ოქრუაშვილის საქმე

მთავარი თემა

ოქრუაშვილის საქმე

25 ნოე. 2012, 13:13:08

ირაკლი ოქრუაშვილი თავდაცვის მინისტრად 2004 წლის დეკემბერში დაინიშნა და დაახლოებით 1 თვეში სამინისტრო საკუთარი ნაცნობ-მეგობრებით დააკომპლექტა. გენშტაბის უფროსი ვახტანგ კაპანაძე სამხედრო საკითხებში პრეზიდენტის თანაშემწის რანგში ჩამოაქვეითა და თანამდებობა თავის მეგობარს ლევან ნიკოლაიშვილს, მეტსახელად "რიჟას"გადააბარა.

"სისულელეა იყოლიო გარშემო ისეთი ხალხი, რომლებიც არ არიან შედეგებზე ორიენტირებულნი. უფრო ადვილია, ვინმე ახალი იპოვო და მას შანსი მისცე. შემიძლია ვთქვა, რომ ის ხალხი მოვიყვანე, ვისაც ვენდობი", _ განაცხადა ოქრუაშვილმა საკადრო ცვლილებებზე კომენტირებისას.

ოქრუაშვილმა იერიში თავდაცვის ყოფილ მინისტრ გია ბარამიძეზეც მიიტანა და 4 იანვარს გამართულ ბრიფინგზე სამინისტროში სახელმწიფო სახსრების არამიზნობრივ ხარჯვასთან დაკავშირებულ ვითარებას "საგანგაშო" უწოდა.

"თავდაცვის მინისტრის ყოფილი მოადგილე პაატა გაფრინდაშვილი, არმიის განვითარების ფონდის უფროსი აკაკი ჩხენკელი, თავდაცვის სამინისტროს ინფრასტრუქტურის დეპარტამენტის უფროსი ვახტანგ ჭელიძე, გენერალური შტაბის ინფრასტრუქტურის დეპარტამენტის უფროსი ამირან ხიდაშელი. მინდა, რომ ეს ხალხი ერთი თვის ვადაში ციხეში ვიხილო", _ განაცხადა მაშინ ირაკლი ოქრუაშვილმა. მისი თქმით, ამ ჩინოვნიკებმა "ქართული არმია კიდევ უფრო უარეს მდგომარეობაში ჩააყენეს, ვიდრე ვარდების რევოლუციამდე იყო".

საპასუხოდ, ყოფილმა თავდაცვის მინისტრმა გიორგი ბარამიძემ, რომელსაც იმჟამად ევროატლანტიკური ინტეგრაციის საკითხებში სახელმწიფო მინისტრის თანამდებობა ეკავა, ოქრუაშვილი მის წინააღმდეგ "ინტრიგების ხლართვაში" დაადანაშაულა.

პრეზიდენტმა სააკაშვილმა, რომელმაც აშკარად დაინახა გუნდის რღვევის საფრთხე, ბარამიძე და ოქრუაშვილი მკაცრად გააფრთხილა, რომ რაიმე დაპირისპირებას მთავრობის შიგნით არ დაუშვებდა

ირაკლი სესიაშვილის ასოციაციამ "სამართალი და თავისუფლება", თავდაცვის სამინისტროს მონიტორინგის შედეგი გამოაქვეყნა. არასამთავრობო ორგანიზაციამ მინისტრი ოქრუაშვილი ერთპიროვნულ მართვაში, არასწორ საკადრო პოლიტიკასა და თანხების არამიზნობრივ ხარჯვაში დაადანაშაულა: "მის გარეშე კი არც ერთი საკითხი არ წყდება სამინისტროში, დაწყებული ლიფტების ელგაყვანილობით, დამთავრებული ცალკეული ნაწილების ოცმეთაურის დანიშვნით. ეს მართლაც მისი კომპეტენციაა, თუმცა, ძნელი სათქმელია რამდენად კომპეტენტურია მისი გადაწყვეტილებები, თუნდაც, სამხედრო მოსამსახურეთა საკადრო პოლიტიკაში, როდესაც ის ამ გადაწყვეტილებას ერთპიროვნულად იღებს და არც კი ეკითხება გენერალური შტაბის ხელმძღვანელს. მისი საკადრო დანიშვნებიც ნაცნობებს შეეხოთ, მხოლოდ ამ შემთხვევაში შინაგან საქმეთა სამინისტროს ერთგულ კოლეგებს, რომელთაც სამხედრო საქმის ცოდნა, სამწუხაროდ, არ გააჩნიათ; დაახლოებით 60 "პოლიციელი" დაინიშნა სამინისტროსა და გენშტაბის წამყვან თანამდებობებზე; მეტიც, მოსალოდნელია, რომ "წმენდა" ამით არ დამთავრდეს და დათხოვნები მთელ გენშტაბსაც შეეხოს. რაც შეეხება რემონტებსა და ძვირადღირებულ ავტომანქანებს, გამონაკლისი, ამ მხრივ, ახალი მინისტრიც არ ყოფილა, თუმცა, მას გემოვნება უკეთესი აღმოაჩნდა," _ ნათქვამია მონიტორინგის შედეგებში.

ოქრუაშვილის მინისტრობის დროს არაერთი ადამიანი გათავისუფლდა სამსახურიდან, უმეტესობას მოტყუებით დააწერინეს განცხადება და ყოველგვარი სოციალური უზრუნველყოფის გარეშე დატოვეს ქუჩაში.

ოქრუაშვილს არასამთავრობო ორგანიზაციები აკრიტიკებენ

ირაკლი ოქრუაშვილს პრობლემები არასამთავრობო სექტორთანაც შეექმნა. ფონდ "ღია საზოგადოება საქართველოს" ხელმძღვანელმა დავით დარჩიაშვილმა და ახალგაზრდა იურისტთა ასოციაციის წარმომადგენელმა თინა ხიდაშელმა ის საგურამოს სამხედრო ნაწილში მომხდარი ინციდენტის გამო გააკრიტიკეს.

სამხედრო ოფიცერმა გელა ლომსაძემ ახალწვეული არკადი კუკავა ნახევრად გააშიშვლა და აიძულა მთელი ღამის განმავლობაში ემორიგევა. ჯარისკაცი ფილტვების ანთების დიაგნოზით რეანიმაციულ განყოფილებაში მოხვდა. მიუხედავად იმისა, რომ სამხედრო მოსამსახურეები ლომსაძეს ლოთობასა და ძალადობაში ადანაშაულებდნენ, ოქრუაშვილმა ის თანამდებობაზე დატოვა მინისტრის მტკიცებით, ლომსაძე კუკავას ინციდენტის დროს სამხედრო ნაწილში დისციპლინას იცავდა.

თავდაცვის მინისტრის კრიტიკა ნელ-ნელა უცხოურმა გამოცემებმაც დაიწყეს. 2005 წლის აპრილში "ევრაზიანეტი" წერდა, რომ ოქრუაშვილმა "სამხედრო დაწესებულებებზე სამოქალაქო კონტროლის დამყარებაში ადრე მიღწეული პროგრესი მნიშვნელოვნად შეაფერხა"

გაუმჭვირვალე შესყიდვები

"კიდევ ერთ პრობლემას თავდაცვის სფეროს ბიუჯეტი წარმოადგენს. თავდაცვის მინისტრის მოადგილის დავით სიხარულიძის განცხადებით, თავდაცვის სფეროს დაფინანსება ცოტა ხნის წინ გაიზარდა და ამჟამად 317 მილიონ ლარს შეადგენს. თავდაპირველად, თავდაცვის სფეროს დასაფინანსებლად სახელმწიფო ბიუჯეტში 137 მილიონი ლარი იყო ჩადებული.

ზოგიერთი უცხოელი დამკვირვებელი აცხადებს, რომ თანხების ზრდას არ მოჰყოლია თავდაცვის სამინისტროს ბიუჯეტის ეფექტურად დაგეგმვა.

"მინისტრის ხელმისაწვდომობა თანხებზე შთამბეჭდავია", _ აცხადებს ერთ-ერთი უცხოელი სამხედრო მრჩეველი. "თავდაცვის სამინისტრო მხოლოდ ხარჯავს თანხებს. არ არსებობს დაგეგმვა, არ არსებობს შესყიდვების ჩამოყალიბებული პროცესი," _ წერს "ევრაზიანეტი"

2005 წელს შეიარაღებულ ძალების დაფინანსების სამი წყარო არსებობდა: სახელმწიფო ბიუჯეტი, არმიის განვითარების ფონდი და სამართალდამცავი სტრუქტურების განვითარების ფონდი.

არმიის განვითარების ფონდი, ხელისუფლების განმარტებით, საქართველოს ფარგლებს გარეთ მყოფი ქართველი ბიზნესმენების მიერ ფინანსდებოდა. თუმცა, მიხეილ მაჭავარიანმა ერთ-ერთ მედიასაშუალებასთან განაცხადა, რომ ფონდი რეალურად საპროცესო შეთანხმებებიდან შემოსული ფულით ივსებოდა.

ფონდიდან თანხების ხარჯვა გაუმჭვირვალედ მიმდინარეობდა. მინისტრის მოადგილე დავით სიხარულიძე ამტკიცებდა, რომ 2005 წელს ფონდში 12 მილიონი ლარი შევიდა, ნიკა რურუას ინფორმაციით კი ეს თანხა 93 მილიონი იყო.

თავად მინისტრი ოქრუაშვილი კი აცხადებდა, რომ არმიის განვითარების ფონდიდან 2005 წელს 32 მილიონი ლარის დახარჯვა იგეგმებოდა.

2005 წლის ბოლოს ოპოზიციამ თავდაცვის მინისტრი ღიად დაადანაშაულა გაუმჭვირვალე ხარჯვისა და შესყიდვების პოლიტიკის გამო.

ოქრუაშვილმა პირობა დადო რომ რომ პროცესს გაასაჯაროებდა, თუმცა, მას შემდეგ, რაც შესყიდვები დასრულდებოდა.

მისი თქმით, თავდაცვის სამინისტრო დაგეგმილ შესყიდვებზე წინასწარ საუბრისაგან თავს იკავებს, "რათა თავიდან აიცილოს შესაძლო დაბრკოლებები, რადგანაც ამის გამოცდილება უკვე გვაქვს, როდესაც ერთ-ერთი ჩვენი ავისმოსურნე მეზობელი ძალიან უხეშად ჩაერია ჩვენი შესყიდვების პროცესში მისი ჩაშლის მიზნით".

ირაკლი ოქრუაშვილის სახელი ეწ "მკვდარი სულების" თემასაც უკავშირდება.

გაირკვა, რომ აშშ-ის მიერ დაფინანსებული "წვრთნისა და აღჭურვის პროგრამაში" მოხვედრილი 600 სამხედრო მოსამსახურე საერთოდ არ ირიცხებოდა ბრიგადის ოფიციალურ სიაში. ოქრუაშვილმა "მკვდარი სულების "არსებობა", პროცედურულ დარღვევებს მიაწერა, რასაც 2002 წელს ექს-პრეზიდენტ შევარდნაძის ადმინისტრაციის დროს, პროგრამის დასაწყისში, ჰქონდა ადგილი.

"უმოქმედო" ჯავშანტექნიკის შესყიდვა

უკრაინიდან უმოქმედო ჯავშანტექნიკის შესყიდვა კიდევ ერთი სკანდალია, რომელიც ოქრუაშვილის სახელს უკავშირდება. მინისტრის მტკიცებით, 40-დან 38 მანქანა შესყიდვის მომენტშივე იყო მწყობრიდან გამოსული, თუმცა, ამ ფაქტთან დაკავშირებით სამხედრო წრეში სულ სხვა ვერსია გავრცელდა. კერძოდ, ივნის-ივლისში ახალციხეში, ორფოლოს პოლიგონზე ერთთვიანი სამხედრო წვრთნა "ჯავშანი-2005" მიმდინარეობდა.

ერთ საღამოს უკრაინიდან ჩამოყვანილი ახალთ-ახალი ჯავშანმანქანები, მოტორში ზეთის ჩამატების გარეშე დაქოქეს და ეწ. "ტანკებით გონკაობა" მოაწყვეს. ერთ-ერთ ჯავშანმანქანას როგორც თვითმხილველები ამბობდნენ, შეზარხოშებული მინისტრი მართავდა.

"არაყი რომ გამოელიათ, ერთი სამხედრო სოფელში გაგზავნეს. უთხრეს, ფეხით ამოსვლა დაგაგვიანდება და ტანკით წადიო. იმანაც ახალი ჯავშანმანქანა გამოაგორა და არყის საყიდლად წავიდა," _ ამბობს ამ ამბის ერთ-ერთი თვითმხილველი "გურია ნიუსთან" საუბარში.

მწყობრიდან გამოსული ტექნიკის შესყიდვის ფაქტზე პროკურატურამ გამოძიება დაიწყო და თავდაცვის სამინისტროს ოთხი მაღალჩინოსანიც დააკავა.

"ამ ხარვეზების აღმოჩენიდან ცოტა ხნის შემდეგ უკრაინელი ექსპერტები მოვიწვიეთ. მათ დაადასტურეს, რომ ეს საქარხნო წუნები იყო. უკრაინაში უკვე მზად არის სათადარიგო ნაწილები მათ აღსადგენად. ის ფაქტი, რომ უკრაინის მხარე თავისი ხარჯებით აპირებს აღჭურვილობის შეკეთებას, ადასტურებს, რომ მანქანები უმოქმედო იყო შესყიდვის დროს", _ განაცხადა ოქრუაშვილმა.

11 ნოემბერს, კიევში გამართული შეხვედრის შემდეგ უკრაინის პრემიერ-მინისტრი იური ეხანურო საკუთარ კოლეგა ზურაბ ნოღაიდელთან შეხვედრისას ჯავშანტექნიკის საკითხსაც შეეხო.

"როგორც მე ვიცი, ეს ჯავშანტექნიკა ჟიტომირის ქარხანაში იყო დამზადებული და რადგანაც იქ მაჟორიტარი დეპუტატი ვიყავი, ძალიან კარგად ვიცი, რომ იქ საკმაო პასუხისმგებლობის მქონე პირები მუშაობენ. ვფიქრობ, რომ ეს საკითხი საქართველოს და უკრაინის პრემიერ-მინისტრების ჩარევის გარეშე გადაწყდება", _ განუცხადა უკრაინის პრემიერ-მინისტრმა ჟურნალისტებს ზურაბ ნოღაიდელთან გამართული მოლაპარაკებების შემდეგ.

ცნობილი ფაქტია ისიც, რომ უკრაინიდან იარაღის შესყიდვა უშუალოდ მინისტრის ბიზნესინტერესებში შედიოდა.

"არ გამოვრიცხავ, რომ უკრაინიდან შემოყვანილი ტექნიკა დაბალი ხარისხის იყო, რადგან ჩემი ინფორმაციით საუბარი იყო არა 10%-იან "ატკატზე", როგორც ეს ოქრუაშვილამდე იყო დაწესებული, არამედ 40%-იანზე. ლოგიკურია, რომ უკრაინის მხარე დაბალ ფასად საუკეთესო ხარისხის ტექნიკას არ გაყიდდა. საქართველოს თავდაცვის სამინისტრო ძალიან მაღალ ფასად ყიდულობდა მე-3, მე-4 და მე-5 კატეგორიის ტექნიკას. თუმცა, იმის მტკიცება, რომ ჯავშანმანქანები თავიდანვე მწყობრიდან იყო გამოსული, მტკნარი სიცრუეა," _ აცხადებს "გურია ნიუსთან" საუბარში თავდაცვის სამინისტროს ერთ-ერთი ყოფილი თანამშრომელი.

პარლამენტის ნდობის ჯგუფში, რომელიც აღმასრულებელი ხელისუფლების ორგანოების სპეციალური პროგრამებისა და საიდუმლო საქმიანობის საბიუჯეტო კონტროლის მიზნით შეიქმნა, შედიოდნენ: თავდაცვისა და უშიშროების კომიტეტის თავმჯდომარე გივი თარგამაძე, მისი მოადგილე ნიკა რურუა და დეპუტატები უმრავლესობიდან _ დავით კირკიტაძე და ბესარიონ ჯუღელი. ჯგუფი, როგორც წესი, დადებითად აფასებდა თავდაცვის სამინისტროს საქმიანობას და არასოდეს გამოუთქვამს პრეტენზია თანხების არამიზნობრივ ხარჯვასთან დაკავშირებით.

"არმიის განვითარების ფონდმა იმუშავა ძალიან სასარგებლოდ, ზედმეტი ხარჯი აქედან არ არის გასული. ყველა შესყიდვა არის გახორციელებული მინიმალურ ფასებში და პრეტენზია ნდობის ჯგუფს ფონდის საქმიანობასთან არ გააჩნია", – განაცხადა პარლამენტის თავდაცვისა და უშიშროების კომიტეტის თავმჯდომარემ გივი თარგამაძემ თავდაცვის მინისტრთან შეხვედრის შემდეგ.

"რუსთავი 2"-ის ინფორმაციით, 2004–2006 წლებში, ოქრუაშვილის მინისტრობის პერიოდში, არმიის განვითარების ფონდიდან დახარჯულია 26 102 261 ლარი, აქედან ყველაზე მეტი მოხმარდა სენაკის სამხედრო ბაზას – 8 977 500 ლარი, ხარჯებში გაწერილია ასევე ავტომობილები, კომპიუტერული ტექნიკა, ყაზარმების გარემონტება.

ბრალდებები ოქრუაშვილის დაპატიმრების შემდეგ

2007 წლის 3 ოქტომბერს, ოქრუაშვილის სკანდალური განცხადებიდან 1 კვირის თავზე გენერალურმა პროკურატურამ მის წინააღმდეგ მტკიცებულებები გამოაქვეყნა. გაირკვა, რომ თავდაცვის მინისტრი საბიუჯეტო თანხებს არამიზნობრივად ხარჯავდა, რაზედაც ნდობის ჯგუფი თვალს ხუჭავდა.

ოპოზიციამ ნდობის ჯგუფის წევრების პასუხისმგებლობის საკითხი დააყენა, თუმცა, პროკურატურა ამ ამბით არ დაინტერესებულა.

საქმის მასალების მიხედვით, ოქრუაშვილის თავდაცვის მინისტრობის პერიოდში საწვავის მოწოდებაზე გაფორმებული უკანონო ხელშეკრულების საფუძველზე ბიუჯეტმა 205 ათას 500 დოლარით იზარალა.

2006 წლის 27 ივნისს, თავდაცვის სამინისტროს სახელმწიფო შესყიდვების დეპარტამენტის ყოფილმა უფროსმა იასონ ჩიხლაძემ ვირჯინიის კუნძულებზე (ოფშორულ ზონაში) რეგისტრირებულ კომპანიასთან "AG Transport and Development" 4 ათასი ტონა საავიაციო ნავთის თურქმენეთიდან მიწოდებაზე ხელშეკრულება გააფორმა საერთო ღირებულებით 2 მლნ 903 ათასი ამერიკული დოლარი.

"კონტრაქტში მოწოდებული 1 ტონა საწვავის ფასად 725,7 ამერიკული დოლარი დაფიქსირდა, მაშინ როდესაც იმ დროისთვის საწვავის ღირებულება საერთაშორისო ბაზარზე 671,2 აშშ დოლარს შეადგენდა, _ განაცხადა იმ დროინდელმა გენერალურმა პროკურორმა გვარამიამ, _ ამასთანავე, ამ დროისთვის თავდაცვის სამინისტროს უკვე ჰყავდა ბენზინის მომწოდებელი კონტრაქტორი ფირმა შპს "ავიასაწვავსერვისი". შესაბამისად, არ არსებობდა არანაირი ობიექტური საბაბი ახალ კომპანიასთან კონტრაქტის გაფორმებისათვის. მით უფრო, რომ ამ პერიოდში შპს "ავიასაწვავსერვისს" იგივე საწვავი, იმავე ქვეყნიდან – თურქმენეთიდან, შემოჰქონდა 1 ტონა 675 ამერიკულ დოლარად".

გვარამიას განცხადებით, ამ ოფშორულ კომპანიასთან კავშირი ჰქონდა ოქრუაშვილის ახლო მეგობარს ქიბარ ხალვაშს, რასაც მისი დაცვის უფროსის დავით ველიჯანაშვილის ჩვენებები ადასტურებს.

პროკურატურა ოქრუაშვილს კიდევ ერთ ეპიზოდში დასდო ბრალი _ საქმე ეხებოდა ქიბარ ხალვაშის სამშენებლო ფირმასთან გაფორმებულ ხელშეკრულებას, რომლის მიხედვითაც, თავდაცვის სამინისტროს დაკვეთებს სწორედ ეს კომპანია შეასრულებდა

"2005 წლის იანვარში იმჟამინდელი თავდაცვის მინისტრი ოქრუაშვილი დაუკავშირდა თავის უახლოეს მეგობარს ქიბარ ხალვაშს, რომელსაც შეუთანხმდა მისთვის უპირატესობის მინიჭების მიზნით, დაეფუძნებინათ სამშენებლო პროფილის საწარმო, რომელთანაც იგი გააფორმებდა ექსკლუზიურ ხელშეკრულებებს თავდაცვის სამინისტროს ობიექტების მშენებლობითი სამუშაოების შესასრულებლად". ამ გარიგების ფარგლებში, აცხადებს პროკურატურა, ხალვაშის კომპანიამ 140 მლნ ლარის სამუშაოები შეასრულა," _ განაცხადა ნიკა გვარამიამ.

ირაკლი ოქრუაშვილის დაპატიმრება და სახელმწიფო სახსრების არამიზნობრივი ხარჯვაში მისი დადანაშაულება ოპოზიციის ერთმა ნაწილმა პოლიტიკურ დევნად შეაფასა, ბრალდებები თავად ოქრუაშვილმაც უარყო.

2005 წელს, "ჯორჯიან თაიმსმა"ოქრუაშვილი საქართველოს უმდიდრეს მოქალაქეთა სიაში შეიყვანა 250 მილიონი დოლარით. ამ ფონზე ოქრუაშვილის ფინანსური დეკლარაციები საკმაოდ მოკრძალებულად გამოიყურება .

დღეისათვის ოქრუაშვილი გლდანის მერვე დაწესებულებაში იმყოფება. მისი საქმე ოთხ ეპიზოდიანია _ საუბარია 2011 წლის მაისში უკანონო შეიარაღებული ჯგუფის შექმნაზე, სამსახურეობრივ გულგრილობაზე, ფულის გათეთრებასა და ქრთამის აღებაზე, რომლისთვისაც მას დაუსწრებლად მიესაჯა 11 წლით თავისუფლების აღკვეთა.

"ირაკლი ოქრუაშვილი არის ჩემი ყველაზე დიდი შეცდომა," _ განაცხადა სააკაშვილმა ყოფილი თადაცვის მინისტრის სკანდალური განცხადების შემდეგ, თუმცა, სავარაუდოა რომ ბაჩო ახალაიას შემდეგ მან აზრი შეიცვალა.




 ახალი ამბები
  • „მთავარი არხი" ეთერში უხამსობის ტირაჟირების გამო სამართალდამრღვევად ცნეს, მაგრამ პასუხისმგებლობისგან გაათავისუფლესკომუნიკაციების კომისიამ „მთავარი არხი" ეთერში უხამსობის შემცველი სიუჟეტის განთავსების გამო სამართალდამრღვევად ცნო, მაგრამ ადმინისტრაციული პასუხისმგებლობისგან გაათავისუფლა, ვინაიდან კომისიის მიზანი არა მაუწყებლების სანქცირება, არამედ უხამსობის შემცველი გადაცემებისგან მაყურებლების დაცვაა, სწორედ ამიტომ კომისიამ გამოიყენა თავისი კანონიერი უფლება და „მთავარ არხს" სანქცია არ დააკისრა. კომისია მოუწოდებს „მთავარ არხს" და ყველა მაუწყებელს დაიცვან კანონი, გაითვალისწინონ კომისიის მიერ მიღებული გადაწყვეტილება და არ განათავსონ ეთერში უხამსობა. როგორც კომუნიკაციების კომისიის მიერ გავრცელებულ განცხადებაში წერია: „მთავარი არხის" საკითხი საჯარო სხდომაზე კომუნიკაციების კომისიამ 21 იანვარს განიხილა, მაუწყებლის წარმომადგენლის არგუმენტები მოისმინა და გადაწყვეტილება საერთაშორისო პრაქტიკის შესწავლის საფუძველზე მიიღო. საქმე ეხება 2020 წლის 12 დეკემბერს „მთავარი არხის" საზოგადოებრივ-პოლიტიკურ გადაცემაში „მთავარი შაბათს" 21:57 საათზე გასულ სიუჟეტს, რომელიც არაეთიკური კონოტაციით წარმოჩენილ გრაფიკულ გამოსახულებასა და უხამს გამონათქვამებს შეიცავს. კომუნიკაციების კომისიამ საკითხზე მსჯელობისა და გადაწყვეტილების მიღებისას რამდენიმე მნიშვნელოვან სამართლებრივ საფუძველზე გაამახვილა ყურადღება. „მაუწყებლობის შესახებ" საქართველოს კანონის 56-ე მუხლის მე-4 პუნქტით მაუწყებლებს ეკრძალებათ ადამიანისა და მოქალაქის ღირსებისა და ძირითად უფლებათა შემლახავი ისეთი პროგრამის ან რეკლამის განთავსება, რომელიც შეიცავს უხამსობას და რომელიც ადამიანისა და მოქალაქის ღირსებისა და ძირითადი უფლებების შემლახავია. კანონმდებლობის მიხედვით, უხამსობა განმარტებულია, როგორც „ქმედება, რომელიც ეწინააღმდეგება საზოგადოებაში დამკვიდრებულ ეთიკურ ნორმებს და არა აქვს საზოგადოებრივ-პოლიტიკური, კულტურული, საგანმანათლებლო ან მეცნიერული ღირებულება". „მთავარი არხის" სიუჟეტში გამოვლინდა ორი პრობლემური კომპონენტი: პირველი - გრაფიკული გამოსახულება, რომელსაც თან ერთვოდა აუდიონარატივი უხამს გამონათქვამზე კონოტაციით და მეორე - ჟურნალისტის გამონათქვამი, რომელშიც იგი პარლამენტს პრეზერვატივს ადარებდა, ხოლო კონტექსტის გათვალისწინებით პარლამენტის წევრებს მამაკაცის გენიტალიებს. კომუნიკაციების კომისიას მიაჩნია, რომ სიუჟეტში უხამსობის შემცველი კონოტაცია საზოგადოებაში დამკვიდრებულ ეთიკურ ნორმებთან თანხვედრაში არ არის და საზოგადოებრივ-პოლიტიკური, კულტურული, საგანმანათლებლო ან მეცნიერული ღირებულება არ გააჩნია. კომუნიკაციების კომისიამ განხილვის შედეგად შეაფასა, რომ უხამსობის შემცველი გადაცემის განთავსებით მაუწყებლის მაყურებლის უფლებები დაირღვა. ამასთან, მიუხედავად იმისა, რომ „მთავარი არხის" მიერ ეთერში განთავსებული უხამსობის შემცველი გადაცემა ზღუდავს მისი ადრესატების - ფინანსთა მინისტრისა და პარლამენტის წევრების პირად ცხოვრებას, კომისიას მიაჩნია, რომ ამ კონკრეტულ შემთხვევაში გამოხატვის თავისუფლებამ გადაწონა პოლიტიკოსების პირადი ცხოვრების ხელშეუხებლობის უფლება. სწორედ, ამიტომ კომისიამ არ დაადასტურა უხამსობის შემცველი პროგრამის განთავსებით ადრესატების - ფინანსთა მინისტრისა და პარლამენტის წევრების უფლების დარღვევა. მნიშვნელოვანია, რომ ევროპის ადამიანის უფლებათა სასამართლოს პრაქტიკის მიხედვით, გამოხატვის თავისუფლების სტანდარტების იდენტიფიცირებისათვის დიდი მნიშვნელობა ენიჭება ინფორმაციისა თუ იდეების გავრცელების მედიუმს. საქართველოს კონსტიტუციის მიხედვით კი, კომუნიკაციების კომისიის ვალდებულებაა მასობრივი ინფორმაციის საშუალებებში აზრის გამოხატვის თავისუფლების რეალიზაცია, მაუწყებლებისა და მისი აუდიტორიის უფლებების დაცვა. კომისიამ განსაკუთრებულად უნდა დაიცვას აუდიტორიის, მსმენელებისა და მაყურებლების ძირითადი უფლებები და კანონიერი ინტერესები. გამომდინარე იქიდან, რომ აღნიშნული სიუჟეტი მაუწყებლის ეთერში 21:57 საათზე, საუკეთესო დროს განთავსდა, შესაძლებელია, რომ მას მაყურებლის დიდმა რაოდენობამ უყურა. მაუწყებლის აუდიტორიის წევრები კი დროის ამ მონაკვეთში, ასევე შესაძლოა ყოფილიყვნენ არასრულწლოვნებიც. არასრულწლოვნების ნორმალურ ფიზიკურ, მორალურ და მენტალურ განვითარებაზე პასუხისმგებლობა, როგორც წესი, მშობლებს ან კანონიერ წარმომადგენლებს ეკისრებათ, თუმცა მათ არ შეიძლებოდა ჰქონოდათ იმის გონივრული მოლოდინი, რომ 21:57 საათზე, საზოგადოებრივ-პოლიტიკურ გადაცემაში უხამსობის შემცველი, არასრულწლოვნისთვის მავნე ზეგავლენის მომხდენი სიუჟეტი განთავსდებოდა. შესაბამისად, ასეთ შემთხვევებში პასუხისმგებლობა გადადის მაუწყებელზე გარდა იმისა, რომ სიუჟეტი არღვევს არასრულწლოვანი აუდიტორიის უფლებებს, საზოგადოებრივ-პოლიტიკურ პროგრამაში უხამსობის შემცველი გადაცემების განთავსება ასევე პრობლემურია სრულწლოვანი აუდიტორიის უფლებებთან მიმართებითაც. შესაბამისად, კომისიამ ასევე გაითვალისწინა იმ სრულწლოვანი მაყურებლების ინტერესები, რომლებიც არასრულწლოვნებთან ერთად ცხოვრობენ, უყურებენ ან უსმენენ სამაუწყებლო პროგრამებს. იმ შემთხვევაში, თუ ახალი ამბებისა და საზოგადოებრივ-პოლიტიკურ გადაცემებში იქნება უხამსობის შემცველი, არასრულწლოვნისთვის შეუფერებელი სიუჟეტები, მშობელი კარგავს გონივრულ შესაძლებლობას, ტელევიზიის საშუალებით მიიღოს სათანადო ინფორმაცია ქვეყანასა და მსოფლიოში მიმდინარე მოვლენების შესახებ. ბუნებრივია, სრულწლოვან პირებს აქვთ არჩევანის შესაძლებლობა, სხვა მაუწყებლის საზოგადოებრივ-პოლიტიკურ პროგრამებს უყურონ, თუმცა, იმ შემთხვევაში, თუ კომუნიკაციების კომისია ეფექტურად არ მოახდენს რეაგირებას უხამსობის შემცველ გადაცემებზე, შესაძლოა, ნებისმიერი საზოგადოებრივ-პოლიტიკური გადაცემა გახდეს არაეთიკური სიუჟეტებით, უხამსი განცხადებებით და ქმედებებით გაჯერებული და მაყურებელს არჩევანი არ დარჩეს. შეგახსენებთ, რომ კომუნიკაციების კომისიის მიერ ჩატარებულმა 2020 წლის საპარლამენტო არჩევნების წინასაარჩევნო მედიამონიტორინგის შედეგებმა აჩვენა, რომ მრავალფეროვან მედიაგარემოში ყველაზე დიდი პრობლემა, სწორედ ეთერში უხამსობის შემცველი გადაცემები და გამონათქვამებია, რომელიც ლახავს ადამიანის ძირითად უფლებებს. უხამსობის შემცველი გადაცემების ეთერში განთავსებასთან დაკავშირებით, კომუნიკაციების კომისიამ 2020 წლის 7 დეკემბერს განცხადება გაავრცელა და მაუწყებლებს მოუწოდა, დაიცვან კანონმდებლობის მოთხოვნები და არ განათავსონ ეთერში ადამიანების ღირსებისა და ძირითად უფლებათა შემლახავი უხამსობის შემცველი გადაცემები. 2009 წელს საკონსტიტუციო სასამართლოს მიერ მიღებული გადაწყვეტილების გათვალისწინებით, კომუნიკაციების კომისია ვალდებულია განიხილოს და სამართლებრივი რეაგირება მოახდინოს, როდესაც მაუწყებლის ეთერში ადამიანის ღირსებისა და ძირითად უფლებათა შემლახავი უხამსობის შემცველი გადაცემის განთავსება ხდება. მედიის მიერ უხამსობის შემცველი, შეურაცხმყოფელი ინფორმაციის გავრცელებასთან დაკავშირებით ფართოა საერთაშორისო მაგალითები და პრაქტიკა. ამ მიმართულებით საინტერესოა გაერთიანებული სამეფოს მარეგულირებელი ორგანოს - კომუნიკაციების ოფისისა (Ofcom)  და აშშ-ს ფედერალურ კომუნიკაციების კომისიის (FCC)  მიერ მიღებული არა ერთი ... ...
  • ოზურგეთის საკრებულოს ბიუროს სხდომაზე, მერიაში რეორგანიზაციის საკითხის ირგვლივ, შენიშვნები გამოთქვესდღეს, ოზურგეთის მუნიციპალიტეტის საკრებულოს ბიუროს მორიგ სხდომაზე, დღის წესრიგით გათვალისწინებული რვა საკითხი წარმოადგინეს. საკრებულოს თავმჯდომარემ დავით დარჩიამ განაცხადა, რომ აღნიშნული რიგი საკითხებისა,  საკრებულოს უახლოეს სხდომაზე უნდა დაამტკიცონ. ეს არის ძირითადად,  ოზურგეთს მუნიციპალიტეტის საკრებულოს კომისიების წლიური  სამუშაო გეგმების დამტკიცება. სხდომაზე, ოზურგეთის მერიის იურიდიული სამსახურის უფროსმა, ლაშა თავაძემ წარმოადგინა  საკითხი რეორგანიზაციის შესახებ. მან განაცხადა, რომ  ძირითადად  ეს ეხება შტატების გადაადგილებას. _ამდენ  ხანს როგორ ვერ მორჩით ამ რეორგანიზაციას?- გაისმა კითხვები დარბაზიდან. ლაშა თავაძემ აღნიშნა, რომ შრომითი ბაზრის კვლვის განყოფილებაში არსებული შტატები გადადის ეკონიმიკის და სოფლის მეურნეობის განყოფილებაში და განყოფილების უფროსის შტატი გარდაიქმნება მესამე რანგის პირველი კატეგორიის უფროსი სპეციალისტის პოზიციაზე. საკრებულოს წევრმა,  ლავრენტი ბიგვავამ ისაუბრა  შრომითი ბაზრის კვლევის შესახებ, რომელიც მუნიციპალიტეტის პირობებში რეალობას მოკლებული იყო. _ ამის  პოტენციალი სად აქვს მუნიციპალიტეტს?  სამეცნიერო დაწესებულებებს არ აქვს ამის სრულყოფილება, _თქვა მან. ნაციონალმა დეპუტატმა,  ბესო ქათამაძემ დასვა საკითხი, რატომ აქვთ მნიშვნელოვნად განსხვავებული და დაბალი ხელფასი სოფლებში მერის წარმომადგენელთა თანაშემწეებს. _თუ წარმომადგენელს ათასი ლარი აქვს, არანაკლები საქმის  კეთება უწევს თანაშემწეს და რატომ აქვს ხელფასი 650 ლარი? - იკითხა მან. _ეს  ბიუჯეტის საკითხია. როგორც არის შესაძლებელი, - უპასუხა თავაძემ. საკრებულოს სხდომა ხვალ, ოზურგეთის ფოლკლორის ცენტრში, 12 საათზე ... ...
  • დავით ქურიძე- დიდ ბრიტანეთში მოღვაწე ლანჩხუთელი ასტროფიზიკოსი Speech • სფიჩი - ფეისბუქგვერდზე ავრცელებს ახალგაზრდა ასტროფიზიკოსის დავით ქურიძის შესახებ ინფორმაციას. დავით ქურიძე ლანჩხუთიდან, სოფელ ნიგვზიანიდან არის. დავით ქურიძე: გაერთიანებულ სამეფოში, ბელფასტის უნივერსიტეტში 2010 წელს ჩამოვედი, ასტროფიზიკის სადოქტორო პროგრამის გასავლელად. ამჟამად ვმუშაობ აბერისტვისის უნივერსიტეტის (უელსი, გაერთიანებული სამეფო) ასტროფიზიკის კვლევის ჯგუფში და ასევე, ვკითხულობ ლექციებს. ვარ 40-მდე სამეცნიერო ნაშრომის ავტორი და თანაავტორი. ჩემი კვლევების მთავარი საგანია მზის და ვარსკვლავების ზედაპირებზე მიმდინარე ფიზიკური პროცესები. ვარსკვლავების სპეციფიკური სტრუქტურის გამო, მათი ზედაპირები (ატმოსფეროები) ერთადერთი ნაწილებია, რომლთა დანახვაც შეგვიძლია. ჩვენამდე მხოლოდ მათი ატმოსფეროების გამოსხივება აღწევს. ეს გამოსხივება არის ვარსკვლავებზე, სამყაროს ამ ფუნდამენტურ ობიექტებზე ჩვენი ინფორმაციის მთავარი წყარო. თითქმის ყველაფერი, რაც ვარსკვლავებზე ვიცით, ამ გამოსხივების ანალიზიდანაა მიღებული. ჩემი კვლევები ძირითადად ჩვენი უახლოესი ვარსკვლავის, მზის ატმოსფეროს გამოსხივების ანალიზს მოიცავს. ბოლო წლებია, ვსწავლობ მზის ანთებებს. ანთებები არის ვარსკვლავების ზედაპირზე პატარა არეებში, ძალიან მოკლე დროში (რამდენიმე წამში), უზარმაზარი ენერგიის უცაბედი გამოყოფა. ეს მოვლენები შეიძლება შევადაროთ ელვას, რომელიც ხშირად ხდება დედამიწის ატმოსფეროში. ვარსკვლავების ანთებები ბევრად კომპლექსური, ასტროფიზიკური პროცესებია და მათი ბევრი ასპექტი დღემდე აუხსნელია. გარდა სუფთა სამეცნიერო ინტერესისა, ამ მოვლენების კვლევებს პრაქტიკული მნიშვნელობაც აქვს, რამდენადაც ისინი უმნიშვნელოვანეს როლს ასრულებენ კოსმოსური ამინდის ფორმირებაში. კოსმოსურ ამინდზე კი, ასტრონავტების და ჩვენი პლანეტის უსაფრთხოებაა დამოკიდებული. დღეს შესაძლებელია, იყო ასტროფიზიკოსი და სამუშაოდ მხოლოდ ოფისი და კომპიუტერი გჭირდებოდეს. აკეთებდე ასტროფიზიკური პროცესების რიცხვით მოდელირებას, ან ამუშავებდე კოსმოსური ტელესკოპების დაკვირვებებს, რომლებიც მეტ-ნაკლებად მზა სახით მოიპოვება. თანამედროვე ასტროფიზიკაში, მეცნიერების მხოლოდ მცირე ჯგუფია, რომლებსაც ძველი ეპოქების ასტორნომებივით ველზე მუშაობა უწევთ. ვგულისხმობ სადამკვირებლო ექსპერიმენტის მოფიქრებას, ობსერვატორიაში წასვლას და დაკვირვებების ჩატარებას. მე ასტროფიზიკოსების ამ ჯგუფს ვეკუთვნი, რადგან ხშირად ვმონაწილეობ და ვხელმძღვანელობ დაკვირვებებს სახმელეთო ტელესკოპებიდან. სახმელეთო ტელესკოპების მთავარი უპირატესობა ის არის, რომ ხმელეთზე შეგვიძლია დიდი ზომის ტელესკოპების აგება ინსტრუმენტების რთულ ოპტიკურ ლაბორატორიებთან ერთად. კოსმოსში ასეთი სისტემების გაშვება ან ტექნიკურად არ შეგვიძლია, ან ძალიან ძვირი ჯდება. ამიტომ კოსმოსურ ობსერვატორიებს შედარებით მცირე ზომის ტელესკოპები და ინსტრუმენტები აქვთ. შეაბამისად, ასტროფიზიკის ძალიან ბევრი მნიშვნელოვანი აღმოჩენა ისევ სახმელეთო მზის ტელესკოპებიდან ჩატარებული დაკვირვებებით ხდება. 2017 წელს მიღებულმა ერთ-ერთმა ასეთმა უნიკალურმა დაკვირვებამ საშუალება მოგვცა, პირველად, მაღალი სიზუსტით გაგვეზომა მზის ატმოსფეროს მაგნიტური ველი, პარამეტრი, რომელიც მზეზე და ვარსკვლავების ზედაპირზე მიმდინარე ფიზიკური პროცესების მთავარი განმსაზღვრელია. მიღებულ გაზომვებს, რომლებიც 2019 წელს გამოვაქვეყნეთ, დიდი გამოხმაურება მოჰყვა და ბოლო წლების მზის ფიზიკის ერთ-ერთ ყველაზე მნიშვნელოვან სამეცნიერო კვლევად არის შეფასებული. ქართველ კოლეგებს, ვინც ახლა იწყებს სამეცნიერო საქმიანობას, ვურჩევდი, აუცილებლად მიიღონ მუშაობის გამოცდილება დასავლურ კვლევით ინსტიტუტებში და უნივერსიტეტებში. ქართული სამეცნიერო სივრცე ჯერ კიდევ არ არის სათანადოდ სტრუქტურირებული და ინტეგრირებული თანამედროვე სამეცნიერო სისტემებთან. შესაბამისად, დასავლურ უნივერსიტეტებში სამუშაო და სასწავლო გამოცდილების მიღება ძალიან მნიშვნელოვანია პროფესიული განვითარებისთვის. ეს არ გულისხმობს, რომ ყველა ქართველი მეცნიერი აუცილებლად უცხოეთში უნდა წავიდეს სამუშაოდ და იქ დამკვიდრდეს, მაგრამ კარიერის გარკვეული ეტაპების (განსაკუთრებით ადრეული ეტაპების) უცხოურ სამეცნიერო სისტემებში გატარება ძალიან სასარგებლო და მნიშვნელოვანი შეიძლება იყოს. მე ეს ძალიან გამომადგა. ზოგადად, ამ ტიპის მოძრაობა მეცნიერებისთვის ყოველთვის სასარგებლოა. მაგალითად ბრიტანეთში, სადოქტოროს დაცვის შემდეგ, როგორც წესი, სხვა ინსტიტუტებში აგრძელებენ მუშაობას. ზოგი მათგანი რაღაც დროის შემდეგ უკან ბრუნდება, მაგრამ მინიმუმ ერთ ,,გასვლას" თითქმის ყველა აკეთებს. გამოცდილებასთან ერთად, ეს ერთგვარი დემონსტრირებაცაა იმისა, რომ როგორც მეცნიერს, უცხო გარემოში შესვლა, მუშაობა და თავის დამკვირდება ... ...
  • გურიის პოლიციის დეპარტამენტს ლევან ხარაბაძე უხელმძღვანელებსოფიციალური ინფორმაციით, შსს გურიის პოლიციის დეპარტამენტის დირექტორად ლევან ხარაბაძე დაინიშნა. ლევან ხარაბაძე სამცხე-ჯავახეთის პოლიციის დეპარტამენტის დირექტორად 2019 წლის ოქტომბრიდან 2020 წლის 26 იანვრამდე იკავებდა. დირექტორი ლევან ხარაბაძე 1980 წელს დაიბადა, ჰყავს მეუღლე და ორი შვილი. ქონებრივი დეკლარაციის მიხედვით, ლევან ხარაბაძე 2016 წლიდან 2018 წლამდე სხვადასხვა დროს ჯერ შინაგან საქმეთა სამინისტროს დიდუბე-ჩუღურეთის სამმართველოს უფროსის მოადგილედ მუშაობდა, შემდეგ კი შინაგან საქმეთა სამინიტროს თბილისის პოლიციის დეპარტამენტის ვაკე-საბურთალოს სამმართველოს უფროსის მოადგილის თანამდებობაზე ... ...
  • გომელაურმა წმენდა დაიწყო _ გახარიას გუნდი შსს-დან მიდის, თუმცა, დაუსაქმებელი არ რჩებაშსს-ში კადრების ხელახალი გადანაწილება დაიწყო, რაც იმას ნიშნავს, რომ მინისტრი გომელაური არ მალავს თავის ინტერესებს ბიძინა ივანიშვილის წასვლის შემდეგ.  ყველაფერი მიანიშნებს იმაზე, რომ გიორგი გახარიას კადრები ნაცვლდება და პრემიერის გუნდს უშვებენ სამინისტროდან - საბანაძე, ბორცვაძე და სხვები მიდიან, მაგრამ გიორგი გახარია მათ ბედის ანაბარა არ ტოვებს - ზოგი დამსახურებულ პენსიაზე გავა, ზოგს კი პოლიტიკურ თანამდებობაზე გადაანაწილებს.  მაგალითად, აჭარის სამხარეო პოლიციის უფროსი კოტე ანანიაშვილი შიდა ქართლის გუბერნატორის თანამდებობაზე განიხილება, თუმცა, თავად ამას არ ადასტურებს: "არ ვიცი ჯერ არაფერი, არ ვაპირებ გადასვლას, ვმუშაობ აჭარაში", _ ამბობს კოტე ანანიაშვილი.  ამ დროს კი პროცესები შსს-ში ისევ ძველი სცენარით გრძელდება. ამ დღეებში კიდევ რამდენიმე სამხარეო პოლიციის უფროსის გათავისუფლებას ელოდებიან. წყარო: ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....