როგორ „შეიკერა“ სულხან მოლაშვილის საქმე - კონტროლის პალატის ყოფილი მაღალჩინოსნის ექსკლუზიური ინტერვიუ

მთავარი თემა

როგორ „შეიკერა“ სულხან მოლაშვილის საქმე - კონტროლის პალატის ყოფილი მაღალჩინოსნის ექსკლუზიური ინტერვიუ

2016 ივლ 27 16:54:55

წამება, არაადამიანური მოპყრობა, ღირსების შელახვა, თავისუფლების, ხელშეუხებლობისა და სამართლიანი სასამართლოს უფლებების შეზღუდვა, დისკრიმინაცია, _  ეს იმ დარღვევების ჩამონათვალია, რომელიც დაახლოებით 2 წლის წინ ევროსასამართლომ კონტროლის პალატის ყოფილი უფროსის სულხან მოლაშვილის საქმეზე დაადგინა  და საქართველოს 20 000 ევროს გადახდის ვალდებულება დააკისრა. ხელახალი გამოძიება ამ დრომდე მიმდინარეობს, თუმცა, სამართალმა მოლაშვილისთვის საკმაოდ დაიგვიანა. დაახლოებით, ერთი თვის წინ სულხან მოლაშვილი სამშობლოდან შორს, საფრანგეთში გარდაიცვალა.

როგორ "შეიკერა" საქმე, რა ინტერესები ჰქონდათ ყოფილი ხელისუფლების მაღალჩინოსნებს და ვისი პირადი პატიმარი იყო სულხან მოლაშვილი, ამ საკითხებზე "გურია ნიუსს" კონტროლის პალატის საგანგებო დავალებათა სამმართველოს ყოფილი უფროსი გოჩა  გელიშვილი  ესაუბრა.

_ მე და სულხანი 1995 წლიდან ვმეგობრობდით.მიჭირს მასზე  წარსულ დროში საუბარი. იგი ერთ-ერთი ყველაზე ღირსეული და ნიჭიერი ადამიანი იყი, ვისაც მე ოდესმე შევხვედრივარ.   მაშინ სულხანი უზენაესი სასამართლოს თავმჯდომარის, მინდია უგრეხელიძის თანაშემწე,  მე კიდევ  ბანკის მმართველი ვიყავი, რომელიც უზენაესი სასამართლოს შენობის ერთ-ერთ ფლიგელში მდებარეობდა. იქედან დაიწყო ჩვენი ურთიერთობა. მაშინ ძალიან მინდოდა რომ სულხანი ჩემთან ბანკში გადმოსულიყო ბანკის იურისტად. თუმცა, მას თავის კარიერა ჰქონდა და ბრწყინვალედ გააგრძელა. სულხანის მთელ ოჯახს ვიცნობ, თათიას მის მეუღლეს, რომლის წინაშეც ქედს ვიხრი, ყველაფრისთვის რაც მან გააკეთა სულხანისთვის და მათი ოჯახისთვის, მამას - ბატონ თამაზს, თორნიკეს სულხანის ძმას, მათმა მთელმა ოჯახმა უდიდესი მსხვერპლი გაიღეს "ნაციონალური ჭირის" მოსაცილებლად.

2000 წელს, როდესაც სულხანი დაინიშნა კონტროლის პალატის  თავმჯდომარედ, შევხვდით ერთმანეთს და მთხოვა, რომ მასთან გადავსულიყავი სამუშაოდ. არასდროს მიმუშავია სახელმწიფო სტრუქტურაში და ვკითხე, რა პოზიციაზე უნდა მემუშავა მასთან, მითხრა, რომ ერთგული ადამიანი სჭირდებოდა, რომელსაც სპეციალურ დავალებათა სამმართველოს ჩააბარებდა. ამ სამმართველოს ევალებოდა შეესრულებინა პრეზიდენტის და პარლამენტის დროებითი საგამოძიებო კომისიის სპეციალური დავალებები.  წლის ბოლოს ანგარიშს უშუალოდ პრეზიდენტის სახელზე  ვწერდი. ეს იყო პრეზიდენტის ერთგვარი მაკონტროლებელი სტრუქტურა კონტროლის პალატაში. მითხრა, რომ არანაირად არ ვიქნებოდი შეზღუდული ჩემს საქმიანობაში. ამის შემდეგ სულხანთან 4 წელი ვიმუშავე. სულხანი რომ დაიჭირეს, 2004 წლის აპრილში, ამავე წლის აგვისტოში დავწერე განცხადება და წამოვედი.

_რა გახდა თქვენი სამსახურის დატოვების მიზეზი?

_ 2003-2004 წლები ყველაზე რთული პერიოდი იყო, "ნაციონალური მოძრაობა" მოვიდა ხელისუფლების სათავეში და ძალიან ბევრი პროფესიონალი გაუშვეს უწყებიდან. ერთხელ ჩემმა თანამშრომლებმა დამირეკეს  და მითხრეს, რომ აჭარაში გვაგზავნიან შემოწმებისთვის პროკურატურის მოთხოვნითო. მარტო არ გავუშვი ისინი და მეც წავყევი. შევხვდით აჭარის პროკურორს გიორგი (გივი) პაპუაშვილს და მან დამიდო სია, თუ არ ვცდები 75 კაციანი, სადაც მხოლოდ გვარები ეწერა და მითხრა, ეს ხალხი უნდა დავიჭიროო. მთავაზობდა, ჩემს თანამშრომლებს ჩაეტარებინათ რევიზია. მისი სიტყვებია - 2-3 დღეში რამე შუალედური აქტები დამიდეთ, რომ ეს ხალხი პროკურატურაში დავიბარო და დავკითხოო,  ვინც არ გადაიხდის უნდა დავიჭიროო.  ჩემთვის ეს წარმოუდგენელი ამბავი იყო. სიაში მხოლოდ სახელები და გვარები ეწერა და ისიც კი არ ვიცოდი სახელმწიფო სტრუქტურაში მუშაობდნენ თუ არა ეს პირები. არაფრის გაგონება არ უნდოდა და მიმეორებდა, რომ ეს ხალხი უნდა დაებარებინა პროკურატურაში და ამის საფუძველი ჩვენ უნდა შეგვექმნა. მასთან კაბინეტში მუდმივად იმყოფებოდა სამი ადამიანი, რომლებიც თბილისიდან იყვნენ მივლენილი და აკვირდებოდნენ პროცესს. ერთ-ერთის სახელი და გვარი მახსოვს, ნიკა დგებუაძე.

_რა იყო თქვენი დავალება? რა უნდა გაგეკეთებინათ?

_არ გვეუბნებოდნენ კონკრეტულად რა უნდა გაგვეკეთებინა. თუმცა, როგორც მოგვიანებით მივხვდით, ამ ადამიანებზე უნდა მოგვეძებნა ინფორმაცია, გაგვერკვია სად მუშაობდნენ ისინი, შევსულიყავით მათ სამსახურებში და შეგვემოწმებინა. ამ შემოწმების შედეგს კი პროკურატურა გამოიყენებდა მათ დასაბარებლად და დასაჭერად. ბათუმიდან წამოვედი, გავაფრთხილე თანამშრომლები, რომ უკანონოდ არაფერი არ გაეკეთებინათ - კონტროლის პალატას მხოლოდ სახელმწიფო ორგანიზაციების და სახელმწიფო ქონების სწორად გამოყენების შემოწმების უფლება ჰქონდა. განცხადება დაწერილი მქონდა ბათუმში წასვლამდე და დავტოვე საერთოდ სამსახური.

_ჩატარდა თქვენი თანამშრომლების მიერ შემოწმება? ვინმე დაიჭირეს ამ შემოწმების საფუძველზე?

_ჩატარდა შემოწმება; რამდენადაც ვიცი, შემოწმდა ბათუმის ნავთობგადამამუშავებელი ქარხანა, ბათუმის პორტი და კიდევ რამდენიმე ორგანიზაციის პრივატიზაციის საკითხი. თუმცა, პროკურატურამ რა ქნა მერე, ეს აღარ ვიცი.

_თქვენი სამსახურიდან წამოსვლის მიზეზი ეს დავალება იყო თუ ისედაც აპირებდით წამოსვლას, რადგან სულხან მოლაშვილი უკვე დაჭერილი იყო?

_სამსახურიდან ისედაც მოვდიოდი, მაგრამ იყო გარკვეული საქმეები დასამთავრებელი და მქონდა პასუხისმგებლობა.

_2004 წლის აპრილიდან, როცა სულხან მოლაშვილი დააკავეს, ამავე წლის აგვისტომდე რამდენიმე თვე იყო გასული. მაშინ რატომ არ გქონდათ ეს საპროტესტო განწყობა? წავიდა ვინმე სამსახურიდან მოლაშვილის დაჭერის შემდეგ?

_რა თქმა უნდა, მაშინაც მქონდა პროტესტის გრძნობა. 2004-ში რომ დააპატიმრეს სულხანი, ძალიან კარგად მახსოვს ეს ამბავი. ეკლესიაში იყო წასული და მოუხსნეს იმუნიტეტი. მაშინ რატომღაც მეგონა, რომ გაარკვევდნენ ყველაფერს და მალე გამოუშვებდნენ. მეგონა, რომ ადამიანი დანაშაულზე უნდა დააკავო, დაუმტკიცო ეს დანაშაული და დააპატიმრო, მაგრამ ასე არ ყოფილა თურმე. მეც ასეთი განწყობა მქონდა სანამ დამაკავებდნენ და ჩემი ფეხით ამიტომ მივედი პროკურატურაში. მითხრეს, რომ  არ მოსულიყავი, მერე აღარც მოგკითხავდითო, ვიღაცას სხვას დავიჭერდითო.

_თქვენი დაჭერაც კონტროლის პალატას უკავშირდება?

_ კონტროლის პალატიდან რომ წამოვედი, მუშაობა შემომთავაზეს შპს "საქართველოს ტელეკომში" ფინანსურ დირექტორად. ერთ საღამო ხანს ქალაქის პროკურატურის გამომძიებელმა ზვიად გუგუჩიამ დამირეკა და მთხოვა ქალაქის პროკურატურაში მივსულიყავი. ვკითხე რასთან დაკავშირებით მიბარებდნენ, რადგან როცა ტელეკომში მივედი სისხლის სამართლის საქმე იყო აღძრული და მქონდა პროკურატურაში შეხვედრები, ვინაიდან ფინანსური დირექტორი ვიყავი. მაინტერესებდა გამეგო, ამ საქმესთან დაკავშირებით მიბარებდნენ თუ არა. ეს იყო 2004 წლის 27 დეკემბერი.  როცა პროკურატურაში მივედი მივხვდი, რომ საქმე კონტროლის პალატაში ჩემს მუშაობას ეხებოდა. გამომძიებელმა გუგუჩიამ დაკითხვა დაიწყო, გამიკვირდა ისეთი უსუსური არგუმენტები წამოაყენა. მედავებოდნენ, რომ თითქოს არ შეეძლო კონტროლის პალატას შეემოწმებინა საქართველოს ტელე-რადიო ცენტრი, რომელიც  სახელმწიფო შპს იყო და მანამდეც ვამოწმებდით.  მას დივიდენდი უნდა გადაეხადა სახელმწიფოსთვის, ეს კი უკვე სახელმწიფო ქონებაა, რისი შემოწმებაც უშუალოდ კონტროლის პალატის პრეროგატივა იყო, მოგება სახელმწიფოს უნდა წაეღო და სწორედ ეს საკითხი შევამოწმეთ. შემოწმების პროგრამაც ასე იყო შედგენილი. რომ დამიჭირეს, მერეც კი ამოწმებდა კონტროლის პალატა ამ ორგანიზაციას.

_ანუ თქვენი ბრალდება სულხან მოლაშვილის ბრალდებისგან ცალკე იყო. სხვადასხვა რამეში გდებდნენ ბრალს?

_ თავიდან ეს ბრალდებაც სულხანს ჰქონდა, მას დებდნენ ამაში ბრალს, მოგვიანებით გამოეყო ცალკე საქმედ. ბრალად მედებოდა სამსახურებრივი უფლებამოსილების ბოროტად გამოყენება, რადგან თითქოს მე დავამტკიცე საქართველოს ტელე-რადიო ცენტრის საფინანსო-სამეურნეო საქმიანობის პროგრამა, რომლის უფლებაც თურმე  არ მქონდა და ამით უკანონო შემოწმებაზე გავუშვი ჩემი თანამშრომლები. ამ დროს მე არც ბრძანებაზე მიმიცია ვიზა  და არც პროგრამა დამიმტკიცებია; ვფიქრობ, სამსახურში არ ვიყავი მაგ დროს; ანუ ბრალად დამდეს ისეთ დოკუმენტზე ხელის მოწერა, რაზეც ჩემი ხელმოწერასაერთოდ  არ არის. ამ პროგრამაზე ხელს ჩემს მაგივრად ჩემი მოადგილე დათო ებრალიძე აწერს. თუმცა, როცა მან ეს სასამართლოში თქვა  მოსამართლემ უთხრა, დაჯექი, დაჯექი, ეგ ჩვენ არ გვაინტერესებს, შენ არ გეკითხებაო. დაკავების დროს, ეს საბუთები არ მაჩვენეს.

_ეს პროგრამა საერთოდ იყო კანონდარღვევა?

_არა, მეც რომ მომეწერა ხელი, მაინც არ იყო კანონდარღვევა. ძალიან ბევრი კაზუსია საქმეში.

_მხოლოდ ეს იყო თქვენი ბრალდება?

_კი, ბოლომდე ამით გამასამართლეს. ეს გამომძიებელ გუგუჩიასაც კი ვკითხე, ასეთი აბსურდული ბრალდებით რატომ მაკავებდნენ. ვერაფერი მიპასუხა. პერიოდულად გადიოდა ოთახიდან საკმაოდ დიდი ხნით და მაშინდელი ქალაქის პროკურორის, გიორგი ღვინიაშვილის კაბინეტში ბჭობდნენ.

_ რა მიზანი ჰქონდა თქვენს დაკავებას?

_ბატონმა გუგუჩიამ გამომიცხადა,  ვის რაში სჭირდება შენი დაჭერა, დაწერე სულხანზე რამე და გაგიშვებთო. მას პატარა ბრალდება აქვს, დავალებული გვაქვს ეს მუხლი გავუზარდოთო. ამაზე შემიძლია პირზე დავადგე გუგუჩიას. ვუთხარი, რომ ტყუილს არ დავწერდი. კონტროლის პალატაში 800 ადამიანი მუშაობს და რატომ გგონიათ რომ სულხაზე ცრუ ჩვენებას მისი მეგობარი დაწერს-თქო. გაეცინა და მითხრა, მისი გამწარება გვინდა, ამიტომ მეგობრების დაჭერა დავიწყეთო.

_სად იხდიდით სასჯელს და ციხეშიც თუ გრძელდებოდა ზეწოლა?

_ დაჭერის შემდეგ, თავიდან სასჯელაღსრულების მე-5 დაწესებულებაში მიმიყვანეს, ორთაჭალის ციხეში, მაგრამ იქ არ მიმიღეს. მერე ავადსახსენებელ მე-7 საპყრობილეში. მოგვიანებით გავიგე, რომ ამ ციხეში სპეციალურად მიმიყვანეს. ზურაბ ადეიშვილს უთქვამს, რომ თუ ის არაფერს წერს, ყველაზე ცუდ პირობებში ამყოფეთო. ესეც ადეიშვილის დირექტივა იყო. ჩემთან ერთად ტერორისტებიც კი იჯდნენ, ძალიან მძიმე დანაშაულებში მსჯავრდებულები  და არავის სჯეროდა რომ ჩემი ბრალდება 3-წლამდე პატიმრობას ითვალისწინებდა. მე-7 საპყრობილეში იმ დროს ვიჯექი, მეგის ქარდავა რომ ციხის უფროსი იყო. საშინელი პირობები გვქონდა, მაგრამ ვერ ვიტყვი რომ ვინმეს ვუცემივარ, თუმცა, 12 დღის განმავლობაში უჰაერო  სივრცეში, სრულ სიბნელეში ვიჯექი, არანაირი ჰიგიენური პირობები არ გვქონდა. 12 დღეში 8 კილო დავიკელი. მეგონა, რომ ჩვენი დახოცვა უნდოდათ. 8 კაცი ვიყავით. ე.წ. ქურდები გადმოჰყავდათ და ჩვენი სხვა ციხეში გადაყვანა ვერ მოასწრეს. 2005 წლის დეკემბრის ბოლოს  ლოგინიდან საერთოდ ვერ ვდგებოდით. არანაირი საჭმელი არ გვიჭამია. 12 დღის მერე პური და ამჟავებული კომბოსტო მოგვიტანეს. ამის მერე ორთაჭალის ციხეში გადამიყვანეს, სადაც ცოტა ხანში ციხის ,,ბუნტი" მოხდა.

_რამდენი წელი გქონდათ მისჯილი?

_3-წლიანი მუხლი მქონდა წაყენებული ბრალად და ორწელიწადნახევარი მომისაჯეს. კიდევ ერთი აბსურდი ის იყო, რომ ჩემ ბრალდებას სულხანსაც ედავებოდნენ. თუმცა, სულხანი ამ ნაწილში გაამართლეს. დადგენილებაც არსებობდა, რომელიც ძალაში 10 დღეში შედიოდა. ამ დადგენილების გამოცემიდან მალევე, სასამართლო მქონდა, ჩემმა ადვოკატმა გოგმარ გაბუნიამ სასამართლო პროცესის 3 დღით გადატანა მოითხოვა რადგან სამ დღეში კანონიერ ძალაში შედიოდა სულხანის ამ ნაწილში გამამართლებელი განაჩენი და მაშინ სასამართლოს სხვა არაფერი რჩებოდა ჩემი გამართლების გარდა. ადვოკატმა გაბუნიამ მოსამართლეს აღნიშნული გამამართლებელი დადგენილება წარუდგინა, რაც ბრალმდებელი პროკურორისთვის იმერლიშვილისთვის შოკი იყო. მოსამართლემ სასწრაფოდ გამოაცხადა შესვენება და დაახლოებით ორი საათის შემდეგ გამომიტანა განაჩენი (პირველივე სხდომაზე) არ გაითვალისწინა ადვოკატის შუამდგომლობა.

შემდეგ იყო სარჩელი უზენაეს სასამართლოში და როგორ გგონიათ რომელ მოსამართლეს დააწერეს ჩემი საქმე? იმას, ვინც კასაციაში სულხანი ამ ნაწილში გაამართლა, მოსამართლე მაია ოშხარელს. მან კი ჩემი სარჩელი განხილვის გარეშე დატოვა, საქმე არ არის მნიშვნელოვანი სასამართლოს განვითარებისა და ერთგვაროვანი სასამართლო პრაქტიკის ჩამოყალიბებისთვისო. ამს გამო საქმე წარმოებაში არ მიიღეს. სტრასბურგისთვის 6 თვის ვადა მქონდა, აქედან 3 თვის გატარება ისევ ციხეში მიწევდა და მაგ დროს ამის გაკეთება არ ღირდა. რომ გამოვედი დოკუმენტების მომზადება დავიწყე სტრასბურგში გასაგზავნად. ამ დროს შემომითვალეს პროკურატურის ,,ადვოკატის", გიორგი ყავლაშვილის პირით, რომ არ გამებედა სტრასბურგში საქმის გაგზავნა, რადგან კიდევ დამიჭერდნენ. ამის გამო, ჩემი საქმე სტრასბურგში ვერ მოხვდა. დედას ცოცხალსაც კი ვერ მოვუსწარი, ერთი კვირით ადრე გარდაიცვალა, ორი პატარა ბავშვი მყავდა და ჩემს უახლოეს ხალხს მეტად ვეღარ დავტანჯავდი.

_თქვენს გარდა, კონტროლის პალატის კიდევ რამდენი თანამშრომელი იყო დაკავებული?

_ჩემთან უშუალოდ, მე-7 საპყრობილეში იჯდა დავით ვეკუა და ირაკლი გარსევანიშვილი, ამის გარდა კიდევ იყო მე-3 დეპარტამენტის უფროსი, ავთანდილ ჩიქვინიძე, რომელიც თუ არ ვცდები ორთაჭალის ციხეში იჯდა. მათაც, ალბათ, იგივე მოსთხოვეს სულხანთან დაკავშირებით, მაგრამ ჯოხი მაინც უფრო ჩემზე ტყდებოდა, პირველ რიგში იმიტომ, რომ სულხანის მეგობარი ვიყავი. ამის მიზანი პირადი, პოლიტიკური ანგარიშსწორება იყო, ხელისუფლებაში მოსული ძალის განმტკიცება.

_როგორც ცნობილია, სულხან მოლაშვილს 3 მილიონის გაფლანგვას ედავებოდნენ. ეს ხომ არ იყო სწორედ თანამშრომლებზე ზეწოლით შექმნილი ბრალდება? ხომ არ მიუციათ სხვა თანამშრომლებს მის საწინააღმდეგოდ ჩვენებები?

_დაახლოებით სამი თვის მანძილზე ძალიან დიდი მუქარები მქონდა ციხეში, მემუქრებოდნენ ბევრ რამეს. სამი თვის შემდეგ შემეშვნენ, მაშინ უკვე სულხანს მუხლიც შეუცვალეს. რა გამოიყენეს ამისთვის ზუსტად არ ვიცი.

-თანამშრომლები, რომლებიც ზემოთ ახსენეთ, დაჭერილები იყვნენ იმ პერიოდისთვის?

_გარსევანიშვილი და ვეკუა  ჩემს მერე დაიჭირეს. მათზე თავს დავდებ, ვიცი როგორც იყო. სხვა თანამშრომლებიც იყვნენ დაჭერილები, რომლებიც მე ციხის  პირობებში არ შემხვედრიან.

_ანუ თქვენ ფიქრობთ, რომ მათ ჩვენებები მისცეს მოლაშვილის წინააღმდეგ?

_ეს სულხანის საქმიდანაც უნდა გამოჩნდეს წესით.

_ციხეში თუ გქონდათ სულხანთან გადაკვეთის წერტილი?

_ ყოველთვის მქონდა სულხანთან კონტაქტი. მისი ადვოკატები არ ამაყვანინეს, კატეგორიული უარი მითხრეს ამაზე, რა თქმა უნდა, მუქარის ფორმით. ტელეფონიც მქონდა და შემეძლო ასე მეკონტაქტა, ამასაც უსმენდნენ და ამიტომ. თუმცა, არც მის ტელეფონზე ვურეკავდი, სხვა ტელეფონებით ვახერხებდით ერთმანეთთან საუბარს. მაინტერესებდა მისი ჯანმრთელობის მდგომარეობა, რამეს რომ გავიგებდი მასზე, ვურეკავდი. ძალიან ვდარდობდი. გავიგე ის ყველაფერი რაც მას გაუკეთეს, წამებიდან დაწყებული... ისიც იგებდა ჩემს ამბავს, ციხეს თავისი საინფორმაციო საშუალებები გააჩნია და უფრო უტყუარი, ვიდრე გარეთ.

_თქვენს დაკავებამდე მოხდა მოლაშვილის წამება. ციხეში მოხვედრამდე ამის შესახებ ინფორმაცია არ გქონდათ?

_კი, მქონდა. ახლა იმასაც ამბობენ, რომ ცოლი წვავდაო. იდიოტია, ვინც ამას ამბობს. მე-7 საპყრობილეში იყო ექიმი, რომელსაც ვკითხე მისი მდგომარეობა. როცა სულხანი ამ საპყრობილეში გადმოიყვანეს, ამ ექიმმა მისი ეს დაზიანებები არ დააფიქსირა, თუმცა, თქვა, რომ ჰქონდა დაზიანებები.

_ბოლოს როდის ნახეთ ბატონი სულხანი?

_საფრანგეთში იყო ბოლო პერიოდში მკურნალობდა, მისი შვილის ქორწილში თბილისში ვნახე. მკურნალობის შედეგი ეტყობოდა და გული მომეცა, რომ გამოჯანმრთელდებოდა. ასეთი ნიჭიერი ადამიანი არ მინახავს. 2002 წელს ამერიკიდან მოწვევა ჰქონდა სიტყვით უნდა გამოსულიყო და ინგლისური არ იცოდა, თუმცა გადაწყვიტა, რომ ინგლისურ ენაზე გაეკეთებინა მოხსენება. თარჯიმნის წაყვანასაც არ აპირებდა. 4 თვეში ისე ისწავლა ინგლისური, მოხსენება გააკეთა. უკვე სამ თვეში გამართულად საუბრობდა ინგლისურად. ბევრი რამის გახსენება შემიძლია. ძალიან მიჭირს მასზე საუბარი.

_2014 წელს სტრასბურგის სასამართლომ მოლაშვილის საქმეზე გადაწყვეტილება გამოიტანა და საქართველოს დაავალდებულა საქმის ხელახალი გამოძიება ერთი წლის ვადაში. ეს ვადა დღეს ამოწურულია. ხომ არ ფიქრობთ, რომ გამოძიება ჭიანურდება?

_ვერ გეტყვით, საქმე ჭიანურდება, თუ არა, თუმცა ვფიქრობ, რომ რთული გამოსაძიებელიც არაფერია ამ საქმეში. სულხანთან შეხვედრა მინდოდა, რადგან მისი საქმის გამოძიება მიმდინარეობდა, ვფიქრობდი, ჩემი საქმეც გადახედილიყო. ახლაც ვფიქრობ, რომ მივიტანო საქმე ხელახლა გამოსაძიებლად პროკურატურაში, იურიდიული პროცედურების გარკვევა მინდა და თუ ამის შესაძლებლობას კანონმდებლობა მომცემს, აუცილებლად მივიტან.

_გარდა წარდგენილი ბრალდებისა, თქვენ ასევე გედავებოდნენ თანამშრომლებზე პრემიების გაცემას ისევე, როგორც სულხან მოლაშვილს. ეს ბრალდებაც აბსურდული იყო? თანხები ხომ ნამდვილად გაიცა?

_კანონში პირდაპირ იყო მითითებული, რა შემთხვევაში შეიძლებოდა პრემიის გაცემა. მეც მედავებოდნენ, რომ ორგანიზაციას, ტელე-რადიო ცენეტრს დარიცხული აქვს თანხა და ჩემმა თანამშრომლებმა აქედან აიღეს პრემიები. აქაც წერია,  თითქოს მე ჩემი გამორჩენის მიზნით დავიწყე ამ ცენტრის შემოწმება. ამ დროს მე არა მაქვს პრემია აღებული. ანუ, მედავებოდნენ, რომ ტელერადიო ცენტრზე კანონდარღვევით იყო დარიცხული 70 000 ლარი და აქედან 30%, 21 000 ლარი კანონის გვერდის ავლით არის ჩარიცხული  კონტროლის პალატის სპეცსახსრების ანგარიშზე პრემიის სახით.  ანალოგიური იყო სულხანთან დაკავშირებითაც. ძალიან უსუსური ბრალდებაა ეს. მათთვის მნიშვნელოვანი არ იყო ადამიანს ბრალად რას წაუყენებდნენ. ჯერ იჭერდნენ ხალხს და მერე არგებდნენ კანონს რომ გაეხანგრძლივებინათ მისი პატიმრობა. კონტროლის პალატის თავმჯდომარე და მით უმეტეს სულხანი, ძალიან მაღალი რანგის ფიგურა იყო. მე დარწმუნებული ვარ, რომ ეს იყო მიხეილ სააკაშვილის დაკვეთაა, რაც ადეიშვილმა, ბოკერიამ და დანარჩენებმა შეასრულეს. სააკაშვილის პირადი პატიმარი იყო სულხანი.

გეტყვით როგორ მოხდა იუსტიციის სამინისტროს შემოწმებაც. დამიძახა სულხანმა და მითხრა, რომ ჩემს სამმართველოს უნდა შეემოწმებინა იუსტიციის სამინისტრო, თუმცა, მერე ისე მოხდა, რომ სხვა დიდი დავალებები მქონდა და მე არ შემიმოწმებია, შემოწმება განახორციელა ჩვენმა მე-5 დეპარტამენტმა, რომელიც ძალოვან უწყებებს ამოწმებდა და მისთვის იუსტიციის სამინისტროს შემოწმება გეგმიური იყო. დარღვევები მათ აღმოაჩინეს. დაახლოებით, ერთი თვის განმავლობაში სააკაშვილი იმალებოდა კიდევაც ამის გამო. მითვისება და სხვა ფინანსური დარღვევები იყო.

_სად არის ახლა ეს დოკუმენტაცია?

_2003 წლის ბოლოს ან 2004 წლის დასაწყისში, ზუსტი თარიღი არ მახსოვს,  ვიჯექით და ვმსჯელობდით იმაზე, როგორ შეგვენარჩუნებინა კონტროლის პალატის არქივი. ვფიქრობდით ქსეროასლების გადაღებასაც, რადგან ეს ძალიან ღირებული მასალა იყო. რომ დავითვალე დაახლოებით 4 მილიონი ფურცელი იყო გადასაღები, რაც ძალიან წარმოუდგენელი იყო, არც რესურსი გვქონდა არც ტექნიკა.

_დოკუმენტაცია კომპიუტერულად დამუშავებული არ იყო?

_თქვენ წარმოიდგინეთ, არა. ძველები არ იყო, შედარებით ახლები კი, მე პროგრამაც კი მქონდა და ყველაფერი შენარჩუნდა. სულხანის დაჭერამდე, ძალიან კარგად მახსოვს როგორ მოვიდა ისანში, კონტროლის პალატის შენობასთან 2 დიდი "კამაზი", სადაც აღრიცხვის გარეშე იყრებოდა მთელი ეს მასალები. სად არის ეს არქივი ახლა, არც ვიცი. ზუსტად ვიცოდით, რომ მასალები, რომელიც ახალ ხელისუფლებას არ მოსწონდა, გაანადგურებდა. მთლიანი არქივი წაიღეს. ერთადერთი რაც გავაკეთეთ, აღრიცხვა ჩავატარეთ, რა გვქონდა გამოკვლეული და შემოწმებული, თუმცა, ეს მხოლოდ ზედაპირლი ინფორმაციაა, რა დარღვევები აღმოვაჩინეთ ამის დოკუმენტაცია აღარ არსებობს. მე ვიცი, რომ სულხანსაც ჰქონდა თავისი პირადი არქივი, რომლის ბედიც ჩემთვის უცნობია.

_როგორც ფიქრობთ, საქმის სწორად გამოძიების შემთხვევაში  ყოფილ მაღალჩინოსნებს, მათ შორის ყოფილ პრეზიდენტსაც, შესაძლოა ბრალი დაუმძიმდეს?

_რა თქმა უნდა, ბევრი უბედურება აქვთ ჩადენილი და არ არის გამორიცხული ასე მოხდეს, დანაშაულისთვის ყველამ პასუხი უნდა აგოს.

მათ შორის იმ მოსამართლეებმაც,  რომლებმაც სულხან მოლაშვილს განაჩენი გამოუტანეს?

_ვფიქრობ, უნდა დადგეს ყველა იმ ადამიანის პასუხისმგებლობის საკითხი, ვინც სულხან მოლაშვილის საქმეში უკანონო ქმედება ჩაიდინა, გამომძიებლიდან დაწყებული, რომელიც დაკვეთას ასრულებდა, ყოფილ პრეზიდენტამდე დამთავრებული და ყველა ის, ვინც უკვეთავდა. თავისი წილი პასუხი ყველამ უნდა აგოს.

_მინდა  გკითხოთ მოლაშვილის წამების საქმეზეც. ის კონკრეტულ გვარებს ასახელებდა, ვინც მის წამებაში მონაწილეობდა, პროკურორ ვალერი გრიგალაშვილს, გიგა ბოკერიას, ზურაბ ადეიშვილი და ..

_ თავს ვერ დავდებ, მე ეს მომენტი არ ვიცი. მაგრამ როცა ბუნტი მოხდა ორთაჭალის ციხეში ერთი ხელმძღვანელობდა, მეორე ასრულებდა და ერთი ნეიტრალურად იდგა.

_შეგიძლიათ ამ პირების დასახელება?

_გიგა ბოკერია ხელმძღვანელობდა ,,ბუნტის" ოპერაციას და ყველა განკარგულებას იძლეოდა. ბაჩო ახალაია ასრულებდა მის დავალებებს და ვანო მერაბიშვილი ყველაზე ნეიტრალური იყო ამ საქმეში. ეს მე ჩემი მოპირდაპირე საკნელებიდან ვიცი, რომლებიც ფანჯრიდან უყურებდნენ ამ ყველაფერს, მათ რიცხვში შალვა რამიშვილიც იყო და შეგიძლიათ მასაც ჰკითხოთ.

_ვისი ორგანიზებული იყო ციხის ბუნტი, თქვენ რა ინფორმაცია გაქვთ?

_ჩემი აზრით, ახალაიას პროვოცირებული იყო პატიმრების დასასჯელად. 




 ახალი ამბები
  • "ბალახს ცეცხლი წაუკიდა, გამოსვლა ვერ მოასწრო და შიგ ჩაიწვა!"_ ტრაგედია კასპშიკასპში, სოფელ დოესში უბედური შემთხვევის შედეგად 70 წლამდე ასაკის მამაკაცი გარდაიცვალა. როგორც "გურია ნიუსს" მერის წარმომადგენელმა აღნიშნულ თემში, ტარიელ ოხანაშვილმა უთხრა, "მამაკაცი ნაკვეთს ასუფთავებდა. ბალახს რომ ცეცხლი წაუკიდა, გამოსვლა ვეღარ მოასწრო და შიგ ჩაიწვა". შსს-მ მომხდარ ფაქტზე გამოძიება სისხლის სამართლის კოდექსის 188 მუხლით ... ...
  • კორონავირუსზე ეჭვის გამო ბათუმის მატარებელი თბილისიდან ვერ გადისთბილისი-ბათუმის მატარებელი უკვე ერთი საათია თბილისიდან ვერ გადის. ამის მიზეზი სასწრაფო დახმარების სამსახურში შესული შეტყობინება გახდა. როგორც  საქართველოს რკინიგზაში განგვიცხადეს, თბილისი-ბათუმის მატარებლის მგზავრების ნაწილმა მიიჩნია, რომ ერთ-ერთ მგზავრს, რომელიც მათი აზრით, ჩინეთის მოქალაქეა, სავარაუდოდ გრიპის ნიშნები ჰქონდა რის გამოც სასწრაფო დახმარება გამოიძახეს და მატარებელი დატოვა. ისინი ბაქანზე იცდიან. თუმცა ამ დროისთვის დადასტურებული არ არის არც მგზავრის მოქალაქეობა და არც ის, იმყოფებოდა თუ არა ის ჩინეთში  ბოლო პერიოდში. რკინიგზაში აცხადებენ, რომ სასწრაფო დახმარების ორი ბრიგადა უკვე ადგილზეა და მგზავრებს შესაბამისი შემოწმება ჩაუტარდება. ჯერჯერობით უცნობია როდის დაიძვრება მატარებელი ბათუმის მიმართულებით. სასწრაფოში გვითხრეს, რომ მგზავრებს სიცხეს უზომავენ და პირველადი დაკვირვებით არაფერი საგანგაშო არ არის. წყარო: ... ...
  • მაია მერკვილაძე: შემომითვალეს, ახალ ამბებში რედაქტორად აღარ ვიქნები“მოკლედ, ვიცი გაინტერესებდათ, შემომითვალეს, ახალ ამბებში რედაქტორად აღარ ვიქნები. ნინო ხაჟომია მოდის რედაქტორად.“ - ასეთი სახის განცხადება სოციალურ ქსელში აჭარის საზოგადოებრივი ტელევიზიის ახალი ამბების რედაქტორმა მაია მერკვილაძემ გაავრცელა. მაია მერკვილაძის ამ განცხადებას უცებ მოჰყვა მისი კოლეგების და ჟურნალისტების კომენტარები. “ ასე და ამგვარად, გრძელდება აჭარის ტელევიზიის გაპარტახება! ბიძინას ბორდი და კოხრეიძე მარტო აღარ არიან გამპარტახებლების რიგებში უკვე, ახალ ხალხს იმატებენ! მაიას საინფორმაციოდან გაყვანა, მისი ამ საქმისგან ჩამოცილება არის დანაშაული. ვისაც მასთან არ უმუშავია, ჩემი სიტვების მნიშვნელობას, ბოლომდე ვერ გაიგებს!“ - წერს სოციალურ ქსელში “მთავარი აჭარაში“ წამყვანი და ჟურნალისტი ლაშა ზარგინავა. “მაია მერკვილაძე ახალი ამბების სამსახურიდან გაჰყავთ. ამ დრომდე ხელშეკრულებას არ აჩვენებენ. დირექტორმა მმართველებს გააცნო ინფორმაცია იმის შესახებ რომ მაიკოს არათუ 20-იანის რედაქტორის, ან უბრალოდ რედაქტორის არამედ საერთოდ სხვა პოზიციის ხელშეკრულებას შესთავაზებენ, გაუგებარი, ბუნდოვანი პერსპექტივით და არარსებული რესურსით. აბა ეხლა დაგვაბრალოს იქნებ უმაღლესმა საბჭომ, ბორდმა, დირექტორიანად კივილი და წივილი.“ - ასე შეაფასა მაია მერკვილაძის განთავისუფლება აჭარის ტელევიზიის ახალი ამბები წამყვანმა და ჟურნალისტმა თეონა ბაკურიძემ. აჭარის საზოგადოებრივი მაუწყებლის დირექტორის, გიორგი კოხრეიძე “მთავარ არხთან“ მიცემული ინტერვიუს დროს ამბობს, რომ მაია მერკვილაძისთვის ახალი შემოთავაზება აქვს. “წინასაარჩევნო პერიოდია და ვალდებულება გვაქვს, რომ გაკეთდეს დებატების სახის გადაცემები ანუ თოქ-შოუ. აქედან გამომდინარე ვაძლევ სრულ თავისუფლებას, რომ ეს საარჩევნო პროექტი გააკეთოს მან.“ - თქვა გიორგი კოხრეიძემ. ჟურნალისტის კითხვაზე, თუ ამ წინადადებას არ დათანხმდა მაია მერკვილაძე მაშინ რა მოხდება - გიორგი კოხრეიძემ უპასუხა: “მაშინ ვშორდებით, რაც მე არ მინდა.“ - აღნიშნა გიორგი კოხრეიძემ. როგორც ჩვენთვის ხდება ცნობილი მაია მერკვილაძე გიორგი კოხრეიძის შემოთავაზებას არ დათანხმდება. “უსამართლო გადაწყვეტილება მიიღო აჭარის ტელევიზიის დირექტორმა.“ - ამბობს მაია ... ...
  • 24 თებერვალი ირაკლი ჩარკვიანის გარდაცვალების დღეა2006 წლის 24 თებერვალს ქართველი მუსიკოსი, მწერალი ირაკლი ჩარკვიანი გარდაიცვალა. სოციალურ ქსელში გელა ჩარკვიანი, ირაკლი ჩარკვიანის მამა სტატუსს აქვეყნებს, რომელსაც “გურია ნიუსი“ უცვლელად გთავაზობთ. “ჩაწერა მაქვს „რუსთავი 2“-ზე, დათო გოგიჩაიშვილთან. ნახევარ საათში უნდა გავიდე, – მითხრა ქეთათომ ტელეფონით. – იქნებ მოხ­ვიდეთ და ჩვენთან იყოთ, სანამ დავბრუნდები. ირაკლი ღამე თავს კარგად არ გრძნობდა. ახლა ჩაეძინა, მაგრამ მაინც მეშინია“. პარასკევის დილა იყო. ჩემს მდივანს, შორენა კობერიძეს დავურეკე და ვუთხარი, შემაგვიანდება-მეთქი. თეთრი „ტოიოტა კოროლა“ ეზოში მელოდებოდა. ომარ არუთინოვს ვთხოვე, ირაკლისთან ვერაზე მივეყვანე და გარაჟში ჩემს ზარს დალოდებოდა. ქეთათო რომ გავიდა, სავარძელში ჩავჯექი და კინოსცენარის კითხვას შევუდექი. იმ დღეებში გია ბაზღაძემ შემომთავაზა ქართულად გამეხმოვანებინა ერთი უცხოური საბავშვო კინოს პერსონაჟი. ამ ფილმის ჩვენებას გია თავისთან, რუსთაველის კინოთეატრში აპირებდა და რატომღაც გადაწყვიტა, რომ „კინო­გმირს“ ყველაზე უფრო ჩემი ხმა და ინტონაცია მოუხდებოდა. დავთან­ხმდი, რადგან ამ საქმეში გარკვეული გამოცდილება მქონდა და, რაც მთავარია, წინანდელივით დაკავებული აღარ ვიყავი – სიტყვებს აღარ ვწერდი და არაფრის თარგმნა აღარ მიხდებოდა. ფილმების გახმოვანებასთან კარგი მოგონებები მაკავშირებდა. დიღომში კინოსტუდია „ქართული ფილმის“ ძველებური ყაიდის ვეება მიკროფონებთან არაერთხელ ვმდგარვარ დოდო აბაშიძესთან, თენგიზ არჩვაძესთან, რამაზ ჩხიკვაძესთან და სხვა ცნობილ მსახიობებთან ერთად. რეზო ჩხეიძის „ნერგებში“ ამერიკელი ტურისტების ეპიზოდი თითქმის მთლიანად მე და ილო თუმაჯანოვმა გავახმოვანეთ. მერაბ კოკოჩაშვილის „მწვერვალში“ გია ყანჩელის დაწერილი ინგლისური სიმღერაც კი ვიმღერე. კიდევ იყო ნანა მჭედლიძის „პირველი მერცხალი“ და „შერეკილები“, რომლის დიალოგები, ელდარ შენგელაიას თხოვნით, ინგლისურად ვთარგმნე და ქართულ ტექსტს დავადე. მაგრამ ბოლო 30 წლის განმავლობაში კინოსთან შეხება აღარ მქონია და ახლა, ამდენი პოლიტიკით დაღლილს, კინოპერსონაჟის აუდიო-თამაში უთუოდ გამახალისებდა. რამდენიმე გვერდი წავიკითხე და ცოტათი მომწყინდა – მხატვრულის კითხვას გადაჩვეული ვიყავი. ფურცლები იატაკზე დავდე. ავდექი და კედელზე დაკიდებული ირაკლის ნახატებისა და ფოტოების თვალიერება დავიწყე. მერე დიდ ოთახში გავედი და მძინარე ირაკლის დავხედე. მშვიდად, მეტრონომის სიზუსტით სუნთქავდა. ერთ ბეჭზე საბანი არ ეხურა და ხელი დავადე. სიცხე არ ჰქონდა. კედლებზე სურათები აქაც იყო და სანამ ყველა, ალბათ ასჯერ ნანახი, ისევ დავათვალიერე, ოთახი არ დავტოვე. კვლავ სავარძელში ჩავეშვი, თუმცა სცენარი იატაკიდან აღარ ავიღე. სახლში წავიკითხავ-მეთქი, ირაკლის პატარაობა გამახსენდა, როგორ ვეთამაშებოდი „შემოქმედებით“ თამაშებს – რითმობანას, პარადოქსობანას, ოქსიმორონობანას და აბსურდობანას. „აბა, გარითმე ხალი!“ უმალ პასუხობდა – „მსხალი“. „აბა, კიდევ?“ „ნალი, თვალი, ალი, ქალი, მთვრალი“. „გეყოფა“. „აბა, მოიგონე პარადოქსი“. „ისეთი მშიერი ვარ, რომ ხინკალსაც კი არ შევჭამ“. „კარგია. ახლა ოქსიმორონი მინდა სიტყვაზე ტკბილი“. დაფიქრდებოდა, „ვიცი! ვიცი! ტკბილი სევდა, ტკბილი ტკივილი“. „აბა, რაიმე აბსურდული ფრაზა მოიგონე, ისეთი როგორც ყვავი ჩხიკვის მამიდა“. „ბიძაშვილის ვირის ზმნიზედა. ხომ მაგარია?“ „კარგია“, – მოვუწონებდი და ის ბედნიერი ხტუნვა-ხტუნვით ეზოში გავარდებოდა, სადაც მისი თანატოლები უფრო ბიჭურ თამაშებს შესთავაზებდნენ. მერე ის საშინელი საღამო გავიხსენე, როცა ირაკლი და გეგა, მაგრად ნაცემები, წყნეთის კინოდან ჩვენს აგარაკზე ამოვიყვანეთ და ისიც, როგორი დაზაფრულები ისხდნენ ირაკლი და კოსტე, როცა გაიგეს, რომ გეგამ თვითმფრინავი გაიტაცა, ისე, რომ მათთვის არაფერი უთქვამს; და სულ ახლახან ქეთათოსთან ერთად რომ გვეწ­ვია და ნანას და მე გამოგვიცხადა, – მალე გოგო გვეყოლება და გადავ­წყვიტეთ რეტრო სახელი დავარქვათ – ნანაო. პატარა ნანამ გვასახელა – თავის წითურ ძაღლთან, კაფკასთან ერთად ის წარმატებით ასრულებდა როლს „მაესტრო TV“-ის მიერ გადაღებულ რეალიტი შოუში, რომელიც ერთი თვის განმავლობაში დეტალურად აშუქებდა ირაკლისა და ქეთათოს ყოველდღიურ ცხოვრებას. ამ დღეს ნანა ბებიასთან, გულიკოსთან იყო, რომელსაც დულიტოს ეძახდა, ისე როგორც მე – დელას. უკანა­ენისმიერებს, ვერც მჟღერსა და ვერც ყრუს, ბავშვი ვერ წარმოთქვამდა. ამით თავის მეორე, თანამოსახელე ბებია ნანას ჰგავდა, რომელიც თურმე ადრეულ ბავშვობაში кукла-ს ნაცვლად тутла-ს ამბობდა. ამგვარ მოგონებებში გავატარე საათ-ნახევარი. მალე ქეთათო უნდა დაბრუნებულიყო. წამოვდექი და კვლავ იმ ოთახში შევედი, სადაც მძინარე ირაკ­ლი მეგულებოდა. იმავე პოზაში იწვა და ოთახიდან გასვლა დავაპირე. კართან ვიდექი. არც გავდიოდი და არც უკან ვიხედებოდი. ძალიან არ მინდოდა დამენახა ის თითქმის შეუმჩნეველი ცვლილება, რომელიც შევამჩნიე და არ შევიმჩნიე, ის ზარდამცემი, უსასრულოდ მცირე სხვა­ობა, ახლად მკვდარს ცოცხლისგან რომ განასხვავებს. რამდენ ხანს შემეძლო მეტყუებინა თავი... მივედი და იმავე ბეჭზე ხელი დავადე. არ სუნთქავდა. მერე მკერდს ჩავუყევი. მხოლოდ გულის სიახლოვეს აღმოვაჩინე პაწაწინა თბილი წერტილი. სასწრაფოს ექიმმა გარდაცვალება დაადასტურა. ქეთათო ჯერ კიდევ სტუდიაში იყო, იქ შევატყობინე და „რუსთავი 2“-მა ირაკლის სიკვდილის ამბავი breaking news-ის სახით გაუშვა ეთერში... ამას მოჰყვა სხვა ტელევიზიების სიუჟეტები, ათას­გვარი ვერსიებით და უწყვეტი ზარების ნაკადი ჩემს მობილურზე. ნანა მიღებული შოკისგან სიცოცხლის ბოლომდე სრულად ვერ გამოვიდა. მის გაუსაძლის ტკივილს ისიც ერთვოდა, რომ სახსრის მოტეხილობისა და ხელოვნურით ჩანაცვლების შემდეგ დამოუკიდებლად სიარული ჯერ არ შეეძლო. სულ ლოგინში იწვა და ტიროდა. ცრემლს მეც ვერ ვიკავებდი, განსაკუთრებით, როცა ვიხსენებდი ირაკლის სასაცილომდე არარეალურ ბიზნეს-პროექტებს, რომელთა განხორციელებით აპირებდა, გამდიდრებას თუ არა, საკუთარი ოჯახის შენახვას მაინც. ამგვარი იდეების გენერირებას მან მას შემდეგ უმატა, რაც გაჩნდა პატარა ნანა, მისი ერთ-ერთი ბოლო, და ბაბუა-ბებიების აზრით საუკეთესო ნაწარმოები. ჩემთვის დღესაც ორი ირაკლი არსებობს: ერთი – ჩემი და ნანას პირმშო. ის ჩემს მეხსიერებაში მარად ბავშვად დარჩება. სწორედ ამ ბავშვის – ირაკლის სიკვდილი განვიცადე ასე მწარედ 2006 წლის 24 თებერვალს. მეორე – მიამიტი და იმავდროულად უჩვეულო ნიჭით დაჯილდოებული შემოქმედი. ის არ მომკვდარა. „სათქმელი თქვა და უბრალოდ კარი გაიხურა“. სამძიმრის სათქმელად ჩვენს პეკინის 14-ის ბინაში, ნათესავებისა და ნაცნობ-მეგობრების გარდა, საქართველოში არსებული ყველა პოლიტიკური ძალის ხელმძღვანელები მოვიდნენ. სანდრა სააკაშვილი ყოველდღე ჩვენთან იყო და მწოლიარე ნანას საათობით ეჯდა. როცა სადარბაზოში შევარდნაძის დაცვის თანამშრომელი შევნიშნე, მივხვდი, რომ მალე ექს-პრეზიდენტი გამოჩნდებოდა. შევი გადამეხვია, გასვლისას კვლავ შეხედა ირაკლის და თავი დახარა, როგორც მაშინ, მამაჩემის პანაშვიდზე. ცოტა ხანი გავიდა და ოთახში მიშა სააკაშვილი შემოვიდა. მელაპარაკა. მერე დიდხანს ჩუმად იყო. რაღაცაზე ფიქრობდა. წასვლისას ასე მითხრა – „სამსახურში გამოსვლას ნუ იჩქარებ, მაგრამ როცა გამოხვალ, აუცილებლად მნახე“. მაშინ მე პრეზიდენტის თანაშემწე და პრესსპიკერი ვიყავი. დღის განმავლობაში ვეცნობოდი მსოფლიო მედიაში გამოქვეყნებულ ჩვენთვის საინტერესო მასალას და საღამოობით შეკუმშული სახით მიშას ვაცნობდი. კვირაში რამდენჯერმე ქართველ და თბილისში აკრიდიტებულ უცხოელ ჟურნალისტებს ვხვდებოდი და მიმდინარე პოლიტიკური მოვლენების ჩვენეულ ხედვას ვუზიარებდი. ტელევიზიებში კვლავინდებურად ხშირად ვჩნდებოდი. სახელმწიფო ბიუჯეტი მნიშვნელოვნად იყო გაზრდილი და მოხელეთა შრომის პირობები შეუდარებლად გაუმჯობესებული. მიშა ერთი კვირის თავზე ვნახე. ყოველგვარი შესავლის გარეშე მით­ხრა, რომ წინათაც ფიქრობდა და აზრი არც ახლა შეუცვლია: „საქარ­თველოს ინგლისში შენ უნდა წარმოადგენდე“. ეს სიახლე ნანას ტრაგედიამდე რომ გაეგონა, სახე გაუბრწყინდებოდა და მეგობრებს ტელეფონზე რეკვით აიკლებდა. ახლა კი მხოლოდ თავი დამიქნია და თვალები ცრემლით აევსო. ლონდონში სექტემბერში წავედით. თან შვილიშვილები – ანა და გაგა – წავიყვანეთ. პატარა ნანა ჯერ მართლაც პატარა იყო და ლონდონში ყოფნა არაფერს არგებდა. ჩამოვიდა, როცა სკოლის ასაკს მიაღწია. ლონდონმა თავისი ქნა. დიპლომატიურმა მიღებებმა, მკაცრი დრეს­­კოდის ნორმების აღსრულების აუცილებლობამ, ახლად შეძენილი ნაცნობების მრავალეროვნულმა წრემ ნანა თანდათან თვალში გამოახედა. და როცა, ბუკინგემის სასახლეში დედოფლისათვის რწმუნებათა სიგელების გადაცემის აღსანიშნავად გამართულ vin d’honneur-ზე მან შამპანურით სავსე ჭიქა ასწია, მის უძირო თვალებში პირველად ამ თვეების განმავლობაში მოციმციმე ვარსკვლავები დავინახე“. - წერს გელა ჩარკვიანი სოციალურ ... ...
  • „პირბადეს ვეღარ იშოვი, სადეზინფექციო ხსნარებს ფასი დაადეს“ _რას გვატყობინებენ იტალიიდან_პულიის რეგიონი ბარის პროვინციაში,  რომელიც მილანიდან, კორონავირუსის ეპიცენტრიდან ათასი კილომეტრის დაშორებით იმყოფება, ჯერ არანაირი პრევენციის ზომები არ მიუღიათ.  ჩემი გოგონა სკოლაში დადის, როგორც მშობელს,  მომივიდა შეტყობინება, რომ არ დავტოვო ლოკაციის  ადგილი.  ამ ეტაპზე  სხვა არანარი გაფრთხილება არ შემოსულა.  უნდა გითხრა  ისიც , რომ აფთიაქში   ვერ იშოვი პირბადეს. სადეზინფექციო  ხსნარები, რასაც „ამაზონი“ გვჩუქნიდა, ფასები დაადეს და სამი შეკვრა  90 ევრო ღირს.  ახლა აქ დღის პირველი საათია. ამ წუთებშიც შევედი აფთიაქში და პირბადე უკვე არ არის. მითხრეს, რომ დილით რაც მიიღეს, უკვე გაყიდულია, - გვატყობინებს ემიგრაციაში მყოფი ჩვენი მეგობარი ხათუნა შარაძე.  კორონავირუსი ფაქტიურად  ვრცელდება  იტალიაში და ეს სამწუხარო ამბავია. ხათუნა შარაძემ  ასევე გვითხრა, რომ იტალიაში საქართველოს საელჩოს ვებგვერდზე განთავსებულია განცხადება ,  კორონა ვირუსთან დაკავშირებით: „ შექმნილი მდგომარეობიდან გამომდინარე, საქართველოს საელჩო მოუწოდებს იტალიაში და განსაკუთრებით კი მის 5 რეგიონში (ლომბარდია, ვენეტო, პიემონტე, ემილია რომანია და ლაციო) მცხოვრებ და ტურისტული მიზნებით მყოფ საქართველოს მოქალაქეებს გაითვალისწინონ  იტალიის მთავრობის მიერ,  ვირუსის მართვისთვის აუცილებელი რჩევები და განკარგულებები, განსაკუთრებული საჭიროების გარდა თავი შეიკავონ საჯარო თავშეყრის ადგილებში სიარულისგან და დაიცვან ჰიგიენური წესები.“ ... ...

არქივი

ზაფრანი

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...