ახალი სისხლის სამართლის კოდექსი ცრუ ჩვენებებს "აპრავებს"

მთავარი თემა

ახალი სისხლის სამართლის კოდექსი ცრუ ჩვენებებს "აპრავებს"

27 დეკ. 2010, 22:58:29

მას ბრალად ედებოდა მოქალაქე სოფიო ზურაბაშვილის დაყაჩაღება და მისთვის მობილური ტელეფონის წართმევა. მართალია, ბაძგარაძის დასაკავებლად საქმეში საკმარისი მტკიცებულებები არ არსებობდა, ისანი-სამგორის რაიონული პროკურორის ნინო ციხისელის მოთხოვნით, მას პატიმრობა მიუსაჯეს. გამოძიების შედეგად დადგინდა, რომ 16 დეკემბერს, დანაშაულის ჩადენის მომენტში, ბაძგარაძე ავტობუსში იჯდა და ქუთაისიდან თბილისში მიემგზავრებოდა. ამას ადასტურებს როგორც მისი მობილური ტელეფონიდან გაკეთებული ზარების დეტალური ამონაწერი, ისე ავტობუსის მძღოლი. აქედან გამომდინარე, ბაძგარაძე ზურაბაშვილს ვერ დააყაჩაღებდა.
გამოძიებით დადგინდა, რომ დაზარალებული ზურაბაშვილი ცრუ ჩვენებას იძლეოდა, რაც უდანაშაულო ადამიანის დაპატიმრების საფუძველი გახდა. ეს გამონაკლისი შემთხვევა არ არის _ ცრუმოწმეების ჩვენების საფუძველზე ბევრი ადამიანი აღმოჩნდა გისოსებს მიღმა.
სისხლის სამართლის საქმე #070090033

2009 წლის 30 ივნისს, 15 საათსა და 40 წუთზე, ქალაქ ქუთაისში, ჭავჭავაძის ქუჩაზე მდებარე ავტოსადგურის მიმდებარე ტერიტორიაზე, შსს გურიის სამხარეო მთავარი სამმართველოს ჩოხატაურის რაიონული სამმართველოს თანამშრომლებმა გადაუდებელი წესით, პირადი ჩხრეკა ჩაუტარეს 1983 წელს დაბადებულ, ჩოხატაურის მუნიციპალიტეტის სოფელ გუთურში მცხოვრებ დავით ხუნდაძეს. როგორც გამოძიების საქმის მასალებიდან ირკვევა, ხუნდაძეს ჩხრეკის დროს სპორტული შარვლის საქამრიდან ამოუღეს ცეცხლსასროლი იარაღი _ 5,6 მმ კალიბრის შაშხანის რგოლური აალების ვაზნების გასასროლი კუსტარულად დამზადებული 5,6 მმ კალიბრის რევოლვერი და საბრძოლო მასალა _ 5,6 მმ კალიბრის შაშხანის რგოლური აალების 07 ცალი ვაზნა. გარდა ამისა, დაკავებული ხუნდაძე შსს საექსპერტო-კრიმინალისტიკური მთავარი სამმართველოს დასავლეთ საქართველოს რეგიონალური სამსახურის ოზურგეთის განყოფილების დასკვნის თანახმად, ნარკოტიკული თრობის ქვეშ აღმოჩნდა. უფრო დაზუსტებით კი, მას მარიხუანა, ე.წ. "პლანი" ჰქონდა მოწეული. "აღნიშნული ნარკოტიკული საშუალება დავით ხუნდაძემ მოიხმარა ექიმის დანიშნულების გარეშე უკანონოდ, მაშინ, როდესაც მას ანალოგიური ქმედებისთვის თბილისის საქალაქო სასამართლოს ადმინისტრაციულ საქმეთა კოლეგიის 2008 წლის 10 ნოემბრის დადგენილებით,  ადმინისტრაციული სახდელის ზომად განესაზღვრა ჯარიმა ხუთასი ლარის ოდენობით," _ წერია დადგენილებაში "ბრალდებულის სახით  სისხლის სამართლის პასუხისგებაში მიცემის შესახებ." იმავე დადგენილების მიხედვით, დაკავებულ ხუნდაძეს, დაკავებისას, იარაღის გარდა, დასაკეცი დანაც ამოუღეს სპორტული შარვლის წინა მარცხენა ჯიბიდან. აქედან გამომდინარე, დავით ხუნდაძე სისხლის სამართლის პასუხისგებაში მიცემული იქნა საქართველოს სსკ-ის 236-ე მუხლის პირველი და მეორე ნაწილით, სსკ-ის 237 და 238 პრიმა მუხლის პირველი ნაწილით (იხ. "გურია ნიუსი" #52, 2009 წელი, 6 ივლისი).
ხუნდაძის დაკავებამდე
ჩოხატაურის პოლიციის სამმართველოში აღიძრა სისხლის სამართლის საქმე ამირან ბასილიას ოჯახზე თავდასხმის ფაქტზე 179-ე მუხლის I ნაწილის ბ და გ ქვეპუნქტებით და ამავე მუხლის მესამე ნაწილის ბ და გ ქვეპუნქტებით. როგორც საქმის მასალებიდან ირკვევა, ბასილიების ოჯახს, 2009 წლის 3 მაისს, თავს დაესხა 4 ნიღბიანი შეიარაღებული პირი, რომლებმაც წაართვეს "ფოლკსვაგენ ტოურეგის" მარკის ავტომანქანა, ამირან ბასილიას კუთვნილი ფულადი თანხა _ 8 000 ლარი, სოფიო ბეგაშვილის კუთვნილი ფულადი თანხა 1 000 აშშ დოლარის ოდენობით და მისი კუთვნილი ოქროს სამკაულები, ასევე ამირან ბასილიას, დავით ბასილიას და სოფიო ბეგაშვილის კუთვნილი "ნოკიას" ფირმის მობილური ტელეფონები.
სასამართლოზე, როდესაც ბრალდება დავით ხუნდაძის წინასწარ პატიმრობას ითხოვდა, გამომძიებელმა უჯმაჯურიძემ აღნიშნა, რომ საქმის ძიება სწორედ ბასილიას დაყაჩაღების ფაქტზე დაიწყო, თუმცა, იმის გამო, რომ სასამართლოზე მტკიცებულებები ვერ წარმოადგინეს, ხუნდაძეს ბასილიას ყაჩაღობაში ბრალი ვერ დასდეს. ჩვენი წყაროს ინფორმაციით, დაკითხვის დროს, ხუნდაძისგან ყაჩაღობის აღიარებას და თანამონაწილეების დასახელებას ითხოვდნენ. 
დაუდასტურებელი ინფორმაციით, ხუნდაძის დაკავების მოწმეებად ორი ქუთაისელი პიროვნება ფიგურირებს. როგორც წყარომ გვითხრა, ორივე მოწმე ე.წ. "ნასედკაა" და მათ გვარებს ხშირად ნახავთ სხვადასხვა სისხლის სამართლის საქმეებში. ხუნდაძის შემთხვევაში, ორივე მოწმე ადასტურებს, რომ დაკავებისას მას იარაღი ამოუღეს სპორტული შარვლის საქამრიდან(?!).
მსგავსი "შეკერილი" საქმეების ჩამოთვლა შორს წაგვიყვანს. როგორც ჟურნალისტები აღნიშნავენ, ე.წ. "ნასედკები" ხშირად ხვდებათ სისხლის სამართლის საქმეებში.
ჟურნალისტი საბა წიწიკაშვილი ამბობს, რომ ბოლო დროს ცრუმოწმეები ექიმების გახმაურებულ სკანდალში ფიგურირებენ:
_ რატომღაც სულ ერთი და იგივე პიროვნებები, თანაც დევნილები არიან მოწმეები. საქმის მასალებიდან ირკვევა, რომ დევნილები მიდიოდნენ ექიმებთან და გარკვეული თანხის საფასურად აკეთებდნენ ყალბ დასკვნებს. არ ვამტკიცებ, ეს ასე არ არის, მაგრამ ძალიან საეჭვოა, რომ ყველა დაზარალებული და მოწმე დევნილია, _ აღნიშნავს წიწიკაშვილი.
გაზეთ "ბანკების და ფინანსების" რედაქტორი ზურაბ კუკულაძე იხსენებს, როგორ დააჯარიმა პატრულმა უცნობი პირის შეტყობინების საფუძველზე:
_ პარლამენტის წინ აქცია იყო. სამსახურიდან მოვდიოდი. როცა მომიტინგეებს ჩავუარე, დავუსიგნალე და მივესალმე. რამდენიმე მეტრი არ მქონდა გავლილი, პატრულმა გამაჩერა, შეტყობინება მივიღეთ, რომ ცუდად გაიარე და 20-ლარიანი ჯარიმა უნდა გამოგიწეროო.  მე ასე გადმომცეს, ჯარიმა უნდა დაგიწერო და შენ სადაც გინდა გაასაჩივრეო, მითხრეს, _ ამბობს კუკულაძე.
_ მსგავს შემთხვევებზე მსმენია, თუმცა, სამართალზე იშვიათად მიმუშავია და ასეთი ადამიანები პირადად არ მინახავს. ზოგადად, ქართული სამართალი და სასამართლო რომ ცრუ მოწმეებზე დაყრდნობით იღებს გადაწყვეტილებებს, უცხო არ არის. ფოთში ყოფილა შემთხვევა, როცა მოწმე თავად კონკრეტულ ოპერაციაში ჩართული პოლიციელი ყოფილა. "ნასედკების" ინსტიტუტზე კომუნისტური რეჟიმი დიდ რესურსს ხარჯავდა. ამიტომ, არ უნდა გაგვიკვირდეს, რომ ეს ინსტიტუტი დღესაც არსებობდეს _ ჩვენ ხომ წარსული წყობილების მემკვიდრეები ვართ, _ აღნიშნავს ჩვენთან საუბრისას ჟურნალისტი ლაშა ზარგინავა.
ოპერაციაში ჩართული პოლიციელი რომ სასამართლოსთვის მყარი მოწმეა, ეს "რესპუბლიკური" პარტიის მხარდამჭერის, ჩოხატაურელი გოჩა ჯიქიას სასამართლო პროცესმაც დაადასტურა _ ჯიქია ბრალდებულად პოლიციელების ჩვენებაზე დაყრდნობით ცნო მოსამართლე ნიკოლაიშვილმა.
ხშირია შემთხვევები, როცა მოწმეებს ფიქსირებულ მისამართზე ვერ პოულობენ. ამის ნათელი დასტური ჩოხატაურელი ვინმე აბესალო ცინცაძეა, რომელიც რამდენიმე სისხლის სამართლის საქმეში ფიგურირებს. საქმეში დაფიქსირებულ მის მისამართზე სხვა ადამიანი ცხოვრობს. არსებული ინფორმაციით, ასეთი ადამიანები ორ-ორი პირადობის მოწმობით სარგებლობენ და ამით "გაშიფვრის" ალბათობას ამცირებენ.
სწორედ უმისამართო მოწმის ჩვენების საფუძველზე მიუსაჯეს 24 წლის ოზურგეთელ ახალგაზრდას 16-წლიანი პატიმრობა: 
_ ჩემი შვილი ნარკოტიკების შენახვა-რეალიზაცია-მოხმარების ბრალდებით დააკავეს. არ უარვყოფ, რომ ზემოქმედების ქვეშ იყო, მაგრამ არასდროს არ გაუყიდია წამალი. რომელი ნარკომანი გინახავთ, წამალს ყიდდეს?! წამლის გულისთვის ოჯახს გაყიდიან, რადგან ეს საშინელი ავადმყოფობაა, რომელმაც ჩემი ოჯახი გაანადგურა. დაკავებიდან მეორე დღეს გავიგეთ, რომ არსებობდა მოწმე, რომელმაც ჩემი შვილისგან ნარკოტიკი შეიძინა. ეს მოწმე ლაგოდეხში ცხოვრობდა და დიდი ძალისხმევის მიუხედავად, ვერ დავადგინეთ როგორ აღმოჩნდა ოზურგეთში. ადვოკატმა ვერც მის საცხოვრებელს მიაგნო _ მითითებულ მისამართზე არ ცხოვრობდა. ბევრი ვიწვალეთ, მაგრამ არაფერი გამოგვივიდა და ამ მოწმის ჩვენების საფუძველზე ჩემს შვილს 16 წელი პატიმრობა მიუსაჯეს, _ გვითხრა ბრალდებულის დედამ.
ცრუ მოწმეები ყველაზე ხშირად ფიგურირებენ ე.წ. "კანონიერი ქურდების", "შავი სამყაროსადმი" მიდრეკილების მქონე პირების საქმეებში. სასამართლოს მიერ დღემდე დაუდგენელია, როგორ აღმოჩნდა მოწმედ ერთი ოზურგეთელი და ერთი ჩოხატაურელი პიროვნება კანონიერი ქურდის, ხოფერიას სახლის ჩხრეკისას და აბაზანაში ნარკოტიკების აღმოჩენისას. ბრალდებულის ახლობლებისთვის დადგენილია, რომ ხოფერიას ბრალი სწორედ ცრუმოწმეების ჩვენების საფუძველზე წაუყენეს და გაასამართლეს კიდეც.
2005 წლის შემოდგომაზე, "გურია ნიუსმა" გამოაქვეყნა წერილი სათაურით _ "მოწმე განათხოვრებით". მაშინ ვწერდით, როგორ აღმოჩნდა ვინმე გიორგი გაბიტაძე ბრალდების მოწმედ 39 სისხლის სამართლის საქმეში. ჩვენ შევძელით და გაბიტაძეს ოზურგეთის პოლიციაში ჩვენების მიცემის პროცესში, ფოტოებიც გადავუღეთ.
ვერ გეტყვით, მას შემდეგ გაიზარდა თუ არა გაბიტაძის დახმარებით გახსნილი საქმეების რიცხვი, თუმცა ჩვენმა ობიექტივმა იგივე გიორგი გაბიტაძე რამდენიმე დღის წინ ისევ ოზურგეთის პოლიციის სამმართველოში დააფიქსირა _ ამჯერად გამჭვირვალე შენობაში. შენობის გამჭვირვალობის მიუხედავად, გულახდილი არ ყოფილა გაბიტაძე _ ჩვენს კითხვაზე, საკუთარი ნებით თანამშრომლობს პოლიციასთან თუ აიძულებენ, პასუხი არ გაგვცა.
გურიის სამხარეო პოლიციის მთავარი სამმართველოს უფროსი გიგა ჯაფარიძე ჩვენთან საუბრისას ამბობს, რომ გიორგი გაბიტაძის სახელი და გვარი პირველად ჩვენგან გაიგონა, თუმცა, შსს-ში დანერგილი წესებიდან გამომდინარე, კითხვა, რამდენად აპრობირებული მეთოდია გამოძიებაში ცრუ მოწმის ჩვენების მიხედვით საქმის გახსნა, უპასუხოდ დაგვიტოვა (უნდა აღინიშნოს, რომ წინამორბედებისგან განსხვავებით, ჯაფარიძე ჟურნალისტების კითხვებს უსმენს და იმის გამო, რომ პასუხის გაცემა აკრძალული აქვს, ბოდიშს იხდის).
ჩვენს წყაროზე დაყრდნობით გავარკვიეთ, რომ გაბიტაძე ამჯერად მნიშვნელოვანი მოწმეა ლეგალიზაციის კომისიების მუშაობის შესწავლაში, თუმცა, არ ხმაურდება, რომელი მუნიციპალიტეტის კომისიის მუშაობაში ფიგურირებს იგი.
უნდა ითქვას ისიც, რომ დღემდე ძალოვნებს მოწმის "გაშიფვრისგან" დაცვა არ შეეძლოთ. თუმცა, სისხლის სამართლის ახალი საპროცესო კოდექსით ეს უკვე "გაპრავებულია" _ კოდექსის თანახმად, მოწმეს შეუძლია დაცვის სპეციალური ღონისძიებები გამოიყენოს: საჯარო რეესტრში ან სხვა საჯარო ხასიათის ჩანაწერში, მოწმის ამოცნობისა და იდენტიფიცირების შესაძლებლობის შემცველი მონაცემების _ სახელის, გვარის, მისამართის, სამუშაო ადგილის, პროფესიის ან სხვა შესაბამისი ინფორმაციის შეცვლა ან ამოღება, მოწმის ამოცნობისა და იდენტიფიცირების შესაძლებლობის შემცველი საპროცესო დოკუმენტის გასაიდუმლოება უკვე შესაძლებელია. მოწმეს შეუძლია, ასევე, ისარგებლოს ფსევდონიმით, მოითხოვოს ფიზიკური დაცვის სპეციალური ღონისძიებების დანიშვნა: შეიცვალოს გარეგნობა, საცხოვრებელი ადგილი დროებით ან სამუდამოდ. კანონით, ეს, ცხადია, ცრუ მოწმეებს არ ეხებათ, მაგრამ...
არსებული ინფორმაციით, მოწმის მიმართ დაცვის სპეციალური ღონისძიება ქართველმა სამართალდამცველებმა უკვე გამოიყენეს _ პირს, რომელმაც სამართალდამცველებს რამდენიმე გახმაურებული საქმე გაახსნევინა, შეუცვალეს იდენტიფიცირების შესაძლებლობის შემცველი მონაცემები _ სახელი, გვარი, პროფესიის და სხვა, ასევე მის მიმართ გამოიყენეს განსაკუთრებული ზომა: საცხოვრებელი ადგილის შეცვლა. ჩვენი წყაროს ინფორმაციით, სამართალდამცველებისთვის მნიშვნელოვანმა მოწმემ საქართველოს ტერიტორია დატოვა და უცხოეთში გადავიდა საცხოვრებლად. ხარჯები, მოწმის დაცვის განსაკუთრებული ზომებისთვის, სახელმწიფომ გაიღო.




 ახალი ამბები
  • რამდენმა ადამიანმა ისარგებლა სესხის გადახდის 3 თვით გადავადების შესაძლებლობითსახელმწიფოს დახმარებით მოქალაქეებს სესხის გადახდის 3 თვით გადავადების შესაძლებლობა მიეცათ - გადახდასთან დაკავშირებული პრობლემებისა და შესაბამისი ჯარიმების თავიდან აცილების მიზნით, ყველა ფიზიკურ პირს მიეცა სესხის მომსახურების 3 თვით გადავადების შესაძლებლობა, რითაც 600 000-მდე მსესხებელმა ისარგებლა, - ამის შესახებ კორონავირუსის წინააღმდეგ საქართველოს მთავრობის მიერ გატარებული ღონისძიებების ანგარიშშია ნათქვამი. „იმის გამო, რომ შექმნილმა ვითარებამ გავლენა იქონია როგორც ქვეყნის მოქალაქეების დიდ ნაწილზე, ისე კომპანიებზე, სახელმწიფომ შეიმუშავა ანტიკრიზისული პაკეტი, რომელიც მაქსიმალურად მორგებულია არსებულ გამოწვევებზე. ანტიკრიზისული პაკეტით გათვალისწინებული ღონისძიებები 2 ეტაპად განხორციელდა. პირველი ეტაპი იყო გადაუდებელი დახმარება, რომლის განხორციელება მარტში (ჯერ კიდევ საგანგებო მდგომარეობამდე) დაიწყო, ხოლო მეორე ეტაპი უფრო მასშტაბურ ღონისძიებებს მოიცავს და მისი წარდგენა აპრილში მოხდა. პირველი ეტაპით გათვალისწინებული ღონისძიებები წარმოადგენდა ერთგვარ გადაუდებელ დახმარებას, რომლის მიზანი პანდემიით გამოწვეული პირველადი უარყოფითი ეფექტების მინიმიზაცია იყო. ეს მოიცავდა შემდეგ ღონისძიებებს: მოქალაქეებს დაუფინანსდათ 3 თვის კომუნალური გადასახადი - დახმარება შეეხო იმ აბონენტებს, რომელთა მიერ ელექტროენერგიის ყოველთვიური მოხმარება 200 კილოვატზე ნაკლებია, ხოლო ბუნებრივი აირის ყოველთვიური მოხმარება - 200 მ3-ზე ნაკლები. დაფინანსება აგრეთვე მოიცავს დასუფთავების და წყლის გადასახადსაც. სუბსიდირების აღნიშნული მექანიზმი სხვა ალტერნატივებთან შედარებით ყველაზე სამართლიანი და მიზნობრივია. ელექტროენერგიის გადასახადის შეღავათის ბენეფიციართა რაოდენობამ საშუალოდ 3 თვის განმავლობაში 1.2 მილიონზე მეტი აბონენტი შეადგინა, ხოლო ბუნებრივი აირის გადასახადის შეღავათის ბენეფიციართა რაოდენობამ საშუალოდ 3 თვის განმავლობაში - 670 ათასზე მეტი აბონენტი. პროგრამის ბიუჯეტი 170 მლნ. ლარია.სახელმწიფომ დააზღვია, რომ არ მომხდარიყო გაცვლითი კურსის ცვლილებით გამოწვეული ფასების მნიშვნელოვანი ზრდა 9 ძირითად სასურსათო პროდუქტზე - გაცვლითი კურსის გაუფასურებით გამოწვეული უარყოფითი ეფექტების შერბილების მიზნით, განხორციელდა სახელმწიფო პროგრამა, რომელმაც კრიზისის საწყის ეტაპზე, როდესაც მნიშვნელოვნად გაიზარდა ინფლაციური რისკები, ხელი შეუწყო პირველადი მოხმარების სასურსათო პროდუქტებზე ფასების მერყეობის შემცირებას. ყველა იმ იმპორტიორი კომპანიისთვის, რომელმაც 15 მარტიდან 15 მაისის ჩათვლით, მოახდინა 9 ძირითადი პროდუქტის შესყიდვა, სახელმწიფოს მიერ მოხდა სავალუტო კურსის სხვაობის სუბსიდირება განსაზღვრული პირობებით. პროგრამის ბიუჯეტი 14 მლნ. ლარია. სახელმწიფოს დახმარებით მოქალაქეებს სესხის გადახდის 3 თვით გადავადების შესაძლებლობა მიეცათ - გადახდასთან დაკავშირებული პრობლემებისა და შესაბამისი ჯარიმების თავიდან აცილების მიზნით, ყველა ფიზიკურ პირს მიეცა სესხის მომსახურების 3 თვით გადავადების შესაძლებლობა, რითაც ისარგებლა 600 000-მდე მსესხებელმა. ანტიკრიზისული გეგმის მე-2 ეტაპი ითვალისწინებს პირდაპირ ფინანსურ დახმარებას მოქალაქეებისსხვადასხვა კატეგორიისთვის. მხარდაჭერა ეხებათ როგორც დაქირავებით დასაქმებულებს, ისეთვითდასაქმებულებს და სხვადასხვა მოწყვლად ჯგუფს. კერძოდ: დაქირავებით დასაქმებული პირები, რომლებმაც დაკარგეს სამსახური ან გაუშვეს უხელფასო შვებულებაში, დახმარების სახით მიიღებენ 1200 ლარს 6 თვის განმავლობაში, თვეში 200 ლარს დახმარებით სარგებლობა შეეძლება დაახლოებით 350 000 მოქალაქეს. პროგრამის ბიუჯეტი 450 მლნ ლარამდეა.სხვადასხვა კატეგორიის თვითდასაქმებულები მიიღებენ ერთჯერად დახმარებას 300 ლარს. პირების იდენტიფიცირებისთვის გამოყენებული იქნება მოქალაქის მიერ წარმოდგენილი ინფორმაცია რომლითაც დადასტურდება, რომ ეპიდემიამდე აღნიშნულ მოქალაქეს ჰქონდა შემოსავალი პროგრამის ბიუჯეტი 75 მლნ. ლარს შეადგენს. სამუშაო ადგილების შენარჩუნების მიზნით, დამსაქმებელი მიიღებს საგადასახადო შეღავათს - 6 თვის განმავლობაში 750 ლარის ოდენობის ხელფასი სრულად გათავისუფლდება საშემოსავლო გადასახადისგან. 1500 ლარამდე ხელფასი კი, 750 ლარის ოდენობაზე გათავისუფლდება საშემოსავლო გადასახადისგან. პროგრამის ბიუჯეტი 250 მლნ. ლარია“, - აღნიშნულია ... ...
  • კორონავირუსით საზღვარგარეთ საქართველოს 16 მოქალაქე გარდაიცვალაCOVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშის თანახმად, 22 მაისის ჩათვლით, საქართველოში მთავრობის დახმარებით, 12 720 საქართველოს მოქალაქე დაბრუნდა, მათ შორის, საჰაერო გზით - 7 107, სახმელეთო გზით - 5 223 და საზღვაო გზით - 390 ადამიანი. ამის შესახებ COVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშია ნათქვამი. დოკუმენტის თანახმად, დაბრუნებულთა შორისაა ქრონიკული დაავადების მქონე 483 პირი, 34 - შშმ პირი, 259 - ხანდაზმული, 102 - ორსული, 435 - მცირეწლოვანი, 173 - ონკოლოგიური პაციენტი, 1 118 - ტრანზიტული მგზავრი, 29 - მეზღვაური და სხვა განსაკუთრებული საჭიროების მქონე 90 პირი. აგრეთვე, საცხოვრებლისა და სტიპენდიის გარეშე დარჩენილი 794 სტუდენტი (საერთო ჯამში განსაკუთრებული საჭიროების მქონე - 3 517 მოქალაქე). „აღსანიშნავია, აშშ-ს მთავრობასთან თანამშრომლობით, აშშ-დან განხორციელებული სპეციალური რეისი, რომელმაც უზრუნველყო სამშობლოში 79 ქართველი მოსწავლის და სტუდენტის და სომხეთის მოქალაქე 35 ბავშვის დაბრუნება. გარდა ამისა, ადგილზე დახმარება გაეწია უცხოეთში მყოფ - 21 190 მოქალაქეს, მათ შორის, საცხოვრებლის გარეშე დარჩენილთა თავშესაფრით უზრუნველყოფის, საკვების, მედიკამენტების, ასევე სხვა პირველადი და აუცილებელი საჭიროების პროდუქტების და მომსახურების მიწოდების გზით. ასევე, საქართველოში დასაბრუნებელი მოწმობის გაფორმებისას, მოქალაქეები გათავისუფლდნენ საკონსულო მოსაკრებლის გადახდის ვალდებულებისაგან. განხორციელდა 74 ავიარეისი მსოფლიოს 27 ქვეყნიდან, მათ შორის ჩინეთი, ირანი, იტალია, გერმანია, საბერძნეთი და ა.შ. განხორციელებულ ფრენებს შორის - 33 პირდაპირი რეისი შეასრულა ავიაკომპანია „საქართველოს ავიახაზებმა“. 22 მაისის მდგომარეობით, კორონავირუსით ინფიცირებული იყო საზღვარგარეთ მყოფი საქართველოს 118 მოქალაქე, უმრავლეს შემთხვევებში სახეზეა დაავადების ნაკლებად მძიმე ფორმები. ინფექციით საზღვარგარეთ გარდაიცვალა საქართველოს 16 მოქალაქე (ავსტრია - 1, ესპანეთი - 4, თურქეთი - 1, ბრიტანეთი - 2, აშშ - 5, საფრანგეთი - 2, ლატვია - 1)“, - აღნიშნულია ... ...
  • რამდენი მილიონი დახარჯა მთავრობამ საკარანტინო ზონებისთვისსაკარანტინო ზონებისთვის დახარჯული სახელმწიფო ბიუჯეტი 32.5 მლნ ლარს შეადგენს. ამის შესახებ COVID-19-ის წინააღმდეგ საქართველოს მთავრობის მიერ გატარებული ღონისძიებების ანგარიშშია ნათქვამი. ამავე ანგარიშის თანახმად, 22 მაისის მდგომარეობით, საკარანტინო ზონაში შედიოდა ქვეყნის მასშტაბით 84 სასტუმრო, რაც ჯამში აერთიანებდა 6 500-ზე მეტ ოთახს, რომლებშიც სავალდებულო კარანტინი 19 002 ადამიანმა დაასრულა. „ამასთან, 2 თვის განმავლობაში მუდმივად დაკავებული იყო საშუალოდ 4 500-5 000 ოთახი. პროექტის განხორციელებით ხელი შეეწყო 23 მცირე ზომის (5-დან 40 ნომრამდე), 42 საშუალო (41-დან 100 ნომრის ჩათვლით) და 18 დიდი ზომის სასტუმროს (101 ნომერი და ზემოთ) ოპერირებას, რამაც უზრუნველყო როგორც სექტორის წარმომადგენლებისათვის, ისე სექტორში დასაქმებული ადამიანებისთვის სამსახურისა და შემოსავლების შენარჩუნება. უნდა აღინიშნოს, რომ საკარანტინო ზონების პროექტის არსებობით ხელი შეეწყო არა მხოლოდ COVID19-თან ეფექტიან ბრძოლას, არამედ ისეთი სფეროების წარმომადგენლების ფინანსურ მხარდაჭერას, როგორიცაა: სატრანსპორტო სერვისი, ქეითერინგი და საკვები პროდუქტების დისტრიბუცია, ადგილობრივი სოფლის მეურნეობის პროდუქტების წარმოება და სხვ. საკარანტინო ზონებისთვის დახარჯული სახელმწიფო ბიუჯეტი შეადგენს 32.5 მლნ ლარს“, - ნათქვამია ანგარიშში. ანგარიშში ასევე განმარტებულია, რომ საკარანტინო ზონების პროექტის დაწყებიდან, მთავრობა აქტიურ მოლაპარაკებებს აწარმოებდა მცირე, საშუალო და დიდი ზომის სასტუმროებთან. ჯამში, მოლაპარაკებები წარიმართა დედაქალაქისა და ქვეყნის სხვადასხვა რეგიონში მდებარე 300-ზე მეტ სასტუმროსთან. „საკარანტინო სივრცედ სასტუმროს შეჩევის პროცესში საქართველოს მთავრობა ეყრდნობოდა ჯანდაცვის მსოფლიო ორგანიზაციისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კრიტერიუმებს. სასტუმროების საკარანტინო სივრცეებად დაჯავშნა დაიწყო 2020 წლის 10 მარტიდან, ქვეყანაში საგანგებო მდგომარეობის გამოცხადებამდე. საზღვრებიდან სასტუმრომდე მოქალაქეების ტრანსპორტირებას უზრუნველყოფდა მთავრობა. გრძელი მანძილების შემთხვევაში, უზრუნველყოფილი იყო ტრანსპორტში საკვების მიწოდება. ასევე, უზრუნველყოფილი იყო სასტუმროების პერსონალის სპეციალური სამედიცინო აღჭურვილობით მომარაგება და სხვა საჭირო აქტივობების განხორციელება. საგანგებო მდგომარეობის გამოცხადებამდე სასტუმროების საკარანტინო სივრცეებად დაჯავშნისას სასტუმროს ნომრის ღირებულება ყოველ ჯერზე წარმოადგენდა მოლაპარაკების საგანს. 2020 წლის 21 მარტიდან ახალი სასტუმროების საკარანტინო სივრცეებად დაჯავშნისას პროექტში ჩართული ყველა სასტუმროსათვის ამოქმედდა ერთიანი ტარიფი, რომელიც ითვალისწინებს სასტუმროს ნომრის ღირებულებას - 59 ლარს (დღგ-ს ჩათვლით), საიდანაც სამჯერად კვებით მომსახურებაზე ფიქსირებული ტარიფი ყოველი სასტუმროსათვის შეადგენს 25 ლარს“, - ნათქვამია ... ...
  • თიბისი სესხების გადავადების მეორე ტალღას 13 ივნისიდან იწყებს (R)ქვეყანაში შექმნილი მდგომარეობიდან გამომდინარე თიბისი სესხების სამთვიან გადავადებას სთავაზობს პანდემიის შედეგად დაზარალებულ იმ მომხმარებლებს, რომელთაც დაკარგეს სამსახური ან შეუმცირდათ შემოსავალი. 10 ივნისის ჩათვლით თიბისი ეტაპობრივად დაუკავშირდება და შესთავაზებს საშეღავათო პერიოდით სარგებლობას ყველა იმ მომხმარებელს, რომელიც რეგისტრირებულია შემოსავლების სამსახურის ბაზაში და იღებს საქართველოს მთავრობისგან კომპენსაციას. ასევე, საშეღავათო პერიოდით ისარგებლებენ ის მომხმარებლები, რომლებიც ბანკის მიერ არიან იდენტიფიცირებული და რომლებსაც მნიშვნელოვნად შეუმცირდათ ან დაკარგეს შემოსავალი. თიბისი სხვადასხვა არხის მეშვეობით შეატყობინებს მათ საშეღავათო პერიოდის გააქტიურების შესახებ.  საშეღავათო პერიოდი გავრცელდება შემდეგ პროდუქტებზე: სამომხმარებლო და იპოთეკურ სესხებზე, სასწრაფო სესხებზე, ავტოსესხებზე, განვადებაზე, საკრედიტო ბარათებზე, ოვერდრაფტებზე და სტანდარტული გრაფიკის მქონე ბიზნეს სესხებზე.  ბიზნეს და აგრო სესხების შემთხვევაში თიბისი სესხების გადავადებას შესთავაზებს ბანკის მიერ იდენტიფიცირებულ ყველა იმ ფიზიკურ და იურიდიულ პირს, რომელთა ბიზნესმაც მიიღო გრძელვადიანი ფინანსური სტრესი და მომავალ თვეებში ვერ შეძლებენ სესხზე შენატანის განხორიცილებას. ასევე იმ პირებს, რომლებიც შემოსავალების სამსახურში დარეგისტრირდნენ ერთჯერადი დახმარების მიღების მიზნით.  ყველა სხვა შემთხვევას თიბისი ინდივიდუალურად განიხილავს. ამისათვის დაინტერებული პირი უნდა დაუკავშირდეს საკრედიტო ექსპერტს ან ბიზნეს ბანკირს, შეავსოს განაცხადი და დაელოდოს გადაწყვეტილებას. სესხების გადავადების პროგრამით სარგებლობა შესაძლებელია 13 ივნისიდან და იგი გაგრძელდება მომდევნო სამ თვეს. თიბისიმ სესხების გადავადება უკვე მეორედ შესთავაზა მომხმარებელს, პირველი ტალღა ქვეყანაში პანდემიის გამოცხადებისთანავე დაიწყო. მარტში სესხების გადავადების სამთვიანი პერიოდით მომხმარებლების 78%-მა ისარგებლა, ხოლო მიკრო, მცირე და საშუალო ბიზნესის 59%-მა.  უფრო დეტალურად ინფორმაციას გაეცანით თიბისის ვებგვერდზე.                                                                                                                                                     ... ...
  • თიბისის ინტერნეტ და მობაილბანკში სესხის მიღების პროცედურა კიდევ უფრო გამარტივდა (R)მომხმარებლების ცხოვრების გასამარტივებლად, აქ, თიბისის ინტერნეტ და მობაილბანკში, ახლა, სამომხმარებლო სესხის მიღება კიდევ უფრო მარტივადაა შესაძლებელი.  სიახლით სარგებლობისთვის მომხმარებლებმა სასურველ თანხაზე მოთხოვნა ციფრული არხების საშუალებით, დისტანციურად უნდა დააფიქსირონ. ამისათვის კი თიბისის ინტერნეტ ან მობაილბანკში მხოლოდ მარტივი განაცხადის შევსებაა საჭირო.  განაცხადის შევსებიდან ერთ სამუშაო დღეში თიბისის გუნდი მომხმარებელს დაუკავშირდება.  ინტერნეტ და მობაილბანკს  ახალი ფუნქციონალი უკვე დაემატა. გამარტივებული პროცედურით სარგებლობა  იმ მომხმარებლებს  შეუძლიათ, რომლებსაც  სესხის ლიმიტი სრულად არ აქვთ ათვისებული და სურთ დამატებითი თანხის მიღება.  თიბისის ციფრული არხებით შესაძლებელია  500-დან  60,000 ლარამდე თანხის მიღება, 6 თვიდან 48 თვემდე დაფარვის ვადით. ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

ხვალ რომ საპარლამენტო არჩევნები იყოს, რომელ პარტიას მისცემდით ხმას?