"მე ვნახე ჩემი თვალებით _ ეს იყო კატასტროფა" _ რატომ შეჩერდა ტაძრის მშენებლობა ზენობანში


მთავარი თემა

"მე ვნახე ჩემი თვალებით _ ეს იყო კატასტროფა" _ რატომ შეჩერდა ტაძრის მშენებლობა ზენობანში

4 ნოე. 2015, 21:54:57

ზენობანი სოფელია ჩოხატაურის მუნიციპალიტეტში, ხიდისთავის თემში. მდებარეობს მდინარე გუბაზეულის ხეობაში, ზღვის დონიდან 250 მეტრზე.

ამ სოფელში წმიდა გიორგის სახელობის ტაძარი, როგორც ვარაუდობენ, 1888 წელს აიგო და 1915 წლამდე ფუნქციონირებდა. საისტორიო წყაროების მიხედვით, ტაძარში მღვდელი ნესტორ კალანდაძე მსახურობდა.

ამ დრომდე სოფელში ტაძრის ნანგრევები იყო შემორჩენილი, თუმცა, მიმდინარე წელს, იქვე ახლოს მცხოვრებ მოსახლეობას მისი აღდგენის სურვილი გაუჩნდა და სამუშაოებიც დაიწყეს.

როგორც ჩოხატაურის მხარეთმცოდნეობის მუზეუმის დირექტორი ნათია კალანდაძე ამბობს, პროექტი საპატრიარქოსთან შეთანხმდა და მშენებლობაც დაიწყო.

სამშენებლო სამუშაოები კი იმით შემოიფარგლა, რომ ნანგრევებს, სადაც, სავარაუდოდ, საკურთხეველი იყო, სამშენებლო ფილების კედელი შემოუშენეს, რაც კულტურული მემკვიდრეობის დაცვის სპეციალისტებისთვის აღშფოთების მიზეზი გახდა.

კულტურული მემკვიდრეობის დაცვის სააგენტოს გენერალური დირექტორი ნიკა ანთიძე „გურია ნიუსთან“ საუბრისას ამბობს, რომ ამ საკითხით გენერალური ინსპექცია დაინტერესდა:

_ ეს სამუშაოები გავაჩერეთ _ ეს იყო კატასტროფა, არანაირი ნებართვა გაცემული არ ყოფილა. მე ვნახე ჩემი თვალებით, იქ რაც ხდებოდა. უკვე ჩავიდა კიდეც გენერალური ინსპექცია და ახლა უკვე მიმდინარეობს მოკვლევა, საიდან და როგორ დაიწყო ეს თემები. მე ხევიდან ვარ წარმოშობით, ასეთი რამ ჩემს რაიონში ხდებოდა და ეს ჩემთვის ნამდვილად მიუღებელია, _ აღნიშნა „გურია ნიუსთან“ საუბრისას ანთიძემ.

პროექტის არქიტექტორი პაატა ნუცუბიძე ამბობს, რომ კულტურული მემკვიდრეობის სააგენტოს მცირე შენიშვნები ჰქონდა:

_ ეს პროექტი საპატრიარქოს საბჭომ დაამტკიცა და გადაიგზავნა კულტურული მემკვიდრეობის სააგენტოში. სააგენტომ ორი კვირის წინ განიხილა ეს პროექტი და გამოაგზავნა შენიშვნები, რაზეც პასუხი გავეცი. ამაში არაფერი არაა საგანგაშო და კრიმინალური. ერთი თვის წინ გასცა ნებართვა საპატრიარქომ და ყველა წესის და კანონის დაცვით გაიგზავნა სააგენტოში. როგორც უკვე გითხრით, მცირე შენიშვნებით დაბრუნდა, რაც არ ცვლის არქიტექტურას. ეს ყველაფერი დოკუმენტურად არის აღწერილი და ვიღაცას შეყავხართ შეცდომაში.

_ ეს „ვიღაცა“ კულტურული მემკვიდრეობის დაცვის სააგენტოს უფროსი ნიკა ანთიძეა, რომელიც ჩვენთან საუბრისას ამბობს, რომ ზენობანში მიმდინარე სამუშაოები კატასტროფა იყო...

_ ნიკა ანთიძე არ არის ვალდებული, 150 პროექტი ზეპირად იცოდეს.

_ ანთიძე ამბობს, რომ მშენებლობა პირადად მოინახულა..

_ მე მივალ ანთიძესთან და გავარკვევ _ არ არის ეს პრობლემა. თვეში 10-12 ეკლესიას ვაკეთებთ. მე თვითონ საპატრიარქოს საბჭოს წევრი ვარ.

_ ბატონო პაატა, სპეციალისტების გაღიზიანება გამოიწვია იმ ფაქტმა, რომ ნანგრევები, რომელიც, სავარაუდოდ, საკურთხეველი იყო, ფილების ქვეშ მოიქცა...

_ ეს არ არის საკურთხეველი. ეს არის არაპროფესიონალური მიდგომა. როგორც ჩანს, ეს არ იცის იმან, ვინც ამას ლაპარაკობს. რაც არის დარჩენილი, ეს არის დუტი, ნანგრევი, კედლის გული. მას ორივე მხრიდან ჰქონდა პერანგი, რომლითაც დღეს ეკლესია იმოსება.

ტექნოლოგიური საკითხები დადებითად გადაწყვიტა, როგორც საპატრიარქოს, ასევე კულტურული მემკვიდრეობის საბჭომ. მსგავსი არაფერი წერია სააგენტოს შენიშვნებში. 35 წელია, არქიტექტორი ვარ და ვინც ამას ამბობს, უნდა არკვევდეს დუტი რა არის, პერანგი რა არის და ქვით რატომ იმოსება საკურთხეველი, ესეც უნდა იცოდეს.

ერთადერთი შენიშვნა ის იყო, რომ კარის ნახაზები არ იყო დასრულებული. ამას ოფიციალური გზა მიცემული აქვს და არანაირ უკანონობას არ აქვს ადგილი, _ ამბობს ნუცუბიძე „გურია ნიუსთან“ საუბრისას.

შემოქმედის ეპარქიის მღვდელთმთავარი მეუფე იოსები ამბობს, თუ საპატრიარქომ პროექტი დაამტკიცა, მაშინ მშენებლობას ვერავინ შეეხება:

_ მე არ მინახავს მშენებლობა, მაგრამ ის ადამიანი, ვისაც მშენებლობა სურდა, საპატრიარქოში გავაგზავნე. ცოტა ხნის წინ მივწერე და, ალბათ, მეტყვიან დეტალებს. ეს არ არის კულტურული მემკვიდრეობის ძეგლი, არ არის ნუსხაში შეტანილი.

პატარა ბაზილიკა როგორ შეიძლება იყოს ძეგლი?! ეს ეკუთვნის საპატრიარქოს და არა სახელმწიფოს. რა ძეგლი, ორი ქვაა იქ დარჩენილი. ყველა ნანგრევი კონსტიტუციით ეკუთვნის საქართველოს საპატრიარქოს და არავის არ აქვს უფლება, მის გარეშე დაიწყოს იქ რაღაც, _ გვითხრა მეუფე იოსებმა.




 ახალი ამბები
  • თოვლი, ლიპყინული და ზვავსაშიშროება _ როდიდან შეიცვლება ამინდი საქართველოშისაქართველოში ჰაერის ტემპერატურა მნიშვნელოვნად დაეცემა , _ ამის შესახებ ინფორმაციას გარემოს ეროვნული სააგენტო ავრცელებს. სააგენტოს ცნობით, მოსალოდნელია ნალექი, ზოგან ძლიერი - 19-20 იანვარს, უმეტესად თოვლის სახით, მთაში ზოგან ნისლი და ქარბუქი, ზღვაზე 2-3 ბალიანი ღელვა, საავტომობილო გზებზე ლიპყინული, ელექტროგადამცემ ხაზებზე მოყინულობა, მთიან რეგიონებში ზვავსაშიშროება. 19-22 იანვარს ღამის საათებში კოლხეთის დაბლობზე ჰაერის ტემპერატურის -4, -6 გრადუსამდე მოსალოდნელმა დაწევამ შესაძლებელია ციტრუსები, განსაკუთრებით ლიმონის ნარგავები ... ...
  • მარინა ენდელაძე: ეს ერთადერთი გამოსავალიამსოფლიოში არცერთი ეპიდემია არ დამარცხებულა ვაქცინაციის გარეშე, შეუძლებელია ადამიანებმა მუდმივად რეგულაციების ქვეშ ვიცხოვროთ, ამდენად ერთადერთი საიმედო გამოსავალი - ვაქცინაციაა, - ამის შესახებ თბილისის ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ „რუსთავი 2“-ის ეთერში განაცხადა. მისი თქმით, საქართველოში ვაქცინაცია იქნება პირველ კვარტალში და პირველ ეტაპზე მცირე დოზა. „როგორც ვიცი, ქვეყანა ემზადება, რომ შემდეგ ვაქცინაცია მასიურად მოხდეს. პირველ რიგში რისკჯგუფები აიცრებიან. ვაქცინაცია ინფიცირებულთა შემთხვევებს შეამცირებს, მაგრამ პარალელურად, ჯერჯერობით, ისევ რეგულაციების დაცვა მოგვიწევს“, - განაცხადა ... ...
  • საქართველოს საავტომობილო გზების ზოგიერთ მონაკვეთზე მოძრაობა შეიზღუდასაქართველოს საავტომობილო გზების ზოგიერთ მონაკვეთზე მოძრაობა შეიზღუდა, _ ამის შესახებ საავტომობილო გზების დეპარტამენტი ინფორმაციას ავრცელებს: "რთული მეტეოროლოგიური პირობების გამო, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ125-კმ157 (მელე-ლასდილი) მონაკვეთზე, აკრძალულია ყველა სახის ავტოტრანსპორტის მოძრაობა. ამავე გზის კმ89-კმ125 (ლენტეხი-მელე) მონაკვეთზე, აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. ხოლო დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია", - წერია განცხადებაში. ცნობისთვის, მოძრაობა განახლდა ახალციხე-ნინოწმინდის საავტომობილო გზის კმ90-კმ112 მონაკვეთზე - ამ დროისთვის, ყველა სახის ავტოტრანსპორტის მოძრაობა ... ...
  • ხვალ დიდ ქალაქებში, ასევე, აჭარაში სკოლებში მეორე სემესტრი დისტანციურ ფორმატში განახლდებახვალ, 18 იანვარს სასწავლო პროცესი დისტანციური სწავლების სრულად ელექტრონული მოდელის გამოყენებით დაიწყება ქალაქებში: თბილისი, ქუთაისი, რუსთავი, თელავი, ზუგდიდი, ზესტაფონი, გორი, ფოთი, მარნეული და გარდაბანი. აჭარისავტონომიური რესპუბლიკის ტერიტორიაზე მოქმედი ზოგადსაგანმანათლებლო დაწესებულებები სასწავლო პროცესს ასევე გააგრძელებენ დისტანციურ რეჟიმში. განათლების სამინისტროს ინფორმაციით, ის სკოლები, სადაც მეორე სემესტრი საკლასო ოთახებში განახლდება, კორონავირუსის პრევენციის მიზნით, სრულად უზრუნველყვეს პირბადეებით, დისტანციური, უკონტაქტო თერმომეტრებით, დეზობარიერითა და ზედაპირების სადეზინფექციო სითხეებით. გარდა ამისა, სკოლებში კორონავირუსის შემთხვევების დადასტურების შემთხვევაში გაგრძელდება პირველ სემესტრში აპრობირებული მიდგომა წერტილოვანი შეზღუდვების შესახებ. ჯანდაცვის სამინისტროს მიერ დადგენილი წესების განხორციელების პროცესს განათლების სამინისტრო სისტემატიურად დააკვირდება და განახორციელებს სკოლების მონიტორინგს. სასწავლო პროცესის განახლებასთან ერთად, დისტანციური სწავლების მიმართულებით ერთ-ერთი მთავარი რესურსის „ტელესკოლის“ მეორე სემესტრის საგაკვეთილო პროცესიც გაგრძელდება. საქართველოს განათლების, მეცნიერების, კულტურისა და სპორტის სამინისტროსა და საქართველოს პირველი არხის ერთობლივი საგანმანათლებლო პროექტი 18 იანვარს 9:00 საათიდან განახლდება. „პანდემიის პირობებში დისტანციური სწავლების ხელმისაწვდომობის უზრუნველყოფის მიზნით, საქართველოს მთავრობის ინიციატივით, განათლების, მეცნიერების, კულტურისა და სპორტის სამინისტრომ საქართველოში მოქმედ სამ მობილურ ოპერატორთან - სს „სილქნეტთან“, შპს „მაგთიკომთან“ და შპს „ვიონი საქართველოსთან“ (ბრენდი „ბილაინი“) ურთიერთთანამშრომლობის მემორანდუმს მოაწერა ხელი, რის საფუძველზეც საჯარო და კერძო სკოლების მოსწავლეები და მასწავლებლები ივნისის ბოლომდე შეღავათიანი მობილური ინტერნეტ პაკეტით ისარგებლებენ. მობილური ინტერნეტ პაკეტის შეღავათიან ტარიფს ასევე მხარი დაუჭირა საქართველოს კომუნიკაციების კომისიამ“ - აცხადებენ განათლების სამინისტროში. დისტანციური სწავლების გამოწვევებისა და ტექნიკური საჭიროებების შესაბამისად, ინტერნეტ პროვაიდერები მოსწავლეებსა და მასწავლებლებს20 GB მობილურ ინტერნეტპაკეტს 10 ლარად შესთავაზებენ, რაც სტანდარტულ ღირებულებასთან შედარებით 2,5-ჯერ ნაკლებია. დარგის ექსპერტების რეკომენდაციით, 20GB საკმარისი ოდენობაა ერთი თვის განმავლობაში ონლაინ გაკვეთილებზე დასასწრებად და ინტერნეტ რესურსების ... ...
  • პანკისის ხეობაში 40 წლამდე კაცი მოკლეს - ერთმანეთს ნათესავები დაუპირისპირდნენპანკისის ხეობაში ნათესავებს შორის  ურთიერთშელაპარაკება მკვლელობით დასრულდა - მოკლულია 40 წლამდე კაცი. შემთხვევა ცოტახნის წინ მოხდა. სავარაუდო დამნაშავეს, გავრცელებული ინფორმაციით, ჯანმრთელობის პრობლემები აქვს. ადგილზე პოლიციაა მობილიზებული. წყარო: მთავარი ... ...

არქივი

ტესტები

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....