დაპირებებიდან რეალობამდე

მთავარი თემა

დაპირებებიდან რეალობამდე

2012 სექ 7 08:21:27
ნამდვილი ჩოხატაურელი უფლებით, ისაუბროს დიდი ტრიბუნიდან ჩოხატაურის სახელით. ეს არის ადამიანი, რომელიც კაბინეტს არ გაცვლის ჩოხატაურის სინამდვილეში და იდგება მუდამ თქვენს გვერდით! _ ასე წარუდგინა ჩოხატაურელებს 2008 წელს, მაშინდელმა გუბერნატორმა რამაზ ნიკოლაიშვილმა "ნაციონალური მოძრაობის" მაჟორიტარობის კანდიდატი კორნელ კუკულავა.

"ძვირფასო ჩოხატაურელებო! გზა, რომელიც თქვენთან ერთად გავიარე და უნდა გავიარო, ჩემი ადამიანური ზრდის გზაცაა და მეამაყება, რომ ერთად ვიყავით და ვართ.... ბედნიერი ვარ, რომ ჩემი ცხოვრების ყველაზე საპასუხისმგებლო წუთებში , თანადგომა გამომიცხადეთ, ფეხზე წამომიდექით და თქვენს წიაღში გაზრდილ შვილს, ძალა, გამარჯვების იმედი შემმატეთ.

სამართლიანობისა და კაცთმოყვარეობის გრძნობით შემუშავდა ის სამოქმედო გეგმა, რომელმაც ჩემს პატარა რაიონს ხვალის პერსპექტივა უნდა დაუსახოს და დაანახოს ხელშეწყობა: დასაქმების პროგრამის; სოფლის მეურნეობის აღორძინების; სოციალური ფონის გაუმჯობესების; იაფი კრედიტების მოზიდვის; სასოფლო-სამეურნეო საწარმოების შექმნის; ტურიზმის და საკურორტო სფეროს განვითარების; გზების, ხიდების შენების, ინფრასტრუქტურის გაუმჯობესების; გაზიფიცირების დასრულების და ხალხის სასარგებლოდ სხვა უამრავი საჭირბოროტო საკითხის გადაწყვეტაში. ვგრძნობ, რომ ძალიან მძიმე ჭვირთია, თუმცა საპატიო.

ჩემო ამომრჩეველო! ძალიან მინდა ეს გზა შენთან ერთად გავიარო და ჩემი წილი ჯვრის ზიდვის ოპტიმიზმი არასოდეს დავკარგო. ილიასი არ იყოს, მინდა "სავსე კაცი" ვიყო ჩემი ქვეყნისა, ჩემი რაიონისა; განათლებული, ჯანმრთელი, ღირსეული ტრადიციების ერთგული, კულტურული, ღვთისმოსავი ჩოხატაურელებისთვის ვიღვაწო და კეთილი ვიმოქმედო," _ ამბობდა კუკულავა.

მას შემდეგ 4 წელმა განვლო. 4 წელია, რაც ჩოხატაურის "ძალიან მძიმე ჭვირთს" საქართველოს პარლამენტში საპატიო ნიშნით და ღირსების ორდენებით დაჯილდოებული კორნელ კუკულავა ატარებს, რომელზეც თავის დროზე დიდ იმედებს ამყარებდნენ.

"ბატონ კორნელის ამომრჩევლები დარწმუნებულნი ვართ, რომ თუ ვინმე ქვეგამხედვარნი ქართული გენის ამოძირკვას, ქართული ერის გაუქმებას შეეცდება, თავის სათქმელს ხმამაღლა იტყვის. თუ ვინმე ჩვენი წმინდა სალოცავებისაკენ შეურაცხმყოფელი მუმლით დაიძვრება ღვთისა და კაცის სახელით ქრისტეს რჯულს მუმლს მოუგერიებს, თუ ვინმე ხელმოცარული მთაწმინდაზე პოეზიის დედოფალს ანას და მეფეს გალაკტიონს მეფურ ძილს დაუფრთხობს, აბჯარს აისხამს და მის წინააღმდეგ გაიბრძოლებს. და თუ ქვეყანას ციხე-გალავანი დაურჩება ასაშენებელი, იგი უსათუოდ კირითხუროდ მოევლინება მას, თუ ხალხი რწმენადაკარგული აღმოჩნდება ეკლესია მონასტრების აგებაში შეაშველებს ხელს, თუ მოყვასს ფეხშიშველს დაინახავს მისთვის წაღების აგვირისტებას არ ითაკილებს, თუ თავშიშველს ვინმეს დაინახავს, ნაბდის ქუდი რომ თელოს არც ამაზე იტყვის უარს.

ამიტომაც გვჯერა იმედების არგაცრუების, გვეიმედება, რომ იგი ჩოხატაურელების ღირსეული წარმომადგენელი იქნება საქართველოს პარლამენტში და აქტიურად იღვაწებს კანონშემოქმედებით საქმიანობაში და უპირველეს მოვალეობად გაიხდის მას," _ ასე ხმამაღალი და მხატვრული ფრაზებით ეიმედებოდათ და სწამდათ მშობლიურ ხიდისთაველებს კორნელ კუკულავასი, თუმცა, დღეს ამბობენ, რომ იმედები გაუცრუვდათ.

ანა კალანდაძის და ნოდარ დუმბაძის სოფელს დღეს გზა არ უვარგა. უფრო მეტიც, ნოდარ დუმბაძის სახლთან მისასვლელი გზა იმდენად ავარიულია, რომ ცნობილი ხელოვანის, რამინ მიქაბერიძის თქმის არ იყოს, სტუმრის მიყვანა სირცხვილია.

ამავე სოფელში რამდენიმე წელია უწყლობას უშედეგოდ ებრძვიან (არც სხვა სოფლებია უკეთეს მდგომარეობაში). აღარაფერს ვამბობთ, ათობით დაუსაქმებელ ადამიანზე, რომლებსაც 4 წლის წინ, როგორც ამბობენ, მართლა ჰქონდათ სამუშაოს შოვნის იმედი.

4 წლის წინ, მმართველი გუნდის დეპუტატობის კანდიდატს აგრარული სექტორის განვითარება რეგიონის მთავარ პრიორიტეტად მიაჩნია და ამბობდა, რომ თუ "ამ სფეროში ყველაფერი მოგვარდება, არც სამუშაო ადგილების ძებნა დაგვჭირდება და არც სოციალურად დაუცველი ფენა გვეყოლება".

არადა, სტატისტიკური მონაცემებით, რომელიც სოციალური მომსახურების სააგენტოს ვებ-გვერდზეა გამოქვეყნებული, ჩოხატაურში, 2008 წელს სოციალურ დახმარებას 899 ოჯახი იღებდა (2181 სული), ხოლო 2012 წელს _ 1468 ოჯახია რეგისტრირებული (4590 სული)!

პარლამენტის ოფიციალურ ვებ-გვერდზე კი, დღესაც გამოქვეყნებულია კორნელ კუკულავას 4-წლიანი ხედვა: "მთელი სიმწვავით ვგრძნობ, თუ როგორ უჭირს მოსახლეობის დიდ ნაწილს, ჯერ კიდევ ძალიან ბევრია უმუშევარი, რომლებსაც ჰაერივით სჭირდება სამსახური, სტაბილური შემოსავალი. სწორედ ამიტომ, ჩვენი პროგრამის მიზანია დავეხმაროთ ადამიანებს ახალი სამუშაო ადგილების შექმნაში, რაც მნიშვნელოვანი ეკონომიკური პროექტების განხორციელებას ითვალისწინებს. განსაკუთრებული ყურადღება მიექცევა ადამიანთა დასაქმებას, მათი ფინანსური შემოსავლების ზრდას, ღირსეული ცხოვრების პირობების შექმნას. ხალხთან ურთიერთობის გაფართოებას, ხშირ შეხვედრებს არსებული პრობლემების ანალიზსა და დახმარებას, მათ ჩართვას ქვეყნის მართვასა და გადაწყვეტილებების მიღებაში. ინფრასტრუქტურის გაუმჯობესებას: დაბისა და სოფლების მაქსიმალურ გაზიფიცირებას, გზების ასფალტირებას, მდინარე სუფსაზე ზომლეთის ხიდის რეაბილიტაციას, ასევე სხვადასხვა სოფლებში და დაბაში წყალმომარაგების ეტაპობრივი აღდგენა და დაბის კანალიზაციის მოწყობა. სოციალური პროგრამების გაუმჯობესებაზე ხელშეწყობა: პენსიის გაზრდა, ფინანსური დახმარება ახლშობილებზე, მრავალშვილიანებზე, ომში დაღუპულთა ოჯახებზე, ომის ვეტერანებზე, ას წელზე უხნეს ადამიანებზე, ბავშვების უფასო სამედიცინო დახმარება და სხვა. სოფლის მეურნეობის გაუმჯობესებაზე ხელშეწყობა: საინფორმაციო საკონსულტაციო მომსახურების გაუმჯობესება, გადამამუშავებელი მრეწველობის ობიექტის ამოქმედება, აგროტექსერვისის გაუმჯობესება, ამხანაგობებისა და სასოფლო სამეურნეო კოოპერატივების ჩამოყალიბება, სანერგეების მოწყობა, მაღალმოსავლიანი ჯიშის თესლისა და სანერგე მასალის შემოტანა, მცენარეთა და ცხოველთა დაავადებებისაგან დაცვა. სკოლების მშენებლობა და კაპიტალური რემონტი, მათი მატერიალურ-ტექნიკური ბაზის განმტკიცება. სამედიცინო მომსახურების გაუმჯობესება, სოფლებში ამბულატორიების მოწყობა, ძირითად თემებში ბიბლიოთეკების გახსნა, სპორტული ბაზების მშენებლობა, ტურიზმისა და ნაბეღლავი-ბახმაროს კურორტების განვითარება, კულტურული მემკვიდრეობების, ხელოვნების ნიმუშების, ისტორიული ადგილების, მუზეუმების, ეკლესია მონასტრების რესტავრაცია და მშენებლობების ხელშეწყობა, საქართველოს ტერიტორიული მთლიანობის შენარჩუნებისთვის ზრუნვა, კორუფციის წინააღმდეგ ბრძოლა, დემოკრატიული პრინციპების დამკვიდრებაზე ზრუნვა და მედიასთან თანამიმდევრული ურთიერთობების ჩამოყალიბება..."

მართლაც შთამბეჭდავი ჩამონათვალია. განსაკუთრებით აღნიშვნის ღირსია განვითარებული აგრარული სექტორი, დასაქმებული მოსახლეობა და მედიასთან თანმიმდევრული ურთიერთობების ჩამოყალიბება. მედიასთან, რომელსაც ადმინისტრაციულ შენობაში თავისუფლად გადაადგილება შეუზღუდეს და ამაზე კომენტარის გაკეთებაც კი არ ისურვა დეპუტატმა. ხოლო მოგვიანებით, ამ სტატიის ავტორს, მისი ოჯახის წევრების "ქართული ოცნების" აქციაზე ყოფნის გამო, საყვედური უთხრა და კომპრომატების გამოქვეყნებითაც დაემუქრა.

საქართველოს პარლამენტის რეგლამენტის მე-13-ე მუხლი ავალდებულებს პარლამენტის წევრს (მიუხედავად მისი არჩევის ფორმისა) 6 თვეში ერთხელ მაინც წარსდგეს ამომრჩევლის წინაშე და მიაწოდოს ინფორმაცია მისი და პარლამენტის საქმიანობის შესახებ. პარლამენტარის ოფიციალურ ვებ გვერდზე ჰტტპ://ცჰოკჰატაური.მაჯორიტარიან.გე/ინდეხ.პჰპ) კუკულავას ამომრჩეველთან ურთიერთობის ან მისი პარლამენტში საქმიანობის შესახებ არანაირი ინფორმაცია არ დევს.

"გურია ნიუსი" ჯერ კიდევ გასულ წელს დაინტერესდა კუკულავას საქმიანობით და იმით, ასრულებს თუ არა დეპუტატი პარლამენტის რეგლამენტს, თუმცა, მაშინ დეპუტატის ბიუროს ერთ-ერთმა სპეციალისტმა სვეტა ოგანესიანმა, მიუხედავად მრავალგზის თხოვნისა, ვერ წარმოგვიდგინა კუკულავას ამომრჩევლებთან შეხვედრის ვერც ვიდეო და ვერც ფოტო მასალა. 4 წლის განმავლობაში, არც დეპუტატს და არც მის ბიუროს "გურია ნიუსისთვის" არ უცნობებია მოქალაქეებთან შეხვედრის არც ერთი ფაქტის შესახებ.

ჩვენ ამჯერადაც შევეცადეთ შეკითხვებზე პასუხი კუკულავასგან ტელეფონით მაინც მიგვეღო, თუმცა, მან ჩვენს სატელეფონო ზარებს არ უპასუხა.

დეპუტატისგან პასუხების მიღება სხვა ხერხით ვცადეთ _ პარლამენტის ვებ-გვერდზე, ფორმალურად, დეპუტატისთვის კითხვის დასმაც არის შესაძლებელი. ამიტომაც, კუკულავას შეკითხვები მეილზე გავუგზავნეთ. ვკითხეთ რა დაპირებები შეუსრულა ჩოხატაურელებს 4 წლის განმავლობაში; გვაინტერესებდა "რა მუმლი მოუგერია", რა "წაღები აუგვირისტა" და რა "ნაბდის ქუდი მოუთელა".... მაგრამ კუკულავამ პასუხის გაცემა არც ელექტრონული ფოსტის საშუალებით ისურვა.

ამიტომ, თავად შევეცადეთ გაგვერკვია, თუ ვის "ნაბდის ქუდს თელავდა" კუკულავა საპარლამენტო 4 წლის განმავლობაში და მის ფინანსურ დეკლარაციას გადავხედეთ.

არჩევნების დროს, 2010 წელს დეპუტატი შემდეგ ქონებას ფლობდა: საცხოვრებელი სახლი ჩოხატაურში, 9 აპრილის #1, ფართობი _ 330.0 კვ.მ; სასოფლო-სამეურნეო საკარმიდამო ჩოხატაურში, 9 აპრილის #1, ფართობი _ 1455.0 კვ.მ; სასოფლო-სამეურნეო მიწა დაბა ჩოხატაურში, ფართობი _ 2200.0 კვ.მ; აგარაკი ბახმაროში, მშენებლობის #35, ფართობი _ 35.0 კვ.მ; არასასოფლო-სამეურნეო მიწა ბახმაროში, მშენებლობის #35, ფართობი _ 35.0 კვ.მ; არასასოფლო-სამეურნეო მიწა ბახმაროში, გურიის # 87ა, ფართობი _ 100.0 კვ.მ; შენობა ჩოხატაურში, დუმბაძის # 70, ფართობი _ 41.0 კვ.მ; არასასოფლო-სამეურნეო მიწა ჩოხატაურში, დუმბაძის # 70, ფართობი _ 41.0 კვ.მ

თუ 2010 წლის დეკლარაციაში კუკულავას მხოლოდ ერთი აგარაკი ჰქონდა მითითებული, 2011 წელს დეკლარაციაში ჩნდება კიდევ ერთი აგარაკი კურორტ ბახმაროში, გურიის ქუჩა #63-ში.

2010 წელს, კუკულავების ოჯახის წევრების საკუთრებაში 10 000 ლარზე მეტი ღირებულების ქონება არ ირიცხებოდა. 2011 წელს კი, დეკლარაციის ამ გრაფაში მითითებულია, რომ დეპუტატის უმუშევარ შვილს, თამარ კუკულავას ავტომობილი ჰყავს _ 2009 წელში გამოშვებული "ტოიოტა კოროლა". მართალია, ამ ავტომანქანის საბაზრო ღირებულება დეკლარაციაში მითითებული არ არის, თუმცა, დოკუმენტი მოწმობს, რომ ის 10000 ლარზე მეტი ღირს.

კორნელ კუკულავას, როგორც დეპუტატის წლიურმა შემოსავალმა 2010 წელს წელს 49 172 ლარი და 49 თეთრი შეადგინა. 2011 წელს _ 46 401 ლარი და 23 თეთრი. 2012 წელს ჩოხატაურის მაჟორიტარი დეპუტატის წლიური შემოსავალი 49 206 ლარი 88 თეთრია.

2012 წლის დეკლარაციიდან ირკვევა, რომ კორნელი კუკულავას ოჯახში დასაქმებული ადამიანი ემატება. მისი შვილი, სსიპ ინტელექტუალური საკუთრების ეროვნული ცენტრი "საქპატენტი" საფინანსო დეპარტამენტის მთავარი სპეციალისტი გამხდარა და მისი წლიური შემოსავალი 19 243 ლარი და 75 თეთრია.

აღსანიშნავია ისიც, რომ ბოლო სამი წლის განმავლობაში კუკულავას ბანკიდან სესხი არ აუღია.




 ახალი ამბები
  • "ლაჩარი, არარაობა" - ეკა ბესელია ვანო ზარდიაშვილს პასუხობსეკა ბესელია ვანო ზარდიაშვილის მიერ ცოტა ხნის წინ გაკეთებულ იმ განცხადებას ეხმაურება, სადაც ოცნების დეპუტატი ამბობს, რომ ბესელია ე.წ. ვირთხაა, რომელსაც ნოდარ მელაძესთან "ოცნებიდან" ინფორმაცია გაჰქონდა. საპარლამენტო უმრავლესობის ყოფილმა წევრმა „ქართული ოცნების“ დეპუტატს ლაჩარი და არარაობა უწოდა. ბესელია ბიძინა ურჩევს, რომ თუ მას ვანო ზარდიაშვილის მსგავსი სპიკერები სჭირდება, მის მოთმინებას ნუ გამოცდის. „ოცნებიდან“ წასული დეპუტატი ამბობს, რომ მისი პირადი ცხოვრების კადრების გავრცელების საქმეზე მას ახლა უფრო მეტი კითხვა აქვს, ვიდრე აქამდე ... ...
  • "ზარდიაშვილმა, დღეს აღიარა ჩემი ფარული მიყურადების ფაქტი" - მელაძე "რუსთავი 2"-ის საინფორმაციო სამსახურის ხელმძღვანელი ნოდარ მელაძე, ვანო ზარდიაშვილის მიერ გავრცელებულ განცხადებას ბესელიაზე "ფეისბუქის" გვერდზე ეხმაურება. "დეპუტატ ვანო ზარდიაშვილის თქმით, ჩემი, "რუსთავი 2'-ის საინფორმაციო სამსახურის უფროსის წყარო იყო ეკა ბესელია, რომელიც ახდენდა ჩემს ინფორმირებას იმ სკანდალურ თემებთან დაკავშირებით, რომელიც "კურიერისთვის" მომზადდა, მათ შორის "ქართული ოცნების" დეპუტატების ბიზნესინტერესებსა და შესაძლო კორუფციულ გარიგებებზე. ამ ინტერვიუთი დგინდება. 1.ჩემი, როგორც საინფორმაციო სამსახურის უფროსის საქმიანობის გამო, მმართველი პარტია ახორციელებს, ჩემს უკანონო ფარულ მიყურადებას, იმის დასადგენად, თუ საიდან ხდება ინფორმაციის მოპოვება. 2. იმის გამო, რომ ჩემი სატელეფონო მოსმენების ან სხვა სახის ფარული მიყურადების შესახებ ვერ იქნებოდა გაცემული სასამართლოს სანქცია, იმიტომ, რომ არასდროს!!! ჩემი სახელი არ ფიგურირებდა არც ერთ სისხლის სამართლის საქმეში, ხდება უკანონო ფარული მიყურადება. 3. ფარული მოსმენას ახორციელებს სახელმწიფო უსაფრთხოების სამსახური, შესაბამისად, დგინდება, რომ სუს-ი მისმენს უკანონოდ და საუბრის შინაარსის შესახებ ხდება მმართველი პარტიის დეპუტატების ინფორმირება. მივმართავ არასამთავრობო ორგანიზაციებსა და სახალხო დამცველს, მოახდინონ შესაბამისი რეაგირება, დეპუტატის განცხადებაზე, რომელმაც დღეს, პრაქტიკულად, აღიარა "რუსთავი 2"-ის საინფორმაციო სამსახურის უფროსის ფარული მიყურადების ფაქტი. პ.ს. ანუ ეთერში 100% სიზუსტით ვყვებოდით ყველაფერს, რომ ამტკიცებდით იგონებთო", _ წერს ... ...
  • ევროსასამართლოს გადაწყვეტილების აღსრულება - პაატა სალია განმარტებებს აკეთებსსტრასბურგის სასამართლოს მიერ მიღებული გადაწყვეტილებასთან დაკავშირებით, განმარტებები გააკეთა „რუსთავი 2“-ის გენერალურმა დირექტორმა. სალიას განცხადებით,  იუსტიციის სახლს, არანაირი საფუძველი არ ჰქონია იმისათვის, რომ არ აღესრულებინა ევროსასამართლოს გადაწყვეტილება. სალია ამბობს, რომ განცხადებები, თითქოს იუსტიციის სამინისტროს სამი თვის ვადაში არ შეეძლო აღესრულებინა ევროსასამართლოს გადაწყვეტილება, სპეკულაციურია. "პირველ რიგში, შეგახსენებთ იმას, რომ სტრასბურგის სასამართლომ მიიღო გადაწყვეტილება, რომლითაც სამაუწყებლო კომპანია "რუსთავი 2"-ის სარჩელი და სამაუწყებლო კომპანია "რუსთავი 2"-ის იმდროინდელი რეგისტრირებული მესაკუთრეების, ყარამანიშვილების და ტელეკომპანია საქართველოს სარჩელები არ დაკმაყოფილდა. ცალკე აღნიშვნის ღირსია და ეს არის მნიშვნელოვანი დღევანდელი განმარტების, რომ "რუსთავი 2"-ის სარჩელი, რომელზე დაკავშირებითაც იქნა გამოყენებული უზრუნველყოფის ღონისძიება, შეგახსენებთ, ყველას, რომ ეს უზრუნველყოფის ღონისძიება გამოყენებულ იქნა იმ საფრთხის თავიდან ასაცილებლად, რის თაობაზეც ძალიან ბევრი სპეკულაცია მოვისმინეთ თავის დროზე და ეს საფრთხე იყო თითქოს არხი შეიძლება დახურულიყო და არსებობდა გამოხატვის თავისუფლების, სიტყვის თავისუფლების საფრთხე. სასამართლო გადაწყვეტილებით დადასტურდა და გამოირიცხა ამგვარი საფრთხის არსებობდა. მართალია, უპრეცენდენტო ღონისძიება იქნა გამოყენებული თავის დროზე სასამართლოს მიერ, ვგულისხმობ სტრასბურგის სასამართლოს, თუმცა, მოგეხსენებათ ალბათ, რომ დროებითი ღონისძიების გამოყენებისას მტკიცების სტანდარტი უფრო ნაკლებია, ვიდრე საქმის დასაშვებობის ან არსებითი განხილვისას. შესაბამისად, განიხილა რა, "რუსთავი 2"-ის სარჩელის დასაშვებობა სასამართლომ, მიიჩნია, რომ ეს სარჩელი არ არის დასაშვები. სასამართლომ ასევე, გადაწყვეტილებაში, სადაც შავით თეთრზე წერია, მიუთითა, რომ უნდა გაუქმდეს ის დროებითი ღონისძიება, რომელიც იყო ერთადერთი დამაბრკოლებელი გარემოება საქართველოში მიღებული გადაწყვეტილების დასარეგისტრირებლად და ქიბარ ხალვაშის ამ კომპანიის მესაკუთრედ აღრიცხვასთან დაკავშირებით. არსებობს ასევე, მიღებული წერილი იუსტიციის სამინისტროს მიერ, რომელიც მან გაასაჯაროვა, სადაც ცალსახად არის მითითებული, რომ ეს დროებითი ღონისძიება გაუქმდა. შესაბამისად, ყველანაირი სპეკულაცია ამასთან დაკავშირებით არის ყოველგვარ საფუძველს მოკლებული, ჩვენი მოქმედება პირველ რიგში, ქიბარ ხალვაშის და მისი წარმომადგენლის მოქმედება, წარგვედგინა უზენაესი სასამართლოს კანონიერ ძალაში შესული გადაწყვეტილება იუსტიციის სახლში, იყო აბსოლუტურად სწორი და კანონიერი. ვერცერთი ის პირი, ვინც დღეს კომენტარები გააკეთა, ვერ მიუთითებს იმაზე, რომ რომელიმე საკანონმდებლო ნორმის დარღვევა მოხდა ამ კუთხით. ამიტომ, ძალიან ვთხოვ ყველას, თავი შეიკავონ დაუსაბუთებელი განცხადებებისგან, თავი შეიკავონ ისეთი განცხადებებისგან, რომელმაც შეიძლება არხის ინტერესებს ზიანი მიაყენოს", _ განაცხადა პაატა ... ...
  • "ეკა ბესელია იყო მელაძესთან მიბმული ვირთხა, რომელსაც გაჰქონდა ინფორმაციები" _ ზარდიაშვილი"დასტურდება, რომ ეკა ბესელია იყო ნოდარ მელაძესთან მიბმული ე.წ. ვირთხა, რომელსაც გააქვს ხოლმე შიგნიდან ინფორმაციები", _ ამის შესახებ ოცნების დეპუტატმა ვანო ზარდიაშვილმა განაცხადა. ზარდიაშვილის თქმით, ბესელიას საბოლოოდ ჩამოეხსნა ნიღაბი. „ის ინფორმაციების გაჟონვა, რომელიც "ქართულ ოცნებაში" ხდებოდა ხოლმე უკვე დადგენილია. ჩემი აზრით, უკვე უდავოა ეს ფაქტი. ეს იყო ეკა ბესელია. მას ჰქონდა პირდაპირი კავშირი ნოდარ მელაძესთან, რომლის მეშვეობითაც ჟონავდა ხოლმე უმრავლესობის სხდომებიდან ინფორმაცია. ამის დამადასტურებლად მე გეტყვით ერთ ფაქტს. იმ ცნობილი უმრავლესობის სხდომიდან, სადაც ეკა ბესელიასთან მიმართებაში დაისვა კორუფციასთან მის სიახლოვესთან კითხვები, რატომღაც იმ უმრავლესობის სხდომაზე ამ ინფორმაციას არ გაუჟონია. მხოლოდ და მხოლოდ გამოვიდა ის ინფორმაცია, რომ ვითომ ირაკლი კობახიძემ მოუხადა ეკა ბესელიას ბოდიში. არადა იმ შეხვედრაზე ჩვენმა ერთ-ერთმა კოლეგამ ბესელიას, კორუფციულ საკითხებთან დაკავშირებით დაუსვა კითხვა. რატომღაც ამ ინფორმაციამ არ გაჟონა. შესაბამისად, არ აწყობდა ეკა ბესელიას ამ ინფორმაციის გაჟონვა და უკვე ნათელია, რომ აქამდეც ყველა ინფორმაცია უმრავლესობის სხდომიდან და მიმდინარე პროცესებიდან გაჰქონდა ეკა ბესელიას. ნოდარ მელაძის საშუალებით. "რუსთავი 2"-მა იცოდა შიდა მიმდინარე პროცესები და ყველაფერი ჟონავდა. დასტურდება, რომ ეკა ბესელია იყო ნოდარ მელაძესთან მიბმული ე.წ. ვირთხა, რომელსაც გააქვს ხოლმე შიგნიდან ინფორმაციები. საბოლოო ჯამში, ნიღაბი ჩამოეხსნა ამ ქალბატონს, რომელიც როგორც გუნდის შიგნით, ასევე გუნდის გარეთ მხოლოდ კორუფციული ინტერესებიდან მოქმედებს და მას სხვა ინტერესი არ გააჩნია. მან ქვეცნობიერად ვერც კი გაიგო, თავის პარტიის ფერად აირჩია დოლარის ფერი და ასე ეხვეწება თემიდას, რომ იქნებ ფული აშოვნინოს, მაგრამ ვერ მიიღებს ეკა ბესელია სასამართლოდან ფულის შოვნას. მისი სახე არის ნათელი“, _ განაცხადა ვანო ... ...
  • "მეტი სერიოზულობაა საჭირო, ვიდრე ასეთი სატყუარების გადაგდება" _ ბესელია შსს-ს ინფორმაციაზედეპუტატმა ეკა ბესელიამ შსს-ში ცოტა ხნის წინ გამართულ ბრიფინგზე გაჟღერებული ინფორმაციის შესახებ კომენტარი გააკეთა. ბესელიას თქმით, მეტი სერიოზულობაა საჭირო, ვიდრე ასეთი სატყუარების გადაგდება, სომხეთის ციხეში მყოფი ამ პატიმრის თაობაზე რამდენიმე თვეა, ვიცოდით „მგონი ცოტა მეტი სერიოზულობაა საჭირო, ვიდრე ასეთი სატყუარების გადაგდება, რადგან სომხეთის ციხეში მყოფი ამ პატიმრის თაობაზე რამდენიმე თვეა, ვიცოდით. მახსოვს, „რუსთავი 2“-ის ეთერში გავიდა ინტერვიუ სწორედ ამ პატიმართან, რომელიც ძალიან უცნაურ რაღაცებს ამბობდა. არ ვიმეორებ იმ ფრაზებს, რაც მაშინ თქვა, რასაც და ვისაც ასახელებდა. მაშინ ეს არავინ ჩათვალა სერიოზულად. ამ პატიმრის თაობაზე ცნობილია რამდენიმე თვეა, აქამდე მაშინ რატომ არ იყო მისთვის ბრალი წარდგენილი? როცა საგამოძიებო მასალებს გავეცანი, ვიკითხე, დაკითხული იყო თუ არა ეს პატიმარი, მითხრეს, რომ ელოდებოდნენ სომხეთიდან მასალებს, რომ ჩვენი გამომძიებელი არ შეუშვეს და მას არ მისცეს უფლება, დაეკითხათ ეს პატიმარი, რაც ასევე უცნაურია, რატომ არ მისცეს ამის უფლება საქართველოს მხრიდან გამომძიებელსა და პროკურორს. რამდენიმე დღის წინ კიდევ გადავამოწმე იყო თუ არა სომხეთიდან რაიმე ინფორმაცია ამ პატიმართან დაკავშირებით და პროკურატურამ მითხრა, რომ ეს პატიმარი ჩვენებას არ იძლეოდა. მთავარი კითხვა დავსვი, იყო თუ არა ეს პირველი წყარო, საიდანაც მოხდა ამ უკანონო ქმედების განხორციელება და მითხრეს, რომ ეს არ არის პირველი წყარო და რომ პირველწყაროს ვერ ადგენდნენ. ყველაფერი, რაც ჩამოვთვალე, ეს იძლევა საფუძველს, რომ ეს ინფორმაცია სერიოზულად მივიღოთ? მე ახალი არაფერი მომისმენია პირადად. ამ პატიმრის თაობაზე ვიცოდი. გამოძიებასთან მაქვს კითხვა, ამდენი თვის განმავლობაში ბრალი რატომ არ ჰქონდა წარდგენილი, თუ ადასტურებდა ეს ადამიანი, რომ მან უკანონოდ გაავრცელა“, – განაცხადა ეკა ბესელიამ. შეგახსენებთ, რომ შსს-მ გამოავლინა და პასუხისგებაში მისცა პირი, რომელმაც დეპუტატის პირადი ცხოვრების ამსახველი კადრები საჯარო სივრცეში პირველმა ატვირთა და გაავრცელა. შსს-ში აცხადებენ, რომ ვიდეოჩანაწერი 2019 წლის იანვრარში მკვლელობისთვის ამჟამადაც პატიმრობაში მყოფმა საქართველოს მოქალაქემ დ.ა.-მ ინტერნეტით გაავრცელა სომხეთის ... ...

არქივი

ზაფრანი

რა თანხას ითხოვენ ვარსკვლავები ავტოგრაფის სანაცვლოდ

ბრიტანულმა გამოცემამ "Daily Mail" ვარსკვლავების...

„დაწყევლილი” ნახატები

1) სვეტლანა ტელეცის - “წვიმის...

ანჯელინა ჯოლის ბრძოლა სიგამხდრესთან

ჟურნალ "ვოგის" ცნობით 44 წლის...

საუკეთესო საყვარლები ესპანელი მამაკაცები ყოფილან

სხვადასხვა ქვეყნის 15 ათასი ქალის...

ქალებს მამაკაცებში ინტელექტი და ცნობადობა იზიდავთ

ცოტა ხნის წინ რამდენიმე ევროპულმა...
კარმიდამო ჩემი

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...