"ჩაის რეაბილიტაციის პროგრამა მათი დაწერილია, ვინც საქართველოში ჩაის კულტურა მოსპო"

მთავარი თემა

"ჩაის რეაბილიტაციის პროგრამა მათი დაწერილია, ვინც საქართველოში ჩაის კულტურა მოსპო"

2016 ნოე 8 13:28:57

სოფლის მეურნეობის სამინისტროს ინიციატივით, პროგრამა "ქართული ჩაი", თითქოს, ამოქმედდა და ჩაის პლანტაციების რეაბილიტაციაც დაიწყო. პროგრამა ითვალისწინებდა იურიდიული პირების და მათ შორის, სასოფლო-სამეურნეო კოოპერატივების დაფინანსებას.

რა ხდება დღეს ამ მიმართულებით და გაამართლა თუ არა ამ პროგრამამ? ფერმერი, ოზურგეთის მუნიციპალიტეტის სოფელ ბახვის მკვიდრი, კოოპერატივ "ბახვის ჩაის " დამფუძნებელი დავით თენიეშვილი, რომლის წარმატებებზე ჩვენ არაერთხელ ვწერდით, სრულ უიმედობას გამოთქვამს დღეს არსებული პროგრამის ირგვლივ. მან, როგორც თავადვე ამბობს, საკუთარ თავზე იწვნია ამ პროგრამის უპერსპექტივობა, რაზეც დღეს გულახდილად გვესაუბრება. გულნატკენი ამბობს, რომ ეს პროგრამა ჩაის რეაბილიტაციის შესახებ, იმ ხალხის დაწერილია, ვინც მოსპო ჩაის კულტურა საქართველოში!

_ მე მაინც იმედი მაქვს, რომ აწი ვიღაცა ვიღაცას ხელს არ შეუშლის, კიდევ ერთხელ გადაეხედება ამ პროგრამას და ჩვენი ხმა მიწვდება იმ ადამიანებს, ვინც ქვეყნის სათავეში იმყოფება, განსაკუთრებით მათ, ვისაც სოფლის მეურნეობის დარგის აღორძინება ევალება, როგორც ქვეყნის გადარჩენის ერთი უმთავრესი პირობა! მინდა დავიჯერო, რომ რაღაც გვეშველება! _ ამბობს დავით თენიეშვილი.

_ ბატონო დავით, ჩაის რეაბილიტაციის, ჯერჯერობით, წარუმატებელი პროგრამა, როგორც თქვენ ამბობთ, რატომ მიგაჩნიათ მათი შედგენილი, ვინც ჩაის კულტურა მოსპო საქართველოში?

_ პირდაპირ გეტყვით, მე შევხვდი იმ ადამიანებს, ვინც ეს პროგრამა შექმნა. ზოგს შორიდან ვიცნობ, ზოგს არც ვიცნობ, მაგრამ მათი საქმიანობის შესახებ მეც მსმენია და ბევრ სხვასაც. ჩაის განვითარებაზე ვერ იზრუნებს ის ხალხი, ვის კისერზეც არის "ჩაის ცოდვა" საქართველოში. კონკრეტულად, ამ პროგრამის დაწერაში მონაწილეობა აქვს მიღებული ბანკის თანამშრომლებს, რომლებიც მხოლოდ მოგებაზე ფიქრობენ და თეორიულად პროგრამაში დებენ მექანიზმს, როგორ განვითარდეს კი არა, როგორ არ უნდა განვითარდეს დარგი!

ჩვენ, 18-მა თანასოფლელმა ჩამოვაყალიბეთ კოოპერატივი და შრომა დავიწყეთ იმედით, რომ საქმეს გავაკეთებდით. თუმცა, ყველა ბანკი უარს ამბობს იაფი კრედიტის გაცემაზე. საქმე იმაშია, რომ მართალია, სახელმწიფომ ყველა ბანკს მისცა უფლება, გასცეს დაბალპროცენტიანი სესხები _ 3 %-დან 12%-მდე, მაგრამ ჩვენნაირ ხალხს არაფერს აძლევენ! მოითხოვეს იმ ხუთი ჰექტარი ფართობის იპოთეკით დატვირთვა, რომელიც ჩვენს საკუთრებაშია. მეტი ჩვენ არაფერი გვაქვს. რომ გვქონდეს, მაშინ რად გვინდა სახელმწიფოს დახმარება?! რომ ვუთხარი ჩემი კოოპერატივის წევრებს შემოთავაზებული პირობის შესახებ, გაგიჟდნენ. მერე აღარც მილაპარაკია ამ თემაზე.

_ უფრო რომ დააკონკრეტოთ, რა პირობები შემოგთავაზეს და რა გახდა ბარიერი, რომელმაც საქმეს ხელი შეუშალა?

_ პროგრამაში ჩაწერეს, რომ კოოპერატივს უნდა ჰქონდეს ხუთი ჰექტარი ჩაის ფართობი. დახმარების სახით გაძლევენ 2 500 ლარს. აქ შედის ნაწილობრივ შეღობვა, დანარჩენი ხმარდება მძიმე გასხვლას და მოვლას. დასაწყისშივე პრობლემას ვაწყდებით, რადგან ამ ფართობზე ჩაი რომ შეღობო, გასხლა და მოუარო, მინიმუმ, 7 ათასი ლარი სჭირდება! კოოპერატივს რა უნდა ჰქონდეს, გარდა მიწისა? ჩვენ ვართ მოწადინებული, მშრომელი, მაგრამ უფულო ადამიანები! გვაძლევენ მცირედს და ამდენივე და უფრო მეტი, შენ უნდა გქონდეს! და სად აქვს დღეს საქართველოში გლეხს ათასობით ლარი? ათასში ერთსაც არ აქვს ეს საშუალება, რასაც ამ პროგრამის, ასე ვთქვათ, წესდება ითხოვს.

_ არის სადმე ჯგუფი, ვინც შეძლო ამ პროგრამის ფარგლებში კოოპერატივის ჩამოყალიბება და შედეგი მიიღო?

_ გურიაში მე ასეთი არავინ ვიცი! იკითხეთ, არის ვინმე?

_ თუ მიმართეთ კოოპერატივების განვითარების სააგენტოს და თუ უამბეთ ამ პრობლემის შესახებ. თქვენ გამოცდილი ფერმერი ბრძანდებით და იქნებ, მოესმინათ თქვენთვის?

_ რა თქმა უნდა, ვიყავი. მე ზერელედ არ ვსაუბრობ. სერიოზული საუბარიც მქონდა. პირდაპირ ვუთხარი, თუ ნამდვილად საქმის კეთება და ჩაის რეაბილიტაცია გსურთ, მოარგეთ ჩვენს კოოპერატივს სახელმწიფო პროგრამა,-მეთქი... გადათვალ-გადმოთვალეს, ისაუბრეს და ბოლოს მითხრეს, მოდი "შპს" შექმენი, იპოთეკით არ დაიტვირთები, შეღავათია და ჩაის რეაბილიტაციას რომ მოახდენ, სამი წლის შემდეგ 70%-ით დაგეხმარება სახელმწიფოო, _ გვითხრეს. თუმცა, აქაც 30% შენი უნდა გაგაჩნდეს, საწარმოო ფართი ჩვენ უნდა გვქონოდა და დანადგარებს გვჩუქნიდა სახელმწიფო. ასეთი შემოთავაზებით ვერაფერს ვერ იზამს სოფლელი კაცი. ერთეულები კი ისედაც "აკეთებენ" ჩაის, რომელსაც კი აწერია, რომ ქართული ჩაია, მაგრამ ეს სინამდვილეში შემოტანილია ინდოეთიდან თუ ირანიდან და ამუშავებენ აქ. დიდ-დიდი 15% შეურიონ საქართველოში მოკრეფილი ნედლეული და მორჩა _ ეს არის ქართული ჩაი?

_ თქვენ როგორ მიგაჩნიათ, სახელმწიფო საკუთარი ხალხის წინააღმდეგ ამოძრავებს ბანკებს?

_ არა, სახელმწიფოს შეთავაზება ბანკებისთვის, ერთის მხრივ, მომხიბვლელია _ 15%-იანი სესხიდან 12%-ს იხდის სახელმწიფო. გლეხი კი 3%-ს, მაგრამ ბანკები, თავის მხრივ, ითხოვენ ლიკვიდურ ქონებას _ ეს არის სწრაფად გაყიდვადი ქონება! სოფელში მიწა არ აინტერესებს თითქმის არც ერთ ბანკს. ისე კი არ გაძლევს ამ იაფ სესხს, ითხოვს აბსოლუტურ ქონებრივ უზრუნველყოფას. გლეხს რომ სწრაფად გაყიდვადი ქონება ჰქონდეს (აგარაკები ზღვისპირეთში, მთაზე, ოქრო-ვერცხლი...), რად უნდა, თუნდაც დაბალპროცენტიანი სესხი? ასეა ჩვენში _ სესხსაც ორმაგი სტანდარტი გააჩნია...

_ბატონო დავით, რაში ხედავთ გამოსავალს? რას სთავაზობთ ხელისუფლებას, ფერმერებს, ყველა დაინტერესებულ ადამიანს, რომლებსაც სურთ რეალური შედეგი დადგეს სოფლის მეურნეობაში, კონკრეტულად ჩაის რეაბილიტაციის საქმეში, რაზეც ჩვენ ახლა ვსაუბრობთ?

_ ყველაზე საუკეთესო ვარიანტია რეგიონული აგრობანკის შექმნა და ეს მთავრობამ ყურად უნდა იღოს. ამ ბანკს უნდა მართავდეს განათლებით ეკონომისტი და სოფლის მეურნეობის განხრით კარგად მომზადებული, მცოდნე და გულშემატკივარი სპეციალისტი. წინა ხელისუფლების დროს იყო ცენტრალიზებული მმართველობა, ამიტომ არ დაიძრა საქმე. ამ ხელისუფლებამაც იგივე გააგრძელა და ფაქტობრივად, არაფერი შეცვლილა. რეგიონული პრობლემა რეგიონის დონეზე უნდა დაისვას და გადაწყდეს. ჩვენ გვყავს სამხარეო თუ მუნიციპალური ხელისუფლება, გადაწყვეტილება ადგილზე უნდა მივიღოთ და ცენტრალურ ხელისუფლებას ეცნობოს ინფორმაცია გაცემული სესხის და შესრულებული სამუშაოს შესახებ. როცა სპეციალიზირებული ბანკი ადგილზე იმუშავებს, ის თავისთავად იქნება სახელმწიფოს მფარველობის ქვეშ. რეგიონში სოფლის მეურნეობის სპეციალისტები რომ იქნებიან ამ ბანკში, ისინი კონკრეტულ თემაზე იმუშავებენ და შემოთავაზებულ ბიზნესპროექტებს მოარგებენ, როგორც მოკლე, ისე გრძელვადიან იაფ სესხს.

_ რას გულისხმობთ?

_ მაგალითად, არსებობს ერთწლიანი კულტურები, რომლის მოყვანის შემთხვევაში შესაძლებელი იქნება უფრო მოკლევადიანი სესხის გაცემა. ხოლო მრავალწლიანი კულტურების შემთხვევაში გრძელვადიანი სესხები უნდა გაიცეს. მაგალითად, ჩაის რეაბილიტაციის შემთხვევაში სამი წლის შემდეგ გაჩნდება მოგების შანსი, ამიტომ სესხიც გრძელვადიანი იქნება საჭირო! ვიმეორებ, მთავრობაში, ზემოთ, კაბინეტებში პროგრამებს არ უნდა წერდნენ ისინი, ვისაც სრულიად არ აქვს შეხება სოფლის მეურნეობასთან და უფრო მეტი აქვს ნამოქმედარი ჩაის კულტურის მოსპობისთვის საქართველოში. დადგა ამის თქმის დრო და მზად ვარ, გაგრძელდეს პოლემიკა! ასე ბევრად განვითარდება სოფლის მეურნეობა და არა ვაუჩერიზაციით, არსებული სახელმწიფო პროგრამებით, რომელიც დღემდე არსებობს. ხვნა-თესვის პროგრამაა თუ რაც არის, ყველა ერთჯერადია! ნახეთ სადმე წინ გადადგმული ნაბიჯი? ეს არის უფრო სოციალური პროექტები და არა სრულიად სოფლის მეურნეობის აღორძინებაზე ორიენტირებული ეროვნული პროგრამა! ასე ნაბიჯი არ გადაიდგმება წინ და არც ბიზნესი განვითარდება. იქნებიან ბანკები და იქნება გატყავებულ-გასაცოდავებული მოსახლეობა. სადაა შედეგი, იქნებ, მაჩვენოთ და მითხრათ, რომ ვცდები? არაფერი იცვლება, სოფლები კი ისევ იცლება!

უნდა ჩამოყალიბდეს რეგიონული აგრობანკები, რომელიც გასცემენ გრძელვადიან სესხს. პროგრამებზე მომუშავე "მწერლებმა" კი აუცილებლად უნდა დაგვიძახონ ჩვენ, ვისაც შრომისმოყვარეობა, საქმის კეთების სურვილი, გამოცდილება და საკმარისი ცოდნა გაგვაჩნია იმისა, როგორ უნდა აღორძინდეს სოფლის მეურნეობა! დღემდე არსებული ყველა პროგრამა თუ პროექტი არის ერთჯერადი და დამთავრებული, ძირითადად, უპერსპექტივოდ! ისე არ გამიგოთ, რომ ვამბობდე, რაც გაკეთდა, წინააღმდეგი ვარ! ვიმეორებ და კატეგორიულადაც _ ეს არის ერთჯერადი დახმარებები, რომლითაც სოფლის მეურნეობა არ აღორძინდება!




 ახალი ამბები
  • ხუნდაძე: ტატუნაშვილი დასტურია, რომ საქართველოს მოქალაქეები არასოდეს შეეგუებიან ოკუპაციასსაოკუპაციო რეჟიმის მსხვერპლის  არჩილ ტატუნაშვილის გარდაცვალებიდან დღეს ორი წელი გავიდა. ამ დღესთან დაკავშირებით სოფელ წილკანში, სადაც ეროვნული გმირის ოჯახი ცხოვრობს, მისი სახელობის ახალი სკვერი და სტადიონი გაიხსნა. ამ მოვლენის გამო წილკანში ჩავიდნენ პრემიერ-მინისტრი, მცხეთის რაიონის მაჟორიტარი დეპუტატი დიმიტრი ხუნდაძე, საქართველოს მთავრობის  და ადგილობრივი ხელისუფლების წარმომადგენლები.  „მძიმე თარიღია, მძიმედ გასახსენებელია, მაგრამ ამ სიმძიმესთან არის სიამაყეც, როცა ჩვენი ახალგაზრდა კაცი არ შეეგუა ძალადობას და არ შეეგუა იმას, რომ საკუთარი ტერიტორია იქნას ოკუპირებული მუდმივად და ჩვენი მოქალაქეების უფლებები იქ ილახებოდეს. მისი  ეს მყარი პოზიცია არის დასტური იმისა, რომ საქართველო, ქართველი მოქალაქეები არასოდეს შეეგუებიან ოკუპაციას და ეს არის მხოლოდ დროებითი და ეს აუცილებლად დასრულდება", - განაცხადა დიმიტრი ხუნდაძემ ... ...
  • "მოხვეტეს პირდაპირ და წაიღეს"_ ხმაური ოზურგეთის აგრარულ ბაზარშიხმაური იყო დღეს ოზურგეთის აგრარულ ბაზარში. ხმაური ოზურგეთის აგრარული ბაზრის ტერიტორიაზე შემოსავლების სამსახურის წარმომადგენლების მისვლამ გამოიწვია, რომლებმაც თუთუნით მოვაჭრეებს დიდი რაოდენობით უაქციზო ნაწარმი ჩამოართვეს. როგორც მოვაჭრეები „გურია ნიუსთან“ საუბრისას ამბობენ, მათ სიტყვიერი გაფრთხილება მიიღეს, რომ ვაჭრობის უფლება არ აქვთ, თუმცა, სიტყვიერი გაფრთხილება, როგორც ჩანს მოვაჭრეებმა სერიოზულად არ აღიქვეს და ვაჭრობა უაქციზო ნაწარმით გააგრძელეს. დღეს კი ბაზარში შემოსავლების სამსახურის წარმომადგენლები მივიდნენ და უაქციზო ნაწარმი ჩამოართვეს. ისინი ასევე აღნიშნავენ, რომ აჭარაში თამბაქოს მსგავსი სახით გაყიდვა ხდება. „50 კაცამდე იყო მოსული. არაფერი უთქვამთ. მოხვეტეს პირდაპირ და წაიღეს. დავალება გვაქვს ასეთიო. სასამართლოდან დაგიკავშირდებიანო.  თუ მაგრები არიან აჭარაში შევიდნენ და იქედან წაიღონ“,_ ამბობენ მოვაჭრეები „გურია ნიუსთან“ საუბრისას. როგორც შემოსავლების სამსახურის  ბრძანებაშია ნათქვამი, დათვალიერების პროცედურის გახორციელება საგადასახადო მონიტორინგის დეპარტამენტის სამეგრელოს, გურიისა და ზემო სვანეთის სამმართველოს თანამშრომელბს ევალებათ და 29 თებერვლის ჩათვლით უნდა გახორციელდეს და მიზნად ისახავს აქციზური მარკებით სავალდებულო ნიშანდებას დაქვემდებარებული აქციზური საქონლის წარმოებისა და მიწოდების წესების დარღვევის ფაქტების გამოვლენას. შეგახსენებთ, რომ თამბაქოს რეალიზაციაზე დაწესებულ ცვლილებებს საპროტესტო აქციები მოჰყვა ქედაში. როგორც ფინანსთა მინისტრმა მაშინ განაცხადა, თამბაქოს დაბეგვრაზე გამონაკლისის დაწესება არ ... ...
  • პრემიერ-მინისტრის კომენტარს სამოქალაქო აქტივისტების პროტესტი მოყვასაქართველოს პრემიერ-მინისტრის გიორგი გახარიას განცხადებას,  რომ ქუთაისში მდებარე საქართველოს პარლამენტის შენობას გაყიდიან, სამოქალაქო აქტივისტების პროტესტი მოყვა. ქუთაისში სამოქალაქო მოძრაობის “დატოვე პარლამენტი ქუთაისში “ ინიციატივით აქციას გაიმართა. აქციის მონაწილეები მთავრობის გადაწყვეტილებას, ქუთაისში პარლამენტის შენობის გაყიდვასთან დაკავშირებით , აპროტესტებენ. მათი განცხადებით, პარლამენტის გაყიდვა საბოლოო განაჩენია ქუთაისისთვის. სამოქალაქო მოძრაობის წევრებს მიაჩნიათ, რომ „ქართული ოცნების” ხელისუფლება და პირადად ბიძინა ივანიშვილი მიზანმიმართულად ებრძვიან ქუთაისის განვითარების პერსპექტივას. აქციაზე გაჟღერდა მოძრაობის მოქმედების გეგმა. აქტივისტები იბრძოლებენ იმისთვის, რომ ქუთაისში წარმატებული საარჩევნო კამპანია აწარმოონ მხოლოდ იმ პოლიტიკურმა ძალებმა, რომლებიც თავიანთ პროგრანაში ქუთაისისთვის საპარლამენტო ქალაქის სტატუსის დაბრუნებას შეიტანენ. აქციის მონაწილეებს პოლიტიკური პარტიებისა და არასამთავრობო ორგანიზაციების წარმომადგენლები შეუერთდნენ. გიორგი გახარიამ ქუთაისის პარლამენტის შენობის გაყიდვასთან დაკავშირებით ჟურნალისტებთან გუშინ კომენტარის გაკეთებისას განაცხადა. “ქუთაისში პარლმანეტის შენობის გაყიდვას ვაპირებთ და ეს პროცესი ეკონომიკის სამინისტროს დაწყებული აქვს. ქუთაისი სულ მალე იქნება უზარმაზარი საგანმანათლებლო ცენტრი, რომლის მნიშვნელობაც ქალაქისთვის იქნება ბევრად უფრო მეტი, ვიდრე პარლამენტი. გარდა ამისა, ამ შენობასაც ექნება დატვირთვა, მან უნდა შეიძინოს ეკონომიკურად უფრო მიმზიდველი ფუნქცია. ქუთაისისთვის მომავალი რა შეიძლება იყოს?  განათლება, მედიცინა, ტრანსპორტირება და კიდევ ბევრი რამე და არა მხოლოდ პარლამენტი“,_  განაცხადა ჟურნალისტებთან საუბრის დროს გიორგი ... ...
  • აჭისწყლის ხეობაში, კარიერის ირგვლივ, კვლავ ხმაურია ეკოდამცველი ირმა გორდელაძე, ფეისბუქგვერდზე, „გადავარჩინოთ გურიის მდინარეები“, კვლავ აქვეყნებს ინფორმაციას, რომ  ახლახან ლიხაურის ტერიტორიაზე,  მდ. აჭისწყლის ხეობაში,  შპს  „კავკაზ ცემენტ ჯორჯია" ჩუმად იპარავდა ქვიშას.   „დავადექი პირადად ფაქტზე.  გაჰქონდათ ინერტული მასალა და იქვე ახლო ტერიტორიაზე ასაწყობებდნენ.   ამ კომპანიას ლიხაურმა უარი უთხრა, არ დავუშვებთ, რომ გაიტანონ ინერტული მასალა“, _ წერს გორდელაძე. სოფელ ლიხაურის მკვიდრი, ქალბატონი თინა დობორჯგინიძე ამბობს, რომ აპირებენ სარჩელი შეიტანონ და პასუხი აგებინონ ყველას, ვისაც ეკუთვნის. _ ახლა აჭისწყლის ხეობაში, „კავკაზ  ცემენტ ჯორჯია“, როგორც მისი წარმომადგენელი გვეუბნება, ნებართვით არის შესული და მართლაც, მათ აქვთ ლიცენზია. თუმცა,  დაუშვებელია ახლა იქ ღორღის  ამოღება. გაფუჭდა, რაც გასაფუჭებელია. გავა ცოტა ხანი, ადიდებული მდინარე წალეკავს ყველაფერს და იტყვიან, სტიქიააო. ყველაზე დიდი სტიქია ადამიანია. ეს არის არა ღორღის ამოღება, არამედ ფულის ამოღება. მალე სარჩელს შევიტანთ, დოკუმენტაცია მოგროვებული გვაქვს და იმედია, მანამდე მაინც შეაჩერებენ მუშაობას, _ თქვა ქალბატონმა თინამ „გურია ნიუსთან“. ჩვენ ასევე დავუკავშირდით „კავკაზ ცემენტ ჯორჯიას“ წარმომადგენელს, გელა დუმბაძეს, რომელიც თავის მხრივ აცხადებს, რომ ის ფლობს ლიცენზიას,  შაბათ-კვირას ისვენებს, ორშაბათიდან კი აჭისწყლის კარიერზე მუშაობას გააგრძელებს. _შპს „კავკაზ ცემენტ ჯორჯია“ ამერიკული კომპანიაა. გვაქვს ლიცენზია, რომელიც ორი წლის წინ მივიღეთ. ვმუშაობთ წესების სრული დაცვით.  ჩვენ მოვიპოვებთ მასალას ქვის სამსხვრევი საამქროსთვის და ბეტონის ქარხნისთვის. ოზურგეთის მუნიციპალიტეტში სკოლების თუ სხვა მშენებლობები რაც არის, ჩვენ  ვაკეთებთ.  ასევე ვეწევით  ქველმოქმედებასაც და არაფერს ვაშავებთ. ყველანაირ არგუმენტირებულ მოლაპარაკებაზე მზად ვართ, რასაც მოსახლეობა შემოგვთავაზებს. გამოჰყონ ჯგუფი, რომელიც მონიტორინგს  გააკეთებს, ნახავს, რას და როგორ ვიღებთ. მზად ვართ, დავაფინანსოთ კიდეც ისინი, -  გვითხრა გელა დუმბაძემ. დიდი ალბათობით, ორშაბათს, 24 თებერვალს,  აღნიშნულ კარიერზე დაპირისპირება კვლავ მოსალოდნელია, რადგან ლიცენზიის მფლობელი კომპანია მუშაობის გაგრძელებას გეგმავს. ... ...
  • ჩოხატაურში, სოფელ ონჭიკეთში სახლი დაიწვა_ რით დაეხმარება ადგილობრივი ხელისუფლება ოჯახს ჩოხატაურის მუნიციპალიტეტის სოფელ ონჭიკეთში ორსართულიანი საცხოვრებელი სახლი დაიწვა. ხანძრის გამომწვევი მიზეზი ამ დროისთვის უცნობია. შემთხვევის ადგილზე რამდენიმე სახანძრო-სამაშველო ეკიპაჟი იყო მობილიზებული. მომხდართან დაკავშირებით მიმდინარეობს გამოძიება. როგორც „გურია ნიუსს“ ჩოხატაურის მუნიციპალიტეტის მერმა, ირაკლი კუჭავამ განუცხადა, ადგილობრივი ხელისუფლება დაზარალებულ ოჯახს დაეხმარება. „ჩვენი წარმომადენელი უკვე შეხვდა დაზარალებულლ ოჯახს. ადგილობრივი ხელისუფლება პირველ რიგში აუცილებელი პირველადი მოხმარების ნივთების შესაძენად  დაეხმარება.  ამის შემდეგ კი, სამშენებლო მასალის გამოყოფაზე ვიმსჯელებთ“, – განაცხადა ირაკლი კუჭავამ. ჩოხატაურის მერის ინფორმაციით, ხანძრის შედეგად დაზარალებული ოჯახი უმეტესად ქუთაისში იმყოფება. „ოჯახში მამა იყო. შვილები ქუთაისში არიან, თვითონაც ხშირად ქუთაისშია. თუ თვითონ იტყვის, რომ სხვა საცხოვრისი არ გააჩნია, ამ შემთხვევაში გავიყვანთ ქირით“, _ გვითხრა ... ...

არქივი

ზაფრანი

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...