გრიგოლეთის სანაპირო წყალს მიაქვს

მთავარი თემა

გრიგოლეთის სანაპირო წყალს მიაქვს

2012 ივნ 8 08:04:01
_ გრიგოლეთის მაგნიტური ქვიშით სახელგანთქმული სანაპირო აღარ არსებობს! ბოლო პერიოდში გააქტიურებულმა წყალქვეშა დინებამ თითქმის მთლიანად მიიტაცა პლაჟი, ძირი გამოუთხარა ათწლოვან ფიჭვებს, დაანგრია კერძო მესაკუთრეთა ქვის ღობეები, მიიტაცა მათი ნაკვეთების ნაწილი. მოკლედ, გრიგოლეთი ეკოლოგიური კატასტროფის წინაშე დგას, მაგრამ პატრონი და გამკითხავი არავინ ჩანს.

სასტუმრო "ვილა რეტას" ოდესღაც კეთილმოწყობილი და სუფთა პლაჟი დღეს წყლის ქვეშაა მოქცეული. ასეთივე მდგომარეობაა სასტუმროს ირგვლივ, დაახლოებით, ნახევარი კილომეტრის მანძილზე. "ანდამატის" პლაჟი შედარებით დაინდო სტიქიამ ჯერაც გაურკვეველი მიზეზების გამო.

"ვილა რეტას" ადმინისტრაცია გაოგნებულია ხელისუფალთა გულგრილობით. სასტუმროს მეპატრონემ დახმარებისთვის მიმართა სხვადასხვა სახელმწიფო უწყებას, გარემოს დაცვის სამინისტროს, ადგილობრივ ხელისუფლებას. ლანჩხუთის გამგებელი გიორგი გოგუაძე ადგილზე გაეცნო მდგომარეობას, მაგრამ ამის შემდეგაც არ წასულა საქმე წინ _ წყალი კვლავ ყოველდღიურად უთხრის სანაპიროს ძირს.

გარემოს დაცვის სამინისტროში თავიდან აირიდეს ყოველგვარი პასუხისმგებლობა და განმარტეს, რომ გარემოს დაცვა ამიერიდან რეგიონული განვითარებისა და ინფრასტრუქტურის სამინისტროს პრეროგატივაა(?!).

გრიგოლეთელები _ ადგილობრივებიცა და სასტუმროების მეპატრონეებიც, ისე შეაწუხა განუკითხაობამ, გადაწყვიტეს საკუთარი ძალებით დაეფუძნებინათ არასამეწარმეო საზოგადოება, რომლის სამუშაო სახელწოდებაა "გადავარჩინოთ გრიგოლეთის სანაპირო". ისინი ცდილობენ, საკუთარი ძალებით დაუკავშირდნენ ბუნების დაცვის სფეროში მომუშავე მეცნიერებს, არასამთავრობო ორგანიზაციებს, ყველას, ვინც დაინტერესებულია უნიკალური სანაპირო ზოლის გადარჩენით.

_ მაგნიტური ქვიშა _ ეს ღვთის საჩუქარია, რომლის ფასიც ჩვენმა ხელისუფლებამ არ იცის. ასეთი ქვიშა მსოფლიოში მხოლოდ რვა ადგილზეა. ყოფილი საბჭოთა კავშირის ტერიტორიაზე კი ურეკისა და გრიგოლეთის სანაპიროებზე არსებობდა. სწორედ ამ ფაქტორის გამო გადაწყდა გრიგოლეთში საფეხბურთო ბაზის მშენებლობა.

ამ კატასტროფის მიზეზია წყალქვეშა დინებების გააქტიურება. თავის მხრივ, ამის ერთ-ერთ მიზეზად შეიძლება, ჩაითვალოს ბოლო წლებში მდინარეების _ რიონისა და სუფსის აუზებში სოკოებივით მომრავლებული კარიერები, საიდანაც ინერტულ მასალებს ეზიდებიან. ის სილა, რომელიც ზღვაში უნდა ჩაეტანა მდინარეს, ვიღაცის გამდიდრების წყარო ხდება. სახელმწიფო ყიდის უბრალო მდინარის ქვიშას და ამ დროს უყურადღებობით ვკარგავთ უნიკალურ მაგნიტურ ქვიშას, რომელსაც ნელ-ნელა ფარავს ზღვის წყალი. ეს დამღუპველი დამოკიდებულებაა საკუთარი ქვეყნისა და ბუნებრივი სიმდიდრეების მიმართ, _ აღნიშნა ჩვენთან საუბრისას ერთ-ერთი სასტუმროს მფლობელმა.

სტიქიას ერთეულების შრომა და მონდომება ვერ დაუპირისპირდება. სახელმწიფოს უნდა ჰქონდეს შემუშავებული თანმიმდევრული და მწყობრი პოლიტიკა, რომელიც მეცნიერთა კვლევებით იქნება გამყარებული. გარემოს დაცვის სამინისტროს ვებგვერდზე არანაირი ინფორმაცია არ დევს გრიგოლეთის ეკოლოგიური კატასტროფის შესახებ, თუმცა, მაშინ, როდესაც სამინისტროს თანამშრომლები აცხადებენ, რომ ეკოლოგიური კატასტროფები მათი უწყების კომპეტენციაში აღარ შედის, გასაკვირი აღარაფერია.

ამ სიტუაციიდან ერთადერთი გამოსავალია ნაპირსამაგრი სამუშაოების დაუყოვნებლივ დაწყება. ვერანაირი ჯებირი ტალღების დარტყმას ვერ შეეწინააღმდეგება. უნდა აიგოს სპეციალური ტალღათმჭრელი, რომელიც კლდის ნამტვრევი ქვებით უნდა გაკეთდეს. ასეთი მასალა, ჩვენთან, ჩოხატაურში ბუნებრივად მოიპოვება. ამ ქვას აქვს თვისება _ წყლის ზემოქმედების შედეგად კი არ იშლება, არამედ თანდათანობით შედის ურთიერთკავშირში და მტკიცე მასად იქცევა.

შევეცადეთ ამ თემასთან დაკავშირებით გამგებლის გიორგი გოგუაძის პოზიცია დაგვეფიქსირებინა, მაგრამ მასალის მომზადების პერიოდში მას მობილური ტელეფონი გამორთული ჰქონდა.

ამ თემას "გურია ნიუსი" უახლოეს ნომერში მიუბრუნდება.




 ახალი ამბები
  • მონადირეთა ჯგუფი "ძამა" სოციალურად შეჭირვებული ოჯახების დასახმარებლად აქციებს მართავს სულ ცოტა ხანია, რაც სოციალურ ქსელში მონადირეთა ჯგუფი _ "ძამა" გამოჩნდა. ჯგუფი ლიცენზირებულ მონადირეებს აერთიანებს. ისინი დაკავებული არიან ბუნებიდან იმ მტაცებელი ცხოველების ამოღებით, რომლებიც დიდ ზიანს აყენებენ მოსახლეობას. ჯგუფში გაერთიანებულმა მონადირეებმა მიზნად დაისახეს სოციალურად შეჭირვებული ადამიანების დახმარება. ისინი უკვე დაეხმარნენ ჩოხატაურის მუნიციპალიტეტის სოფელ სამებაში მცხოვრებ ჯიმშერაძეების სამშვილიან ოჯახს. 28 ივლისს მონადირეები სოფელ ერკეთში მცხოვრებ ჯინჭარაძეებს ესტუმრებიან. ჯგუფი ქველმოქმედებას მომდევნო თვეებშიც გააგრძელებს. _ ჩვენი მიზანი, მავნებელი მტაცებლის ბუნებიდან ამოღებასთან ერთად, ქველმოქმედებაცაა. ჯერჯერობით, ამას მხოლოდ ჩვენი მცირერიცხოვანი ჯგუფი აკეთებს, მაგრამ იმედი გვაქვს, რომ საზოგადოება შემოგვიერთდება და ერთად ვაკეთებთ სიკეთეს, _ ამბობენ მონადირეთა ჯგუფის ადმინისტრატორები: ვახო სიხარულიძე და გაგა ყაჭეიშვილი. დაინტერესებული პირები ჯგუფის წევრებს შეუძლია დაუკავშირდნენ ფეისბუქგვერდზე _ მონადირეთა ჯგუფი "ძამა" ან დარეკონ ტელეფონის ნომერზე: (577) 957048.   ... ...
  • ხანძარი ოზურგეთშიოზურგეთში, ჯორჯიაშვილის ქუჩაზე მელუების საცხოვრებელ სახლს ცეცხლი გაუჩნდა. ოჯახის უფროსი ვახტანგ მლუა ამ დროს სახლში არ იმყოფებოდა და სამაშველო ბრიგადა მეგობარმა გამოიძახა. როგორც სამაშველო სამსახურის უფროსმა, პაატა ლომთაძემ "გურია ნიუსთან" განაცხადა, ამ დროისთვის ხანძარი ... ...
  • IRI-ის კვლევების მიხედვით, გამოკითხულთა უმეტესობა საპენსიო რეფორმას მხარს უჭერს"საერთაშორისო რესპუბლიკური ინსტიტუტის" (IRI) კვლევების ცენტრის მიერ გამოქვეყნებული საზოგადოებრივი აზრის გამოკითხვის შედეგების მიხედვით, გამოკითხულთა უმეტესობა საპენსიო რეფორმას მხარს უჭერს. კითხვაზე: როგორ შეაფასებდით პარლამენტის მიერ ინიცირებულ საპენსიო რეფორმას, გამოკითხულთა 36%-მა უპასუხა, რომ უფრო მეტად კეთილგანწყობილია. აღნიშნული რეფორმა ნაწილობრივ მოსწონს 23%-ს, ნაწილობრივ არ მოსწონს 11%-ს. პარლამენტის მიერ ინიცირებული საპენსიო რეფორმის გატარებას არ ეთანხმება გამოკითხულთა 18%, არ იცის ან პასუხი არ აქვს გამოკითხვაში მონაწილე ადამიანების 12%-ს. კვლევა მთელი საქართველოს მასშტაბით 2019 წლის 20 მაისი - 11 ივნისის შუალედში ... ...
  • დაკავებისას ბრალდებულებმა სამართალდამცველებს ცეცხლი გაუხსნესსავაჭრო ცენტრ „ქარვასლასთან“ დაკავების დროს ბრალდებულებმა პოლიციას წინააღმდეგობა გაუწიეს და ცეცხლსასროლი იარაღიდან ესროლეს. ინფორმაციას შინაგან საქმეთა სამინისტრო ავრცელებს. შსს-ს ცნობით, ყაჩაღობის ფაქტზე მიმდინარე გამოძიების ფარგლებში პოლიციამ ორი პირი დააკავა. „მომხდარის დროს არავინ დაშავებულა. ინტენსიურ რეჟიმში გრძელდება საგამოძიებო-ოპერატიული ღონისძიებები. გამოძიება სსკ-ის 179-ე მუხლით მიმდინარეობს“, - აცხადებენ შს ... ...
  • გვარამია: რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"მე რუსთავი 2დან გავედი გამარჯვებული. ჩემი მისია შევასრულე - 7 წელი (არხის ისტორიაში ყველაზე ხანგრძლივი პერიოდი ვიყავი დირექტორი) არხი ვამუშავე წარმოუდგენელ რეჟიმში, ფაქტიურად, ბოლო ორი წელი, საოცრების ხარჯზე. სრულიად არავის დახმარებით, მტრულ გარემოში, ფინანსრური თავდასხმების და არხის ამჟამინდელი მფლობელის დამანგრეველი ყადაღის მიუხედავად, ყველა ხელფასი ყოველთვის გავეცი, თვითონაც არ ვიცი როგორ. ყველას, ვისაც განსაკუთრებულად უჭირდა, დავეხმარე" _ წერს სოციალურ ქსელში რუსთავი 2_ის ყოფილი გენერალური დირექტორი ნიკა გვარამია. მისივე თქმით, "რ2 გახდა სახელმწიფო სახელმწიფოში - სავსე თავისუფალი, ნიჭიერი, ფერადი ხალხით, ვინც არ გაეკარა ბნელ ქართულ ოცნებას, ვისაც უნდოდა დასავლეთი და თავისუფლება, და ვისი ერთადერთი ნავსაყუდელი რ2 გახდა. იმიტომ მიხაროდა მანდ მოსვლა - ქვეყანაში უანალოგო თავისუფლების კუნძული იყო, ჰაერში ეკიდა თავისულფების სუნი": _ამ არხმა 7 წელიწადში დაანგრია ამ ქვეყნის მთავარი მტერი - რუსული გავლენა. დიახ, დაანგირა და გააშიშვლა ხელისუფლება, რომელიც რუსული აღმოჩნდა თავიდან ბოლომდე. ბოლო კვლევით, რაც ვნახეთ, გავრილოვის ღამემდეც კი, რუსეთი არაა ამ ქვეყნის არჩევანი და ამაში ყველაზე მნიშვნელოვანი დამსახურება რ2ისაა, ღრმად მწამს, და ისიც მწამს, რომ რუსებმაც კარგად იციან ეს. იმიტომაც ყეფენ ხან დუმის ტრიბუნიდან, ხან პუტინის პირით და ხან ლავროვის განცხადებებით. დიახ, რუსეთმა კარგად იცის, ვინ იყო მისი მთავარი მტერი საქართველოში. კარგად იცის და არც მალავს. სამწუხაროა, რომ კვლევით ვინცაა ჩვენი არჩევანი, შვიდი წელი ვისი ფასეულობების დასამკვიდრებლადაც ვიბრძოდით სიკვდილ-სიცოცხლის ფასად, იმისი ხელით დავიხურეთ სწორედ. ირონიაა, მაგრამ ძალიან მწარე. ამაზე მოგვიანებით ვისაუბრებ და აუცილებად შევაფასებ ევროსასამართლოს გადაწყვეტილებას დეტალურად. არაფერი არაა ამ ქვეყნად წმინდა ძროხა, რომლის კრიტიკა არ შეიძლება. მათ შორის, არც ევროსასამართლო. კონსპირაციები განზე დავტოვოთ, საგნობრივი კრიტიკა კი ნამდვილად საჭიროა. მივუბრუნდეთ თემას.  მე რუსთავი2დან გავედი გამარჯვებული. მე მოვუგე ყველა ბრძოლა მტრულად განწყობილ სახელმწიფოს და მის დამნაშავე ბოსს, უზურპატორ ბიძინა ივანიშვილს. მე მოვიგე ყველა ბრძოლა ყველა ეტაპზე საქართველოში, მაგრამ დავმარცხდი იქ, სადაც არ შეიძლებოდა უბრალოდ რომ დავმარცხებულიყავი. ჩვენ ვერ დაგვხურა მთელმა ქრთულმა პოლიტიკურმა მანქანამ, მაგრამ სამწუხაროდ ეს გააკეთა იმან, ვისაც ეს არასგზით არ უნდა გაეკეთებინა.  მე რუსთავი2_დან გავედი გამარჯვებული. თუმცა ამ გამარჯვებას ნამდვილად ჯობდა გაემარჯვა სხვას, ყველაზე მნიშვნელოვანს მთელ ამ ამბავში.  მე რუსთავი2_დან გავედი გამარჯვებული, მაგრამ დამარცხდა ეროსის შექმნილი, ბევრის ღვაწლით განვითარებული, და ბოლოს ჩემი გზარდილი, ათასუბედურება გატარებული, ჩემი და ჩემი გუნდის მიერ მთელ პოსტსაბჭოთა სივრცეში მთავარ და საუკეთესო ტელევიზიად ქცეული რუსთავი 2.  მე რუსთავი2_დან გავედი გამარჯვებული, მაგრამ დამარცცხდა თავად რუსთავი 2. დამარცხდა პირველად 25 წლის მანძილზე. პირველად 25 წლის მანძილზე ქვეყნის მთავარი მცველი რუსეთის გავლენისგან, გახდა რუსული. ჯერ ამას ვერ აცნობიერებენ კარგად, სანამ ჩვენი გუნდი კიდევ იქაა და ფაქტიურად წინააღმდეგობის მოძრაობა აქვს გაჩაღებლი და გმირულად იბრძვის მტრულ გარემოში. მაგრამ ძალიან მალე მოვა გაცნობიერების დრო და მაშინ მიხვდებიან ზუსტად ჩვენი მაყურებლები და არამაყურებლებიც, რა კატასტროფას მოაწერა ხელი შვიდამა ევროპელმა მოსამართლემ.  მე რუსთავი2_დან გავედი გამარჯვებული, მაგრამ დამარცხდა ჩემი ნაზარდი და საყვარელი რუსთავი 2, ქვეყანაში თავისუფლების და დასავლეთის მთავარი და ალბათ ბოლო ბასტიონი. ქვეყანამ დაკარგა მისი დამოუკიდებლობის განმავლობაში შექმნილი და გაძლიერებული ერთერთი უმნიშვნელოვანესი მონაპოვარი, დასავლეთის, ხარისხის და თავისუფლების სიმბოლო. ქვეყანამ დაკარგა მისი დამოუკიდებლობის პერიოდში შექმნილი უმაღლესი კლასის და დასავლური შინაარსის და დონის ტელევიზია. ალბათ საქართველოს დამოუკიდებლობის პერიოდში შექმნილი მთავარი და ყველაზე წარმატებული ბრენდი - რუსთავი 2. ეს ფაქტი შედგა და მხოლოდ ცოტა დრო ჭირდება ამის სრულად გაცნობიერებას. ეს ფაქტი შედგა და არა მგონია, ოდესმე მისი უკან შექცევა მოხდეს. მე მხოლოდ გამიხარდება და წარმატებას ვუსურვებ, ვინც ამ საქმეს მომავალში ხელს მოკიდებს.  მე რუსთავი2_დან გავედი გამარჯვებული, მაგრამ დამარცხდა რუსთავი 2, ხელახლა მოკლეს ეროსი კიწმარიშვილი და დაიხურა ბოლო ფანჯარა დასავლეთში.  რუსთავი 2_დან მე გამოვედი გამარჯვებული, მაგრამ დამარცხდა ჩემი სამშობლო.  რუსთავი 2_დან მე გამოვედი გამარჯვებული, მაგრამ ამ გამარჯვებას ფასი არა აქვს"_ წერს ... ...

არქივი

ზაფრანი

ახალგაზრდობის შენარჩუნებისთვის

ჰარვარდის უნივერსიტეტის ექიმები, დევიდ სინკლერის...

ქსოვა სტრესს ხსნის

ექიმები ქსოვას ნამდვილ წამალს უწოდებენ,...

რაზე მეტყველებს ადამიანის ნაწერი

სპირალი, წრეები - სხვების პრობლემები...

რა უნდათ ქალებს მამაკაცებისაგან?

მამაკაცები ხშირად ამბობენ, რომ ვერ...

კითხვები, რომელიც აფრთხობს მამაკაცს

მამაკაცები მეტად მგრძნობიარე და ადვილად...

ქალმა არ მოინდომოს თორემ...

ძალიან ბევრი ფიქრობს, რომ ქალმა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...