დასავლეთ საქართველოს ახალი პროკურორი, 7 ნოემბერი და ხალხისთვის წართმეული ქონება

მთავარი თემა

დასავლეთ საქართველოს ახალი პროკურორი, 7 ნოემბერი და ხალხისთვის წართმეული ქონება

2012 ნოე 12 11:06:36

გეოგრაფიის სპეციალობით _ პედაგოგი 1888_1993 წწ.; ივ. ჯავახიშვილის სახელობის თბილისის (1995-1999 წწ) სახელმწიფო უნივერსიტეტის იურიდიული ფაკულტეტი, კვალიფიკაცია _ იურისტი, სპეციალობა _ სამართალმცოდნეობა; სამოსამართლო სწავლების ცენტრი; მოსამართლის თანაშემწის კურსები 2000 წ.

სამუშაო გამოცდილება: თბილისის შს სამმართველო, კალინინის შს რაიონის არასაუწყებო დაცვის მსროლელი 1984-1985 წწ.; სულხან საბა ორბელიანის სახელობის თბილისის პედაგოგიური ინსტიტუტის საბუნებისმეტყველო ფაკულტეტის, ვივარიუმის ლაბორანტი; წყალტუბოს ჰუმანიტარულ-ეკონომიკური კოლეჯის მასწავლებელი 1999 _ 2001 წწ.; ინდივიდუალური საწარმო "ადვოკატი XXI" (2001 წ)., ადვოკატი; დასავლეთ საქართველოს საოლქო პროკურატურა:

საგამოძიებო ნაწილის უფროსი გამომძიებელი; იმერეთის საოლქო პროკურატურა: საგამოძიებო ნაწილის უფროსი გამომძიებელი; წყალტუბოს საქალაქო პროკურატურა: უფროსი გამომძიებელი; წყალტუბის საქალაქო პროკურატურის სტაჟიორი _ ეს ილია (ივიკო _ ასე ეძახიან მას წყალტუბოში) ჯალაღანიას ბიოგრაფიაა, რომელიც სულ ცოტა ხნის წინ დასავლეთ საქართველოს მთავარ პროკურორად დაინიშნა.

ამ ბიოგრაფიაში არაფერია ნათქვამი ოზურგეთის მთავარ პროკურორად მუშაობის თითქმის 7-წლიან პერიოდზე. პერიოდზე, რომელმაც საზოგადოებას ბევრი უპასუხო შეკითხვა დაუტოვა.

წყალტუბოელმა პროკურორმა ოზურგეთში თავის დამკვიდრება სულ ადვილად შეძლო. ბევრი დრო არ დასჭირვებია იმისთვის, რომ მეუღლე, ნანა ჭეიშვილი ოზურგეთის მუნიციპალიტეტის კულტურის ცენტრში, სამსახურის შექმნისთანავე დაესაქმებინა. მაშინ, როცა უამრავი ოზურგეთელი, უმაღლესი განათლებითა და პროფესიონალიზმით, სამსახურს ეძებს. პროკურორის ცოლს გუბერნატორის თუ გამგებლის კაბინეტთან მრავალსაათიანი ლოდინი არასდროს დასჭირვებია და უპრობლემოდ მოხდა მისი დასაქმება.

ასე რომ, ჯალაღანიამ ცხოვრება მშვენივრად ააწყო და ქონებაც შეიძინა _ საქართველოს იუსტიციის სამინისტროს საჯარო რეესტრის ეროვნული სააგენტოს, ოზურგეთის სარეგისტრაციო სამსახურის ინფორმაციის თანახმად, პროკურორ ილია ჯალაღანიას, შეკვეთილში ნასყიდობის საფუძველზე, 2006 წლის 24 ნოემბრიდან საკუთრებაში რეგისტრირებული აქვს 280 კვმ. არასასოფლო სამეურნეო დანიშნულების მიწის ნაკვეთი. 2007 წლის 9 ნოემბრიდან ამ ნაკვეთზე რეგისტრირებულია სააგარაკო სახლი, განაშენიანების ფართით 73,4კვ.

2009 წელს, ჯალაღანია ჩვენთან საუბრისას ამბობდა, რომ 46 000 ლარის ოდენობის სესხი აიღო და ამ თანხით მოახერხა მიწის და სახლის შეძენაც. თუმცა, ოფიციალურ დოკუმენტში წერია, რომ ოზურგეთის პროკურორს სესხი 2008 წლის 2 ნოემბერს აქვს აღებული ბანკ "რესპუბლიკაში." ანუ, მას შემდეგ, რაც მიწაც დაიკანონა და სახლიც ააშენა (ექსპერტების თქმით კი, 280კვმ მიწის შეძენას 2006 წელს, შეკვეთილში დაახლოებით 250 000 დოლარი მაინც დასჭირდებოდა. ფეშენებლურ ვილაზე რომ არაფერი ითქვას).

მიწის დანარჩენ ფართზე კი, ორი დასრულებული და ერთიც მშენებარე სახლი დგას. ერთი სახლი, ყოფილ პროკურორს და ყოფილ გუბერნატორს, მიხეილ ჩოგოვაძეს ეკუთვნის, ერთი _ კიდევ ერთ ყოფილ პროკურორს, ზაზა ქაჩიბაიას.

იმავე პერიოდში გავრცელდა ინფორმაცია, რომ ჯალაღანიამ კოტეჯი ბახმაროშიც ააშენა და სხვის სახელზე გადააფორმა, თუმცა, იმ დროისთვის მას ამ კითხვებზე პასუხი აღარ გაუცია.

რაც შეეხება მის პროფესიულ საქმიანობას, უპასუხო კითხვები აქაც ძალიან ბევრია _ როგორც ჩვენი წყაროს ამბობს, ჯალაღანიამ ოზურგეთში ჩამოსვლისთანავე (2005 წლის 16 ნოემბერი) დაიბარა "რაიკავშირის" მფლობელები და ქონება სახელმწიფოსთვის აჩუქებინა. ამას მოჰყვა ბახმაროს მიწები და რამდენიმე კარიერი. ეს ინფორმაციები" გურია ნიუსში" პერიოდულად ქვეყნდებოდა, თუმცა, ამით არავინ დაინტერესებულა. ყოველ შემთხვევაში, ჯალაღანიას ძველი ხელისუფლების დროს პასუხი არ უგია.

მოლოდინი, რომ ახალი ხელისუფლება იმ საქმეებს გამოიძიებდა და მოსახლეობა სამართალს იპოვიდა, მისმა საოლქოს პროკურორად დანიშვნამ გააქარწყლა.

სხვა თუ არაფერი, პროკურორს იმაზე მაინც უნდა გაეცა პასუხი, რომ მისი ოზურგეთში მოღვაწეობის დროს, გურიას ორი პოლიტპატიმარი ჰყავდა _ გოჩა ჯიქია და მამუკა ცინცაძე. ადამიანები, რომლებიც ძველმა ხელისუფლებამ 7 ნოემბრის აქციებში მონაწილეობისთვის დასაჯა. ჯიქიას ჩოხატაურის ცენტრში, დღისით, მზისით, საკუთარი შვილების თვალწინ მანქანაში ტროტილი ჩაუდეს, ხოლო ცინცაძეს სახლში, ქათმის ბუდეში _ იარაღის მჭიდი.

ეს ის საქმეებია, რომელთა გამოძიებას დიდი ხანია ითხოვდა ძველი ოპოზიცია. უფრო მეტიც, გოჩა ჯიქიას ადვოკატი "რესპუბლიკურმა" პარტიამ აუყვანა და ეს საქმე პირად კონტროლზეც ჰქონდათ აყვანილი.

და ეს იმ დროს, როცა ჯიქიას საქმეს, მოსამართლის კაბინეტში პროკურორი შვანგირაძე წყვეტდა _ ილია ჯალაღანიას კადრი და მეგობარი. "გურია ნიუსმა" ამ თათბირების ამსახველი კადრებიც გამოაქვეყნა.

ჩვენთან საუბრისას პოლიტიკური მოტივით დაკავებული პირები დეტალურად იხსენებდნენ და ახლაც იხსენებენ ჯალაღანიას პროკურორების ციხეებში ვიზიტს, მათ დაკითხვებს და იძულებას, რომ არჩადენილი დანაშაული ეღიარებინათ.

კიდევ ერთი შემთხვევა, რომელიც ამ დრომდე გამოუძიებელია, ოზურგეთში 2009 წლის 17 აგვისტოს მოხდა. ილია ჯალაღანიას შვილმა, 21 წლის ლევან ჯალაღანიამ ახალგაზრდა ბიჭი დაჭრა. ინციდენტი შეკვეთილში, ჯალაღანიების კუთვნილ აგარაკთან ახლოს მოხდა. დაჭრეს 30 წლის ვალერი ტემირხანოვი, რომელიც ჯალაღანიების კუთვნილი აგარაკის წინ მდებარე სახლში მებაღედ მუშაობდა. ჩხუბის მიზეზად კვატროციკლი დასახელდა. მაშინ ამბობდნენ, რომ ტემირხანოვმა კვატროციკლი გასარეცხად წაიყვანა, მიყვანა დააგვიანდა და სწორედ ამის გამო მოხდა შელაპარაკება. წყარო იმასაც ამბობდა, რომ ლევან ჯალაღანიასთან ერთად ჩხუბში 3 ახალგაზრდა მონაწილეობდა, ორივე მაღალი თანამდებობის პირების შვილები, რომლებსაც აგარაკი ჯალაღანიას კუთვნილ ეზოში უდგათ. მაშინ, დაშავებულისთვის სამედიცინო დახმარება ოზურგეთელ ექიმებს არ აღმოუჩენიათ.

დაზუსტებული ინფორმაციით, დაჭრილი ქობულეთის საავადმყოფოში მიიყვანეს, თუმცა, დაზიანების სირთულიდან გამომდინარე, ბათუმის რესპუბლიკურ საავადმყოფოში გადაიყვანეს, სადაც მას სასწრაფო ოპერაცია ჩაუტარდა.

აღნიშნული საქმის კურსში გურიის სამხარეო პოლიციის მთავარი სამმართველოს ხელმძღვანელობაც გახლდათ, თუმცა, იმის გამო, რომ ინციდენტში მთავარი მოქმედი პირი პროკურორის ვაჟი იყო, სისხლის სამართლის საქმე არ აღძრულა _ დაჭრილმა ჭრილობა ხიდან ჩამოვარდნას დააბრალა.

მაშინ ისიც ითქვა, რომ ამ ფაქტით საქართველოს პროკურატურის გენერალური ინსპექცია დაინტერესდა. თუმცა, ინტერესი ინტერესად დარჩა, კითხვები კითხვებად.... 2 წლის წინ ოზურგეთის მთავარი პროკურორობიდან საკუთარი ნებით წასული ჯალაღანია კი დღეს დასავლეთ საქართველოს მთავარი პროკურორია, რომელიც სულ რაღაც სამი წლის წინ მიიჩნევდა, რომ: "პროკურატურა თავისი კომპეტენციის ფარგლებში მოქმედებს, რაიმე ისეთი, მკვეთრად გამოხატული პრობლემა ნამდვილად არ არის, მით უფრო, რომ მატერიალური კუთხით ჩვენ აბსოლუტურად უზრუნველყოფილნი ვართ. დღესდღეობით ჩვენთან ყველაფერი წესრიგშია"; "შემიძლია გითხრათ, რომ პროკურატურა ნამდვილად არ არის პოლიტიზირებული, ჩვენ ამ საქმეში არ ვერევით"; "პოლიციას, პროკურატურასა და სასამართლოს აქვთ მკაფიოდ გამოკვეთილი ფუნქციები, რაც შესაბამისი კანონითაა გათვალისწინებული. სასამართლო აბსოლუტურად დამოუკიდებელია, ჩვენ მასზე ვერანაირ ზეგავლენას ვერ მოვახდენთ, ეს გამორიცხულია, ხოლო პოლიციაზე პროკურატურა საპროცესო ზედამხედველობას ახორციელებს მხოლოდ. თუ რაიმე ხარვეზი და დარღვევა იქნება, ჩვენ შესაბამისად ვრეაგირებთ, რაც სულაც არ ნიშნავს იმას, რომ რაიმე სახის ზეგავლენას ვახდენდეთ. გამომძიებელს რომ რაიმე დარღვევა აღმოუჩინოთ, მინიშნებები არ მივცეთ"; " პოლიცია თავის საქმეს აკეთებს. პირადად მე, მისი მუშაობით კმაყოფილი ვარ"; "ყველასთვის მისაღები ვერ იქნები, ზოგი უკმაყოფილო გეყოლება, ზოგიც _ კმაყოფილი. ჩემთვის მაინც გაუგებარია, რატომ უნდა ჰქონდეთ მოქალაქეებს პოლიციის უნდობლობა _ რა, გამოიძახეს და არ მივიდა?"

პ.ს. ჩვენ შევეცადეთ კითხვებზე პასუხები ილია ჯალაღანიასგან მიგვეღო, მაგრამ მან ჩვეულ სტილს არ უღალატა და "გურია ნიუსის" სატელეფონო ზარს, რომელსაც თან სმს ახლდა, არ უპასუხა.




 ახალი ამბები
  • ხუნდაძე: ტატუნაშვილი დასტურია, რომ საქართველოს მოქალაქეები არასოდეს შეეგუებიან ოკუპაციასსაოკუპაციო რეჟიმის მსხვერპლის  არჩილ ტატუნაშვილის გარდაცვალებიდან დღეს ორი წელი გავიდა. ამ დღესთან დაკავშირებით სოფელ წილკანში, სადაც ეროვნული გმირის ოჯახი ცხოვრობს, მისი სახელობის ახალი სკვერი და სტადიონი გაიხსნა. ამ მოვლენის გამო წილკანში ჩავიდნენ პრემიერ-მინისტრი, მცხეთის რაიონის მაჟორიტარი დეპუტატი დიმიტრი ხუნდაძე, საქართველოს მთავრობის  და ადგილობრივი ხელისუფლების წარმომადგენლები.  „მძიმე თარიღია, მძიმედ გასახსენებელია, მაგრამ ამ სიმძიმესთან არის სიამაყეც, როცა ჩვენი ახალგაზრდა კაცი არ შეეგუა ძალადობას და არ შეეგუა იმას, რომ საკუთარი ტერიტორია იქნას ოკუპირებული მუდმივად და ჩვენი მოქალაქეების უფლებები იქ ილახებოდეს. მისი  ეს მყარი პოზიცია არის დასტური იმისა, რომ საქართველო, ქართველი მოქალაქეები არასოდეს შეეგუებიან ოკუპაციას და ეს არის მხოლოდ დროებითი და ეს აუცილებლად დასრულდება", - განაცხადა დიმიტრი ხუნდაძემ ... ...
  • "მოხვეტეს პირდაპირ და წაიღეს"_ ხმაური ოზურგეთის აგრარულ ბაზარშიხმაური იყო დღეს ოზურგეთის აგრარულ ბაზარში. ხმაური ოზურგეთის აგრარული ბაზრის ტერიტორიაზე შემოსავლების სამსახურის წარმომადგენლების მისვლამ გამოიწვია, რომლებმაც თუთუნით მოვაჭრეებს დიდი რაოდენობით უაქციზო ნაწარმი ჩამოართვეს. როგორც მოვაჭრეები „გურია ნიუსთან“ საუბრისას ამბობენ, მათ სიტყვიერი გაფრთხილება მიიღეს, რომ ვაჭრობის უფლება არ აქვთ, თუმცა, სიტყვიერი გაფრთხილება, როგორც ჩანს მოვაჭრეებმა სერიოზულად არ აღიქვეს და ვაჭრობა უაქციზო ნაწარმით გააგრძელეს. დღეს კი ბაზარში შემოსავლების სამსახურის წარმომადგენლები მივიდნენ და უაქციზო ნაწარმი ჩამოართვეს. ისინი ასევე აღნიშნავენ, რომ აჭარაში თამბაქოს მსგავსი სახით გაყიდვა ხდება. „50 კაცამდე იყო მოსული. არაფერი უთქვამთ. მოხვეტეს პირდაპირ და წაიღეს. დავალება გვაქვს ასეთიო. სასამართლოდან დაგიკავშირდებიანო.  თუ მაგრები არიან აჭარაში შევიდნენ და იქედან წაიღონ“,_ ამბობენ მოვაჭრეები „გურია ნიუსთან“ საუბრისას. როგორც შემოსავლების სამსახურის  ბრძანებაშია ნათქვამი, დათვალიერების პროცედურის გახორციელება საგადასახადო მონიტორინგის დეპარტამენტის სამეგრელოს, გურიისა და ზემო სვანეთის სამმართველოს თანამშრომელბს ევალებათ და 29 თებერვლის ჩათვლით უნდა გახორციელდეს და მიზნად ისახავს აქციზური მარკებით სავალდებულო ნიშანდებას დაქვემდებარებული აქციზური საქონლის წარმოებისა და მიწოდების წესების დარღვევის ფაქტების გამოვლენას. შეგახსენებთ, რომ თამბაქოს რეალიზაციაზე დაწესებულ ცვლილებებს საპროტესტო აქციები მოჰყვა ქედაში. როგორც ფინანსთა მინისტრმა მაშინ განაცხადა, თამბაქოს დაბეგვრაზე გამონაკლისის დაწესება არ ... ...
  • პრემიერ-მინისტრის კომენტარს სამოქალაქო აქტივისტების პროტესტი მოყვასაქართველოს პრემიერ-მინისტრის გიორგი გახარიას განცხადებას,  რომ ქუთაისში მდებარე საქართველოს პარლამენტის შენობას გაყიდიან, სამოქალაქო აქტივისტების პროტესტი მოყვა. ქუთაისში სამოქალაქო მოძრაობის “დატოვე პარლამენტი ქუთაისში “ ინიციატივით აქციას გაიმართა. აქციის მონაწილეები მთავრობის გადაწყვეტილებას, ქუთაისში პარლამენტის შენობის გაყიდვასთან დაკავშირებით , აპროტესტებენ. მათი განცხადებით, პარლამენტის გაყიდვა საბოლოო განაჩენია ქუთაისისთვის. სამოქალაქო მოძრაობის წევრებს მიაჩნიათ, რომ „ქართული ოცნების” ხელისუფლება და პირადად ბიძინა ივანიშვილი მიზანმიმართულად ებრძვიან ქუთაისის განვითარების პერსპექტივას. აქციაზე გაჟღერდა მოძრაობის მოქმედების გეგმა. აქტივისტები იბრძოლებენ იმისთვის, რომ ქუთაისში წარმატებული საარჩევნო კამპანია აწარმოონ მხოლოდ იმ პოლიტიკურმა ძალებმა, რომლებიც თავიანთ პროგრანაში ქუთაისისთვის საპარლამენტო ქალაქის სტატუსის დაბრუნებას შეიტანენ. აქციის მონაწილეებს პოლიტიკური პარტიებისა და არასამთავრობო ორგანიზაციების წარმომადგენლები შეუერთდნენ. გიორგი გახარიამ ქუთაისის პარლამენტის შენობის გაყიდვასთან დაკავშირებით ჟურნალისტებთან გუშინ კომენტარის გაკეთებისას განაცხადა. “ქუთაისში პარლმანეტის შენობის გაყიდვას ვაპირებთ და ეს პროცესი ეკონომიკის სამინისტროს დაწყებული აქვს. ქუთაისი სულ მალე იქნება უზარმაზარი საგანმანათლებლო ცენტრი, რომლის მნიშვნელობაც ქალაქისთვის იქნება ბევრად უფრო მეტი, ვიდრე პარლამენტი. გარდა ამისა, ამ შენობასაც ექნება დატვირთვა, მან უნდა შეიძინოს ეკონომიკურად უფრო მიმზიდველი ფუნქცია. ქუთაისისთვის მომავალი რა შეიძლება იყოს?  განათლება, მედიცინა, ტრანსპორტირება და კიდევ ბევრი რამე და არა მხოლოდ პარლამენტი“,_  განაცხადა ჟურნალისტებთან საუბრის დროს გიორგი ... ...
  • აჭისწყლის ხეობაში, კარიერის ირგვლივ, კვლავ ხმაურია ეკოდამცველი ირმა გორდელაძე, ფეისბუქგვერდზე, „გადავარჩინოთ გურიის მდინარეები“, კვლავ აქვეყნებს ინფორმაციას, რომ  ახლახან ლიხაურის ტერიტორიაზე,  მდ. აჭისწყლის ხეობაში,  შპს  „კავკაზ ცემენტ ჯორჯია" ჩუმად იპარავდა ქვიშას.   „დავადექი პირადად ფაქტზე.  გაჰქონდათ ინერტული მასალა და იქვე ახლო ტერიტორიაზე ასაწყობებდნენ.   ამ კომპანიას ლიხაურმა უარი უთხრა, არ დავუშვებთ, რომ გაიტანონ ინერტული მასალა“, _ წერს გორდელაძე. სოფელ ლიხაურის მკვიდრი, ქალბატონი თინა დობორჯგინიძე ამბობს, რომ აპირებენ სარჩელი შეიტანონ და პასუხი აგებინონ ყველას, ვისაც ეკუთვნის. _ ახლა აჭისწყლის ხეობაში, „კავკაზ  ცემენტ ჯორჯია“, როგორც მისი წარმომადგენელი გვეუბნება, ნებართვით არის შესული და მართლაც, მათ აქვთ ლიცენზია. თუმცა,  დაუშვებელია ახლა იქ ღორღის  ამოღება. გაფუჭდა, რაც გასაფუჭებელია. გავა ცოტა ხანი, ადიდებული მდინარე წალეკავს ყველაფერს და იტყვიან, სტიქიააო. ყველაზე დიდი სტიქია ადამიანია. ეს არის არა ღორღის ამოღება, არამედ ფულის ამოღება. მალე სარჩელს შევიტანთ, დოკუმენტაცია მოგროვებული გვაქვს და იმედია, მანამდე მაინც შეაჩერებენ მუშაობას, _ თქვა ქალბატონმა თინამ „გურია ნიუსთან“. ჩვენ ასევე დავუკავშირდით „კავკაზ ცემენტ ჯორჯიას“ წარმომადგენელს, გელა დუმბაძეს, რომელიც თავის მხრივ აცხადებს, რომ ის ფლობს ლიცენზიას,  შაბათ-კვირას ისვენებს, ორშაბათიდან კი აჭისწყლის კარიერზე მუშაობას გააგრძელებს. _შპს „კავკაზ ცემენტ ჯორჯია“ ამერიკული კომპანიაა. გვაქვს ლიცენზია, რომელიც ორი წლის წინ მივიღეთ. ვმუშაობთ წესების სრული დაცვით.  ჩვენ მოვიპოვებთ მასალას ქვის სამსხვრევი საამქროსთვის და ბეტონის ქარხნისთვის. ოზურგეთის მუნიციპალიტეტში სკოლების თუ სხვა მშენებლობები რაც არის, ჩვენ  ვაკეთებთ.  ასევე ვეწევით  ქველმოქმედებასაც და არაფერს ვაშავებთ. ყველანაირ არგუმენტირებულ მოლაპარაკებაზე მზად ვართ, რასაც მოსახლეობა შემოგვთავაზებს. გამოჰყონ ჯგუფი, რომელიც მონიტორინგს  გააკეთებს, ნახავს, რას და როგორ ვიღებთ. მზად ვართ, დავაფინანსოთ კიდეც ისინი, -  გვითხრა გელა დუმბაძემ. დიდი ალბათობით, ორშაბათს, 24 თებერვალს,  აღნიშნულ კარიერზე დაპირისპირება კვლავ მოსალოდნელია, რადგან ლიცენზიის მფლობელი კომპანია მუშაობის გაგრძელებას გეგმავს. ... ...
  • ჩოხატაურში, სოფელ ონჭიკეთში სახლი დაიწვა_ რით დაეხმარება ადგილობრივი ხელისუფლება ოჯახს ჩოხატაურის მუნიციპალიტეტის სოფელ ონჭიკეთში ორსართულიანი საცხოვრებელი სახლი დაიწვა. ხანძრის გამომწვევი მიზეზი ამ დროისთვის უცნობია. შემთხვევის ადგილზე რამდენიმე სახანძრო-სამაშველო ეკიპაჟი იყო მობილიზებული. მომხდართან დაკავშირებით მიმდინარეობს გამოძიება. როგორც „გურია ნიუსს“ ჩოხატაურის მუნიციპალიტეტის მერმა, ირაკლი კუჭავამ განუცხადა, ადგილობრივი ხელისუფლება დაზარალებულ ოჯახს დაეხმარება. „ჩვენი წარმომადენელი უკვე შეხვდა დაზარალებულლ ოჯახს. ადგილობრივი ხელისუფლება პირველ რიგში აუცილებელი პირველადი მოხმარების ნივთების შესაძენად  დაეხმარება.  ამის შემდეგ კი, სამშენებლო მასალის გამოყოფაზე ვიმსჯელებთ“, – განაცხადა ირაკლი კუჭავამ. ჩოხატაურის მერის ინფორმაციით, ხანძრის შედეგად დაზარალებული ოჯახი უმეტესად ქუთაისში იმყოფება. „ოჯახში მამა იყო. შვილები ქუთაისში არიან, თვითონაც ხშირად ქუთაისშია. თუ თვითონ იტყვის, რომ სხვა საცხოვრისი არ გააჩნია, ამ შემთხვევაში გავიყვანთ ქირით“, _ გვითხრა ... ...

არქივი

ზაფრანი

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...