რა ინფორმაცია დაუმალეს პოლიციელებმა სკოლის დირექტორებს _ "რომ გვცოდნოდა, მივიღებდით ზომებს"

მთავარი თემა

რა ინფორმაცია დაუმალეს პოლიციელებმა სკოლის დირექტორებს _ "რომ გვცოდნოდა, მივიღებდით ზომებს"

2016 აპრ 25 13:54:57

ჩოხატაურის ცენტრში, ყოფილი სასტუმრო "ბახმაროს" შენობაში, სადაც რამდენიმე ოჯახი ცხოვრობს და ბიზნესობიექტებიცაა განთავსებული, მოსწავლეების მიერ ბანქოს თამაში არავის უკვირს _ ყოველდღე, სასწავლო პროცესის დროს, აქ უფროსკლასელები იკრიბებიან და როგორ გვითხრეს, ბანქოს ფულზე თამაშობენ. მოსწავლეები ამას მალულად არ აკეთებენ და მათი ნახვა ნებისმიერ მოქალაქეს და პედაგოგს შეუძლია.

"გურია ნიუსმა" აღნიშნული ფაქტი 20 აპრილს, 13 საათსა და 45 წუთზე ვიდეოფირზე დააფიქსირა. ჩვენს კითხვაზე _ რატომ არ იყვნენ საგაკვეთილო პროცესის დროს სკოლაში, თამაშის პარალელურად, ახალგაზრდებმა მხოლოდ ის გვიპასუხეს, რომ სკოლის მოსწავლეები არ არიან და ჩანთები, უბრალოდ, "ხოშის" გამო უკეთიათ.

ამ სტატიის ჩვენს ვებგვერდზე გამოქვეყნებას ბევრი გამოხმაურება მოჰყვა. მათ შორის განათლების სამინისტროსიც, რომელმაც ფაქტის გამოძიება რესურსცენტრს დაავალა; საქმეში აქტიურად ჩაერთო მანდატურის სამსახურიც.

სტატიის გამოქვეყნებიდან მეორე დღეს, ამ თემაზე ჩოხატაურის საგანმანთლებლო რესურსცენტრში, დირექტორებთან ერთად გამართულ თათბირზე იმსჯელეს, რომელსაც პოლიციის თანამშრომელებიც ესწრებოდნენ.

როგორც გვითხრეს, თათბირზე პოლიციელებმა დაადასტურეს, რომ ასეთი ფაქტების შესახებ დიდი ხანია, საქმის კურსში არიან და რამდენიმე მშობელს შესაბამისი გაფრთხილებაც კი მისცეს. ამავე შეხვედრაზე უბნის ინსპექტორს სერგო მუკბანიანს ისიც კი უღიარებია, რომ ბანქოს თამაშში გართულ მოსწავლეებს რამდენჯერმე თავზე დაადგა:

_ როგორც პოლიციელმა აღნიშნა, რეაგირება იმის გამო ვერ მოახდინა, რომ სკოლის მოსწავლეები სახეზე ვერ იცნო, _ გვითხრეს შეხვედრაზე მყოფმა სკოლის დირექტორებმა.

მათივე ინფორმაციით, პოლიციელმა თეონა მელუამ, რომელიც ბავშვთა საკითხებზე მუშაობს, დაადასტურა, რომ ბანქოს სათამაშოდ სხვადასხვა სკოლის მოსწავლეების საგაკვეთილო პროცესში შეხვედრის შესახებ ინფორმაციას ფლობდა.

_ ჩვენ რომ ეს ამბავი გვცოდნოდა, აუცილებლად მივიღებდით ზომებს. პოლიციელებს ეს უნდა ეთქვათ ჩვენთვის. ასეთი შემთხვევების უყურადღებოდ დატოვება არ შეიძლება. ყველას გვაქვს ჩვენი წილი პასუხისმგებლობა და ამას ვერავინ მოვიხსნით, _ აღნიშნეს საჯარო სკოლების დირექტორებმა, რომლებიც ყურადღებას საზოგადოების პასიურობაზე და პოლიციის უპასუხისმგებლობაზე ამახვილებენ.

_ თურმე, ბანქოს მოთამაშე ბავშვებს ყოველდღე ათეულობით ადამიანი ხედავდა და ახლა ამბობენ, რომ მათი უცენზურო სიტყვებით ძალიან იყვნენ შეწუხებულები. ძალიან ცუდია, რომ საზოგადოება ამ საგანგაშო ფაქტის მიმართ ძალიან გულგრილი აღმოჩნდა და არც ერთ მათგანს სკოლისთვის არაფერი შეუტყობინებია, _ გვითხრა ერთ-ერთმა სკოლის დირექტორმა.

ჩოხატაურის საგანმანათლებლო რესურსცენტრის ხელმძღვანელის შორენა სიხარულიძის თქმით, ამ პრობლემის მოსაგვარებლად, რომელსაც შეიძლება ითქვას, რომ მასშტაბური სახე აქვს მიღებული, კონკრეტული ღონისძიებები უნდა გატარდეს.

_ როდესაც თქვენს მიერ გავრცელებული ინფორმაცია პოლიციელებმაც დაადასტურეს, ყველა საჯარო სკოლის დირექტორი შეწუხდა. მათ ვერ წარმოედგინათ, რომ ამ ამბავში მათი სკოლის მოსწავლეებიც იყვნენ ჩართულები. ქალბატონმა თეონა მელუამ დაადასტურა, რომ რამდენჯერმე ჰქონდა დაფიქსირებული, როცა საგაკვეთილო პროცესში არასრულწლოვანები თამაშობდნენ აზარტულ თამაშებს, თუმცა, არ იცოდა, თამაშობდნენ თუ არა თანხაზე.

მან აღნიშნა, რომ როცა იქ შედიოდა, ბავშვები გარბოდნენ და მას არ შეეძლო ამ ბავშვების ამოცნობა. მანვე დაადასტურა, რომ რამდენიმე შემთხვევა იყო, როცა კომუნიკაცია ჰქონდა ბავშვების მშობლებთან. სამწუხაროდ, სკოლა არ ჩაუყენებიათ საქმის კურსში. დადასტურდა, რომ ეს მხოლოდ დაბა ჩოხატაურში არსებული სკოლების პრობლემა არ არის და აზარტულ თამაშებში ახლომდებარე საჯარო სკოლის მოსწავლეებიც შეიმჩნევიან _ დასახელდა გორას, ზემო ფარცხმის, გუთურის, ერკეთის საჯარო სკოლის მოსწავლეები. ჩვენ ვთხოვეთ, რომ ამაში აქტიურად ჩაგვრთონ.

მართალია, ჩვენი იურიდიული უფლებამოსილება ვრცელდება საგაკვეთილო პროცესზე, მაგრამ საქმე ეხება მორალურ პასუხისმგებლობასაც. ძალიან გამიხარდა, რომ ეს მორალური პასუხიმგებლობა საჯარო სკოლების დირექტორთა უმრავლესობამ აიღო თავის თავზე, _ აღნიშნა ჩვენთან საუბრისას სიხარულიძემ.

მისივე თქმით, სკოლები ამ საკითხზე პრევენციული ღონისძიებების გატარებას გეგმავენ: _ ეს იქნება კლასის ხელმძღვანელის მუშაობა ამ მიმართულებით, კლასის საათის ჩატარება ამ თემაზე. შეიძლება ეს იყოს კვირეული და მრავალი სხვა აქტივობა და რესურსი, რომელიც სკოლას გააჩნია ამ საკითხის პრევენციისთვის. ამაში ჩაერთვებიან თვითმმართველობები, მშობელთა კომიტეტი და ეს ქცევა იქნება განხილვის და მსჯელობის საგანი.

გავრცელებულ ინფორმაცია, რომლის თანახმადაც, არასრულწლოვნების მიერ ბანქოს მასიური თამაში ორგანიზებულია და მას კონკრეტული ხელმძღვანელი ჰყავს, შორენა სიხარულიძისთვის უცნობია:

_ ამ თემაზე ვერაფერს გეტყვით, რადგან ამ ინფორმაციას პოლიციელები არ ფლობენ. შესაბამისად, მსგავსი ინფორმაცია არც ჩვენ გვაქვს. მე, ასევე, მინდა დიდი მადლობა გადაგიხადოთ ჩემი და სკოლის დირექტორების სახელით, რადგან მხოლოდ "გურია ნიუსმა" შევატყობინა ასეთი მნიშვნელოვანი ფაქტის შესახებ. ვნახოთ, რა შედეგს გამოიღებს თქვენი და ჩვენი ერთობლივი ძალისხმევა.

ჩვენ გვქონდა კომუნიკაცია რაიონულ პროკურორთან დავით შვანგირაძესთან, რომელიც დახმარებას შეგვპირდა, რაც იმაში გამოიხატება, რომ 5 მაისს ვგეგმავთ დიდ შეხვედრას, რომელსაც სხვადასხვა სკოლების უფროსი კლასის მოსწავლეები დაესწრებიან. ამ შეხვედრაზე ვისაუბრებთ აზარტულ თამაშებზე, მის გავლენებზე, შედეგებზე. იქნება ღია და გულწრფელი საუბრები, _ აღნიშნა ჩოხატაურის საგანმანათლებლო რესურსცენტრის უფროსმა.

ამ თემაზე სტატიაში დასახელებული პოლიციელები კომენტარებს არ აკეთებენ. შინაგან საქმეთა სამინისტროს პრესსამსახურში კი კატეგორიულად უარყოფენ ინფორმაციას, რომ პოლიციელებს ამის შესახებ ინფორმაცია ჩვენს მიერ სტატიის გამოქვეყნებამდე ჰქონდათ:

_ პოლიციელებმა აღნიშნულის შესახებ "გურია ნიუსის" ვებგვერდზე გამოქვეყნებული სტატიიდან გაიგეს, რომლის განხილვაც რესურსცენტრში მოეწყო. ამ დრომდე პოლიციისთვის ოფიციალურად არავის მიუმართავს და შეტყობინება არც 112-ში შესულა, _ გვითხრეს პრესსამსახურში და დასძინეს, რომ საკითხის შესწავლა აუცილებლად მოხდება და შესაბამისი რეაგირებაც იქნება.




 ახალი ამბები
  • მოქალაქეები საჯარო სივრცის დასაცავადქაოტური განაშენიანების, რეგულირების გეგმების არარსებობის და გადაწყვეტილების მიღების პროცესში საჯარო ინტერესის გაუთვალისწინებლობის პირობებში, მნიშვნელოვნად შემცირდა გამწვანებული ზონები და საჯარო სივრცეები, დაზიანდა კულტურული მემკვიდრეობა. შედეგად, ყოველდღიურად ილახება ჯანსაღ გარემოში ცხოვრების კონსტიტუციური უფლება. განსაკუთრებით ურბანულ დასახლებებში, უარესდება ეკოლოგიური მდგომარეობა, იზღუდება მოსახლეობის წვდომა საჯარო სივრცეებზე. ამდენად, მნიშვნელოვანია საზოგადოების ინიციატივები და აქტიური მონაწილეობა გადაწყვეტილების მიღების პროცესში ისე, რომ მუნიციპალური საქმიანობის და ურბანული განვითარების პარალელურად, დაცული იყოს საჯარო ინტერესი. 20 ნოემბერს, ღია საზოგადოების ფონდმა საზოგადოებას კონკურსის „საჯარო ინტერესის დაცვა მუნიციპალურ საქმიანობაში“ კონკურსში გამარჯვებული ოთხი პროექტი წარუდგინა, რომელიც თბილისში, ბათუმსა და ოზურგეთში გახორციელდება.  ოთხივე პროექტის მიზანია საჯარო სივრცეების დაცვა ქაოტური განაშენიანებისგან, გამწვანებისა და კულტურული მემკვიდრეობის დაცვის პოლიტიკის შემუშავებაში მონაწილეობა და მდგრადი ურბანული განვითარების ხელშეწყობა. 1)      ახალგაზრდა მწვანეები- დიღმის ტყე-პარკში მრავალფუნქციური კომპლექსისა და ბათუმში „რივიერას“ კომპლექსის მშენებლობის წინაღმდეგ აქტივისტური ღონისძიებების განხორციელება. გარემოსდაცვითი აქტივისტური ჯგუფების გაძლიერება ბათუმში; 2)      სამოქალაქო საზოგადოების ინსტიტუტის ბათუმის ფილიალი - ბათუმის გამწვანებისა და ეკოლოგიის პოლიტიკის კვლევა, ხარვეზების გამოვლენა და ხარვეზების გამოსასწორებლად რეკომენდაციების შემუშავება. გამწვანებითა და ეკოლოგიით დაინტერესებული ადგილობრივი ჯგუფების გაძლიერება; გარემოსდაცვით გადაწყვეტილებებში მოქალაქეთა მონაწილეობის გაზრდა. 3)      საინიციატივო ჯგუფი „გადავარჩინოთ მთაწმინდა“- მთაწმინდაზე მიმდინარე მასიური მშენებლობის  წინააღმდეგ ეკოლოგიური, გეოლოგიური და სამართლებრივი არგუმენტების დამუშავება, სასამართლოში დავის წარმოება, აქტივისტური ღონისძიებების დაგეგმვა და განხორციელება მშენებლობის შესაჩერებლად; 4)      ინოვაციებისა და სამოქალაქო განვითარების ცენტრი- ოზურგეთში გენერალური გეგმის შემუშავებისა და დამტკიცების ადვოკატირების ... ...
  • თსუ სტუდენტური ლიტერატურული კონკურსის "შემოდგომის ლეგენდა 2019" მეათე ფინალისტი ოზურგეთელიათსუ სტუდენტური ლიტერატურული კონკურსის _ "შემოდგომის ლეგენდა 2019" მეათე ფინალისტი ხვიჩა ყაზაიშვილია _ ამის შესახებ ამავე უნივერსიტეტის ფეისბუქის გვერდიდან ხდება ცნობილი. ხვიჩა ოზურგეთის მუნიციპალიტეტის, სოფელ შემოქმედში დაიბადა და შემოქმედის საჯარო სკოლა დაამთავრა. “სწავლობს  _ განათლების სადოქტორო პროგრამაზე; კითხულობს _ რაც უნდა გასაკვირი იყოს, ახლა ჯაბა იოსელიანის "ლიმონათის ქვეყანას" ვკითხულობ. უფრო ხშირად სამეცნიერო ლიტერატურას ვეცნობი, ჩემი საყვარელი ჟანრი კი რეალიზმია;  წერს _  ადამიანებზე, რომლებიც ჩვენს რეალობაში ცხოვრობენ, თუმცა, მათ ვერც სიცოცხლეს და ვერც სიკვდილს ვერ ვხედავთ; ეშინია _ გველების; აშფოთებს _ უსამართლობა;  აბედნიერებს _ ფეხზე წამომდგარი ადამიანების დანახვა; ოცნებობს _ რომ ოდესმე ოზურგეთის "მერცხალი" ჩემპიონთა ლიგაზე ითამაშებს და გურიაში მადრიდის "რეალს" მოუგებს“, _ წერია ხვიჩა ყაზაიშვილის შესახებ “თსუ“-ს ფეისბუქგვერდზე. ერთი პერიოდი ხვიჩა ყაზაიშვილი საინფორმაციო სააგენტოს “გურია ნიუსის“ პრაქტიკოსი იყო. “გურია ნიუსი“ ხვიჩა ყაზაიშვილს წარმატებას და გამარჯვებას ... ...
  • ავღანეთიდან დაბრუნებული მამის შეხვედრა შვილთანსოციალურ ქსელში ვრცელდება ემოციური ფოტო, რომელზეც აღბეჭდილია ავღანეთიდან დაბრუნებული მამისა და შვილის შეხვედრა. „ავღანეთში მიმდინარე „მტკიცე მხარდაჭერის“ მისიიდან დაბრუნებული მშობლის მოულოდნელი და მონატრებული ვიზიტი თბილისის ერთ-ერთ ბაგა-ბაღში. ემოციური წუთები ყველაფრის მთქმელია„, _ წერია ფოტოს დასათაურებაში. წყარო: ... ...
  • "ივანიშვილი იძულებული იქნება სპეცრაზმის მეშვეობით მართოს ქვეყანა"- უგულავაამ წუთებში ოპოზიციის წარმომადგენლები პროკურატურასთან აქციას მართავენ. მათ პროკურატურის ჭიშკარს პროტესტის ნიშნად ბოქლომი დაადეს. როგორც გიგი უგულავამ ჟურნალისტებს განუცხადა, აქციები გაგრძელდება. მისი თქმით, ოპოზიცია მხარდამჭერებთან ერთად ორშაბათს საღამოს შეიკრიბება, ღამეს გაათევს და მეორე დღეს პარლამენტის პიკეტირებას მოახდენს. "გამოიყვნენ სპეცრაზმს? გამოიყვანონ, კი ბატონო ეგ არის ჩვენი მიზანი. ივანიშვილი იძულებული იქნება ქვეყანა მართოს, გადაადგილდეს მხოლოდ სპეცრაზმის მეშვეობით, თუ ამას მართვა ჰქვია",- განაცხადა ... ...
  • აქციის მონაწილეებმა გენარალური პროკურატურის ჭიშკარს ბოქლომი დაადესამ წუთებში ოპოზიციის წარმომადგენლები თბილისში, გენერალურ პროკურატურასთან აქციას მართავენ. მათ პროტესტი უსამართლობის წინააღმდეგ პროკურატურის ღობეზე ბოქლომის დადებით ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?