რომელ გეგმაში შეაქვს ცვლილებები ალეკო მამეშვილს

მთავარი თემა

რომელ გეგმაში შეაქვს ცვლილებები ალეკო მამეშვილს

10 თებ. 2011, 22:11:51

პოლიტიკაში ადრეც იყო, თუმცა, დიდი ხნით არა _ არჩევანი არასამთავრობო ორგანიზაციაზე შეაჩერა და რამდენიმე წელი გურიის აგრობიზნესცენტრს ხელმძღვანელობდა. მამეშვილი არ აკონკრეტებს, რამ გადააწყვეტინა პოლიტიკაში დაბრუნება, მაგრამ ამბობს, რომ ეს მაღალი ხელფასის გამო არ გაუკეთებია. ოზურგეთის საკრებულოს თავმჯდომარე დღეს ჩვენი გაზეთის სტუმარია.
_ ბატონო ალეკო, გასული 8 თვის მუშაობას როგორ შეაჯამებდით და რა სარგებლობა მოუტანეთ თქვენს მუნიციპალიტეტს?
_ ჩემი საქმიანობის შედეგია: ყველა გადაწყვეტილებების მიღების დროს კანონის დაცვით მოქმედება; საქმიანობის გამჭვირვალობა; წარმომადგენლობითი ორგანოს ინსტიტუციონალური განვითარება; საზოგადოების ჩართულობის ზრდა; საზოგადოებრივი პრობლემების მაქსიმალური გათვალისწინება. ეს შედეგი იყო და იქნება შემდგომ პერიოდშიც.
_ თქვენი, ანუ ნაციონალური მოძრაობის დევიზი იყო: "გასაკეთებელი ჯერ კიდევ ბევრია". ამ ბევრიდან ცოტა, კონკრეტული რამ თუ გაქვთ გაკეთებული, გარდა იმისა, რაც ზევით ჩამოთვალეთ?
_ რაც გითხარით, ის არის ძირითადი მამართულებები, რასაც შედეგები თან ახლავს: საჯარო განხილვები; აიპ-ების საქმიანობის სრულყოფა და კონტროლი; მოსახლეობასთან შეხვედრები; მოსახლეობის ინტერესების გათვალისწინებით ბიუჯეტის შემუშავება; სიახლეების დანერგვა საბიუჯეტო სახსრების გამოყენებასთან დაკავშირებით. კონკრეტული შედეგები უკავშირდება ინფრასტრუქტურის განვითარებას; სოფლად პროექტების განხორციელებას.
_ თქვენი ოკეანის გაღმა ვიზიტის დროს, საკრებულოს თანამშრომლები, სამუშაო საათებში, რესტორანში მოქეიფენი დავაფიქსირეთ. საინტერესოა, ამ ამბის გაგების შემდეგ, რა მოიმოქმედეთ და რატომ არ ჩათვალეთ საჭიროდ, საზოგადოებისთვის ახსნა-განმარტება გაგეკეთებინათ?
_ ყველა საჯარო მოხელისათვის, ვრცელდება კანონი სამსახურეობრივი გადაცდომისთვის, რომელიც გამოყენებული იქნება სამართლიანად. ვმუშაობ თანამშრომლებთან, რომლებსაც გაცნობიერებული აქვთ საყვედურის მიზეზი და მინდა ვთქვა, რომ აპარატი სრულად მობილიზებულია აქტიური საქმიანობისთვის.
_ კითხვაზე არ მიპასუხეთ.
_ რაც შეეხება მაგ ფაქტს, ქეიფი და დროსტარება არ ყოფილა(?!), შესვენების დროს გადაცდა რესტორანში ყოფნა.
_ პირადად მე და ჩემმა ორმა თანამშრომელმა საკუთარი თვალებით დავინახეთ, როგორ ქეიფობდნენ საკრებულოს თანამშრომლები სამუშაო საათებში და უფრო მეტიც _ რამდენიმე მათგანი სიმთვრალისგან ფეხზე ძლივს იდგა.
_ საზოგადოება ინფორმირებულია იმ ბრძანებების შესახებ, რაც ჩემს მიერ იქნა მიღებული _ ეს ინფორმაცია ვებგვერდზე დევს. ხალხმა ნდობა გამოუცხადა საკრებულოს წევრებს, აპარატი მათი გამართული მუშაობისთვის არის შექმნილი.
_ ვებგვერდი ახსენეთ... ბოლო დროს ხელისუფლება ამბობს, რომ საჯარო ინფორმაცია ვებგვერდზე ქვეყნდება და იმასაც აღნიშნავს, რომ ამით ფინანსებს ზოგავს. ეს ეკონომია კი გვესმის, მაგრამ ისიც ვიცით, რომ გურიაში და მათ შორის, ოზურგეთში, ბევრს არ აქვს იმის ფუფუნება, კომპიუტერი და ინტერნეტი ჰქონდეს. შესაბამისად, თქვენი მუშაობის შესახებ საზოგადოება ამ გზით ვერ იქნება ინფორმირებული.
_ მგონი, უნდა იცოდეთ იმ ღონისძიებების შესახებ, რაც დაწყებული და დაგეგმილია: საჯარო განხილვები; საზოგადოებრივი დარბაზის შექმნა; გასვლითი შეხვედრების ჩატარება (ბიურო, საკრებულოს სხდომა); მოსახლეობასთან შეხვედრები. ახლა მზადდება საკრებულოს 2011 წლის საქმიანობის გეგმა, სადაც ერთ-ერთი ძირითადი მიმართულება საზოგადოების ინფორმირებულებაა.
_ საკრებულოს ბოლო სხდომებზე რიგითი  მოქალაქეები გესწრებოდათ? გასვლითი სხდომები და მოსახლეობასთან შეხვედრები არის იმის გარანტია, რომ საზოგადოება საკრებულოს გადაწყვეტილებების შესახებ სრულად იქნება ინფორმირებული?
_ სხდომებზე დასწრება და მოსახლეობის მოწვევა ერთი აქტივობაა. ამასთან ერთად, უნდა ჩატარდეს გასვლითი შეხვედრები; მნიშვნელოვანია საზოგადოებრივი ორგანიზაციების და მასმედიის ჩართულობა; მოქმედებს საჯარო ინფორმაციის გაცემის წესი, რაც წარმატებით სრულდება; საკრებულოს სხდომებს ესწრებიან მოქალაქეები, რომელთა თანდასწრებით გადის საკითხები დასამტკიცებლად. მინდა მეტად აქტიური გახდეს თანამშრომლობა საკრებულოსა და მოქალაქეებს შორის. დამერწმუნებით, რომ ყველა სხდომაზე, როცა საჯარო წარმოება იწყება, არის მოწოდება განხილვის პროცესებში ჩართვისკენ. დამიჯერეთ, საჯარო განხილვის პროცესი, ბიუროს სხდომა, მართლაც რეალური შეხვედრებია საზოგადოებრივი ინტერესების გათვალისწინებისთვის.
_ რა უნდა ალეკო მამეშვილს პოლიტიკაში გარდა იმისა, რომ საკმაოდ მაღალი ხელფასი აქვს?
_ არ იცნობთ ალეკო მამეშვილს, თან ძალიან! მე არც ხელფასისთვის მოვსულვარ და როცა წავალ, არც ის დამენანება. მინდა ვიყო იმ სასიკეთო პროცესების მონაწილე, რაც მუნიციპალიტეტში მიმდინარეობს, გამოვიყენებ ჩემს ცოდნა-გამოცდილებას მუნიციპალიტეტის განვითარებისთვის.
_ როგორც ვიცით, NGO-ში მუშაობისას კარგ პროექტებს წერდით. ახლა თუ მუშაობთ პროექტზე, რომელიც ოზურგეთელების სოციალურ ყოფის გაუმჯობესებისკენ იქნება მიმართული?
_ საკრებულო მუშაობს პროექტებზე: საგრანტო ფონდის გამოყენების წესი; სოციალური დახმარების გაცემის წესი; მუნიციპალიტეტის ეკონომიკური განვითარების გეგმის ცვლილებები. პრიორიტეტები გრძელდება ლიტვის, უკრაინის, პოლონეთის ხელისუფლების წარმომადგენლებთან.
_ წინა მოწვევის საკრებულოში, თითქმის ყოველ წელს კეთდებოდა ოზურგეთის განვითარების გეგმა. მერე ეს გეგმა იბეჭდებოდა ძალიან მაღალი ხარისხით... თქვენც ხომ არ აპირებთ განვითარების გეგმის პროექტის შემუშავებას და გამოცემას?
_ გეგმა შემუშავდა 2007 წელს და მეც მომიხდა სამუშაო ჯგუფში ყოფნა. წელს იგეგმება ცვლილებების შეტანა და ინფორმაციებით განახლება.
_ ხელახალი ბროშურა გამოიცემა?
_ ეს უფრო წიგნია. მთავარია, დასრულდეს პროცესი. რა ფორმით გამოიცემა, ამაზე ვიმსჯელებთ.
_ ეს კითხვა იმიტომ დაგისვით, რომ ამ გეგმის შემუშავებასა და გამოცემაზე საკმაოდ დიდი თანხა უშედეგოდ არის დახარჯული. ახლა, თქვენი ხელმძღვანელობით გამოცემული რითი იქნება განსაკუთრებული?
_ მას შემდეგ ბევრი რამ არის გაკეთებული. ახლა უნდა მოხდეს სიახლეების დამატება, საჭიროებების დაზუსტება. ვერ გეტყვით, რამდენი დაიხარჯა გამოცემაზე, მაგრამ მთავარი ამ დოკუმენტში უნდა იყოს მუნიციპალიტეტის მიმართულება ეკონომიკური განვითარებისკენ.
_ ბატონო ალეკო, საარჩევნოდ ძირითადი აქცენტი ხალხის დასაქმებაზე გაკეთდა. ფაქტების მიხედვით თუ ვიმსჯელებთ, სამუშაო ადგილები იმათ ერგოთ, ვინც არჩევნებში მმართველი პარტიის გამარჯვებისთვის თავი არ დაზოგა. თუმცა, ეს საზოგადოების ძალიან მცირე ნაწილია. როგორ აპირებთ ხალხის დასაქმებას?
_ ინფრასტრუქტურა სოციალური პრობლემები, დასაქმება _ ესაა საზოგადოების ძირითადი მოთხოვნა. ადგილობრივ პირობებში იგეგმება რამდენიმე პროექტის გახორციელება დასაქმების კუთხით.
_ იქნებ, დაგვიკონკრეტოთ?
_ ახლა მუშავდება.
_ გამოდის, რომ ჯერ კიდევ დაუმუშავებლად, იდეის დონეზე პირდებოდით ამომრჩეველს დასაქმებას.
_ ეს შეკითხვა ჩემს პასუხზეა? დაიწყება პროექტები და ცხადი გახდება. რაც შეეხება დაკონკრეტებას, დეტალური გეგმა თქვენი საშუალებით გაეცნობა საზოგადოებას.
_ ბატონო ალეკო, რატომ შექმნა უზარმაზარი პრობლემები რამდენიმე დღის წინ მოსულმა თოვლმა? წელს თოვლს არ ელოდებოდით?
_ მაქსიმალურად იქნა მობილიზებული და გამოყენებული ყველა რესურსი, ელექტროენერგიის მიწოდებაც რამდენიმე დღეში სრულად აღდგება.
_ ის, რაც 3 თებერვალს ოზურგეთში გააკეთეთ, ხელისუფლების შესაძლებლობის მაქსიმუმი იყო?
_ მაქსიმალურად იქნა მობილიზებული და გამოყენებული ყველა რესურსი. მე ვაფასებ ყველა ადამიანის შრომას, რომელიც სტიქიის წინააღმდეგ ღონისძიებებს ატარებდა.




 ახალი ამბები
  • რაგბის კავშირის ვიცე-პრეზიდენტს აღკვეთის ღონისძიების სახით პატიმრობა შეეფარდარაგბის კავშირის ვიცე-პრეზიდენტ მერაბ ბესელიას აღკვეთის ღონისძიების სახით პატიმრობა შეეფარდა. მორაგბე რამაზ ხარაზიშვილის დაჭრაში ბრალდებულ რაგბის კავშირის ვიცე-პრეზიდენტ მერაბ ბესელიას მიმართ აღკვეთის ღონისძიების შეფარდების თაობაზე საქალაქო სასამართლოს მოსამართლე ლელა კალიჩენკომ იმსჯელა. 16 სეტემბერს რაგბის კავშირის შენობაში „შვიდკაცას“ ყოფილი კაპიტანი დაჭრეს. დაჭრის ფაქტზე რაგბის კავშირის ვიცეპრეზიდენტი მერაბ ბესელია დააკავეს. რაგბის კავშირის შენობაში მომხდარ ინციდენტთან დაკავშირებით შსს-მ გამოძიება იარაღის მართლსაწინააღმდეგო შეძენა-შენახვა-ტარებისა და სხეულის განზრახ ნაკლებად მძიმე დაზიანების ... ...
  • ქედის მუნიციპალიტეტის რამდენიმე სოფელში მეწყერი ჩამოწვაქედის მუნიციპალიტეტის რამდენიმე სოფელში, ძლიერი წვიმის შედეგად, მეწყერი ჩამოწვა. მიწის მასა საცხოვრებელ სახლებთან ახლოსაც ჩამოწვა. ადიდებულმა მდინარემ დააზიანა სავარგულები და წყალი სახლებშიც შევიდა. ამ დროისთვის სტიქიურ ზონებში შესაბამისი ტექნიკაა მობილიზებული და აღდგენითი სამუშაოები მიმდინარეობს. ქედის მერის ინფორმაციით, სიტუაცია მართვადია და მოსახლეობის ევაკუაციის საჭიროება არ არის. მეწყრული პროცესებია დოლოგანში, ზუნდაგაში, ბზუბზუში, ცხემნაში, დაბა ქედასა და ... ...
  • ბოკერიამ ძალიან სამართლიანად უთხრა „ქოცებს“ - კანდელაკიროგორც გუშინ გიგამ ძალიან სამართლიანად უთხრა ქოცებს - ჩვენს შორის ომის დროს ვინც გარბოდა იმის დედა ვატირე - "ევროპული საქართველოს" წევრი, გიორგი კანდელაკი, გიგა ბოკერიას გუშინდელ მიმართავს ეხმაურება ქართული ოცნების დეპუტატის, მიხეილ ყაველაშვილის მიმართ. გიორგი კანდელაკის თქმით, აგვისტოს ომის დროს ის ბრიტანეთში , დიპლომატიურ მისიაზე იმყოფებოდა და უცხოურ გავლენიან ტელევიზიებში რუსულ პროპაგანდას ებრძოდა. კანდელაკმა აღნიშნა, რომ ომის დროს რეგულარული ფრენებით დაბრუნება საქართველოში შეუძლებელი იყო, ამრიგად ლიეტუვური სამხედრო სატრანსპორტო თვითმფრინავით დაბრუნდა თბილისში და იმავე დღეს ოკუპირებულ გორში უცხოელ ჟურნალისტებთან  წავიდა სამუშაოდ. კანდელაკმა აღნიშნა, რომ გიგა ბოკერიამ ძალიან სამართლიანად მიმართა ქართულ ოცნებას შემდეგი ფრაზით -" ჩვენს შორის ომის დროს ვინც გარბოდა იმის დედა ვატირე!" „ისე მოხდა რომ 2008 წლის ომის დროს ლონდონში ვიყავი. რადგან მაშინდელი ელჩი გელა ჩარკვიანი შვებულებაში იყო, ხან მისი მოადგილე და შემდგომში საქართველოს ყველაზე წარმატებული ელჩი გაერთიანებულ სამეფოში გიორგი ბადრიძე და ხან მე, როგორც პარლამენტის წევრი, სიენენზე, ბიბისიზე და ალ ჯაზირაზე ხშირად გამოვდიოდით და ვებრძოდით რუსულ პროპაგანდას. "რადგან რეგულარული ფრენებით საქართველოში დაბრუნება უკვე შეუძლებელი იყო წავედი ლიტვაში სადაც შაულიაის ნატოს საჰაერო ბაზიდან, ლიტვური სამხედრო სატრანსპორტო თვითმფრინავით „სპარტანი“ დავბრუნდი თბილისში 14 აგვისტოს და იმავე დღეს წავედი ოკუპირებულ გორში უცხოელ ჟურნალისტებთან სამუშაოდ. ჰოდა მართლაც, როგორც გუშინ გიგამ ძალიან სამართლიანად უთხრა ქოცებს - ჩვენს შორის ომის დროს ვინც გარბოდა იმის დედა ვატირე!“ -განაცხადა გიორგი ... ...
  • წყალი მწყურვალისთვის ოთხას მეტრშია...შუახევის მუნიციპალიტეტის მაღალმთიანი   სოფელი ბუთურაული   სასმელი წყლის პრობლემის წინაშე დგას.  ღობეებზე, ერთი შეხედვით სასაცილო (სატირალი რომ არ იყოს), ფირნიშებს  შეხვდებით. „აქ სასმელი წყალი ფაქტიურად არაა.   და ეს იმ აჭარაში,  სადაც ჭარბი წყლის პრობლემაც  კი არის“, - გვწერს ჩვენი კოლეგა ზურა ... ...
  • საქართველოს რკინიგზის განცხადება ქუთაისში, უბედური შემთხვევის გამო თანამშრომლების დაღუპვის შესახებქუთაისში, თაბუკაშვილის ქუჩაზე მეცხრე ჩიხში მაღალი ძაბვის გადამცემი ხაზის საყრდენი კონსტრუქციის დემონტაჟის დროს მოხდა უბედური შემთხვევა _  გარდაიცვალა საქართველოს რკინიგზის ორი თანამშრომელი (ელენტრომონტიორები), დამწვრობა კი მიიღო ერთმა თანამშრომელმა (ასევე, ელექტრომონტიორი). „საქართველოს რკინიგზა“ მწუხარებას გამოთქვამს რკინიგზის თანამშრომლების გარდაცვალების ფაქტთან დაკავშირებით, უსამძიმრებს ოჯახებს და მაქსიმალურ თანადგომას აღმოუჩენს მათ. ამასთანავე, საქართველოს რკინიგზა განმარტავს, რომ პირველადი მოკვლევის შედეგების მიხედვით, სამუშაოების შესრულების დროს შრომის უსაფრთხოების პირობები სრულად იყო დაცული. სამუშაოების წარმოება წინასწარ იყო შეთანხმებული ელექტროგადამცემი ხაზის ტექნიკურ ოპერატორთან და ხაზი, რომლის აბონენტიც არა მხოლოდ საქართველოს რკინიგზაა, არც ერთ შემთხვევაში არ უნდა ყოფილიყო ძაბვის ქვეშ. ხაზის ძაბვის ქვეშ დადგომა არ წარმოადგენს საქართველოს რკინიგზის კომპეტენციას. შესაბამისად, კომპანია იმედოვნებს, რომ გამოძიებით დადგინდება მომხდარზე ობიექტური ჭეშმარიტება. რაც შეეხება, საქართველოს რკინიგზის კიდევ ერთ დაზარალებულ თანამშრომელს, მის მდგომარეობაზე ზრუნავს შესაბამისი სამედიცინო დაწესებულება და პროცესში სრულად არის ჩართული საქართველოს რკინიგზის სამედიცინო სამსახური. ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...