ღვინის ქარხანას, პროკურატურასა და სასამართლოს შორის „დაკარგული“ 27 ათასი ლარი

მთავარი თემა

ღვინის ქარხანას, პროკურატურასა და სასამართლოს შორის „დაკარგული“ 27 ათასი ლარი

2015 ივლ 17 16:22:00

მოქალაქე დიანა ქართლელიშვილი პროკურატურას და სასამართლოს უმოქმედობაში ადანაშაულებს და თავისი კუთვნილი 27 ათასი ლარის დაბრუნებას ითხოვს. საქმე იმაშია, რომ ქართლელიშვილის ოჯახმა 2014 წლის 22 სექტემბერს გურჯაანში მდებარე ღვინის კომპანია "ჰელიოს +"-ში 11-ტონამდე საფერავის ჯიშის ყურძენი ჩააბარა, თუმცა ყურძნის საფასურიდან მხოლოდ 13 ათასი ლარი აქვთ აღებული, დანარჩენ თანხას, 27 112 ლარს, უკვე ერთ წელზე მეტია ითხოვენ.

აღსანიშნავია, რომ ქართლელიშვილი საქმეში დაზარალებულადაც არ არის ცნობილი, თუმცა პროკურატურის მასალების მიხედვით ირკვევა, რომ ყურძენი ნამდვილად მისი საკუთრებაა.

ვერსია #1

როგორც ქართლელიშვილმა "გურია ნიუსს" უთხრა, ყურძენი ქარხანაში გვიან ღამით მიიტანეს, რადგან GWS-ის ღვინის ქარხანამ ჭურჭლის უქონლობის გამო ის ვერ ჩაიბარა.

"სოფლის საბჭომ მოგვცა ცნობა, რომ ყურძენი თელავში, GWS-ის ღვინის ქარხანაში უნდა ჩაგვებარებინა. თუმცა, მათ ჭურჭლის უქონლობის გამო ყურძენი ვერ ჩაიბარეს და უკან დაბრუნება მოგვიხდა. დაახლოებით, ღამის 11 საათზე მივიტანეთ ყურძენი "ჰელიოს +"-ში, თუმცა, იმის გამო, რომ ადგილზე არ იმყოფებოდა ქარხნის უფროსი, ქვითრის გარეშე ჩავაბარეთ. გვითხრეს, რომ პრობლემა არ შეიქმნებოდა და საბუთს დილით მივიღებდით. დილით ქარხანაში მისულებს საბუთზე ვინმე იოსებ ხუტიაშვილის სახელი და გვარი დაგვხვდა. დავუკავშირდი ქარხნის მეპატრონეს, როზმან რუსიას და ბუღალტერს, მანანა ელიკაშვილს, ავუხსენი, რომ ეს ჩემი ყურძენი იყო და სხვის სახელზე დამხვდა გაფორმებული. მათ მითხრეს, რომ პრობლემა არ შემექმნებოდა, ხუტიაშვილთან ერთად უნდა მივსულიყავი ქარხანაში და ჩემს კუთვნილ თანხას მომცემდნენ. მაგრამ იოსებ ხუტიაშვილს არც კი ვიცნობდი. ქარხანაში მეუბნებოდნენ რომ ხუტიაშვილს არც ისინი იცნობდნენ. ამის გარკვევას ნოემბრამდე მოვუნდი, საბოლოოდ, ხუტიაშვილს ორი თვის შემდეგ მივაგენი. დავუკავშირდი და ვუთხარი, თუ არ უნდოდა პოლიციისთვის მიმემართა, მაშინ შემხვედროდა და ქარხნის მეპატრონის თანდასწრებით მოეწერა ხელი საბუთზე, რომ ყურძენი ჩემი საკუთრება იყო. ხუტიაშვილთან ერთად შევხვდი ქარხნის ბუღალტერს, სადაც მან დაადასტურა, რომ ყურძენი ჩემი იყო, თუმცა ქარხანას მის სახელზე ჩაბარდა. აღმოჩნდა, რომ ბუღალტერი და ხუტიაშვილი ერთმანეთს იცნობდნენ და მსგავსი ფაქტი ამ ქარხანაში ადრეც მომხდარა; მიუხედავად იმისა, რომ ელიკაშვილი ამას უარყოფს. ასევე, აღმოჩნდა, რომ მთელი სეზონის მანძილზე ქარხანაში ხუტიაშვილს შეჰქონდა საფერავის ჯიშის ყურძენი გაყალბებული საბუთებით. რაც შემდგომ გამოძიებამაც დაადასტურა", _ აცხადებს ქართლელიშვილი.

მისივე თქმით, შარშან ჩაბარებული ყურძნიდან მხოლოდ ორი მანქანის თანხა, 13 ათასი ლარი მაქვს აღებული, დანარჩენი 27 112 ლარი დღემდე არ აუღია.

"ქარხნის მეპატრონემ  მთხოვა გაყიდვებში პრობლემა მაქვს და ცოტა ხანს დამაცადეო, თუმცა დრო საკმაოდ გაიწელა. 12 დეკემბრს გურჯაანის პოლიციაში შევიტანე განცხადება, რადგან ქვითრები დამიმალეს და ქარხნის მეპატრონე ტელეფონზეც აღარ მპასუხობდა. საქმე აღძრეს საბუთების გაყალბებით და თაღლითობის მუხლით. დაკითხვის შემდეგ ჩემი საქმის პროკურორი და რაიონის პროკურორის მოადგილე შემპირდნენ რომ მაქსიმუმ ერთ კვირაში დამიბრუნებდნენ ქვითრებს რომ შემძლებოდა თანხის აღება. თვითონ კი გააგრძელებდნენ გამოძიებას. ჩემი დაკითხვა რომ დასრულდა გამომძიებელმა მარინა ფოცხვერაშვილმა მითხრა, რომ მეორე დღეს ისევ მომიწევდა მისვლა, რადგან დაზარალებულად უნდა გამოვეცხადებინე. პროკურატურას მეორე დღეს რომ დავუკავშირდი აღმოჩნდა, რომ ფოცხვერაშვილს ბიულეტენი გაუფორმეს ვითომ და ცუდად იყო. სამსახურში მისი დაბრუნების შემდეგ კი, ქარხანა სცნეს დაზარალებულად ისე, რომ არავინ მითხრა. ამის შემდეგ დამიკავშირდა ხუტიაშვილი და მითხრა რომ ქარხნის მეპატრონემ დარეკა გურჯაანის პოლციის საგამოძიებოს უფროსთან და საქმე მოაგვარა. ეს ინფორმაცია შემდეგ რუსიასგანაც გავრცელდა ინფორმაცია რომ მან მოაგვარა გურჯაანის რაიონული პოლიციის უფროსის მოადგილესთან, ლევან მაისურაძესთან და პროკურორ სანდრო გიორგაშვილთან  საქმე და ხელშეუხებლობის გარანტია ქონდა. სასამართლო პროცესს კი გამიწელავდნენ ხელოვნურად ერთი წელი და თანხის აღებას ვერ შევძლებდი. ამ ინფორმაციით მეორე დღესვე მივედი გურჯაანის პროკურორთან ლევან ღვედაშვილთან და ვთხოვე აეხსნა რა გარიგებაზე და საქმის გაჭიანურებაზე ლაპარაკობდა როზმან რუსია. თუმცა, ღვედაშვილმა მიპასუხა, რომ ხალხი 2000 წლის შემდეგ ელოდება ფულს და შენ ცოტა ხანს არ გინდა მოიცადოო?! ამ სიტყვებმა გაამყარა რუსიას ნათქვამი რომ ის სიმართლეს ამბობდა და პროკურატურა გარიგებაში იყო ქარხანასთან", _ ამბობს ქართლელიშვილი.

მისივე თქმით, ქარხანა, ხუტიაშვილი და პროკურატურა რომ გარიგებულები არიან ისიც ამტკიცებს, რომ იოსებ ხუტიაშვილი გირაოს სანაცვლოდ გაათავისუფლეს, თუმცა მას თანხა გადახდილი არ აქვს.

დიანა ქართლელიშვილი აცხადებს, რომ მან ამის შემდეგ არაერთხელ მიმართა გურჯაანის და თელავის რაიონულ პროკურატურებს, საქართველოს მთავარ პროკურატურას და გენერალურ ინსპექციას. თუმცა ამ დრომდე მისი კუთვნილი თანხა ვერ აიღო.

გარდა ამისა, ქართლელიშვილი ეჭვობს, რომ გურჯაანის რაიონული სასამართლოს მოსამართლე მიტო ხინაშვილი საქმის განხილვას განზრახ აჭიანურებს.

მისივე თქმით, სასამართლო პროცესები უკვე რამდენიმე თვეა აღარ მიმდინარეობს.

"ქვითრები გასანაღდებელია და ვალდებულია ქარხანა ჩემი კუთვნილი თანხა დამიბრუნოს. ვითხოვ თანხის სრულ ანაზღაურებას და სასამართლოსგან დაზარალებულად ცნობას რომ შევძლო დანარჩენი ზიანის ანაზღაურება რაც ამდენი თვის მანძილზე მომადგა.

12 დეკემბრიდან გამოძიება რომ დაიწყო საქმე სასამართლოს 3 მარტს გადაეგზავნა. არავინ იცის რას აკეთებდნენ ამდენ ხანს თუ რამე მნიშვნელოვანი გაარკვიეს რატომ ხუტიაშვილი თავისუფალი და თუ არა ოთხი თვე რატომ დასჭირდათ ხელოვნურად საქმის გაჭიანურების? იძულებული გავხდი მთავარი პროკურორისთვის მიმემართა, რადგან მოსამართლემ მაისამდე საქმის განხილვა არ დაიწყო. ორჯერ მივმართე პრემიერ-მინისტრს, ეკა ბესელიას, ნინო გვენეტაძეს და ირაკლი შოთაძეს. სამჯერ მივმართე გენერალური ისპექციის უფროსს მაგდა კაპანაძეს, მაგრამ შეშფოთების მეტი არაფერი მომისმენია და არც შედეგი მოჰყოლია. მაისში დაიწყო მოწმეების დაკითხვა", _ ამბობს ქართლელიშვილი და ითხოვს სასამართლოს განაჩენი დადგეს.

რაც შეეხება საქმის მთავარი პროკურორის პოზიციას, როგორც  სანდრო გიორგაშვილმა "გურია ნიუსს" უთხრა პროკურატურას მოკვლევა დასრულებული აქვს და არსებითი განხილვისთვის საქმე სასამართლოშია გადაგზავნილი.

მთავარ პროკურატურაში კი აცხადებენ, რომ დიანა ქართლელიშვილის განცხადების საფუძველზე პროკურატურის გენინსპექციას მოკვლევა დაწყებული აქვს.

"როდის იქნება გენინსპექციის პასუხი ჯერჯერობით არ ვიცით, მაგრამ ეს სასამართლო პროცესების მიმდინარეობას ხელს არ შეუშლის", _ გვითხრეს მთავარი პროკურატურის პრესსამსახურში.

ვერსია #2

"გურია ნიუსი" საქმის დეტალების გასარკვევად იოსებ ხუტიაშვილსაც დაუკავშირდა, რომელმაც საუბრის დასაწყისში კატეგორიულად უარყო, რომ დიანა ქართლელიშვილს იცნობდა, ასევე ისიც, რომ მან ქართლელიშვილის კუთვნილი ყურძენი ჩააბარა ქარხანას. მოგვიანებით კი განაცხადა, რომ ყურძენი ქართლელიშვილს ეკუთვნოდა.

"დიანა ქართლელიშვილს არ ვიცნობდი. არც მისი შუამავლი ვყოფილვარ ქარხანასთან. ყურძენი ვიყიდე გიორგი ლეგაშვილისგან, ქართლელიშვილს არ ვიცნობდი. ახლა ამბობს, ყურძენი ჩემი იყოო, არ ვიცი რას ითხოვს. ქარხანას ფული არა აქვს მოცემული, ვალი ავიღე და ისე გავუსტუმრე ლეგაშვილს ფული. მოვიდა ლეგაშვილი, ავიღე ყურძენი და მორჩა. მერე გამოჩნდა, რომ  ყურძენი ქართელიშვილის  ყოფილა. ქარხნის შუამავალი არ ვარ. იბარებდა ყურძენს და ჩავაბარე. სხვა არანაირი შეხება არა მაქვს ამ ქარხანასთან... ქარხანას იქეთ აქვს ჩემი ვალი, ორი ქვითარი მაქვს გასანაღდებელი, თუ არ ვცდები 27 ათას ლარამდეა. გამოძიება სანამ არ დამთავრდება და ქვითრებს არ დამიბრუნებენ ამ თანხას არავინ მაძლევს", _ განაცხადა ხუტიაშვილმა.

თუმცა, ის ჩვენთან საუბრისას იმ თანხის ოდენობას ვერ იხსენებს, რომელიც ლეგაშვილს გადაუხადა, არც ის იცის, რამდენი აქვს მისი ვალი დარჩენილი.

"ნამდვილად არ მახსოვს, ლეგაშვილს თანხა რამდენი გადავუხადე, მაგრამ ვიცი, რომ ორი მანქანისაა. გადასახდელი არაფერი მაქვს. ქართლელიშვილს რა უნდა ვერ გავიგე. სასამართლოზე თქვა, მამაჩემს მისცეს 20 ათასი და მე 13 ათასი ლარიო. რაღას ითხოვს, ან რას იტყუება? 27 ათასს კიდევ ითხოვს თუ არა, ხვალვე ჩავუთვლი მაგ თანხას არ უნდა?! თუ ქართლელიშვილმა თავად მიიტანა ქარხანაში ყურძენი ან მე რა მინდოდა მაშინ იქ, ან რატომ ეწერა ეს ყურძენი ჩემს სახელზე? ქართლელიშვილის შუამავალი თვითონ ლეგაშვილი იყო, მან მთხოვა ქარხანაში ყურძნის ჩასაბარებლად დავხმარებოდი. ქართლელიშვილის გამო ვიყავი პასუხისგებაში მიცემული, ქვითრები იყო გაყალბებული. თუმცა, არავის არ გაუყალბებია ეს ქვითრები, უბრალოდ, ჩემი სახელით რომ იყო შეტანილი ქარხანაში სხვისი ყურძენი ამის გამო მიმცეს პასუხისგებაში. გირაოთი გამათავისუფლეს, თუმცა თანხა არ გადამიხდია. სასამართლო რომ დასრულდება და განაჩენს გამოიტანს მერე გადავიხდი. ბინა მაქვს ჩადებული გირაოს სანაცვლოდ", _ ამბობს ხუტიაშვილი.

რა კავშირი აქვს საქმესთან გიორგი ლეგაშვილს და ნამდვილად სთხოვა თუ არა ხუტიაშვილს მან დახმარება ქართლელიშვილის ყურძნის ჩაბარებაში, ამის გასარკვევად გიორგი ლეგაშვილთან დაკავშირება "გურია ნიუსმა" არაერთხელ სცადა, თუმცა, ის ჩვენს სატელეფონო ზარებს არ პასუხობს. დიანა ქართლელიშვილი კი ამბობს, რომ ლეგაშვილს საქმესთან კავშირი არ აქვს.

ვერსია #3

კომპანია "ჰელიოს +"- ის ბუღალტერი მანანა ელიკაშვილი "გურია ნიუსთან" საუბრისას აცხადებს, რომ ქარხანაში ყურძენი დიანა ქართლელიშვილს არ მიუტანია.

"ოფიციალურად, ქართლელიშვილს ჩემს ქარხანაში ყურძენი არ ჩაუბარებია. მოიტანა იოსებ ხუტიაშვილმ და მისგან მივიღე. არანაირი დოკუმენტაცია ქარხნისგან არ არის გაყალბებული.. რაც უნდათ ის ქნან, დაჭამონ ერთმანეთი, ჩემთან საქმე მაგათ არ აქვთ", _ გვითხრა ელიკაშვილმა და ტელეფონი გაგვითიშა. ამის შემდეგ "გურია ნიუსი" კიდევ რამდენჯერმე ეცადა მასთან დაკავშირებას, თუმცა ელიკაშვილი ჩვენს ზარებს აღარ პასუხობს.

"გურია ნიუსი" საკითხზე მუშაობას აგრძელებს. დამატებითი ინფორმაციის მიღების შემთხვევაში კიდევ ერთ სტატიას შემოგთავაზებთ.

შენიშვნა: ფოტო არ ასახავს შემთხვევის ადგილს




 ახალი ამბები
  • "ბალახს ცეცხლი წაუკიდა, გამოსვლა ვერ მოასწრო და შიგ ჩაიწვა!"_ ტრაგედია კასპშიკასპში, სოფელ დოესში უბედური შემთხვევის შედეგად 70 წლამდე ასაკის მამაკაცი გარდაიცვალა. როგორც "გურია ნიუსს" მერის წარმომადგენელმა აღნიშნულ თემში, ტარიელ ოხანაშვილმა უთხრა, "მამაკაცი ნაკვეთს ასუფთავებდა. ბალახს რომ ცეცხლი წაუკიდა, გამოსვლა ვეღარ მოასწრო და შიგ ჩაიწვა". შსს-მ მომხდარ ფაქტზე გამოძიება სისხლის სამართლის კოდექსის 188 მუხლით ... ...
  • კორონავირუსზე ეჭვის გამო ბათუმის მატარებელი თბილისიდან ვერ გადისთბილისი-ბათუმის მატარებელი უკვე ერთი საათია თბილისიდან ვერ გადის. ამის მიზეზი სასწრაფო დახმარების სამსახურში შესული შეტყობინება გახდა. როგორც  საქართველოს რკინიგზაში განგვიცხადეს, თბილისი-ბათუმის მატარებლის მგზავრების ნაწილმა მიიჩნია, რომ ერთ-ერთ მგზავრს, რომელიც მათი აზრით, ჩინეთის მოქალაქეა, სავარაუდოდ გრიპის ნიშნები ჰქონდა რის გამოც სასწრაფო დახმარება გამოიძახეს და მატარებელი დატოვა. ისინი ბაქანზე იცდიან. თუმცა ამ დროისთვის დადასტურებული არ არის არც მგზავრის მოქალაქეობა და არც ის, იმყოფებოდა თუ არა ის ჩინეთში  ბოლო პერიოდში. რკინიგზაში აცხადებენ, რომ სასწრაფო დახმარების ორი ბრიგადა უკვე ადგილზეა და მგზავრებს შესაბამისი შემოწმება ჩაუტარდება. ჯერჯერობით უცნობია როდის დაიძვრება მატარებელი ბათუმის მიმართულებით. სასწრაფოში გვითხრეს, რომ მგზავრებს სიცხეს უზომავენ და პირველადი დაკვირვებით არაფერი საგანგაშო არ არის. წყარო: ... ...
  • მაია მერკვილაძე: შემომითვალეს, ახალ ამბებში რედაქტორად აღარ ვიქნები“მოკლედ, ვიცი გაინტერესებდათ, შემომითვალეს, ახალ ამბებში რედაქტორად აღარ ვიქნები. ნინო ხაჟომია მოდის რედაქტორად.“ - ასეთი სახის განცხადება სოციალურ ქსელში აჭარის საზოგადოებრივი ტელევიზიის ახალი ამბების რედაქტორმა მაია მერკვილაძემ გაავრცელა. მაია მერკვილაძის ამ განცხადებას უცებ მოჰყვა მისი კოლეგების და ჟურნალისტების კომენტარები. “ ასე და ამგვარად, გრძელდება აჭარის ტელევიზიის გაპარტახება! ბიძინას ბორდი და კოხრეიძე მარტო აღარ არიან გამპარტახებლების რიგებში უკვე, ახალ ხალხს იმატებენ! მაიას საინფორმაციოდან გაყვანა, მისი ამ საქმისგან ჩამოცილება არის დანაშაული. ვისაც მასთან არ უმუშავია, ჩემი სიტვების მნიშვნელობას, ბოლომდე ვერ გაიგებს!“ - წერს სოციალურ ქსელში “მთავარი აჭარაში“ წამყვანი და ჟურნალისტი ლაშა ზარგინავა. “მაია მერკვილაძე ახალი ამბების სამსახურიდან გაჰყავთ. ამ დრომდე ხელშეკრულებას არ აჩვენებენ. დირექტორმა მმართველებს გააცნო ინფორმაცია იმის შესახებ რომ მაიკოს არათუ 20-იანის რედაქტორის, ან უბრალოდ რედაქტორის არამედ საერთოდ სხვა პოზიციის ხელშეკრულებას შესთავაზებენ, გაუგებარი, ბუნდოვანი პერსპექტივით და არარსებული რესურსით. აბა ეხლა დაგვაბრალოს იქნებ უმაღლესმა საბჭომ, ბორდმა, დირექტორიანად კივილი და წივილი.“ - ასე შეაფასა მაია მერკვილაძის განთავისუფლება აჭარის ტელევიზიის ახალი ამბები წამყვანმა და ჟურნალისტმა თეონა ბაკურიძემ. აჭარის საზოგადოებრივი მაუწყებლის დირექტორის, გიორგი კოხრეიძე “მთავარ არხთან“ მიცემული ინტერვიუს დროს ამბობს, რომ მაია მერკვილაძისთვის ახალი შემოთავაზება აქვს. “წინასაარჩევნო პერიოდია და ვალდებულება გვაქვს, რომ გაკეთდეს დებატების სახის გადაცემები ანუ თოქ-შოუ. აქედან გამომდინარე ვაძლევ სრულ თავისუფლებას, რომ ეს საარჩევნო პროექტი გააკეთოს მან.“ - თქვა გიორგი კოხრეიძემ. ჟურნალისტის კითხვაზე, თუ ამ წინადადებას არ დათანხმდა მაია მერკვილაძე მაშინ რა მოხდება - გიორგი კოხრეიძემ უპასუხა: “მაშინ ვშორდებით, რაც მე არ მინდა.“ - აღნიშნა გიორგი კოხრეიძემ. როგორც ჩვენთვის ხდება ცნობილი მაია მერკვილაძე გიორგი კოხრეიძის შემოთავაზებას არ დათანხმდება. “უსამართლო გადაწყვეტილება მიიღო აჭარის ტელევიზიის დირექტორმა.“ - ამბობს მაია ... ...
  • 24 თებერვალი ირაკლი ჩარკვიანის გარდაცვალების დღეა2006 წლის 24 თებერვალს ქართველი მუსიკოსი, მწერალი ირაკლი ჩარკვიანი გარდაიცვალა. სოციალურ ქსელში გელა ჩარკვიანი, ირაკლი ჩარკვიანის მამა სტატუსს აქვეყნებს, რომელსაც “გურია ნიუსი“ უცვლელად გთავაზობთ. “ჩაწერა მაქვს „რუსთავი 2“-ზე, დათო გოგიჩაიშვილთან. ნახევარ საათში უნდა გავიდე, – მითხრა ქეთათომ ტელეფონით. – იქნებ მოხ­ვიდეთ და ჩვენთან იყოთ, სანამ დავბრუნდები. ირაკლი ღამე თავს კარგად არ გრძნობდა. ახლა ჩაეძინა, მაგრამ მაინც მეშინია“. პარასკევის დილა იყო. ჩემს მდივანს, შორენა კობერიძეს დავურეკე და ვუთხარი, შემაგვიანდება-მეთქი. თეთრი „ტოიოტა კოროლა“ ეზოში მელოდებოდა. ომარ არუთინოვს ვთხოვე, ირაკლისთან ვერაზე მივეყვანე და გარაჟში ჩემს ზარს დალოდებოდა. ქეთათო რომ გავიდა, სავარძელში ჩავჯექი და კინოსცენარის კითხვას შევუდექი. იმ დღეებში გია ბაზღაძემ შემომთავაზა ქართულად გამეხმოვანებინა ერთი უცხოური საბავშვო კინოს პერსონაჟი. ამ ფილმის ჩვენებას გია თავისთან, რუსთაველის კინოთეატრში აპირებდა და რატომღაც გადაწყვიტა, რომ „კინო­გმირს“ ყველაზე უფრო ჩემი ხმა და ინტონაცია მოუხდებოდა. დავთან­ხმდი, რადგან ამ საქმეში გარკვეული გამოცდილება მქონდა და, რაც მთავარია, წინანდელივით დაკავებული აღარ ვიყავი – სიტყვებს აღარ ვწერდი და არაფრის თარგმნა აღარ მიხდებოდა. ფილმების გახმოვანებასთან კარგი მოგონებები მაკავშირებდა. დიღომში კინოსტუდია „ქართული ფილმის“ ძველებური ყაიდის ვეება მიკროფონებთან არაერთხელ ვმდგარვარ დოდო აბაშიძესთან, თენგიზ არჩვაძესთან, რამაზ ჩხიკვაძესთან და სხვა ცნობილ მსახიობებთან ერთად. რეზო ჩხეიძის „ნერგებში“ ამერიკელი ტურისტების ეპიზოდი თითქმის მთლიანად მე და ილო თუმაჯანოვმა გავახმოვანეთ. მერაბ კოკოჩაშვილის „მწვერვალში“ გია ყანჩელის დაწერილი ინგლისური სიმღერაც კი ვიმღერე. კიდევ იყო ნანა მჭედლიძის „პირველი მერცხალი“ და „შერეკილები“, რომლის დიალოგები, ელდარ შენგელაიას თხოვნით, ინგლისურად ვთარგმნე და ქართულ ტექსტს დავადე. მაგრამ ბოლო 30 წლის განმავლობაში კინოსთან შეხება აღარ მქონია და ახლა, ამდენი პოლიტიკით დაღლილს, კინოპერსონაჟის აუდიო-თამაში უთუოდ გამახალისებდა. რამდენიმე გვერდი წავიკითხე და ცოტათი მომწყინდა – მხატვრულის კითხვას გადაჩვეული ვიყავი. ფურცლები იატაკზე დავდე. ავდექი და კედელზე დაკიდებული ირაკლის ნახატებისა და ფოტოების თვალიერება დავიწყე. მერე დიდ ოთახში გავედი და მძინარე ირაკლის დავხედე. მშვიდად, მეტრონომის სიზუსტით სუნთქავდა. ერთ ბეჭზე საბანი არ ეხურა და ხელი დავადე. სიცხე არ ჰქონდა. კედლებზე სურათები აქაც იყო და სანამ ყველა, ალბათ ასჯერ ნანახი, ისევ დავათვალიერე, ოთახი არ დავტოვე. კვლავ სავარძელში ჩავეშვი, თუმცა სცენარი იატაკიდან აღარ ავიღე. სახლში წავიკითხავ-მეთქი, ირაკლის პატარაობა გამახსენდა, როგორ ვეთამაშებოდი „შემოქმედებით“ თამაშებს – რითმობანას, პარადოქსობანას, ოქსიმორონობანას და აბსურდობანას. „აბა, გარითმე ხალი!“ უმალ პასუხობდა – „მსხალი“. „აბა, კიდევ?“ „ნალი, თვალი, ალი, ქალი, მთვრალი“. „გეყოფა“. „აბა, მოიგონე პარადოქსი“. „ისეთი მშიერი ვარ, რომ ხინკალსაც კი არ შევჭამ“. „კარგია. ახლა ოქსიმორონი მინდა სიტყვაზე ტკბილი“. დაფიქრდებოდა, „ვიცი! ვიცი! ტკბილი სევდა, ტკბილი ტკივილი“. „აბა, რაიმე აბსურდული ფრაზა მოიგონე, ისეთი როგორც ყვავი ჩხიკვის მამიდა“. „ბიძაშვილის ვირის ზმნიზედა. ხომ მაგარია?“ „კარგია“, – მოვუწონებდი და ის ბედნიერი ხტუნვა-ხტუნვით ეზოში გავარდებოდა, სადაც მისი თანატოლები უფრო ბიჭურ თამაშებს შესთავაზებდნენ. მერე ის საშინელი საღამო გავიხსენე, როცა ირაკლი და გეგა, მაგრად ნაცემები, წყნეთის კინოდან ჩვენს აგარაკზე ამოვიყვანეთ და ისიც, როგორი დაზაფრულები ისხდნენ ირაკლი და კოსტე, როცა გაიგეს, რომ გეგამ თვითმფრინავი გაიტაცა, ისე, რომ მათთვის არაფერი უთქვამს; და სულ ახლახან ქეთათოსთან ერთად რომ გვეწ­ვია და ნანას და მე გამოგვიცხადა, – მალე გოგო გვეყოლება და გადავ­წყვიტეთ რეტრო სახელი დავარქვათ – ნანაო. პატარა ნანამ გვასახელა – თავის წითურ ძაღლთან, კაფკასთან ერთად ის წარმატებით ასრულებდა როლს „მაესტრო TV“-ის მიერ გადაღებულ რეალიტი შოუში, რომელიც ერთი თვის განმავლობაში დეტალურად აშუქებდა ირაკლისა და ქეთათოს ყოველდღიურ ცხოვრებას. ამ დღეს ნანა ბებიასთან, გულიკოსთან იყო, რომელსაც დულიტოს ეძახდა, ისე როგორც მე – დელას. უკანა­ენისმიერებს, ვერც მჟღერსა და ვერც ყრუს, ბავშვი ვერ წარმოთქვამდა. ამით თავის მეორე, თანამოსახელე ბებია ნანას ჰგავდა, რომელიც თურმე ადრეულ ბავშვობაში кукла-ს ნაცვლად тутла-ს ამბობდა. ამგვარ მოგონებებში გავატარე საათ-ნახევარი. მალე ქეთათო უნდა დაბრუნებულიყო. წამოვდექი და კვლავ იმ ოთახში შევედი, სადაც მძინარე ირაკ­ლი მეგულებოდა. იმავე პოზაში იწვა და ოთახიდან გასვლა დავაპირე. კართან ვიდექი. არც გავდიოდი და არც უკან ვიხედებოდი. ძალიან არ მინდოდა დამენახა ის თითქმის შეუმჩნეველი ცვლილება, რომელიც შევამჩნიე და არ შევიმჩნიე, ის ზარდამცემი, უსასრულოდ მცირე სხვა­ობა, ახლად მკვდარს ცოცხლისგან რომ განასხვავებს. რამდენ ხანს შემეძლო მეტყუებინა თავი... მივედი და იმავე ბეჭზე ხელი დავადე. არ სუნთქავდა. მერე მკერდს ჩავუყევი. მხოლოდ გულის სიახლოვეს აღმოვაჩინე პაწაწინა თბილი წერტილი. სასწრაფოს ექიმმა გარდაცვალება დაადასტურა. ქეთათო ჯერ კიდევ სტუდიაში იყო, იქ შევატყობინე და „რუსთავი 2“-მა ირაკლის სიკვდილის ამბავი breaking news-ის სახით გაუშვა ეთერში... ამას მოჰყვა სხვა ტელევიზიების სიუჟეტები, ათას­გვარი ვერსიებით და უწყვეტი ზარების ნაკადი ჩემს მობილურზე. ნანა მიღებული შოკისგან სიცოცხლის ბოლომდე სრულად ვერ გამოვიდა. მის გაუსაძლის ტკივილს ისიც ერთვოდა, რომ სახსრის მოტეხილობისა და ხელოვნურით ჩანაცვლების შემდეგ დამოუკიდებლად სიარული ჯერ არ შეეძლო. სულ ლოგინში იწვა და ტიროდა. ცრემლს მეც ვერ ვიკავებდი, განსაკუთრებით, როცა ვიხსენებდი ირაკლის სასაცილომდე არარეალურ ბიზნეს-პროექტებს, რომელთა განხორციელებით აპირებდა, გამდიდრებას თუ არა, საკუთარი ოჯახის შენახვას მაინც. ამგვარი იდეების გენერირებას მან მას შემდეგ უმატა, რაც გაჩნდა პატარა ნანა, მისი ერთ-ერთი ბოლო, და ბაბუა-ბებიების აზრით საუკეთესო ნაწარმოები. ჩემთვის დღესაც ორი ირაკლი არსებობს: ერთი – ჩემი და ნანას პირმშო. ის ჩემს მეხსიერებაში მარად ბავშვად დარჩება. სწორედ ამ ბავშვის – ირაკლის სიკვდილი განვიცადე ასე მწარედ 2006 წლის 24 თებერვალს. მეორე – მიამიტი და იმავდროულად უჩვეულო ნიჭით დაჯილდოებული შემოქმედი. ის არ მომკვდარა. „სათქმელი თქვა და უბრალოდ კარი გაიხურა“. სამძიმრის სათქმელად ჩვენს პეკინის 14-ის ბინაში, ნათესავებისა და ნაცნობ-მეგობრების გარდა, საქართველოში არსებული ყველა პოლიტიკური ძალის ხელმძღვანელები მოვიდნენ. სანდრა სააკაშვილი ყოველდღე ჩვენთან იყო და მწოლიარე ნანას საათობით ეჯდა. როცა სადარბაზოში შევარდნაძის დაცვის თანამშრომელი შევნიშნე, მივხვდი, რომ მალე ექს-პრეზიდენტი გამოჩნდებოდა. შევი გადამეხვია, გასვლისას კვლავ შეხედა ირაკლის და თავი დახარა, როგორც მაშინ, მამაჩემის პანაშვიდზე. ცოტა ხანი გავიდა და ოთახში მიშა სააკაშვილი შემოვიდა. მელაპარაკა. მერე დიდხანს ჩუმად იყო. რაღაცაზე ფიქრობდა. წასვლისას ასე მითხრა – „სამსახურში გამოსვლას ნუ იჩქარებ, მაგრამ როცა გამოხვალ, აუცილებლად მნახე“. მაშინ მე პრეზიდენტის თანაშემწე და პრესსპიკერი ვიყავი. დღის განმავლობაში ვეცნობოდი მსოფლიო მედიაში გამოქვეყნებულ ჩვენთვის საინტერესო მასალას და საღამოობით შეკუმშული სახით მიშას ვაცნობდი. კვირაში რამდენჯერმე ქართველ და თბილისში აკრიდიტებულ უცხოელ ჟურნალისტებს ვხვდებოდი და მიმდინარე პოლიტიკური მოვლენების ჩვენეულ ხედვას ვუზიარებდი. ტელევიზიებში კვლავინდებურად ხშირად ვჩნდებოდი. სახელმწიფო ბიუჯეტი მნიშვნელოვნად იყო გაზრდილი და მოხელეთა შრომის პირობები შეუდარებლად გაუმჯობესებული. მიშა ერთი კვირის თავზე ვნახე. ყოველგვარი შესავლის გარეშე მით­ხრა, რომ წინათაც ფიქრობდა და აზრი არც ახლა შეუცვლია: „საქარ­თველოს ინგლისში შენ უნდა წარმოადგენდე“. ეს სიახლე ნანას ტრაგედიამდე რომ გაეგონა, სახე გაუბრწყინდებოდა და მეგობრებს ტელეფონზე რეკვით აიკლებდა. ახლა კი მხოლოდ თავი დამიქნია და თვალები ცრემლით აევსო. ლონდონში სექტემბერში წავედით. თან შვილიშვილები – ანა და გაგა – წავიყვანეთ. პატარა ნანა ჯერ მართლაც პატარა იყო და ლონდონში ყოფნა არაფერს არგებდა. ჩამოვიდა, როცა სკოლის ასაკს მიაღწია. ლონდონმა თავისი ქნა. დიპლომატიურმა მიღებებმა, მკაცრი დრეს­­კოდის ნორმების აღსრულების აუცილებლობამ, ახლად შეძენილი ნაცნობების მრავალეროვნულმა წრემ ნანა თანდათან თვალში გამოახედა. და როცა, ბუკინგემის სასახლეში დედოფლისათვის რწმუნებათა სიგელების გადაცემის აღსანიშნავად გამართულ vin d’honneur-ზე მან შამპანურით სავსე ჭიქა ასწია, მის უძირო თვალებში პირველად ამ თვეების განმავლობაში მოციმციმე ვარსკვლავები დავინახე“. - წერს გელა ჩარკვიანი სოციალურ ... ...
  • „პირბადეს ვეღარ იშოვი, სადეზინფექციო ხსნარებს ფასი დაადეს“ _რას გვატყობინებენ იტალიიდან_პულიის რეგიონი ბარის პროვინციაში,  რომელიც მილანიდან, კორონავირუსის ეპიცენტრიდან ათასი კილომეტრის დაშორებით იმყოფება, ჯერ არანაირი პრევენციის ზომები არ მიუღიათ.  ჩემი გოგონა სკოლაში დადის, როგორც მშობელს,  მომივიდა შეტყობინება, რომ არ დავტოვო ლოკაციის  ადგილი.  ამ ეტაპზე  სხვა არანარი გაფრთხილება არ შემოსულა.  უნდა გითხრა  ისიც , რომ აფთიაქში   ვერ იშოვი პირბადეს. სადეზინფექციო  ხსნარები, რასაც „ამაზონი“ გვჩუქნიდა, ფასები დაადეს და სამი შეკვრა  90 ევრო ღირს.  ახლა აქ დღის პირველი საათია. ამ წუთებშიც შევედი აფთიაქში და პირბადე უკვე არ არის. მითხრეს, რომ დილით რაც მიიღეს, უკვე გაყიდულია, - გვატყობინებს ემიგრაციაში მყოფი ჩვენი მეგობარი ხათუნა შარაძე.  კორონავირუსი ფაქტიურად  ვრცელდება  იტალიაში და ეს სამწუხარო ამბავია. ხათუნა შარაძემ  ასევე გვითხრა, რომ იტალიაში საქართველოს საელჩოს ვებგვერდზე განთავსებულია განცხადება ,  კორონა ვირუსთან დაკავშირებით: „ შექმნილი მდგომარეობიდან გამომდინარე, საქართველოს საელჩო მოუწოდებს იტალიაში და განსაკუთრებით კი მის 5 რეგიონში (ლომბარდია, ვენეტო, პიემონტე, ემილია რომანია და ლაციო) მცხოვრებ და ტურისტული მიზნებით მყოფ საქართველოს მოქალაქეებს გაითვალისწინონ  იტალიის მთავრობის მიერ,  ვირუსის მართვისთვის აუცილებელი რჩევები და განკარგულებები, განსაკუთრებული საჭიროების გარდა თავი შეიკავონ საჯარო თავშეყრის ადგილებში სიარულისგან და დაიცვან ჰიგიენური წესები.“ ... ...

არქივი

ზაფრანი

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...