თოვლის ბაბუაზე შეყვარებული გუბერნატორი, ინდოელი მეკვლე და... საწოლში შეხვედრილი ახალი წელი

მთავარი თემა

თოვლის ბაბუაზე შეყვარებული გუბერნატორი, ინდოელი მეკვლე და... საწოლში შეხვედრილი ახალი წელი

2011 იან 6 13:43:06

_ ოთახს ამშვენებდა კურკანტელას მარცვლებითა და ფოჩიანი კანფეტებით დამშვენებული ჩიჩილაკი, რომელსაც გურული კაცი თხილის ნედლი შტოდან თლიდა. მაგიური ძალა ჰქონდა ჩიჩილაკს, გადამდები სიხარულით აგავსებდა და ისეთი ლამაზი იყო, თვალს ვერ მოაშორებდი, თურმე. თოვლის პაპაც გვყავდა გურულებს _ თეთრნაბადიანი, თეთრწვერა, ყაბალახიანი ბაბუა, რომელსაც გუდაში ბავშვებისთვის ჩურჩხელები, ნაზუქები, ჩირი, გოზინაყი და ხის თოჯინები ჩაეწყო.
მთელი ოჯახი იკრიბებოდა სუფრასთან, ოჯახის თავი გარეთ გადიოდა და როცა ღამის 12 საათი შესრულდებოდა, ხის გობზე დაწყობილი ღორის თავი, მწვადი და ტკბილეული შემოჰქონდა. გობზე მიმაგრებული იყო ანთებული წმინდა სანთელი, კარზე სამჯერ დააკაკუნებდა და იწყებოდა შემდეგი დიალოგი:
_ კარი გამიღეთ!
_ ვინ ხარ?
_ მეკვლე!
_ რა მოგაქვს?
_ მშვიდობა და ბედნიერება, ხვავი, ბარაქა. აშენდით, დამშვენდით!
დიალოგის შემდეგ იღება კარი, შემოდის ოჯახის უფროსი, თითოეულ წევრს გადაეხვევა და ულოცავს ახალ წელს, სხდებიან მაგიდასთან საახალწლო სუფრასთან. პატარები და მოხუცები მალე დაიძინებენ. ვისაც სმა შეუძლია, დილამდე განაგრძობს ქეიფს.
ჩვენ დავინტერესდით, რა ტრადიციები აქვთ, სად შეხვდნენ ახალ წელს, ვინ იყო მათი ოჯახების თამადა და რა სურვილები აქვთ გურულ ჩინოსნებსა და ოპოზიციის წარმომადგენლებს.
თავდაპირველად გურიის გუბერნატორს ვალერი ჩიტაიშვილს შევეხმიანეთ: _ ახალ წელს სახლში შეხვდი _ 12 საათზე, ტრადიციულად ოჯახში ვარ, ხოლმე. შემდეგ ქალაქში გავედი და საახალწლო ღონისძიებებს დავესწარი. ოჯახის მეკვლე ჩემი 17 წლის დისშვილი გახლდათ, _ გვითხრა ჩიტაიშვილმა. როგორც გავიგეთ, გუბერნატორს თოვლის ბაბუის არსებობა ნამდვილი ეგონა და დღესაც მიაჩნია, რომ ადამიანს წელიწადში ერთხელ ოცნება-სურვილის ახდენის იმედი უნდა ჰქონდეს: _ თუ მოჰქონდა საჩუქარი თოვლის ბაბუას, როცა პატარა ვიყავი? კი, რა თქმა უნდა, თოვლის პაპას ხომ საჩუქარი ყველა პატარასთვის მიაქვს და ჩემთვისაც მოჰქონდა. წელიწადში ერთხელ ოცნების ახდენის იმედი ყველა ადამიანს უნდა ჰქონდეს, _ ამბობს გუბერნატორი.
მისი პირველი მოადგილე თამაზ მახარაძე ერთადერთი გურული ჩინოსანია, რომელსაც მეკვლედ უცხოელი ჰყავდა. ახალ წელს ისიც საკუთარ სახლში შეხვდა: _ როგორც ყოველთვის, ოჯახში შევხვდი ახალ წელს, ჩემს მეუღლესთან ერთად. ჩვენი მეკვლე ჩვენივე მეზობელი გიორგი მახარაძე იყო, რომელსაც, სხვათა შორის, ახლდა ინდოელი სტუმარი. გიორგიმ, ეტყობა, გაითვალისწინა, რომ არ გვეთქვა _ მეკვლედ ინდოელი რად გვინდოდაო და პირველი სწორედ მეზობლის ბიჭი შემოვიდა, _ გვითხრა ბატონმა თამაზმა და თოვლის ბაბუას შესახებ დასმულ კითხვაზე ღიმილით გვიპასუხა: _ თოვლის ბაბუის ყოველთვის მჯეროდა, ბავშვობაშიც, შემდეგაც და ახლაც მჯერა.
ვიცე-გუბერნატორი ლელა თავართქილაძე ამბობს, რომ კარგა ხანია გამოვიდა იმ ასაკიდან, როცა თოვლის ბაბუას არსებობისა სჯეროდა: _ თუმცა, სიმართლე გითხრათ, არც არასდროს მჯეროდა. რაც შეეხება ახალი წლის შეხვედრას, ტრადიციულად, ოჯახში ვარ ხოლმე. ამჯერადაც ასე იყო. შემდეგ კი მეგობართან წავედი. ჩვენი მეკვლე ჩემი 13 წლის შვილია _ თამთას იმდენად უხარია მეკვლეობა, რომ ბედნიერია, როცა მეკვლის რიტუალს ასრულებს, _ ამბობს გუბერნატორის მოადგილე.
აწ უკვე ყოფილი ვიცე-გუბერნატორი კახა ასკურავა ახალ წელს სახლში შეხვდა: _ ტრადიციულად, სახლში შევხვდი ახალ წელს ჩემი ოჯახის წევრებთან ერთად. მეკვლე ჩემი ძმისშვილი იყო. თოვლის ბაბუის მეც მჯეროდა, თუმცა, ძალიან მალე მივხვდი, რომ იგი რეალურად არ არსებობს. საჩუქრები ჩემთვისაც მოჰქონდა თოვლის ბაბუას, თუმცა, როგორც მერე გავიგე, ამ ფუნქციას ჩემი მშობლები ასრულებდნენ, _ გვითხრა მან. მისივე თქმით, თავადაც არის თოვლის ბაბუა ძმისშვილებისთვის.
ჩოხატაურის საკრებულოს თავმჯდომარე ანტონ ხუნდაძე ერთ-ერთი გამონაკლისია, ვინც ახალ წელს სახლში არ შეხვედრია: _ 31-ში, დაბის ცენტრში შევხვდი ახალ წელს, საახალწლო ღონისძიებაზე. შემდეგ წავედი სახლში და ფაქტობრივად, თავად გახლდით ჩემი ოჯახის მეკვლე. რაც შეეხება თოვლის ბაბუას, ბავშვობაში საჩუქრები მოჰქონდა და მისი არსებობა, რა თქმა უნდა, მჯეროდა. ახლაც მჯერა, მგონი, _ სიცილით გვითხრა ანტონ ხუნდაძემ.
მისი ოზურგეთელი კოლეგა ალეკო მამეშვილიც ახალ წელს ქალაქის ცენტრში შეხვდა და ოჯახის მეკვლეც თავად იყო: _ ქალაქის მოედანზე ვიყავი 12 საათზე, შემდეგ წავედი სახლში და აქედან გამომდინარე, მეკვლეც თავად ვიყავი. როგორც ყველა პატარას, მეც მჯეროდა თოვლის ბაბუას, _ გვითხრა ბატონმა ალეკომ.
ლანჩხუთის საკრებულოს თავმჯდომარე რევაზ ჩიტიძეც ახალ წელს სახლში შეხვდა: _ ოჯახში შევხვდი ახალ წელს მეუღლესთან, შვილებთან, დედასა და ბებიასთან ერთად. მეკვლე მეზობლის გოგონა გახლდათ, _ გვითხრა მან. ჩვენს კითხვაზე, სჯეროდა თუ არა თოვლის ბაბუის და უკეთებდა თუ არა იგი საჩუქრებს პატარა რეზოს, საკრებულოს თავმჯდომარემ შემდეგი გვიპასუხა: _ რა თქმა უნდა, თოვლის ბაბუის მჯეროდა. ვერ გეტყვით, ეს რა ასაკამდე გრძელდებოდა, მაგრამ ნამდვილად მეგონა, რომ თოვლის ბაბუა არსებობდა. საჩუქრები ჩემთვის ღამით არ მოჰქონდა, როგორც ახლა ჩემს შვილებს ხვდება, ხოლმე, დილით თოვლის ბაბუს მოტანილი. როგორც ჩანს, ეს ტრადიცია მაშინ არ იყო. საჩუქრებს ნაძვის ხის ზეიმზე ვიღებდი, როცა ლექსს ვამბობდი.
_ რა თქმა უნდა, ტრადიციულად, ოჯახში შევხვდი ახალი წლის შემობრძანებას. ყოველთვის ასე ხდება. მეკვლე კი ასევე ტრადიციულად მე და ჩემი ვაჟიშვილი გახლდით, _ გვითხრა ლანჩხუთის გამგებელმა, გიორგი გოგუაძემ. მისივე თქმით, თავად იყო საახალწლო სუფრის თამადაც. _ თოვლის ბაბუის მეც მჯეროდა ბავშვობაში, ისევე, როგორც ახლა ჩემს შვილიშვილებს სჯერათ, _ ამბობს გამგებელი.
გურული ფეხბურთის მესაჭე კახა ებრალიძე ახალ წელს სახლში შეხვდა: _ ოჯახის წევრებთან ერთად შევხვდი 2011 წლის შემობრძანებას, მეკვლე ჩემი უფროსი ვაჟი _ გიორგი იყო. თოვლის ბაბუის ბავშვობაში მჯეროდა და საჩუქრებიც მოჰქონდა, _ ამბობს გურიის ფეხბურთის ფედერაციის თავკაცი.
გურულ "რესპუბლიკელთა" ლიდერი ტიფო მიქატაძე ახალ წელს შეხვდა... საწოლში: _ ძალიან ცუდად გავხდი იმ ღამეს, კუჭის შეტევა მქონდა. ექიმთანაც არ წავედი, წამალი კი დავლიე, მაგრამ არ გამიყუჩა. ამიტომაც ასე უჩვეულოდ, ლოგინში შევხვდი ახალი წლის შემობრძანებას. ჩვენი ოჯახის მეკვლე ჩვენი მეზობლის ულამაზესი გოგონა იყო. ბავშვობაში თოვლის ბაბუის მეც მჯეროდა, მაგრამ როდის გამოვედი ამ ასაკიდან, აღარ მახსოვს, _ გვითხრა ოპოზიციონერმა.
მისი ლანჩხუთელი კოლეგა რომან ბიწაძე ახალ წელს სახლში შეხვდა: _ ძალიან წყნარად და ფხიზლად შევხვდი ახალ წელს. მეკვლე მეზობლის ბიჭი _ თემურ კუკულავა იყო. რაც შეეხება თოვლის ბაბუას, მისი არსებობა არც არასდროს მჯეროდა, _ გვითხრა მან.
კიდევ ერთი ოპოზიციონერი, ოზურგეთის საკრებულოს წევრი და "მოძრაობა სამართლიანი საქართველოსთვის" ადგილობრივი ხელმძღვანელი ლელა ნაცვალაძე ოჯახური პირობების გამო ახალ წელს არავისთან გადასულა: _ მამა მყავდა შეუძლოდ და ვერსად გადავედი მისალოცად. მეკვლედ ჩემი ნათლული ბიჭი გვყავდა. საერთოდ, ჩვენს ოჯახში მეკვლის დიდი ტრადიცია გვაქვს. როგორც ყველა ბავშვს, თოვლის ბაბუის მეც მჯეროდა. რასაც მშობლები მიკეთებდნენ ნაძვის ხესთან საჩუქრებს, იგივეს ვუკეთებ ჩემს პატარა დისშვილებს, _ გვითხრა ლელა ნაცვალაძემ.
გურულ კონსერვატორთა ლიდერს მაკა კვირკველიასაც არასდროს სჯეროდა თოვლის ბაბუის არსებობა. ახალ წელს ისიც საკუთარ სახლში შეხვდა, ხოლო მეკვლედ მეზობელი ესტუმრა.
გურულ ჩინოსანთა თუ ოპოზიციის წარმომადგენელთა სურვილებსაც გაგანდობთ, რომელიც ღიად დაგვიფიქსირეს: გაერთიანებული საქართველო და ყველა ქართველის ბედნიერება, გულში კი ალბათ, პირველებმა გავლენებისა და თანამდებობების შენარჩუნება ჩაუთქვეს, ხოლო მეორეებმა _ პირიქით, მათი ამ წელიწადში შეცვლის სურვილი. ვნახოთ, ვის აუსრულდება სურვილები 2011 წელს. ჩვენის მხრივ, ყველა გურულსა და საქართველოს ყველა მოქალაქეს სურვილების ასრულებას ვუსურვებთ!




 ახალი ამბები
  • უკანონო ნადირობა წითელ ნუსხაში შეტანილ კავკასიურ მურა დათვის ბელზეგარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ახალციხის მუნიციპალიტეტში უკანონო ნადირობის ფაქტი გამოავლინეს. მოქალაქემ, სოფელ ტყემლანას მიმდებარედ, გაუფორმებელი იარაღით მოინადირა წითელ ნუსხაში შეტანილი კავკასიური მურა დათვის ბელი, რომლის წონამ 30 კგ. შეადგინა. სამართალდამრღვევი ნანადირევის ტრანსპორტირებას ავტომანქანით ორ თანმხლებ პირთან ერთად ახდენდა. იგი იარაღითა და ნანადირევით გაქცევას შეეცადა, მაგრამ გარემოსდაცვითი ზედამხედველობის დეპარტამენტის, სამცხე-ჯავახეთის რეგიონული სამმართველოს თანამშრომლებმა მიმალვის საშუალება არ მისცეს. სამართალდამრღვევმა ჩადენილი დანაშაული აღიარა. ... ...
  • ქუთაისში მაღაზიის დაყაჩაღებისთვის 1 პირი დააკავესშინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო ღონისძიებების შედეგად, ქუთაისში მომხდარი ყაჩაღობის ფაქტი გახსნეს. დაკავებულია 1 პირი - 1997 წელს დაბადებული ე.ხ. ჩადენილი დანაშაული 4-დან 7 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებული მიმდინარე წლის 1 დეკემბერს, ქუთაისში მდებარე ერთ-ერთ მარკეტს ყაჩაღურად თავს დაესხა, ცეცხლსასროლი იარაღის მუქარით მოლარეს ფული გასტაცა და შემთხვევის ადგილიდან მიიმალა. პოლიციამ, დაკავებულის პირადი ჩხრეკისას, დანაშაულის ჩადენის იარაღი - ცეცხლსასროლი პისტოლეტი და საბრძოლო ვაზნები ნივთმტკიცების სახით ამოიღო. ბრალდებული ჩადენილ დანაშაულს აღიარებს. ყაჩაღობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ფაქტზე გამოძიება სისხლის სამართლის კოდექსის 179-ე მუხლის 1-ლი ნაწილით, 236-ე მუხლის მე-3 და მე-4 ნაწილებით მიმდინარეობს.  ... ...
  • დიდ ჯიხაიშში ნიკო ნიკოლაძის დაარსებული და სააკაშვილის მიერ გაუქმებული ტექნიკუმი აღდგება_გახსოვთ,  ალბათ,  სახელოვანი ტექნიკუმი,  ნიკო ნიკოლაძის დაარსებულ-აშენებული, სააკაშვილმა რომ გააუქმა  ჰოდა, აღორძინება იწყება_ ასეთ ფეისბუქსტატუსს აქვეყნებს ჟურნალისტი დარეჯან მეფარიშვილი. მისი ინფორმაციით, 2020 წელს დაიწყება შენობის რემონტი, რისთვისაც  გამოყოფილია 5 მილიონი ლარი. მეფარიშვილის ინფორმაციით, ამ საქმეს  საქართველოს ტექნიკური უნივერსიტეტის აგრარული მეცნიერებების და ბიოსისტემების ინჟინერინგის  ფაკულტეტის  დეკანი  გიგა ქვარცხავა ხელმძღვანელობს, რომელმაც   ძალიან გაახარა  სასწავლებლის ხელმძღვანელები და სტუდენტები. სამტრედიის მუნიციპალიტეტის,  დიდი ჯიხაიშის ნ. ნიკოლაძის სახელობის პროფესიული სწავლების ცენტრის დაარსება უკავშირდება ნიკო ნიკოლაძეს, რომელმაც 1923 წელს თავისი საკარმიდამო საზოგადოებრივ სარგებლობაში გადასცა სოფელს და სწორედ აქ 1925 წლის ოქტომბერში გაიხსნა სასოფლო-სამეურნეო სასწავლებელი. 1930 წლის ოქტომბერში სასოფლო-სამეურნეო სასწავლებელი გადაკეთდა სასოფლო-სამეურნეო ტექნიკუმად. 1967 წელს მას მიენიჭა ნიკო ნიკოლაძის სახელი. 1993 წელს სასოფლო - სამეურნეო ტექნიკუმი გადაკეთდა. აგრარულ-ეკონომიურ ... ...
  • დაჯარიმებული “სოფო“, “მანუჩარის“ მიერ მიწოდებული ხორცი და აღძრული სისხლის სამართლის საქმეე.წ. ხორცის სკანდალის შესახებ მედიაში აქტიურად იწერება, რამდენიმე დღის წინ კი ხმაური ხმაური ოზურგეთის მუნიციპალიტეტის სოფელ დვაბზუს სასაკლაოზე აღმოჩენილი ვადაგასული ხორცის შესახებ ინფორმაციის გავრცელებამ გამოიწვია. მედიის მიერ გავრცელებული ინფორმაციით, ხორცი ბათუმის საბავშვო ბაღებისთვის იყო განკუთვნილი. რა ოდენობის ხორცი იყო უვარგისი და რა წერია სურსათის ეროვნული სააგენტოს გურიის სამმართველოს ოზურგეთის ბაღების გაერთიანების სახელზე მიწოდებულ ინფორმაციაში-აღნიშნული ინფორმაცია „გურია ნიუსმა“ სურსათის ეროვნული სააგენტოსგან გამოითხოვა. წერილის შინაარსს გთავაზობთ უცვლელად: „თქვენი 2019 წლის 9 დეკემბრის N378 წერილის პასუხად გაცნობებთ, რომ არაგეგმური დოკუმენტური შემოწმება განახორციელა 2019 წლის 8 დეკემბერს სურსათის ეროვნული სააგენტოს გურიის რეგიონულის სამმართველოს უფლებამოსილმა პირებმა შპს სოფო (ხორცის და ხორცის პროდუქტების წარმოება, გადამუშავება, კონსერვირება) ს/კ 448053230 ფაქტობრივი მის: ოზურგეთი, სოფ. დვაბზუ რომელიც არის შპს მანუჩარის ქვექონტრაქტორი. შემოწმების დროს გამოვლინდა შემდეგი შეუსაბამობები: 10 ტანხორციდან 3 ტანხორცზე არ იყო ჯანმრთელობის ნიშანდება, დარღვეული იყო ეტიკეტირების შესაბამისობა საქართველოს კანონმდებლობის მოთხოვნებთან, დარღვეული იყო რეალიზაციის ვადები და მიკვლევადობა. ასევე ტანხორცს არ ქონდა მოცილებული განსაკუთრებული რისკის მასალა (ზურგის ტვინი). ბიზნესოპერატორი დაჯარიმდა 1000 ლარით „სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის“ 66-ე მუხლის მე-3 ნაწილის შესაბამისად. შპს “სოფოს“ საწარმოო პროცესი არ ააქვს შეჩერებული. დაილუქა 216 კგ საქონლის ფილე და 872,9 კგ საქონლის ტანხორცი. შპს “სოფოს“ მიმართ აღძრულია სისხლის სამართლის საქმე სსკ 198-ე მუხლით.“ შპს“ სოფოს“ შესახებ არაერთი სკანდალური წერილი არის გამოქვეყნებული “გურია ნიუსის“ ვებ-გვერდზე და გაზეთში. ერთ-ერთი სტატია სოფო წილოსანის ავტორობით 2019 წლის აპრილში გამოქვეყნდა, სადაც წერია: შპს „სოფო“, რომელმაც ლანჩხუთის  საბავშვო ბაღებისთვის ხორცპროდუქტების მიწოდებაზე ელექტრონული ტენდერი მოიგო, დისკვალიფიცირებულია! მუნიციპალიტეტის სკოლამდელი საგანმანათლებლო-სააღმზრდელო ცენტრის ინფორმაციით, აღნიშნულმა კომპანიამ აუქციონის გარეშე ჩატარებულ ელექტრონულ ტენდერში მიიღო მონაწილეობა და ხორცპროდუქტების მიწოდებაზე ვალდებულება, კონკრეტული ფირმის სახელით ისე აიღო, რომ ამ ფირმასთან არ ჰქონდა შესაბამისი პარტნიორული ურთიერთობა. „ეს გარემოება ლანჩხუთის მუნიციპალიტეტის სკოლამდელი საგანმანათლებლო სააღმზრდელო ცენტრის მიერ გამოვლინდა ხელშეკრულების გაფორმების სტადიაზე. შესაბამისად, შპს „სოფოს“ დაუყოვნებლივ მიეცა დისკვალიფიკაცია. ამ ეტაპზე აღნიშნულ ტენდერთან დაკავშირებით მიმდინარეობს შესყიდვების კანონმდებლობით გათვალისწინებული პროცედურა“, _ ამბობენ  სკოლამდელ საგანმანათლებლო სააღმზრდელო ცენტრში. ცნობისთვის, სურსათის ეროვნული სააგენტოს გურიის რეგიონულმა სამმართველომ, ოზურგეთის მუნიციპალიტეტის სკოლამდელი აღზრდის ცენტრიდან მიღებული შეტყობინების საფუძველზე, საბავშვო ბაღების მომმარაგებელ კომპანიაში  აპრილის დასაწყისში  არაგეგმური ინსპექტირება განახორციელა. უწყების ინფორმაციით, შპს „სოფოს“ შემოწმებისას გამოვლინდა კრიტიკული შეუსაბამობები, კერძოდ, სანიტარიულ-ჰიგიენური ნორმებისა და ტემპერატურული რეჟიმის დარღვევა, კონდენსატის არსებობა მაცივარში და კოროზირებული მილი, ხორცის ორგანოლეპტიკური მახასიათებლების დარღვევა _ შეცვლილი ფერი და კონსისტენცია, რის გამოც ბიზნესოპერატორს საწარმოო პროცესი შეუჩერდა და დაჯარიმდა. “გურია ნიუსისთვის“ ცნობილი გახდა, რომ ოზურგეთში ჩატარებულ ტენდერში მხოლოდ შპს “მანუჩარი“ იღებდა მონაწილეობა, რომლის ქვე-კონტრაქტორი “შპს“ “სოფო“. ამასობაში “სოფოზე“ საქმე აღძრულია, რამდენჯერ დაჯარიმებულია, მაგრამ ეს შპს მაინც ახერხებს ტენდერებში გამარჯვებას. ... ...
  • მოვუწოდებთ ყველა მხარეს, რომ შეინარჩუნონ სიმშვიდე _ აშშ-ს საელჩოს განცხადებაამერიკის შეერთებული შტატების საელჩო საქართველოში უზენაესი სასამართლოს უვადო მოსამართლეების დამტკიცებას ეხმაურება და პარლამენტს და ხელისუფლების შესაბამის წარმომადგენლებს მოუწოდებს დამატებითი კანდიდატების შერჩევამდე რეაგირება მოახდინონ უზენაესი სასამართლოს მოსამართლეთა შერჩევის პროცესში დაფიქსირებულ ხარვეზებზე. "ბოლო თვეების განმავლობაში ამერიკის შეერთებული შტატების საელჩო ყურადღებით აკვირდება საქართველოს უზენაესი სასამართლოს მოსამართლეთა შერჩევის პროცესს უვადოდ გამწესებისთვის. მაისში ჩვენ გამოვთქვით წუხილი პარლამენტის მიერ მიღებულ შერჩევის პროცედურებზე, რომელმაც ვერ ასახა ვენეციის კომისიის, ეუთო/ოდირისა და საქართველოში ამერიკის შეერთებული შტატებისა და ევროკავშირის მისიების ბევრი რეკომენდაცია. ჩვენ ვიზიარებთ საერთაშორისო დამკვირვებლებისა და ქართველი ექსპერტების შეფასებას, რომ კანდიდატთა შერჩევის შემდგომი პროცესი იუსტიციის უმაღლეს საბჭოში იყო არასაკმარისად გამჭვირვალე, შედეგად, რიგი ნომინირებული პირებისა არ წარმოადგენდნენ საუკეთესო კვალიფიციურ კანდიდატებს. ნომინირებული კანდიდატების მოსმენები პარლამენტის იურიდიულ კომიტეტში იყო ღია და გამჭვირვალე. მოსმენებისას კანდიდატების გარკვეულმა ნაწილმა ვერ შეძლო საკმარისად წარმოეჩინა იურიდიული ცოდნა ან ერთგულება მიუკერძოებლობისადმი. ჩვენ ვწუხვართ, რომ დღეს პარლამენტის მიერ დამტკიცებულ სიაში ეს ნომინირებული კანდიდატებიც არიან. სასამართლო დამოუკიდებლობა უზრუნველყოფს კანონის უზენაესობას, არის დემოკრატიის გარანტი და ეკონომიკური ზრდის ქვაკუთხედი. იმისათვის, რომ საქართველოს სასამართლო სისტემამ მოიპოვოს უფრო მეტი ნდობა, ჩვენ ვურჩევთ პარლამენტს და ხელისუფლების შესაბამის წარმომადგენლებს, რომ დამატებითი კანდიდატების შერჩევამდე რეაგირება მოახდინონ უზენაესი სასამართლოს მოსამართლეთა შერჩევის პროცესში დაფიქსირებულ ხარვეზებზე. ამასთან, იმ მღელვარების გათვალისწინებით პარლამენტში, რაც თან ახლდა დღევანდელ კენჭისყრას, მოვუწოდებთ ყველა მხარეს, რომ შეინარჩუნონ სიმშვიდე და იმოქმედონ თავაზიანობისა და კონსტრუქციულობის ფარგლებში,"_წერია ამერიკის შეერთებული შტატების საელჩოს ... ...

არქივი

ზაფრანი

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...

2020 წლის ჩინური ჰოროსკოპი

ჩინური ჰოროსკოპი ცხოველთა 12 ნიშანს...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...