ევროპის სასამართლოს გადაწყვეტილება ქართულმა მხარემ არაფრად ჩააგდო

მთავარი თემა

ევროპის სასამართლოს გადაწყვეტილება ქართულმა მხარემ არაფრად ჩააგდო

27 ივნ. 2012, 14:57:59

მართალია, საქართველოს სახელმწიფომ სტრასბურგის მიერ საქართველოსთვის დაკისრებული კომპენსაცია გადაუხადა, მაგრამ მახარაძის მეუღლე, დალი სიხარულიძე ფულად კომპენსაციას საკმარისად არ მიიჩნევს და უცვლელს ტოვებს რამდენიმე თვის წინ გაკეთებულ კომენტარს: - სტრასბურგის ეს გადაწყვეტილება საბოლოო არ არის. სახელმწიფოს აქვს დავალება ევროპული სასამართლოდან, რომ გამოიძიონ, რატომ მოკლეს ნიკო მახარაძე. ბოლო წუთამდე ვიბრძოლებ სიმართლის დასადგენად და დამნაშავეების დასასჯელად. იმ ადამიანებმა, რომლებმაც ქმარი მომიკლეს, პასუხი მკაცრად უნდა აგონ!

ოჯახი სტასბურგის საბოლოო გადაწყვეტილებას სამ თვეში ელოდება.

რა მიზნით გადაიყვანეს მძიმე ავადმყოფი ისევ საპყრობილეში

ნიკო მახარაძე 2006 წლის 14 მარტს, სპეციალური ოპერატიული დეპარტამენტის მიერ გახორციელებული სპეცოპერაციის შედეგად, აბასთუმანში დააკავეს. სისხლის სამართლის #090060275 საქმე რამდენიმე მუხლით _ 260-ე მუხლის მეორე ნაწილი და 223-ე პრიმა მუხლი, აღიძრა _ ნარკოტიკების შეძენა-შენახვა და ქურდული სამყაროს წევრობა/კანონიერი ქურდობა. მახარაძეს აღმკვეთი ღონისძიების სახით 16 მარტს, ორთვიანი წინასწარი პატიმრობა შეუფარდეს და მეშვიდე საპყრობილეში გადაიყვანეს. მახარაძის ადვოკატმა, ბესო ქარცივაძემ ეს გადაწყვეტილება გაასაჩივრა: "ნიკო მახარაძე მეორე ჯგუფის ინვალიდია, პენსიონერი. აბსოლუტურად სმენადაქვეითებული, დაავადებულია სხვადასხვა დაავადებებით, მათ შორის ტუბერკულოზის ბოლო სტადიით, არ აქვს ერთი ფილტვი, მეორე 60%-ით ფუნქციონირებს", _ აღნიშნულია ადვოკატის საჩივარში, რომელსაც შესაბამისი მტკიცებულებები ახლავს.

საჩივარში ადვოკატმა ისიც მიუთითა, რომ დაკავებიდან 9 დღის განმავლობაში, მახარაძე სრულ იზოლაციაში ამყოფეს და მედიკამენტები არ მიაწოდეს: "არ მისცეს სასუნთქი და ნახველის ამოსაღები; ფილტვის და თირკმლის იმუნური მოქმედების მედიკამენტები; სპეციფიკური საკვები, რითაც იგი ათეული წლებით სარგებლობს", _ აღნიშნავს ქარცივაძე.

ადვოკატის მტკიცებით, მეშვიდე საპყრობილის დირექტორის მეგის ქარდავას წერილობითი უარმა პატიმრის ციხის საავადმყოფოში გადაყვანაზე, მედიკამენტების და სპეციალური საკვების ათეული დღით მიუღებლობამ ბრალდებულის მდგომარეობა დაამძიმა.

სწორედ ამის შემდეგ მიიღო სასჯელაღსრულების დეპარტამენტმა გადაწყვეტილება და პატიმარი მსჯავრდებულთა და პატიმართა სამკურნალო დაწესებულებაში გადაიყვანა, სადაც მას დაენიშნა კომპლექსური მკურნალობა, გადასხმები, ძლიერ მოქმედი ანტიბიოტიკები და საძილე საშუალებები.

2007 წლის 27 მარტს, ციხის ცნობილი ბუნტის დაწყებამდე რამდენიმე წუთით ადრე, გადასხმებისა და რამდენიმე ექიმის მეთვალყურეობის ქვეშ მყოფი მახარაძე ისევ მეშვიდე საპყრობილეში დააბრუნეს და მოგვიანებით მას ციხის ბუნტის ორგანიზებაში დასდეს ბრალი.

ბრალდება ამტკიცებდა, რომ მახარაძემ, რომელიც, როგორც ზემოთ აღვნიშნეთ, ძალიან მძიმე ავადმყოფი იყო, "სასჯელაღსრულების დაწესებულების საქმიანობის დეზორგანიზაციაში ამავე დაწესებულების ადმინისტრაციაზე თავდასხმის მიზნით, დანაშაულებრივი დაჯგუფება შექმნა, რასაც უნდა გამოეწვია სასჯელაღსრულების სისტემაში მიმდინარე რეფორმის შეჩერება, რეფორმის გამატარებელი გუნდის კომპრომეტირება, ქურდული ტრადიციების და ავტორიტეტის აღდგენა-გაძლიერება; განიზრახა სასჯელაღსრულების დეპარტამენტის დაწესებულებაში მოთავსებული სპეცკონტიგენტისთვის არეულობის მოწყობა და მასობრივი დაუმორჩილებობა; შეარჩია დანაშაულებრივი ჯგუფის წევრები, შეიმუშავა გეგმა, არ დაემორჩილა ადმინისტრაციას, გაუწია წინააღმდეგობა და ამასთან ერთად, ამ პროცესებში ჩართო სამკურნალო დაწესებულებაში მყოფი პატიმრებიც".

მახრაძეს ბრალი დაუმძიმეს და სისხლის სამართლის საქმე #073060138 _ 378-ე მუხლის პირველი და მესამე ნაწილით აღძრეს.

ადვოკატი ქარცივაძე აღნიშნავს, რომ მახარაძეს მძიმე ჯანმრთელობის მდგომარეობა ზემოთ აღნიშნული ქმედებების საშუალებას არ მისცემდა და ამბობს, რომ მტკიცებულებები, რომლებიც საქმეში ძალიან ბევრია, "ცალსახად გამორიცხავს ბრალის საფუძველს, წარმოაჩენს შეგნებულად წინასწარ განზრახვით არსებულის წარმოჩენას": "ნიკო მახარაძე დაკავების მომენტიდან იყო სრულ იზოლაციაში. სამკურნალო დაწესებულებაში მისი გადაყვანა მოხდა ჯანმრთელობის გაუარესების შემდგომ, რომელიც იყო მეშვიდე საპყრობილის დირექტორის, მეგის ქარდავას არაჰუმანური გადაწყვეტილების შედეგი. იგი უმძიმეს მდგომარეობაში მოთავსდა არა ცალკე, არამედ იმ პატიმართა შორის, რომლებიც, როგორც მოგვიანებით გაირკვა, იმყოფებოდნენ ოპერატიული დამუშავების ქვეშ და მათი მოქმედება და განზრახვა კონტროლდებოდა. მახარაძის პერსონა გამოიყენეს ჯგუფის წევრთა მეტად ორგანიზებულობის წარმოჩენაში, მრავალრიცხოვნობაში. ამ ფაქტს სხვა ახსნა არ აქვს. რა ბუნტი უნდა დაეგეგმა მედიკამენტების, გადასხმების და ექიმების ინტენსიური მეთვალყურეობის ქვეშ მყოფს, დაუძლურებულს, დამოუკიდებლად გადაადგილების უნარის არ მქონეს? ან ასეთმა მძიმე ავადმყოფმა როგორ გაუწია წინააღმდეგობა კანონიერების აღმდგენთ, როცა "სპეცნაზის" რამდენიმე თანამაშრომელმა მოახდინა, მახარაძის მდგომარეობიდან გამომდინარე, მისი მეშვიდე საპყრობილეში გადაყვანა," _ აღნიშნავს ქარცივაძე.

ადვოკატმა ყველა უწყებას მიმართა საჩივრებითა და წერილობითი განცხადებებით, რომ მახარაძე ერთი წუთითაც არ დაეტოვებინათ მედიკამენტებისა და ექიმების მეთვალყურეობის გარეშე.

ბუნტიდან მესამე დღეს, 30 მარტს, ექიმთა კონსილიუმმა მახარაძის დაუყონებლივ სამკურნალო დაწესებულებაში გადაყვანის დასკვნით მიმართა სასჯელაღსრულების დეპარტამენტს. ასეთივე მოთხოვნა გააკეთა მაშინდელმა სახალხო დამცველმა სოზარ სუბარმა, რომელმაც პირადად მოინახულა მახარაძე საპყრობილეში. სწორედ ამის შემდეგ მოხდა საავადმყოფოში ბრალდებულის დაბრუნება.

წართმეული სიცოცხლის უფლება

მახარაძის მიმართ აღძრული სისხლის სამართლის საქმე ბევრ სქელ ტომს მოიცავს. ასევე ბევრია, როგორც სახელმწიფო, ასევე კერძო ექსპერტების დასკვნები. ყველა მათგანში ხაზგასმულია, რომ მახარაძის ჯანმრთელობის მდგომარეობა ძალიან მძიმეა და მას სპეციალიზებულ კლინიკაში ესაჭიროება მკურნალობა.

ლევან სამხარაულის სახელობის სასამართლო ექსპერტიზის ეროვნული ბიუროს 2008 წელის 20 ოქტომბრის დასკვნით, მახარაძეს "კარდიოლოგიური თვალსაზრისით ესაჭიროება სტაციონარული მკურნალობის გაგრძელება":

_ "თბილისის სააპელაციო სასამართლოს სისხლის სამართლის საქმეთა პალატის 2008 წლის 25 სექტემბრის საოქმო განჩინებით, სისხლის სამართლის #1ა/ბ-43-08(13ა/ბ-43-08) საქმეზე, დაინიშნა მსჯავრდებულ ნიკოლოზ მახარაძის მიმართ ამბულატორიული სასამართლო-სამედიცინო ექსპერტიზა. ექსპერტიზის ჩატარება დაევალა საქართველოს იუსტიციის სამინისტროს სსიპ – ლევან სამხარაულის სახელობის სასამართლო ექსპერტიზის ეროვნულ ბიუროს. ექსპერტიზას უნდა დაედგინა მახარაძის ჯანმრთელობის დაავადება და სიმძიმის ხარისხი.

აღსანიშნავია, რომ 2007 წლის სექტემბრის თვეში, მსჯავრდებულ ნიკოლოზ მახარაძეს ჩაუტარდა სასამართლო-სამედიცინო საკომისიო ექსპერტიზა ჯანმრთელობის მდგომარეობის დადგენის მიზნით. ჩატარებული გამოკვლევებით, მსჯავრდებულ ნიკოლოზ მახარაძეს დაუდგინდა დიაგნოზი: გულის იშემიური დაავადება, დაძაბვის სტენოკარდია III-IV ფუნქციური კლასი, არტერიული ჰიპერტენიზაცია II JNC-7, გულის უკმარისობა II-III (NYHA). მარჯვენა ფილტვის ფიბროზულ-კავერნოზული ტუბერკულიოზი (ციროზის მოვლენები) ინფლაციისა და მოთესვის ფაზაში, მგბ (+) დადებითი, მულტირეზინისტენტობა, მარჯვენა მხრივი პიოპნევმოთარაქსის გადატანის შემდგომი ნარჩენი მოვლენები პლევრალური ნადების სახით.

ნიკოლოზ მახარაძე დაავადებულია ფილტვების ტუბერკულოზის მძიმე ფორმით. ნიკოლოზ მახარაძეს, კარდიოლოგიური თვალსაზრისით, ესაჭიროება სტაციონარული მკურნალობის გაგრძელება.

2007 წლის 21 სექტემბრის საექსპერტო დასკვნის თანახმად, სასამართლო სამედიცინო ექსპერტების აზრით, ნიკოლოზ მახარაძის დაავადება არ ემორჩილება ანტიტუბერკულიოზურ მკურნალობას და ამჟამად მისი ჯანმრთელობის არსებითი ცვლილება მოსალოდნელი არ არის. ის დაავადებულია ტუბერკულოზის მძიმე ფორმით და მისი დაავადების სიმძიმის ხარისხის გათვალისწინებით ერთჯერადი ამბულატორიული შემოწმება არაეფექტური იქნება, რადგან მსგავსი დაავადების საექსპერტო კვლევას, როგორც წესი, სჭირდება საფუძვლიანი სტაციონარული გამოკვლევა შესაბამისი პროფილის კლინიკებში, რაც ხანგრძლივი პროცესია," _ ასეთ დასკვნას წერს ბიუროს უფროსი მამუკა მამალაძე.

სასამართლომ სამხარაულის სახელობის სასამართლო ექსპერტიზის ეროვნული ბიუროს ექსპერტი ირაკლი ბახტაძე დაკითხა იმის გასარკვევად, შეუძლებელია თუ არა ამბულატორიული წესით ჩატარებული ექსპერტიზით მახარაძის ჯანმრთელობის სიმძიმის დადგენა.

_ ნიკოლოზ მახარაძის ჯანმრთელობის მდგომარეობასთან დაკავშირებით ორჯერ ჩატარდა კომისიური ექსპერტიზა. მე ვმონაწილეობდი მარტში. 2007 წელს ჩატარებული ექსპერტიზით, მახარაძის ჯანმრთელობის მდგომარეობა შევაფასეთ, როგორც მძიმე, მახარაძე ტუბერკულოზით არის დაავადებული და იგი არ ემორჩილება მკურნალობას. როგორც მე ვიცი, ორი ახალი პრეპარატი გამოიყენეს მის სამკურნალოდ, თუმცა, შედეგი არ გამოუღია. იგი შიმშილობს და, ბუნებრივია, შიმშილობა უფრო ამძიმებს მის მდგომარეობას, _ აღნიშნა მოწმემ და განაცხადა რომ ამბულატორიულ ექსპერტიზაზე უკეთესი იქნებოდა მახარაძის ჯანმრთელობის მდგომარეობის შესამოწმებლად ჩატარდეს სტაციონარული ექსპერტიზა.

ამავე პროცესზე, რომელსაც ბრალდებულიც ესწრებოდა, მახარაძემ აღნიშნა, რომ მისი დაავადების შესახებ ყველაფერი იცის: _ ორი ექსპერტიზა ჩატარდა ჩემი ჯანმრთელობის მდგომარეობის შესახებ. ორივე მათგანში წერია, რომ მძიმე ავადმყოფი ვარ. მე ვიცი, რომ მჭირს ფილტვების კიბო და დღეში 500 გრამი ჩირქი გამომდის. მე სპეციალიზირებულ სამკურნალო დაწესებულებაში მესაჭიროება მკურნალობა, რადგან პრეპარატები, რომელიც მე მჭირდება, ციხის საავადმყოფოში კი არა, საქართველოშიც არ არის _ მას ჩემი ოჯახი შოულობს და მოაქვთ ციხის საავადმყოფოში, _ აღნიშნა პროცესზე მახარაძემ.

მახარაძის სიტყვები სახელმწიფო ექსპერტმაც დაადასტურა: _ მახარაძეს ესაჭიროება სპეციალიზირებულ კლინიკაში მკურნალობა. მე არ ვიცი, სათანადო მკურნალობა არის თუ არა ციხის საავადმყოფოში, _ განაცხადა სასამართლოზე ექსპერტმა და აღნიშნა, რომ სტაციონარული ექსპერტიზის ჩატარების საშუალება სახელმწიფოს არ აქვს, თუმცა, მახარაძის მდგომარეობა ასეთ საჭიროებას ქმნიდა.

მიუხედავად ამ ყველაფრისა, მახარაძე არც სპეციალიზირებულ კლინიკაში გადაუყვანიათ და არც ის მედიკამენტები მიუციათ, რომელიც ესაჭიროებოდა.

საშველად... ევროპაში!

ევროპის სასამართლოში პირველი სარჩელი უშუალოდ ნიკო მახარაძემ გაგზავნა, რომლის მთავარი მოთხოვნა მისი სიცოცხლის დაცვა იყო. სასამართლომ საჩივარი განიხილა და 2008 წლის ნოემბერში საქართველოს დაავალა, მახარაძე სპეციალიზირებულ კლინიკაში გადაეყვანათ, თუმცა, ეს გადაწყვეტილება ქართულმა მხარემ არაფრად ჩააგდო.

თეა წულუკიანი, რომელიც ახლა "თავისუფალი დემოკრატების" ერთ-ერთი ლიდერია, წლების განმავლობაში ადამიანის უფლებათა ევროპული სასამართლოს იურისტი იყო და სტრასბურგის სასამართლოში საქართველოდან შესულ საჩივრებს განიხილავდა. სწორედ მას მისწერა ადამიანის უფლებათა დაცვის ევროპული სასამართლოს განმწესრიგებელმა, რომ ნიკო მახარაძის მიმართ ადგილი ჰქონდა წამებას და მისი სპეციალიზირებულ კლინიკაში არგადაყვანა სავალალო შედეგებს გამოიწვევდა: "ქალბატონო თეა, მაქვს პატივი მოგესალმოთ, გამოვხატავ თქვენდამი პატივისცემას და კანონის მოთხოვნასთან შესაბამისობით და დაცვით, დამატებით მოგმართავთ, გაუწყებთ და გთხოვთ თქვენის კომპეტენციით ქმედით გადაწყვეტილებას შემდეგზე:

თქვენთვის ცნობილ საკურატორო საქმეზე ნ352554 მახარაძე, საქართველო, რომელსაც პრიორიტეტი მიეცა, გიდგენთ და გთხოვთ გამონაკლისის სახით განსახილველად ათეულობით მტკიცებულებას, რომლებიც ცალსახად ადასტურებს მახარაძის მიმართ წამების რაობის მოპყრობას და მის სიკვდილის პირამდე მიყვანას. კერძოდ, მახარაძის მძიმე მდგომარეობის მამტკიცებელი თქვენ გეცნობათ _ აღნიშნულს კიდევ ერთხელ ერთობლიობით გიდგენთ. გთხოვთ, დადგენილი წესისამებრ, მახარაძის მიმართ წარმოებულ უკანონო ქმედებებს, მის წამების ტოლფას ყოფას, არაჰუმანურ მოპყრობას, მისცეთ მკაცრი შეფასება და დაევალოს საქართველოს შესაბამის უწყებებს: _ მოხდეს მახარაძის გადაყვანა მისი დაავადების სპეციფიკის გათვალისწინებით პროფილიან კლინიკაში; ჩაუტარდეს მიუკერძოებელი პროფილიანი სასამართლო-სამედიცინო ექსპერტიზა; მახარაძის, როგორც მძიმე ფორმით დაავადებული ავადმყოფის მიმართ, გახორციელდეს კანონის შემხებლობა _ გადავადება სასჯელის ნაწილში დადგენილი წესისამებრ", _ აღნიშნულია წერილში.

ევროპულმა სასამართლომ ჯერ კიდევ მახარაძის სიცოცხლეში, ხაზგასმით, ოფიციალურ გადაწყვეტილებაში აღნიშნა, რომ "მახარაძისადმი დაფიქსირებული მოპყრობა ფატალური შედეგის დადგომის წინაპირობაა. მახარაძის მიერ პროტესტის ფორმად არჩეული შიმშილობის აქციაც არის იძულებითი ნაბიჯი საკუთარი სიცოცხლის გადარჩენის მიზნით".

ეს გადაწყვეტილება ქართულ მხარეს არ შეუსრულებია, რამაც ფატალური შედეგი მალევე გამოიღო _ ნიკო მახარაძის მეუღლემ, დალი სიხარულიძემ, მეუღლე ამ შეუსრულებელი გადაწყვეტილების მიღებიდან სამ თვეში, 26 იანვარს ინახულა, ერთ კვირაში კი, ნიკო მახარაძის გარდაცვალების შესახებ ციხის ადმინისტრაციიდან აცნობეს.

მეუღლის დასაფლავების შემდეგ, სიხარულიძემ ურყევი გადაწყვეტილება მიიღო და გადაწყვიტა სიმართლისთვის ებრძოლა. მან სარჩელი ევროპის ადამიანის უფლებათა სასამართლოში რამდენიმე მუხლად შეიტანა.

სარჩელი შეტანიდან მესამე წელს, ევროპულმა სასამართლომ შეტანილი საჩივრის ერთ მუხლში _ სიცოცხლის უფლების ხელყოფა, საქართველო დამნაშავედ ცნო და გარდაცვლილის მეუღლის სასარგებლოდ ქვეყანას 15 ათასი ევროს გადახდა დააკისრა.

სტრასბურგის სასამართლომ გადაწყვეტილება საქმეზე "მახარაძე და სიხარულიძე საქართველოს წინააღმდეგ", 22 ნოემბერს გამოაქვეყნა. ევროსასამართლომ დაადგინა, რომ ნიკო მახარაძის მიმართ, საქართველომ დაარღვია ადამიანის უფლებათა ევროპული კონვენციის მე-2 მუხლი _ სიცოცხლის უფლება და მუხლი 34 _ ინდივიდუალური განაცხადი.

მიუხედავად იმისა, რომ სახელმწიფომ (ანუ ისევ ჩვენმა ბიუჯეტმა!) ოჯახს ფულადი კომპენსაცია გადაუხადა, გარდაცვლილის მეუღლე, დალი სიხარულიძე "გურია ნიუსთან" საუბრისას ძალაში ტოვებს რამდენიმე თვის წინ გაკეთებულ კომენტარს და ამბობს, რომ ბრძოლის გაგრძელებას ისევ აპირებს: _ სტრასბურგის ეს გადაწყვეტილება საბოლოო არ არის. სახელმწიფოს აქვს დავალება ევროპული სასამართლოდან, რომ გამოიძიონ, რატომ მოკლეს ნიკო მახარაძე. მე არ ვაპირებ სახლში ჯდომას და უმოქმედოდ ყოფნას. ბოლო წუთამდე ვიბრძოლებ სიმართლის დასადგენად და დამნაშავეების დასასჯელად. იმ ადამიანებმა, რომლებმაც ქმარი მომიკლეს, პასუხი მკაცრად უნდა აგონ!

ამჯერად, ოჯახი სტრასბურგის ევროპული სასამართლოდან საბოლოო გადაწყვეტილებას სამ თვეში ელოდება.




 ახალი ამბები
  • “აი, ის მომენტი, როცა მიწაზე ხარ, მაგრამ...“ - ფოტოები გომისმთიდანრუსთავი2-ის ჟურნალისტი მარიამ შანშიაშვილი სოციალურ ქსელში დაბა გომისმთის ღამის ფოტოებს ავრცელებს. “აი, ის მომენტი, როცა მიწაზე ხარ, მაგრამ ცა უფრო ახლოსაა შენთან“  - წერს მარიამ შანშიაშვილი ... ...
  • ამბროლაურის ცენტრში ვაჟა- ფშაველას ბანერი დააზიანესამბროლაურის ცენტრში ვაჟა-ფშაველას ბანერი უცნობმა პირმა ან პირებმა დააზიანეს. ბანერის ადგილას კი ნაგავი დაყარეს. ფოტო:  ივეტა ... ...
  • „სახლი, რომელშიც მთელი სამეგობრო ვცხოვრობდით, აღარ არსებობს"„ჩვენს უახლოეს ადამიანს ბაჩო ჩხაიძეს, ჩვენს ძმას, სამი შვილის მამას, საუკეთესო ადამიანს, ყველას გვერდით მდგომს, რომელმაც იცის მეგობრობის ფასი, ჭირდება ჩვენი გვერდით დგომა. გუშინ მოხდა წარმოუდგენელი რამ, სახლში გაჩნდა ცეცხლი და სრულად გაანადგურდა სახლი, მასში ცხოვრება ფაქტიურად შეუძლებელია. სახლი რომელშიც მთელი მისი სამეგობრო ვცხოვრობდით აღარ არსებობს. უმორჩილესად გთხოვთ, გავერთიანდეთ ბაჩოსთვის და მცირედით მაინც დავეხმაროთ, რადგან ეს ადამიანი და მისი დიდი ოჯახი სამი შვილით არ დარჩეს ღია ცის ქვეშ. ახლა ძალიან მცირედიც ბევრს ნიშნავს ჩვენთვის. საქართველოს ბანკი: ანგარიში: GE16BG0000000161878002GEL მიმღები: ბიჭიკო ჩხაიძე პირადი ნომერი: 37001047801 ვფიქრობ, ყველა ერთად შევიტანთ წვლილს და ღვთის შეწევნით დავეხმარებით ახალი სახლის აშენებაში. P.S. ყველა ვინც მიცნობთ, იცით, რომ აქამდე არაფერი მითხოვია თქვენთვის. გთხოვთ გააზიაროთ რადგან უფრო ბევრმა  ადამიანმა ნახოს“,_ ამ ემოციურ პოსტს, ხანძრიდან მალევე, სოციალურ ქსელში დაზარალებული ოჯახის უფროსის, მერაბ ჩხაიძის ვაჟის, ბაჩოს მეგობრები ავრცელებენ. შეგახსენებთ, რომ ხუთი დღის წინ, სამტრედიაში, ჭანტურიას ქუჩაზე გაჩენილ ხანძარს მერაბ ჩხაიძის საცხოვრებელი სახლის დაწვა მოჰყვა. ომიკო ჭიჭეიშვილი და იოანე მახარაძე ბაჩოს მეგობრების სახელით ჩხაიძეების ოჯახისთვის დასახმარებლად საზოგადოებას მიმართავენ: ,,საქმე იმაშია, რომ ამ ოჯახს სხვა არანაირი საცხოვრებელი არ აქვს. არც საშუალება აქვს.სახლის შეკეთება არის წარმოუდგენელი. კედლები არის დახეთქილი სიმხურვალიდან. მთელი ქალაქი ფეხზე დგას. გვინდა დავეხმაროთ იმიტომ რომ ეს ოჯახი იყო და არის ერთ-ერთი ყველაზე გამორჩეული ოჯახი სამტრედიაში თავისი ბევრი დადებითი მხარით.  ბაჩოს 3 შვილი ყავს და ფაქტიურად რჩებიან ყოველგვარი ნივთების გარეშე ღია ცის ქვეშ. ვაგროვებთ თანხას, რომ მაქსიმალურად დავუდგეთ გვერდით, მაგრამ მხოლოდ ჩვენი რესურსი არ ეყოფა. გვინდა ხმა მივაწვდინოთ ყველას საზოგადოებიდან, ბიზნეს სექტორიდან, ძალიან მცირედი დახმარებაა საჭირო თუ ყველა ერთად ვიქნებით. ყველაზე მნიშვნელოვანია, რომ სახლი იყო ბანკში ჩადებული გამომდინარე სხვადასხვა ფინანსური პრობლემებიდან. სახლი აღარ არსებობს, მაგრამ გამოდის რომ მიწაც და სახლიც ბანკის სახელზეა. ამიტომ გვინდა და უნდა გადავატრიალოთ ყველაფერი და როგორმე ბანკთან მოვაგვაროთ ეს პრობლემა. მერე ვიზრუნოთ იმაზე რომ ეს ოჯახი არ დარჩეს ღია ცის ქვეშ.  ბაჩო და მისი ოჯახი, არ ვიცი,  იცნობთ თუ არა,  ერთ- ერთი ყველაზე გამორჩეული ოჯახია. ზოგადად ამ ოჯახის ცხოვრებისეული დევიზი იყო ყველას დახმარება. ბაჩოს ხუმრობით მეგობრები სულ ერთ ფრაზას ვუმეორებდით: - ბაჩო , ჯერ შენი საქმე გააკეთე და მერე სხვისითქო. ანდაზაც ასეთი არის,  ჯერ თაო ჩემო და მერე სხვაო ჩემოთქო. გემუდარებით, ყველას, ამოვუდგეთ მხარში ჩხაიძეების ოჯახს, რათა გადავარჩინოთ ეს დიდებული ადამიანები საკუთარი ჭერის გარეშე ცხოვრებას. ასე,  რომ ეს ჩვენი ყველას გამოცდაა. ეს გასაჭირიც იმისთვისაა რომ ჩვენ ყველამ ერთად გადავლახოთ. მჯერა ჩვენი თანამოქალაქეების ქართველი ერის და ყველა მორწმუნე ადამიანის რო ახლა ყველა ჩვენს გვერდით იქნება და 1 დღე მაინც იცხოვრებს ბაჩოს ცხოვრებით და ჯერ სხვის საქმეს გააკეთებს და მერე თავისას. ვიცი, როგორ რთულ დროს ვთხოვთ საზოგადოებას დახმარებას, მაგრამ ეს ყველამ ერთად უნდა გავაკეთოთ“. ამავე თემაზე: ხანძარი სამტრედიაში ... ...
  • მედიაკოალიცია „გაზეთი ბათუმელების“ და „ნეტგაზეთის“ დისკრედიტაციის მცდელობებს ეხმიანებაკოალიცია „მედიის ადვოკატირებისთვის“ წევრი ორგანიზაციები ვეხმიანებით „გაზეთი ბათუმელების“ და „ნეტგაზეთის“ დისკრედიტაციის მცდელობებს და მიგვაჩნია, რომ სახელმწიფო კვლავაც იყენებს თავის ბერკეტებს მედიის წინააღმდეგ. 2020 წლის 05 ივლისს საქართველოს კომუნიკაციების კომისიის პოზიციის დასაცავად, კომისიის მიერვე შექმნილ მედიაკრიტიკის პლატფორმაზე გამოქვეყნდა სტატია „ცალმხრივად გამჭვირვალე (ნეტ)გაზეთი“, სადაც ინტერნეტგამოცემა ნეტგაზეთი მოხსენიებულია, როგორც ორმაგი სტანდარტისა და ფაქტებით მანიპულატორი მედია – „დეზინფორმაციასა და „ფეიკ ნიუსს“ ზოგჯერ სწორედ ის მედიასაშუალებები ავრცელებენ, რომლებიც ყველაზე ხმამაღლა მოგვიწოდებენ დეზინფორმაციასთან ბრძოლისკენ. სწორედ ასე შეიძლება შეფასდეს ონლაინგამოცემა „ნეტგაზეთის“ მიერ 3 ივლისს გამოქვეყნებული სტატია სახელწოდებით „რატომ არ მოსწონს კომუნიკაციების კომისიას წერილი, რომელიც ფეისბუკს პოლიტიკურ რეკლამაზე საქართველოდან მისწერეს“ - ნათქვამია მასალაში. პირველ რიგში, საზოგადოების ყურადღება გვინდა შევაჩეროთ იმ გარემოებაზე, რომ მედიაკრიტიკის ვებ გვერდი დამოუკიდებელი მარეგულირებელი ორგანოს მიერ არის შექმნილი. კრიტიკულ საკითხებზე მარეგულირებელი ორგანოს სხვა ამოცანების გამყარებისათვის მასალების დამთხვევა ქმნის ინტერესთა კონფლიქტს და კითხვის ნიშნებს მასალის აჩენს სარედაქციო დამოუკიდებლობის მიმართ. ასევე აღვნიშნავთ, რომ მარეგულირებელი ორგანოს თავისი 2020 წლის 30 ივნისის განცხადებით, შეცდომაში შეჰყავს საზოგადოება და არასწორად წარმოაჩენს ფაქტს, თითქოს არასამთავრობო სექტორი, რომლის მონაწილეობითა და ინიციატივით მოხდა მედიაგამჭვირვალობისათვის საჭირო საკანონმდებლო რეფორმა, ეწინააღმდეგება მედიის დაფინანსების ღიაობას. მეორეს მხრივ, კი კომუნიკაციების კომისია თავს ესხმის მედიასაშუალებას და ცდილობს დამაკნინებლად წარმოაჩინოს იგი. აქვე მითითებულია, რომ ორმაგ სტანდარტს ამკვიდრებს ონალინ გამოცემა on.ge, ხოლო მოშველიებულია „მთავარი არხის“ იურისტის თამთა მურადაშვილის მოსაზრების ნაწილი. ამავე დროს, „ქართული ოცნების“ გუნდის წევრის, აჭარის უმაღლესი საბჭოს წევრის - ლადო მგალობლიშვილის მხრიდან პოლიტიკური თავდასხმის ობიექტი გახდა „ნეტგაზეთთან“ დაკავშირებული გამოცემა - „გაზეთი ბათუმელები“. დეპუტატი გამოქვეყნებული სტატიის გამო საჯაროდ თავს ესხმის მედიასაშუალებას, სათაურს კი ფეიკს უწოდებს - ,,ბათუმელებმა""გაავრცელა ჩემი ინტერვიუ სადაც კონტექსტიდან ამოგლეჯილად შექმნეს ხმაურიანი სათაური. ამით გაბედნიერებული ნაცმოს სექტანტები ავრცელებენ ამ სტატიას. იქვე დავაფიქსირე კომენტარებში, რომ სათაური არის ფეიკი. მაგრამ ვის აინტერესებს სიმართლე, მთავარია ზიზღის ნთხევა ამ მოსიარულე ბოღმის კასრებისგან! - ნათქვამია დეპუტატის მიერ 3 ივლისს გამოქვეყნებულ საჯარო პოსტში. აღსანიშნავია ისიც, რომ 2020 წლის 5 ივნისს იგივე პირი საჯარო ქსელის გამოყენებით თავს დაესხა ამავე მედიასაშუალების ჟურნალისტს, ჯაბა ანანიძეს. მას „ფეიკნიუსის შემქმნელი“ და „სამარცხვინო არაადამიანი“ უწოდა. მოგვიანებით, მმართველი პარტიის წევრმა საჯარო სტატუსი წაშალა. თუმცა ეს არ არის პირველი შემთხვევა, როცა იგი არღვევს მედიასთან ურთიერთობის სტანდარტს და ცდილობს რეპუტაცია შეულახოს მედიის წარმომადგენლებს ინდივიდუალურად. აღსანიშნავია, რომ ორივე თავდასხმის შინაარსი საერთოა. აღმოჩნდა, რომ კომუნიკაციების კომისიაც და მმართველი პარტიის წარმომადგენელიც ერთნაირად ცდილობენ წარმოაჩინონ მედიასაშუალებები, როგორც ფეიკნიუსების შემქმნელი და ამ გზით სურთ ობიექტური და მიუკერძოებელი პლატფორმების დისკრედიტაცია. თავდასხმების იდენტური შინაარსი და დამთხვევა, კიდევ უფრო გვიძლიერებს ეჭვებს, რომ სახელმწიფო იყენებს ბერკეტებს გამორჩეულად მაღალი სტანდარტის მედიაპლატფორმების „გაზეთი ბათუმებელის“ და „ნეტგაზეთის“ წინააღმდეგ. ჩვენ, კოალიცია „მედიის ადვოკატირებისათვის“ წევრმა ორგანიზაციებმა არაერთხელ მოვუწოდეთ ხელისუფლებას, პატივი სცეს მედიის მუშაობას და შექმნას გარემო, სადაც ჟურნალისტები და მედიასაშუალებები არ გახდებიან პოლიტიკური თავდასხმის და დისკრედიტაციის ობიექტები. მიგვაჩნია, რომ წინასარჩევნო პროცესების მოახლოება მმართველ პარტიას კიდევ უფრო უზრდის პოლიტიკური პასუხისმგებლობას აღნიშნულ ... ...
  • საქართველოს ბანკი ხუთ ევროპულ საფინანსო ინსტიტუტთან ერთად ქალთა გაძლიერების ხელშეწყობაზე აცხადებსსაქართველოს ბანკმა ხუთ ევროპულ საფინანსო ინსტიტუტთან ერთად (DEG, Finfund, FMO, SIFEM და Swedfund) 2X Challenge ინიციატივის მხარდაჭერაზე განაცხადა. ინიციატივა ქალი მეწარმეებისთვის ფინანსური ხელმისაწვდომობის ზრდას, მათი ბიზნესის მხარდაჭერას და განვითარების ხელშეწყობას ისახავს მიზნად. 2X Challenge ინიციატივის შეერთებით საქართველოს ბანკმა კიდევ ერთხელ ხაზგასმით აღნიშნა მისი მიზნები, რაც ქალებისთვის ხარისხიან დასაქმებასა და ეკონომიკურ პროცესებში აქტიურად ჩართულობის უზრუნველყოფას ითვალისწინებს. ბანკში დასაქმებულთა 40%-ზე მეტი ქალია და საქართველოს ბანკს მნიშვნელოვანი წვლილი შეაქვს ქალთა როლის და წინსვლის გაძლიერების მიმართულებით. ეს გამოიხატება ისეთ საკითხებშიც, როგორიცაა დეკრეტულ შევებულებასთან დაკავშირებული კომპენსაცია, პრემია ქორწინებისას და დამატებითი ანაზღაურებადი გამოსასვლელი დღეები. ”ჩვენ, საქართველოს ბანკში ვცდილობთ ხელი შევუწყოთ გენდერულ თანასწორობასა და მრავალფეროვნებას, წავახალისოთ კულტურა, რომელიც აქტიურად აფასებს განსხვავებებს და აღიარებს, რომ სხვადასხვა გამოცდილებისა  და ცოდნის მქონე ადამიანებს შეუძლიათ მნიშვნელოვანი წვლილი შეიტანონ სამუშაო პროცესსა და გარემოში.   მოხარული ვარ, რომ 2X Challenge-მა აღიარა ბანკის წარმატებული პრაქტიკა ქალთა როლის გაძლიერების, ბანკის პოლიტიკისა და მის მიერ განხორციელებული პროგრამების მიმართ, რომელიც  ქალთა დასაქმების, განვითარების და წინსვლის ბარიერების აღმოსაფხვრისაკენ არის მიმართული“, - განაცხადა არჩილ გაჩეჩილაძემ, საქართველოს ბანკის გენერალურმა დირექტორმა. 2X Challenge-ის შექმნა 2018 წლის მსოფლიო ეკონომიკური ფორუმის გენდერული უთანასწორობის გლობალურ ანგარიშს მოყვა. მასში აღნიშნული იყო რომ გენდერული დისბალანსის წინააღმდეგ, არსებული ტემპებით ბრძოლის შემთხვევაში, საჭიროა 202 წელი, რათა ეკონომიკურ პროცესებსა და თანაბარ გენდერულ შესაძლებლობებში განსხვავება დაიძლიოს. ინიციატივამ G7-ის ქვეყნებსა და სხვა საფინანსო ინსტიტუტებს მოუწოდა ძალების გაერთიანებისკენ, რათა 3 მილიარდი აშშ დოლარის მობილიზება მომხდარიყო, რაც  განვითარებად ქვეყნებში ქალებისთვის ლიდერობის შესაძლებლობებისკენ წვდომას, ხარისხიან დასაქმებას, დაფინანსების მოპოვებას, ქალი მეწარმეების ეკონომიკურ პროცესებში ჩართულობასა და მხარდაჭერას უზრუნველყოფს. საფინანსო ინსიტუტების, როგორიცაა DEG, Finfund, FMO, SIFEM და Swedfund-ის გაერთიანებული ძალისხმევა არის მაგალითი იმისა თუ როგორ შეუძლიათ საფინანსო ინსტიტუტებს მხარი დაუჭირონ გენდერულ თანასწორობას. მიმდინარე მდგომარეობით, FMO-ს მიერ განხორციელებული 13 ინვესტიცია უკვე აკმაყოფილებლს 2X Challenge-ის კრიტერიუმებს, რის შედეგადაც  270 მლნ აშშ დოლარი მიმართულია ქალთა ეკონომიკური გაძლიერებისკენ. ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...