"ნაციონალური მოძრაობა" "ლეიბორისტულ პარტიაზე" უარესი ნამდვილად არ გახლავთ!"

მთავარი თემა

"ნაციონალური მოძრაობა" "ლეიბორისტულ პარტიაზე" უარესი ნამდვილად არ გახლავთ!"

2016 აპრ 12 00:14:01

დღეს, ქალაქ ოზურგეთის მუნიციპალიტეტის საკრებულოს სხდომაზე დეპუტატებმა მერიის ყველა სამსახურის 2015 წელს გაწეული ანგარიში მოისმინეს. საკრებულოს სხდომის ბოლოს, ქალაქ ოზურგეთის მერმა ბეგლარ სიორიძემ დეპუტატების შეკითხვებს უპასუხა.

პირველი შეკითხვა მას ქალაქ ოზურგეთის მუნიციპალიტეტის საკრებულოს თავმჯდომარემ დაუსვა: “დეპუტატები ფიქრობენ, რომ მდინარე ბჟუჟის სანაპიროზე ნაპირსამაგრი სამუშაოები არ კეთდება. რა ბედი ეწევა იქ მიტანილ სამშენებლო მასალებს? ამის შესახებ გვჭირდება ამომწურავი პასუხი“.

ბეგი სიორიძემ აღნიშნულ საკითხთან დაკავშირებით განმარტა: “ჩვენ ვიყავით სანაპიროზე. ვნახეთ, რომ კატასტროფული მდგომარეობაა. მართლაც სულზე მოგვისწრო თანხამ, რომელიც გამოიყო რეგიონული განვითარების სამინისტროდან, გამოიყო თითოეული ჩვენთაგანის უზარმაზარი ძალისხმევის შედეგად. იქ არის რამდენიმე საერთო საცხოვრებელი კორპუსი და საავტომობილო გზა, რომელსაც ახლა აღვადგენთ. ამ გზის სარემონტო სამუშაოებზე ტენდერი უკვე გამოცხადებულია და დასრულებულია. იქ გადის მაღალი ძაბვის ხაზი, მოითხარა კიდეც რამდენიმე ბოძი და არსებული ჯებირიც ჩამოინგრა; საფრთხე ემუქრებოდა ექადიის ხიდსაც, ამიტომ სანამ ამ მშენებლობისთვის თანხა ჩამოირიცხებოდა, ჩვენ გადავწყვიტეთ, მანამდე მიგვეზიდა  სამშენებლო მასალები და დროებითი პრევენციული ზომები გაგვეტარებინა, რომ შეგვეკავებინა მდინარის ზემოქმედება“.

ბეგლარ სიორიძემ დეპუტატებს და სამსახურის უფროსებს სახალხო დამცველის დასკვნის ამონარიდი გააცნო:

“ ქალაქის მერიაში დღეს შემოვიდა სახალხო დამცველის გადაწყვეტილება ქალბატონ ნათია შარაშენიძის საქმესთან დაკავშირებით, სადაც გარკვევით წერია, რომ პრეტენზია, რომელიც ჰქონდა ქალბატონ ნათიას მერის მიმართ, საფუძველს მოკლებულია, საქმე შეწყდა და არ განიხილება. მე დარწმუნებული ვიყავი, რომ ასე მოხდებოდა“, _ აღნიშნა სიორიძემ.

მან დეპუტატ თამარ ნადირიძის შეკითხვას, ა.(ა) ი.პ. სტადიონის ყოფილ დირექტორ მურთაზ აბაშიძესთან დაკავშირებით, რომელიც უზენაესი სასამართლოს მიერ გამოტანილ გადაწყვეტილებას ეხებოდა, ასე უპასუხა:

“მურთაზ აბაშიძე ჩვენ არ გაგვიშვია სამსახურიდან _ მას შევთავაზეთ დარჩენილიყო სტადიონის დირექტორის მოადგილედ, მაგრამ არ უნდოდა აუდიტის სამსახურის შესვლა ა(ა) ი.პ.-ში. შეუიარაღებელი თვალითაც კარგად ჩანდა, რომ სტადიონზე ცუდი მდგომარეობა იყო. აბაშიძეს არ აქვს შესაბამისი განათლება, რომ უხელმძღვანელოს ისეთ რთულ ა.(ა).ი.პ-ს , როგორიც არის უკვე გაერთიანებული სახით, “საფეხბურთო კლუბ მერცხალი“, თუმცა, ჩვენ მას ისევ შევთავაზეთ, რომ დარჩენილიყო და ემუშავა. მიუხედავად ამისა, მურთაზ აბაშიძემ, დარწმუნებული ვარ, სხვისი აზრების გათვალისწინების და თავზე მოხვეული ზეგავლენის გამო, მიმართა სასამართლოს. მოიგო პროცესი რაიონულ სასამართლოში. უნდა ვაღიარო, რომ ის იურიდიულად სწორად არ იქნა გათავისუფლებული სამსახურიდან. ჩვენ რაიონული სასამართლოს გადაწყვეტილება გავასაჩივრეთ სააპელაციო სასამართლოში, სადაც მოვიგეთ საქმე. ბატონმა მურთაზმა გაასაჩივრა უზენასში და უზენაესი სასამართლოს გადაწყვეტილება გახლავთ ასეთი _ აბაშიძე უნდა აღდგეს ა.(ა).ი.პ. ცენტრალური სტადიონის დირექტორის თანამდებობაზე. აბსოლუტურად გაუგებარია უზენაესი სასამართლოს ეს გადაწყვეტილება, მაგრამ მას ვერავინ და არაფერი არ შეცვლის, თუმცა, ა.(ა) ი,პ, „ცენტრალური სტადიონი“ აღარ არსებობს _ ის გაერთიანდა და გახლავთ ა.(ა)ი.პ. „საფეხბურთო კლუბი “მერცხალი“. ჩენ შევთავაზეთ აბაშიძეს ტოლფასი თანამდებობა, რაზეც მან უარი განაცხადა. ამის შემდეგ, მეორედ შევთავაზეთ მენეჯერის პოზიცია აღნიშნულ ა.(ა) ი.პ.-ში ტოლფასი ხელფასით, სტადიონის კუთხით, რომლის დირექტორიც ის გახლდათ. თავდაპირველად მადლობა გადაიხადა და წავიდა, მაგრამ მერე ისევ უარი განაცხადა ამ თანამდებობაზე. ამის შემდეგ მივწერეთ ბატონ მურთაზს, სად სურდა, რომ მუშაობა დაეწყო. მან მოგვწერა, რომ მინდა დავინიშნო სტადიონის დირექტორადო, გადავწყვიტეთ, რომ მურთაზ აბაშიძე დაგვენიშნა დღევანდელი საფეხბურთო კლუბ “მერცხალის“ დირექტორად. ამის შემდეგ ისევ მოგვწერა, რომ შემეშალა, ამ ა(ა) ი.პ.-ის დირექტორობა კი არა, ა.(ა) ი.პ. „სტადიონის“ დირექტორობა მინდაო, რომელიც არ არსებობს. ამის შესახებ მივწერეთ სასამართლოს, საიდანაც მივიღეთ პასუხი, რომ გაცემულია სააღსრულებლო ფურცელი. ახლა ველოდებით აღმასრულებელს. როგორც ის გადაწყვეტს, ისე მოვიქცევით. უნდა აღვნიშნო, რომ აბაშიძე დღემდე ხელფასსაც იღებს, მანამ, სანამ აღდგება თანამდებობაზე“, _ თქვა მერმა.

დეპუტატებმა თამარ ნადირიძემ, ლევან მგელაძემ და ნათია შარაშენიძემ მერს წელიწადნახევრის წინანდელი დაპირება შეახსენეს.

თამარ ნადირიძე: “დაახლოებით, წელიწადნახევრის წინ თქვენ განაცხადეთ, რომ მურთაზ აბაშიძეს ხელფასს საკუთარი ჯიბიდან გადაუხდიდით“.

ბეგლარ სიორიძე: “ეს, სამწუხაროდ, არ შეიძლება“.

ლევან მგელაძე: “მაშინ ვინაა დამნაშავე? ასე ხომ ბიუჯეტი ზარალდება და სადამდე უნდა გაგრძელდეს ასე?“

ნათია შარაშენიძე: „ძალიან კარგად მახსოვს, რომ ბატონმა ბეგლარმა განაცხადა, თუ ბატონი მურთაზ აბაშიძე უკანონოდ იქნება გათავისუფლებული, მე მას საკუთარი ჯიბიდან გადავუხდი თანხას და მერის პოსტსაც დავტოვებო. დღეს იგი სულ სხვას რამეს აცხადებს. ვისი პასუხისმგებლობის საკითხი უნდა დადგეს იმის გამო, რომ მურთაზ აბაშიძე არაკანონიერად გაათავისუფლეს და ამის გამო ბიუჯეტის ფული იხარჯება?“

ბეგლარ სიორიძე: “სად განაცხადა ეს მერმა? რომელი ღამის სიზმარია? საკუთარი ჯიბის ფულიც ბევრი მაქვს გადახდილი, სხვათა შორის იმ საბანკეტო დარბაზში, რომელზეც თქვენ წერთ. როგორც არის წესი და კანონი, იმის მიხედვით ვიმოქმედებ“.

დეპუტატი ლავრენტი ბიგვავა მერს ქალაქ ოზურგეთში, ჯორჯიაშვილის ქუჩაზე არსებული პრობლემების შესახებ ესაუბრა და მოსაზრების დაფიქსირება სთხოვა, რაზეც სიორიძემ აღნიშნა:

“ყველა პროექტის შესრულებას სჭირდება გარკვეული ფინანსები. ამ ბოლო დროს, ოპოზიციონერებმა დაიწყეს მოსახლეობაში პოპულისტური განცხადებების გაკეთება და მოსახლეობის წაქეზება. სამწუხაროდ, ძალიან ბევრი პრობლემა ვერ გვარდება ჩვენი ბიუჯეტით. ამიტომ, თუ რომელიმე ქუჩაზე ვერ ხორციელდება სამუშაოები, ამიტომ მოსახლეობა უნდა „ავაბუნტოთ“ და წავაქეზოთ თუ სწორი ინფორმაცია მივიტანოთ მათთან? ჯორჯიაშვილის ქუჩის რეაბილიტაციისთვის ჩვენ მზად გვქონდა რეგიონული განვითარების პროექტი 176 180-ლარიანი ხარჯთაღრიცხვით _ უნდა დაგვეგო და მოგვეასფალტებინა ეს ქუჩა, მაგრამ დაფინანსება გაიყო ორ ეტაპად _ პირველ ეტაპზე დავგეგმეთ ე. წ. შემოვლითი გზის გაკეთება, რომ სატვირთო მანქანებს არ ევლოთ ქალაქში. ეს მივიჩნიეთ პრიორიტეტად, ამიტომ გზის ამ მონაკვეთის გაკეთება მეორე ეტაპისთვის გადაიდო“.

 „ახლა გადავხედე შესრულებულ სამუშაოებს და წარმოდგენილი პროექტებიდან რამდენიმე უგულებელყოფილია. გარდა ამისა, ქალაქის ცენტრალურ უბნებში ბევრი თანხა იხარჯება არამიზნობრივად _ ორჯერ დაირგვება ხე, შემდეგ მოითხრება, მერე ბუჩქი ირგვება. ამაში იხარჯება თანხა, როცა ქალაქის ქუჩებში ადამიანები ტალახში და მტვერში იხრჩობიან,“_ მიმართა მერს დეპუტატმა ლევან მგელაძემ.

ბეგლარ სიორიძე: “სად ხედავთ თქვენ არამიზნობრივ ხარჯვას? როცა ერთი თეთრი არ გადაგვიხდია ამ მცენარეებში, როგორ დავხარჯეთ არამიზნობრივად?“

ლევან მგელაძე: “ბუჩქებში თანხებს არ იხდით?“

“ბუჩქებში კი, მაგრამ მუხებში არ გადაგვიხდია არც ერთი თეთრი. აი, ზუსტად ამას ჰქვია მოსახლეობის წაქეზება, რომ, მე დავრგე მუხები, შემდეგ მოვთხარე და ახლა დავრგე ბუჩქები და ამით, თურმე, „ვათეთრებ“ ფულს. მუხის ნერგებში ფული არ გადაგვიხდია. შეგიძლიათ, წაბრძანდეთ ლაითურის ტყეში, მოთხაროთ ნერგები და დარგოთ, სადაც გინდათ. რაც შეეხება ბუჩქებს, მარადმწვანე მცენარეები მოსახლეობამ მოითხოვა,“_ განმარტა სიორიძემ.

სხდომის დასრულებისას, ბეგლარ სიორიძე და დეპუტატი ნათია შარაშენიძე შეკამათდნენ:

“ლეიბორისტული პარტია“ რომ რომელიმე წევრმა დატოვოს, ამაზეც შეიძლება პასუხი მე მომთხოვოთ“, _ უთხრა სიორიძემ დეპუტატს, რაზეც შარაშენიძემ უპასუხა: „თქვენც კი დატოვეთ “ნაციონალური მოძრაობა“, მაგრამ არავის არ მოუკითხიხართ“.

ბეგლარ სიორიძე: “როგორ გეკადრებათ?! არასდროს არ ვყოფილვარ “ნაციონალური მოძრაობის“ წევრი!“

ნათია შარაშენიძე: “არც ქონება არ დაგიგროვებიათ “ნაციონალური მოძრაობის“ დროს?!“

“რას ჰქვია, ქონება დავაგროვე? “ნაციონალური მოძრაობა“ „ლეიბორისტულ პარტიაზე“ უარესი ნამდვილად არ გახლავთ! 1997 წლის მარტს, როგორც კი დაიშალა რაიკომი, მას შემდეგ ვარ ბიზნესში და ვაგროვებ ქონებას. თქვენთვის სამწუხაროდ, იმდენი ქონება დავაგროვე, მეყოფა და მეტი არ მჭირდება. თქვენი ექიმი ვნახე თბილისში და მოკითხვა გადმოგცათ. სამარცხვინოა თქვენი საქციელი! შეგიძლიათ კიდევ ერთხელ მიმართოთ სახალხო დამცველს“, _ პარტია დაუწუნა შარაშენიძეს სიორიძემ, თუმცა, არც „ლეიბორისტი“ დარჩა ვალში: “ლეიბორისტული პარტია იქნება სწორედ, თქვენ რომ დაგიჭერთ!“




 ახალი ამბები
  • “მინდა, ჩემმა შვილმა ფეხზე გაიაროს და ირბინოს“ქალაქ ოზურგეთში მცხოვრებ პატარა იოსებს სასწრაფოდ სჭირდება ჩვენი დახმარება. იოსებს აქვს ჰიდროცეფალია გაკეთებეული აქვს თავზე ოპერაცია. იგი  დღენაკლული დაიბადა, 6 თვის არ იყო. როგორც კი 2 კილო გახდა, გაუკეთეს თავზე შუტირება,მას შემდეგ ჩვეულებრივად ვითარდებოდა. “6 თვის ასაკამდე დახოხავდა, ჯდებოდა 6 თვის შემდეგ დაეწყო დაჭიმულობა და ყველაფერი გავყიდეთ, რაც გაგვაჩნდა, რომ საფრანგეთში წაგვეყვანა, სადაც მას უტარდებოდა რეაბილიტაცია, მასაჟები და ვარჯიშები, თუმცა, ბავშვის მდგომარება გაუარესდა. 8-თვიანი მკურნალობის შემდეგ საფრანგეთში დარჩენის უფლება არ მოგვცეს და უკან საქართველოში გამოგვიშვეს. იოსებს, თურქი ექიმების რეკომენედაციით, სასაწრაფოდ სჭირდება ორივე მენჯ-ბარძაყის ოპერაცია, რადგან პირველი ხარისხის ამოვარდნილობა და მყესების დაჭიმულობა აქვს. როგორც გვაიმედებენ, თუ ოპერაციას გავუკეთებთ, სიარულს შეძლებს, _ გვითხრა იოსების დედამ, ინგა სარიშვილმა. თუმცა, ეს ბავშვის ერთადერთი პრობლემა არაა _  პატარას ხერხემლზე ძვლების არასწორი შეზრდა აქვს მენჯის ძვლოვან ნაწილებთან, რაზეც სასწრაფოდ ესაჭიროება ოპერაცია, წინააღმდეგ შემთხვევაში ის ვეღარ გაივლის. „ოპერაციისთვის 10 ათასი დოლარია საჭირო, რომ სამუდამოდ არ მეჯაჭვოს საწოლს. მინდა, ჩემმა შვილმა ფეხზე გაიაროს და ირბინოს“, _ გვითხრა ბავშვის დედამ, თუმცა ოჯახს იოსების სამკურნალოდ ყველა რესურსი ამოწურული აქვს. პატარა იოსები საზოგადოების, კეთილი ადამიანების დახმარების იმედით ელოდება ტოლებთან სირბილს. იოსების დასახმარებლად გახსნილია ანგარიში. 09 01 200 128 საქველმოქმედო ზარი ყველა ოპერატორიდან. დახმარების მსურველთათვის მოცემულია ანგარიშის ნომრები. დანიშნულებაში მიუთითეთ იოსებ თანხის ჩარიცხვის მსურველებისთვის ქვემოთ მოცმულია ინსტრუქცია აპარატებიდან: #თიბისი #ფეის საბანკო მომსახურება აირჩიეთ იურდიული პირი იურიდიული პირის პირადი ნომერი _ 61004014867 დაბადების თარიღი  _ 03.10.1982 საიდენტიფიკაციო კოდი:445473014 საქართველოს ბანკის აპარატები იურიდული პირი ან კომპანის ანგარიში იდენტინფიცრება საინდეტიფიკაციო ნომრით საიდენტიფიკაციო კოდი: 445473014საბანკო რეკვიზიტები: მიმღები: ააიპ იალქანი საქართველოს ბანკი #GE55BG0000000588221400 თიბისი ბანკი: ლარში #GE12TB7990736080100007 $-დოლარში #GE94TB7990736180100002 EVRO-ევრო #GE94TB7990736180100002 საკონტაქტო ნომერი: 599 33 01 ... ...
  • შტორმი ზღვაზე _ საგანგებო სიტუაციების მართვის სამსახური დამსვენებლებს აფრთხილებსსაგანგებო სიტუაციების მართვის სამსახურის ინფორმაციით, დღეს, შავი ზღვის მთელს სანაპირო ზოლზე 3-დან 4 ბალამდე შტორმი ფიქსირდება. ზღვაში შესვლა კატეგორიულად აკრძალულია, რის გამოც სანაპირო ზოლზე გამოფენილია წითელი ალმები. ადგილზე მყოფი მაშველები დამსვენებლებს შტორმის შესახებ აფრთხილებენ და სიტუაციას აკონტროლებენ. შინაგან საქმეთა სამინისტროს საგანგებო სიტუაციების მართვის სამსახური მოუწოდებს დამსვენებლებს დაემორჩილონ მაშველების მითითებებს და დაიცვან უსაფრთხოების ნორმები, არ დატოვონ მცირეწლოვანი ბავშვები უმეთვალყურეოდ. მას შემდეგ რაც ზღვაში შესვლა დასაშვები იქნება, სანაპიროზე გამოიფინება ... ...
  • პოლიციამ "საქართველოს ბანკის" ექსპრეს ფილიალზე ყაჩაღური თავდასხმის ფაქტი ცხელ კვალზე გახსნაშინაგან საქმეთა სამინისტროს თბილისის პოლიციის დეპარტამენტის გლდანი- ნაძალადევის სამმართველოს თანამშრომლებმა, ჩატარებული ოპერატიული და საგამოძიებო მოქმედებების შედეგად, 1989 წელს დაბადებული გ.ჩ. ყაჩაღობის და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით, დააკავეს. შსს-ს ცნობით, გამოძიებით დადგინდა, რომ მიმდინარე წლის 22 აგვისტოს, გ.ჩ. მუხიანში მდებარე “საქართველოს ბანკის” ექსპრეს ფილიალში იარაღის მუქარით შეიჭრა, ბანკის თანამშრომლებს ფული გასტაცა და შემთხვევის ადგილიდან მიიმალა. პოლიციამ ბრალდებული მომხდარიდან რამდენიმე საათში, ცხელ კვალზე დააკავა. “სამართალდამცველებმა გატაცებული თანხა ნივთმტკიცებად ამოიღეს. გამოძიება საქართველოს სისხლის სამართლის კოდექსის 179-ე მუხლის პირველი ნაწილით და 236-ე მუხლის მე-3 და მე-4 ნაწილებით მიმდინარეობს, რაც ყაჩაღობას და ცეცხლსასროლი იარაღის მართლსაწინააღმდეგო შეძენა- შენახვა- ტარებას გულისხმობს. ჩადენილი დანაშაული 5-დან 7 წლამდე ვადით თავისუფლების აღკვეთას ითვალისწინებს”,- აღნიშნულია შსს-ს ... ...
  • ხანძარი გორის მუნიციპალიტეტში - ცეცხლის ქრობის პროცესში მესამე ვერტმფრენიც ჩაერთოსაგანგებო სიტუციების მართვის სამსახურის ინფორმაციით, სოფელ საყავრესთან, ტყის ხანძარის ქრობის სამუშაოებში მესამე ვერტმფრენი ჩაერთო. შიდა ქართლში, გორის მუნიციპალიტეტში, სოფელ საყავრესთან ტყის მასივში გაჩენილი ხანძრის ქრობის სამუშაოები მეორე დღეა აქტიუტრად მიმდინარეობს. მთელი ღამის განმავლობაში ადგილზე უწყვეტ რეჟიმში მუშაობდა თბილისის, შიდა ქართლის, იმერეთის, სამცხე-ჯავახეთის, ქვემო ქართლის და მცხეთა-მთიანეთის სახანძრო-სამაშველო ჯგუფები. სულ 250-მდე მეხანძრე-მაშველი. პროცესში ჩართული იყო სახანძრო სამაშველო და დამხმარე ტექნიკა. მათივე ცნობით, გათენებისთანავე განაახლა მუშაობა შინაგან საქმეთა სამინისტროს სასაზღვრო პოლიციის სამმა ვერტმფრენმა. უწყებაში აცხადებენ, რომ ამ დროისთვის ადგილზე ღია ცეცხლის კერა აღარ აღინიშნება. მიმდინარეობს ცალკეული მონაკვეთების დამუშავება როგორც ცოცხალი ძალის, ასევე ვერტმფრენების საშუალებით. სიტუაცია კონტროლს ექვემდებარება. ადგილზე მოწყობილია საველე შტაბი, საიდანაც მიმდინარეობს ტყის ხანძრის ქრობის სამუშაოების ... ...
  • გვარამიამ თანამშრომლებზე ფსიქოლოგიური შეტევა დაიწყო _ ხალვაში რ2-ში განვითარებულ მოვლენებზე"რუსთავი2"-ის 100%-იანი წილის მფლობელი ქიბარ ხალვაში განცხადებას ავრცელებს, რომელსაც უცვლელად გთავაზობთ.  "საზოგადოებისათვის ცნობილია ბოლო დღეებში ტელეკომპანია რუსთავი 2-ში განვითარებული მოვლენები. ეს მოვლენები, კიდევ ერთი მტკიცებულებაა ჩემი ვარაუდისა, რომ სააკაშვილი და გვარამია მიზანმიმართულად ანგრევდნენ კომპანიას. ფაქტია, ტელევიზიის ფინანასური ნგრევის შემდეგ, გვარამია არხის თანამშრომლებზე გადაერთო და მათ წინააღმდეგ არნახული ფსიქოლოგიური შეტევა და ბულინგი წამოიწყო. საზოგადოებამ იცის, რომ იმ ჟურნალისტებს, რომლებიც რუსთავი 2-ში მუშაობდნენ, ჩვენ შევათვაზეთ სარედაქციო პოლიტიკაში ჩაურევლობა, დასავლური, ცივილიზებული სტანდარტით მუშაობა, რაც ნიშნავს კრიტიკულ, ობიექტურ და მიუკერძოებელ მაუწყებლობას. მიუხედავად იმისა, რომ არხიდან რამდენიმე ადამიანის კონკრეტული მიზეზებით გათავისუფლება მოხდა, ზოგიერთი თანამშრომლის მხრიდან ეს აღმული იქნა სარედაქციო პოლიტიკაში ჩარევის მცდელობად, თუმცა ვერც ერთი ჟურნალისტი ვერ იტყვის, რომ მთელი ამ ხნის მანძილზე მათ საქმიანობაში ჩემი მხრიდან რაიმე ჩარევა მოხდა. ცხადია, რომ ჟურნალისტების გარკვეული ნაწილის წასვლა, თავიდანვე ცხადი იყო და მხოლოდ ნიკა გვარამიას მოწოდებაზე იყო დამოკიდებული, რაც აშკარად გამოჩნდა კიდევაც. ჩემთვის ნათელია, რომ ნიკა გვარამია მის პატრონთან,სააკაშვილთან ერთად ცდილობდა, რუსთავი 2-სათვის დაეკარგა ტელევიზიის სახე და აგრესიული პარტიული პროპაგანდის იარაღად გადააქცია. წლების განმავლობაში ამ პროპაგანდის მთავარი ინსტრუმენტები - სიცრუე და საზოგადოების ცნობიერებაზე ძალადობა იყო. ბუნებრივია, ამ ყველაფერმა ტელევიზიის სანდოობას პირველი კრიტიკული დარტყმა მიაყენა. ასევე უმძიმესი დარტყმა იყო ის ფინანსური მაქინაციები, რომლებმაც ტელეკომპანია ამ ვითარებამდე მიიყვანა. მათ შორის იყო ის ერთ-ერთი ეპოზოდი, რის გამოც მოხდა რამდენიმე თანამშრომლის გათავისუფლება. გვარამიას, ანაჯაფარიძეს, მელაძეს, ლაფერაშვილს, გაბუნიას, ასევე ყოფილ თანამშრომელ უდუმაშვილს, იმ დროს, როდესაც კომპანიის თანამშრომლების ხელფასები გაყინული იყო, ასიათასობით ლარი აქვთ მიღებული. ახლა ცდილობენ, ეს თანხები ბონუსად წარმოაჩინონ, თუმცა, აშკარაა, რომ ასეთი ბონუსები კომპანიას არ გაუცია და სწორედ რუსთავი2-ის კუთვნილი, მაგრამ სხვა კომპანიაში დალექილი თანხმები მიიღეს, ჩუმად, სხვა თანამშრომელბისაგან მალულად, გადასახადების გადაუხდელად. ყველაფრის მიუხედავად, მკაფიოდ ვაფიქსირებ, რომ ყველაფერს გავაკეთებ რუსთავი2-ის გადასარჩენად და იმისათვის, რომ შექმნილ ვითარებაში სწრაფად მოვახერხოთ არხის რეაბილიტაცია და ისევ იმ კურიერის დაბრუნება ეთერში, რომელიც უამრავ მაყურებელს მიიზიდავს. სამწუხაროდ, ბევრმა ჟურნალისტმა გუშინ მიიღო ემოციური გადაწყვეტილება, რაც იმედი მაქვს, რომ მალე შეიცვლება, როდესაც დარწმუნდებიან, რომ რუსთავი2 არ ღალატობს თავის ძველ ტრადიციას, არის კრიტიკული, შეუპოვარი და დამოუკიდებელი, ისეთი როგორიც იყო წლების წინ, სანამ ბოლომდე პოლიტიკური წნეხის ქვეშ მოექცეოდა და როდესაც მათ საზოგადება ენდობოდა. პოზიტიურ სიახლეებს უახლოეს დღეებში შეგაყობინებთ!" _ ნათქვამია ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...