მდინარეებისგან შექმნილი საფრთხე და ზონები, სადაც მონიტორინგი არ ხორციელდება

მთავარი თემა

მდინარეებისგან შექმნილი საფრთხე და ზონები, სადაც მონიტორინგი არ ხორციელდება

2015 ივლ 8 21:38:36

თბილისში, 13 ივნისის ღამეს მომხდარი სტიქიის შემდეგ აქტუალური გახდა იმ მდინარეების და ხევების შემოწმება, რომელიც დედაქალაქსა და მის შემოგარენშია. თუმცა, კონკრეტულად რა ღონისძიებებს მიმართავს დედაქალაქის მერია, ჯერჯერობით კვლავ უცნობი რჩება.

მონიტორინგის განხორციელება და შემდეგ პრევენციული ღონისძიებების დაგეგმვა საკმაოდ დიდ თანხებთან არის დაკავშირებული. თბილისში სტიქიის შემდეგ აღარ არსებობს ჰიდროლოგიური სადგურიც, სადაც დაკვირვებები განხორციელდება. სპეციალისტები კი ამბობენ, რომ ყოველი წვიმის დროს, დედაქალაქი საფრთხის ქვეშ არის. 

გარემოსა და ბუნებრივი რესურსების დაცვის სამინისტროდან "გურია ნიუსის" მიერ გამოთხოვილი ინფორმაციის თანახმად, თბილისის ტერიტორიაზე და მის შემოგარენში 150-ზე მეტი მუდმივი მდინარე, პერიოდული მდინარე და მშრალი ხევია; თუმცა, სამინისტროში აცხადებენ, რომ თბილისისა და მისი შემოგარენის დეტალური ჰიდროგრაფიული რუკა არ არსებობს;

როგორც სამინისტროში განმარტავენ, თბილისის ტერიტორიაზე და მის შემოგარენში მდინარე მტკვრის თითქმის ყველა შენაკადის შესართავი დახურულ კალაპოტშია.

რაც შეეხება მათ შემოწმებას, უწყებაში აცხადებენ, რომ საქართველოს ძირითად მდინარეებზე რეგულარულად წარმოებს დაკვირვებები წყლის დონეებზე და წყლის ხარჯებზე. თბილისსა და მის შემოგარენში კი, მდინარე მტკვრის შენაკადებზე ჰიდროლოგიური დაკვირვებები მიმდინარეობდა მხოლოდ ივ. ჯავახიშვილის სახელობის სახელმწიფო უნივერსიტეტის მდინარე ვერეზე არსებულ ჰიდროლოგიურ სადგურზე, რომელიც სტიქიამ გაანადგურა;

საქმე ისაა, რომ ყველაზე ჩამოყალიბებული მონიტორინგის სისტემა საბჭოთა კავშირის პერიოდში არსებობდა, თუმცა სამინისტროში ამბობენ, რომ "1990-იანი წლებიდან, ფინანსური პრობლემების გამო, არსებითად შემცირდა ჰიდროლოგიური დაკვირვების პუნქტების რაოდენობა. 2000-იანი წლებიდან სხვადასხვა დონორი ორგანიზაციების და ქვეყნების დახმარებით  ჰიდროლოგიური დაკვირვების ქსელის რეაბილიტაციის პროცესი მიმდინარეობს".

მწვანეთა მოძრაობა  "დედამიწის მეგობრების" თანათავმჯდომარე  ნინო ჩხობაძე "გურია ნიუსთან" საუბრისას ამბობს, რომ თბილისში არსებული ყველა მუდმივი და პერიოდული მდინარე პოტენციურად სახიფათოა, რის გამოც, აუცილებელია, სისტემური მონიტორინგი არსებობდეს.

"თბილისში მომხდარი სტიქიის შემდეგ, ჩვენ ამ საკითხზე გვქონდა საუბარი თბილისის მერიაში. შევჯერდით, რომ აუცილებლად უნდა აღდგეს მონიტორინგი ხევებზე და მდინარეებზე, რომელიც საბჭოთა პერიოდიდან აღარ განხორციელებულა. მუნიციპალიტეტში გვიპასუხეს, რომ გარემოს დაცვითი სტრუქტურა, რაც ახლა არსებობს ეკოლოგიის და გამწვანების სამსახურის სახით, ის აიღებს თავის თავზე არსებული მდინარეების დათვალიერებას. მშრალ ხევებს ამ ეტაპზე ვერ მოერევიან, ამას დამატებითი ფინანსები დაჭირდება. ყველა მდინარე პოტენციურად სახიფათოა. მნიშვნელოვანია, რომ სისტემური მონიტორინგი ჩამოყალიბდეს. მაგრამ თბილისის მერიას ამ ნაწილში იმდენი საქმე აქვს, რომ ჯერ მხოლოდ ვიზუალურ დათვალიერებას განახორციელებენ, შემდგომ კი, მნიშვნელოვანია დაიგეგმოს მონიტორინგის სისტემაც. მსგავსი მონიტორინგის დაწესების შესახებ საუბარი ჯერ კიდევ კრწანისის სტიქიის შემდეგ დავიწყე, თუმცა არანაირი გამოხმაურება ამას არ მოჰყოლია. საგანგებო სიტუაციების სამსახური მაშინ თბილისს ეკუთვნოდა და მის ხელმძღვანელს ვესაუბრე, რომ მონიტორინგის სისტემა შეექმნათ. თავის მხრივ, მათ მიმართეს თბილისის მთავრობას, მაგრამ ამაზე მუშაობა არ გაგრძელებულა. ხელმძღვანელობაც შეიცვალა და  ეს საკითხი ჰაერში დაეკიდა, ისევე, როგორც მეწყერების და სახიფათო ზონების მონოტორინგის სისტემა. დღეს, ფაქტიურად, არაფერი გვაქვს", _ ამბობს ჩხობაძე.

კითხვაზე - რომ ყოფილიყო მონიტორინგის სამსახური ამხელა მასშტაბის კატასტროფას თავიდან ავიცილებდით თუ არა, ჩხობაძე გვპასუხობს: "ამხელა მასშტაბი შეიძლება აღარ ყოფილიყო".

"თუმცა აქ რამდენიმე ძირითადი პრობლემაა გამოსაყოფი - ძირითადი პრობლემა იყო ხეების მასა, რაც ჩამოწვა და მდინარემ წამოიღო. მეორე საკითხია ის, რომ გვირაბების გამტარიანობა მაქსიმალური არ იყო. გვირაბები რომ გაწმენდილი ყოფილიყო, გამტარიანობა გაიზრდებოდა და რისკები მაქსიმალურად  შემცირდებოდა.

საბჭოთა პერიოდშიც, თბილისში მონიტორინგის სამსახურის ჩამოყალიბება 1957 წელს კრწანისში მომხდარმა სტიქიამ განაპირობა. მაშინ ჭრელ აბანოებში ხალხი დაიხრჩო. ამის შემდეგ მოხდა 1961 წელს ზოოპარკის დატბორვა, მაგრამ ამას მსხვერპლი არ მოჰყოლია. რადგან მუდმივი დაკვირვების ქვეშ იყო სადრენაჟე სისტემები. ასევე ,იყო სპეციალური სამსახური, რომელიც პერიოდულად ამ გვირაბებს და სანიაღვრე არხებს წმენდდა. თუმცა, წლების შემდეგ ეს სამსახური ყველას მიავიწყდა და ახლა ქალაქი სერიოზული რისკის ქვეშაა. არავინ არ იცის, როდის დადგება  ასეთი პრობლემური მომენტი", _  ამბობს ჩხობაძე.

მისივე თქმით, პრობლემაა ხევების ნაგვისგან გათავისუფლებაც, რაც ამ დროისთვის არ ხორციელდება.

"განსაკუთრებით მშრალი ხევების, რადგან თითქმის ყველგან, მთელი თბილისის ტერიტორიაზე მშრალი ხევები ან ჩაკეტილია, ან დალუქული. იქ სამშენებლო მასალაა დაყრილი და ან ხეები.

ასევე, მოუწესრიგებელია დედაქალაქის სანიაღვრე სისტემაც, რომელიც თბილისის წყალკანალს ეკუთვნოდა, მისი გაყიდვის შემდეგ კი, ქალაქის გამგებლობაში დარჩა. აქ არ არის მარტო გვირაბებზე და კანალიზაციაზე საუბარი, აქ არის სანიაღვრე სისტემებიც, სადაც წვიმის წყალიც მიედინება. ეს უნდა იყოს სუფთა... ძალიან ბევრ ადგილას დიდი წვიმის  დროს წყალი სწრაფად ვერ გადის და ქუჩები სავსეა ნაწვიმარი წყლით. ბევრ ადგილზე ქუჩების რეკონსტრუქციების დროს საერთოდ დაავიწყდათ სანიაღვრე სისტემების გახსნა და ასფალტით გადახურეს. ეს კიდევ  ცაკლე მეურნეობაა ქალაქისთვის, რაც მოწესრიგებული უნდა იყოს", _ ამბობს ჩხობაძე.

რაც შეეხება ადრეული გაფრთხილების სისტემის დამონტაჟებას, ჩხობაძე ამბობს, ეს უნდა მოხდეს იმ უბნებზე, სადაც ძალიან სახიფათო ზონებია. თუმცა დასძენს, რომ ყველა ქალაქს უნდა ჰქონდეს ადრეული გაფრთხილების სისტემა აწყობილი, რაც ჯერ არ არის.

"ჯერჯერობით კიდევ არიან სპეციალისტები კიდევ, ვინც იცის როგორ უნდა ააწყონ ეს სისტემა და დაიწყონ მონიტორინგი. ყველა ხევი და მდინარე თბილისში წვიმის წყალზეა დამოკიდებული. როცა ნალექის მოსვლის რეჟიმი იცვლება, შესაბამისად უნდა მისდევდნენ სახელმწიფო სტრუქტურებიც ამას, მაგრამ როგორც წესი ეს არ ხდება. ამას შესაბამისი თანხებიც სჭირდება. ასევე, პრევენციისთვის, უნდა აიკრძალოს სახიფათო ზონებში სახლების მშენებლობის ნებართვის გაცემაც", _ აღნიშნავს ჩხობაძე. 

"კავკასიის გარემოსდაცვითი არასამთავრობო ორგანიზაციების ქსელმა" (CENN) 13 მაისს მომხდარი სტიქიის შემდეგ მომხდარ წყალდიდობასთან დაკავშირებით მოკლე მიმოხილვა გამოაქვეყნა, სადაც სტიქიის გამომწვევ მიზეზებთან ერთად რეკომენდაციებიც არის მოცემული.

კვლევაში აღნიშნულია, რომ აუცილებლად უნდა დაიწყოს თბილისის შემოგარენში არსებული მსგავსი მდინარეების წყალშემკრები აუზების რეაბილიტაცია.

"პირველ რიგში, მკაცრად უნდა შეიზღუდოს წყალშემკრებ აუზში ტყის გაჩეხვა და საქონლის ძოვება. პერიოდულად უნდა მოხდეს მდინარეთა კალაპოტების ჩახერგილი მონაკვეთების გაწმენდა სხვადასხვა ხელოვნური თუ ბუნებრივი ნარჩენებისგან. ასევე, მკაცრად უნდა გაკონტროლდეს მდინარეების კალაპოტში ნარჩენების უკანონო განთავსება. მითუმეტეს, რომ მდ. ვერეს ხეობის ძირი, მისი გეოლოგიური თავისებურებებიდან გამომდინარე, დაკლაკნილი ვიწრო მონაკვეთებისაგან შედგება, რის გამოც კალაპოტის წყალგამტარუნარიანობა ისედაც გართულებულია. ამასთან, გასათვალისწინებელია ის ფაქტიც, რომ 2000 წლის შემდეგ გარემოს ეროვნული სააგენტოს უფლებამოვალეობაში აღარ შედის . თბილისის ტერიტორიის შესწავლა, ანალიზი და მონიტორინგი ბუნებრივი კატასტოფების მდგომარეობის კუთხით. უკვე 15 წელია არ ხორციელდება კატასტროფების რისკების ანალიზი და პრევენციული ღონისძიებების გატარება. აუცილებელია შეიქმნას უწყება, რომელსაც დაეკისრება პასუხისმგებლობა ზემოაღნიშნულ საკითხებთან დაკავშირებით", _ ნათქვამია CENN-ის მიმოხილვაში.

გარემოსა და ბუნებრივი რესურსების სამინისტროში კი ჯერჯერობით ვერ ამბობენ, როდის შეიძლება ჩამოყალიბდეს მონიტორინგის ჯგუფი და ვინ შევა ამ სამუშაო ჯგუფში.  კონკრეტულად არც იმ მდინარეებისა და ხევების ჩამონათვალია ცნობილი, რაც პირველი ეტაპისთვის უნდა შემოწმდეს.




 ახალი ამბები
  • "დედა ჩემს შიშველ გადაღებებს ესწრებოდა!" _ ექსკლუზიური ინტერვიუ სექსუალურ ტრეფიკინგში ჩართულ არასრულწლოვნათანდედა მაფრთხილებდა, რომ იმის შესახებ, თუ როგორ მიღებდნენ, არავისთვის მეთქვა, _ ამბობს გოგონა, რომელსაც, ბებიის თქმით, დედის ძალიან ... ...
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს. მათ ჯილდოები ზურაბ ნასარაიამ და კოტე შარაშენიძემ გადასცეს. ოზურგეთის მუნიციპალიეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...