"მიიტანეთ ჩვენი გასაჭირი ვინმეს ყურამდე! წაგვიღო მეწყერმა და ბავშვები დაგვიჭამა მატლებმა!"

მთავარი თემა

"მიიტანეთ ჩვენი გასაჭირი ვინმეს ყურამდე! წაგვიღო მეწყერმა და ბავშვები დაგვიჭამა მატლებმა!"

2012 ივნ 24 20:44:39

_ აი აქ ვცხოვრობთ, ზედობანში, ნახეთ გზა როგორ ჩამოშვავებულია? არანაირი ყურადღება ჩვენთან არაა, თუ შეარემონტებენ ცენტრალურ გზას, თორემ ჩვენი არსებობა არავის ახსოვს. ცენტრამდე მისასვლელი ხომ გვინდა? _ აქ ვცხოვრობთ, ყველანაირად ვართ მოწყვეტილი ცენტრის გზას, ამ გზაზე ვართ დამოკიდებული, რომ მოკვდეს ვინმე ან გახდეს ცუდად, რა უნდა ვქნათ, გეკითხებით? აქ არის დაახლოებით 80 – დან 100 – მდე ოჯახი, ასეთი პრობლმების ქვეშ ვდგავართ. უპირველესად, სოფელში თუ გზა არ ვარგა, ცხოვება შეიძლება? ცენტრამდე ფეხით მისასვლელ გზას გავდივართ 4 კილომეტრს, წარმოგიდგენიათ? ერთი კვირის წინ მოვიდნენ, გადაიღეს სურათები, თბილისში უნდა გავაგზავნოთო და მეტი არაფერი. ტრაქტორი მაინც გამოეგზავნათ, რომ რაცაა, ცოტა მაინც გაეწმინდა ეს ჩამოშვავებული გზა, _ ამბობენ სოფელ შრომის ზედობნის უბნის მაცხოვრებლები "გურია ნიუსთან" და გვთხოვდნენ, როგორმე იმ ოჯახებში მივსულიყავით რომელიც მეწყერისგან ისეა დაზიანებული, რომ შიგ გათევა ოჯახის წევრებს ძალიან ეშინიათ.

_ ასეთ დღეში ვართ და ტელევიზორში ვხედავთ, სოფელ შრომაში რეგიონული განვითარებისა და ინფრასტრუქტურის მინისტრი რამაზ ნიკოლაიშვილი იმყოფებაო და მეწყერთან დაკავშირებით გზის სარემონტო სამუშაოებს ათვალიერებსო, _ გული კინაღამ გაგვისკდა, გადავირიეთ! ტელევიზორში მაინც არ გვენახა?! _ გაკვირვებულები კითხულობდნენ სოფელ შრომაში.

_წამოდით, ნახეთ ოჯახები, ხალხი რა დღეშია, გაწვიმების გვეშინია, ქარის გვეშინია, ისედაც ამ ცხოვრებაში ყველაფერს მოკლებული ხარ, არ გაქვს ნორმალური კვება, სოფელს სიცოცხლის ნიშანწყალი აღარ ეტყობა, ახალგაზრდები სოფელში ძალიან ცოტაა, აქ მაინც მოხუცები არიან და სახლში ღამის გათევის ეშინიათ, ეგაა ცხოვრება? _ კითხულობენ ზედობნელები.

_ ახლა დაგვაბრალებენ, ოპოზიციური სოფელია და არ არიან ღირსი, გზა რომ გავუკეთოთო, მაგრამ აქამდე რომ არ ვიყავით? გვაიძულეს! ახლა რამდენეჯერ ჩამოვიდა სააკაშვილი, აქამდე საერთოდ მისი არსებობა ახსოვდა? ქალაქებისთვის რომ ბრძოლობს, სოფელს მიხედოს პატარა რა მოხდება? ამ კაცმა გვაჩუქა ეს თეფშები და ამის გამო რატომ უნდა დავსაჯონ? გვჩუქნის და არ გამოვართვათ? ხალხი მოისყიდაო რომ იძახიან, დაგვირიგოს სააკაშვილმა "ბე-ემ-ვე" და ნახოს ერთი, თუ არ დავიყენებთ სახლში, რა უნდათ რას გადაეკიდნენ ამ კაცს, გლეხებს ეხმარება და თუ კი რამეს მისცემს, _ ამბობს ოთარ გიორგაძე.

ნანი შევარდნაძე: ნახეთ, შვილო, ჩემი სახლი რა მდგომარეობაშია? ყურადღებას არავინ გვაქცევს, რომ იყო წვიმები, ჩამოშვავდა ყველაფერი, დაინგრა სახლი, ძალიან საშიშ მდგომარეობაში ვართ, ადრე გეოლოგმაც შეგვიმოწმა და გვითხრა, რომ აქ ცხოვრება არ შეიძლებაო, გვინდა სახლის დაშლა, მაგრამ საიდან, თუ რაიმე საშუალება არ იქნა? ჩვენი საბუთები დევს ოზურგეთის გამგეობაში, მაგრამ დევს და დევს. სახლში ვართ მარტო მოხუცები, როდის რა დაგვემართება, კაცმა არ იცის. თუ ჩამოწვება კიდევ მეწყერი აწი, ალბათ კი წაგვიღებს მთალად და მოხვალთ ისევ გადაღებაზე. ახლადელი წვიმა რომ გაგრძელებულიყო, საათი და 40 წუთი იყო, მართლა აღარ ვიქნებოდით ცოცხლები, ყველა მხრიდან იყო შვავი ამ გამოკეტილ გორაკზე, ბედის ანაბარა ვართ.

დათიკო შევარდნაძე: 83 წლის კაცი ვარ. რომ გაწვიმდება, გარეთ უნდა გამოხვიდე, სახლში ვერ გაჩერდები, ქარი რომ ამოვარდება ღამე, გვეშინია, არ გაწვიმდეს. ჩემი პრობლემები მაქვს, ავად ვარ, პენსია ნახევარი თვე არ მყოფნის წამლებში, თუ კი რამეს დაგვეხმარებიან კაია, და თუ არა, ვიქნებით ასე.

ტარიელ ზოიძე: ავადმყოფი დედა მყავს სახლში, ახალნაოპერაციები, ქალაქში ვერ მიმყავს, სასწრაფო რომ დაგჭირდეს, ტყუილია ვერ მოვა. მოკლედ, მოწყევტილი ვართ ცხორებას. დილას რომ გავიღვიძებთ და ცოცხლები ვართ, გვიხარია, მადლობა უფალს. ნეტა ასე გაგვწირავენ, რომ არ მოგვხედავენ?

ეს მატლები რომაა კიდევ, რა უბედურება პეპლებია, კაცი არაა შემწამვლელი, ჯერ არავინ არ მოსულა, დაგპირდნენ, მაგრამ საქმე არ კეთდება. როგორი გზაა, აქ ცხოვრება ადვილია? მოვიდნენ, ნახონ, ან თვითონ გაჩერდნენ ორი დღე და ნახავენ, რა ძნელია. ზამთარში, რომ ასეთი გზის იმედზე ვიქნებით, მარტო ცენტარლური გზაა საქმე? ჩვენც ხომ უნდა მივიდეთ ცენტრამდე? თქვენ თვითონ ხედავთ, რომ ამას ხალხი მისი ხელით ვერ გააკეთებს, ეს მიწა მაინც გაიტანონ აქედან.

მარინა ხომერიკი: თქვენზე ბევრია დამოკიდებული, თქვენ უნდა მიიტანოთ ხელისუფლებამდე ჩვენი გასაჭირი, აიძულოთ იქნება, რომ მოგვაქციონ ყურადღება! შეგვჭამა მატლებმა, ბავშვები შარშან კინაღამ დაგვიწამლა მატლებმა, გზა მთლად მოწყვეტილია ცენტრამდე, ჩვენგან ხომ გაიგეთ რა დღეში ვართ, ახლა თქვენზეა დამოკიდებული. ამასწინებზე იყო ამოსული სოფლის რწმუნებული დავით ჯაბუა, მაგრამ რა?! ნახევარი სოფელი წყალს შორიდან ვეზიდებით, ჩვენთვის კილომეტრნახევრიანი წყლის მილი არ აღმოჩნდა, რომ წყალი მაინც გვქონდეს სახლში. სააკაშვილი იმას იძახის, წყლის პრობლემა მოგვარებულიაო და ნახეთ ერთი, თუ არის. ახლა თუ ამ ხელისუფლებამ არ გააკეთა რამე, მართლა არ ყოფილა არაფერი, სიმართლე არავის არ უნდა.

_ ერთი კვირს წინ, სოფლის რწმუნებული იყო ამოსული და გვითხრა, 6 ათასი ლარია გამოყოფილი თქვენს უბანზეო, მაგრამ ჩვენ გვინდა ვთხოვოთ მთლიანად ხელისუფლებას, რომ ეს თანხა ამ უბანს არ ეყოფა გზის გასაწმენდად და დავეხმარონ უფრო მეტით.

ოზურგეთის მუნიციპალიტეტის გამგებლის მოვალეობის შემსრულებელი ილია ვაშაყმაძე "გურია ნიუსთან" საუბარში აღნიშნავს, რომ მსგავს სიტუაციაში იყო 25 ოჯახი, რომელიც მართლაც მოწყვეტილი იყო გარესამყაროს.

_ ჩვენ, პირველ ეტაპზე რაც შეგვეძლო, ის გავაკეთეთ, ავედით, გავწმინდეთ გზა.

_ თუმცა, იმ უბანში, სადაც ყველაზე საგანგაშო მდგომარეობაა, არ ყოფილხართ...

_ ყველაფერი ერთად არ იქნება. კარგი იქნებოდა, ცენტრალური გზა არ გაგვეწმინდა? პირველ ეტაპზე ეს გავაკეთეთ, რომ მოსახლეობამ გადაადგილება შეძლოს. ეს საშიში ზონაა საერთოდ.

_ როდის მიიღებთ კონკრეტულ ზომებს იმისთვის, რომ ამ უბნის მცხოვრებლებმა თავი მიტოვებულად არ იგრძნონ?

_ჩვენ ზომებს, ყოველთვის ვღებულობთ, ხალხს ვემსახურებით. დამიჯერეთ, რომ მუდამ მათზე ვფიქრობ და ღამეები არ მძინავს. _ განგვიცხადა ვაშაყმაძემ.




 ახალი ამბები
  • ,,ჩვენ ერთად ვირჩევთ მომავალს“ - განათლებისა და თანასწორობის ცენტრმა ოზურგეთში ახალ პროექტი დაიწყო ,,ჩვენ ერთად ვირჩევთ მომავალს“ - ასე ეწოდება პროექტს, რომელიც არასამთავრიბო ორგანიზაცია განათლებისა და თანასწორობის ცენტრი, საარჩევნო სისტემების განვითარების, რეფორმებისა და სწავლების ცენტრის დაფინანსებით ახორციელებს. პროექტის მიზანია ოზურგეთის მუნიციპალიტეტში მცხოვრები უმცირესობების წარმომადგენლებისთვის დემოკრეტიულ ღირებულებებზე დაფუძნებული არაფორმალური განათლების შეთავაზება და სამოქალაქო კულტურის განვითარების ხელშეწყობა. 15 ნოემბერს დემოკრატიული ჩართულობის ცენტრში მორიგი შეხვედრა გაიმართა. შეხვედრის ფორმატი მოიცავდა დისკუსიას თემაზე: რამდენად ახდენს გავლენას არჩევნების შედეგზე დემოკრატიულ ღირებულებებზე დაფუძნებული საარჩევნო კამპანია. დისკუსიაში  მუნიციპალიტეტში მომქმედი პოლიტიკური პარტიებთან:  პარტია ,,ქართული ოცნება-დემოკრატიული საქართველო“, მოქალაქეთა პოლიტიკური გაერთიანება  ,,ევროპული საქართველო“, პარტია  ,,სამართლიანობისთვის“, პოლიტიკური პარტია ,,ლეიბორისტული (შრომის) პარტიასთან“  ერთად მონაწილეობდნენ ოზურგეთის მუნიციპალიტეტის საკრებულოსა და  სამოქალაქო სექტორის წარმომადგენლები, ოზურგეთის საარჩევნო ოლქის წევრები და ჟურნალისტები. შეხვედრა საინტერესოდ წარიმართა, დამსწრე საზოგადოებამ ერთმანეთს გაუზიარეს შეხედულებები დემოკრატიულ ღირებულებზე დაფუძნებული საარჩევნო კამპანიის მნიშვნელობაზე. პროექტი ნოემბრის ბოლოს დასრულდება და  არა ერთ აქტივობას პირდება ... ...
  • სემეკმა დანახარჯების მარეგულირებელი აუდიტის წესი დაამტკიცასაქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) ელექტროენერგეტიკის, ბუნებრივი გაზისა და წყალმომარაგების სექტორებისთვის დანახარჯების მარეგულირებელი აუდიტის წესები დაამტკიცა. წესის საფუძველზე დანახარჯების მარეგულირებელი აუდიტის ფარგლებში დადგინდება, თუ რამდენად სრულყოფილად ასრულებს კომპანია მასზე დაკისრებულ ვალდებულებებს კონკრეტული რეგულირებადი საქმიანობისათვის საჭირო დანახარჯების წარმოშობის, დასაბუთების, გონივრულობის და  სათანადოდ აღრიცხვის კუთხით. სატარიფო რეგულირების პროცესში სემეკი ითვალისწინებს კომპანიის მიერ წარმოდგენილ, დამოუკიდებელი აუდიტორის მიერ შედგენილ აუდიტის ანგარიშს, რომლითაც აუდიტორის მიერ დადასტურებულია კომპანიის ყველა სახის დანახარჯი და არა ამ დანახარჯის მიზანშეწონილობა კონკრეტული რეგულირებადი საქმიანობისთვის. „დანახარჯების მარეგულირებელი აუდიტის წესი“ კი ადგენს პრინციპებს, კონკრეტულ რეგულირებად საქმიანობასთან დანახარჯის კავშირისა და მისი გონივრული ოდენობით განსაზღვრის შესახებ.  ... ...
  • საქართველოს ბანკის მხარდაჭერით Fuckup Nights Tbilisi გაიმართა (R)საქართველოს ბანკის პარტნიორობით რიგით მეჩვიდმეტე Fuckup Nights Tbilisi გაიმართა. ღონისძიება განკუთვნილია მეწარმეებისთვის, ბიზნესმენებისთვის, აღმასრულებელი დირექტორებისთვის, მენეჯერებისთვის. მათთვის, ვისაც სურს ისწავლოს სხვის შეცდომებზე, ისაუბროს პროფესიული მარცხის შესახებ, დრო სასიამოვნო გარემოში, საინტერესო ადამიანებთან ერთად გაატაროს. Fuckup Nights Tbilisi არის სივრცე, სადაც მონაწილეები ისმენენ ბიზნესისტორიებს, რომლებსაც მოჰყვა მარცხი და იმედგაცრუება, განიხილავენ პარტნიორულ ურთიერთობას, რომელიც გაფუჭდა, საუბრობენ პროდუქტზე, რომელიც წარუმატებელი აღმოჩნდა.  Fuckup Nights Tbilisi-ის წლევანდელი სპიკერები იყვნენ:  ლაშა ანთაძე, Shelf Network-ის დამფუძნებელი. Shelf არის ბლოქჩეინ სტარტაპი, რომლის საშუალებითაც ნებისმიერი გასაყიდი ნივთი მსოფლიოს ნებისმიერ წერტილში ერთდროულად თავსდება ონლაინ მარკეტფლეისებზე და ტარდება სინქრონული აუქციონი ან ვაჭრობა. 2018 წელს სტარტაპმა მოიპოვა $1.6 მილიონი ინვესტიცია.  მარიამ რუსიშვილი, QuickCash AI-ის დამფუძნებელი და ხელმძღვანელი. QuickCash AI ღრუბლოვანი ბიზნეს ბანკინგის მაღალტექნოლოგიური ალგორითმული პლატფორმაა (www.lightspeed.ge), რომელიც ემსახურება მცირე და საშუალო კომპანიების კრედიტუნარიანობის ონლაინ შეფასებას. 2019 წელს კომპანია EMERGING EUROPE AWARDS-ზე, ლონდონში  საუკეთესო სამეულში, როგორც წლის ინოვაციური ინიციატივა მოხვდა.  კრისტინა ავსარქისოვა, მუსიკოსი, რომელიც ცნობილია როგორც Dudey.  ის არის მომღერალი, მუსიკოსი, კომპოზიტორი, რომელმაც house-მუსიკის მიმართულების სინთეზი მოახდინა გოთურ სიმღერასთან, ტექსტებთან და ცოცხალ ვოკალთან.  წარუმატებლობის კიდევ ერთი ისტორია გააზიარა დამსწრეებთან სანდრო გაბელიამ, Metro Production-ის დამფუძნებელმა და აღმასრულებელმა პროდიუსერმა.  Fuckup Nights Tbilisi-ის სცენა ღიაა მათთვის, ვინც არ უშინდება ფართო აუდიტორიასთან საკუთარ მარცხზე საუბარს. Fuckup Nights -ის სცენამ 16 შეხვედრის დროს უკვე უმასპინძლა სტარტაპებს, არქიტექტორებს, ანტრეპრენერებს, ეკონომისტებს, სპორტსმენებს, ხელოვანებს, ჟურნალისტებსა და პრომოუტერებს, უამრავ სხვა საინტერესო პროფესიის ადამიანს, რომლებმაც წარუმატებლობის საკუთარი ისტორია გააზიარეს.  Fuckup Nights არის გლობალური მოძრაობა და ღონისძიებების სერია, რომელიც გადმოსცემს პროფესიული მარცხის ისტორიებს. თვეში ერთხელ, მსოფლიოს სხვადასხვა ქალაქში 3-4 წარმატებული ადამიანი საკუთარ საქმიან წარუმატებლობას ფართო აუდიტორიას უზიარებს. Fuckup მოძრაობა 2012 წელს მექსიკაში დაიწყო. დღეს ღონისძიებები ყოველთვიურად მსოფლიოს 300-ზე მეტ ქალაქში იმართება. საქართველო გლობალურ მოძრაობას 2018 წლის 13 აპრილს შეუერთდა და დღეს უკვე მთელი მსოფლიოს მასშტაბით 86 ქვეყანასა და 318 ქალაქში მიმდინარეობს.  ... ...
  • რა მდგომარეობაა საქართველოში კორპორაციული პასუხისმგებლობის მიმართულებით კომპანიებშიCSR- კორპორაციული სოციალური პასუხისმგებლობა, ბიზნეს მოდელში ინტეგრირებული თვითრეგულაციის ფორმაა. სოციალური პასუხისმგებლობა კი მნიშვნელოვანია ნებისმიერი კომპანიისთვის. ეს განსაკუთრებით დიდი ბიზნესის წარმომადგენლების პრ საქმიანობას ეხება. უფრო პატარა კომპანიები ხშირად მთელი პროცესის მაგივრად მხოლოდ ცალკეულ საქველმოქმედო აქციებს მიმართავენ. აღსანიშნავია, რომ საქართველო ევროკავშირთან ასოცირების შეთანხმების მიხედვით, ვალდებულია ეკონომიკური თანამშრომლობისა და განვითარებისთვის,  ხელი შეუწყოს კორპორაციულ სოციალურ პასუხისმგებლობასა და ანგარიშვალდებულებას. CSR კვირეულის ფარგლებში, ქორთიარდ მარიოტში  კორპორაციული პასუხისმგებლობის კვლევის პრეზენტაცია გაიმართა, რომელიც არასამთავრობო ორგანიზაცია სიდა-ს დაკვეთითა და შვედეთის მთავრობის ფინანსური მხარდაჭერით მომზადდა. პროექტის მიზანს წარმოადგენდა საქართველოში მოქმედი ბიზნესების გამოკვლევა კორპორაციული პასუხისმგებლობის კუთხით. კვლევა საშუალებას აძლევს ყველა დაინტერესებულ მხარეს, დაინახოს თუ რა მდგომარეობაა საქართველოში მოქმედ მსხვილ, საშუალო და მცირე ზომის კომპანიებში ამ თვალსაზრისით. ორგანიზაციული სტრუქტურა და კორპორაციული პასუხისმგებლობა, კორპორაციულ პასუხისმგებლობასთან დაკავშირებული საქმიანობის/აქტივობების დაგეგმვის, აღსრულებისა და მონიტორინგის პროცესი, კორპორაციულ პასუხისმგებლობასთან დაკავშირებული რეპორტინგი და საქმიანობის/აქტივობების გაშუქება, ადამიანის უფლები და შრომითი უფლებები,  გარემოს დაცვა და ნარჩენების მართვა, კორუფციასთან ბრძოლა, ქველმოქმედება, სპონსორობა, სხვადასხვა სფეროს განვითარების მხარდაჭერა, პარტნიორობა საჯარო და არასამთავრობო სექტორთან_ ეს ის რამდენიმე ძირითადი ნაწილია, რისგანაც კვლევის კითხვარი შედგებოდა. რა მდგომარეობაა საქართველოში კორპორაციული პასუხისმგებლობის მიმართულებით კომპანიებში_ ამ საკითხზე „გურია ნიუსი“ არასამთავრობო ორგანიზაცია „სიდას“ აღმასრულებელ დირექტორს, სალომე ზურაბიშვილს ესაუბრა. ზურაბიშვილის თქმით, საქართველოს მასშტაბით ჩატარებული კვლევის ფარგლებში 1000-ზე მეტი, მსხვილი, საშუალო და მცირე ზომის  კომპანია გამოიკითხა. „გამოვიკვლიეთ ისეთი მიმართულებები, როგორიცაა, კორპორაციული მმართველობა, ადამიანის უფლებების დაცვა, შრომის უფლებების სტანდარტების მიმართულებით რას საქმიანობენ კომპანიები, გარემოს დაცვა, კორუფციასთან ბრძოლა. მათ შორის, გამოვიკვლიეთ ამ მიმართულებებით რა ღონისძიებებს ახორციელებს კომპანია პარტნიორულად სხვა კომპანიებთან ან არასამთავრობო სექტორთან ან სახელმწიფო სტრუქტურებთან. გარკვეული შედეგები დაიდო ამ კუთხით. ერთის მხრივ კომპანიების 26%-მა თქვა, რომ მათ აქვთ გათვალისწინებული კორპორაციული პასუხისმგებლობა სტრატეგიულ დონეზე და ყურადღებას აქცევენ, რომ ამ მიმართულებით გარკვეული საქმიანობა განახორციელონ. 26% ძალიან მცირეა, მაგრამ ამ მიმართულებით გასულ წლებში უფრო ცუდი მდგომარეობა იყო. რაც შეეხება ადამიანის უფლებების სტანდარტებს, კომპანიების დიდი ნაწილი ამბობს, რომ ისინი არა მხოლოდ ითვალისწინებენ ადამიანების უფლებების სტანდარტებს, არამედ თავიანთ კონტრაქტორებს სთხოვენ, რომ სტანდარტები გაითვალისწინონ. გამოვიკვლიეთ, შრომითი უსაფრთხოების სტანდარტები რამდენად არის გათვალისწინებული კომპანიების შიდა დოკუმენტებში და საქმიანობაში, ბავშვთა შრომის საკითხები, ასევე გამოვიკვლიეთ გაერთიანების თავისუფლება და სხვა. მდგრადი განვითარების დღის წესრიგის  შესრულების საკითხიც  იქნა გამოკვლეული და კომპანიების უმრავლესობა აცხადებს, რომ მდგრადი განვითარების პირველ ორ მიზანზე ახდენს ზეგავლენას ძირითადად საქმიანობით, რომელიც არის სიღარიბის დაძლევა და შიმშილის აღმოფხვრა“,_ ამბობს ზურაბიშვილი. როგორც „სიდას“ აღმასრულებელ დირექტორი ამბობს,  კორპორაციული პასუხისმგებლობა არის ძალიან მრავალმხრივი და ამიტომაც  ყველა აღნიშნულ მიმართულებაზე გამოწვევები არსებობს. ადამიანის უფლებების სტანდარტების სტატისტიკური მონაცემები არის ძალიან დაბალი. კომპანიებში ხშირად არ არსებობს საჩივრის მექანიზმები, რაც ადამიანის უფლებების დარღვევის გამოვლენას ხელს უშლის. „რამდენი კომპანია ახორციელებს, რამდენ კომპანიას აქვს პოლიტიკის დონეზე დანერგილი ეს სტანდარტები, რამდენად ახორციელებენ იმის მონიტორინგს ნამდვილად ხორციელდება ის, რაც გაწერილია დოკუმენტში. რამდენად არსებობს საჩივრის მექანიზმები ამ მიმართულებით. ხშირად კომპანიებში არ არსებობს საჩივრის მექანიზმები იმისთვის, რომ გამოვლინდეს ადამიანის უფლებების დარღვევები. შრომის უფლებების დარღვევების სტანდარტების მიმართულებით, მიუხედავად იმისა, რომ გარკვეული სტანდარტები არის უკვე საკანონმდებლო დონეზე გაწერილი. მაგალითად, შრომითი უსაფრთხოების სტანდარტების დანერგვა და შრომითი ზედამხედველობის მენეჯერის არსებობა კომპანიაში მსხვილი ზომის საწარმოების დიდ ნაწილშიც კი არ არის ეს საკითხი გათვალისწინებული“,_ ამბობს ზურაბიშვილი. სალომე ზურაბიშვილი ასევე კომპანიებში ნარჩენების მართვის მიმართულებით არსებულ პრობლემებზეც საუბრობს. „მიუხედავად იმისა, რომ ნარჩენების მართვა საკანონმდებლო დონეზე გვაქვს გათვალისწინებული, დიდი რაოდენობა კომპანიების ამბობს, რომ ამ საკითხზე ისინი არ მუშაობენ და არანაირ ნაბიჯს არ დგამენ იმისთვის, რომ გარემოზე მინიმალური ზეგავლენა ჰქონდეთ“,_ ამბობს ... ...
  • უზენაესი სასამართლოს მოსამართლეობის კანდიდატი: უფრო მეტად, შვილების შემხედვარე, „ბასტი-ბუბუს“ ვუყურებ ხოლმეპარლამენტში, სადაც, ამ წუთებში, უზენაესი სასამართლოს მოსამართლეობის კანდიდატის, პაატა სილაგაძის მოსმენა მიმდინარეობს, "ევროპული საქართველოს" დეპუტატი ოთარ კახიძე დაინტერესდა, იცნობდა თუ არა „თიბისი ბანკის“ საქმეს  პაატა სილაგაძე, რაზეც მან უპასუხა, რომ ფაქტის შესახებ ტელევიზიიდან გაიგო. „საქმეს არ ვიცნობ. ფაქტი ვიცი, რომ მიმდინარეობს. ტელევიზიიდან გამომდინარე, მაგრამ დეტალები არ ვიცი“, _ აღნიშნა სილაგაძემ, რომლის განცხადებას დეპუტატი ხათუნა გოგორიშვილის გამოეხმაურა და აღნიშნა, რომ სილაგაძე არის პირველი კანდიდატი, ვინც თქვა, რომ ტელევიზორს უყურებს. "უფრო მეტად, შვილების შემხედვარე, „ბასტი-ბუბუს“ ვუყურებ ხოლმე“, _ ასე უპასუხა გოგორიშვილის რეპლიკას ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...