"გულდასაწყვეტია ეს" _ კახი კალაძე სასამართლოზე, "რუსთავი 2"-ზე, არასამთავრობოებზე და დახურულ თოქშოუებზე

მთავარი თემა

"გულდასაწყვეტია ეს" _ კახი კალაძე სასამართლოზე, "რუსთავი 2"-ზე, არასამთავრობოებზე და დახურულ თოქშოუებზე

2015 ნოე 22 19:23:44

ვიცეპრემიერი, საქართველოს ენერგეტიკის მინისტრი კახი კალაძე "გურია ნიუსისთვის" მიცემულ ექსკლუზიურ ინტერვიუში ამბობს, რომ "რუსთავი 2"-ით ხელისუფლება არ არის დაინტერესებული. მისივე თქმით, გულდასაწყვეტია, რომცა არასამთავრობო ორგანიზაციები არასწორ განცხადებებს აკეთებენ.

_ ბატონო კახი, პრეზიდენტზე არ გკითხავთ, ვიცით, რაც ხდება. ყველა აკრიტიკებს მას შემდეგ, რაც ბიძინა ივანიშვილმა გააკრიტიკა, მაგრამ აუცილებლად გკითხავთ, არასამთავრობო ორგანიზაციებზე...

მას შემდეგ რაც ისინი ივანიშვილმა გააკრიტიკა, ხელისუფლების თითქმის ყველა წევრი გამოვიდა და იგივე თქვა. რა ხდება, ბიძინა ივანიშვილის სიტყვას  არის ყველა აყოლილი თუ გაქვთ კონკრეტული მტკიცებულება, როცა არასამთავრობო ორგანიზაციებს "ნაციონალურ მოძრაობასთან“ კავშირში ადანაშაულებთ?

_ გააჩნია თემას. მაგალითად დღეს ერთ-ერთმა არასამთავრობო ორგანიზაციამ გააკეთა განცხადება, რომ „გაზპრომთან“ დაკავშირებით არსებობს კითხვები და საზოგადოებას არ მიაწოდა სწორი ინფორმაცია.

_ "საერთაშორისო გამჭირვალობა საქართველოს“ გულისხმობთ?

_ არ ვიცი.  ერთ-ერთმა. გულდასაწყვეტია ეს. თუნდაც „გაზპრომთან“ დაკავშირებით არაერთი  განმარტება გაკეთებულა ჩემი, ჩემი სამინისტროს მხრიდან. თუმცა, აქ არის ერთი საინტერესო დეტალი _ არსებობს გარკვეული ჯგუფები, პოლიტიკური და მოტივირებული ადამიანები, რომლებიც ცდილობენ, რომ საზოგადოებას რაღაცით შეახსენონ თავი. თან 2016 წელი მოდის. საპარლამენტო არჩევნები. ცდილობენ, რაღაც თემები ნახონ და ამას ჩაებღაუჭონ და ამით მოახდინონ საზოგადოებაზე გარკვეული რეაგირება.

_ მათ შორის, თქვენი გუნდის წევრი გელა დუმბაძეც?

_ გელას არაფერი ცუდი არ უთქვამს, ძალიან გაზვიადებული იყო მისი ეს განცხადება.  ამაზე მე გავაკეთე განცხადება. ცალკე პრემიერმა ისაუბრა „გაზპრომის“ თემაზე, ცალკე ამერიკის ელჩი გამოვიდა და ისაუბრა „გაზპრომთან“ ჩვენს ურთიერთობებზე. თქვა, რომ ეს ნორმალურია, რომ ქვეყანა ზრუნავს იმაზე, რომ არ იყოს დამოკიდებული მხოლოდ ერთ მიმწოდებელზე. ჩვენ, ყველა ჩემი თანამშრომელი, მთავრობა, სამინსიტრო მხოლოდ და მხოლოდ გამოვდივართ ჩვენი ქვეყნის, ჩვენი ხალხის საკეთილდღეო მიზნებიდან.

_ ამერიკის ელჩის განცხადება „გაზპრომთან“ დაკვშირებით მისაღებია და „რუსთავი 2“-თან დაკავშირებით არა? ეს ორმაგი სტანდარტი ხომ არ არის?

_ „რუსთავი 2“-თან დაკავშირებით სხვა იყო. ელჩმა თქვა, რომ ეს იყო ღამით მიღებული გადაწყვეტილება, თუმცა, რეალურად, სულ სხვა სიტუაცია იყო. განმარტებაც გაკეთდა, რომ ეს გადაწყვეტილება 6-ის ნახევარზე იქნა მიღებული. მარტივად რომ ვთქვა, ინტერპრეტაცია იყო ამერიკის ელჩის მხრიდან გარკვეული ადამიანების მიერ გაკეთებული განცხადებების.

_ ამ ყველაფერში პოლიტიკური მოტივი არ არის და ხელისუფლება არ არის „რუსთავი 2“-ით დაინტერესებული?

_ მიმაჩნია, რომ ეს არის ორ სუბიექტს შორის დავა. თუ ჩვენ ვაშენებთ დემოკრატიულს სახელმწიფოს, თუ გვინდა, რომ სასამართლო იყოს დამოუკიდებელი, თუ ვენდობით მოსამართლის მიღებულ გადაწყვეტილებას  უნდა წავიდეთ ამ გზით. თუ ერთ შემთხვევაში ვამბობთ, რომ საკონსტიტუციო სასამართლომ შეაჩერა ნორმა, ეს არის მისაღები, ეს არის დემოკრატია და ყველა ტაშს უკრავს, მეორე შემთხვევაში რატომ არ უნდა იყოს მისაღები მოსამართლის გადაწყვეტილება.

_ მოსამართლემ საკუთარი გადაწყვეტილება ორ დღეში შეცვალა, რაც ბუნებრივი კიდევ მეტ შეკითხვას აჩენს...

_ სწორედ ამიტომ ვსაუბრობთ, რომ სასამართლო არის დამოუკიდებელი და ჩვენ პატივი უდნა ვცეთ იმის მიუხედავად, ვისთვის არის მისაღები ეს გადაწყვეტილება და ვისთვის არა. ჩვენ ვაშენებთ სახელმწიფოს, რომელიც დაფუძნებულია დემოკრატიულ ინსტიტუტებზე და ღირებულებებზე.

_ თქვენი აზრით საკონსტიტუციო სასამართლოც დამოუკიდებელია?

_ გარკვეული კითხვები ჩნდება. თუნდაც იგივე ნორმის შეჩერებასთან დაკავშირებით. ბოლო ოცი წლის განმავლობაში არ მომხდარა, რომ ასეთი რამ პარლამენტთან არ ყოფილიყო შეთანხმებული. თუმცა, ამ ყველაფრის მიუხედავად პატივი უნდა ვცეთ მათ გადაწვეტილებას.

_ სანამდე მივა ეს ყველაფერი? ამ თემის გამო ბევრი განცხადება გაკეთდა, ბევრი კრიტიკა მოვისმინეთ უცხოელი პარტნიორებისგან და ამ ყველაფერში ხელისუფლება დაადანაშაულეს კიდეც...

_ მაქსიმალურად უნდა ვეცადოთ ყველამ, რომ თავი შევიკავოთ პოლიტიკური განცხადებებისგან. ეს არის სამართლებრივი დავა და არავითარ შემთხვევაში პოლიტიკურ ჭრილში  არ უნდა გადავიყვანო, რაც გარკვეული დაჯგუფებების  მოტივი და მზიანია.

_ პოლიტიკური შეფასებები თქვენი გუნდიდან ისმის. გოგი თოფაძის განცხადებაც კმარა მაგალითად...

_ ჩვენ ვაშენებთ დემოკრატიულ ქვეყანას და აქ ყველას აქვს მისი მოსაზრების გამოთქმის საშუალება. არავინ არ იზღუდება და თუნდაც ის,  რაც დღეს რუსთავი ორის ირგვლივ ხდება სიტყვის თავისუფლების  ერთ-ერთი ნათელი მაგალითია. ნიღბებით არავინ არ უვარდება ტელევიზიებს, არავინ არ ართმევს ბიზნესს, არავინ არ ატერორებს ადამიანებს განსხვავებული პოლიტიკური შეხედულებების გამო.

_ თუმცა, ბევრი თოქშოუ დაიხურა.., თუნდაც ტელეკომპანია იმედზე...

_ იმედი კერძო პირის საკუთრებაა. ჩვენთვის მთავარია, მომავალში გვქონდეს იმის შესაძლებლობა, რომ გამოვიდეთ და პოლიტიკური განცხადებები გავაკეთოთ. მოვისმინეთ განცხადება, რომ იმედი ახალ შოუს აკეთებს. არა მგონია აქ პრობლემა იყო. ხშირად საუბრობენ რომ ხელისუფლებას, ბიძინა ივანიშვილს უნდა რუსთავი 2. ჰქონდა ბატონ ბიძინას ტელევიზია და დახურა მაშინ, როცა ხელისუფლებაში მოვიდა, რადგან არ იყო სწორი ხელისუფლებას ჰქონოდა მისი ტელევიზია, _ აღნიშნა ჩვენთან საუბრისას კახი კალაძემ.

კახი კალაძესთან ჩაწერილ სრულ ინტერვიუს  "გურია ნიუსი" ხვალ შემოგთავაზებთ. 




 ახალი ამბები
  • მეოთხე წამლობა თხილის გადასარჩენად (R)უკვე დაიწყეს ფერმერებმა რიგით მეოთხე წამლობა და თხილის შესაწამლი სამუშაოებისთვის ბაღებში გავიდნენ. მესამე წამლობიდან 10-15 დღის შემდეგ პერიოდში ფერმერები მეოთხე შეწამვლის სამუშაოებს ატარებენ.  ეს წამლობა მავნებლებსა და სოკოვან დაავადებებზე ტარდება. ჰექტარზე გათვალისწინებულ 800 ლიტრ სამუშაო ხსნარში საჭიროა 300-300 მილიგრამი შესაწამლი პრეპარატების გახსნა. ამ შემთხვევაში რეკომენდებულია ლამბდაციჰალოტრინისა და პენკონაზოლის მოქმედი ნივთიერების პრეპარატების გაზავება სამუშაო ხსნარში.  ზაფხულის სეზონიდან გამომდინარე, მნიშვნელოვანია ზუსტად დავიცვათ ტემპერატურის რეჟიმი. შეწამვლა ან დილას, ნამის შეშრობის შემდეგ ან საღამოს მაშინ უნდა ჩატარდეს, როდესაც ტემპერატურა 28 გრადუსს ჩამოსცდება.  თხილის მწარმოებელთ ასოციაციაში აგრონომ კონსულტანტები მზად არიან მისცენ რეკომენდაცია და უპასუხონ ფერმერების ყველა შეკითხვას. ვინაიდან ასოციაციისა და ფერმერების ერთობლივი შრომის შედეგად უნდა მივიდეთ იმ მთავარ მიზნამდე - რასაც მაღალი ხარისხის თხილი სმოსავლის მიღება ჰქვია.  თხილის გადარჩენის პროექტის ფარგლებში 15 000 მდე ფერმერია გაწევრიანებული. მათ დაურიგდათ თხილის შესაწამლი აპარატები და სეზონის განმავლობაში 7 გეგმიური შეწამვლის ფარგლებში ასოციაციის მხრიდან მათ შეუძლიათ ნებისმიერი საჭირო ინფორმაცია მიიღონ. ... ...
  • გია ვოლსკი: უნდა ვიფიქროთ და არ დავასხათ წყალი რუსეთის წისქვილზე"უნდა ვიფიქროთ და არ დავასხათ წყალი იმ წისქვილზე, რომელიც რუსეთმა ააშენა გონივრულად.– ამის შესახებ პარლამენტის ვიცესპიკერმა, გია ვოლსკიმ პარლამენტში დღეს განვითარებულ მოვლენებზე საუბრისას განაცხადა. გია ვოლსკის განმარტებით, ამ ფაქტზე მეტი დაფიქრება და ანალიზია საჭირო. „პირდაპირ ვიტყვი, ეს იყო პროვოკაცია, მაგრამ როგორ მოხდა, ამასთან დაკავშირებით მეტი დაფიქრება და ანალიზი გვმართებს, ვიდრე ბრტყელ-ბრტყელი განცხადებები. საზოგადოების დიდი თუ პატარა ნაწილი აღშფოთებულია, ამას არ აქვს მნიშვნელობა. არის მეორე ნაწილი, რომელიც ხელისუფლებას არ ადანაშაულებს, ვიღაც აქციას მართავს, მაგრამ ეს არ არის აუცილებლად იმის ინდიკატორი, რომ მართლაც ხელისუფლება გამოვიყვანოთ დამნაშავედ და რუსეთის წისქვილზე დავასხათ უფრო მეტი წყალი“, – განაცხადა გია ვოლსკიმ. დღეს პარლამენტის სპიკერისთვის განკუთვნილი ადგილიდან, დელეგატებს ასამბლეის პრეზიდენტმა, რუსეთის დუმის კომუნისტური პარტიის წევრმა სერგეი გავრილოვმა მიმართა და "ქართული ოცნების" წევრ ზაქარია ქუცნაშვილს მოწვევისთვის მადლობა ... ...
  • მრცხვენია, ჩემი შვილის სურათს რომ შევხედო დღეს _ ოთხოზორიას დედაჩემი შვილის სურათს რომ შევხედო დღეს, იმისი მრცხვენია, - ასე ეხმაურება გიგა ოთხოზორიას დედა პარლამენტში ოკუპანტი ქვეყნის დეპუტატის სერგეი გავრილოვის ყოფნას და თავმჯდომარის ტრიბუნის დათმობას. "ჩვენი შვილების მკვლელების, ასეთი პატივისცემით მიღებით, სახელმწიფოს დაცვით გამოხატვით, შემდეგ ყველანაირად მათი უზრუნველყოფით დაკავებული მთავრობის, მე, მაგალითად, თუ მკითხავთ, არავის არ უნდა სჯეროდეს ამ ადამიანების. ყველაფერი როგორ შეიძლება, ფეხქვეშ გავთელოთ, უარი ვთქვათ იმ ბიჭების სახელის მოხსენებაზე, რომელებმაც თავიანთი საკუთარი სიცოცხლე გაწირეს სამშობლოს დასაცავად. უანგაროდ იბრძოდნენ ჩვენი ბიჭები. ჩემი შვილის სურათს რომ შევხედო დღეს, იმისი მრცხვენია, ასე იქნება, ალბათ, ყველა შვილ-მკვდარი დედა, რომლის შვილები სამშობლოს დასაცავად იბრძოდნენ. ჩვენმა მთავრობამ ის ბოლო ტოტი ჩამოჭრა, რომელ ტოტზეც იყვნენ ისინი ჩაბღაუჭებულები,“ - განაცხადა ოთხოზორიას ... ...
  • ზაქრო, იდიოტი მეგონე, მაგრამ ყოფილხარ პროვოკატორი და მოღალატე - ვასაძე ქუცნაშვილზეზაქრო, სულ იდიოტი მეგონე, მაგრამ ყოფილხარ პროვოკატორი და მოღალატე, – ეს განცხადება  საპარლამენტო უმრავლესობის წევრის  ზაქარია ქუცნაშვილის მისამართით ბიზნესმენმა  ლევან ვასაძემ გააკეთა „ზაქრო, სულ იდიოტი მეგონე, მაგრამ ყოფილხარ პროვოკატორი და მოღალატე. ბოდიში არ არის საკმარისი, ძმაო. წადი, წყალში გადავარდი ან გადადექი მაინც ... ...
  • „გადავცეთ ექსპონანტად ოკუპაციის მუზეუმს“_პოლიტოლოგი პარლამენტის თავმჯდომარის სკამზეპარლამენტის თავმჯდომარის სკამი, რომელზეც დღეს რუსი დეპუტატი  გავრილოვი იჯდა, მოგვიანებით   დარბაზიდან სკამი დარბაზიდან გამოიტანეს, შემდეგ კი სკამზე „რუსეთი ოკუპანტია“ წარწერები გააკეთეს. როგორც პოლიტოლოგმა სოსო ცინცაძემ „გურია ნიუსთან“ საუბრისას აღნიშნა, კარგი გამოსავალი იქნება თუ იმ სკამში პარლამენტის თავმჯდომარე აღარ ჩაჯდება და სკამს ექსპონანტად ოკუპაციის მუზეუმს გადასცემენ. „კარგი გამოსავალი იქნება, რომ ამ სავარძელში აღარ ჩაჯდეს პარლამენტის თავმჯდომარე და გადავცეთ ექსპონანტად ოკუპაციის მუზეუმს. წარწერით, რომ 2019 წლის 20 ივნისს ამ სავარძელში თავს მშვენივრად გრძნობდა რუსეთის დუმის დეპუტატი, რომელმაც ხმა მისცა ოსეთისა და აფხაზეთის ე.წ. დამოუკიდებლობას და რომელიც მონაწილეობდა საქართველოს წინააღმდეგ ომში“,_თქვა ... ...

არქივი

ზაფრანი

ეს დიეტა 99% - იან შედეგს იძლევა

ამ დიეტის დროს ერთ კვირაში...

ჩინური მედიცინის რჩევები

ძველი ჩინური მედიცინის მეცნიერულ შესწავლას,...

იაპონური სილამაზის საიდუმლო

გაიკეთეთ სახის და ტანის ნიღაბი,...

5 აკრძალული საკვები

იდეალური ფიგურა და ბრტყელი მუცელი...

10 პროდუქტი დაღლილობის წინააღმდეგ

შვრია _ შვრია შეიცავს მაგნიუმს,...

როგორ ვებრძოლოთ ღამით ჭამას

ეგრეთ წოდებული, "ღამის დიეტის" ავტორი...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...