რის გამო დაიხია უკან მოსამართლეებთან იუსტიციის მინისტრმა

მთავარი თემა

რის გამო დაიხია უკან მოსამართლეებთან იუსტიციის მინისტრმა

2016 თებ 3 04:27:28

საქართველოს იუსტიციის მინისტრი მისი ერთ-ერთი ინიციატივის განხორციელებაზე უარს ამბობს. კერძოდ, მოსამართლეებისთვის უვადოდ დანიშვნამდე  სამწლიანი გამოსაცდელი ვადა აღარ დაწესდება, თუმცა, ყველა მოსამართლეს კონკურსის გავლა მაინც მოუწევს. თეა წულუკიანის ამ განცხადებას არასამთავრობო სექტორის ნაწილი დადებითად აფასებს, მაგრამ მიიჩნევენ, რომ ე.წ. ოდიოზური მოსამართლეების სისტემაში დარჩენით საფრთხე რომ არ შეიქმნას, ცვლილებები აუცილებლად უნდა განხორციელდეს.

"მე არ მომწონს გაუქმდეს პრობაცია მათთვის, ვინც 10 წელი იყო მოსამართლე და ავტომატურად გადაინიშნონ ხელახლა მოსამართლეებად. მაგრამ ჩემი ეს პოზიცია არ მოგწონთ თქვენ, ვენეციის კომისიას და სულ ახლახანს ევროპარლამენტმა თქვა, რომ არ არის სწორი. გამოდის, რომ ევროსტრუქტურები და თქვენ ხართ ერთ პოზიციაზე, შესაბამისად, მე ვიხევ უკან ამ ერთ ნაწილში, ვუჯერებ ევროპარლამენტს, ვენეციის კომისიას, მაგრამ სხვა ნაწილებში რეფორმა უნდა განხორციელდეს", _ უთხრა მოსამართლეებს თეა წულუკიანმა.

თუმცა, იუსტიციის მინისტრმა აღნიშნა, რომ არ აპირებს შეცვალოს საკუთარი გადაწყვეტილება საქმეთა ელექტრონული წესით განაწილების შესახებ და რეფორმის ამ ტალღას ბოლომდე მიიყვანს. ასევე, სასამართლოს თავმჯდომარეებისთვის შემუშავებული იქნება სისტემა, რომელიც მათ პოზიციაზე დანიშვნას კიდევ უფრო დემოკრატიულს გახდის.

"მართლმსაჯულების საკანონმდებლო რეფორმა, მოსწონს ეს ვინმეს თუ არა, გაგრძელდება. იმედი მაქვს პარლამენტის მხარდაჭერით, ჩვენ ვაქცევთ საქმეთა ელექტრონული განაწილების პრინციპს კანონად თვის ბოლომდე. ჩვენ უნდა გვესმოდეს, რომ დამოუკიდებელი, ინდივიდუალური და მიკერძოებელი მოსამართლის გარეშე არ არსებობს საქართველოს დემოკრატიული მომავალი", _ აღნიშნა წულუკიანმა

შეგახსენებთ, რომ მოსამართლეთა გამოსაცდელი ვადით დაწესებას კატეგორიულად ეწინააღმდეგებოდა მოსამართლეთა კორპუსი. პროცესთან დაკავშირებით, კითხვები ჰქონდათ არასამთავრობო და საერთაშორისო ორგანიზაციებს; თუმცა, ისინი აღნიშნავდნენ, რომ სისტემაში რეფორმის გატარება აუცილებელი იყო.

ცნობისთვის, სამწლიანი გამოსაცდელი ვადა კონსტიტუციაში წინა ხელისუფლების დროს შევიდა. კერძოდ, კონსტიტუციაში აღნიშნულია, რომ "მოსამართლე თანამდებობაზე განწესდება უვადოდ, კანონით დადგენილი ასაკის მიღწევამდე. მოსამართლის უვადოდ განწესებამდე კანონით შეიძლება გათვალისწინებულ იქნეს მოსამართლის განწესება განსაზღვრული ვადით, მაგრამ არა უმეტეს 3 წლისა." 

უნდა აღინიშნოს ისიც, რომ 2013 წლიდან მოყოლებული, მას შემდეგ რაც კონსტიტუციის ეს ჩანაწერი ამოქმედდა, დანიშნული 46 მოსამართლიდან ყველა გადის გამოსაცდელ ვადას, ხოლო უვადოდ არცერთი მათგანი არ დანიშნულა. გარდა ამისა, აღსანიშნავია, რომ "საერთო სასამართლოების შესახებ" ორგანული კანონი არ ითვალისწინებს წესს, თუ როგორ უნდა დაინიშნოს მოსამართლე უვადოდ.

"გურია ნიუსი" შეეცადა გაერკვია, ექმნება თუ არა საფრთხე მართლმსაჯულების რეფორმას იუსტიციის მინისტრის უკან დახევით და რა რისკებს ხედავენ იურისტები იმ მოსამართლეების სისტემაში დატოვებით, რომლებზეც კითხვის ნიშნები არსებობს.

ცენტრ "მომავლის ინიციატივების" ხელმძღვანელი, იურისტი ლევან ალაფიშვილი მიიჩნევს, რომ ხელისუფლება მოსამართლეთა გამოსაცდელი ვადით განწესებასთან დაკავშირებით გაცილებით დიდ შეცდომას დაუშვებდა, ვიდრე მისი გაუქმება გამოიწვევს.

"ვენეციის კომისიის დასკვნა ასეთი კატეგორიული, როგორიც სამწლიან გამოსაცდელ ვადასთან დაკავშირებით იყო, აქამდე არასოდეს ყოფილა. სამწლიანი გამოსაცდელი ვადა, როგორც პოლიტიკური ასევე ლოიალური გავლენის მოპოვების მცდელობად არის აღქმული საზღვარგარეთ და ეს გასაგებიცაა, რადგან მათთვის მთავარი ინსტიტუტებია და არა მათში დასაქმებული კონკრეტული ჩინოსნები ან საქმეები. კონსტიტუციური ინსტიტუტები რევოლუციურ ცვლილებებს ვერ იტანენ. მთავარია საბედისწერო შეცდომები არ დავუშვათ და ეს ყველაფერი რეალურად განხორციელდეს.

ნატო, ევროსაბჭო, ევროკავშირი, აშშ ხაზგასმით მიუთითებენ სამ  მიმართულებაზე - შსს-ს გაყოფას, პროკურატურისა და სასამართლოს რეფორმებს კი არ დავაკვირდებით, ჩართული ვიქნებით პროცესებშიო. ამ პირობებში, ამ რეკომენდაციის გაუთვალისწინებლობა, სამწლიან ვადასთან დაკავშირებით, შეცდომა იქნებოდა. რადგან ის შეიძლებოდა გამოყენებული ყოფილიყო პოლიტიკური ლოიალობის ან პოლიტიკური ჯგუფისადმი გავლენის მოხდენის მიზნით", _ აღნიშნავს ალაფიშვილი.

რაც შეეხება კონკურსსა და მის პროცედურებს, რომელიც ყველა მოსამართლისთვის მაინც სავალდებულოდ რჩება, ალაფიშვილი ამბობს, რომ თუ აქაც არ მოხდა ცვლილებები და კონკურსი გამჭვირვალე არ გახდა, კითხვის ნიშნები მაინც დარჩება.

"გამჭვირვალობის მაქსიმალური ხარისხი და იუსტიციის უმაღლესი საბჭოს გადაწყვეტილებების მინიმალურ დონეზე დაყვანა უნდა იყოს სასამართლო რეფორმის ერთ-ერთი მნიშვნელოვანი მიმართულება. სუბიექტურად "მომწონს", "არ მომწონს" გადაწყვეტილების მიღება არასწორია.

ტექნოლოგიების განვითარების კვალობაზე შესაძლებელია ადამიანის მონაწილეობის გარეშე შემოწმდეს ცოდნა, კომპეტენცია და ა.შ. სადაც ეს საკმარისი არ აღმოჩნდება, მაგალითად, მეტყველების კულტურის, თუ ორატორული ხელოვნების შესაფასებლად, იქ შესაძლებელია შემფასებლად ადამიანის ჩართვა. მინიმალურად უნდა იყოს შემფასებლად ადამიანი გამოყენებული, სადაც დარჩება, იქ სუბიექტური აზრისთვის ადგილი არ უნდა დარჩეს", _ აღნიშნავს ალაფიშვილი.

იურისტი ასევე არ გამორიცხავს, რომ ამ გადაწყვეტილებით, ხელისუფლებას, შესაძლოა, მოსამართლეების ნდობის მოპოვება წინასაარჩევნოდ სჭირდებოდეს.

"საფრთხეები და რისკები არის იმისა, რომ სასამართლოს პოლიტიკური ლოიალობა წინასაარჩევნოდ მოიპოვონ. სასამართლოს და მედიის კონტროლია მთავარი, თორემ სამართალდამცავი სტრუქტურა ისედაც ხელისუფლების კონტროლქვეშაა. ამ ვარაუდის გამოთქმის საფუძველს ერთი გარემოება მაძლევს. როდესაც ახლადდანიშნული უზენაესი სასამართლოს თავმჯდომარე ნინო გვენეტაძე ლევან მურუსიძეს მწვავედ დაუპირისპირდა სწორედ ამ გამოსაცდელ ვადასთან დაკავშირებით, მურუსიძე მეორე დღეს მაშინდელმა პრემიერ-მინისტრმა ირაკლი ღარიბაშვილმა დაიბარა და  შეხვდა, რაც პროტოკოლურად გათვალისწინებულიც კი არ იყო. შემდეგ კი განაცხადა, რომ ეს არის ადამიანი, რომელთან ერთადაც ჩვენ უნდა ვიაროთ, დავსახოთ რეფორმები და ა.შ. - ეს იყო პოლიტიკური, სამთავრობო მხარდაჭერის გამოვლინება ჩემთვის, რომელსაც გარკვეული ფასი შესაძლოა ჰქონდეს. რაღაც ჯგუფმა სასამართლო სისტემის გნით, მიიღო პოლიტიკური მხარდაჭერა, გაძლიერდა მეორესთან მიმართებაში და შემდგომ, განვითარდა ის პროცესები, რაც ვნახეთ. ეს ყველაფერი ატარებს პოლიტიკურ შეფერილობას და არ ვფიქრობ, რომ ამაში მთავრობა არ არის ჩარეული", _ აღნიშნავს ალაფიშვილი და დასძენს, რომ თუკი, გამოსაცდელ ვადასთან დაკავშირებით პარლამენტში არჩევნებამდე იქნება ინიცირებული კანონპროექტი, ამას საკანონმდებლო ორგანო მიიღებს კიდეც.

"იუსტიციის მინისტრის დამოკიდებულების მიუხედავად, რომელიც არ ეთანხმება ამ კონკრეტულ შემთხვევაში ვენეციის კომისიას, პარლამენტში და აღმასრულებელ ხელისუფლებაში არიან ადამიანები, რომლებიც ფიქრობენ, რომ გამოსაცდელი ვადა არ უნდა იყოს  თუნდაც მცირეოდენი წუხილის და არაკეთილსინდისიერად პოლიტიკურად მოტივირებული ქმედებების საფრთხის, ან რისკის საფუძველი", _ აღნიშნავს ალაფიშვილი.

ალაფიშვილის მსგავსად, ფიქრობს "ახალგაზრდა ადვოკატების" ხელმძღვანელი, არჩილ კაიკაციშვილიც, რომელიც,  "გურია ნიუსთან" საუბრისას აღნიშნავს, რომ  სამწლიანი გამოსაცდელი ვადის გაუქმება, მართლმსაჯულების რეფორმას უკან ვერ დახევს.

"იუსტიციის მინისტრის განცხადება არ ნიშნავს სასამართლო სისტემაში მართლმსაჯულების რეფორმის მესამე ტალღის შეფერხებას. მიღებული გადაწყვეტილება მიუთითებს, რომ  მას რეალურ რეფორმების გატარება სურს. ხელისუფლება ევროასოცირების ხელშეკრულების ერთგული რჩება. არ ვფიქრობ, რომ მინისტრის დღევანდელი განცხადება უკან ხევს ან რაიმე საფრთხეს უქმნის სასამართლო სისტემას. ასეთი ნაბიჯი სხვა ინიციატივებთან მიმართებით არ გადაიხედება, რაც მნიშვნელოვანი და მისასალმებელია", _ აღნიშნავს კაიკაციშვილი და დასძენს, რომ "სასამართლო, სახელისუფლებო განწყობებსა და საპარლამენტო ოპოზიციის წარმომადგენელთა შორის "საჯილდაო ქვად" არ უნდა იქცეს".

"არადა, სწორედ ასეთი შთაბეჭდილება რჩება, რაც რეფორმას დააზიანებს. მოსამართლეები, რომლებიც უკმაყოფილებას გამოხატავდნენ თითქოს ხელისუფლების მხრიდან სავარაუდო ზემოქმედების და ჩარევის ფაქტებთან დაკავშირებით,  ასეთი მკვეთრი პოზიცია არ გამოუხატავთ 2004-2012 წლების მმართველობის პერიოდში, როდესაც სასამართლოს ავტორიტეტი ნულოვანი იყო", _ აღნიშნავს კაიკაციშვილი.

იმ ფონზე, როდესაც კითხვის ნიშნები არსებობს კონკრეტული მოსამართლეების მიმართ, კაიკაციშვილი ამბობს, რომ ეს სასამართლოს დამოუკიდებლობასა და სამართლიანობის პროცესს საფრთხეს ნამდვილად უქმნის, თუმცა კანონი ამ მოსამართლეების სისტემიდან გაშვების შესაძლებლობას არ იძლევა.

"კანონის მოცემულობაა იმგვარი, რომ ამას ვერ დაარღვევს ვერც მინისტრი, ვერც სახელმწიფო და ვერც რიგითი მოქალაქე. როცა ადამიანი მოსამართლეა, არსებობს მისი ინდივიდუალური როლი და მისი გაძლიერების მექანიზმები. თუ შევთახმდებით იმაზე, რომ ცალკეული მოსამართლე უღირს გადაწყვეტილებას იღებდა წარსულში, სამწუხაროდ, მოცემულობა ისეთია, რომ ჩვენ უნდა გავაგრძელოთ მათთან ერთად მართლმსაჯულების გაძღოლა, ამიტომ მნიშვნელოვანია, ჩვენ ამ გამოწვევებს სხვა მიმართულებით დავხვდეთ. რაც გულისხმობს სამოსამართლო საქმიანობაში ახალი კადრების მოყვანას, ახალი მოსამართლეების დანიშვნას, რომლებსაც სისტემური დანაშაულების დაკანონებაში ადრე მონაწილეობა არ აქვს მიღებული.

უნდა შეიქმნას კოლეგიალური გარემო. თუმცა, რეპუტაციაშელახულ მოსამართლეებს საზოგადოება ლუპით უნდა დავაკვირდეთ, თავისუფალ გარემოში რამდენად იღებს ზეგავლენისგან თავისუფალ გადაწყვეტილებას. სხვა მექანიზმი,  ე.წ. ოდიოზური ფიგურების სასამართლოდან გაშვების არ არსებობს. თუმცა, რეფორმები უნდა გაგრძელდეს და შესაძლებელია, მომავალში სხვა ინსტრუმენტები და ინსტიტუტები იქნეს გამოყენებული, მაგალითად, მოსამართლეთა დისციპლინური წესის გაძლიერება და საქმეთა ელექტრონული სისტემით წარმოება. მიმჩნია, რომ ეს ორი მნიშვნელოვანი პრინციპი ახალ რეფორმაში, შექმნის იმ გარემოს,  სადაც მოსამართლე, რაც არ უნდა დიდი იყოს  კანონსაწინააღმდეგო და დაუსაბუთებელი გადაწყვეტილების მიღების ცდუნება,  ფაქტებზე  და მტკიცებულებებზე დაყრდნობილი გადაწყვეტილებას მიიღებს. სხვა მექანიზმი შეუძლებელია მოიფიქრონ, თუ არა თავად სასამართლო სისტემაში ინსტიტუტების გაძლიერება, რომელთა მუშაობაც თავად უზრუნველყოფს მოსამართლის გაბედულობას და ერთგვარ კათარზისს. მოსამართლეები უნდა გრძნობდნენ, რომ ემსახურებოდნენ სამოქალაქო საზოგადოებას, ემორჩილებოდნენ კანონს და არა პარტიულ ინტერესებს", _ აღნიშნა კაიკაციშვილმა "გურია  ნიუსთან" საუბრისას.

ამავე თემაზე:

რეფორმა კრიტერიუმების გარეშე და სასამართლო, როგორც "საბავშვო მანეჟი"




 ახალი ამბები
  • ერთად დავეხმაროთ ძმებს დედის გადარჩენაში _ მაიასთვის დავამარცხოთ ლეიკემიაქართველი ძმების _ ნიკა და რატი ქართველიშვილების შესახებ საზოგადოებამ კარგად იცის _ ისინი, დედის გადასარჩენად მოქალაქეებს ტაქსის სერვისს სთავაზობენ. მათ დედას, მაიას ლეიკეიმია აქვს და ძმები ასე ცდილობენ მისი მკურნალობის თანხის შეგროვებას. ამჟამად, ძმები ბათუმში არიან და როგორც გვითხრეს, სეზონის დასრულებამდე ზღვისპირა კურორტზე იმუშავებენ. ნიკა ქართველიშვილის თქმით, დედის ოპერაცია, რომლისთვისაც საჭირო თანხა ჯერ არ აქვთ, 5 სექტემბერს არის დაგეგმილი. "გარკვეული თანხა მოგვიგროვდა, თუმცა, ჯერჯერობით, მთლიანი თანხის შეგროვება ვერ მოვახერხეთ. ყველანაირად ვცდილობთ, რომ ეს თანხა შევაგროვოთ. როგორც იცით, თბილისიდან ადამიანები დასასვენებლად არიან წასულები და მე და ჩემმა ძმამ გადავწყვიტეთ, რომ მე აჭარაში წამოვსულიყავი და აქ გამემგრძელებინა ჩვენი საქმიანობა. დედასთან ყოველდღიურად გვაქვს კონტაქტი. ის საბრძოლო განწყობაზეა, შემართებით არის, ჩვენი იმედი აქვს... თავიდან არ ვეუბნებოდით, რომ ასე ვცდილობთ ფულის შეგროვებას, თუმცა შემდეგ სადღაც უნახავს რეპორტაჟი ჩვენს შესახებ და ძალიან მადლიერია ყველა ადამიანის, ისევე, როგორც ჩვენ მადლიერები ვართ, მათი ვინც კი ამ ხნის განმავლობაში გვეხმარება“, _ - განაცხადა ნიკა ქართველიშვილმა. ძმები ქართველიშვილების დახმარების სურვილის შემთხვევაში მათი აბანკო რეკვიზიტებია: თიბისი ბანკი GE28თB7739345064300013 საქ.ბანკი GE95BG0000000161310779 მიმღები: რატი ქართველიშვილი პ/ნ 01019072195.მაგთის და ბილაინის აბონენტებისათვის: ... ...
  • გვაქვს ფული და "რუსთავი 2"-ზე უკეთესი შენობა, აწი ხვეწნას არ ვაპირებ - ნიკა გვარამიარუსთავი 2-ის ყოფილი გენერალური დირექტორი, ნიკა გვარამია რუსთავი 2-ის გუნდს მიმართავს. მისი თქმით, მას ჰყავს ინვესტორები და აქვს ფული, ასევე, რუსთავი 2-ზე უკეთესი შენობა. "მეგობრებო, მე ჩემი სათქმელი ყველას ვუთხარი: ვაკეთებ ამბიციურ ტვს, ინვესტორები - არის, ანუ ფული გვაქვს, შენობა - რ2ზე უკეთესი, ტექნიკაზე ხო ლაპარაკი ზედმეტია. კრიტიკული და საუკეთესო არხი ცხვება. მთავარი ხალხი, ვინც რ2ს აკეთებდა, ბორტზეა და გავდივართ. აწი ხვეწნას არ ვაპირებ. ვინც აახტებით მიმავალ გემს და გამარჯვებულ ნავში ყოფნას ისურვებთ, თქვენი გადასაწყვეტია. მეორე არჩევანი - ივანიშვილის ტვა. მერე არ თქვათ, რომ არჩევანი არ გქონდათ და კრედიტი და შვილებს რა ვაჭამო არ მოიმიზეზოთ. მოკლედ, იყავით ჩვენთან ერთად და მოიპოვეთჩვენთან ერთადთავისუფლება ps ბოლო ოთხი სიტყვა მთავარი არხის სლოგანია pps ორშაბათიდან ვიწყებთ დაკონტრაქტებას. ვისაც უნდა პატასალია - რჩება, ვისაც თავისუფლება - მოდის. as simple as that", _ წერს ... ...
  • საქართველოში მიწისძვრა მოხდასაქართველოში მიწისძვრა მოხდა. ბიძგები თბილისის დროით 14:20 საათზე დაფიქსირდა. პირველადი ინფორმაციით, მიწისძვრის ეპიცენტრი დმანისთან იყო. სეისმური მონიტორინგის ეროვნული ცენტრის ინფორმაციით, სიმძლავრემ 3.3 მაგნიტუდა ... ...
  • ჟურნალისტების პროტესტი - კურიერი ეთერში არ გადის“რუსთავი 2-ის” ეთერში საინფორმაციო გამოშვება “კურიერი” დღეს ეთერში არ გასულა. ეთერში მხატვრული ფილმები გადის. გავრცელებული ინფორმაციით, 3 საათზე რ2 ის გენერალურ დირექტორს, მაყურებლისთვის უნდა მიემართა, თუმცა, ბოლო მომენტში, პაატა სალიამ გადაწყვეტილება შეცვალა. ახალი ამბები არცვებ გვერდზე ქვეყნდება. ამ ფორმით ჟურნალისტები პაატა სალიას საკადრო წმენდას აპროტესტებენ. საინფორმაციო სამსახურის ხელმძღვანელის გარეშე დარჩენილმა თანამშრომლებმა უარი თქვეს გასულიყვნენ გადაღებაზე. ისინი ასევე აპროტესტებენ საინფორმაციოს ახალი ხელმძღვანელის კანდიდატურას და ნინო შუბლაძესთან შეხვედრას არ აპირებენ. "რუსთავის 2"- ს ჟურნალისტები ტოვებენ, გუშინ, 20 აგვისტოს, წამყვანებმა, დიანა ჯოჯუამ და მიხეილ სესიაშვილმა არხის დატოვების შესახებ პირდაპირ ეთერში განაცხადეს, ტელეკოპანია დატოვეს პატა იაკობაშვილმა, გიგლა თუმანიშვილმა, ეკა გაგუამ და მაია ლომიძემ. ჟურნალისტებმა რუსთავი 2 მას შემდეგ დატოვეს, რაც რამდენიმე მათგანი არხის ახალმა გენერალურმა დირექტორმა, პაატა სალიამ  გიორგი გაბუნია, ნოდარ მელაძე, ნანუკა ჟორჟოლიანი, ეკა კვესიტაძე "ინტერესთა კონფლიქტის" მოტივით ... ...
  • 23 და 25 აგვისტოს „Black Sea Arena“ -ს მიმართულებით დამატებითი მატარებელი ინიშნება (R) 23  და 25 აგვისტოს, ჯუზეპე ვერის ფესტივალის ფარგლებში, ოპერა  „აიდა“ და „გალა“-ზე დასწრების მსურველთათვის, თბილისიდან ბათუმის მიმართულებით   დამატებითი მატარებელი  ინიშნება, რომელიც რეისებს ორივე მიმართულებით შეასრულებს და  „Black Sea Arena“ -ს  ბაქანზე   გაჩერდება.     მატარებელი   შემდეგი განრიგით იმოძრავებს: 23-25/ 08/2019    თბილისი-Black Sea Arena- ბათუმი- Black Sea Arena-  თბილისი   #884/883 გასვლა- თბილისი ჩასვლა-Black Sea Arena ჩასვლა-ბათუმი გამოსვლა-ბათუმი გამოსვლა-Black Sea Arena ჩამოსვლა- თბილისი 12:40 17:25 18:23 23:50 0:38 5:15  ამასთანავე, თბილისიდან და ბათუმიდან 23 და 25 აგვისტოს მატ№802/807, 805/806, 852/851, 808/801, 804 თბილისი-ბათუმს და 24 და 26 აგვისტოს მატ№811 ბათუმი-თბილისს გაჩერებები   „Black Sea Arena“-ს  ბაქანზეც  ექნებათ.  ბილეთების შეძენა შესაძლებელია Georgian Railway Tickets-ის მობილური აპლიკაციით. მობილურ აპლიკაციას აქვს უნიკალური შესაძლებლობა, აირჩიოთ სასურველი ადგილები მატარებელში. ბილეთები იყიდება  ასევე  ვებ გვერდებზე  (Railway.ge;tkt.ge;Biletebi.ge;matarebeli.ge); სწრაფი გადახდის აპარატებსა  და საბილეთო სალაროებში.  “საქართველოს რკინიგზა” ბედნიერ და კომფორტულ მგზავრობას  გისურვებთ! (R)   ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...