redman federation inc-ს ლარიც არ გადაუხდია _ ვინ არის იმ კომპანიის მფლობელი, რომელსაც სააკაშვილმა მიწები მისცა

მთავარი თემა

redman federation inc-ს ლარიც არ გადაუხდია _ ვინ არის იმ კომპანიის მფლობელი, რომელსაც სააკაშვილმა მიწები მისცა

2016 თებ 18 16:49:10

საქართველოს ყოფილმა პრეზიდენტმა მიხეილ სააკაშვილმა კომპანია redman federation inc-ს, ქობულეთის მუნიციპალიტეტში, სოფელ ციხისძირში, ზღვისპირა ზოლში, თითქმის 9 ჰექტარი მიწა 1 ლარად ყოველგვარი საინვესტიციო ვალდებულების გარეშე, 2011 წლის 3 აგვისტოს მისცა.

9 მილიონ დოლარად შეფასებული ქონება აჭარის ა/რ ფინანსთა და ეკონომიკის სამინისტროს ეკუთვნოდა. თუმცა, 1 ლარად გასხვისებამდე 6 დღით ადრე, 2011 წლის 29 ივლისს, სამინისტროს წარმომადგენელმა არჩილ ბერიძემ საჯარო რეესტრს განცხადებით მიმართა და მოითხოვა საკუთრების უფლების მიტოვების რეგისტრაცია მოეხდინათ.

საჯარო რეესტრის ეროვნული სააგენტოს ქობულეთის სარეგისტრაციო სამსახურმა განცხადება იმავე დღეს დააკმაყოფილა და შესაბამისი დოკუმენტიც გასცა.
2011 წლის 3 აგვისტოს კი რეესტრს გაცხადებით საქართველოს ეკონომიკისა და მდგრადი განვითარების სამინისტროს წარმომადგენელმა ზვიად საპანაძემ მიმართა და ციხისძირის მიწების რეგისტრირებულ უფლებაში ცვლილების რეგისტრაცია ითხოვა, რომელიც იმავე დღეს დაკმაყოფილდა.

ეს ყველაფერი უწყებებს იმისთვის დასჭირდათ, რომ მიხეილ სააკაშვილს ქონება ადვილად გაეჩუქებინა, რადგან აჭარის ავტონომიური რესპუბლიკის საკუთრებაში არსებულ უძრავ ქონებას საქართველოს პრეზიდენტი ერთი განკარგულებით ვერ გასცემდა.

რაც შეეხება განკარგულებას _ მასში მითითებულია, რომ კომპანიას გადაეცა სოფელ ციხისძირში მდებარე სახელმწიფო საკუთრებაში არსებული 433 კვ. მ არასასოფლო-სამეურნეო დანიშნულების მიწის ნაკვეთი, 391 კვ. მ არასასოფლო სამეურნეო დანიშნულების ნაკვეთი, 27 557 კვ. არასასოფლო სამეურნეო დანიშნულების მიწის ნაკვეთი; არასასოფლო-სამეურნეო დანიშნულების მიწის ნაკვეთი და მასზე განთავსებული 199 კვ. მ შენობა-ნაგებობა, 33 780 კვ. მ არასასოფლო-სამეურნეო დანიშნულების მიწის ნაკვეთი და 28 217 კვ. მ. არასასოფლო-სამეურნეო დანიშნულები მიწის ნაკვეთი 1 ლარად.

დოკუმენტის თანახმად, საპრივატიზებო პირობად განსაზღვრულია მხოლოდ საპრივატიზებო საფასურის გადახდა ხელშეკრულების გაფორმებიდან 30 კალენდარულ დღეში. იმ შემთხვევაში, თუკი კომპანია ამ დროის განმავლობაში 1 ლარს არ გადაიხდიდა, მას, ყოველ გადაცილებულ დღეზე 500 ლარი _ პირგასამტეხლო უნდა გადაეხადა.

„გურია ნიუსის“ ინფორმაციით, კომპანია redman federation inc-ს, რომელის საკუთრების უფლების რეგისტრაცია 2011 წლის 5 აგვისტოს საჯარო რეესტრში საჯარო მოხელემ საქართველოს ეკონომიკისა და მდგრადი განვითარების სამინისტროს მონიტორინგის დეპარტამენტის უფროსის იმჟამინდელმა მოადგილემ თინათინ ჩაჩანიძემ მოახდინა, 1 ლარი არ გადაუხდია და დღეის მონაცემებით, redman federation inc-ის სახელმწიფოს მიმართ არსებული დავალიანება თითქმის მილიონ ლარს შეადგენს.

საქართველოს ეკონომიკისა და მდგრადი განვითარების სამინისტროში კომენტარს არ აკეთებენ და პროკურატურაში გვამისამართებენ. კომენტარს არ აკეთებს ჩაჩანიძეც, რომლის თქმით, პროკურატურა ციხისძირის მიწების პრივატიზების კანონიერების თაობაზე გამოძიებას 2013 წლიდან აწარმოებს და მას, როგორც მოწმეს, კომენტარების მიცემა აკრძალული აქვს.

კომენტარების მოპოვებას მთავარ პროკურატურაში “გურია ნიუსი“ მთელი დღის მანძილზე ცდილობდა, თუმცა, დაპირების მიუხედავად, უწყებიდან კონკრეტულ კითხვებზე პასუხი ამ დრომდე ვერ მივიღეთ.

მხოლოდ ის დაგვიდასტურეს, რომ საქმეზე გამოძიება მიმდინარეობს.

ამ ეტაპზე უცნობია, გაიტანენ თუ არა ქონებას აუქციონზე. ეკონომიკის სამინისტროში 2-წლიანი გამოძიების დასრულებას ელოდებიან.

საქართველოს ახალგაზრდა იურისტთა ასოციაციის იურისტი თამაზ ტრაპაიძე ამბობს, რომ იმ შემთხვევაში, თუკი კომპანიამ ვალდებულება არ შეასრულა, სახელმწიფოს აქვს უფლებამოსილება, ქონება დააყადაღოს და აუქციონზე გაყიდოს:

_ თუკი უცნობია მფლობელი, მაგრამ სახეზეა ქონება, სახელმწიფო საჯარო განცხადებას გააკეთებს, რომ არსებობს დავა და ამ შემთხვევაში დაუსწრებელი გადაწყვეტილება გამოაქვს სასამართლოს. ქონება გადის აუქციონზე და თუკი იმაზე მაღალ ფასად მოხდა ქონების გაყიდვა, რა დავალიანებაც კომპანიას აქვს სახელმწიფოს წინაშე, ზედმეტი თანხა კომპანიას ანგარიშზე უნდა ჩაერიცხოს, _ განმარტა ტრაპაიძემ.

როგორც ზემოთ აღვნიშნეთ, მიხეილ სააკაშვილმა ამ დრომდე უცნობ კომპანიას 9 მილიონ დოლარად შეფასებული ქონება 1 ლარად მისცა. პირობების დარღვევის გამო, დავალიანება მილიონ ლარს აღწევს. თუკი სახელმწიფო ქონებას აუქციონზე გაიტანს, ბუნებრივია, რომ მისი ფასი საკმაოდ მაღალი იქნება, რაც იმას ნიშნავს, რომ მიხეილ სააკაშვილის წყალობით redman federation inc წაგებული არ დარჩება და ფულს არაფრიდანაც იშოვის.

ჩვენი წყაროს ინფორმაციით ეს კომპანია, მიხეილ სააკაშვილთან პირდაპირ კავშირშია და მისი მფლობელი, სანდრა რულოვსის მეგობარი ჩეხეთის მოქალაქე, 1977 წელს დაბადებული პეტრ ზიკაა.

აღნიშნულ პიროვნებაზე ინფორმაციის მოპოვება ამ დროისთვის შეუძლებელია _ არც ერთ საძიებო სისტემაში მასზე არაფერი წერია; მის შესახებ ინფორმაციას არც ბიზნესს წრეებში ფლობენ.

ამავე თემაზე: სააკაშვილის გარიგება _ 9 მილიონიანი ქონება ციხისძირში 1 ლარად ვალდებულებების გარეშე; სააკაშვილის მიერ 1 ლარად გაყიდული მიწები უცნობ კომპანიას საჯარო მოხელემ დაურეგისტრირა _ ექსკლუზივი; ერთ ლარად გაყიდული ციხისძირის მიწების უკან საერთაშორისო მაფია დგას?; მოჭრა შეიძლება, გადარგვა არა _ რეპორტაჟი ციხისძირიდან, სადაც ტყეები გაჩეხილია

ახალი ამბები

„აუცილებლად მოვიკრებთ ძალას“_ ხვალ უმრავლესობის სხდომა გაიმართებასაქართველოს პარლამენტის თავმჯდომარე, „ქართული ოცნების“ ოფისში საგანგებოდ გამართულ ბრიფინგზე უმრავლესობის უკვე ყოფილი წევრების მიერ პარტიის დატოვების საკითხს გამოეხმაურა. „ვწუხვარ, რომ არაერთმა ჩვენმა თანაგუნდელმა მიიღო გადაწყვეტილება კენჭისყრის შემდეგ უმრავლესობის დატოვებასთან დაკავშირებით. მე პატივს ვცემ მათ გადაწყვეტილებას, თუმცა, ხვალ 11 საათზე გვექნება უმრავლესობის სხდომა, აუცილებლად მოვიკრებთ ძალას და ავიღებთ მომავალზეც პასუხისმგებლობას“,_ განაცხადა თალაკვაძემ. შეგახსენებთ, რომ მმართველი გუნდი, არჩევნების პროპორციული სისტემით 2020 წელს ჩატარების შესახებ პარლამენტში კანონპროექტის ჩაგდების შემდეგ, რამდენიმე დეპუტატმა დატოვა. თალაკვაძემ კანონპროექტის ჩაგდების შემდეგ განვითარებულ მოვლენებზეც ისაუბრა. მან პოლიტიკოსებს მოუწოდა აჟიოტაჟის ხელოვნურად შექმნის მცდელობის ნაცვლად საფუძვლიანად მოემზადონ კონსტრუქციული პოლიტიკური პროცესისთვის და აღნიშნა, რომ საერთაშორისო ორგანიზაციებთან მიმდინარეობს კონსულტაციები ეუთოს რეკომენდაციების გათვალისწინებით საარჩევნო რეფორმის ბოლომდე ... ...
ცვლილება ოზურგეთის 2019 წლის ბიუჯეტში _ თანხა 7 648 426 ლარს შეადგენსდღეს, ოზურგეთის მუნიციპალიტეტის საკრებულოს ბიუროს სხომაზე, 2019 წლის ბიუჯეტში დაგეგმილ ცვლილებებზე საფინანსო სამსახურის უფროსმა, გია მამაკაიშვილმა ისაუბრა. როგორც მან განაცხადა, ამ წლის ბიუჯეტში ბევრი ცვლილება არ მომხდარა. სულ ორი ცვლილება გახორციელდა. დღეის მდგომარეობით, პროექტის მიხედვით, შემოსავლების და გადასახდელების ნაწილში ბიუჯეტი 7 648 428, 55 ლარით იზრდება. შემოსავლების ნაწილში საკუთარი შემოსავლები 851 300 ლარით, საქართველოს მთავრობის განკარგულებებით გამოყოფილი თანხით იზრდება. სულ, 2019 წლის მესამე კვარტლის განმავლობაში დამტკიცებულ ბიუჯეტში განხორციელდა 2 ცვლილება. ცვლილება შეეხო სოციალური პროგრამებიდან დახმარებების გაცემის წესს, აგრეთვე მეორე ცვლილებით ბიუჯეტი, სულ შემოსავლებისა და გადასახდელების ნაწილში, გაიზარდა 16 154 702,43 ლარით. აღნიშნულ ცვლილებებს კომისიები და ფრაქციები განიხილავენ, რასაც შემდეგ, როგორც საკრებულოს თავმჯდომარემ დავით დარჩიამ განაცხადა, საკრებულოს რიგგარეშე სხდომაზე ... ...
,,საზღვარი ვიცი ფსოუზე და როკის გვირაბთანო“ - ტყვეობაში მყოფი ქართველი ექიმის პასუხი ოკუპანტებსვაჟა გაფრინდაშვილი უკვე რამდენიმე დღეა რუსი ოკუპანტების ტყვეობაშია. 9 ნოემბერს საოკუპაციო ძალების მიერ გატაცებული საქართველოს მოქალაქე, რომელსაც ე.წ საზღვრის გადაკვეთას ედავებიან, კვლავ რჩება პატიმრობაში. ოჯახმა იცოდა, რომ ის საქმეებზე მიდიოდა, მაგრამ სახლიდან წასულმა ვაჟა გაფრინდაშვილმა რამდენიმე საათში მეუღლესთან დარეკა და მხოლოდ იმის თქმა მოასწრო, რომ აკავებდნენ. ცნობილი ექიმის დაკავების დეტალებს სოციალურ ქსელში ჟურნალისტი ლაშა ბერულავა ავრცელებს. ,,როცა ვაჟა გაფრინდაშვილი(ექიმი) ოკუპანტებმა დააკავეს და ჰკითხეს სახელმწიფო საზღვარი რატომ დაარღვიეო?მან უპასუხა:რა საზღვარი?რის სახელმწიფო?სახელმწიფო საზღვარი ვიცი მე ფსოუზე და როკის გვირაბთანო! მაგათი კანონით, თუ პირი შეგნებულად არღვევს ე.წ.საზღვარს, სისხლის სამართლის პასუხისმგებლობას ექვემდებარება. ჰო,თარჯმანი მოითხოვა კიდევ,ჩემს ქვეყანაში სახელმწიფო ენა ქართულია,რუსულად არ დაგელაპარაკებითო!აი ასეთ მოქალაქეებზე დგას ქვეყანა”, - წერს ლაშა ბერულავა ფაქტთან დაკავშირებით ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია. წყარო: რადიო ... ...
ოზურგეთის სამედიცინო ცენტრში უფასო გამოკვლევები ჩატარდადღეს “მედალფას“ ოზურგეთის სამედიცინო ცენტრს კ.ერისთავის სახელობის ექსპერიმენტული და კლინიკუი ქირურგიის ეროვნული ცენტრის ექიმები სტუმრობდნენ. ცენტრმა უფასო გამოკვლევები ჩაუტარა ოზურგეთის მუნიციპალიტეტის მცხოვრებლებს. ოზურგეთის სამედიცინო ცენტრის დირექტორის დავით მდინარაძის თქმით, წელს კომპანია “ავერსს“ დაარსებიდან 25 წელი შეუსრულდა და მსგავსი ტიპის ღონისძიებები კიდევ იქნება. “ეს აქციის ფარგლებში ჩატარდა უფასო გამოკვლევა პაციენტების და ასევე მედიკამენტების დარიგება უფასოდ. მსგავსი აქციები პერიოდიულად კიდევ გაიმართება. მთელი დღის განმავლობაში არაერთ ადამიანს გაეწია დახმარება და ასე გაგრძელდება მომავალშიც.“ - გვითხრა დავით მდინარაძემ. ქირურგიის ეროვნული ცენტრის სამეთვალყურეო საბჭოს თავმჯდომარის თეა გამეზარდაშვილის თქმით, მსგავსი აქციები მოსახლეობისთვის აუცილებელი და საჭიროა. “მსგავსი სახის აქციები მთელი საქართველოს მასშტაბით ტარდება და დღეს ვიყავით ოზურგეთში. გვინდა, რომ მეტ ადამიანს დავეხმაროთ და ჩავუტაროთ კვლევები. ჩვენ თვეში ერთხელ საქართველოს რეგიონებში ვატარებთ უფასო გამოკვლევებს და ასევე პაციენტებს საჭიროების შემთხვევაში გადავცემთ მედიკამენტს. უფასო მედიკამენტები ჩვენ მოვოპოვებული გვაქვს “ავერსის“ საქველმოქმედო ფონდიდან.“ - თქვა “გურია ნიუსთან“ საუბრისას თეა ... ...
თქვენ ხართ თავხედი _ დაპირისპირება ლანჩხუთში წილოსანსა და აქციის მონაწილეებს შორისცხარე სიტყვიერი დაპირისპირება და ეპითეტებით ბრძოლა გაიმართა დღეს ლანჩხუთი-ჩოხატაურის მაჟორიტრ დეპუტატ ნინო წილოსანსა და ოპოზიციის გურულ წარმომადგენლებს შორის, რომლებმაც დღეს დეპუტატის ბიუროსთან აქცია გამართეს. მათ დეპუტატის მიერ 14 ნოემბერს მიღებული გადაწყვეტილება გააპროტესტეს, რომლითაც მან პროპორციულ საარჩევნო სისტემაზე გადასვლას მხარი არ დაუჭირა. „თქვენ გადააგდეთ დასავლეთი, გადააგდეთ ქართველი ხალხი. თქვენ ჩვეულებრივი მატყუარა ხართ.“ „არ შეგრცხვათ გურულების?“ „თქვენ გგონიათ, რომ „ნაციონალური მოძრაობა“ გადააგდეთ ან „ევროპული საქართველო“ „რა უნდა ველაპარაკო ახლა ამას?“ „ჩოხატაურის მოსახლეობას რატომ არ ხვდებით?“ „გამორიცხულია, თქვენ ეს პიჯაკიც კი ჩაიცვათ ივანიშვილის თანხმობის გარეშე“ – ისმოდა შეძახილები აქციაზე მყოფთა მხრიდან. „თქვენ ხართ თავხედი. მთელი საქართველო დაინახავს ამ თქვენს საქციელს“, _ ამ სიტყვებით იგერიებდა წილოსანი ოპონენტთა ... ...