რა დავალებით გამოუშვეს გურიაში ახალი პროკურორი

მთავარი თემა

რა დავალებით გამოუშვეს გურიაში ახალი პროკურორი

2011 იან 20 22:38:09

გურია ნიუსის" წყაროს ინფორმაციით, პროკურატურამ იმ მიწების პრივატიზების კანონიერების შესწავლა დაიწყო, რომელიც ლეგალიცაზიის კომისიის მიერ არის გაცემული 2007-2010 წლებში. საქმე მხოლოდ ბახმაროს მიწებს არ ეხება. ჩვენი ინფორმაციით, გურიის ახალი პროკურორი, კახა კოჩივარი პირადად  დაინტერესდა ყველა იმ მიწით, რომელიც სამივე მუნიციპალიტეტში ლეგალიზაციის კომისიამ გასცა. პროკურორის ინტერესის სფეროში 2 ჰექტარზე მეტი მიწის მფლობელები მოექცნენ, განურჩევლად მიწის ადგილმდებარეობისა. წყაროს ცნობით, კოჩივარმა მიწის მფლობელები უნდა აიძულოს, რომ თუნდაც კანონიერად დაკავებული მიწები სახელმწიფოს საკუთარი ნებით" გადასცენ. შესაძლოა, ეს ყველაფერი პრეზიდენტის ახალ ინიციატივას უკავშირდებოდეს, რომელმაც საჯარო შეხვედრაზე განაცხადა, რომ დაუმუშავებელ მიწებს მფლობელებს ჩამოართმევენ.
_ კოჩივარი ახალგაზრდა კადრია და ბუნებრივია, მას ხელმძღვანელებთან თავის გამოჩენა უნდა. ალბათ ამიტომაცაა, რომ პროკურატურაში დღის განმავლობაში უამრავ ადამიანს იბარებენ და აიძულებენ მიწები ჩააბარონ. საქმე ეხება იმ პირებს, რომლებსაც კომისიის მიერ 2 ჰექტარზე მეტი მიწა აქვთ დაკანონებული. უნდა ითქვას ისიც, რომ მიწები ყოველგვარი კანონის დაცვით არის პრივატიზებული, თუმცა, პროკურატურას ეს კანონიერება სულ არ ადარდებს, _ გვითხრა წყარომ.
ეს სიტუაცია კარგად ჰგავს ყოფილი პროკურორის, ილია ჯალაღანიას გურიაში ჩამოსვლას, რომელიც სულ რამდენიმე დღის დანიშნული იყო, როცა რაიკავშირის ხელმძღვანელები დაიბარა და ქონება სახელმწიფოსთვის "აჩუქებინა". კოჩივარის დავალება კი, როგორც ირკვევა, მიწებს ეხება. დაუდასტურებელი ინფორმაციით, დღეის მდგომარეობით, სახელმწიფოს Мნებაყოფლობით" მიწა 13-მა ადამიანმა გადასცა, რაც რამდენიმე ასეულ ჰექტარს შეადგენს.
_ ყველა ამ პიროვნებამ განცხადება მიწის ჩაბარების შესახებ მას შემდეგ დაწერა, რაც კოჩივარის კაბინეტში რამდენიმე საათი გაატარა, _ აღნიშნა ჩვენმა წყარომ.
მოპოვებული ინფორმაციით, ირკვევა რომ კოჩივარი მიწის მფლობელებთან ნაჩუქრობის თუ მიტოვების განცხადების დასაწერად სხვადასხვა ხერხს იყენებს და ზოგთან მუქარასაც არ ერიდება:
_ ერთ ადამიანს, რომელსაც რამდენიმე ათეული ჰექტარი სრულიად კანონიერად ჰქონდა დაკანონებული, მას შემდეგ "აჩუქებინეს", რაც შვილის ციხეში გაშვებით დაემუქრნენ, _ ამბობს ჩვენი წყარო.
ახსნა-განმარტების გარეშე გადასცეს სახელმწიფოს მიწა გია და თამაზ ურიდიებმა, რომლებსაც ლეგალიზაციის კომისიის მიერ, ყოველგვარი კანონის დაცვით ჰქონდათ დაკანონებული მიწის ნაკვეთები. თამაზ ურიდია ჩოხატაურის მუნიციპალიტეტის საკრებულოს წევრია, ხოლო გია ურიდია პოლიციის მაღალჩინოსანი გახლდათ. როგორც გვითხრეს, სოფელ ახალშენში დაკანონებული მიწის ჩაბარება ჩოხატაურის მაჟორიტარი დეპუტატის, კორნელ კუკულავას ბიძაშვილებს _ გური და ვაჟა კუკულავებსაც მოსთხოვეს.
_ დამიბარეს და მითხრეს, რომ თუ დამუშავებული არ მქონდა მიწა, ჩამებარებინა. ვუთხარი, რომ მოსულიყვნენ და შეემოწმებინათ _ მიწას წლებია ვამუშავებ, ხეხილი, თხილი გავაშენე და რატომ უნდა ჩავაბარო,-მეთქი?! მერე არ მოსულან და არ შევუწუხებივართ, _ გვითხრა ვაჟა კუკულავამ. 
დეპუტატი კუკულავა ამბობს რომ ამ თემის შესახებ Мყურმოკვრით" იცის:

 

_ ბატონო კორნელი, ჩვენი ინფორმაციით თქვენს ბიძაშვილებს მიწებს აბარებინებენ, მიუხედავად იმისა, რომ დოკუმენტაცია წესრიგში აქვთ.
_ არ ვიცი არაფერი ამის შესახებ.
_ პროკურატურაში რომ დაიბარეს და მიწების ჩაბარება რომ მოსთხოვეს, არ იცით?!
_ არ უთქვამთ და საიდან მეცოდინება?
_ და ვის უნდა ეთქვა?
_ ჩემი ბიძაშვილები ამ თემაზე მე არ მელაპარაკებიან და ამიტომ, ყურმოკვრით" ვიცი რაც ხდება, _ აღნიშნა კუკულავამ.
დეპუტატისგან განსხვავებით, ჩოხატაურის მუნიციპალიტეტის გამგეობაში დაზუსტებით იციან, რომ პროკურატურა ხალხს კანონიერად დაკანონებულ მიწებს უკანონოდ აბარებინებს. იციან, თუმცა ამ საკითხზე დუმილს ამჯობინებენ, რადგან სწორედ ამ დაწესებულებაში გაკეთდა უამრავი უკანონო დოკუმენტი და ახლა კანონიერსაც კი ეჭვის თვალით უყურებენ.
არსებობს ინფორმაცია, რომ  თავის დროზე დოკუმენტაციები გამიზნულად შედგა არასწორად, რადგან ამ სპექტაკლის "დამდგმელ რეჟისორს" შორს მიმავალი გეგმები ჰქონდა:
_ ამ ქვეყანაში დაუგეგმავად არაფერი ხდება. კორუფციის Мაღმოფხვრაც" კი. როცა ეს სცენარი იწერებოდა, თავიდანვე იყო გათვლილი, რომ დოკუმენტს ხარვეზი უნდა ჰქონოდა. რატომ ეგონათ ადამიანებს, რომ სახელმწიფო რამეს აჩუქებდა, ძალიან მიკვირს. როცა მიწების დაკანონების ბრძანებას მოაწერა ხელი სააკაშვილმა და მიწა გააუფასურა, ნათელი გახდა, რომ მას და მის გუნდს დიდი გეგმები ჰქონდათ. ფაქტი ნათელია: ორი წლის წინ ნაყიდ მიწებს ხალხს ზედ დამაგრებული ქონებით ართმევენ, მერე რომ უფრო ძვირად გაყიდონ. ნახევარი ბახმარო უკვე სახელმწიფოსია. იგივე მდგომარეობაა გრიგოლეთის, ურეკისა და შეკვეთილის მიწებზეც. ძალიან მალე, მთელი გურიის და დანარჩენი საქართველოს მიწების 80% სახელმწიფოს კუთვნილებაში გადავა და ჩვენ რამდენიც არ უნდა ვიყვიროთ, ვეღარაფერს გავხდებით. თანამდებობის პირებს რომ მიწა ჩააბარებინეს, იცით, რა უთხრეს? კაი ტიპები რომ იყავით და თანამდებობები გეჭირათ, თავის დროზე უკანონოდ რატომ გქონდათ მიწა მისაკუთრებულიო. არავინ დაკვირვებია პრეზიდენტის ბრძანებას _ მიწა იმ ადამიანებს დაუკანონდათ, რომლებსაც გარკვეულ წლებში უკანონოდ ჰქონდათ მისაკუთრებული. ეს თავიდანვე ცხადჰყოფდა, რომ რაღაც მოხდებოდა. ორი დღის მოსულმა, ვისზეც კი ხელი მიუწვდებოდა ქონება ჩამოართვა და გლეხს რატომ აჩუქებდა?! _ თქვა ჩვენთან საუბრისას წყარომ.
მისივე თქმით, მიწის ლეგალიზაციის კომისიის თავმჯდომარე შოთა სირაძეც, რომელიც ახლა ძებნაშია, მითითებული გეგმით მოქმედებდა:
_ ახლა ყველა ხელს მისკენ იშვერს იმიტომ, რომ მას პასუხის გაცემა არ შეუძლია. როგორ ფიქრობთ, შოთა ამ ყველაფერს მარტო აკეთებდა და მას ვინმე მითითებებს არ აძლევდა?! სხვათა შორის თქვენი გაზეთიდან მახსოვს _ სირაძე ამბობდა, რომ მისი კანდიდატურა გუბერნატორთან იყო შეთანხმებული. კაცი დანიშვნამდე გუბერნატორთან გადიოდა კონსულტაციებს, მის დანიშვნას უშუალოდ გუბერნატორი დაესწრო და უნდათ დაგვაჯერონ, რომ არავინ არაფერი იცოდა?! ალბათ, მკითხავთ _ თუ ყველაფერი გათვლილი იყო, რატომ გაახმაურეს ეს ამბავიო, იმიტომ, რომ მათ ყოველთვის სჭირდებათ დევნის საბაბი; სხვაგან სხვა შოთა გამოჩნდება. არ იფიქროთ, რომ მსგავსი მდგომარეობა სხვა რაიონებში და რეგიონებში არ არის. გაითვალისწინეთ ისიც, რომ ქვეყანაში სახელისუფლებო ომია. თანამდებობის პირები და მათი ქვემდებარე უწყებები ერთმანეთს ძირს უთხრიან. ამიტომ, მსგავსად გახსნილი დანაშაულობები არ უნდა გაგვიკვირდეს. ალბათ, მოვა დრო და სიმართლეს ფარდა აეხდება, თუმცა, ეჭვი მეპარება, რომ ეს ამ ხელისუფლების პირობებში მოხდეს, _ აღნიშნა ჩვენთან საუბრისას ამ საქმეების ერთ-ერთმა მონაწილემ.
ჩოხატაურის ლეგალიზაციის კომისიის მიერ გამოცემულ 2008 წლის 3 მარტისა (ოქმი #5 _ ამ ოქმით მიწა 18 ადამიანს დაუკანონდა) და 10 აპრილის ოქმებში (#8, ოქმის მიხედვით, მიწა დაკანონებული აქვს 13 ადამიანს) მთავარი მომხსენებელი მუნიციპალიტეტის (მაშინდელი რაიონის) მთავარი არქიტექტორი ზურაბ ბერძენიშვილია, თუმცა არც ერთ ოქმზე ბერძენიშვილის ხელმოწერა არ არის. ბერძენიშვილი დღეს ამ ფაქტს ვერ ხსნის და ამბობს, რომ კომისიაში Мშეიძლება ისე შეიყვანეს". 
_ ბატონო ზურაბ, ამ ოქმებში მთავარი მომხსენებელი თქვენ ხართ, აზრიც გამოგითქვამთ, თუმცა, ზედ ხელმოწერა არ გაქვთ გაკეთებული...
_ არ ვიცი. ეგ შეიძლება ის პერიოდია, როცა მე სამსახურიდან წამოვედი.
_ თუ არ მუშაობდით, თქვენი აზრი ოქმში როგორ არის დაფიქსირებული?
_ შეიძლება ისე შემიყვანეს. ვერ გეტყვით...
_ რას ნიშნავს შეიძლება? თან 2008 წლის მარტში და აპრილში თქვენ რაიონის არქიტექტორად მუშაობდით.
_ შეიძლება, სანამ კომისია შეიცვლებოდა ის მომენტია, მე რომ წამოვედი.
_ წამოსული კაცი რანაირად აღმოჩნდით ოფიციალურ დოკუმენტში? თან გადავამოწმე და ამ პერიოდში თქვენ მუშაობდით.
_ არ ვიცი. ალბათ, რაღაც ჩაიდო(?!).
_ ეს დოკუმენტები სადავო მიწებს ეხება. ამ დოკუმენტებს ახლა პროკურატურა სწავლობს და ამ დოკუმენტების დამსახურებით ხალხს მიწებს ართმევენ.
_ ეს სირაძის კომისიის დოკუმენტებია და გამოძიება მას სწორედ ამას ედავება, რომ სრულყოფილი დოკუმენტები არ არსებობს.
_ მაგრამ ეს დოკუმენტაცია სხვებისგან განსხვავებით სრულია, თუ არ ჩავთვლით იმას, რომ თქვენი ხელმოწერა არ არის.
_ არ ვიცი, ხელმოწერა არ არის ჩემი და რა გითხრათ, _ გვითხრა ბერძენიშვილმა.
ოქმების შესახებ ოფიციალური კომენტარის გაკეთება აღნიშნული კომისიის არც ერთ წევრს არ სურს. მიუხედავად იმისა, რომ ეს ადამიანები ბოლო დროს პროკურატურის ხშირი სტუმრები გახდნენ.
გურიის მთავარი პროკურორი კახა კოჩივარი მიმდინარე მოვლენებზე კომენტარს არ აკეთებს.
_ ბატონო კახა, ჩვენი ინფორმაციით, თქვენ ადამიანებს იბარებთ და მიწების ჩაბარებას აიძულებთ. გვითხრეს, რომ ასეთი დავალება გაქვთ...
_ არ ვიცი.
_ რა არ იცით, თქვენგან გამოსული ადამიანები რომ მიწებს აბარებენ? _ ამ კითხვაზე კოჩივარმა პასუხის გაცემა არ ისურვა და ტელეფონი გაგვითიშა.
მკითხველს ვურჩვეთ, ამ გვერდზე, ქვემოთ განთავსებულიმ სტატია _ წაიკითხოს _ იქნებ, სწორედ ხელისუფლების მიერ ჩამოყვანილი ინვესტორების ინტერესების გამო აბარებინებენ მიწებს მფლობელებს?




 ახალი ამბები
  • „ნაბეღლავი“, „ბახმარო“, „გალფი“ _ ბახმაროში ტრადიციული დოღის სამზადისიახვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია. ტრადიციულ დოღს,  რომელიც მეორე წელია,  ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება, წელს ბევრი სიახლე ახლავს _ „ბახმაროს თასი 2019“ ღონისძიებისათვის კომპანია „წყალი მარგებელმა“ ახალი სპონსორები მოიძია, რის გამოც საპრიზო ფონდი გაზრდილია. _ წინა წელს დავიწყეთ ეს ღონისძიება ამ მასშტაბით და მაშინ დავპირდით  პირველ რიგში გურულებს და მთელ საქართველოს, რომ ბევრად დიდი მასშტაბი იქნებოდა წელს, რაც ვფიქრობ, რომ შევძელით.  ჩვენი გეგმა, რომ 10 წლის მანძილზე ბახმარო გავხადოთ არამარტო გურიის, არამედ მთელი საქართველოს სავიზიტო ბარათი.  დღეს ვნახე და ძალიან გამიხარდა, რომ დოღში მონაწილეთა რაოდენობა გაზრდილია _ მონაწილეები დაგვემატნენ ბათუმიდან, პანკისიდან,  რაც მისასალმებელია. ასევე, სასიხარული და მნიშვნელოვანია, რომ გაიზარდა ბიზნესის ჩართულობაც _  “საქართველოს ბანკის“ შემდეგ, დაგვემატა „გალფი“, „გლოვო“, „კროკო ბეთი“. ჩვენ ვართ ამ ქვეყნის ნაწილი და მთავარი ნაწილი შეიძლება ითქვას . ჩვენთვის ძალიან მნიშვნელოვანია ვიყოთ სახე ქვეყნის და ყველაფერი გავაკეთოთ ჩვენი ქვეყნისთვის, _ ამბობს კომპანია “წყალი მარგებლის“ დამფუძნებელი მიხო სვიმონიშვილი. სვიმონიშვილი იმედოვნებს, რომ წელს, ბახმაროს დოღს შარშანდელზე მეტი ადამიანი დაესწრება: _  წინა წელს 27 000 ათასი ადამიანი დაესწრო დოღს და ამდენი გაღიმებული ადამიანის ერთად ნახვა ბედნიერებაა. იმედი მაქვს, წელს, ეს რიცხვი მეტი იქნება, _ აღნიშნა სვიმონიშვილმა. კომპანია „გალფის“ ვიცე პრეზიდენტის ნინო ჯიბლაძის თქმით, „გალფისთვის მნიშვნელოვანია ჯანსაღი ცხოვრების წესი და ეკოლოგიურად პასუხისმგებელობიანი აქტივობების მხარდაჭერა“: _  წელს პირველად დავუჭირეთ მხარი ბახმაროს დოღს და მოხარულები ვართ, რომ გარდა საპრიზო ფონდში თანამონაწილეობისა, საჩუქრებს და პრიზებს დავაწესებთ ოთხივე გარბენის გამარჯვებულისათვის, _ თქვა ნინო ჯიბლაძემ. ერთი სიტყვით, „ნაბეღლავი“, წყაროს წყალი „ბახმარო“, მათი გენერალური მხარდამჭერი „საქართველოს ბანკი“ და ღონისძიების სპონსორები _ „გალფი, გლოვო და კროკო-ბეთი ხვალ, 19 აგვისტოს, ბახმაროში კარგ სანახაობას გპირდებიან. ზღვის დონიდან 2050 მეტრზე გამართული დოღი ასეთი იქნება: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულა გარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარი I ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი; I ადგილი 1000 ლარი; II ადგილი 500 ლარი; III ადგილი 300 ... ...
  • გადაიწევს თუ არა აბიტურიენტთა ჩარიცხვების ვადების გამოცხადებააბიტურიენტები სახელმწიფოს მიერ 2019 წელს სრულად დაფინანსებული საგანმანათლებლო პროგრამების ე.წ. უფასო ფაკულტეტების სიას ელოდებიან, რომელიც, ჯერჯერობით, არ ჩანს. განათლების, მეცნიერების, კულტურის და სპორტის სამინისტროში edu.aris.ge-ს განუმარტეს, რომ დოკუმენტს ახლო მომავალში გამოაქვეყნებენ და ვადებში ეტევიან. თუმცა, ფაქტია, რომ  აბიტურიენტებს საგანმანათლებლო პროგრამებში ცვლილებების შესატანად ცოტა დრო რჩებათ. საგულისხმოა, ისიც რომ გასულ წლებში უფასო ფაკულტეტების ჩამონათვალი აგვისტოს დასაწყისში უკვე გამოქვეყნებული იყო, მაგალითად: 2016 წელს სახელმწიფოს მიერ სრულად დაფინანსებული საგანმანათლებლო პროგრამების სია გამოქვეყნდა 28 ივლისს, 2017 წელს – 2 აგვისტოს, 2018 წელს – 6 აგვისტოს. უკავშირდება თუ არა სიის გამოქვეყნების დაგვიანება სამინისტროს მიერ უფასო ფაკულტეტების დაფინანსების წესში შესატან ცვლილებებს, ამ ეტაპზე უცნობია. შეგახსენებთ, რომ სამინისტრო პირველ ეტაპზე, 2019 წლისთვის უფასო ფაკულტეტების დაფინანსების მოდელში ცვლილებების შეტანას აპირებდა, მოგვიანებით კი მინისტრი მიხეილ ბატიაშვილი მის საერთოდ გაუქმებაზე ალაპარაკდა, რაც შემდეგ 2020 წლისთვის გადადო. ცნობისთვის! – აბიტურიენტებს უფასო ფაკულტეტების არჩევის ვადა, აპელაციის შედეგების გამოქვეყნებიდან შემდეგი დღის 18:00 საათამდე აქვთ. “ნაეკის” ინფორმაციით, აპელაციის შედეგების გამოქვეყნება, სავარუდოდ, მომავალი კვირის ბოლოს დასრულდება. სამინისტროში კი აცხადებენ, რომ ფაკულტეტების სია, ამ პერიოდისთვის გამოქვეყნებული ... ...
  • საქართველოს საგარეო უწყება საერთაშორისო თანამეგობრობას მიმართავსმივმართავთ საერთაშორისო თანამეგობრობას, ქმედითი ზომები მიიღოს საოკუპაციო ძალების უკანონო მოქმედებების შესაჩერებლად, – ამის შესახებ საქართველოს საგარეო საქმეთა სამინისტროს სპიკერმა, ვლადიმერ კონსტანტინიდმა საოკუპაციო ხაზიდან საქართველოს შვიდი მოქალაქის გატაცებასთან დაკავშირებით საუბრისას განაცხადა. მისი თქმით, საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში. „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან შვიდი ადგილობრივი მცხოვრების გატაცების გამო. იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო, საოკუპაციო ძალების მიერ საქართველოს მოქალაქეების გატაცებისა და უკანონო დაკავებების პრაქტიკის გაგრძელება წარმოადგენს ქვეყანაში ვითარების დესტაბილიზაციის აშკარა მცდელობას. საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში“, – აცხადებს საგარეო საქმეთა სამინისტროს სპიკერი. ვლადიმერ კონსტანტინიდის თქმით, გააქტიურებულია ცხელი ხაზი; საქმის კურსში არიან ჟენევის საერთაშორისო მოლაპარაკებების თანათავმჯდომარეები, პროცესში ჩართულია ევროკავშირის სადამკვირვებლო მისია. „ჩვენ დაუყოვნებლივ გავააქტიურეთ ცხელი ხაზი; უკვე დავუკავშირდით ჟენევის საერთაშორისო მოლაპარაკებების თანათავმჯდომარეებს; პროცესში ჩართულია ევროკავშირის სადამკვირვებლო მისია. მოვუწოდებთ რუსეთის ფედერაციას, დაუყოვნებლივ შეწყვიტოს უკანონო ქმედებები საოკუპაციო ხაზზე და პატივი სცეს ნაკისრ საერთაშორისო ვალდებულებებს. მოვუწოდებთ რუსეთის ფედერაციას, რომ დაიწყოს 2008 წლის 12 აგვისტოს ცეცხლის შეწყვეტის შეთანხმების უპირობო შესრულება, რადგან საქართველოს ტერიტორიიდან ჯარების გაყვანა არის ადგილზე მდგრადი მშვიდობისა და უსაფრთხოების დამყარების ერთადერთი გზა. მივმართავთ ასევე საერთაშორისო თანამეგობრობას, რომ ქმედითი ზომები მიიღოს საოკუპაციო ძალების უკანონო მოქმედებების შესაჩერებლად“, – განაცხადა ვლადიმერ კონსტანტინიდმა. საოკუპაციო ხაზთან რუსმა სამხედროებმა საქართველოს შვიდი მოქალაქე დააკავეს. დაკავებულები სოფელ ახალუბნის მცხოვრებლები არიან. არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან ... ...
  • რუსმა სამხედროებმა სოფელ არცევთან საქართველოს კიდევ ერთი მოქალაქე დააკავესრუსმა სამხედროებმა საოკუპაციო ხაზთან, ოკუპირებული სოფელ არცევის მიმდებარე ტერიტორიიდან საქართველოს კიდევ ერთი მოქალაქე, სოფელ დიდი მეჯვრისხევის მკვიდრი დააკავეს. ამის შესახებ საქართველოს პირველ არხს სახელმწიფო უსაფრთხოების სამსახურში განუცხადეს. სუს-ის ინფორმაციით, დაკავებული ცხინვალის იზოლატორშია გადაყვანილი. საქართველოს მოქალაქეს ე.წ. საზღვრის უკანონო კვეთას ედავებიან. სუს-ის ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია. სახელმწიფო უსაფრთხოების სამსახურის ინფორმაციით, რუსი სამხედროების მიერ დაკავებული საქართველოს შვიდი მოქალაქე ცხინვალის იზოლატორში იმყოფება და ე.წ. სასამართლო პროცესს ელოდება. საოკუპაციო რეჟიმის წარმომადგენლები მათ ე.წ. საზღვრის უკანონო გადაკვეთაში სდებენ ბრალს. ე.წ. სასამართლო პროცესი, სავარაუდოდ, ხვალ ჩაინიშნება. სუს-ის ინფორმაციით, ცხელი ხაზის რამდენჯერმე გააქტიურების შემდეგ, გვიან ღამით შედგა დე-ფაქტოცხინვალის წარმომადგენლობასთან კომუნიკაცია, რომლებმაც დაადასტურეს საქართველოს შვიდი მოქალაქის ... ...
  • დამტვრეული ინვეტარი, მიტოვებული, არგახსნილი მუზეუმი და ბალახებში ჩაფლული პარკი შემოქმედშიეს ფოტოები ოზურგეთის მუნიციპალიტეტის, სოფელ შემოქმედის ერთ-ერთ პარკსა და 2 წლის წინ აშენებულ, ჯერ არგახსნილ, ვარლამ სიმონიშვილის ეთნოგრაფიულ მუზეუმში არის გადაღებული. როგორც ფოტოებიდან ჩანს, ახალგარემონტებულ პარკში, ახალაშენებულ საპირპარეშოში საშინელი მდგომარეობა. დამტვრეული ინვეტარი. სოფელ შემოქმედში ახალი პარკი და ეთნოგრაფიული მუზეუმი 2015-2017 წლებში ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...