რა კავშირშია ქარჩავას დაკავება კოდუას ცოლისძმის დაპატიმრებასთან

მთავარი თემა

რა კავშირშია ქარჩავას დაკავება კოდუას ცოლისძმის დაპატიმრებასთან

2012 თებ 20 07:45:31
კულუარული ინფორმაციით, აღნიშნული დაკავება კრიმინალური პოლიციის შეფ ერეკლე კოდუას ცოლისძმისა და ჟურნალისტ ნანუკა ჟორჟოლიანის ძმის, მიშა ჟორჟოლიანისა და კიდევ სამი პირის დაკავების ფაქტს უკავშირდება, რომლებსაც რამდენიმე დღით ადრე ავტომობილში აღმოაჩნდათ განსაკუთრებით დიდი ოდენობით _ 750 გრამი მარიხუანა, რომელიც შეძენილია, სავარაუდოდ, 6 ათას ლარად.

როგორც ქართული მედია-საშუალებებიდან ხდება ცნობილი, ნანუკა ჟორჟოლიანის ძმა, მიხეილ ჟორჟოლიანი კიდევ ერთხელ აღმოჩნდა სამართალდამცავთა ხელში _ ის რამდენიმე დღის წინ, თბილისში დააკავეს. მიხეილ ჟორჟოლიანთან ერთად, დააპატიმრეს ნიკა ზუბიტაშვილი _ "სოკარ ჯორჯია პეტროლიუმის" დირექტორის, დავით ზუბიტაშვილის შვილი. დაკავებულებს ბრალად ედებათ ნარკოტიკული ნივთიერების შეძენა-შენახვა.

მიხეილ ჟორჟოლიანი უკვე მეორედაა პასუხისგებაში. პირველად ეს 2010 წლის აპრილში მოხდა, როცა ვაკე-საბურთალოს პოლიციის თანამშრომლებმა დააკავეს და პოლიციისთვის წინააღმდეგობის გაწევაში დასდეს ბრალი. მაშინ მასთან ერთად, საზოგადოებისთვის ცნობილი რამდენიმე პირის შვილიც დააკავეს: დავით ბენიძე (ყოფილი გენპროკურორის მოადგილის, ვენედი ბენიძის შვილი), ირაკლი ღლონტი (საგადასახადო სამსახურის ყოფილი მაღალჩინოსნის, ავთანდილ ღლონტის შვილი), კონსტანტინე ჩაჩავა და ვლადიმერ დოლიძე. მართალია, მათ თავდაპირველად ორთვიანი წინასწარი პატიმრობა შეუფარდეს, მაგრამ მალე, თავისუფლების აღკვეთა გირაოთი შეუცვალეს და გაათავისუფლეს. პატიმრობაში დღემდე, მხოლოდ ერთი პირი _ ვლადიმერ დოლიძე რჩება. იგი ბიზნესმენ კუსა დოლიძის ვაჟია და მამამისი საქართველოს ხელისუფლებას სტრასბურგში უჩივის: წლების წინ, კუსა დოლიძე ბახმაროში ხულიგნობის ბრალდებით დააკავეს და დღემდე მიიჩნევს, რომ უკანონო პატიმარი იყო.

უპირველესად, აღსანიშნავია, რომ დაკავებული მერაბ ქარჩავა გახლავთ ლანჩხუთელი ოპოზიციონერი, რომელმაც გასული წლის ბოლოს დატოვა თუ დაატოვებინეს "ქართული პარტიის" ლანჩხუთის ორგანიზაციის თავმჯდომარეობა _ მას "ქართული პარტიის" მთელი ადგილობრივი ოფისი აუჯანყდა და პარტიაში მარტო დატოვეს. ამ და სხვა ფაქტების გახმაურების გამო, ქარჩავა მედიას დაუპირისპირდა. მას მიაჩნდა, რომ ჟურნალისტები ხელისუფლების დავალებით ებრძოდნენ, თუმცა, იმას ვეღარ ხსნიდა, რატომ უნდა დაეკვეთა ხელისუფლებას მორჩილი ოპოზიციონერის "გაშავება" მაშინ, როცა ქარჩავა აქციების დროს აქტივს ოფისის დაკეტვას თხოვდა, არ დაგვიჭირონო, ხოლო სხვა დროს, ოფისს ხელფასის გაცემის დღეს თუ გააღებდა. მთელი წლის მანძილზე ოპოზიციონერ ქარჩავას ერთი ხმამაღალი განცხადება არ გაუკეთებია, ბრიფინგსა და პრესკონფერენციას ხომ ჯვარი სწერია, თუ არ ჩავთვლით საგაზეთო წერილების განხილვისთვის მოწყობილ ბრიფინგებს.

მართალია, ის ჟურნალისტებს "ვერ იტანდა", მაგრამ დღეს სწორედ ჩვენი დასაცავი ხდება _ მის ნაცნობ-მეგობრებში არავის სჯერა, რომ მერაბ ქარჩავა "ბარიგაა" და წამალსა და "პლანს" ასაღებდა. რაც შეეხება მის ნარკომანობას, მისი ნაცნობების თქმით, ეს საერთოდ გამორიცხულია _ როგორც პოლიტიკურად მასთან დაპირისპირებული ყოფილი თანაპარტიელები აცხადებენ, შეუძლებელია ქარჩავა ნარკოტიკის მომხმარებელი იყოს, რადგან ბოლო დროს გული აწუხებდა და წნევის გაზომვა დღის მანძილზე რამდენჯერმე უხდებოდა: _ გამორიცხულია, რომ მერაბი ნარკოტიკს მოიხმარდა. ასევე ვერ დავიჯერებთ, რომ მარიხუანას ყიდდა, თუმცა ვერც იმის მიზეზს ვხედავთ, თუ რატომ უნდა "გაეჩალიჩებინათ" მისთვის ეს? როგორც ჩანს, რაღაც ინტრიგა იმალება ყოველივე ამის უკან, _ ამბობენ მისი ყოფილი თანამებრძოლები, _ ქარჩავა სულ იმის შიშში იყო, არიქა, დაგვიჭერენო.

როგორც ჩვენი წყარო ამბობს, დაპატიმრების შიშით, ქარჩავამ, თურმე, თავმჯდომარის პოსტი თანაპარტიელს "გაუცვალა" _ ქალი ხარ, შენ ვერაფერს მოგიძებნიან და წამალსაც ვერ ჩაგიდებენო (?!).

ამ ცოტა ხნის წინ, ლანჩხუთში ოპოზიციის ერთ-ერთი ლიდერი ელგუჯა ჩხაიძე დააკავეს. მიუხედავად იმისა, იგი აფხაზეთისა და სამაჩაბლოს ომებში მონაწილეობდა, არავინ სჯეროდა, რომ მას თუ ავტომატი ექნებოდა, კვერცხის მაგივრად ტყვიებისმდებელი ქათმები ხომ საერთოდ სასაცილო თემად იქცა. თუმცა ჩხაიძის შემთხვევაში, თუ ავტომატისა და მჭიდის ჩადება "ლოგიკური" იყო, რადგან იგი აქტიური ოპოზიციონერია და ხელისუფლებას ღიად აკრიტიკებს, რატომ დასჭირდებოდა ხელისუფლებას ანალოგიური რამ ჩუმი ქარჩავასთვის "გაეჩალიჩებინა", ამოუხსნელ გამოცანად რჩება!

როგორც გავარკვიეთ, ქარჩავას ოჯახს არასდროს ეტყობოდა, რომ დიდი შემოსავლები ჰქონდა (მოგეხსენებათ, ნარკოტიკის გასაღებაში დიდ ფულს შოულობენ), თუმცა, არც იმდენად უჭირდა, 55 წლის კაცი ასეთ რისკზე წასულიყო. ბოლოს და ბოლოს, როგორც გვითხრეს, მისი სიძე _ ქალიშვილის ქმარი, ბიძინა ივანიშვილის დაცვაში მუშაობს და თავადაც პარტიული საქმიანობიდან ჰქონდა შემოსავლები. ზოგადადაც, ქარჩავა იმდენად ფრთხილი ადამიანია, საეჭვოა, ასეთ რისკზე წასულიყო. თან როგორც ოპოზიციონერი, მუდმივ კონტროლზე იქნებოდა და ეცოდინებოდა, თუ "ბარიგობას"დაიწყებდა, აუცილებლად "გაებმებოდა".

მაშინ ვის დასჭირდა ჩუმი ოპოზიციონერის დაჭერა? თან საინტერესოა ის ფაქტიც, რომ არც ერთ სამთავრობო საინფორმაციო საშუალებებში გახმაურებულა ეს ფაქტი _ აი, ნახეთ, ოპოზიციონერს რამდენი ნარკოტიკი აღმოუჩინესო.

მერაბ ქარჩავა ბოლო დროს ხშირად ჩნდებოდა "ქართული ოცნების" მთავარ ოფისში. ჩვენი წყაროს ინფორმაციით, ზემოთ ნახსენები მიზეზის გამო (ივანიშვილის დაცვაშია მისი სიძე), ქარჩავა აქტიურად განიხილებოდა "ქართული ოცნების" ლანჩხუთის ოფისის ხელმძღვანელად.

ჩვენთვის ცნობილია კიდევ ორი ფაქტი, რომელსაც მერაბ ქარჩავას წარსულთან აკავშირებდნენ: წლების წინ, ქალაქის გამგეობის ბუღალტერსა და მოლარეს ბანკიდან გამოტანილი თანხა გასტაცეს. მაშინ ქარჩავა გამგეობაში მუშაობდა და ეჭვმიტანილთა შორის, მისი პერსონაც დასახელდა, თუმცა, ბრალი არავის დამტკიცებია. წესით, ქარჩავა ყაჩაღობაში არ მონაწილეობდა, რადგან, ამ შემთხვევაში, აქამდეც დაიჭერენდნენ, თუმცა არც ისაა გამორიცხული, ამ ფაქტით ის "დავერბოვკებულიც" ჰყავდათ. კიდევ ერთი სკანდალი არეულობის წლებს უკავშირდება _ ქარჩავა მაშინ ქალაქის მერი იყო და მისი კაბინეტიდან, მაგიდის ქვემოდან კრიმინალებმა გაჭრეს კედელი, ჩააღწიეს პირველ სართულზე და პირწმინდად გაქურდეს ლანჩხუთში იმ დროისთვის ერთადერთი საკომისიო მაღაზია "სალომე". თუმცა ამ შემთხვევაში, იგი არავის დაუდანაშაულებია.

ჩვენ ამ თემაზე კომენტარი ლანჩხუთელ ოპოზიციონერს, რომან ბიწაძეს ვთხოვეთ:

_ ბატონო რომან, თქვენ მერაბ ქარჩავას კარგად იცნობთ, მასთან მუშაობდით ქალაქის გამგეობაში წლების მანძილზე, ასევე თამაშრომლობდით ოპოზიციაში. რას უკავშირებთ მის დაკავებას?

_ ვერაფერს გეტყვით, რადგან არ მომისმენია ოფიციალური განცხადება, არ მისაუბრია მისი ოჯახის წევრებთან, ახლობლებთან...

_ შსს-მ ოფიციალური განცხადება უკვე გაავრცელა _ ქარჩავა დაკავებულია დიდი ოდენობით მარიხუანას გასაღების ბრალდებით.

_ მართალია, მე არ მქონია მასთან ახლო მეგობრული ურთიერთობა, მაგრამ კარგად ვიცნობ _ არასდროს არაფერი მსმენია და შემიტყვია, რომ ასეთ საქმესთან ყოფილიყო დაკავშირებული.

_ საერთოდ, უშვებთ ალბათობას, რომ ეს შესაძლებელი იყოს?

_ არ მგონია, ამ ხნის კაცია, დიდი გამოცდილებით და ასეთი შეცდომა არ უნდა დაეშვა!

კულუარებში ერთადერთი ვარაუდი ვრცელდება _ თუ ქარჩავა ნამდვილად მონაწილეობდა ამ საქმეში და არ "გაუჩალიჩეს", მაშინ მას უცილობლად ჰყავდა სახელისუფლო ლობი, მაგრამ ახლა ნანუკა ჟორჟოლიანის ძმის გახმაურებულ საქმეზე მისი გაწირვა დასჭირდათ.




 ახალი ამბები
  • პოლიტიკურ ურნად გადაიქცა „ქართული ოცნება“- თბილისის საკრებულოსთან აქციაზე ურნა მიიტანესდედაქალაქის საკრებულოსთან, მოძრაობა ,,შეცვალეს" წევრებმა ნაგვის ურნა მიიტანეს, სადაც საკრებულოს იმ წევრების ფოტოებიანი სტიკერები გააკრეს, რომლებიც ოპოზიციონერი დეპუტატის ლევან ხაბეიშვილის მიმართ ძალადობაში მონაწილეობდნენ. აქციის ორგანიზატორების განცხადებით, ურნის მოტანა სიმბოლურია, მალე ამ ურნაში ბიძინა ივანიშვილი და ქართული ოცნების დეპუტატები აღმოჩნდება. „ურნის აქ მოტანას აქვს სიმბოლური დატვირთვა. ამ ურნაში აღმოჩნდებიან ბიძინა ივანიშვილი და „ქართული ოცნების“ დეპუტატები. ეს არის თქვენი ბოლო. პოლიტიკურ ურნად გადაიქცა „ქართული ოცნება“, - აცხადებენ აქციის ორგანიზატორები აქციის მონაწილეები სკანდირებენ: „მონებო, მონებო“. აქციის მონაწილეები, ხაბეიშვილზე თავდასხმაში მონაწილე დეპუატების საკრებულოდან გარიცხვას და მმართველი პარტიის რიგების დატოვებას ითხოვენ. მოძრაობა „შეცვალეს“ წევრები საკრებულოს თავმჯდომარესთან შესახვედრად , საკრებულოს შენობაში შევიდნენ, თუმცა ისინი მალევე უკან დაბრუნდენ, რადგან, როგორც მათ განაცხადეს გიორგი ტყემალაძესთან შესახვედრად არ შეუშვეს. ცნობისთვის, 24 იანვარს თბილისის საკრებულოში გაერთიანებული კომისიის სხდომაზე „ქართული ოცნების" დეპუტატებსა და „ნაციონალური მოძრაობის" წევრ ლევან ხაბეიშვილს შორის ფიზიკური დაპირისპირება მოხდა. დაპირისპირებაში მართველი პარტიის დეპუტატები ავთანდილ ცინცაძე, ირაკლი ზარქუა, გიორგი ჩაკვეტაძე და ალექსანდრე ხუჯაძე მონაწილეობდნენ. ... ...
  • კობახიძე: ჩვენი გეგმაა კითხვის ნიშნის ქვეშ დავაყენოთ რუსული დელეგაციის აღიარების საკითხი„გუშინ და დღეს დილიდან  ჩვენ გვქონდა აქტიური კონსულტაციები ჩვენს კოლეგებთან ბალტიისპირეთის ქვეყნებიდან, ასევე უკრაინის დელეგაციის წარმომადგენლებთან და ჩვენი გეგმა არის ის, რომ კითხვის ნიშნის ქვეშ დავაყენოთ რუსული დელეგაციის აღიარების საკითხი. ამასთან დაკავშირებით,  საკითხი გამოდის დღეს პლენარულ სესიაზე და ჩვენ ერთად დავაყენებთ ამ საკითხს სესიის ფორმატში",- ამის შესახებ განცხადება საქართველოს საპარლამენტო დელეგაციის ხელმძღვანელმა ირაკლი კობახიძემ სტრასბურგში, საპარლამენტო ასამბლეის ზამთრის სესიის დაწყების წინ გააკეთა. ირაკლი კობახიძის თქმით, შესაბამისი განცხადება გაკეთდება ლატვიის დელეგაციის წარმომადგენელთა მხრიდან გაკეთდება, რასაც საქართველოს საპარლამენტო დელეგაცია დაუჭერს მხარს. მისივე განცხადებით, მნიშვნელოვანია, რომ დაიწყოს პროცედურა საკითხის გადასახედად. „ჩვენ ამ ფორმატს და ამ ტრიბუნას მაქსიმალურად გამოვიყენებთ, რომ ჩვენი ეროვნული ინტერესები გავატაროთ, შესაბამისი გზავნილები მივაწოდოთ ჩენს კოლეგებს და მეგობრებს. რა თქმა უნდა, ეს ყველაფერი ეხება უპირველეს ყოვლისა ჩვენს მთავარ ეროვნულ ინტერესებს, რაც დაკავშირებულია ჩვენი რეგიონების ოკუპაციასთან, ჩვენი სუვერენიტეტის და ტერიტორიული მთლიანობის საკითხთან. ჩვენ გვექნება ასევე საუბარი ჩვენს ქვეყანაში მიმდინარე პროცესებზე ჩვენს კოლეგებთან და მეგობრებთან. ეს პლატფორმა იქნება ძალიან აქტიურად გამოყენებული ამ ყველაფრისთვის",-განაცხადა ირაკლი კობახიძემ. ... ...
  • ნათელაშვილი:კორონავირუსი უზარმაზარი საფრთხეა საქართველოსთვის„ლეიბორისტული პარტიის“ ლიდერი შალვა ნათელაშვილის განცხადებით, კორონავირუსი უზარმაზარ საფრთხეს წარმოადგენს საქართველოსთვის, ქვეყნის ჯანდაცვა ვირუსთან საბრძოლველად მზად არ არის, ამიტომ პოლიტიკოსი საქართველოში კორონავირუსის გავრცელების პრევენციისთვის ჩინეთიდან ფრენებისა და ტვირთბრუნვის აკრძალვას ითხოვს. „მსოფლიოს უტევს კობრის ჩინური ქვესახეობიდან წარმოშობილი ახალი კორონავირუსი, რომელიც უზარმაზარი საფრთხეა კონტინენტის ცენტრში მდებარე საქართველოსთვის. მთავრობის გასაგონად, სასწრაფოდ აკრძალეთ ადამიანთა მიმოსვლა ჩინეთის სახალხო რესპუბლიკასთან. შეაჩერეთ ყოველგვარი ტვირთები, მათ შორის ფოსტა ამ ქვეყანასთან. განსაკუთრებული კონტროლი დააწესეთ ჩინელთა კომპაქტურად ჩასახლებულ ადგილებში, კონკრეტულად ქუთაისი, თბილისი და ხარაგაულის რეგიონი, სადაც ჩინური ქალაქები აშენდა“, – განაცხადა შალვა ნათელაშვილმა. ... ...
  • გაუჩინარებული ახალგაზრდა მამაკაცის ცხედარი მაშველებმა იპოვესშინაგან საქმეთა სამინისტროს საგანგებო სიტუაციების მართვის სამსახურის მაშველებმა ქალაქ ფოთში, პალიასტომის ტბაში, გაუჩინარებული ახალგაზრდა მამაკაცის ცხედარი იპოვეს. მამაკაცის გაუჩინარების შესახებ ინფორმაცია ამა წლის 4 იანვარს დაფიქსირდა. შეტყობინების ინიციატორის განცხადებით, მოქალაქე კონტაქტზე არ გამოდიოდა და საჭირო იყო საძიებო სამუშაოებში შესაბამისი უწყებების ჩართვა. დაკარგულის პირის ადგილსამყოფელის დასადგენად, პოლიციის თანამშრომლებთან ერთად, საძიებო სამუშაოები დაიწყეს საგანგებო სიტუაციების მართვის სამსახურის მაშველებმაც. თბილისიდან ფოთში გაემგზავრნენ განსაკუთრებულ სიტუაციებზე რეაგირების წყალზე სამაშველო და მყვინთავთა ჯგუფები, რომლებიც  საძიებო სამუშაოებს პალიასტომის ტბიდან მდინარე კაპარჭინის შესართავამდე აწარმოებდნენ. ასევე, საძიებო-სამაშველო ოპერაცია მიმდინარეობდა მდინარე რიონში. ადგილზე შეიქმნა სამუშაო შტაბი, საიდანაც ხდებოდა საძიებო სამუშაოების მართვა. პროცესში ჩართული იყო ექოლოტი და სპეციალური მცურავი ტექნიკა. ტერიტორიის მონიტორინგი მიმდინარეობდა დრონის საშუალებით. სამკვირიანი, უწყვეტი სამუშაოების შედეგად, დღეს მაშველებმა პალიასტომის ტბაში ახალგაზრდა მამაკაცის ცხედარი იპოვეს.  გამოძიება საქართველოს სსკ-ის 115 მუხლით მიმდინარეობს. ... ...
  • 65 წლამდე კაცმა შეზღუდული შესაძლებლობების მქონე გოგო გააუპატიურა65 წლამდე კაცი შეზღუდული შესაძლებლობების მქონე გოგოს გაუპატიურებისთვის დააკავეს. შემთხვევა რამდენიმე თვის წინ ზუგდიდის მუნიციპალიტეტის ერთ-ერთ სოფელში მოხდა. შსს-ს ინფორმაციით, საქმე აღძრულია სისხლის სამართლის კოდექსის 137-ე მუხლით. უწყების ცნობით, დაკავებულია 1955 წელს დაბადებული პირი დააკავეს. გავრცელებული ინფორმაციით, ბრალდებულის დაკავების შემდეგ, სოფელში დაზარალებულისა და დაკავებულის ახლობლებს შორის დაპირისპირება მოხდა, რა დროსაც პოლიციამ პრევენციული ღონისძიებები გაატარა და ადმინისტრაციული წესით სამი ადამიანი ... ...

არქივი

ზაფრანი

მეცნიერები ვარაუდობენ, რომ კიბო, შესაძლოა, გადამდები იყოს

ვებგვერდ wize.life-ზე გამოქვეყნებული ინფორმაციის მიხედვით...

მიწაზე მიყინული კნუტები კაცმა ყავით გადაარჩინა

BBC-ის ინფორმაციით, მიწაზე მიყინული კნუტები...

სასარგებლო რჩევები ცნობილი ქალებისგან

ანჯელინა ჯოლი ზოგჯერ, როცა თავის...

ბიონსეს სილამაზის საიდუმლო

მართალია მომღერალი ვეგეტარიანელი არაა, მაგრამ...

ცნობილი ვარსკვლავების ყოველდღიური დილის რეჟიმი

ჯენიფერ ენისტონი ჯენიფერ ენისტონის დილა...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...