ვის და რატომ დაჭირდა ბახმაროს სკანდალი

მთავარი თემა

ვის და რატომ დაჭირდა ბახმაროს სკანდალი

2011 თებ 3 08:12:13

უკანონოდ დარეგისტრირებულ მიწებზე წამოჭიმული ფეშენებელური სახლები ერთ მშვენიერ დღეს შემთხვევით აღმოაჩინა. არც იმის სჯერათ, რომ გაქცეული ნაციონალის, შოთა სირაძის ნახვა ამ დრომდე ვერ ხერხდება. მაგრამ სჯერათ ერთის _ ეს საქმე გავლენიანი მაღალჩინოსნის დაკვეთით ამოიქექა და ასევე გავლენიანი ჩინოვნიკის საშუალებით "ჩაიფარხცა". თუმცა, ამას წინ საინტერესო ისტორია უძღოდა.
საქართველოს პრეზიდენტის 525-ე ბრძანებულების თანახმად, მოქალაქეებს იმ ნაკვეთების დაკანონება შეეძლოთ, რომლებიც 2007 წლამდე ჰქონდათ ფაქტობრივ სარგებლობაში. ამ ნაკვეთების დაკანონება მხოლოდ შესაბამისი საბუთების და მოწმეების საკრებულოს ლეგალიზაციის კომისიაში წარმოდგენით გახლდათ შესაძლებელი. კომისია გამგეობის და საკრებულოს თანამშრომლებით იყო დაკომპლექტებული და მისი შემადგენლობა სხვადასხვა დროს, კანონის თანახმად იცვლებოდა.
2008-2009 წლებში ჩოხატაურის მუნიციპალიტეტის საკრებულოს ლეგალიზაციის კომისიას შოთა სირაძე ხელმძღვანელობდა. სწორედ მას ჰქონდა უფლება, რომ მიწის მესაკუთრის ცნობა გაეცა, თუმცა, კომისიის რეგლამენტის და კანონის მიხედვით, მოქალაქის განცხადება ჯერ კომისიას უნდა განეხილა და მხოლოდ ამის შემდეგ გაცემულიყო საკუთრების დამადასტურებელი მოწმობა.
სისხლის სამართლის საქმის მიხედვით, რომელსაც ქუთაისის პროკურატურა იკვლევს, შოთა სირაძემ 132 ყალბი დოკუმენტი გასცა. თუმცა, თავდაპირველი ვერსიით და ჩოხატაურის საჯარო რეესტრიდან წაღებული ოფიციალური დოკუმენტის თანახმად, დოკუმენტების რაოდენობა 388 აღწევდა. არავინ იცის, რა ბედი ეწია 256 საბუთს. არც ის, ვის და რატომ დასჭირდა ამ ციფრის ასე მკვეთრად შემცირება.
დაზუსტებით ცნობილია 132 დოკუმენტის მფლობელთა ბედი _ მათ, უკლებლივ ყველამ, მიწა, ზედ დამაგრებული ქონებით, სახელმწიფოს ჩააბარა. მათი უმრავლესობა თანამდებობის პირია. ამათგან რომან მამალაძეს, გელა ლომინეიშვილს, ეროდი გორდელაძეს, შოთა ჭანუყვაძეს, გია მამაკაიშვილს, ლაშა ბაკურაძეს, გელა მუჯირს, შოთა მჟავანაძეს და კიდევ რამდენიმე ჩინოსანს თანამდებობები დაატოვებინეს.
ამ სკანდალის სიგრძე-განი იმდენად დიდი აღმოჩნდა, რომ ჩოხატაურის მუნიციპალიტეტის გამგებელს, მამუკა დოლიძეს გადადგომის შესახებ განცხადების დაწერა მოუხდა. თუმცა, იმ დროს, სახლში დოლიძე კი არა, ანტონ ხუნდაძე უნდა წასულიყო, რომელსაც, კანონით, დოლიძეზე მეტი პასუხისმგებლობა ჰქონდა კომისიასთან მიმართებაში. მაგრამ განცხადება დოლიძემ დაწერა, რითაც დადასტურდა მოარული ხმები, რომ მის მოცილებას ანტონ ხუნდაძე დიდი ხნის მანძილზე ცდილობდა.
ჩოხატაურში იმასაც ამბობენ, რომ ძალოვანმა უწყებამ შოთა სირაძის ადგილსამყოფელი ძალიან კარგად იცის და მას მაშინ გამოაჩენს, როცა თავად მიიჩნევს საჭიროდ. ეს ხმები კი 31 იანვარს გამართულმა სასამართლო პროცესმა გაამყარა.
შოთა სირაძის წინააღმდეგ სისხლის სამართლის საქმის განხილვა, მოსამართლე ლევან ნუცუბიძის თავმჯდომარეობით, დანიშნული 2 საათის ნაცვლად 3 საათზე დაიწყო. სასამართლოს შენობა მოწმეებს ვერ იტევდა. როგორც გავარკვიეთ, უწყება 107 მოწმეს გაეგზავნა, ხოლო პროცესზე მხოლოდ 58 გამოცხადდა, მათ შორის ყოფილი ჩინოსნები. მოსულ მოწმეებს შორის არ იყო გურიის სამხარეო პოლიციის მთავარი სამმართველოს ყოფილი უფროსი შოთა ჭანუყვაძე, რომელსაც ბახმაროში უკანონოდ 4 ნაკვეთი ჰქონდა დაკანონებული და როგორც ამბობენ, მალე დედაქალაქში მნიშვნელოვან თანამდებობას ჩააბარებენ.
სისხლის სამართლის საქმეში, ბრალდების მხარეს ქუთაისელი პროკურორი ვალერი კუჭუხიძე წარმოადგენს, ხოლო სირაძის ინტერესებს სახაზინო წესით აყვანილი ადვოკატი კობა ესაძე იცავს.
შოთა სირაძეს 332 მუხლის I ნაწილით წაუყენეს ბრალი, რაც ჯარიმას ან 3 წლამდე თავისუფლების აღკვეთას ითვალისწინებს ამავე ვადით თანამდებობის დაკავების აკრძალვით.
პროკურორის განმარტებით, სირაძემ ბოროტად გამოიყენა თანამდებობა, კანონის უხეში დარღვევით გაასხვისა სატყეო ზოლის მიწები და ასევე უკანონოდ გასცა მიწის საკუთრების 132 მოწმობა.
_ მიწების უკანონოდ გასხვისება საკამათო თემაა, რადგან კანონი აქ ცალსახაა _ თუ სირაძემ უკანონოდ გასცა, რატომ მოახდინა მისი რეგისტრაცია რეესტრმა? იქნებ, სირაძეს შეცდომა მოუვიდა? რეესტრს აქვს ყველაზე დიდ ბაზა, ყველაზე ბევრი მონაცემი და მას აქვს უფლება, არ დაარეგისტრიროს მიწა. ოზურგეთში ძალიან ბევრი შემთხვევა იყო ისეთი, როცა რეესტრმა უარი თქვა მიწის რეგისტრაციაზე, რადგან გარკვეულ საკითხებში ეჭვი შეიტანა. ჩოხატაურის რეესტრს რატომ ერთხელაც არ გაუჩნდა ეჭვი და რატომ ერთხელაც არ გადაამოწმა, თუ სად და რას არეგისტრირებდა? _ თქვა განსასჯელის ადვოკატმა.
სასამართლოზე "ყოვლისშემძლე და ყოვლისმცოდნე ღმერთის წინაშე დაფიცება" სიმართლის სათქმელად მხოლოდ ლეგალიზაციის კომისიის წევრებს მოუხდათ, რადგან მათი დაკითხვის შემდეგ, პროცესი 15 თებერვლამდე გადაიდო. დაბარებული მოწმეებისთვის, რომლებსაც რამდენიმე საათი დერეფანში ელოდებოდნენ გამოძახებას, სასამართლოს არ მოუსმენია.
როგორც კომისიის წევრების ჩვენებებმა აჩვენა, ისინი გადაწყვეტილების მიღების შემდეგ არ ინტერესდებოდნენ, თუ რა  იწერებოდა ოქმში. ყველა მათგანმა აღნიშნა, რომ კომისიაზე ბახმაროს მიწების საკითხი არ განუხილავთ და მათთვის უცნობი იყო, როგორ გაიცა სახელმწიფო სატყეო ზოლში ათობით ნაკვეთის ფლობის დამადასტურებელი მოწმობა.
ამ პროცესმა ბევრი უპასუხო კითხვა გააჩინა. საქმის მასალებიდან გამომდინარე, იკვეთება, რომ შოთა სირაძე იჯდა და როგორც ერთმა მოწმემ აღნიშნა, "დილიხორს ისწორებდა".
_ ალოგიკურია ეს ყველაფერი. გამოდის, რომ სირაძე იჯდა და საბუთებზე ბეჭედს ტყუილად ურტყამდა? რა, "დილიხორს ისწორებდა"?! შოთა არ არის უჭკუო ადამიანი და მან ძალიან კარგად იცოდა, რასაც აკეთებდა. მხოლოდ სულელი იზამდა იმას, რაც საქმეში წერია. როგორც ჩანს, მან ძალიან ბევრი რამ იცის და ამიტომაც "კერავენ" საქმეს. ამდენ ადამიანს თანამდებობები დაგვატოვებინეს, ყოველგვარი შემოსავლის გარეშე დაგვტოვეს და ახლა გვეუბნებიან შოთამ თანამდებობას გადაამეტა მხოლოდ და ეგ არაფერიაო, _ აღნიშნა ჩვენთან საუბრისას ერთ-ერთმა ყოფილმა ჩინოსანმა.
არც ერთი მოწმე არ მალავს, რომ გამოძიების შედეგები მოულოდნელი იყო. მით უმეტეს იმ ფონზე, როცა ათობით ადამიანმა სწორედ რომ უკანონოდ დარეგისტირებული მიწების გამო დატოვა თანამდებობა:
_ მე, რაც მითხრეს, ის გავაკეთე _ ბანკში ფული უნდა გადამეხადა და მხოლოდ მას შემდეგ მივიღებდი მოწმობას. ასეც მოვიქეცი და მეუბნებიან, რომ დამნაშავე ვარ. ის მაინც მითხრან, რა დავაშავე? ყველაფერი ოფიციალურად გავაკეთე, ფულიც გადავიხადე და შედეგი ის მივიღე, რომ სამსახური აღარ მაქვს, ვიღაცას  ჰგონია, უკანონობა ჩავიდინე და ქონება ჩამაბარებინეს, _ გვითხრა კიდევ ერთმა მოწმემ.
ერთ-ერთი ყოფილი ჩინოსნიდან კი გავარკვიეთ, რომ მიწა და ზედ დამაგრებული ქონება მხოლოდ იმისთვის ჩააბარა, რომ სამსახურს დაჰპირდნენ:
_ როცა ეს ამბავი გახმაურდა, მითხრეს, მიწა ჩააბარე, ხომ იცი, გაწინაურებენ და საქმე არ გაიფუჭოო. მთელი ცხოვრება სამართალდამცავ სისტემაში ვმუშაობდი, მრავალი უძილო ღამე გამიტარებია, მრავალი ტყვიისთვის შემიშვერია მკერდი და არ მეგონა, ასე ერთი ხელის მოსმით თუ გამწირავდნენ, _ წყენა ვერ დამალა მან.
"უმიზეზო მიზეზით" სახლში გაშვებული ადამიანები იმედოვნებენ, რომ მათ სამსახურებში დააბრუნებენ. მით უმეტეს, იმ ფონზე, რომ ჩვენი წყაროს თქმით, შოთა სირაძესთან საპროცესო გარიგება გაფორმდება. ოღონდ მანამდე ერთი ფორმალობაა მოსაგვარებელი _ სირაძე უნდა ჩაბარდეს. როგორც გავიგეთ, რამდენიმე დღეში ასეც მოხდება და საკრებულოს ყოფილი წევრი დუმილის სანაცვლოდ თავისუფლებას მიიღებს, ხოლო მის თავისუფლებაზე უშუალოდ ის ადამიანები იზრუნებენ, რომლებიც მას ამდენი ხნის განმავლობაში ზურგს უმაგრებდნენ და ვის უშუალო ინტერესებშიც შედის სირაძის დუმილი. სავარაუდოდ, სამსახურში აღადგენენ შოთა სირაძის მეუღლეს, მაია პაიჭაძესაც, რომელსაც, ჩოხატაურელების თქმით, "კომუნისტური რეჟიმი" შეეხო და ქმრის დანაშაულის გამო აგებინეს პასუხი, იმ დანაშაულის, რომელიც, თურმე, როგორც სასამართლოზე გაირკვა, არც ისე დიდია და რომლის გამოც, სახელმწიფოს 132 ნაჩუქარი მიწის ნაკვეთი აქვს ზედ დამაგრებული ქონებით. ამ ნაკვეთების და სახლების ფასი რამდენიმე ასეული ათასი დოლარია და მას, ჩვენი წყაროს ინფორმაციით, მალე გამოუჩნდება ფულიანი პატრონი, ჩვენს ქვეყანაში "ინვესტორს" რომ ეძახიან.




 ახალი ამბები
  • მეოთხე წამლობა თხილის გადასარჩენად (R)უკვე დაიწყეს ფერმერებმა რიგით მეოთხე წამლობა და თხილის შესაწამლი სამუშაოებისთვის ბაღებში გავიდნენ. მესამე წამლობიდან 10-15 დღის შემდეგ პერიოდში ფერმერები მეოთხე შეწამვლის სამუშაოებს ატარებენ.  ეს წამლობა მავნებლებსა და სოკოვან დაავადებებზე ტარდება. ჰექტარზე გათვალისწინებულ 800 ლიტრ სამუშაო ხსნარში საჭიროა 300-300 მილიგრამი შესაწამლი პრეპარატების გახსნა. ამ შემთხვევაში რეკომენდებულია ლამბდაციჰალოტრინისა და პენკონაზოლის მოქმედი ნივთიერების პრეპარატების გაზავება სამუშაო ხსნარში.  ზაფხულის სეზონიდან გამომდინარე, მნიშვნელოვანია ზუსტად დავიცვათ ტემპერატურის რეჟიმი. შეწამვლა ან დილას, ნამის შეშრობის შემდეგ ან საღამოს მაშინ უნდა ჩატარდეს, როდესაც ტემპერატურა 28 გრადუსს ჩამოსცდება.  თხილის მწარმოებელთ ასოციაციაში აგრონომ კონსულტანტები მზად არიან მისცენ რეკომენდაცია და უპასუხონ ფერმერების ყველა შეკითხვას. ვინაიდან ასოციაციისა და ფერმერების ერთობლივი შრომის შედეგად უნდა მივიდეთ იმ მთავარ მიზნამდე - რასაც მაღალი ხარისხის თხილი სმოსავლის მიღება ჰქვია.  თხილის გადარჩენის პროექტის ფარგლებში 15 000 მდე ფერმერია გაწევრიანებული. მათ დაურიგდათ თხილის შესაწამლი აპარატები და სეზონის განმავლობაში 7 გეგმიური შეწამვლის ფარგლებში ასოციაციის მხრიდან მათ შეუძლიათ ნებისმიერი საჭირო ინფორმაცია მიიღონ. ... ...
  • გია ვოლსკი: უნდა ვიფიქროთ და არ დავასხათ წყალი რუსეთის წისქვილზე"უნდა ვიფიქროთ და არ დავასხათ წყალი იმ წისქვილზე, რომელიც რუსეთმა ააშენა გონივრულად.– ამის შესახებ პარლამენტის ვიცესპიკერმა, გია ვოლსკიმ პარლამენტში დღეს განვითარებულ მოვლენებზე საუბრისას განაცხადა. გია ვოლსკის განმარტებით, ამ ფაქტზე მეტი დაფიქრება და ანალიზია საჭირო. „პირდაპირ ვიტყვი, ეს იყო პროვოკაცია, მაგრამ როგორ მოხდა, ამასთან დაკავშირებით მეტი დაფიქრება და ანალიზი გვმართებს, ვიდრე ბრტყელ-ბრტყელი განცხადებები. საზოგადოების დიდი თუ პატარა ნაწილი აღშფოთებულია, ამას არ აქვს მნიშვნელობა. არის მეორე ნაწილი, რომელიც ხელისუფლებას არ ადანაშაულებს, ვიღაც აქციას მართავს, მაგრამ ეს არ არის აუცილებლად იმის ინდიკატორი, რომ მართლაც ხელისუფლება გამოვიყვანოთ დამნაშავედ და რუსეთის წისქვილზე დავასხათ უფრო მეტი წყალი“, – განაცხადა გია ვოლსკიმ. დღეს პარლამენტის სპიკერისთვის განკუთვნილი ადგილიდან, დელეგატებს ასამბლეის პრეზიდენტმა, რუსეთის დუმის კომუნისტური პარტიის წევრმა სერგეი გავრილოვმა მიმართა და "ქართული ოცნების" წევრ ზაქარია ქუცნაშვილს მოწვევისთვის მადლობა ... ...
  • მრცხვენია, ჩემი შვილის სურათს რომ შევხედო დღეს _ ოთხოზორიას დედაჩემი შვილის სურათს რომ შევხედო დღეს, იმისი მრცხვენია, - ასე ეხმაურება გიგა ოთხოზორიას დედა პარლამენტში ოკუპანტი ქვეყნის დეპუტატის სერგეი გავრილოვის ყოფნას და თავმჯდომარის ტრიბუნის დათმობას. "ჩვენი შვილების მკვლელების, ასეთი პატივისცემით მიღებით, სახელმწიფოს დაცვით გამოხატვით, შემდეგ ყველანაირად მათი უზრუნველყოფით დაკავებული მთავრობის, მე, მაგალითად, თუ მკითხავთ, არავის არ უნდა სჯეროდეს ამ ადამიანების. ყველაფერი როგორ შეიძლება, ფეხქვეშ გავთელოთ, უარი ვთქვათ იმ ბიჭების სახელის მოხსენებაზე, რომელებმაც თავიანთი საკუთარი სიცოცხლე გაწირეს სამშობლოს დასაცავად. უანგაროდ იბრძოდნენ ჩვენი ბიჭები. ჩემი შვილის სურათს რომ შევხედო დღეს, იმისი მრცხვენია, ასე იქნება, ალბათ, ყველა შვილ-მკვდარი დედა, რომლის შვილები სამშობლოს დასაცავად იბრძოდნენ. ჩვენმა მთავრობამ ის ბოლო ტოტი ჩამოჭრა, რომელ ტოტზეც იყვნენ ისინი ჩაბღაუჭებულები,“ - განაცხადა ოთხოზორიას ... ...
  • ზაქრო, იდიოტი მეგონე, მაგრამ ყოფილხარ პროვოკატორი და მოღალატე - ვასაძე ქუცნაშვილზეზაქრო, სულ იდიოტი მეგონე, მაგრამ ყოფილხარ პროვოკატორი და მოღალატე, – ეს განცხადება  საპარლამენტო უმრავლესობის წევრის  ზაქარია ქუცნაშვილის მისამართით ბიზნესმენმა  ლევან ვასაძემ გააკეთა „ზაქრო, სულ იდიოტი მეგონე, მაგრამ ყოფილხარ პროვოკატორი და მოღალატე. ბოდიში არ არის საკმარისი, ძმაო. წადი, წყალში გადავარდი ან გადადექი მაინც ... ...
  • „გადავცეთ ექსპონანტად ოკუპაციის მუზეუმს“_პოლიტოლოგი პარლამენტის თავმჯდომარის სკამზეპარლამენტის თავმჯდომარის სკამი, რომელზეც დღეს რუსი დეპუტატი  გავრილოვი იჯდა, მოგვიანებით   დარბაზიდან სკამი დარბაზიდან გამოიტანეს, შემდეგ კი სკამზე „რუსეთი ოკუპანტია“ წარწერები გააკეთეს. როგორც პოლიტოლოგმა სოსო ცინცაძემ „გურია ნიუსთან“ საუბრისას აღნიშნა, კარგი გამოსავალი იქნება თუ იმ სკამში პარლამენტის თავმჯდომარე აღარ ჩაჯდება და სკამს ექსპონანტად ოკუპაციის მუზეუმს გადასცემენ. „კარგი გამოსავალი იქნება, რომ ამ სავარძელში აღარ ჩაჯდეს პარლამენტის თავმჯდომარე და გადავცეთ ექსპონანტად ოკუპაციის მუზეუმს. წარწერით, რომ 2019 წლის 20 ივნისს ამ სავარძელში თავს მშვენივრად გრძნობდა რუსეთის დუმის დეპუტატი, რომელმაც ხმა მისცა ოსეთისა და აფხაზეთის ე.წ. დამოუკიდებლობას და რომელიც მონაწილეობდა საქართველოს წინააღმდეგ ომში“,_თქვა ... ...

არქივი

ზაფრანი

ეს დიეტა 99% - იან შედეგს იძლევა

ამ დიეტის დროს ერთ კვირაში...

ჩინური მედიცინის რჩევები

ძველი ჩინური მედიცინის მეცნიერულ შესწავლას,...

იაპონური სილამაზის საიდუმლო

გაიკეთეთ სახის და ტანის ნიღაბი,...

5 აკრძალული საკვები

იდეალური ფიგურა და ბრტყელი მუცელი...

10 პროდუქტი დაღლილობის წინააღმდეგ

შვრია _ შვრია შეიცავს მაგნიუმს,...

როგორ ვებრძოლოთ ღამით ჭამას

ეგრეთ წოდებული, "ღამის დიეტის" ავტორი...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...