არის თუ არა ქუთაისი-სამტრედიის შემოვლით გზაზე სახიფათო მონაკვეთები

მთავარი თემა

არის თუ არა ქუთაისი-სამტრედიის შემოვლით გზაზე სახიფათო მონაკვეთები

22 ივლ. 2016, 22:42:33

ქუთაისი-სამტრედიის შემოვლით გზაზე მომხდარი ავტოსაგზაო შემთხვევა უკვე მეორე დღეა განხილვის საგანია. სოციალურ ქსელში თუ სხვადასხვა მედიასაშუალებაში განსხვავებული ინფორმაცია ვრცელდება. გუშინ ამ ავტომაგისტრალიზე ორი მსუბუქი ავტომობილის შეჯახების შედეგად 3 ადამიანი დაიღუპა 4 კი დაშავდა.

დაშავებულთა შორის ქართველი მორაგბეები, გიორგი ლომინაძე და მერაბ კვირიკაშვილი არიან. ისინი ავტომობილში მეუღლეებთან ერთად იმყოფებოდნენ.

ავტოავარიის მიზეზად ზოგი ავტობანს ასახელებს, ზოგი გადაჭარბებულ სიჩქარეს.

არაერთგვაროვანი დამოკიდებულება გამოიწვია დღეს თბილისის საკრებულოს დეპუტატის, შალვა ოგბაიძის მიერ "ფეისბუკზე" გამოქვეყნებულმა სტატუსმა  და ფოტომ. ფოტოზე ნაჩვენებია ქუთაისი-სამტრედიის შემოვლითი გზის ერთი მონაკვეთი, სადაც ოთხზოლიანი მოძრაობა უცებ წყდება და გზა ორზოლიანი ხდება. ოგბაიძის განმარტებით "ეს საშიში, კონფლიქტური წერტილია" და გამოუსწორებლობის შემთხვევაში ავარიების რიცხვის ზრდა გარდაუვალია.

თუმცა, როგორც საქართველოს რეგიონული განვითარების და ინფრასტრუქტურის სამინისტროში აცხადებენ, ოგბაიძემ "ფეისბუკში" ავტომაგისტრალის ფრაგმენტული ფოტო ატვირთა, რომელიც სატრანსპორტო ნაკადების მოძრაობის რეალურ სურათს ვერ ასახავს.
როგორც "გურია ნიუსთან" საუბრისას საავტომობილო გზების დეპარტამენტის თავჯდომარე გიორგი სეთურიძე აცხადებს,  "ქუთაისი-სამტრედიის  შემოვლით გზაზე არის მხოლოდ და მხოლოდ სატრანსპორტო კვანძები, რომლებიც შეიძლება ითქვას რომ ოთხზოლიანია. რაც შეეხება ისეთ ადგილს, რომ უცაბედად გზა ოთხზოლიანიდან ორზოლიანში გადადიოდეს, ასეთი არ გვაქვს".

"საერთაშორისიო წესებიდან გამომდინარე გზის ამ მონაკვეთზე ყველა ნორმა დაცულია. ამასთანავე, ოთხზოლიანი ავტომაგისტრალებიდან განსხვავებით აქ ჩვენ გვაქვს სიჩქარის შეზღუდვა დაწესებული  და 90  კმ-სთ მაქსიმუმია, რაც დაშვებულია. რამდენადაც მითხრეს, ბატონ შალვა ოგბაიძეს ძველი ფოტო აქვს გამოქვეყნებული. მას შემდეგ ამ მონაკვეთზე დამონტაჟებულია ავტოსაგზაო ნიშნები, შეზღუდვები და ა.შ. ეს არის გზის გახსნამდე გადაღებული ფოტო.

ნუ ვეძებთ რაიმე დამატებით მიზეზს,  ამ ავარიის მიზეზი არის უყურადღებობა, სიჩქარის გადაჭარბება და გასწრების დროს  არასწორი მანევრირება. ამაზეც გავამახვილოთ ყურადღება, რომ წესებს ვარღვევთ. დარღვევის გამოვლენებს ახდენს საპატრულო პოლიცია, რომელიც ამ მონაკვეთზე ძალიან აქტიურად მუშაობსდა ბევრი მძღოლიც არის დაჯარიმებული. გარდა ამისა, მე როგორც ვიცი, ფოტოზე მითითებულ მონაკვეთზე ავტოსაგზაო შემთხვევა საერთოდ არ მომხდარა", _ ამბობს სეთურიძე და გარდაცვლილთა ოჯახს უსამძიმრებს.

ამასთანავე, სეთურიძე ეხმაურება გავრცელებულ ინფორმაციასაც, რომლის მიხედვითაც, წინა ხელისუფლების დროს შემუშავებული პროექტით გზა ოთხზოლიანი უნდა ყოფილიყო, თუმცა ახალმა ხელისუფლებამ ეს პროექტი შეცვალა. სეთურიძე აღნიშნავს, რომ გავრცელებული ინფორმაცია სიცრუეა.

"გზის ზოლიანობას, ორიანი იქნება, ოთხიანი, ექვსიანი თუ მეტი განსაზღვრავს მხოლოდ და მხოლოდ ამ გზებზე მოძრაობის ინტენსივობა. საერთაშორისო დონორების მიერ როცა დადგა  ამ გზის დაფინანსების საკითხი, მაშინ  ჩაითვალა, რომ ეს გზა იქნება ორზოლიანი, რადგან მანდ იყოფა მოძრაობა და ნაწილი ქუთაისზე გადადის, ნაწილი ტრანზიტული მოძრაობაა. დღეს თუ დააკვირდებით, ეს გზა  არ არის  გადატვირთული, მით უმეტეს, მაშინ, როცა არ არის სეზონური მოძრაობა. გზას თავისუფლად შეუძლია გაატაროს ის ავტოტრანსპორტი, რომელიც მასზე მოძრაობს.  რაც შეეხება იმას, რომ თავიდან სხვა პროექტი იყო, ეს სიცრურა. პროექტი თავიდანვე იყო გათვალისწინებული ზუსტად ისე, როგორც დღეს არის, ახალი ხელისუფლების პერიოდში დაიხარჯა მეტი თანხა, გამოვისყიდეთ მიწის ფართობები იმისთვის, რომ სამომავლოდ ეს გზა   ოთხზოლიანი გახდეს. იმით აპელირება, რომ ეს გზა თავიდან ოთხზოლიანი უნდა ყოფილიყო და ჩვენ გადავაკეთეთ ორზოლიანად, აბსოლუტურად მცდარია", _ აღნიშნავს სეთურიძე.

ჰქონდა თუ არა თბილისის საკრებულოს დეპუტატს ზუსტი ინფორმაცია ქუთაისი-სამტრედიის ავტომაგისტრალის აღნიშნულია მონაკვეთის შესახებ, ამის გასარკვევად "გურია ნიუსი"  შალვა ოგბაიძეს დაუკავშირდა.

როგორც ოგბაიძე ამბობს, მას ფოტოსურათი ქუთაისიდან ერთ-ერთმა მომხმარებელმა მიაწოდა; სოციალურ ქსელში კი, კომენტარი სწორედ ამ ფოტოსურათის მიხედვით გააკეთა.

"ფოტო როდის არის გადაღებული არ ვიცი. მომხმარებელმა მომაწოდა და კომენტარის გაკეთება მთხოვა. ნეტავ, ჩემი კომენტარი ამ საკითხზე უკანასკნელი იყოს და აღარავინ დაიღუპოს მომავალში", _ აღნიშნავს ოგბაიძე.

თბილისის საკრებულოს დეპუტატი ავატოავარიების რისკის შესამცირებლად გასატარებელი ღონისძიების საჭიროებებს ხედავს და ამბობს, რომ საგზაო მოძრაობის უსაფრთხოებისთვის ბევრი რამ არის გასაკეთებელი.

"საგზაო მოძრაობის  უსაფრთხოების სფეროს აქვს თავისი შეფასების პარამეტრი, რომელიც იზომება წინა წლებთან შედარებით ავარიების მატება-კლებით. ჩვენთან სამწუხაროდ,  2015 წელს, წინა წელთან შედარებით, 25%-ით მეტი - 602 ადამიანი დაიღუპა. წლევანდელი სტატისტიკა უფრო მზარდია. შარშან 10 000-ზე მეტი ავარია მოხდა, საიდანაც 5 00-ზე მეტი ადამიანი დასახიჩრდა, 602 დაიღუპა.

როცა ავარია ხდება, იმ მონაკვეთზე, სადაც ეს მოხდა სვამენ  შავ წერტილს. როცა  ერთიდაიგივე ადგილზე ხდება ავარია, ეს წერტილები შავ ლაქას ქმნის, რაც უკვე სტატისტიკაა. ხომ არ შეიძლება ყველა მძღოლი დამნაშავე იყოს, ყველას არ შეეძლო მანქანის ტარება ან გადააჭარბოს სიჩქარეს?! მაგალითად, ვაკე-საბურთალოს გზაზე, თამარაშვილის ქუჩაზე, სადაც ბენზინგასამართი სადგურია, მარცხენა მხარეს  ყველა ნაძვის ხეს კანი აქვს ამძვრალი.

ბოლო 15 წელიწადში ამ ადგილზე 38 კაცია დაღუპული. ყველაზე უნდა ვთქვათ, რომ საჭე ვერ დაიმორჩილა? აქ გზაზე უნდა გაკეთდეს თვლის ამრეკლი, იქნება  ავარიები, მაგრამ მსხვერპლით აღარ დამთავრდება. გარდა ამისა, არსებობს კიდევ სხვა ნიშნებიც, რაც მძღოლს მინიშნებას მისცემს წინ რა ელოდება.ხორკლიანი გზა, რომელზეც საბურავები ხმაურს დაიწყებს და მძღოლს გამოაფხიზლებს, მოციმციმე შუქნიშანი, გამაფრთხილებელი აბრა და ა.შ. ავტომაგისტრალებზე მძღოლი დაახლოებით ერთი კილომეტრით ადრე უნდა "შეშინდეს". ქუთაისი-სამტრედიის შემოვლითი გზის ამ მონაკვეთზე გაცილებით უკეთ შეიძლება მძღოლის ინფორმირება, ვიდრე ახლაა", _ აღნიშნავს ოგბაიძე.

"გურია ნიუსი" რეგიონული განვითარების და ინფრასტრუქტურის სამინისტროს მიერ სპეციალურად დამზადებულ ვიდეორგოლს გთავაზობთ, სადაც ქუთაისი-სამტრედიის შემოვლითი გზის ის მონაკვეთი, რაზეც ზემოთ ვისაუბრეთ, ნათლად არის ასახული.




 ახალი ამბები
  • ქართველი ფოლკლორისტი, მომღერალი, ლოტბარი - დღეს ფილიმონ ქორიძის დაბადების დღეადღეს ქართველი ფოლკლორისტის, მომღერალის, ლოტბარის, ქართული საოპერო ხელოვნების ერთ-ერთი ფუძემდებელის, პირველი ქართველი პროფესიონალი მომღერალის (ბანი), ქართული სახალხო გუნდების ორგანიზატორის და ლოტბარის ფილიმონ ქორიძის დაბადების დღეა. იგი პირველი ქართველი მუსიკოსი იყო, ვინც ქართული მრავალხმიანობა ნოტებზე გადაიტანა. ფილიმონ ქორიძეს დიდი ღვაწლი მიუძღვის შუა საუკუნეების ქართული საგალობლების თავმოყრაში, ჩაწერასა და გავრცელებაში. XIX საუკუნეში რუსეთის იმპერიული ხელისუფლება და არაკანონიკური საეგზარქოსო-საეკლესიო მმართველობა ებრძოდნენ ქართულ გალობასა და სიმღერას, ეროვნულ მუსიკალურ ენა-აზროვნებას. ქართული გალობა, რომელიც შუა საუკუნეების უნიკალური პოლიფონიური ტრადიციაა, განადგურების რეალური საფრთხის წინაშე აღმოჩნდა. გალობა, ქართულ ენასთან ერთად, იდევნებოდა ლიტურგიიდან, ეკლესიებიდან, სასწავლებლებიდან. გალობის მცოდნე ძალიან ცოტაღა იყო საქართველოში - ძირითადად მოხუცი მგალობლები. ფილიმონ ქორიძემ უარყო წარმატებული საოპერო კარიერა, უარი სთქვა მატერიალურ კეთილდღეობაზე და ცხოვრება შესწირა ქართული გალობის გადარჩენას. ქორიძესთან მელქისედეკ ნაკაშიძის მეთაურობით მივიდნენ ცნობილი ქართველი მგალობლები და ჰკითხეს, შესაძლებელი იყო თუ არა ქართული საგალობლების ნოტებზე გადაღება? ქორიძისგან რომ დადებითი პასუხი მიიღეს, გაუკვირდათ და ეჭვის თვალით შეხედეს მას. ქორიძემ მგალობლები მეორე დღეს დაიბარა, უგალობა და ფორტეპიანოზე მოასმენინა. მგალობლები დარწმუნდნენ რომ გალობის ნოტებზე გადატანა შესაძლებელი იყო. ფილიმონის ვაჟის, მიხეილ ქორელის მოგონებების თანახმად ფილიმონს ხშირად იწვევდნენ სუფრებზე, სადაც ის სხვადასხვა სიმღერებს ისმენდა. ქორიძე ამბობდა, რომ ზოგიერთ სიმღერას ვერ ცნობდა, რადგან მათ ადრე სხვანაირად ამბობდნენ, ახლა კი ელფერი შეცვლიაო. სწორედ ამიტომ გაუჩნდა ქორიძეს სურვილი, ნოტებზე ჩაეწერა ძველი გალობის კილოები. 1882 წელს მელქისედეკ ნაკაშიძემ და ნესტორ კონტრიძემ ფილიმონ ქორიძესთან ერთად დაიწყეს ქართული საგალობლების გურული კილოს ნოტებზე გადატანა. საქმე იდენად მნიშვნელოვანი აღმოჩნდა, რომ ქორიძემ საოპერო კარიერა მიატოვა და აღარც უცხოეთში წასულა. აკაკი წერეთლისაგან და მელიტონ ბალანჩივაძისგან ის საგალობლების ზემო იმერულ კილოს იწერდა. 1883 წელს ფილიმონმა დაასრულა იოანე ოქროპირის წირვის წესის ჩაწერა. 1884 წლისთვის უკვე არსებობდა სასტამბოდ გამზადებული ხელნაწერი. ეგზარქოს პავლეს მიერ გალობის აღმდგენი კომიტეტის მუშაობის ჩაშლამ შეუძლებელი გახადა ნოტებზე გადატანილი საგალობლების დაბეჭდვა თბილისში. მალე ქორიძე ინახულა ჟურნალ „მწყემსის“ რედაქტორმა დავით ღამბაშიძემ, რომელმაც აცნობა ქორიძეს, რომ იმერეთის ეპისკოპოსი გაბრიელი დაინტერესებული იყო ქართული საგალობლების ნოტებზე ჩაწერითა და გამოცემით. 1884 წლის ნოემერბში გაიმართა იმერეთის სამღვდელობის კრება, რომელმაც აირჩია სპეციალური კომიტეტი. კომიტეტმა 1885 წელს კონტრაქტი გაუფორმა ფილიმონ ქორიძეს. მას გურიასა და იმერეთში ცნობილ მგლობელთაგან 400 საგალობელი უნდა ჩაეწერა. ქორიძემ ნოტებზე გადაიღო ბასილი დიდისა, იოანე ოქროპირის წირვის და სხვა საგალობლები. საგალობლებს ის დიმიტრი ჭალაგანიძისგან, რაჟდენ ხუნდაძისგან და სხვათაგან იწერდა. 1887 წელს ქორიძემ ეპისკოპოს გაბრიელს 400 საგალობლისგან შემდგარი კრებული ჩააბარა. სამუშაოს დასრულების შემდეგ ქორიძე ქუთაისში დარჩა და საეკლესიო საგალობლების ჩაწერა განაგრძო, ხელმძღვანელობდა სასულიერო სასწავლებლის გუნდს. 1889 წელს ქორიძის მეორე მეუღლე გარდაიცვალა. მცირეწლოვანი ქალიშვილი ვალენტინა მან კიევში, მეუღლის ოჯახში გაგზავნა, ვაჟი მიხეილი კი გიმნაზიის პანსიონში სახელმწიფოს ხარჯზე ცხოვრობდა. 1890 წელს მეგობრების რჩევით ქორიძე თბილისში დაბრუნდა. 1893 წელს ქორიძე მაქსიმე შარაძის, არისტო ქუთათელაძისა და ექვთიმე თაყაიშვილის ინიციატივით ოზურგეთში გაემგზავრა საგალობლების ჩასაწერად. მათვე შუძინეს ფისჰარმონია. ოზურგეთში ის 16 ივნისს გაემგზავრა: „დღეს, ამ თვის 16, მიემგზავრება ბატონი ფილიმონ ქორიძე ქ. ოზურგეთს. მაშასადამე, ხვალ ორი მამულიშვილი, ბატონი ფილიმონ ქორიძე, რომელსაც ფოტოგრაფსავით სისწორით გადააქვს ჩვენი გალობა, და ბატონი ანტონ დუმბაძე, რომელიც სრული და შეუდარებელი მგალობელია მთელს საქართველოში, ერთად შეიყრებიან“ გარდაიცვალა 1911 წელს ბახმაროში. დაკრძალეს ოზურგეთის ბაღში, სადაც იდგა ეკლესია. ამჟამად საფლავი დაკარგულია. მისი ხელნაწერები დაცულია ხელნაწერთა ეროვნულ ცენტრში. მისი მოსწავლე იყო ქართული საეკლესიო საგალობლების მოამაგე, და საზოგადო მოღვაწე წმინდა ექვთიმე აღმსარებელი (ერისკაცობაში — ესტატე კერესელიძე). სწორედ წმიდა ექვთიმემ გადაარჩინა ქორიძის ხელნაწერები, გადაწერა ისინი, სისტემატიზაციაში მოიყვანა და გაამდიდრა კიდეც ახალი მასალით. 1990 წლის 21 მაისს ოზურგეთში დაიდგა მისი ბიუსტი (მოქანდაკე ირაკლი რევაზიშვილი, არქიტექტორი გულღია სალუქვაძე). ეკლესიისა და სამშობლოს წინაშე გაწეული ღვაწლისა და თავდადებისათვის, საქართველოს ეკლესიის წმიდა სინოდმა, 2011 წლის 20 დეკემბერს შერაცხა წმინდანთა დასში, წოდებით: წმიდა ფილიმონ მგალობელი, ერისათვის თავდადებული. წყარო: ... ...
  • აჭარაში კორონავირუსი თურქეთის მოქალაქეს დაუდასტურდააჭარაში კორონავირუსი თურქეთის მოქალაქეს დაუდასტურდა. აჭარის ჯანდაცვის სამინისტროს ინფორმაციით, 50 წლის კაცი სატვირთო ავტომობილის მძღოლია. ვირუსისთვის დამახასიათებელი ჩივილებით ის ბათუმის „ცხელების ცენტრში" მოათავსეს, სადაც კორონავირუსი დაუდგინდა. უწყების ცნობით, ცხელების ცენტრიდან კაცს საკუთარი სურვილით თურქეთში გადაიყვანენ, სადაც მკურნალობას განაგრძობს. აჭარაში, კორონავირუსის დიაგნოზით 7 პაციენტი მკურნალობს, მათი მდგომარეობა სტაბილურია. საქართველოში კორონავირუსის 5 ახალი შემთხვევა გამოვლინდა, 6 ... ...
  • ბებო კახეთიდან, რომელიც ლანჩხუთის ქუჩებში შემწეობას ითხოვდა, უპოვართა სახლში გარდაიცვალამოხუცი ქალბატონი, რომელიც წარმოშობით დედოფლისწყაროს მუნიციპალიტეტის სოფელ მაჩხაანიდან იყო და წლების განმავლობაში ლანჩხუთის ქუჩებში მოწყალებას ითხოვდა, უპოვართა სახლში გარდაიცვალა. ეთერ ნატროშვილის ოჯახი ლანჩხუთში კახეთიდან რამდენიმე წლის წინ ჩამოვიდა შვილთან და მეუღლესთან ერთად. მეუღლე ორიოდ წლის წინ გარდაიცვალა და ლანჩხუთშია დაკრძალული. მოხუცი ქალბატონი შვილთან ერთად ზამთრის ცივ დღეებში, თოვლსა თუ წვიმაში, წლების განმავლობაში ქუჩაში იდგა მოწყალების მისაღებად და თავს სხვადასხვა ნაგებობებსა და მიტოვებულ ავტობუსს აფარებდა. ლანჩხუთის მერიამ მას არაერთხელ შესთავაზა ქირავნობის პროგრამა, მაგრამ სახელმწიფოს მიერ დაქირავებულ სახლებში, გარკვეულ მიზეზთა გამო, დიდხანს არ ჩერდებოდა. სამიოდ თვის წინ კი, პრობლემა ნაწილობრივ იმით მოგვარდა, რომ მოხუცი ქალბატონი საგარეჯოს უპოვართა სახლში გადაიყვანეს. სამწუხაროდ, რამდენიმე დღის წინ, იგი გარდაიცვალა, ლანჩხუთში ჩამოასვენეს და მეუღლის გვერდით ე.წ. "ატეკის სასაფლაოზე" ... ...
  • სპეცოპერაცია ზუგდიდში _ დაკავებულია ბიზნესმენის შვილიზუგდიდში, დადიანის ქუჩაზე, სპეცოპერაციიყო. სამართალდამცავები დაკავებული მოქალაქის ავტომანქანას ჩხრეკენ. არსებული ინფორმაციით, დაკავებული ბიზნესმენ დათო შენგელიას შვილია. შს სამინისტროში აცხადებენ, რომ აღნიშნულთან დაკავშირებით კომენტარს მოგვიანებით ... ...
  • სახლში, რომელიც დაიწვა, არავინ ცხოვრობდა _ ხანძარი შემოქმედშიდღეს, ოზურგეთის მუნიციპალიტეტის სოფელ შემოქმედში საცხოვრებელი სახლის მეორე სართული დაიწვა. ოზურგეთელმა მეხანძრე-მაშველებმა პირველი სართულის გადარჩენა მოახერხეს. "გურია ნიუსის" ინფორმაციით, სახლში წლების მანძილზე არ ცხოვრობდნენ. სახლის მფლობელები მხოლოდ თხილის სეზონზე ჩამოდიოდნენ. ამ დროისთვის უცნობია მიზეზი, რამ გააჩინა ცეცხლი მიტოვებულ ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...