ცხოვრება გამოსახლების მოლოდინში - სამი ოჯახის ბედი გაურკვეველი რჩება

მთავარი თემა

ცხოვრება გამოსახლების მოლოდინში - სამი ოჯახის ბედი გაურკვეველი რჩება

21 ოქტ. 2016, 18:45:01

თბილისში, სარაჯიშვილის 51 ნომერში, "საქართველოს ფოსტის" კუთვნილ შენობაში, სადაც უკვე წლებია ფოსტის ფილიალი არ ფუნქციონირებს, სოციალურად დაუცველი სამი ოჯახი ცხოვრობს. ძველ შენობაში უნებართვოდ მცხოვრები 16 სულიდან 8 მცირეწლოვანი ბავშვია.

არცერთ ოჯახს ელექტროენერგია და ბუნებრივი აირი არა აქვს. როგორც ისინი ამბობენ, გაუსაძლის პირობებში ცხოვრება უჭირთ და "საქართველოს ფოსტას" სთხოვენ აუქციონზე გატანილი ქონების შესყიდვის საშუალება მისცენ. ოჯახები აცხადებენ, რომ თანხის გადახდა ნაწილ-ნაწილ შეუძლიათ.

თუმცა, როგორც "გურია ნიუსს" "საქართველოს ფოსტაში" განუცხადეს, შენობა აუქციონზეა გატანილი და იქ მცხოვრები პირების შემდგომ ბედს გაყიდვის შემთხვევაში, ახალი მესაკუთრე გადაწყვეტს.

"გურია ნიუსი" სარაჯიშვილის 51 ნომერში მცხოვრებ ოჯახებს ესტუმრა და მათ შექმნილი პრობლემის შესახებ ესაუბრა.

თითოეულ მათგანს აქ მოხვედრის სხვადასხვა ისტორია აქვს; ერთ-ერთ მაცხოვრებლის, ზინაიდა უსოიანის თქმით, ის ქმრის დაღუპვის შემდეგ ოჯახის წევრებმა სახლიდან გააგდეს, რის შედეგადაც ქუჩაში დარჩა და აღნიშნულ ფართს თავი შეაფარა.

"მეუღლე ახალგაზრდას დამეღუპა, რის შემდეგაც ქმრის ოჯახის წევრებმა სახლიდან გამომაგდეს და უსახლკაროდ დავრჩი. ბავშვები რომ წამოიზარდნენ რუსეთში წავედით, სადაც 5 წელი ვიცხოვრეთ, მაგრამ 2006 წელს მასობრივი დეპორტაციის დროს ჩვენც გამოგვაძევეს რუსეთიდან და სამშობლოში ერთი ხელი ტანსაცმლით და პასპორტით ჩამოვედით, "_ ამბობს უსოიანი.

მისივე თქმით, საცხოვრებელი ფართის მოთხოვნით სხვადასხვა სამინისტროებს რამდენჯერმე მიმართა, მაგრამ უშედეგოდ, ხოლო 2013 წლიდან ამ შენობაში იძულებით ცხოვრობს.

"სხვადასხვა სამინისტროებს რამდენჯერმე მივმართე საცხოვრებელი ფართის გამოყოფის მოთხოვნით, მაგრამ უშედეგოდ. 2013 წლის 27 მარტიდან აქ, ძველი ფოსტის შენობაში ვცხოვრობთ, რადგან ფართი რეგისტრირებული არ არის ჩვენს სახელზე, არც შუქი გვაქვს და არც გაზი, საპირფარეშოც კი ახლახანს ჩუმად გავაკეთე,"_ ამბობს ის.

ზინაიდა უსოიანი ასევე აღნიშნავს, რომ საქართველოს ფოსტა მათ გასახლებას ითხოვს და ფართს, სადაც მის გარდა კიდევ 2 ოჯახი მცირეწლოვან ბავშვებთან ერთად ცხოვრობს, აუქციონზე ყიდის.

"საქართველოს ფოსტამ 2015 წლის ოქტომბერში ჩვენი გასახლების მოთხოვნით საქალაქო სასამართლოს მიმართა, რადგან შენობა აუქციონზე გასაყიდად გააქვთ. ჩვენ კი შესასყიდი თანხა არ გვაქვს და არც არსად წასასველი. სახლში 3 პატარა ბავშვი მყავს, მალე მეოთხეც გვეყოლება და გასახლების შემთხვევაში არ ვიცი სად მოგვიწევს წასვლა. რუსებმა სამშობლოში გამომაგდეს, აქ კი ქუჩაში მტოვებენ,"_ ამბობს ზინაიდა და დასძენს, რომ "უფასო სასადილოდან ზოგჯერ საკვებს არ გვატანენ, რადგან დამატებით სიაში ვართ და ამბობენ, რომ შეუძლიათ საკვები საერთოდ არ მომცენ.

ამავე შენობაში ცხოვრობს ზინაიდა უსოიანის დაც, ნინო უსოიანი, რომლის ოჯახიც 7 წევრისგან შედგება, მათაგან 3 არასრულწოვანია, ყველაზე პატარა კი 1 თვის არის.

როგორც ნინო უსოიანი "გურია ნიუსთან" საუბარში აღნიშნავს, მეუღლესთან დაშორების შემდეგ შვილებთან ერთად ქუჩაში დარჩა, რის შემდეგაც ცხოვრება სარაჯიშვილის 51 ნომერში, ფოსტის ძველ შენობაში დაიწყო.

"მეუღლესთან დაშორების შემდეგ ბავშვებთან ერთად ქუჩაში დავრჩი და იძულებული გავხდი ჩემს დასთან ერთად აქ შემოვჭრილიყავი. აქაურობა ჩვენი ძალებით დავასუფთავეთ და ცხოვრება დავიწყეთ. არ გვაქვს არც შუქი, არც გაზი, წყალი დასარეცხად და სასმელად ეზოდან მომაქვს, რადგან შენობის ავარიულობის გამო წყლის შემოსაყვანად კედლის გახვრეტის მეშინია",_ ამბობს ნინო უსოიანი და აღნიშნავს, რომ "შენობაში ცხოვრება ზაფხულში ქვეწარმავლების გამო განსაკუთრებით საშიშია."

მისივე თქმით, ბავშვებს ნორმალური საცხოვრებელი პირობების არ არსებობის გამო სხვა ბავშვებთან ურთიერთობაც უჭირთ.

"ბავშვები სკოლაში სისტემატიურად დადიან და კარგადაც სწავლობენ, არაერთი მედალი და სერტიფიკატი აქვთ, მაგრამ ნორმალური საცხოვრებელი პირობების არარსებობის გამო სხვა ბავშვებთან ურთიერთობა უჭირთ და კლასის დამრიგებელმაც მითხრა, რომ ფსიქოლოგთან მივიყვანო კონსულტაციაზე, რადგან გაკვეთილის მოყოლის დროს ნერვიულობს და შესაძლოა სტრესი ჰქონდეს გადატანილიო,"_ ამბობს ნინო უსოიანი.

ამავე ფოსტის შენობაში  2013 წლიდან ცხოვრობს მანანა ჭოლიკაურიც 24 წლის სტუდენტ ვაჟთან ერთად, რომელსაც ჯანმრთელობის პრობლემები აქვს.

"ჩემი საკუთარი სახლი მევალემ გაყიდა, რის შემდეგაც მეუღლის სოფელში, ლენინგორში ვცხოვრობდით, მაგრამ 2008 წელს ომის დაწყების გამო წამოვედით და დაბრუნება ვეღარ შევძელით. დევნილის სტატუსიც კი არ გვაქვს. ჩემს მეუღლეს რთული ხასიათები ჰქონდა და დავშორდი, რის შემდეგაც ამავე კორპუსში ნათესავის ბინაში ვცხოვრობდი, მაგრამ მასაც გაუჭირდა და ბინის დაცლა მთხოვა, ამიტომ იძულებული გავხდი ცხოვრება აქ დამეწყო,"_ამბობს ჭოლიკაური და აღნიშნავს, რომ თუ საქართველოს ფოსტა შენობის შესყიდვის უფლებას მისცემს, თანხის გადახდას ნაწილ-ნაწილ შეძლებს.

იმის გასარკვევად არის თუ არა შესაძლებელი "საქართველოს ფოსტასა" და უსახლკაროებს შორის სასამართლო დარბაზის მიღმა აღნიშნულ საკითხთან დაკავშირებით შეთანხმების მიღწევა, "გურია ნიუსი" საქართველოს ფოსტას დაუკავშირდა.

როგორც ფოსტაში აცხადებენ, შენობა აუქციონზე 2016 წლის სექტემბერში გაიტანეს. მისი საწყისი ფასი 95000 ლარია. ჯერჯერობით შენობა გაყიდული არ არის, თუმცა, ფოსტაში განმარტავენ, რომ გაყიდვის შემთხვევაში, შენობაში უკანონოდ შეჭრილი ოჯახების ბედს კომპეტენტური ორგანო გადაწყვეტს.

შესაბამისად, სარაჯიშვილის 51 ნომერში მცხოვრები 3 ოჯახის ბედი გაურკვეველი რჩება.




 ახალი ამბები
  • თბილისში, ცოფის ვირუსის ახალი შემთხვევა დაფიქსირდათბილისში, ცოფის ვირუსის ახალი შემთხვევა ტიბაანის გასასვლელის N20-ში დაფიქსირდა.  ამის შესახებ ცხოველთა მონიტორინგის სამსახურის მიერ გავრცელებულ განცხადებაშია ნათქვამი. „მოქალაქის მომართვის საფუძველზე, ცხოველთა მუნიციპალურ თავშესაფარში გადაყვანილი იქნა ძაღლი, რომლის ბუნებრივი ლეტალობის დაფიქსირების შემდეგ, ცოფის ვირუსის გამოსავლენად, პათოლოგიური მასალა სოფლის მეურნეობის სამინისტროს ლაბორატორიაში გადაიგზავნა. მასალის კვლევის შედეგად, ცხოველში ცოფის ვირუსი დადასტურდა. ცოფის ვირუსთან ბრძოლის პროფილაქტიკურ-საკარანტინო ღონისძიებებს სურსათის ეროვნული სააგენტო და თბილისის მერიის ცხოველთა მონიტორინგის სააგენტო მოქმედი კანონმდებლობით დადგენილი წესით, ერთობლივად განახორციელებენ“,_ ნათქვამია განცხადებაში. მიმდინარე წელს, დედაქალაქში ცოფის ვირუსის ხუთი შემთხვევა ... ...
  • „ახალგაზრდობის სააგენტოს“ ხელმძღვანელობა ოზურგეთის მუნიციპალიტეტს ეწვია (R)რეგიონული ტურნეს ფარგლებში, „ახალგაზრდობის სააგენტოს“ ხელმძღვანელობა ოზურგეთის მუნიციპალიტეტს ეწვია. სააგენტოს ხელმძღვანელი რეზო ჩარკვიანი სახელმწიფო რწმუნებულის ადმინისტრაციაში მხარისა ადგილობრივი თვითმმართველობის ახალგაზრდულ საკითხებში ჩართულ თანამშრომლებს შეხვდა. შეხვედრაზე სააგენტოსა და მუნიციპალიტეტის მიერ ერთობლივად განხორციელებული და გეგმიური აქტივობები განიხილეს. მუნიციპალური ახალგაზრდული პოლიტიკის განვითარება გულისხმობს, 64 მუნიციპალიტეტში, წელს კი საპილოტედ შერჩეულ 11 მუნიციპალიტეტში, ახალგაზრდობის საჭიროებების კვლევაზე დაფუძნებით, ახალგზრდული პოლიტიკის დოკუმენტისა და სამოქმედო გეგმის შექმნას, ასევე, ადგილზე შესაბამისი ადამიანური რესურსის მომზადებას, რომელსაც სააგენტო 4 ეტაპად გეგმავს. მათ საქმიანობის წარმატებით განხორციელებაში, სტრასბურგის ევროპის ახალგაზრდულ ცენტრში 5 დღიან ტრენინგზე მიღებული გამოცდილებაც დაეხმარებათ, სადაც ისინი მიმდინარე წლის მარტის თვეში სააგენტოს წარდგენით იმყოფებოდნენ. ახალგაზრდობის სააგენტომ მუნიციპალიტეტებთან თანამშრომლობით ახლახანს დაასრულა ახალგაზრდების საჭიროებების რაოდენობრივი კვლევა, რომლის ფოკუსს წარმოადგენს ახალგაზრდების პრობლემები, გამოწვევები, საჭიროებები და შესაძლებლობები. ... ...
  • „იური ლომაძე მოძალადე არ არის“გასულ კვირა დღეს შინაგან საქმეთა სამინისტრომ გაავრცელა ინფორმაცია, რომ ხუთმა მამაკაცმა ქალაქ ბათუმიდან ოზურგეთის მუნიციპალიტეტის სოფელ ბოხვაურში გაიტაცა 35 წლის მამაკაცი. ამ საქმეზე უკვე სასამართლომ ხუთივე მათგანს ორთვიანი პატიმრობა შეუფარდა. დაკავებულს შორის არის ოზურგეთელი იური ლომაძე, რომელიც წარმატებული მოჭიდავეა. „გურია ნიუსი“ იური ლომაძის მწვრთნელს, ბექა როყვას დაუკავშირდა საქმის დეტალებზე. „იური ლომაძე მოძალადე არ არის. მას კარგად ვიცნობ და  შემიძლია თამამად ვთქვა, რომ ის არის შრომისმოყვარე და წარმატებული ახალგაზრდა. რაც შეეხება იური ლომაძის საქმეს, ამასთან დაკავშირებით კომენტარის გაკეთებას არ ვაპირებ, რადგან დარწმუნებული ვარ ყველა კითხვას გაეცემა პასუხი. მე პირადად დარწმუნებული ვარ იურის უდანაშაულობაში“,- აღნიშნა ჩვენთან საუბრის დროს ბექა ... ...
  • ხე-ტყის უკანონო მოპოვებისა და ტრანსპორტირების 1 532 ფაქტი გამოვლინდაგარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2020 წლის 01 იანვრიდან 30 ივნისის ჩათვლით, ხე-ტყის უკანონო მოპოვებისა და ტრანსპორტირების 1 532 ფაქტი გამოავლინეს, მათ შორის 63 ფაქტი სისხლის სამართლის დანაშაულის ნიშნებს შეიცავს. ხე-ტყის უკანონო მოპოვებისა და ტრანსპორტირების ყველაზე მეტი - 609 ფაქტი გამოვლინდა კახეთის რეგიონული სამმართველოს სამოქმედო ტერიტორიაზე. იმერეთში დაფიქსირდა 199 ფაქტი, აჭარაში - 151, სამეგრელო-ზემო სვანეთში - 138, ქვემო ქართლში - 131, შიდა ქართლში - 112, სამცხე-ჯავახეთში - 111, მცხეთა-მთიანეთში - 39, გურიაში - 25, რაჭა-ლეჩხუმი ქვემო სვანეთში კი 11 სამართალდარღვევა გამოვლინდა. ამავე, 6-თვიან პერიოდში, გარემოსდაცვითი ზედამხედველობის დეპარტამენტის თანამშრომლებმა, თბილისში, უკანონო ტყითსარგებლობის 6 ფაქტი გამოავლინეს. ჯამში, ამოღებულია უკანონოდ მოპოვებული 2 700 მ3-მდე ხე-ტყე. ამავე პერიოდში დაფიქსირდა სახერხი საამქროს ტექნიკური რეგლამენტის დარღვევის 149 ფაქტი. ასევე, ამოღებულია 57 ერთეული დაურეგისტრირებელი სახერხი. მასალები, შემდგომი რეაგირებისთვის, შესაბამის უწყებებშია ... ...
  • " მიჩნდება ძალიან საფუძვლიანი ეჭვი“ - რას წერს ლომაძის საქმეზე ჟურნალისტი მაგდა კლდიაშვილისპორტული ჟურნალისტი მაგდა კლდიაშვილი სპორტსმენი იური ლომაძის საქმეზე სტატუსს აქვეყნებს, რომელსაც „გურია ნიუსი“ უცვლელად გთავაზობთ. “იური ლომაძის საქმის გარშემო რამდენიმე მნიშვნელოვანი ინფორმაცია მოვისმინე: 1. ის, რომ მომჩივანი ცემეს და აწამეს ამისი მტკიცებულება მხოლოდ მომჩივანის ჩვენებაა. 2. საქმეში არ მსმენია ექსპერტიზის თაობაზე, რომელიც მომჩივანს ჩაუტარდა და ფიზიკური ძალადობისა და წამების კვალი დადასტურდა. 3. მომჩივანი რეალურად არცერთ სამედიცინო დაწესებულებაში არ ყოფილა მოთავსებული მკურნალობის მიზნით. 4. მომჩივანი 32 წლის მამაკაცი ორჯერ არის ნასამართლევი თაღლითობისთვის და ახლაც პრობაციონერია. 5. გამოძიება ეყრდნობა მხოლოდ მის ჩვენებას და საქმეში სხვა მტკიცებულება არ დევს. 6. მიუხედავად იმისა, რომ ბრალი გატაცებაზეა, გავიგეთ, რომ თავისი ნებით ჩაუჯდა მანქანაში. 7. ე.წ გატაცებული პირი ტაქსით ბრუნდება სახლში, ასე აბრუნებენ და არავითარი რამდენიმე დღე დაბმული არაად ყოფილა. 8. იური ლომაძე დანარჩენ ოთხ პირთან ერთად თავად მიდის საგამოძიებო ორგანოში და ის არ იმალება. ახლა მე მიჩნდება ძალიან საფუძვლიანი ეჭვი და ლოგიკური კითხვა, ორჯერ თაღლითობაში მსჯავრდებული და ამჟამად პრობაციონერი პირი უჩივის სპორტსმენს, რომლისგანაც ფულის გამოძალვის იმედი აქვს სარჩელის გამოტანის სანაცვლოდ? პირი, რომელიც გარდა იმისა, რომ სასამართლოს ორი განჩინებით თაღლითობაში იყო მსჯავრდებული და ამასთან მოძალადე, რომელიც ფიზიკურად ძალადობდა ქალზე, არის მომჩივანი და მხოლოდ სიტყვაა ამ ბიჭის წინააღმდეგ? კარგი ადვოკატი ამ საქმეს მოიგებს. პ.ს. არ ვიცი, რატომ, მაგრამ ინტუიცია მკარნახობს ამ გამომძიებელ-მოსამართლისა და მომჩივანის რაღაც კონტაქტებს და მოვიძიებდი ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...