სოფელ ბახვის პრობლემები

მთავარი თემა

სოფელ ბახვის პრობლემები

2015 ოქტ 26 17:19:53

ოზურგეთის მუნიციპალიტეტის სოფელი ბახვი, ოზურგეთიდან 12 კილომეტრით არის დაშორებული. სოფელ ბახვის ტერიტორიულ ერთეულში სამი სოფელი _ ქვედა ბახვი, ბახვი და მშვიდობაური შედის. მოსახლეობა ბახვის ცენტრამდე მისასვლელ გზას არ უჩივის, თუმცა, მათი თქმით, სოფელში, ე.წ. "თავკობულის" უბანში გაზი ჯერ არ არის, ასევე ცუდ მდგომარეობაშია გზა და რაც ყველაზე მთავარია, ამ უბანს წყალი დღის განმავლობაში მხოლოდ ერთი საათით მიეწოდება.

ოზურგეთის მუნიციპალიტეტის სოფელ ბახვში უწყლობის პრობლემა წლების განმავლობაში დგას. როგორც ადგილობრივები ამბობენ, ყოველ წელს აკეთებენ წყალგაყვანილობის სისტემას, თუმცა, სამუშაოები უხარისხოდ ტარდება და პრობლემა მუდამ გადაუჭრელია.

რუსუდან საღინაძე: "პრობლემების მეტი რა გვაქვს. გაზი ამდენი ხანია არ გამოგვიყვანეს, შეშა ჩვენ არ გვაქვს, აქ ტყე არ არის ახლოს, რა უნდა ვქნათ ამ ზამთარში, არ ვიცით. წყალი დილით მოვა ადრე და 9 საათამდე უნდა მოვასწროთ ჭურჭლების ავსება, თორემ მერე წყდება.

სახლში მცირეწლოვანი ბავშვები მყავს, სამუშაო არსად  არის, ოჯახის წევრები არ მუშაობენ. მხოლოდ ჩემი პენსიის იმედზე ვართ, შემოსავალი მხოლოდ თხილის გაყიდვისგან გვაქვს. ჩაის ფაბრიკა მთლად განადგურებულია, თორემ ქალებს კი გვქონდა სამუშაო, ლუკმა-პურს მაინც ვშოულობდით. გაზის შემოყვანა დაწყებულია, იძახიან _ დღეს იქნება, ხვალ იქნებაო, ახლა ისიც გვითხრეს, რომ ბახვის მოსახლეობამ 400 ლარის ნაცვლად გაზის სახლში შეყვანისთვის  700 ლარი უნდა გადაიხადოსო. საიდან მოვიტანოთ 700 ლარი?" _ ამბობს რუსუდან საღინაძე და მოსახლეობაში ძველი და ახალი ხელისუფლების მხრიდან შიშის სინდრომზეც საუბრობს:  "მეუღლე გარდაცვლილი მყავს, 20 წლის შვილი წინა ხელისუფლების დროს სამხედრო სამსახურში იყო და იქედან ჩამომისვენეს, შინაგან ჯარში მსახურობდა და მომიკლეს. ვერ გამოვიძიე საქმე, ვინ მოკლა, არავის ყურადღება არ მოუქცევია მაშინ. ცუდს ან საწინააღმდეგოს იტყვი და გადაგეკიდებიან. პატარები მყავს, მეშინია. რომ ვამბობდი, ჩემი შვილის მკვლელი მომინახეთ,-მეთქი, მითხრეს, თუ არ გაჩერდები, მეორესაც მოგიკლავენო. ამნაირი მთავრობა გვყავდა ადრე. ახლაც მეშინია, სანდო არავინ არაა. დღეს, მგონი, უარესი მდგომარეობაა. უნდა გეშინოდეს რამის თქმა, მეზობელი მეზობელს ვერ დაელაპარაკება, ერთი სააკაშვილისკენაა, მეორე _ ივანიშვილისკენ. იჩხუბო უნდა ან გაჩერდე პირში წყალი ჩაიგუბო".

ლიანა ნიკოლაიშვილი: "ჩვენი უდიდესი პრობლემა გაზის შემოყვანაა. დაიწყეს კიდეც, მაგრამ ახლა გვეუბნებიან, რომ 700 ლარი უნდა გადაიხადოთო. იძულებულები ვართ, გადავიხადოთ, სხვა გამოსავალი არ გვაქვს. ამ გაჭირვებულ ხალხს რა პასუხს გასცემენ ამ არჩევნებზე, არ ვიცი"

ნანი წულაძე: "გზა აქ არ არის, არც გაზია, თავს პენსიით ვირჩენთ. თხილი გვაქვს და ის არის ჩვენი შემოსავალი. წყალი არაა _ ესაა ყველაზე უარესი და უდიდესი პრობლემა"

ჟუჟუნა ანდღულაძე: "კალაძე ამბობდა ტელევიზიით, გაზი ყველას ოჯახში შევაო. ჯერ თქვეს, 400 ლარი  ეღირებაო და ახლა 700 ლარს გვთხოვენ. რას ნიშნავს ეს? საერთოდ თუ იქნება წყალი ისე, როგორც ადრე? ისე, ყველაფერი კი "აგვისრულა" "ოცნებამ" რაც დაგვიპირდა და კი მიიღებს ამ საარჩევნოდ ჩვენს პატივისცემას. მეოთხე წელიწადს ჯიბეებით იგრძნობთ უკვე წინსვლასო და კი ვიგრძენით _ დაგვიცარიელდა ჯიბეები, ელემენტარულად იმის როგორ არ რცხვენიათ, პენსია 10 ლარით რომ მოგვიმატეს? "

გია შუბლაძე: "წყალი ხანდახან გვაქვს, გაზი არაა, გზა არაა, სამუშაო არაა. არანაირი უკეთესობა არ ჩანს!"

 "გურია ნიუსი" სოფელ ბახვში ჩაის ფაბრიკის ბინებში მცხოვრებლების საყოფაცხოვრებო პირობებითაც დაინტერესდა _ მათი უმეტესობა სოციალურად დაუცველ ფენას მიეკუთვნება

აშოტ სატვალდიევი: "24 წლის ვხდები, ვარ უმუშევარი. მყავს მეუღლე და მცირეწლოვანი შვილები, ასევე მცირეწლოვანი დედმამიშვილები, რომლებსაც ჩემი იმედი აქვთ. სოციალური დახმარება გვქონდა და რამდენიმე თვე იმის გამო შეგვიჩერეს, რომ თურქეთში გადავედი სამუშაოდ, აბა, აქ რით ვარჩინო ოჯახი? როგორ ვუპატრონო  სამ არასრულწლოვანს? ელემენტარულად, იმის საშუალება არ მაქვს, რომ ბავშვებს სკოლაში 50 თეთრი გავატანო, რომ შესვენებაზე რამე ჭამონ. ნახევრად მშივრები არიან. მე თუ სადმე ფიზიკურ სამუშაოს ვნახავ, ვმუშაობ ქირაზე. რამდენიმე წლის წინ ფერადი ლითონის ქურდობაზე დამიჭირეს. სახლში მშივრები რომ ვიყავით, მოვიპარე და  საჭმელი ვიყიდე. აღარ მინდა ასეთი ცხოვრება,  გამოსავალი კი არ გვაქვს,

დედა მყავს, მამა უგზო-უკვლოდ დაკარგულია აგვისტოს ომის მერე და ვერსად მის გზა-კვალს ვერ მივაგენით".

ანზორ პაქსაძე: "ცხრა სული ვცხოვრობთ სახლში. გვაწუხებს უფულობა, შიმშილი. ჩვენი ყველაზე მეტი პრობლემა უმუშევრობაა. თავს პენსიით ვირჩენთ. საჭმელს მაშინ ვჭამთ, თუ სადმე ფიზიკურად ვიმუშავებთ. არჩევნების პერიოდში სტიქიამ სახლს სახურავი მოაძრო.  დაგვპირდნენ, რომ გადახურავდნენ, თუმცა, იმის მერე დიდი დრო გავიდა. აუცილებლად არჩევნები უნდა იყოს, რამეს რომ შეგვპირდნენ მაინც? ყურადღებას არავინ გვაქცევს, ამ სოფელს თუ ჰყავს საერთოდ პატრონი?"

ლამარა რატჩენკო: "ჩვენ თუ არ გვეკუთვნის სახლის გადახურვა, აბა ვის უნდა დაეხმარონ? ჭერიც ამ ზამთარს ვერ გაუძლებს. ტრაგედია რომ მოხდეს, მაშინ ხომ  შეწუხდებიან?! ჩვილი ბავშვები ცხოვრობენ ამ სახლში. ამას წინათ რომ ძლიერად წვიმდა, ჩამოვარდა ერთი ხე ჭერიდან და ძლივს გადავრჩით. ნახეთ, თუ შეიძლება აქ ცხოვრება? საფრთხე ემუქრებათ ბავშვებს", _ ამბობდნენ ჩაის ფაბრიკის ბინებში მცხოვრებლები.

"გურია ნიუსი" ოზურგეთის მუნიციპალიტეტის გამგებლის წარმომადგენელს სოფელ ბახვში გოჩა შარაშენიძეს დაუკავშირდა, რომელმაც მოსახლეობის მიერ ჩვენთან საუბრისას გაჟღერებული ყველა ინფორმაცია დაადასტურა და სოფელში არსებული პრობლემების შესახებ ისაუბრა: "გაზის შემოყვანასთან დაკავშირებით ვესაუბრე კომპანიის წარმომადგენლებს, რომლებმაც მითხრეს, რომ არის გაურკვევლობა, მაგრამ 400 ლარზე მეტი არ დაჯდება გაზის შეყვანა მოსახლეობაში.  ჯერ ოფიციალურად არ არის გადაწყვეტილი, ზუსტად რამდენი დაჯდება. ვუთხარი, მოსახლეობამ ზედმეტი რატომ უნდა გადაიხადოს,-მეთქი, და მიპასუხეს, რომ ფასები ჯერ  ჩამოსაყალიბებელია, _ ამბობს შარაშენიძე და წყლის პრობლემასთან დაკავშირებით კომენტარს აკეთებს: "წყალთან დაკავშირებით მართლაც პრობლემებია. მოსახლეობას მაქსიმალურად მიეწოდება იმ რაოდენობის წყალი, რისი შესაძლებლობაც არის. 600-ტონიანი რეზერვუარი ივსება, რომელიც მთელ სოფელს მიეწოდება მანამ, სანამ  არ დაიცლება, მაგრამ მილებია გახეთქილი, _გვითხრა სოფლის რწმუნებულმა.

შიდა გზების შესახებ შარაშენიძე ამბობს, რომ მოსახლეობამ ცოტა თავი თუ არ შეიწუხა, ისე არაფერი გამოვა:

_ გზები კი ცუდ დღეშია ნამდვილად, მაგრამ მოსახლეობამ ცოტა უნდა შეწუხდეს და რამე გააკეთოს. ამ წყალდიდობამ მაინც სულ ჩამორეცხა ეს გზები, მალე დაიწყება მოხრეშვა. ჩემ მიმართ უკმაყოფილებას თქვენთან გამოთქვამენ _ ერთად წავიდეთ და ვნახოთ, რომელიმე ჩემზე ცუდს თუ გეტყვით, გავცემ პასუხს.

_ ბატონო გოჩა, ჩაის ფაბრიკის ბინების მაცხოვრებლები ამბობენ, რომ მათი სახლი მძიმე მდგომარეობაში და სასწრაფოდ გადახურვას საჭიროებს.

_ ჩაის ფაბრიკის ბინები არ არის მუნიციპალიტეტის ქონება _ თავად ფაბრიკას ეკუთვნის. მაქსიმალურად ვცდილობთ, დავეხმაროთ. გვყავდა კიდეც კომისია ამოყვანილი, მაგრამ ქონება რადგან ჩვენი არ არის, ამიტომ ამის უფლება არ გვაქვს. ჩვენია მხოლოდ მიწა, თორემ აქამდე იქნებოდა გადახურული, _ გვითხრა სოფლის რწმუნებულმა.




 ახალი ამბები
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს. მათ ჯილდოები ზურაბ ნასარაიამ და კოტე შარაშენიძემ გადასცეს. ოზურგეთის მუნიციპალიეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...
  • ოზურგეთში, ღია დიალოგის რეჟიმში, მოსახლეობასთან შეხვედრა გაიმართა (R)ღია დიალოგის რეჟიმში, ოზურგეთში მოსახლეობასთან შეხვედრა გაიმართა. გარემოს დაცვისა და სოფლის მეურნეობის მინისტრის მოადგილე იური ნოზაძე და გურიის მხარის რწმუნებული ზურაბ ნასარაია სოფელ ჯუმათის, ზვანის უბნისა და გრიბოედოვის ქუჩის მაცხოვრებლებს შეხვდნენ. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს. ადგილობრივებს ინფორმაცია დაგეგმილ ინფრასტრუქტურულ პროექტებზე, მუნიციპალურ და სოფლის მეურნეობის პროგრამებზე მიაწოდეს. მოსახლეობისთვის პრიორიტეტული სკვერის, წყალმომარაგების, კანალიზაციის სისტემის მოწყობის და შიდა საუბნო გზების მოწესრიგების საკითხია. აღინიშნა, რომ რამდენიმე საკითხი ეტაპობრივად მოგვარდება, დამუშავდება და სამოქმედო გეგმაში აისახება. შეხვედრებს ოზურგეთის მერი კონსტანტინე შარაშენიძე, საკრებულოს თავმჯდომარის მოადგილე გიორგი ღურჯუმელიძე და მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები ესწრებოდნენ. ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...