რა სიხშირით უნდა ხვდებოდეს დეპუტატი ამომრჩეველს

მთავარი თემა

რა სიხშირით უნდა ხვდებოდეს დეპუტატი ამომრჩეველს

2015 სექ 21 15:52:21

ოზურგეთის მუნიციპალიტეტის სოფელ ნაგომარში მცხოვრები შაქრო ახალაძე ჩვენთან საუბრისას ამბობს, რომ საქართველოს პარლამენტის დეპუტატები უფრო მეტად უნდა ხვდებოდნენ ამომრჩეველს.

 _ ჩვენს დეპუტატთან, ზვიად კვაჭანტირაძესთან შეხვედრაზე არ ვყოფილვარ. ვფიქრობ, რომ სოფელში უნდა ჩამოვიდეს და დაინტერესდეს ხალხის ცხოვრებით. ჩვენთან, სოფელში, არც გაზია, არც _ წყალი... ბევრი პრობლემაა. გაგვაცნოს, რა გააკეთა ამ სამი წლის განმავლობაში, მხოლოდ ტელევიზორში ხომ არ უნდა ვხედავდეთ დეპუტატს?! _ გვითხრა შაქრო ახალაძემ. 

ავთანდილ ცეცხლაძე, სოფელ ლიხაურის მკვიდრი: _ ახლა თქვენ ხართ დეპუტატი თუ რა? ნამდვილად არ მინახავს ჩვენი დეპუტატი. კანონის ფარგლებში კი უნდა ხვდებოდეს ხალხს, მაგრამ არ გამიგია, ხვდება თუ არა ის მის ამომრჩეველს. 

ოზურგეთელი ელიკო ტრაპაიძე "გურია ნიუსთან" საუბარში ამბობს, რომ თუ დეპუტატი შეხვდება ამომრჩეველს, მისი პრობლემის გადაჭრა უნდა შეეძლოს:

 _ ყველაფრის იმედი დაკარგული მაქვს. თუ კი შეხვდება მოსახლეობას, მაშინ ჩვენი პრობლემებიც უნდა მოაგვაროს, მარტო შეხვედრას რა აზრი აქვს?! ხალხის გულისტკივილს უნდა იზიარებდეს, _ თქვა ტრაპაიძემ. 

ნუნუ ნიკოლაიშვილის თქმით, იგი დეპუტატს მხოლოდ მედიიდან იცნობს: "გაზეთებიდან ვიცი, რომ, როდესაც ჩამოდის, ხვდება მოსახლეობას. ასევე, ხშირად ესწრება სხვადასხვა სახის ღონისძიებას. მე, პირადად, მასთან შეხვედრაზე არ ვყოფილვარ."

ნუნუ სანიკიძე ამბობს, რომ დეპუტატის შესახებ მისი ახლობლებისგან და მეზობლებისგან იცის.

"არასდროს შევხვედრივარ. ამბობენ, რომ კარგი პიროვნებაა, მაგრამ მე არ მინახავს. არასდროს არ მქონია იმის საჭიროება, მასთან მივსულიყავი და დახმარება მეთხოვა".

კითხვით, რამდენად ხშირად უნდა ხვდებოდეს მაჟორიტარი დეპუტატი ამომრჩეველს, "საერთაშორისო გამჭირვალობა _ საქართველოს" სამოქალაქო ჩართულობის კოორდინატორს, გიორგი თოფურიძეს მივმართეთ.

"პარლამენტის რეგლამენტით გათვალისწინებულია, რომ პლენარული სხდომების მომდევნო კვირის სამშაბათი, ოთხშაბათი და ხუთშაბათი განკუთვნილია პარლამენტის წევრების ამომრჩეველთან შეხვედრებისთვის", _ გვითხრა გიორგი თოფურიძემ. 

"საერთაშორისო გამჭვირვალობა _ საქართველომ", პარლამენტის წევრების ბიუროებიდან მოწერილ პასუხებზე დაყრდნობით, მოამზადა სტატისტიკური მონაცემები მაჟორიტარებისადმი მიმართვიანობის შესახებ.

როგორც ამ ორგანიზაციის 2012-2013 წლების ანგარიშში იყო აღნიშნული, "ამჯერადაც ზეპირი მიმართვიანობა აჭარბებს წერილობითს. კონკრეტულად, ყველაზე მეტი წერილობითი მიმართვა ჰქონდათ შემდეგ მაჟორიტართა ბიუროებს: იოსებ ჯაჭვლიანი _ 878; ზურაბ აბაშიძე _ 552; ეკა ბესელია _ 449; გურამ მისაბიშვილი _ 317; შალვა შავგულიძე _ 314. რაც შეეხება ზეპირი მიმართვიანობის მაჩვენებლებს, აქ ასეთი თანმიმდევრობა შეინიშნება: სოსო ჯაჭვლიანი _ 4 500-ზე მეტი; ზურაბ აბაშიძე _ 2500; ზვიად კვაჭანტირაძე _ 1 200; მურმან დუმბაძე _ 1 012; ვალერი გელაშვილი _ 1 000-მდე. ყველაზე მეტი ზეპირი მიმართვა გამოიკვეთა იოსებ ჯაჭვლიანის ბიუროში, მას მოსდევს ზურაბ აბაშიძის ბიურო. სოსო ჯაჭვლიანის ბიუროს წინა წლის მაჩვენებელიც, ზეპირი მიმართვიანობის კუთხით, საკმაოდ მაღალი იყო და 5 000-ს აჭარბებდა. რაც შეეხება წერილობითი ფორმით მიმართვას, ამ მხრივ, ყველაზე მეტი წერილობითი განცხადება მიიღო სოსო ჯაჭვლიანის ბიურომ (878 განცხადება). ბიუროს პასუხების ნაწილში ნაჩვენებია ერთიანი, როგორც წერილობითი, ისე ზეპირი მიმართვიანობა. ყველაზე მეტი მიმართვა (როგორც ზეპირი, ისე წერილობითი ფორმით) ჰქონდათ შემდეგ მაჟორიტართა ბიუროებს: სოსო ჯაჭვლიანი _ 5 378; ზურაბ აბაშიძე _ 3 052; ზვიად კვაჭანტირაძე _ 1 364; შოთა ხაბარელი _ 1 343; ეკა ბესელია _ 1 249.

მაჟორიტარ პარლამენტის წევრთა ბიუროების ეფექტიანი საქმიანობისთვის მნიშვნელოვანია მოსახლეობის პრობლემების იდენტიფიცირება და ანალიზი. ამ მიზნით, შესაძლებელია, ჩატარდეს მოსახლეობის (მისი გარკვეული ჯგუფის) გამოკითხვა, ასევე, მოქალაქეთა განცხადებების, საჯარო შეხვედრების შედეგების შესწავლა და არსებული პრობლემების მარკირება. მოსახლეობის პრობლემებზე ინფორმაციის ფლობა აუცილებელი კომპონენტია მაჟორიტარი პარლამენტის წევრის მიერ უფლებამოსილების შედეგიანად გასახორციელებლად. მაჟორიტარი დეპუტატების ბიუროებიდან წარმოდგენილი 51 ინფორმაციიდან 14-ში არ ჩანდა, რომ ადგილი ჰქონდა რაიმე სახის კვლევას ან მოსახლეობის გამოკითხვას. წარმოდგენილ 14 პასუხში პრობლემის კვლევასთან დაკავშირებით, არაფერია მითითებული (კვლევა ან საერთოდ არ ჩატარებულა, ანდა პასუხები არ დაფიქსირდა). ჩვენი მოთხოვნის საფუძველზე მიღებული პასუხებიდან შემდეგი პრობლემები გამოიკვეთა: უმუშევრობა; კომუნალური და ინფრასტრუქტურული საკითხები (წყალი, გაზი, ელექტროენერგია, გზები); სტიქიური მოვლენების შედეგად მიყენებული ზიანი და ავარიული სახლები; საკუთრების დაკანონებასთან დაკავშირებული პრობლემები; სამედიცინო საჭიროებები; დევნილთა განსახლება; სამსახურიდან უკანონოდ გათავისუფლება; შშმ პირებისთვის ხელშეწყობის გაუმჯობესების მოთხოვნა".

საქართველოს პარლამენტის წევრის, ოზურგეთის მაჟორიტარი დეპუტატის ზვიად კვაჭანტირაძის ბიუროს პრესსამსახურის წარმომადგენლის ნინო კუკულაძის თქმით, საანგარიშო პერიოდში (2014 წლის სექტემბრიდან 2015 წლის სექტემბრამდე)  შემოსული წერილების უმეტესობა სოციალური ხასიათისაა. 

_ მოქალაქეები მოგვმართავენ შეწყვეტილი სოციალური დახმარების აღდგენის, მკურნალობის დაფინანსების, გზის რეაბილიტაციის, წყლის სისტემის აღდგენის, ბუნებრივი აირის შეყვანის და ა. შ. მოთხოვნებით. დეპუტატის შუამდგომლობები იგზავნება, როგორც ადგილობრივ თვითმმართველობის ორგანოებში, ასევე, სხვადასხვა სამინისტროში. ზვიად კვაჭანტირაძის შუამდგომლობების უმეტესობა კმაყოფილდება. საანგარიშო პერიოდში დეპუტატის ბიუროში შემოსულია 165 განცხადება, აქედან დაკმაყოფილებულია 131 განცხადება. დაკმაყოფილებული განცხადებების უმეტესობა ჯანმრთელობის (ოპერაცია, მედიკამენტები) დაფინანსებას ეხება. საქართველოს შრომის, ჯანმრთელობისა და სოციალური დაცვის სამინისტროსთან დეპუტატის შუამდგომლობის საფუძველზე ერთ მოქალაქეს გაეწია რეაბილიტაციის კურსის ჩასატარებლად 4000 ლარის ოდენობის  დახმარება.

ოზურგეთის მაჟორიტარი დეპუტატის ბიუროს მიერ 1 200 მოქალაქეს გაეწია ზეპირი კონსულტაცია,  _ გვითხრა ნინო კუკულაძემ. 

"გურია ნიუსმა" საქართველოს პარლამენტის დეპუტატს ზვიად კვაჭანტირაძეს რამდენიმე კითხვით მიმართა.

_  ბატონო ზვიად, თქვენი აზრით, რამდენად ხშირად უნდა ხვდებოდეს საქართველოს პარლამენტის დეპუტატი საკუთარ ამომრჩეველს?

_ შეძლებისდაგვარად, რაც ხშირად, მით უკეთესია.

_  ჩვენ მიერ გამოკითხულთა უმეტესობა ამბობს, რომ დეპუტატი ხშირად უნდა ხვდებოდეს სოფელში ამომრჩეველს და ინტერესდებოდეს მათი პრობლემებით.

_ თქვენი რესპონდენტების აზრს ვეთანხმები.

_ ბატონო ზვიად, თქვენ ხშირად არ ხვდებით ამომრჩეველს. რა არის ამის მიზეზი? 

_ ორგანიზებულ მიღებას ბოლო ორი-სამი თვეა, ვერ ვახეხებ. ამის უმთავრესი მიზეზი  საზღვარგარეთ მივლინებებია. როგორც იცით, ვხელმძღვანელობ ევროკავშირ-საქართველოს საპარლამენტო ასოცირების კომიტეტს და ამავე დროს, ვარ საგარეო საქმეთა კომიტეტის თავმჯდომარის პირველი მოადგილე. სამუშაოს ძალიან დიდი დრო მიაქვს, თუმცა, არასწორია იმის თქმა, რომ ამომრჩევლებს ხშირად არ  ვხვდები. მე მუდმივი და უშუალო კონტაქტი მაქვს ამომრჩევლებთან. ამ კონტაქტს ჩემი ბიურო უზრუნველყოფს. ხაზგასმით ვამბობ _ არც ერთი მომართვა არ რჩება რეაგირების გარეშე. მაქსიმალურად ვცდილობთ, რეაგირება იყოს პროდუქტიული და ამომრჩევლებს დავეხმაროთ ყველა გზით, რაც ჩვენს ძალას არ აღემატება.

_ ბოლოს როდის შეხვდით ამომრჩეველს და რა საკითხებზე გქონდათ საუბარი?

_ ბოლოს ამომრჩევლების ჯგუფს შევხვდი 15 სექტემბერს. მანამდე კი ოზურგეთის გამგებლის, მერაბ ჭანუყვაძის ერთწლიანი მუშაობის ანგარიშგების დღეს. ამ შეხვედრებზე სხვადასხვა ყოფით პრობლემებზე იყო საუბარი და ზოგიერთი კონკრეტული საკითხის გადაწყვეტის გზებს ვეძებთ. 

წლის ბოლოსთვის ვაპირებ ფართო შეხვედრის ორგანიზებას ოზურგეთელებთან, სადაც არა მხოლოდ დღემდე გაწეულ საქმიანობაზე, არამედ ქვეყნის წინაშე მდგარ სხვადასხვა საჭირბოროტო  საკითხებზე გვექნება საუბარი, _ თქვა ზვიად კვაჭანტირაძემ.




 ახალი ამბები
  • საირმის საკარანტინო ზონა მოქალაქეთა მორიგმა ჯგუფმა დატოვაიმერეთში, საირმის საკარანტინო ზონა დღეს მოქალაქეთა მორიგმა ჯგუფმა დატოვა. სასტუმროს დატოვებამდე მათ სამედიცინო შემოწმება გაიარეს. მათი წასვლის შემდეგ საკარანტინო ზონის ტერიტორიაზე, ჯანდაცვის სამინისტროს რეკომენდაციების შესაბამისად,  სრულფასოვანი სადეზინფექციო სამუშაოები ჩატარდა. საკარანტინო ზონები როგორც იმერეთში, ასევე საქართველოს სხვა მხარეებში ტურიზმის ეროვნული ადმინისტრაციის ორგანიზებითაა მოწყობილი. საკარანტინო სივრცეებში  არსებული განთავსების პირობები სრულ შესაბამისობაშია საერთაშორისო ჯანდაცვის ორგანიზაციისა და ეროვნული კანონმდებლობით გათვალისწინებულ ნორმებთან საკარანტინო სივრცეების მოწყობის შესახებ. ... ...
  • რომელი საწარმოები და ობიექტები გააგრძელებენ მუშაობას კარანტინის დროსრომელი საწარმოები და ობიექტები გააგრძელებენ მუშაობას ჩვეულ რეჟიმში - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა ტელეკომპანია „იმედის“ გადაცემა „ქრონიკაში“ ისაუბრა. „აუცილებლად იმუშავებენ სააფთიაქო ქსელები და სურსათის მაღაზიები. რა თქმა უნდა სრული ხელმისაწვდომობა ექნება ჩვენს მოსახლეობას სამედიცინო მომსახურებაზე. იმუშავებენ მობილური კავშირგაბმულობის კომპანიები, ტელევიზიები, ბენზინგასამართი სადგურები ასევე საფოსტო მომსახურება იქნება ხელმისაწვდომი. ყველა ის მუნიციპალური სერვისი, როგორიც არის წყალი, დენი, გაზი. იმუშავებს სურსათის მომარაგების მთელი ჯაჭვი, რომელიც საჭიროა მაგალითად პურის საცხობები და თონეები“ - განაცხადა ცქიტიშვილმა. მინისტრის თქმით მზა კვების ობიექტები დისტანციური მიწოდების რეჟიმით იმუშავებენ, ასევე ფუნქციონირებას გააგრძელებენ მიტანის სერვისებიც. „ყველაფერი ის, რაც გარდაუვალი და აუცილებელია ჩვენი ფუნქციონირებისთვის, მასთან დაკავშირებული საქმიანობა, როგორიც არის თუნდაც სადისტრიბუციო მანქანების მოძრაობა, რომელიც არის საჭირო სასურსათო მაღაზიების უზრუნველყოფისთვის, ესეც ბუნებრივია იმუშავებს. გარდა ამისა, როდესაც უკვე ვსაუბრობთ ეკონომიკის სხვა მიმართულებებზე, სადაც შესაძლოა კითხვის ნიშნები არსებობდეს, ეს თუ ის საწარმო რამდენად სტრატეგიული მნიშვნელობისაა. ამ შემთხვევაში ასევე ჩვენ, მაგალითისთვის თუნდაც ბოლნისის და მარნეულის მუნიციპალიტეტებში, სადაც უფრო მკაცრი საკარანტინო პირობები იქნა შემოღებული, იქაც კი სოფლის მეურნეობის და ეკონიმიკის სამინისტროს მიერ იყო განსაზღვრული ის ობიექტები, მაგალითად კონცერნი „მარნეული“ რომელიც საკონსერვო პროდუქციას აწარმოებს დ აგრძელებს მუშაობას“ - განაცხადა ცქიტიშვილმა. ... ...
  • ხობის მუნიციპალიტეტში მცხოვრები 1000 ოჯახი საკვები პროდუქტების პაკეტს მიიღებს ხობის მუნიციპალიტეტში მცხოვრები სოციალურად დაუცველი 1000 ოჯახი საკვები პროდუქტების პაკეტს მიიღებს,- ამის შესახებ ინფორმაციას ხობის მუნიციპალიტეტის მერია ავრცელებს. მათივე ინფორმაციით, სამომხმარებლო პროდუქტების შესაძენად ადგილობრივ ბიუჯეტიდან 50 000 ლარამდე დაიხარჯება. ხობის მუნიციპალიტეტის მერის წარმომადგენლები სოციალურად დაუცველ ოჯახებს პროდუქტებს სახლში ... ...
  • დედაქალაქში დამატებითი შეზღუდვები წესდებაქვეყანაში შექმნილი ვითარებიდან გამომდინარე, დედაქალაქში დამატებითი შეზღუდვები წესდება. საგანგებო მდგომარეობის გამკაცრების გადაწყვეტილება კორონავირუსის გავრცელების საპრევენციო ღონისძიებების ფარგლებში, უწყებათაშორისმა საკოორდინაციო საბჭომ მიიღო. როგორც დედაქალაქის მერიის მიერ გავრცელებული ინფორმაციით, 31 მარტიდან ნებისმიერი ტიპის საზოგადოებრივი ტრანსპორტით, მათ შორის, თბილისის „მეტროპოლიტენით“ გადაადგილება იკრძალება. აკრძალვა, როგორც თბილისის მუნიციპალიტეტის, ასევე, ქვეყნის დანარჩენ ტერიტორიაზე იმოქმედებს. „აღნიშნულ პერიოდში, დედაქალაქის მასშტაბით გადაადგილება დასაშვები იქნება მხოლოდ მსუბუქი ავტომობილით, მათ შორის ტაქსით, იმ შემთხვევაში, თუ ჯანდაცვის სამინისტროს რეკომენდაციები სრულად იქნება გათვალისწინებული - ავტომანქანაში, მძღოლის ჩათვლით, უნდა მოთავსდეს მხოლოდ სამი ადამიანი. მათგან ორი ადამიანი, უნდა მოთავსდეს ავტომანქანის უკანა სავარძელზე, გარკვეული დისტანციის დაცვით. კიდევ ერთხელ შევახსენებთ ჩვენს მოქალაქეებს, განსაკუთრებით კი ტაქსის მძღოლებს, რომ მგზავრის გადაყვანის დროს, ავტომანქანის ფანჯრები დახურულ მდგომარეობაში არ უნდა ჰქონდეთ. წინააღმდეგ შემთხვევაში, შესაბამისი ორგანოები კანონის ფარგლებში იმოქმედებენ“,_ ნათქვამია დედაქალაქის მერიის მიერ გავრცელებულ ... ...
  • რა მნიშვნელოვანი შეზღუდვები წესდება ქვეყანაშისაქართველოში ხვალიდან საყოველთაო კარანტინი და ე.წ. კომენდატის საათი ამოქმედდება. ამის შესახებ განცხადება პრემიერ-მინისტრმა ცოტა ხნის წინ გააკეთა. რას ითვალისწინებს აღნიშნული მდგომარეობა ქვეყანაში, რა მნიშვნელოვანი შეზღუდვები უნდა გაითვალისწინოს მოსახლეობამ_ ამ საკითხზე „გურია ნიუსი“  ილიას სახელმწიფო უნივერსიტეტის სამართლის სკოლის ასოცირებულ პროფესორს, კონსტიტუციონალისტ კოტე ჩოკორაიას ესაუბრა. „პრემიერ-მინისტრის განცხადებას ვუსმინე, რაც გულისხმობს პირველ რიგში შეზღუდვებს გადაადგილებასთან დაკავშირებით, ანუ მნიშვნელოვანი შეზღუდვებია. იკრძალება ყველა ტიპის სატრანსპორტო გადაადგილება ქალაქებს შორის, გარდა ავტომობილისა, მათ შორის თბილისში მეტროთი და ავტობუსით მგზავრობა. გადაადგილება მხოლოდ ავტომობილით არის შესაძლებელი და იქაც თავისი წესებია. 3 ადამიანზე მეტი არ შეიძლება, რომ იყოს ავტომობილში. მნიშვნელოვანი შეზღუდვა, რაც აქამდე არ იყო 3-ზე მეტი ადამიანის შეკრების შეზღუდვაა და ასევე მნიშვნელოვანი შეზღუდვა ეხება  70 წელზე მეტი ასაკის მქონე ადამიანებს, რომელთაც პრინციპში ეკრძალებათ გამოსვლა და მეოთხე, ესაა ე.წ. კომენდატის საათი. ეს არის უბრალოდ გადაადგილების შეზღუდვა, საკარანტინო შეზღუდვის კომპონენტი, როდესაც ადამიანებს ეკრძალებათ საღამოს 9-დან დილის 6-ამდე გამოსვლა. იმისთვის, რომ უფრო მარტივი აღსაქმელი ყოფილიყო ამიტომ თქვეს ე.წ. კომენდატის საათი. კომენდატის საათი ცოტა სხვა რაღაცებს მოიცავს თავის თავში, თუმცა, შინაარსით ამას ჰგავს. ე.წ. კომენდატის საათი, ნიშნავს იმასაც, რომ ადამიანებმა მგზავრობა ისე უნდა დაგეგმონ, რომ გადაადგილება არ გახორციელდეს 9 საათის მერე“,_ გვითხრა ჩოკორაიამ. საქართველოში საგანგებო მდგომარეობის რეჟიმის კიდევ უფრო მკაცრი სახით ამოქმედება კორონავირუსთან ბრძოლას ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...