ტრენერი სახელმწიფო აუდიტის სამსახურიდან

მთავარი თემა

ტრენერი სახელმწიფო აუდიტის სამსახურიდან

2012 აგვ 24 19:31:25

ის ადამიანი, რომელმაც რომელმაც ბიძინა ივანიშვილი საგზაო მოძრაობის წესების დარღვევის უსაფუძვლო ბრალდებით გააჩერა. შემდეგ კი, ვიდეოკამერის დანახვისას, "მწვანე შუქი" აუნთო.

ძალოვანი და მაკონტროლებელი ორგანოების ჩართვა საარჩევნო კომისიის საქმიანობაში, პირველი შემთხვევა არ გახლავთ, ამის დამადასტურებელი ფაქტები "გურია ნიუსმა" წინა არჩევნებზეც აღმოაჩინა.

2010 წლის ადგილობრივი თვითმმართველობის არჩევნებისა და დღევანდელი მასალის გმირი ერთი და იგივე პიროვნება გახლავთ _ პაატა მანჯგალაძე, ცესკო-ს სწავლების ცენტრის ტრენერი.

"გურია ნიუსის" ვიდეო და ფოტო ობიექტივში დაფიქსირდა, 2012 წლის 20 აგვისტოს, ოზურგეთის მუნიციპალიტეტის კულტურის სამსახურის ორგანიზებით მოწყობილ საღამოზე, პაატა მანჯგალაძე როგორ ისმენდა ყურადღებით რამაზ ნიკოლაიშვილის _ მინისტრისა და ოზურგეთში "ნაციონალური მოძრაობის" მაჟორიტარობის სავარაუდო კანდიდატის შემდეგი შინაარსის სამადლობელს: "მადლობა მიშკას, მადლობა მიშას!"

პაატა მანჯგალაძეს რამაზ ნიკოლაიშვილთან ძველი მეგობრობა აკავშირებს. მაშინ, როცა რამაზ ნიკოლაიშვილი თავდაცვის მინისტრის მოადგილე იყო, ასევე თავდაცვის სამინისტროს თანამშრომელი პაატა მანჯგალაძე, ტრადიციულად, გურიაში, ცესკო-ს ეგიდით არჩევნების სამართლიანობას აკვირდებოდა.

"გურია ნიუსმა" დაადგინა, რომ ცესკო-ს სწავლების ცენტრის ტრენერი და წარმომადგენელი გურიაში, პაატა მანჯგალაძე სახელმწიფო აუდიტის სამსახურის თანამშრომელია. ის, ამჟამად კვლავ კუთვნილი შვებულებით სარგებლობს და კვლავ გურიაში, კვლავ ცესკო-ს ეგიდით იმყოფება.

"გურია ნიუსი" აუდიტის სამსახურიდან შვებულებაში მყოფ პაატა მანჯგალაძეს ტელეფონით დაუკავშირდა.

_ ბატონო პაატა, ამ არჩევნებზე ისევ გურიის რეგიონში გამოჩნდით, ისევ არჩევნებზე დასაკვირვებლად და ისევ ცესკო-ს ეგიდით. რამდენიმე დღის წინ, რეგიონული განვითარებისა და ინფრასტრუქტურის მინისტრთან რამაზ ნიკოლაიშვილთან ერთად იმყოფებოდით სტუდენტების დასაქმების დახურვის საღამოზე... რამე კავშირშია ეს ყველაფერი არჩევნებთან?

_ ეს დამთხვევა იყო ნამდვილად, ამ ბავშვებს ვიცნობდი. ტრენინგები სადაც მიმდინარეობდა, იქ იყო მათი შეკრების ადგილი, შეგვიძლია ჩავთვალოთ, რომ დამთხვევა იყო. მე, ვმოქმედებ კანონის ფარგლებში.

_ თქვენ, ამ შეხვედრას ბოლომდე ესწრებოდით... შეხვედრას, რომელსაც მინისტრი და ვიცე-გუბერნატორი ესწრებოდა და აშკარად ხელისუფლების პიარ-ღონისძიება იყო...

_ თქვენ ვინც ეს გითხრათ, ვინც ეს მასალა შეაგროვა, ის იმასაც დაინახავდა, რომ შეხვედრაზე ადრე მოვედი და სხვა მანქანით გადავადგილდებოდი იმ დღეს.

მესმის, საიდანაც მოდის ეს კითხვის ნიშნები. მე, მომიწია თავდაცვის სამინისტროში იმ პერიოდში მუშაობა, როდესაც იქ რამაზ ნიკოლაიშვილი იყო მინისტრის მოადგილე. ნაცნობობა არის, მაგრამ, ვინაიდან წარმომადგენელი ვარ ცესკოსი და ვთქვათ, გავექცე ამ ურთიერთოებებს ამიტომ...

არ ჩამითვლია აგიტაციაში და პროპაგანდაში და მე, ამის უფლებაც არ მაქვს, კანონი არ მაძლევს ამის საფუძველს. მე თუ სხვას ვასწავლი კანონს და აქეთ მე დავარღვიე, აზრი არ ექნება ამას.

_ ბატონო პაატა, ისიც დამთხვევა ხომ არ არის, რომ დღესდღეობით, თქვენ ბრძანდებით კონტროლის პალატის, ახლა უკვე სახელმწიფო აუდიტის თანამშრომელი...

_ ეს ინფორმაცია ვინ მოგაწოდათ?

_ ინფორმაციის გაგება არ არის ძნელი. ხომ ასეა? თქვენ ხომ კონტროლის პალატის თანამშრომელი ხართ?

_ დიახ, დაგიდასტურებთ, მაქ ისეთი არაფერი არ არის.

_ აჭარა-გურიის რეგიონის აუდიტის სამსახურის უწყებას წარმოადგენთ.

_ დიახ.

_ ცესკოს წარმომადგენელი, საოლქო კომისიების თანამშრომლების დატრენინგება აუდიტის სამსახურის თანამშრომლის მხრიდან, ცოტა უხერხული ხომ არ არის?

_ მაგაზე გვქონდა საუბარი, იყო ასეთი მომენტი. მე 2002 წლიდან ვაკეთებდი ამ საქმეს რეგიონში, გურიის რეგიონში განსაკუთრებული გამოცდილება მაქვს ამის კეთების, ჩავთვალე, რომ შვებულების აღება შემიძლია, ზაფხული იყო და შევიტანე საბუთები ამ კონკურსზე, მოხდა შერჩევა და აქა ვარ ახლა.

_ შერჩევით შეგარჩევდნენ, გამოცდილება დიდი გაქვთ, მაგრამ კონტროლის პალატაში შვებულება როგორ მოგცეს, თქვენ ხომ ცოტა ხნის წინ დაიწყეთ მუშაობა?

_ რამდენი ხანია არ დამიწყია მუშაობა, თქვენ როგორ ფიქრობთ?

_ მგონი, შვებულება ჯერ არ გეკუთვნოდათ.

_ რატომ არ მეკუთვნოდა, აბა მითხარით.

_ რამდენიმე თვეა რაც დაწყებული გაქვს მუშაობა და იმიტომ...

_ მაინც, რამდენი თვეა?

_ ყველაფერს მე ხომ არ გეტყვით? თქვენ თქვით, რამდენი თვეა რაც მუშაობთY და გეკუთვნოდათ თუ არა შვებულება?

_ რა თქმა უნდა, მეკუთვნოდა შვებულება, ორი აზრი არ არის. მე, 6 თვეზე მეტია ვმუშაობ. ეს მუშაკის უფლებაა, მოითხოვოს შვებულება და სამსახური წყვეტს, გაუშვას თუ არა. შესაბამისად, სამსახურმა გაითვალისწინა ჩემი სურვილი და მომცა შვებულება. მე, კანონის ფარგლებში ვმოქმედებ.

_ ბატონო პაატა, შემთხვევით კონტროლის პალატის მიერ მოწყობილ იმ მასობრივ დაკითხვებს თქვენც ხომ არ ატარებდით გურიაში?

_ არა, არა... ეგ არ დამაბრალოთ. ეს ჩემს სამსახურეობრივ ფუნქციაში ეგ არ შედიოდა. სხვა სამსახური აკეთებდა მაგ საქმეს

_ თქვენს სამსახურეობრივ ფუნქციაში რა შედის?

_ აუდიტის თანამდებობაზე ვარ იქ და აუდიტურ საქმიანობას ვეწევი ძირითადად, იურიდიული კუთხით.

_ ბატონო პაატა, არჩევნების წინ ცესკოს წარმომადგენლების დატრენინგება თქვენი ჰობია? წინა არჩევნებზე თავდაცვის სამინისტროში მუშაობდით და იქედან აიღეთ შვებულება.

_ მე კანონის ფარგლებში ვმოქმედებ. უბრალოდ, ჩართული ვარ ამ პროცესში დიდი ხანია, მიმუშავია უბანშიც, ვყოფილვარ ცესკოს წევრობის კანდიდატი...

_ ე.ი. მორჩებით არჩევნებს, დაატრენინგებთ ამ ხალხს და დაუბრუნდებით აუდიტის სამსახურს?

_ რა ვიცი, შეიძლება... ალბათ, ასე იქნება. მე ვიფიქრე, ამ ტრენინგების შესახებ მირეკავდით. ვიფიქრე, იკითხავდით, როგორ მიდის ტრენინგები, რამე ხარვეზები ხომ არ არის ამ რამე შენიშვნა.

_ მაგასაც ვიკითხავთ ბატონო პაატა, თუ რამეს გავიგებთ, აუცილებლად შეგაწუხებთ.

_კი ბატონო, თუ რამე საინტერესო იქნება, მე მზად ვარ, პასუხი გავცე თქვენს შეკითხვებს.

როგორც ფაქტი ცხადჰყოფს, ბატონი პაატა 20 აგვისტოს უკვე შვებულებაში იყო, საინტერესოა რამდენდღიან შვებულებებს გაუფორმებს აუდიტის სამსახური ცესკოში "მივლენილ" თანამშრომელს!




 ახალი ამბები
  • ბახმარო თანამედროვე მუსიკალურო ფესტივალის სამზადისში _ ის, რაც არ უნდა გამოტოვოთSunset Fest Bakhmaro 2019-ის მზადება აქტიურად მიმდინარეობს. უკვე მოწყობილია კარვების ქალაქი, მოსასვენებელი კუთხეები, კაფე-ბარები. ამ წუთებში, ზღვის დონიდან 2050 მეტრზე საკონცერტო სცენის აწყობა მიმდინარეობს. ბახმაროში, ხვალ, 19 აგვისტოს ბევრი სიურპრიზი და დიდი მხიარულება გელით. ტრადიციული დოღის დასრულების შემდეგ, 17 საათზე, მზის ჩასავალი გორის მიმდებარედ (ასასვლელი ვერტოდრომიდან) თანამედროვე მუსიკის ფესტივალი გელოდებათ არაჩვეულებრივი შემსრულებლებით _ Bedford Falls, LOUD speakers, Kordz & Dro, Pitter J, Anushka Chkheidze, Lua და Kraumur თქვენს შესანიშნავ განწყობაზე დილამდე იზრუნებენ. შეაგროვე მთელი წლის სამყოფი ენერგია და მოგონებები. სუფთა ჰაერი, ნისლი, წიწვოვანი ტყე, კოცონები, ვარსკვლავებიანი ცა, კარვების ქალაქი, კარგი მუსიკა, ზაფხულის მზესთან დამშვიდობება _ ეწვიეთ 19 აგვისტოს ბახმაროს! არ გამოტოვოთ დიდი მხიარულება. ფესტივალი „ჩექინ ჯორჯიას“ ფარგლებში იმართება და მისი თანადამფინანსებელია საქართველოს განათლების, კულტურის, სპორტისა და მეცნიერების სამინისტრო. გენერალური სპონსორია „წყალი მარგებელი“. სპონსორები და მხარდამჭერები არიან: „ზედაზენი“; “New Road”; „ორბი ჯგუფი“; „ვასაძის პური“; „სანდომი“; „თქვენი მარკეტი“ ასკანგელი“, ‘გზამშენი 18“, „ლიდერფუდი“, „ბითი ჩერითი ჯგუფი“, „ბახმარო ჰოტელი“; ჩოხატაურის მუნიციპალიტეტის მერია; ლანჩხუთის მუნიციპალიტეტის მერია; „ენერგო პრო ჯორჯია“; საგანგებო სიტუაციების მართვის სამსახური; საგანგებო სიტუაციების კოორდინაციისა და გადაუდებელი დახმარების ცენტრი; ფესტივალის მედია პარტნიორი და საინფორმაციო მხარდამჭერია ... ...
  • „ნაბეღლავი“, „ბახმარო“, „გალფი“ _ ბახმაროში ტრადიციული დოღის სამზადისიახვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია. ტრადიციულ დოღს,  რომელიც მეორე წელია,  ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება, წელს ბევრი სიახლე ახლავს _ „ბახმაროს თასი 2019“ ღონისძიებისათვის კომპანია „წყალი მარგებელმა“ ახალი სპონსორები მოიძია, რის გამოც საპრიზო ფონდი გაზრდილია. _ წინა წელს დავიწყეთ ეს ღონისძიება ამ მასშტაბით და მაშინ დავპირდით  პირველ რიგში გურულებს და მთელ საქართველოს, რომ ბევრად დიდი მასშტაბი იქნებოდა წელს, რაც ვფიქრობ, რომ შევძელით.  ჩვენი გეგმა, რომ 10 წლის მანძილზე ბახმარო გავხადოთ არამარტო გურიის, არამედ მთელი საქართველოს სავიზიტო ბარათი.  დღეს ვნახე და ძალიან გამიხარდა, რომ დოღში მონაწილეთა რაოდენობა გაზრდილია _ მონაწილეები დაგვემატნენ ბათუმიდან, პანკისიდან,  რაც მისასალმებელია. ასევე, სასიხარული და მნიშვნელოვანია, რომ გაიზარდა ბიზნესის ჩართულობაც _  “საქართველოს ბანკის“ შემდეგ, დაგვემატა „გალფი“, „გლოვო“, „კროკო ბეთი“. ჩვენ ვართ ამ ქვეყნის ნაწილი და მთავარი ნაწილი შეიძლება ითქვას . ჩვენთვის ძალიან მნიშვნელოვანია ვიყოთ სახე ქვეყნის და ყველაფერი გავაკეთოთ ჩვენი ქვეყნისთვის, _ ამბობს კომპანია “წყალი მარგებლის“ დამფუძნებელი მიხო სვიმონიშვილი. სვიმონიშვილი იმედოვნებს, რომ წელს, ბახმაროს დოღს შარშანდელზე მეტი ადამიანი დაესწრება: _  წინა წელს 27 000 ათასი ადამიანი დაესწრო დოღს და ამდენი გაღიმებული ადამიანის ერთად ნახვა ბედნიერებაა. იმედი მაქვს, წელს, ეს რიცხვი მეტი იქნება, _ აღნიშნა სვიმონიშვილმა. კომპანია „გალფის“ ვიცე პრეზიდენტის ნინო ჯიბლაძის თქმით, „გალფისთვის მნიშვნელოვანია ჯანსაღი ცხოვრების წესი და ეკოლოგიურად პასუხისმგებელობიანი აქტივობების მხარდაჭერა“: _  წელს პირველად დავუჭირეთ მხარი ბახმაროს დოღს და მოხარულები ვართ, რომ გარდა საპრიზო ფონდში თანამონაწილეობისა, საჩუქრებს და პრიზებს დავაწესებთ ოთხივე გარბენის გამარჯვებულისათვის, _ თქვა ნინო ჯიბლაძემ. ერთი სიტყვით, „ნაბეღლავი“, წყაროს წყალი „ბახმარო“, მათი გენერალური მხარდამჭერი „საქართველოს ბანკი“ და ღონისძიების სპონსორები _ „გალფი, გლოვო და კროკო-ბეთი ხვალ, 19 აგვისტოს, ბახმაროში კარგ სანახაობას გპირდებიან. ზღვის დონიდან 2050 მეტრზე გამართული დოღი ასეთი იქნება: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულა გარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარი I ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარი I ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი; I ადგილი 1000 ლარი; II ადგილი 500 ლარი; III ადგილი 300 ... ...
  • გადაიწევს თუ არა აბიტურიენტთა ჩარიცხვების ვადების გამოცხადებააბიტურიენტები სახელმწიფოს მიერ 2019 წელს სრულად დაფინანსებული საგანმანათლებლო პროგრამების ე.წ. უფასო ფაკულტეტების სიას ელოდებიან, რომელიც, ჯერჯერობით, არ ჩანს. განათლების, მეცნიერების, კულტურის და სპორტის სამინისტროში edu.aris.ge-ს განუმარტეს, რომ დოკუმენტს ახლო მომავალში გამოაქვეყნებენ და ვადებში ეტევიან. თუმცა, ფაქტია, რომ  აბიტურიენტებს საგანმანათლებლო პროგრამებში ცვლილებების შესატანად ცოტა დრო რჩებათ. საგულისხმოა, ისიც რომ გასულ წლებში უფასო ფაკულტეტების ჩამონათვალი აგვისტოს დასაწყისში უკვე გამოქვეყნებული იყო, მაგალითად: 2016 წელს სახელმწიფოს მიერ სრულად დაფინანსებული საგანმანათლებლო პროგრამების სია გამოქვეყნდა 28 ივლისს, 2017 წელს – 2 აგვისტოს, 2018 წელს – 6 აგვისტოს. უკავშირდება თუ არა სიის გამოქვეყნების დაგვიანება სამინისტროს მიერ უფასო ფაკულტეტების დაფინანსების წესში შესატან ცვლილებებს, ამ ეტაპზე უცნობია. შეგახსენებთ, რომ სამინისტრო პირველ ეტაპზე, 2019 წლისთვის უფასო ფაკულტეტების დაფინანსების მოდელში ცვლილებების შეტანას აპირებდა, მოგვიანებით კი მინისტრი მიხეილ ბატიაშვილი მის საერთოდ გაუქმებაზე ალაპარაკდა, რაც შემდეგ 2020 წლისთვის გადადო. ცნობისთვის! – აბიტურიენტებს უფასო ფაკულტეტების არჩევის ვადა, აპელაციის შედეგების გამოქვეყნებიდან შემდეგი დღის 18:00 საათამდე აქვთ. “ნაეკის” ინფორმაციით, აპელაციის შედეგების გამოქვეყნება, სავარუდოდ, მომავალი კვირის ბოლოს დასრულდება. სამინისტროში კი აცხადებენ, რომ ფაკულტეტების სია, ამ პერიოდისთვის გამოქვეყნებული ... ...
  • საქართველოს საგარეო უწყება საერთაშორისო თანამეგობრობას მიმართავსმივმართავთ საერთაშორისო თანამეგობრობას, ქმედითი ზომები მიიღოს საოკუპაციო ძალების უკანონო მოქმედებების შესაჩერებლად, – ამის შესახებ საქართველოს საგარეო საქმეთა სამინისტროს სპიკერმა, ვლადიმერ კონსტანტინიდმა საოკუპაციო ხაზიდან საქართველოს შვიდი მოქალაქის გატაცებასთან დაკავშირებით საუბრისას განაცხადა. მისი თქმით, საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში. „შეშფოთებას გამოვთქვამთ საოკუპაციო ძალების მიერ შიდა ქართლში საოკუპაციო ხაზის მიმდებარე ტერიტორიიდან შვიდი ადგილობრივი მცხოვრების გატაცების გამო. იმ პირობებში, როცა ბოლო დღეებში განსაკუთრებულად დაძაბულია მდგომარეობა სოფელ გუგუტიანთკარში ხელოვნური ბარიერების აღმართვის გამო, საოკუპაციო ძალების მიერ საქართველოს მოქალაქეების გატაცებისა და უკანონო დაკავებების პრაქტიკის გაგრძელება წარმოადგენს ქვეყანაში ვითარების დესტაბილიზაციის აშკარა მცდელობას. საოკუპაციო ხაზზე გახშირებული პროვოკაციები და ინციდენტები კიდევ უფრო ამწვავებს უსაფრთხოების გარემოს და ამძიმებს ისედაც რთულ ჰუმანიტარულ მდგომარეობას კონფლიქტით დაზარალებულ სოფლებში“, – აცხადებს საგარეო საქმეთა სამინისტროს სპიკერი. ვლადიმერ კონსტანტინიდის თქმით, გააქტიურებულია ცხელი ხაზი; საქმის კურსში არიან ჟენევის საერთაშორისო მოლაპარაკებების თანათავმჯდომარეები, პროცესში ჩართულია ევროკავშირის სადამკვირვებლო მისია. „ჩვენ დაუყოვნებლივ გავააქტიურეთ ცხელი ხაზი; უკვე დავუკავშირდით ჟენევის საერთაშორისო მოლაპარაკებების თანათავმჯდომარეებს; პროცესში ჩართულია ევროკავშირის სადამკვირვებლო მისია. მოვუწოდებთ რუსეთის ფედერაციას, დაუყოვნებლივ შეწყვიტოს უკანონო ქმედებები საოკუპაციო ხაზზე და პატივი სცეს ნაკისრ საერთაშორისო ვალდებულებებს. მოვუწოდებთ რუსეთის ფედერაციას, რომ დაიწყოს 2008 წლის 12 აგვისტოს ცეცხლის შეწყვეტის შეთანხმების უპირობო შესრულება, რადგან საქართველოს ტერიტორიიდან ჯარების გაყვანა არის ადგილზე მდგრადი მშვიდობისა და უსაფრთხოების დამყარების ერთადერთი გზა. მივმართავთ ასევე საერთაშორისო თანამეგობრობას, რომ ქმედითი ზომები მიიღოს საოკუპაციო ძალების უკანონო მოქმედებების შესაჩერებლად“, – განაცხადა ვლადიმერ კონსტანტინიდმა. საოკუპაციო ხაზთან რუსმა სამხედროებმა საქართველოს შვიდი მოქალაქე დააკავეს. დაკავებულები სოფელ ახალუბნის მცხოვრებლები არიან. არსებული ინფორმაციით, მოქალაქეები წმინდა გიორგის სახელობის ეკლესიაში იყვნენ წასული, რომელიც საოკუპაციო ხაზთან ... ...
  • რუსმა სამხედროებმა სოფელ არცევთან საქართველოს კიდევ ერთი მოქალაქე დააკავესრუსმა სამხედროებმა საოკუპაციო ხაზთან, ოკუპირებული სოფელ არცევის მიმდებარე ტერიტორიიდან საქართველოს კიდევ ერთი მოქალაქე, სოფელ დიდი მეჯვრისხევის მკვიდრი დააკავეს. ამის შესახებ საქართველოს პირველ არხს სახელმწიფო უსაფრთხოების სამსახურში განუცხადეს. სუს-ის ინფორმაციით, დაკავებული ცხინვალის იზოლატორშია გადაყვანილი. საქართველოს მოქალაქეს ე.წ. საზღვრის უკანონო კვეთას ედავებიან. სუს-ის ცნობით, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია. სახელმწიფო უსაფრთხოების სამსახურის ინფორმაციით, რუსი სამხედროების მიერ დაკავებული საქართველოს შვიდი მოქალაქე ცხინვალის იზოლატორში იმყოფება და ე.წ. სასამართლო პროცესს ელოდება. საოკუპაციო რეჟიმის წარმომადგენლები მათ ე.წ. საზღვრის უკანონო გადაკვეთაში სდებენ ბრალს. ე.წ. სასამართლო პროცესი, სავარაუდოდ, ხვალ ჩაინიშნება. სუს-ის ინფორმაციით, ცხელი ხაზის რამდენჯერმე გააქტიურების შემდეგ, გვიან ღამით შედგა დე-ფაქტოცხინვალის წარმომადგენლობასთან კომუნიკაცია, რომლებმაც დაადასტურეს საქართველოს შვიდი მოქალაქის ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...