაც, სასამართლოების თავმჯდომარეებს არა იუსტიციის უმაღლესი საბჭო, არამედ, რიგითი მოსამართლეები აირჩევენ, რაც ავტომატურად გამოიწვევს ყველა მოქმედი სასამართლოს თავმჯდომარისთვის უფლებამოსილების ვადაზე ადრე შეწყვეტას, მოსამართლეთა დიდი ნაწილი ისევ ეწინააღმდეგება. კიდევ ერთი წინააღმდეგობა კი დისციპლინურ სამართალწარმოებაში ახალი ინსტიტუტის, ინსპექტორის შემოყვანას ხვდა წილად.

როგორ აისახება რეფორმა სასამართლო სისტემაზე და მოახდენს თუ არა ის გავლენას მოსამართლის დამოუკიდებლობაზე, სასამართლო სისტემაში მიმდინარე ამ და სხვა საკითხებზე "გურია ნიუსი“ "პოლიტიკის და სამართლის ცენტრის" თავმჯდომარეს, ილიას სახელმწიფო უნივერსიტეტის სამართლის სკოლის ლექტორს, ამირან გიგუაშვილის ესაუბრა:

 _ სასამართლო რეფორმის პროცესი ქვეყანაში განვითარებულმნა მოვლენებმა გადაფარა, თუმცა ამ პროცესებამდე კანონპროექტის განხილვა საკმაოდ დიდი დაძაბულობის ფონზე მიმდინარეობდა. მოსამართლეთა ნაწილი უზენაესი სასამართლოს თავმჯდომარის მოსაზრებას, რომ რეფორმები მოსამართლეთა თვითშეფასების და კონტროლის მექანიზმებს გააუმჯობესებს არ ეთანხებიან. როგორც მოქმედი ადვოკატი რა შეფასებას მისცემდით მიმდინარე პროცესებს?

 _ ის დისკუსია, რაც დღეს სასამართლო სისტემის ირგვლივ მიმდინარეობს, ზუსტად ასახავს ჩვენი ქვეყნის პოლიტიკურ მოვლენებს. ვგულისხმობ, რომ ეს დისკუსია არ არის თავისუფალი პოლიტიკური ქვეტექსტებისგან, რაც ცხადია საბოლოო ჯამში აზარალებს თავად მართლმსაჯულების რეფორმირების პროცესს. არავინ უარყოფს, რომ სასამართლო სისტემაში საჭიროა ძირეული რეფორმები, მათ შორის საჭიროა საკადრო ცვლილებებიც, მაგრამ რევიზიონიზმი აქ არ გამოდგება. ყველა შემოთავაზებული ინიციატივა უნდა შეფასდეს არა მოკლევადიან პერსპექტივაში, არამედ გრძელვადიანი, დემოკრატიული ღირებულებების განვითარების კონტექსტში. მნიშვნელოვანი არის არა ის, თუ რა სურს ამა თუ იმ თანამდებობის პირს, ან რომელიმე ძველ თუ ახალ მოსამართლეს, მნიშვნელოვანია რა სჭირდება საზოგადოებას. სამწუხაროდ ხშირ შემთხვევაში ჩვენ უფრო ინდივიდუალურ და პოლიტიკურ ინტერესებს ვხედავთ, ვიდრე საზოგადოების საჭიროებებს.

_ მოსამართლეთა გარკვეული ნაწილის განსაკუთრებული პროტესტი გამოიწვია დისციპლინარული სამართალწარმოების ინსპექტორის ინსტიტუტმა, რომელსაც მოსამართლეთა წინააღმდეგ შეტანილი საჩივრების შესწავლა დაევალება. თქვენ ასევე გამოთქვით მოსაზრება, რომ დამოუკიდებელი ინსპექტორის ინსტიტუტი შესაძლოა გარკვეული პოლიტიკური სპეკულაციების საგნად და ხელისუფლების მხრიდან მოსამართლეების მაკონტროლებელ იარაღად იქცეს, რა გაძლევთ ამის თქმის საფუძველს?

_ ამის თქმის საფუძველს მაძლევს ჩვენი უახლოესი წარსული გამოცდილება, როდესაც ხელისუფლება პროკურატურის მეშვეობით ტოტალურად აკონტროლებდა სასამართლოს სისტემას. ყველა მმართველ ძალას აქვს და ექნება ცდუნება ქვეყანაში ისეთი მართლმსაჯულება განხორციელდეს, როგორიც მის პოლიტიკურ მიზნებს შეესაბამება. ეს არის აქსიომა და ამ მხრივ გამონაკლისები პრაქტიკულად არ არსებობს, მით უმეტეს ისეთი მყიფე დემოკრატიის მქონე ქვეყნებში, როგორშიც ჩვენ ვცხოვრობთ. რა მნიშვნელობა აქვს პროკურორი გააკონტროლებს მოსამართლეებს თუ დამოუკიდებელი ინსპექტორი? სახელების ცვლილებით ჯამი არ იცვლება. თავად ტერმინი და ის ბერკეტები, რომელიც ამ .. დამოუკიდებელ ინსპექტორს ენიჭება შემოთავაზებული კანონპროექტით უკვე აჩენს საფუძვლიან ეჭვს, რომ მისი გამოყენება შესაძლოა მოხდეს სადამსჯელო მექანიზმის სახით გარკვეული პოლიტიკური ან პირადი ინტერესებისათვის. თუნდაც ასეთი შესაძლებლობის თეორიული არსებობა უკვე საკმარისია იმისათვის, რომ ნეგატიურად შევაფასოთ ეს ინსტიტუტი. ის პოზიცია, რომ ამ ხელისუფლებაში უკეთესი ადამიანები მუშაობენ, ვიდრე წინა ხელისუფლებაში იყვნენ და მოსამართლეთა გაკონტროლებას არ იკადრებენ, მიუღებელია. ჩვენ ვერ ვიქნებით მხოლოდ კონკრეტული თანამდებობის პირების კეთილსინდისიერებაზე დამოკიდებულები.

_ უზენაესი სასამართლოს თავმჯდომარის განცხადებით, დამოუკიდებელი ინსპექტორი მოსამართლეთა წარსულ საქმიანობას არ შეისწავლის და მისი უფლებამოსილება მხოლოდ მიმდინარე საქმის წარმოებით შემოიფარგლება. თქვენი აზრით, ეს არ გამორიცხავს იმ მოსამართლეების მიმართ ანგარიშსწორებას, რომლებიც საზოგადოებისთვის "ნაციონალური მოძრაობის" ხელისუფლების მიერ განხორციელებულ უსამართლობასთან ასოცირდება?

_ ძალიან რთული იქნება თუ შეუძლებელი არა, რომ დამისახელოთ მოსამართლე, რომელიც ნაციონალური ხელისუფლების დროს დანერგილ სისტემაში პირდაპირ ან ირიბად არ მონაწილეობდა, თუნდაც მხოლოდ იმით, რომ დუმდა მის ირგვლივ არსებულ უსამართლობაზე და განაგრძობდა საქმიანობას. ამ ლოგიკით ყველა მოსამართლე უნდა გავუშვათ სახლში და ახალი კადრები მოვიყვანოთ. შეიძლება ესეც იყოს გზა, მაგრამ ჯერ ერთი ამის გაკეთება სახიფათოა ქვეყნის სტაბილურობისათვის და მეორე, მიზეზი არა პერსონალიებში არამედ თავად სისტემაში უნდა ვეძებოთ. მერწმუნეთ, უმეტეს შემთხვევაში ჩვენ ძალიან მაღალი დონის პროფესიონალი მოსამართლეები გვყავს, მაგრამ რატომ მოხდა ისე, რომ მიუხედავად პროფესიონალიზმის ზრდისა, ინფრასტრუქტურული განვითარებისა და კორუფციის აღმოხვრისა ყბადაღებული ცხრა წლის მანძილზე მივიღეთ უფრო ცუდი მართლმსაჯულება, ვიდრე შევარდნაძის მმართველობის ბნელ წლებში. ამის ერთადერთი მიზეზი იყო ის, რომ მოსამართლეებს არ ჰქონდათ საკმარისი და რეალური დამოუკიდებლობის გარანტიები. შესაბამისად, თუ ჩვენ მოსამართლეებს ნაცვლად იმისა, რომ წავახალისოთ, ხელი შევუწყოთ მათ მატერიალურ და სამართლებრივ დამოუკიდებლობას, დავაშინებთ ინსპექტორებად გადაცმული პროკურორებით ან სხვა რაიმე ნებისმიერი ინსტრუმენტით, მივიღებთ იგივეს, ან უარესს, რაც ნაციონალური ხელისუფლების დროს გვქონდა. მოსამართლეებს უნდა ჰქონდეთ დამოუკიდებლობის ყველაზე მაღალი სტანდარტი და ისინი თავს უნდა გრძნობდნენ დაცულად. ისინი უნდა ინიშნებოდნენ არა გამოსაცდელი ვადით, არამედ მუდმივად. მათ უნდა ჰქონდეთ ღირსეული ანაზღაურება და საერთოდ არ უნდა აინტერესებდეთ თუ ვინ მოვა ხელისუფლებაში ან რომელი პოლიტიკური ძალა გაიმარჯვებს არჩევნებში. ჩვენ უნდა გვესმოდეს, რომ ერთადერთი, რასაც შეუძლია ჩვენი თავისუფლება და დამოუკიდებლობა დაიცვას, თავისუფალი და დამოუკიდებელი სასამართლოა.

ამავე თემაზე:

მოსამართლეები უზენაესი სასამართლოს თავმჯდომარეს უპირისპირდებიან

რას სთავაზობს იუსტიციის უმაღლესი საბჭოს მდივანი ნინო გვენეტაძეს




 ახალი ამბები
  • სემეკმა დანახარჯების მარეგულირებელი აუდიტის წესი დაამტკიცასაქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) ელექტროენერგეტიკის, ბუნებრივი გაზისა და წყალმომარაგების სექტორებისთვის დანახარჯების მარეგულირებელი აუდიტის წესები დაამტკიცა. წესის საფუძველზე დანახარჯების მარეგულირებელი აუდიტის ფარგლებში დადგინდება, თუ რამდენად სრულყოფილად ასრულებს კომპანია მასზე დაკისრებულ ვალდებულებებს კონკრეტული რეგულირებადი საქმიანობისათვის საჭირო დანახარჯების წარმოშობის, დასაბუთების, გონივრულობის და  სათანადოდ აღრიცხვის კუთხით. სატარიფო რეგულირების პროცესში სემეკი ითვალისწინებს კომპანიის მიერ წარმოდგენილ, დამოუკიდებელი აუდიტორის მიერ შედგენილ აუდიტის ანგარიშს, რომლითაც აუდიტორის მიერ დადასტურებულია კომპანიის ყველა სახის დანახარჯი და არა ამ დანახარჯის მიზანშეწონილობა კონკრეტული რეგულირებადი საქმიანობისთვის. „დანახარჯების მარეგულირებელი აუდიტის წესი“ კი ადგენს პრინციპებს, კონკრეტულ რეგულირებად საქმიანობასთან დანახარჯის კავშირისა და მისი გონივრული ოდენობით განსაზღვრის შესახებ.  ... ...
  • საქართველოს ბანკის მხარდაჭერით Fuckup Nights Tbilisi გაიმართა (R)საქართველოს ბანკის პარტნიორობით რიგით მეჩვიდმეტე Fuckup Nights Tbilisi გაიმართა. ღონისძიება განკუთვნილია მეწარმეებისთვის, ბიზნესმენებისთვის, აღმასრულებელი დირექტორებისთვის, მენეჯერებისთვის. მათთვის, ვისაც სურს ისწავლოს სხვის შეცდომებზე, ისაუბროს პროფესიული მარცხის შესახებ, დრო სასიამოვნო გარემოში, საინტერესო ადამიანებთან ერთად გაატაროს. Fuckup Nights Tbilisi არის სივრცე, სადაც მონაწილეები ისმენენ ბიზნესისტორიებს, რომლებსაც მოჰყვა მარცხი და იმედგაცრუება, განიხილავენ პარტნიორულ ურთიერთობას, რომელიც გაფუჭდა, საუბრობენ პროდუქტზე, რომელიც წარუმატებელი აღმოჩნდა.  Fuckup Nights Tbilisi-ის წლევანდელი სპიკერები იყვნენ:  ლაშა ანთაძე, Shelf Network-ის დამფუძნებელი. Shelf არის ბლოქჩეინ სტარტაპი, რომლის საშუალებითაც ნებისმიერი გასაყიდი ნივთი მსოფლიოს ნებისმიერ წერტილში ერთდროულად თავსდება ონლაინ მარკეტფლეისებზე და ტარდება სინქრონული აუქციონი ან ვაჭრობა. 2018 წელს სტარტაპმა მოიპოვა $1.6 მილიონი ინვესტიცია.  მარიამ რუსიშვილი, QuickCash AI-ის დამფუძნებელი და ხელმძღვანელი. QuickCash AI ღრუბლოვანი ბიზნეს ბანკინგის მაღალტექნოლოგიური ალგორითმული პლატფორმაა (www.lightspeed.ge), რომელიც ემსახურება მცირე და საშუალო კომპანიების კრედიტუნარიანობის ონლაინ შეფასებას. 2019 წელს კომპანია EMERGING EUROPE AWARDS-ზე, ლონდონში  საუკეთესო სამეულში, როგორც წლის ინოვაციური ინიციატივა მოხვდა.  კრისტინა ავსარქისოვა, მუსიკოსი, რომელიც ცნობილია როგორც Dudey.  ის არის მომღერალი, მუსიკოსი, კომპოზიტორი, რომელმაც house-მუსიკის მიმართულების სინთეზი მოახდინა გოთურ სიმღერასთან, ტექსტებთან და ცოცხალ ვოკალთან.  წარუმატებლობის კიდევ ერთი ისტორია გააზიარა დამსწრეებთან სანდრო გაბელიამ, Metro Production-ის დამფუძნებელმა და აღმასრულებელმა პროდიუსერმა.  Fuckup Nights Tbilisi-ის სცენა ღიაა მათთვის, ვინც არ უშინდება ფართო აუდიტორიასთან საკუთარ მარცხზე საუბარს. Fuckup Nights -ის სცენამ 16 შეხვედრის დროს უკვე უმასპინძლა სტარტაპებს, არქიტექტორებს, ანტრეპრენერებს, ეკონომისტებს, სპორტსმენებს, ხელოვანებს, ჟურნალისტებსა და პრომოუტერებს, უამრავ სხვა საინტერესო პროფესიის ადამიანს, რომლებმაც წარუმატებლობის საკუთარი ისტორია გააზიარეს.  Fuckup Nights არის გლობალური მოძრაობა და ღონისძიებების სერია, რომელიც გადმოსცემს პროფესიული მარცხის ისტორიებს. თვეში ერთხელ, მსოფლიოს სხვადასხვა ქალაქში 3-4 წარმატებული ადამიანი საკუთარ საქმიან წარუმატებლობას ფართო აუდიტორიას უზიარებს. Fuckup მოძრაობა 2012 წელს მექსიკაში დაიწყო. დღეს ღონისძიებები ყოველთვიურად მსოფლიოს 300-ზე მეტ ქალაქში იმართება. საქართველო გლობალურ მოძრაობას 2018 წლის 13 აპრილს შეუერთდა და დღეს უკვე მთელი მსოფლიოს მასშტაბით 86 ქვეყანასა და 318 ქალაქში მიმდინარეობს.  ... ...
  • რა მდგომარეობაა საქართველოში კორპორაციული პასუხისმგებლობის მიმართულებით კომპანიებშიCSR- კორპორაციული სოციალური პასუხისმგებლობა, ბიზნეს მოდელში ინტეგრირებული თვითრეგულაციის ფორმაა. სოციალური პასუხისმგებლობა კი მნიშვნელოვანია ნებისმიერი კომპანიისთვის. ეს განსაკუთრებით დიდი ბიზნესის წარმომადგენლების პრ საქმიანობას ეხება. უფრო პატარა კომპანიები ხშირად მთელი პროცესის მაგივრად მხოლოდ ცალკეულ საქველმოქმედო აქციებს მიმართავენ. აღსანიშნავია, რომ საქართველო ევროკავშირთან ასოცირების შეთანხმების მიხედვით, ვალდებულია ეკონომიკური თანამშრომლობისა და განვითარებისთვის,  ხელი შეუწყოს კორპორაციულ სოციალურ პასუხისმგებლობასა და ანგარიშვალდებულებას. CSR კვირეულის ფარგლებში, ქორთიარდ მარიოტში  კორპორაციული პასუხისმგებლობის კვლევის პრეზენტაცია გაიმართა, რომელიც არასამთავრობო ორგანიზაცია სიდა-ს დაკვეთითა და შვედეთის მთავრობის ფინანსური მხარდაჭერით მომზადდა. პროექტის მიზანს წარმოადგენდა საქართველოში მოქმედი ბიზნესების გამოკვლევა კორპორაციული პასუხისმგებლობის კუთხით. კვლევა საშუალებას აძლევს ყველა დაინტერესებულ მხარეს, დაინახოს თუ რა მდგომარეობაა საქართველოში მოქმედ მსხვილ, საშუალო და მცირე ზომის კომპანიებში ამ თვალსაზრისით. ორგანიზაციული სტრუქტურა და კორპორაციული პასუხისმგებლობა, კორპორაციულ პასუხისმგებლობასთან დაკავშირებული საქმიანობის/აქტივობების დაგეგმვის, აღსრულებისა და მონიტორინგის პროცესი, კორპორაციულ პასუხისმგებლობასთან დაკავშირებული რეპორტინგი და საქმიანობის/აქტივობების გაშუქება, ადამიანის უფლები და შრომითი უფლებები,  გარემოს დაცვა და ნარჩენების მართვა, კორუფციასთან ბრძოლა, ქველმოქმედება, სპონსორობა, სხვადასხვა სფეროს განვითარების მხარდაჭერა, პარტნიორობა საჯარო და არასამთავრობო სექტორთან_ ეს ის რამდენიმე ძირითადი ნაწილია, რისგანაც კვლევის კითხვარი შედგებოდა. რა მდგომარეობაა საქართველოში კორპორაციული პასუხისმგებლობის მიმართულებით კომპანიებში_ ამ საკითხზე „გურია ნიუსი“ არასამთავრობო ორგანიზაცია „სიდას“ აღმასრულებელ დირექტორს, სალომე ზურაბიშვილს ესაუბრა. ზურაბიშვილის თქმით, საქართველოს მასშტაბით ჩატარებული კვლევის ფარგლებში 1000-ზე მეტი, მსხვილი, საშუალო და მცირე ზომის  კომპანია გამოიკითხა. „გამოვიკვლიეთ ისეთი მიმართულებები, როგორიცაა, კორპორაციული მმართველობა, ადამიანის უფლებების დაცვა, შრომის უფლებების სტანდარტების მიმართულებით რას საქმიანობენ კომპანიები, გარემოს დაცვა, კორუფციასთან ბრძოლა. მათ შორის, გამოვიკვლიეთ ამ მიმართულებებით რა ღონისძიებებს ახორციელებს კომპანია პარტნიორულად სხვა კომპანიებთან ან არასამთავრობო სექტორთან ან სახელმწიფო სტრუქტურებთან. გარკვეული შედეგები დაიდო ამ კუთხით. ერთის მხრივ კომპანიების 26%-მა თქვა, რომ მათ აქვთ გათვალისწინებული კორპორაციული პასუხისმგებლობა სტრატეგიულ დონეზე და ყურადღებას აქცევენ, რომ ამ მიმართულებით გარკვეული საქმიანობა განახორციელონ. 26% ძალიან მცირეა, მაგრამ ამ მიმართულებით გასულ წლებში უფრო ცუდი მდგომარეობა იყო. რაც შეეხება ადამიანის უფლებების სტანდარტებს, კომპანიების დიდი ნაწილი ამბობს, რომ ისინი არა მხოლოდ ითვალისწინებენ ადამიანების უფლებების სტანდარტებს, არამედ თავიანთ კონტრაქტორებს სთხოვენ, რომ სტანდარტები გაითვალისწინონ. გამოვიკვლიეთ, შრომითი უსაფრთხოების სტანდარტები რამდენად არის გათვალისწინებული კომპანიების შიდა დოკუმენტებში და საქმიანობაში, ბავშვთა შრომის საკითხები, ასევე გამოვიკვლიეთ გაერთიანების თავისუფლება და სხვა. მდგრადი განვითარების დღის წესრიგის  შესრულების საკითხიც  იქნა გამოკვლეული და კომპანიების უმრავლესობა აცხადებს, რომ მდგრადი განვითარების პირველ ორ მიზანზე ახდენს ზეგავლენას ძირითადად საქმიანობით, რომელიც არის სიღარიბის დაძლევა და შიმშილის აღმოფხვრა“,_ ამბობს ზურაბიშვილი. როგორც „სიდას“ აღმასრულებელ დირექტორი ამბობს,  კორპორაციული პასუხისმგებლობა არის ძალიან მრავალმხრივი და ამიტომაც  ყველა აღნიშნულ მიმართულებაზე გამოწვევები არსებობს. ადამიანის უფლებების სტანდარტების სტატისტიკური მონაცემები არის ძალიან დაბალი. კომპანიებში ხშირად არ არსებობს საჩივრის მექანიზმები, რაც ადამიანის უფლებების დარღვევის გამოვლენას ხელს უშლის. „რამდენი კომპანია ახორციელებს, რამდენ კომპანიას აქვს პოლიტიკის დონეზე დანერგილი ეს სტანდარტები, რამდენად ახორციელებენ იმის მონიტორინგს ნამდვილად ხორციელდება ის, რაც გაწერილია დოკუმენტში. რამდენად არსებობს საჩივრის მექანიზმები ამ მიმართულებით. ხშირად კომპანიებში არ არსებობს საჩივრის მექანიზმები იმისთვის, რომ გამოვლინდეს ადამიანის უფლებების დარღვევები. შრომის უფლებების დარღვევების სტანდარტების მიმართულებით, მიუხედავად იმისა, რომ გარკვეული სტანდარტები არის უკვე საკანონმდებლო დონეზე გაწერილი. მაგალითად, შრომითი უსაფრთხოების სტანდარტების დანერგვა და შრომითი ზედამხედველობის მენეჯერის არსებობა კომპანიაში მსხვილი ზომის საწარმოების დიდ ნაწილშიც კი არ არის ეს საკითხი გათვალისწინებული“,_ ამბობს ზურაბიშვილი. სალომე ზურაბიშვილი ასევე კომპანიებში ნარჩენების მართვის მიმართულებით არსებულ პრობლემებზეც საუბრობს. „მიუხედავად იმისა, რომ ნარჩენების მართვა საკანონმდებლო დონეზე გვაქვს გათვალისწინებული, დიდი რაოდენობა კომპანიების ამბობს, რომ ამ საკითხზე ისინი არ მუშაობენ და არანაირ ნაბიჯს არ დგამენ იმისთვის, რომ გარემოზე მინიმალური ზეგავლენა ჰქონდეთ“,_ ამბობს ... ...
  • უზენაესი სასამართლოს მოსამართლეობის კანდიდატი: უფრო მეტად, შვილების შემხედვარე, „ბასტი-ბუბუს“ ვუყურებ ხოლმეპარლამენტში, სადაც, ამ წუთებში, უზენაესი სასამართლოს მოსამართლეობის კანდიდატის, პაატა სილაგაძის მოსმენა მიმდინარეობს, "ევროპული საქართველოს" დეპუტატი ოთარ კახიძე დაინტერესდა, იცნობდა თუ არა „თიბისი ბანკის“ საქმეს  პაატა სილაგაძე, რაზეც მან უპასუხა, რომ ფაქტის შესახებ ტელევიზიიდან გაიგო. „საქმეს არ ვიცნობ. ფაქტი ვიცი, რომ მიმდინარეობს. ტელევიზიიდან გამომდინარე, მაგრამ დეტალები არ ვიცი“, _ აღნიშნა სილაგაძემ, რომლის განცხადებას დეპუტატი ხათუნა გოგორიშვილის გამოეხმაურა და აღნიშნა, რომ სილაგაძე არის პირველი კანდიდატი, ვინც თქვა, რომ ტელევიზორს უყურებს. "უფრო მეტად, შვილების შემხედვარე, „ბასტი-ბუბუს“ ვუყურებ ხოლმე“, _ ასე უპასუხა გოგორიშვილის რეპლიკას ... ...
  • ბესელია: სილაგაძე ერთ-ერთი მთავარი ჯალათია, რომელიც ბოლო ლურსმნებს აჭედებდა უსამართლობის დიდ სისტემასპაატა სილაგაძეს პარლამენტი თუ ხმას მისცემს, ჩათვალეთ, რომ მართლმსაჯულება უნდა დაბნელდეს, – ამის შესახებ პარლამენტის დამოუკიდებელმა დეპუტატმა, ეკა ბესელიამ ჟურნალისტებთან საუბრისას უზენაესი სასამართლოს მოსამართლეობის კანდიდატ პაატა სილაგაძის შეფასებისას განაცხადა. ეკა ბესელიას შეფასებით, უზენაესი სასამართლოს მოსამართლეობის კანდიდატი „ერთ-ერთი მთავარი ჯალათია, რომელიც უსამართლობის დიდ სისტემას ამაგრებს“. „პაატა სილაგაძე ერთ-ერთი მთავარი ჯალათი გახლავთ. დღეს ამ სიტყვას არ მოვერიდები. მიუხედავად იმისა, რომ ვერიდები ხოლმე მოსამართლეებთან დაკავშირებით მძიმე ეპითეტებს. მკაცრად კი ვაკრიტიკებ, მაგრამ ამ სიტყვებს ნაკლებად ვიყენებ, მაგრამ ეს ერთ-ერთი მთავარი ჯალათი გახლავთ, რომელიც უზენაესი სასამართლოდან ბოლო ლურსმნებს აჭედებდა ხოლმე უსამართლობის ძალიან დიდ სისტემას და ამ სისტემას ამაგრებდა თავისი გულცივი და სასტიკი დამოკიდებულებით. მათ შირის არასრულწლოვანთა საქმეებზე ახლა რომელზეც საუბრობდა. ეს მოსამართლე გახლდათ 10-კაციან, პარტიზანულად გამოგზავნილ სიაშიც. ის აქ მეორედ შემოიყვანეს იმ გარანტიით, რომ მას აირჩევენ. თუ მას პარლამენტი ხმას მისცემს ჩათვალეთ, რომ მართლმსაჯულება უნდა დაბნელდეს. ახლაც, უფლებამოსილება უკანონოდ აქვს გაგრძელებული, რადგან ვადა გაუვიდა და იუსტიციის უმაღლესმა საბჭომ ისე გაუგრძელა ვადა, რომ ამის უფლება არ ჰქონდა. აქ არის მოსამართლე, რომელსაც არანაირი მანდატი არც ნდობის და არც კანონიერების არ გააჩნია. ერთ-ერთი ჯალათი გახლავთ ვინც კი სასამართლო სისტემაში ვიცი“, – განაცხადა ეკა ბესელიამ. იურიდიულ საკითხთა კომიტეტი პარლამენტისთვის ასარჩევად წარდგენილ საქართველოს უზენაესი სასამართლოს მოსამართლეობის კანდიდატს, პაატა სილაგაძეს უსმენს. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...