"მერაბიშვილის დაცვის თანამშრომლები და მაჭავარიანის ხალხი წიხლებით შემდგნენ და უმოწყალოდ მირტყამდნენ თავში"

მთავარი თემა

"მერაბიშვილის დაცვის თანამშრომლები და მაჭავარიანის ხალხი წიხლებით შემდგნენ და უმოწყალოდ მირტყამდნენ თავში"

2012 მაი 3 18:53:37

ნაცემი ჟურნალისტი "გურია ნიუსთან" დეტალურად აღწერს ამ ორი დღის განმავლობაში განვითარებულ მოვლენებს.

ირაკლი ვაჩიბერაძე: "ეს ყველაფერი ჯერ კიდევ გუშინ დაიწყო. თანმიმდევრობით მივყვები ყველაფერს _ გუშინ ქუთაისში ჩამოდიოდა პრეზიდენტი. ჩვენ, რეგიონულ ჟურნალისტებს, არ გვაქვს იმის საშუალება და ნათია ბანძელაძე არ გვაძლევს იმის უფლებას, რომ გავაშუქოთ მსგავსი შეხვედრები. განსაკუთრებით ცუდ დღეშია ბეჭდვითი პრესა, რომელსაც რატომღაც არ ცნობენ აქ.

პრეზიდენტი მოსახლეობას ლადო მესხიშვილის სახელობის თეატრში უნდა შეხვედროდა _ ასეთი ინფორმაცია გავრცელდა. აღმოჩნდა, რომ მოსახლეობის ნაცვლად, პრეზიდენტი ხვდებოდა ნაციონალური მოძრაობის წევრებს და ადგილობრივ ხელისუფლებას. ადამიანებსაც იმის მიხედვით უშვებდნენ იქ, იყვნენ თუ არა ადგილობრივი მიუნიციპალიტეტის თანამშრომლები და ნაციონალური მოძრაობის წევრები. იყო რამდენიმე სკოლის დირექტორი და სასწავლო ნაწილის გამგე.

რომ მივხვდი, რომ როგორც ჟურნალისტს, იქ მოხვედრის არანაირი შანსი არ მქონდა, თავი გავასაღე ნაცმოძრაობის წევრად და უპრობლემოდ შევედი.

_ რატომ ტარდებოდა ეს შეხვედრაც დახურულ ფორმატში და რა ხდებოდა თეატრში?

_ უცებ შევესწარი ასეთ სიტუაციას _ ქალს მოათრევდნენ კარებისკენ ძალით და ეუბნებოდნენ, შენ ნაცმოძრაობის წევრი არ ხარ და აქ როგორ შემოეთრიეო.

მიუხედავად იმისა, რომ იქ არ შევსულვარ, როგორც ჟურნალისტი, ამ ყველაფერს როგორ არ გადავიღებდი? ამოვიღე ვიდეოკამერა და დავიწყე გადაღება. უცებ ამ ქალს ხელი გაუშვეს, დააგდეს და ყველა წამოვიდა ჩემსკენ. ადგილი ჰქონდა ფიზიკურ შეურაცხყოფას, გინებას, მომთხოვეს ყველაფრის წაშლა, დაახლოებით 1000 ფოტოსი, რომელიც ჩემს ციფრულ კამერაზე იყო ჩაწერილი. მიუხედავად იმისა, რომ მათ თვალწინ წავშალე ეს ყველაფერი, მაინც არ დამიჯერეს, შეიძლება აღადგინონ მასალაო და დაუძახეს სპეციალისტს, რომელმაც დაარწმუნა, რომ ამის აღდგენა შეუძლებელი იქნებოდა.

_ რაც შეეხება დღევანდელ ფაქტს, როგორ მოხვდი ნაციომალური მოძრაობის დახურულ სხდომაზე და ვინ ესწრებოდა ამ შეხვედრას?

_ დღეს იყო ვანო მერაბიშვილის, მიხეილ მაჭავარიანის და ასე ვთქვათ პოლიტიკური ელიტის შეხვედრა ადგილობრივ ნაციონალებთან დახურულ ფორმატში. ამ შეხვედრას არ ესწრებოდა არც ერთი ჟურნალისტი. ამის შესახებ გავიგე ჩემი წყაროდან და ნაცმოძრაობის კოლონას შევყევი, როგორც პარტიის წევრი.

დიქტოფონი მქონდა ჯიბეში და იქვე დავჯექი, მაგრამ ერთ-ერთმა დამსწრემ მიცნო _ ქუთაისის ადგილობრივი თვითმმართველობის ერთ-ერთი წევრია გოგი სვანიძე. მან ხელი მომკიდა და მითხრა, ირაკლი, ერთი წუთით გარეთ გამოდი, საქმე მაქვსო. როგორც კი პარტერიდან გამოვედი, ანუ რომ მიხვდნენ, რომ ჩემს ხმას იქ ვეღარავინ გაიგებდა, დამიწყეს წიხლებით ცემა, თავში მირტყამდნენ ხელებს, ფეხებს და ამას აკეთებდნენ მერაბიშვილის დაცვის თანამშრომლები. იქვე ის ადამიანებიც იდგნენ, ვინც მაჭავარიანს ახლდნენ. ალბათ, მაჭავარიანსაც ჰყავს თავისი დაცვა.

_ ვინ იყვნენ ამ ამბის თვითმხილველები? ეს ხომ დღისით ხდებოდა და საკმაოდ ხალხმრავალ ადგილას?

_ ამ დროს ადგილობრივი ხელისუფლება თავზე მადგა და არანაირი რეაქცია არ ჰქონდათ. კახა ნემსიწვერიძეა ქუთაისის ნაცმოძრაობის წევრი, რომელიც იქვე იდგა: _ ბატონო კახა, ხომ ვესალმებით ჩვენ ერთმანეთს, არ შეიძლება სიტყვა წამაშველოთ,-მეთქი? _ ყვირილით ვეუბნებოდი. ნუ ყვირიხარ, შენიო და აგრძელებდნენ ჩემს ცემას. ეს ყველაფერი ხდებოდა ფოიეში, სადაც ხალხი გადი-გამოდიოდა და არანაირი რეაქცია არ ჰქონდათ. შემდეგ ფოიეს კუთხეში გამიყვანეს და კედელზე თავი მიმარტყმევინეს. მერე მეც ემოციებში ჩავვარდი და ცოტათი შეშინდნენ, მკითხეს, _ რა გჭირსო? მოვიტყუე, ასთმა მაქვს და თუ გარეთ არ გამიყვანთ, ცუდად გავხდები,-მეთქი. მერე ერთმა გადაუჩურჩულა მეორეს, შეწუხებული რათ გვინდა, ერთი ამისო, წიხლი ამომკრეს და გამომაგდეს გარეთ.

_ რაიმე ჩანაწერი ხომ არ შემოგრჩა?

_ არა, სამწუხაროდ. აპარატურა და ყველაფერი გამომართვეს, წაშალეს მასალები, ფოტოები, ასევე მობილურიდან ყველა შეტყობინება და მერე გვიან მომიყარეს ყველაფერი უკან.

აქვე მინდა გითხრათ, რომ ჩემი ცემის ფაქტს ესწრებოდა ქეთი დეისაძე, ქუთაისის მერიის მედიასთან და საზოგადოებასთან ურთიერთობის სამსახურის უფროსი, რომელიც ბოძის უკან იდგა და ისე უყურებდა ამ ყველაფერს. რამდენჯერმე ვთხოვე დახმარება, მაგრამ არც კი შეიმჩნია, თითქოს არც ესმოდა. არა ერთხელ ვცადეთ ნათია ბანძელაძესთან დაკავშირება, მაგრამ ან გამორთული ჰქონდა ტელეფონი, არ გვპასუხობდა, არ მცალიაო.

"გურია ნიუსი" აგრძელებს ამ თემაზე მუშაობას. თვითმხილველებისა და ქეთი დეისაძის კომენტარებს უახლოეს საათებში გაგაცნობთ.




 ახალი ამბები
  • მიხეილ სააკაშვილი: როგორც ვანომ თქვა, ჩვენ ქვეყანას სჭირდება წინსვლა შინაგან საქმეთა ყოფილი მინისტრის, ვანო მერაბიშვილის ციხიდან გამოსვლას საქართველოს მესამე პრეზიდენტი, მიხეილ სააკაშვილი სოციალური ქსელით ეხმიანება. “მივესალმები ვანო მერაბიშვილის თავისუფლებაზე ყოფნას,მრავალწლიანი უდანაშაულოდ პატიმრობის შემდეგ. მე ვამაყობ მისი გაუტეხელობით,შემართებით და სიმტკიცით. ვეთანხმები, რომ ივანიშვილი აუცილებლად დასრულდება. დასრულდება არა ჩვენი პირადი გრძნობების გამო, არამედ იმიტომ, როგორც ვანომ თქვა, ჩვენ ქვეყანას სჭირდება წინსვლა და განვითარება. მოვუწოდებ ყველას შერიგებისკენ, არა წარსულისკენ,არამედ მომავლისკენ სწორებისკენ“,_ წერს ფეისბუქზე მიხეილ ... ...
  • ვანო მერაბიშვილი: "წლის ბოლომდე მე გაძლევთ გარანტიას ამ ხელისუფლების დამხობის"შინაგან საქმეთა ყოფილმა მინისტრმა, ვანო მერაბიშვილმა ე.წ. მატროსოვის ციხე დატოვა. ციხიდან გამოსვლის შემდეგ მან ჟურნალისტებთან პოლიტიკური განცხადებები გააკეთა. „ამის გაკეთება არის აუცილებელი და ჩვენ ამას აუცილებლად გავაკეთებთ. ეს არის აუცილებელი იმისთვის, რომ ქვეყანაში დაიწყოს განვითარება, ქვეყანა წავიდეს წინ, ჩვენი ხალხის კეთილდღეობა გაიზარდოს, გაქრეს უიმედობა, ახალგაზრდობას მიეცეს პერსპექტივა, ადამიანებს დასაქმება და ღირსეული ხელფასი, მოხუცებს კი ღირსეული პენსია. ჩვენ აუცილებლად გავიმარჯვებთ. წლის ბოლომდე მე გაძლევთ გარანტიას ამ ხელისუფლების დამხობის მერე, ამ ციხის კარები ფართოდ გაიღება და ყველა ის პოლიტპატიმარი, ვინც ამ ციხეში ზის.“ -თქვა ვანო ... ...
  • დაგვეხმარეთ მაუწყებლის გადარჩენაში - ჟურნალისტების ნაწილი დიპლომატიურ კორპუსს მიმართავსაჭარის საზოგადოებრივი მაუწყებლის საინფორმაციო სამსახურის თანამშრომლები განცხადებას ავრცელებენ. ისინი ახალი ამბების სამსახურის უფროსის მოადგილის - მაია მერკვილაძის შტატის გაუქმება სარედაქციო პოლიტიკაზე პირდაპირი თავდასხმად მიიჩნევენ და დიპლომატიურ კორპუსს მიმართავენ. "საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს სხდომაზე დღეს მიღებულ გადაწყვეტილებას ახალი ამბების სამსახურის თანამშრომლები სარედაქციო დამოუკიდებლობის შეზღუდვად მივიჩნევთ. ახალი ამბების სამსახურის უფროსის მოადგილის - მაია მერკვილაძის შტატის გაუქმება სარედაქციო პოლიტიკაზე პირდაპირი თავდასხმაა. დღეს მრჩეველთა საბჭომ და მაუწყებლის დირექტორმა არხის თანამშრომლების მოთხოვნა, - საკითხის უკეთ შესწავლის მიზნით მისი განხილვა გადადებულიყო, არ გაითვალისწინა. გაუგებარია, რატომ არის პროცესი ფორსირებული, როდესაც დირექტორს ისედაც აქვს გაცხადებული, რომ რეორგანიზაციას გეგმავს. ამასთან, დაწყებულია დისციპლინური დევნა ახალი ამბების სამსახურის უფროსის - შორენა ღლონტის წინააღმდეგ, რაც კიდევ უფრო მეტად გვიღრმავებს ეჭვებს, რომ მენეჯმენტისთვის სასურველი ახალი კადრების შემოსაყვანად პოზიციები თავისუფლდება. გვაქვს მოლოდინი, რომ მაია მერკვილაძის შემდეგ, სარედაქციო პოლიტიკას ჩამოაშორებენ ახალი ამბების ხელმძღვანელს - შორენა ღლონტს. მიგვაჩნია, რომ საზოგადოებრივი მაუწყებლის აჭარის ტელევიზიასა და რადიოში შექმნილი ვითარება საარჩევნო წელს ემსახურება არასასურველი კადრების, განსაკუთრებით კი - კრიტიკული ჟურნალისტების ჩამოშორებას. მივმართავთ დიპლომატიურ კორპუსს, საერთაშორისო და ადგილობრივ არასამთავრობო ორგანიზაციებს - ჩაერთონ პროცესში და დაგვეხმარონ მაუწყებლის გადარჩენაში. წინააღმდეგ შემთხვევაში, დაზარალდებიან არა მხოლოდ ჟურნალისტები, არამედ დაზიანდება საზოგადოებრივი მაუწყებლის იდეა, რაც კიდევ უფრო დააზარალებს მედიაგარემოს, პლურალიზმსა და დემოკრატიულ პროცესებს ქვეყანაში. დირექტორის მიერ დაგეგმილი სტრუქტურული ცვლილებები შეეხო სხვა სამსახურებსაც. მაგალითად: საავტორო - შემოქმედებითი გადაცემების სამსახურის უფროსის მოადგილეს შემოქმედებითი მიმართულებით - გიორგი მურვანიძეს, ამავე სამსახურის მოადგილეს საორგანიზაციო მიმართულებით - ბესო დუმბაძეს და ფინანსური სამსახურის უფროსის მოადგილეს მაია შაშიკაძეს. ასევე სხვა მოადგილეების შტატებს, რომლებიც ვაკანტური იყო. მაუწყებელში დღეს განვითარებული მოვლენები ლოგიკური გაგრძელებაა იმ პროცესებისა, რომელიც დაიწყო 2019 წლის აპრილში ნათია კაპანაძის იმპიჩმენტით, გაგრძელდა მაუწყებლიდან ნათია ზოიძის იძულებით წასვლით და ნათია შავაძესთან შრომითი ხელშეკრულების ამოწურვით."_ ნათქვამია ... ...
  • ჩოხატაურელი ნორჩი მხატვრების წარმატება "ზამთრის ვერნისაჟზე"მერაბ ბერძენიშვილის სახელობის ოზურგეთის თანამედროვე სახვითი ხელოვნების ცენტრში გურიის რეგიონის საჯარო სკოლების მოსწავლეთა ნამუშევრების მეცხრე გამოფენა-კონკურსი _ „ზამთრის ვერნისაჟი“ მოეწყო. გამოფენაში მონაწილეობა მიიღეს ჩოხატაურის სახელოვნებო სკოლების გაერთიანების სამხატვრო სკოლის მოსწავლეებმა, რომლებიც სხვადასხვა ნომინაციაში, ოზურგეთის მერიისა და საკრებულოს მიერ მიერ დაჯილდოვდნენ სიგელებით, ფულადი ჯილდოთი და ფასიანი საჩუქრებით. ნომინაციაში ,,საუკეთესო ფერწერა'' დაჯილდოვდა პაპუნა ჯინჭარაძე (მე- 5 კლასი), ნომინაციაში ,,საუკეთესო კომპოზიცია'' _ ლუკა ფუტკარაძე (მე-3 კლასი); ნომინაციაში ,,საუკეთესო ნახატი’’ _ ნანა კვინტრაძე (მე-6 კლასი); ნომინაციაში ,,მნახველის სიმპათია’’ _ ანასტასია კობიძე (მე-4 კლასი). ა(ა)იპ ჩოხატაურის მუნიციპალიტეტის სახელოვნებო სკოლების გაერთიანების სამხატვრო სკოლის ყველა მონაწილე ცენტრის მიერ დაჯილდოვდა სიგელებით გამოფენაზე ... ...
  • ხანძარი ზუგდიდში, სოფელ ზედა ეწერშიხანძარი იყო ცოტა ხნის ზუგდიდში, სოფელ ზედა ეწერში. როგორც ადგილიდან "გურია ნიუსის" ჟურნალისტი იტყობინება, ცეცხლი ეკალ-ბარდებს ეკიდა. ხანძარი ამდროისთვის ლიკვიდირებულია. შემთხვევის შედეგად არავინ დაშავებულა. ადგილზე სამი სახანძრო მუშაობდა. ჯერჯერობით, უცნობია, რამდენი ჰექტარი დაიწვა. ასევე, უცნობია ხანძრის გამომწვევი ... ...

არქივი

ზაფრანი

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...

სიზმრის ახსნა

ორსულობა სიზმრები ორსულობის შესახებ შეიძლება...

მკურნალი პროდუქტები

დამწვრობისას გიშველით ალოე ვერა. დღეში...

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...