ზურაბ ნოღაიდელი: "ანგარიშზე რამდენი ფული იყო, ჩემს გარდა არავინ იცოდა"

მთავარი თემა

ზურაბ ნოღაიდელი: "ანგარიშზე რამდენი ფული იყო, ჩემს გარდა არავინ იცოდა"

12 დეკ. 2012, 19:37:52

თუ  პოლიტიკურ პროცესებში არ ვმონაწილეობდი, ეს იმას არ ნიშნავს, რომ აქ არ ვიყავი და ჩემს თავსაც არ ხდებოდა ის ყველაფერი, რაც ყველას თავს საქართველოში. ჩვენ ვიყავით საქართველოს ნაწილი და ამ პროცესებში ვმონაწილეობდით, როგორც რიგითი ადამიანები," _ აცხადებს ზურაბ ნოღაიდელი "გურია ნიუსთან" ინტერვიუში.

_ ბატონო ზურა, იმ დროს გაუჩინარდით, როცა ჩვენს ქვეყანაში უმნიშვნელოვანესი ამბები ხდებოდა. როგორ გითმენდათ გული, არაფერში რომ არ ერეოდით და საერთოდ, რატომ არჩიეთ განზე დგომა? ჩათვალეთ, რომ თქვენი რესურსი ამოწურული იყო?

_ მარტივი ახსნა აქვს ამ ყველაფერს. ძალიან მკაფიო იყო, რომ მიუხედავად საზოგადოების განწყობისა,  ადგილობრივი არჩევნების შემდეგ, ვერ მოხერხდა ისეთი პოლიტიკური ერთობის ჩამოყალიბება, რაც საკმარისი იქნებოდა სააკაშვილის რეჟიმის შესაცვლელად. სიმართლეს გეტყვით, ვერაფრით  შევძელი ჩემი თავის მოტივირება, რომ ერთ-ერთი რიგითი თანამონაწილე ვყოფილიყავი ამ პროცესების.  რეჟიმის შეცვლის შანსი არ იყო, ამიტომ ხალხისთვის ზედმეტი მოლოდინის შექმნა და მათ თავს კიდევ ერთხელ წისქვილის ქვის დატრიალება უშედეგოდ, ნამდვილად არ ღირდა.

როდესაც დავრწმუნდი რომ პოლიტიკური ერთობა ვერ შედგებოდა, აქტიურ პოლიტიკურ საქმიანობაზე უარი ვთქვი. მას შემდეგ, რაც ივანიშვილი მოვიდა ხელისუფლებაში, ცხადი იყო, რომ სააკაშვილის რეჟიმს დღეები დათვლილი ჰქონდა. ეს რეჟიმი ისედაც დამთავრდებოდა, ნებისმიერ შემთხვევაში, მაგრამ გულწრფელად გეტყვით და ვაღიარებ, რომ არ მეგონა,  ყველაფერი თუ უსისხლოდ ჩაივლიდა. მადლობა ღმერთს, რომ ისე დამთავრდა ეს ყველაფერი, როგორც დამთავრდა.

ამ დროს, პოლიტიკურ პროცესებში მონაწილეობა მხოლოდ სააკაშვილის წისქვილზე დაასხამდა წყალს, ამაში აბსოლუტურად ვარ დარწმუნებული. ამიტომ, არაფერს  გავაკეთებდი და არც ახლა გავაკეთებ  უახლოესი პერიოდის განმავლობაში, სანამ სააკაშვილი და ნაციონალური მოძრაობა საქართველოს პოლიტიკური ასპარეზიდან საბოლოოდ არ არიან წასულები. სააკაშვილი ფიქრობს, რომ მას ჯერ კიდევ აქვს ტელევიზიები,  ფინანსური შემოსავლები, ცხადია უკანონო და წილებში ჩაჯდომით მიღებული, ჯერ კიდევ აქვს სასამართლოები და თვითმმართველობის ნაწილი და ფიქრობს, რომ რევანშისთვს საფუძველი აქვს. მოდით, პირდაპირ ვთქვათ, ეს ყველაფერი შეუძლებელია. მიუხედავად ამისა, ეს „დამოკლეს მახვილივითაა“ ჩამოკიდებული ჩვენზე და ამ მთავრობის დროის დიდი ნაწილი, სწორედ ამ პრობლემების მოგვარებას მიაქვს და არა მართლა მნიშვნელოვან საკითხებს. ეს მთავარი პოლიტიკური ამოცანაა, რადგან საქართველო ვერ განვითარდება სააკაშვილის და „ნაციონალური მოძრაობის“ სრულად დანგრევის გარეშე.

_ თქვენ ითხოვთ სააკაშვილის, მერაბიშვილისა და ადეიშვილის დასჯას და აცხადებთ, რომ მათ გაცილებით უფრო სერიოზული დანაშაულებრივი ქმედებები აქვთ ჩადენილი, ვიდრე ყალბი პასპორტის დამზადება, ყოფილი პრემიერ-მინისტრი რომ ფიქტიური პასპორტით დადის, ეს უმნიშვნელო ამბავია?

_  ცხადია, ფიქტიური პასპორტის დამზადებაც არ არის კანონიერი საქცელი, მაგრამ ისიც მინდა ვთქვა, რომ ეს ხალხი თუ სერიოზული ბრალდებით არ დაისჯება, ეს დიდ პრობემას შექმნის და არ არის გამორიცხული, ასეთმა მსუბუქმა ბრალდებამ მათი რეაბილიტაცია მოახდინოს. ხალხი ნამდვილად არ იფიქრებს, რომ მერაბიშვილი და ადეიშვილი დასაჭერი არაა, მაგრამ მთავრობის მიმართ იქნება შენიშვნები. იტყვიან, _ როგორ კაცო, შენ მერაბიშვილს ვერ იჭერ მკვლელობის ან მკვლელობაზე ხელის დაფარების გამო და იჭერ მხოლოდ ყალბ პასპორტზე?  ჩვენ არ გვჭირდება ეს შენიშვნები, პირდაპირ მინდა გითხრათ, რომ ეს პერიოდი ძალიან სწრაფად უნდა გავიაროთ.ისე უნდა მოგვარდეს ყველაფერი, რომ ახალმა მთავრობამ შენიშვნა არ მიიღოს არც საქართველოს ქალაქებიდან და სოფლებიდან და არც ბრიუსელის გარეუბნიდან და ცენტრიდან. ეს ძალიან მნიშვნელოვანია.

_ მას შემდეგ, რაც ბიძინა ივანიშვილი პოლიტიკაში გამოჩნდა, თქვენ მასთან რაიმე შეხვედრა გქონდათ?

_  არც შეხვედრა მქონდა, არც შეხვედრის  მცდელობა, არც ამის საჭიროება იყო, არც მე მჭირდება, არც მას და არც - არავის.

_ რაც შეეხება პარტიის „სამართლიანი საქართველოსთვის“ დაბრუნების მცდელობას, ეს იმისთვის გჭირდებათ, რომ შემდეგ ისევ პოლიტიკაში დაბრუნდეთ?

_ თქვენი კითხვა ლეგიტიმურია, მაგრამ რაღაც ელემენტარული სამართლებრივი პრობლემების მოსაგვარებლად პრესკონფერენციის ჩატარება არ დამჭირდებოდა. ამას, ისე, ბევრად უფრო ეფექტურად მოვაგვარებდი. პრესკონფერენციის ჩატარება მჭირდებოდა იმისთვის, რომ თქვენი და თქვენი სხვა კოლეგების მეშვეობით, მთავარი მესიჯი მიმეტანა მთავრობასთან და საზოგადოებასთან. მესიჯი შედგება ორი ნაწილისგან: პირველი - ეს არის საქმეები, რომელსაც საბოლოო ჯამში, ნორმალური საგამოძიებო ქმედებების ჩატარების შედეგად, მივყავართ ერთის მხრივ ადეიშვილთან და მეორეს მხრივ მერაბიშვილთან, რადგან ეს იყო სწორედ მათ მიერ დადგმული და ორგანიზებული კონსპირაცია  პოლიტიკური ოპონენტების წინააღმდეგ. ამის გამო ისინი არა მხოლოდ უნდა დასაჯონ, არამედ ჩააგდებინონ ენა, როდესაც ლაპარაკობენ, ჩვენი პოლიტიკური ოპონენტებისთვის ხელი არ გვიხლიაო. მეორე ნაწილი კი ისაა, რომ არ შეიძლება ამ ადამიანების დასჯა უფრო მსუბუქი თემებით.

მოვალ თუ არა პოლიტიკაში მას შემდეგ, რაც "ნაციონალური მოძრაობისგან" გაიწმინდება პოლიტიკური სპექტრი, რას გავაკეთებ და რას _ არა, ამას მე თვითონ გადავწყვეტ. თუ გადავწყეტ, მოვალ, თუ არადა _ არ მოვალ. ჩემს ყველა ქმედებას ექნება ლოგიკა, რომლის ახსნაც ყოველთვის შემეძლება.

პოლიტიკური მოღვაწეობისთვის მე ნამდვილას არ მჭირდება თავიდან ბოლომდე დისკრედიტირებული პარტიის დაბრუნება და იმის პლატფორმაზე ახალი პოლიტიკური მოძრაობის შექმნა. დღესაც ხომ სააკაშვილის რეჟიმი არ არის, წავალთ 5 კაცი და დავაარსებთ ახალ პარტიას.

მე უბრალოდ მჭირდება იმ უშუალო ორგანიზატორების და შემკვეთების დასჯა, რომლებიც მონაწილეობდნენ ამ კონსპირაციაში. თორემ, ჩემი აზრით, რიგითი შემსრულებლების მკაცრად დასჯა სავალდებულო არც არის, ისინი მხოლოდ ლუსტრირებულები უნდა იყვნენ.

_  ისე დარწმუნებით აცხადებთ, რომ  მერაბიშვილს და ადეიშვილის ორგანიზებულია პოლიტიკური კონსპირაცია  ოპონენტების მიმართ, შემთხვევით რამე მტკიცებულება ხომ არ გაქვთ? მათი მხრიდან იყო რამე „მესიჯი“ თქვენი მისამართით?

_ მესიჯი რათ მინდა? საქართველოს ძალიან კარგად ვიცნობ საიმისოდ, რომ ასეთი დასკვნების გაკეთების შესაძლებლობა მქონდეს რა. ჩატარდა უკანონო ყრილობა, რომელსაც არ ესწრებოდა პარტიის წევრების დიდი ნაწილი და ვინც ესწრებოდა, იმათგან ბევრი საერთოდ არ იყო პარტიის წევრი. ამის დოკუმენტალურად დადასტურებაც შეიძლება. მიუხედავად ამისა, იუსტიციის სამინისტრომ, ეს ყველაფერი გაატარა რეგისტრაციაში.

ძალიან ეჭვი მეპარება, რომ რეგისტრატორი და რეგისტრაციის დეპარტამენტის ხელმძღვანელი,  თვითონ წავლენ ციხეში და არ გათქვამენ ამ დავალების მიმცემის ვინაობას. და მეორეც, არა მგონია,  იუსტიციის ამჟამინდელ მინისტრს უნდოდეს ასეთი ხალხი სამსახურში.

ასი პროცენტით ვარ დარწმუნებული, ამ საქმის წარმატებით გამოძიების შემთხვევაში, ადეიშვილზე გავლენ.

გარდა ამისა, ჩვენს წინააღმდეგ გაგრძელდა სასამართლო საქმეების სერია და ამ ზაფხულს, სასამართლო  იღებს გადაწყვეტილებას, რომ თურმე პარტიის ვალი მაქვს 300 000 ლარი, მაშინ  როდესაც 60 000-ზე მეტის შეწირვა  პარტიისთვის არ შეიძლებოდა კანონით. მე მაკისრებენ 300 000 ლარს პარტიის სასარგებლოდ და ამ დროს, პარალელურ რეჟიმში, რომან კუსიანს სახლს უყადაღებენ „ქართული ოცნებისთვის“ 60 000 ლარის შეწირვისთვის.

ამაში მონაწილეობდნენ როგორც პროკურორები, ასევე სხვადასხვა ინსტანციის მოსამართლეები. ეს მოსამართლე თუ იტყვის, კი ბატონო, მე თვითონ მივიღე ეს გადაწყვეტილებაო, ვნახოთ. მაგრამ, დარწმუნებით შემიძლია განვაცხადო, რომ გამოძიების სათანადოდ ჩატარების შემთხვევაში, გავლენ პოლიტიკურ კონსპირაციაზე, რაც საკმაოდ სერიოზული დანაშაულია. ამის  ან კიდევ  მკვლელზე ხელის დაფარების, დიდი თანხების მითვისების, ბიზნესის წილებში ჩაჯდომის გამო, შეიძლება დაისაჯოს ადეიშვილი, მერაბიშვილი და სააკაშვილი. ამათი დასჯა მხოლოდ იმ მოტივით, რომ რაღაც თანამდებობრივი გულგრილობა ჩაიდინეს, გამოიწვევს სერიოზულ უკმაყოფილებას დაწყებული ბრიუსელით და დამთავრებული ქართული სოფლებით. ეს არავის  ჭირდება, არც დღევანდელ მთავრობას, არც საზოგადოებას.

საქმეზე, სადაც დადასტურდება ადეიშვილის მონაწილეობა პოლიტიკურ კონსპირაციაში,  ხმას ვერც ნატო ამოიღებს და ვერც კობა ხაბაზი, მაგალითისთვის ვამბობ...

_ რამდენჯერმე ახსენეთ ბიზნესზე ზეწოლა. როდესაც  პრემიერ - მინისტრი იყავით და ჩაბარებული გქონდათ ეკონომიკური გუნდი, ადეიშვილის, სააკაშვილის ან იგივე მერაბიშვილის მხრიდან რაიმე მითითებებს თქვენი მისამართით ჰქონდა ადგილი?

_ ასეთი შემთხვევა უამრავი იყო, ოღონდ არა მერაბიშვილის და ადეიშვილის, არამედ სააკაშვილის მხრიდან, როდესაც შემოთავაზებული იყო არასწორი გადაწყვეტილებების მიღება.  ამაზე ხშირად გვქონია კამათი. ბევრჯერ მისი წინადადება არ მიმიღია, ყოფილა იშვიათი შემთხვევები, როდესაც ბრძოლა წამიგია და სხვანაირად გაკეთებულა, მაგრამ ძირითადად, ათიდან ცხრა  არ დამითმია და ყოფილა ისე, როგორც უნდა ყოფილიყო საბოლოო ჯამში.

არ მინდა ამ საკითხებზე დეტალურად საუბარი, რადგან მოიცავს სხვა ადამიანებსაც, რომლებმაც, რაც მართალია, ვერ მიიღეს ის, რაც უნდოდათ და ამის მერე არ იქცეოდნენ მთლად ისე ცუდად, როგორც ადრე.

ყოფილა ასეთი შემთხვევაც:  ჩატარებული იყო საგზაოზე ტენდერი და 5 მილიონი იყო განსხვავება. სააკაშვილი მეუბნება, _ ისინი გააკეთებენ, ესენი ვერ გააკეთებენო... ვეუბნები, _ არ არის ეს, არც იმის, არც ამის და არც შენი, ეს ტენდერი არის იმის, ვინც 5 მილიონიანი განსხვავებით  მოიგო და ის ააშენებს , თუ  ვერ ააშენებს, დაისჯება! თუმცა, ვინც საბოლოო ჯამში მოიგო ეს ტენდერი და 5 მილიონით ნაკლები გადაიხადა, აგერ, ცოტა ხნის წინ, საქართველოს მთავრობაში მინისტრი იყო.

ისეთი შემთხვევაც იყო, რომ დღის წესრიგში დადგა ერთ-ერთი მნიშვნელოვანი ობიექტის გაყიდვა პირდაპირი მიყიდვის გზით. დავუძახე იმ ადამიანს და ვუთხარი, _ მე არ ვიცი, სააკაშვილი შენ რას გპირდება, მაგრამ ამ ობიექტს შენ ვერ მიიღებ პირდაპირი მიყიდვით ვერასდროს, ვერასდროს! ვუთხარი, ტყუილად ნუ დადიხარ, დროს ნუ კარგავ აზრი არ აქვს, რადგან ეს ამბავი არასდროს არ გამოგივა-თქო. გაჩერდა, დაწყნარდა, მიიღო მონაწილეობა ტენდერში და წააგო კიდეც. მიხვდა, რომ სააკაშვილი კი ეუბნებოდა, გაგიკეთებ, გაგიკეთებო, მაგრამ ვერ გააკეთებდა.

მაგრამ იყო სხვა შემთხვევაც, მე მინდოდა, რომ შეგვენარჩუნებინა ორი ქარხანა ბათუმში და ეს ორთაბრძოლა ორივე შემთხვევაში წავაგე ბულვარის ხარჯზე. გემთსაშენი ქარხანა ბულვარმა წაიღო, ნავთობქარხანა  იმიტომ ვერ ავაშენეთ, რომ თურმე ტურიზმი უნდა განვითარებულიყო. არადა, ბათუმი არის ქალაქი, რომელსაც საწარმოები ჭორდებოდა, როგორც სამუშაო ადგილი.

იყო კიდევ ერთი საკითხი, ბაჩო ახალაია უნდა ყოფილიყო შემოსავლების სამსახურის უფროსი და რომ არ გახდა, კი ნახეთ და კი იცით. ეს იყო ერთ-ერთი ყველაზე სერიოზული ჩხუბის და დავიდარაბის მიზეზი ჩვენს შორის და ასეთი იყო ძალიან ბევრი.მაგრამ პირდაპირი შემოთავაზება ჩემი მისამართით, ეს იმიტომ უნდა გააკეთო, რომ ფული გავაკეთოთო, არ ყოფილა და ამას არც დავუშვებდი.

შეიძლება ახლა იფიქროთ, რომ სასაცილო ამბავს გეუბნებით, მაგრამ ანგარიშზე რამდენი ფული იყო, ჩემს გარდა არავინ იცოდა. რომ ცოდნოდათ, ეგრევე დახარჯავდნენ და რათ მინდოდა ამის გათქმა?

_ თქვენ რომ ჯიუტი ხართ, ეს უკვე ყველამ იცის, მაგრამ ვერც სააკაშვილი იტანს საწინააღმდეგო აზრს და პოზიციების დათმობას. როგორ გითმობდათ ამდენს?

_  მას ჰკითხეთ, მე არ ვიცი... ყველაფერს ვაკეთებდი სწორად, ეხლა ბულვარის და ქარხნების თემა ჩემთვის იმდენად პრინციპული არ იყო, როგორც საგზაო ტენდერის საკითხი. ბულვარი მისი პასუხისმგებლობის საკითხი იყო, ჩატარებული ტენდერი კი _ჩემი და არაფრით არ დავუშვებდი პატარა კითხვის ნიშანიც დასმულიყო, ამას არაფრით  დავთმობდი.

ისევე, როგორც არ დავთმობდი იმ ძალიან მნიშვნელობანი ობიექტის პრივატიზაციას პირდაპირი მიყიდვის გზით, მითუმეტეს, რომ ობიქტი აჭარაში იყო განლაგებული. ის კი არ იყო მნიშვნელოვანი, ის რამდენად  ჯიუტი იყო, მნიშვნელოვანი იყო, რას დავთმობდი მე. გამორიცხული იყო, რომ მსგავსი რამ დამეთმო. თუმცა, ამ ყველაფერმა მძიმე ვითარებაში და ჩხუბში გაიარა...

_ რა იყო ის ბოლო მომენტი, რამაც გათქმევინათ, _ მორჩა!  და კატეგორიულად გადაწყვიტეთ, რომ სააკაშვილთან აღარ იმუშავებდით.

_ რეალური ბოლო მომენტი იყო 2008 წლის 8 აგვისტო, რომლის შემდეგაც სააკაშვილმა თავი დაიმკვიდრა საქართველოს ისტორიის სანაგვეზე და ჩვენ არაფერი, აღარაფერი გვქონდა საერთო. ეს იყო უდიდესი შეცდომა დაშვებული საქართველოს წინაშე, რომლის გამოსწორების არც უნარი ჰქონდა სააკაშვილს და არც სურვილი.

_ რაიმე თანამდებობა რომ შემოგთავაზონ, დათანხმდებით ახალ ხელისუფლებასთან თანამშრომლობას?

_ ერთი შეხედვით, იმდენად განსხვავებულია ახალი ხელისუფლების ეკონომიკური ხედვები, რომ ჩვენ არაფერი გვაქვს საერთო.რასაც ვუყურებ, არავის ჭირდება ჩემი რჩევაც კი, სხვაზე რომ არაფერი ვთქვათ და მე ნამდვილად არ ავიღებ პასუხისმგებლობას არაფერზე ამ ხელისუფლების მოქმედების გამო. ვუსურვებ წარმატებებს, ეს არის განსხვავებული პოლიტიკა, ამას კრიტიკის თვალსაზრისით არ ვამბობ, მაგრამ უნდა განახორციელონ იმ ადამიანებმა, რომლებიც ფიქრობენ, რომ ეს არის სწორი. მე ვერ ვხედავ ვერანაირ საჭიროებას ამ თანამშრომლობაში.

_ ახლა რითი ხართ დაკავებული, რას საქმიანობთ?

_ ახლა, ჩემი დროის 100%-ს ვუთმობ ბიზნესს, ოღონდ საქართველოში არა. არ არის გამორიცხული, მომავალში, საქართველოშიც მქონდეს რამე, მაგრამ ჯერჯერობით, რაიმე კონკრეტული ეკონომიკური ინტერესი არ მაქვს.




 ახალი ამბები
  • სპეციალური პენიტენციური სამსახურის განცხადება მთავარ არხზე გასულ ყალბ ინფორმაციასთან დაკავშირებით (R)სპეციალური პენიტენციური სამსახური ეხმაურება 2020 წლის 6 აგვისტოს ტელეკომპანია „მთავარის“ საინფორმაციო გამოშვებებში გასულ ყოფილი პატიმრის ანონიმურ ინტერვიუს, სადაც რესპოდენტი საუბრობს N8 პენიტენციურ დაწესებულებაში ყოფნის პერიოდზე და აცხადებს, რომ სხვა პატიმრების მხრიდან ადგილი ჰქონდა მასზე ფსიქოლოგიურ და ფიზიკურ ზეწოლას, ასევე სექსუალური შევიწროების მცდელობას. სპეციალური პენიტენციური სამსახური კატეგორიულად აცხადებს, რომ ეს არის სიცრუე და პენიტენციური სისტემის დისკრედიტაციის მცდელობა, ისევე როგორც ყოფილი პატიმრის ბრალდება, თითქოს ეს ყველაფერი წახალისებული იყო პენიტენციური დაწესებულების ადმინისტრაციის მხრიდან და მუქარები ყოფილი პატიმრის მიმართ დღესაც გრძელდება. ინფორმაციისთვის, ტელეკომპანიის რესპოდენტი, რომელიც სავარაუდოდ უნდა იყოს ყოფილი ბრალდებული ლ.ტ., საქართველოს სისხლის სამართლის კოდექსის 180-ე მუხლის მეორე ნაწილით გათვალისწინებული დანაშაულის ჩადენის ბრალდებით 2020 წლის 14 თებერვალს მოთავსდა N8 პენიტენციურ დაწესებულებაში. მიმდინარე წლის 14 ივლისს თბილისის საქალაქო სასამართლოს გადაწყვეტილებით სასჯელის სახით მას დაეკისრა ჯარიმა 5000 ლარის ოდენობით, რის შემდეგაც ლ.ტ.-მ დატოვა საპატიმრო. ვინაიდან N8 პენიტენციური დაწესებულება არის დახურული ტიპის, დაწესებულებაში ყოფნის პერიოდში ბრალდებულს შეხება ჰქონდა მხოლოდ მის თანამესაკნეებთან და არ ჰქონია კონფლიქტი არც თანამესაკნეებთან და არც დაწესებულების თანამშრომლებთან. შესაბამისად, მისი განცხადებები იმასთან დაკავშირებით, თითქოს მის მიმართ განხორციელებული იყო ფსიქოლოგიური ან ფიზიკური ზეწოლა, არის სრული სიცრუე. ... ...
  • "ადამიანებს სჭირდებათ სამუშაო ადგილები, გადარჩენის პროგრამა და არა ის, რასაც ჩვენ ვხედავთ"„ადამიანებს სჭირდებათ სამუშაო ადგილები, გადარჩენის პროგრამა და არა ის, რასაც ჩვენ ვხედავთ, რომ ვიღაცებს თურმე დაეხმარებიან!“ _ ასე ეხმიანება, პოლიტიკური მოძრაობა „ტრიბუნას“ ლიდერი, დავით ჭიჭინაძე პრემიერ გახარიას განცხადებას, „ოცნების“ მთავრობის გადაწყვეტილების მორიგი ერთჯერადი დახმარებების შესახებ. „თუ სახელმწიფო არ შეკვეცავს ამ ფინანსურ დახმარებებს და პირდაპირ არ შეძლებს ადამიანების დახმარებას, ეს იქნება  ისევ და ისევ ფიქცია და  ახალი 420 მილიონი აღმოჩნდება ისევ ბანკირების ჯიბეში! ანუ,  ის მოვლენები, რომლებიც დღეს მსოფლიოში მიმდინარეობს,  არ არის ფინანსური კრიზისი, ეს არის ეკონომიკური კრიზისი. ჩვენი მთავრობა კი, ამ ეკონომიკურ კრიზისის დამარცხებას, ისევ ფინანსური კრიზისთან ბრძოლის მეთოდებით   ცდილობს და იმის მაგივრად, რომ სამუშაო ადგილები შექმნან და კონკრეტული გადარჩენის პროგრამა აამოქმედონ, ისევ არიგებენ ფულს, რასაც აუცილებლად  მოყვება გარღვევა, ფასების კატასტროფული ზრდა.... სწორედ ამაზე ვაფრთხილებდი პანდემიის დაწყების პირველივე დღეს, ეკონომიკურ გუნდს და პრემიერ გახარიას, რომელიც დღეს შფოთავს, რომ ეკონომიკა თურმე ღრმა რეცესიაში შედის“, _ აცხადებს ... ...
  • „მიხვდა, რომ ძალიან აქვს „დარხეული“ და ცდილობს“ _ გურული ოპოზიცია სამთავრობო დაპირებას აფასებსმთავრობის მიერ მიღებული გადაწყვეტილება, რომელიც თვითდასაქმებულების, ბავშვების, სტუდენტების დახმარებას და კომუნალური გადასახადების დაფინანსებას ეხება, ანტიკრიზისული გეგმის მესამე ნაწილს წარმოადგენს. საზოგადოების და პოლიტიკოსების ნაწილი მიიჩნევს, რომ განცხადება, რომელიც პრემიერ-მინისტრმა გიორგი გახარიამ 6 ივლისს გამართულ მთავრობის სხდომაზე გააკეთა, ბიძინა ივანიშვილის წინასაარჩევნო კამპანიის ნაწილია. „გურია ნიუსი“ დაინტერესდა, თუ როგორ აფასებენ მთავრობის მიერ მიღებულ გადაწყვეტილებას გურული პოლიტიკოსები. "დავით თარხან-მოურავი საქართველოს პატრიოტთა ალიანსის" წევრი ოზურგეთის საკრებულოში, შოთა გოგიბერიძე მიიჩნევს, რომ ხელისუფლება შეჭირვებულ ადამიანებს სისტემატურად უნდა ეხმარებოდეს. „სოციალურად  შეჭირვებული ადამიანებისთვის ყველანაირ დახმარებას მივესალმებით. ზოგადად, ეს რომ უფრო სისტემური ხასიათის იყოს, საკანონმდებლო დონეზე რეგულირდებოდეს, რომ შეჭირვებული ადამიანები რეალურად იღებდნენ დახმარებებს და არ მანიპულირებდეს სოციალური სამსახური რაღაც გაურკვეველი ქულათა სისტემით, რომელსაც ვერავინ ხვდება და შემდეგ ეხსნება უამრავ ადამიანს დახმარება _ თუ ეს ნაკლოვანება იქნება აღმოფხვრილი, შეჭირვებული ადამიანები მიიღებენ დახმარებას და ეს იქნება საკითხის სისტემური გადაწყვეტა, მე ყველაფერს მივესალმები. მთავარია, ადამიანს სახელმწიფომ რაღაცაში შეუმსუბუქოს მდგომარეობა“,_ გვითხრა შოთა გოგიბერიძემ. „ერთიანი ნაციონალური მოძრაობის“ წევრი ლანჩხუთში, კახა ასკურავა  ამბობს, რომ აღნიშნული დახმარება ისევ ხალხის ფულიდან გაიცემა, თუმცა ეს ფული ნასესხებია, რაც მომავალში დიდ საგარეო ვალს განაპირობებს. გარდა ამისა, ასკურავა მიიჩნევს, რომ ეს არის „ქართული ოცნების“ ლიდერის, ბიძინა ივანიშვილის მცდელობა, წინასაარჩევნოდ ისევე გადაირჩინოს თავი და დატოვოს მის მიერ დაარსებული პარტია ხელისუფლებაში, როგორც ეს საპრეზიდენტო არჩევნების დროს გააკეთა, როდესაც მიხვდა, რომ სალომე ზურაბიშვილს არჩევნების მოგების შანსი არ ჰქონდა და მოსახლეობა კარტოფილით და ხახვით მოისყიდა. „ამ გადაწყვეტილებასთან არც გახარია და არც თალაკვაძე კავშირში არ არიან. პოლიტიკას აწარმოებს ბიძინა ივანიშვილი და ეს არის მისი თვითგადარჩენის ინსტიქტი. ეს არის დაპირებები, რომლებიც ბიძინა ივანიშვილმა დღეს გასცა ადამიანების გულის მოსაგებად, უფრო სწორად მოსასყიდლად. დავიწყოთ იმით, რომ ბიძინა ივანიშვილის პოლიტიკა მიზანმიმართული იყო, გაეღარიბებინა მოსახლეობა, რათა ადვილად  ემართა იგი.  ეს იყო ჩვეულებრივი პოლიტიკა, რადგან ღარიბი ადამიანის მართვა გაცილებით იაფი დაუჯდებოდა ივანიშვილს. რა მოხდა მმართველობის ბოლო წელიწადს? _ მოსახლეობა ძალიან გაღარიბდა, გამწარდა და ამას დაემატა კოვიდ 19-ის მიერ ისედაც დამძიმებული ეკონომიკის კიდევ უფრო დამძიმება და ჩამოშლა; მოსახლეობა ფაქტობრივად, შიმშილის ზღვარზე მივიდა და ბიძინა ივანიშვილი უკვე მიხვდა, ის რომ ქობულეთში კიტრს და პომიდორს არიგებდა, საპრეზიდენტო არჩევნებზე კი _  კარტოფილს და ხახვს, ამით ვერ გავიდოდა ფონს. იმიტომ, რომ მოსახლეობა სერიოზულად გაღარიბებულია და ეტყობა, მოითათბირეს, რომ ისეთი მსუყე დაპირება უნდა გაეცათ, რომ ძალიან გაჭირვებული მოსახლეობის გული მოეგოთ. თუმცა, გამორიცხულია. ეს არის მოკლევადიანი, ერთჯერადი დაპირება, რომელსაც მოსახლეობა ხვდება და ზუსტად აცნობიერებს, რომ ხელისუფლების დარჩენის შემთხვევაში, ხვალ გაცილებით უფრო დიდი გაჭირვება ელოდება, იმიტომ, რომ ფულს, რასაც ახლა არიგებს, არის მოსახლეობის ფული. მთელი უბედურება იმაშია, რომ ეს ფული ნასესხები ფულია, რომლის გადახდაც ჩვენს შვილიშვილებს მოუწევს. ეს ფული არ არის არც „ქართული ოცნების“ და არც „ნაციონალური მოძრაობის“ ფული. ეს ფული არის ხალხის ფული, მაგრამ დოვლათით შექმნილი ფული კი არ არის, არამედ ნასესხები ფულია, რომელიც მერე აუცილებლად დასაბრუნებელი იქნება. იმხელა ვალი აქვს აღებული „ქართულ ოცნებას“ მისი მმართველობის პერიოდში, არსებობს სტატისტიკა და ვინც შემომედავება, გაეცნოს, რამხელაზეა გაზრდილი საგარეო ვალი. ნასესხებ და ბიუჯეტში ჩადებულ ფულს აძლევს ხალხს. ეს ისედაც ხალხის საკუთრებაა, მაგრამ მთელი უბედურება არის იმაში, რომ ეს არის ძალიან მოკლევადიანი, რადგან  ბიძინა ივანიშვილის ხელისუფლებაში დარჩენის შემთხვევაში, ეს ქვეყანა განწირულია ეკონომიკური დეპორტისთვის, ძალიან ბევრი პირობიდან გამომდინარე. მათი სტრატეგიაა გამოართვან, ჩაიდონ ჯიბეში. კიდევ ერთხელ ვამბობ, ბიძინა ივანიშვილის ხელისუფლებაში დარჩენა ნიშნავს ასეთ პირობებში ცხოვრებას კიდევ 4 წლის განმავლობაში. ამასაც არ გასცემდა, უბრალოდ, მიხვდა, რომ ძალიან აქვს „დარხეული“ და მაქსიმალურს ცდილობს“,_ გვითხრა ასკურავამ. კახა ასკურავას მსგავსი მოსაზრება გააჩნია, მოძრაობა „ლელოს“ ლანჩხუთელ ლიდერს, იური კუპრაძეს. კუპრაძე ჩვენთან სატელეფონო საუბრისას ამბობს, რომ  „ოცნების“ პოლიტიკა მიზნად ისახავს ხალხის გაღარიბებას. პანდემიამ კი ხალხის მდგომარეობა გააუარესა. ხელისუფლებისგან ხალხის დახმარება მისასალმებელია, მაგრამ წინასაარჩევნოდ  გროშების გაცემა საქმეს ვერ უშველის და საჭიროა ძირეული ცვლილებები. „მივესალმებით ყოველგვარ დახმარებას მთავრობის მხრიდან იქნება ეს თუ კერძო ბიზნესიდან, რომელიც გააუმჯობესებს ადამიანების და ჩვენი მოქალაქეების ყოფას. მაგრამ აქ არის რამდენიმე ისეთი საკითხი, რომლის მიხედვითაც უნდა შევაფასოთ მთავრობის მოქმედება _ რატომ დღეს, აი, ასეთი დახმარება. მინდა აღვნიშნო, რომ ეს ხელისუფლება არის წარუმატებელი. „ოცნების“ ხელისუფლებამ, ფაქტობრივად, გააღატაკა ხალხი. გააღატაკა იმიტომ, რომ ეკონომიკა უკან მიდის, ხალხს შემოსავალი არ აქვს. ხალხი, უმეტესად რეგიონებში სოციალური დახმარებებით არსებობენ, ე.ი. „ოცნების“ პოლიტიკა არის ღარიბი ხალხის მართვა. კატასტროფულად არის შემცირებული ინვესტიციები 2019-2020 წლებში, გააჩერეს დიდი პროექტები. 2018-2019 წელს ჩემი ინფორმაციით, დაიკარგა 11 000 სამუშაო ადგილი დაიკარგა, როცა უნდა შეექმნა. რას დაპირდა გაზაფხულზე მთავრობა ხალხს. გვახსოვს 200-300 ლარიანი დახმარებები, მაგრამ ბევრ ადამიანს ეს დახმარება არ მიუღია. არ ვიცი ეს ფულის უკმარისობის, თუ რის გამო, მაგრამ ვიცი, რომ ბევრმა ვერ მიიღო. ახლა კიდევ ახალ დახმარებას გვთავაზობს და მე ვფიქრობ, რომ ეს არის წინასაარჩევნო ტრიუკი, გროშების ხარჯზე ხალხის მოსყიდვა. დარწმუნებული ვარ, რომ ბევრი რამე რასაც აცხადებენ ხალხამდე ვერ მივა. საიდან უნდა მოიტანოს ეს თანხა მთავრობა, როდესაც წლევანდელი ბიუჯეტის 45% ვალებით არის შევსებული და ამ ვალებით დახმარების გაწევა რას ნიშნავს? ჩვენს შვილებს ვუტოვებთ უზარმაზარ ვალს. 2012-ში რომ იყო მთავრობის ვალი 9 მილიონი დოლარი თუ ლარი, დღეს _ 27-ია. ეს იმას ნიშნავს, რომ 2400 ლარი იყო 2012 წელს ერთ სულ მოსახლეზე დავალიანება, წელს _ 7 400-ია. მივესალმებით ყველანაირ დახმარებას, მაგრამ რის ხარჯზე ხდება ეს დახმარება? რატომ ხდება წინა საარჩევნოდ და რატომ არ გადადგმულა ერთი ნაბიჯი ეკონომიკის გასაძლიერებლად, ამიტომ გროშების გაცემა საქმეს ვერ უშველის და საჭიროა ძირეული ცვლილებები, რომ ეკონომიკა გავაძლიეროთ და სიღატაკე დავძლიოთ“,_ გვითხრა იური  კუპრაძემ. ჩოხატაურის საკრებულოში ფრაქცია „ქართული ოცნება-კონსერვატორების“ თავმჯდომარე, მაია გიორგაძე კი ხელისუფლების მიერ მიღებულ გადაწყვეტილებას დადებითად აფასებს. „რაც კარგი გაკეთდება, მივესალმები ყველაფერს. ისიც ძალიან კარგია, რომ 200 ლარია ამ სასკოლოდ ბავშვებისთვის. ვიღაცის მშობელი უმუშევარი დარჩა, ვიღაცას 2-3 ბავშვი ჰყავს, ეს სულ არარაობას, რაღაცას ნიშნავს. თუნდაც დენის და გაზის გადასახადიც ანალოგიურია. შეიძლება ზამთრის პერიოდში ვიღაცას მეტი ჰქონდეს დანახარჯი, ყოველ შემთხვევაში, მოსახლეობას რაც შეღავათი გაუკეთდება, კარგია“,_ ამბობს მაია გიორგაძე. „ევროპული საქართველოს“ წევრი, ლანჩხუთის საკრებულოში, ამირან გიგინეიშვილი, ასევე, მიესალმება ხელისუფლების მიერ მიღებულ გადაწყვეტილებას. გიგინეიშვილი მიიჩნევს, რომ ხალხის დასახმარებლად გასაკეთებელი უფრო მეტია, მაგრამ მოსახლეობაზე, რაც შეიძლება ნაკლებად უნდა აისახოს პანდემიით გამოწვეული ცუდი მდგომარეობა. „მოსახლეობა არ არის კარგ მდგომარეობაში გამომდინარე ამ კორონავირუსიდან. არის  ეკონომიკური ვარდნა, რამაც ბიუჯეტის სეკვესტრები გამოიწვია, როგორც ცენტრალურის, ასევე ადგილობრივების. ყველგან, მათ შორის ლანჩხუთში მივიღეთ ბიუჯეტის შემცირება. შესაბამისად, მოსახლეობაზე, რაც შეიძლება ნაკლებად უნდა აისახოს კრიზისი, რაც გამოწვეულია არსებული მდგომარეობით. შესაბამისად, გადაწყვეტილება კარგია და ვფიქრობ, უფრო მეტიც უნდა ყოფილიყო“, _ ამბობს ამირან გიგინეიშვილი. ცნობისთვის, ანტიკრიზისული გეგმის მესამე ეტაპი ითვალისწინებს დახმარებას თვითდასაქმებულებითვის,  კერძოდ,  ვინც მთავრობას 300-ლარიანი დახმარებისთვის მიმართა და წარსადგენი დოკუმენტაციის შესახებ მოთხოვნები ვერ დააკმაყოფილა, 300-ლარიან დახმარებას მიიღებენ. როგორც მთავრობის მეთაურმა აღნიშნა, დახმარება სექტემბრამდე ჩაირიცხება. აღნიშნული ჩარიცხვებით თვითდასაქმებულების დახმარების პროგრამა სრულდება. „ერთჯერად 300-ლარიან დახმარებასთან დაკავშირებით, მთავრობას 250 000-მა საქართველოს მოქალაქემ მომართა. ეს დახმარება 170 000-მა მოქალაქემ უკვე მიიღო. თუმცა, სანამ შემდეგ ეტაპზე გადავალთ, გადავწყვიტეთ, დარჩენილ 80 000 მოქალაქეს, რომლებმაც სრულად ვერ დააკმაყოფილეს მოთხოვნები დოკუმენტების შეგროვების თვალსაზრისით, თხოვნა დაუკმაყოფილდეს და დაერიცხოს ეს ერთჯერადი 300 ლარი. ამით ეს პროგრამა დასრულდება“, _ გიორგი გახარია. გარდა ამისა, 17 წლის ასაკის ჩათვლით, თითოეული ბავშვი, მთელი საქართველოს მასშტაბით, ერთჯერადად, 200 ლარის ოდენობის დახმარებას მიიღებს. ბავშვებისთვის სოციალური დახმარება სასწავლო წლის დაწყებისას გაიცემა. „ეკონომიკურ კრიზისში ჩვენი მოქალაქეები, 17 წლის ჩათვლით ბავშვები სახელმწიფოს მხრიდან 200 ლარის ოდენობის დახმარებას მიიღებენ და ეს იქნება ბავშვების ერთ-ერთი ყველაზე მნიშვნელოვანი სოციალური დახმარება კრიზისში“, – გიორგი გახარია. აღსანიშნავია, რომ ანტიკრიზისული გეგმის მესამე ნაწილი ითვალსიწინებს სტუდენტების დახმარებასაც. კერძოდ, პრემიერის განცხადებით, დახმარებას მიიღებენ ასევე სტუდენტები, რომლებსაც სოციალურად 150 ათას ქულამდე აქვთ, სახელმწიფოსგან მიიღებენ ერთი სემესტრის, 2020-2021 წელის 1 სემესტრის სრულ ანაზღაურებას და გარდა ამისა, სტუდენტები, რომელსაც სოციალურად 150 ათას ქულამდე არიან და სწავლის საფასურის გადაუხდელობის  გამო შეჩერებული აქვთ სტუდენტის სტატუსი, სახელმწიფო დაუკომპენსირებს 1 წლის სწავლის საფასურს და ეს არის 1 225 ლარი. პრემიერის განცხადებით, ამ შეღავათით ისარგებლებს 33 000-ზე მეტი სტუდენტი. საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა, რომ მომდევნო ერთი წელი რთული იქნება გლობალური ეკონომიკისთვის. პრემიერმა განაცხადა, რომ მთავრობა მოსახლეობას კომუნალურ გადასახადებს ნოემბრის, დეკემბრის, იანვრისა და თებერვლის თვეებში დაუფარავს. გადასახადების დაფარვა მთავრობის მიერ იგივე პრინციპით მოხდება, როგორც ეს აქამდე ხდებოდა. „200 კვტ საათი ელექტროენერგიისა და 200 კუბურ მეტრ გაზის მოხმარება მთავრობის მიერ იქნება კომპენსირებული“,_ განაცხადა ... ...
  • რა წერია მანქანაში აღმოჩენილ ქაღალდზე _ შსს თამარ ბაჩალიაშვილის საქმეზე ექსპერტიზის დასკვნას ასაჯაროებსშსს თამარ ბაჩალიაშვილის საქმეზე ექსპერტიზის დასკვნას ასაჯაროებს. აღნიშნულთან დაკავშირებით ინფორმაცია "გურია ნიუსმა" უწყებისგან მიიღო. "გვსურს, საზოგადოებას მივაწოდოთ ინფორმაცია თამარ ბაჩალიაშვილის საქმის გამოძიების მიმდინარეობასთან დაკავშირებით. 2020 წლის 5 აგვისტოს ლევან სამხარაულის სახელობის სასამართლო ექსპერტიზის ეროვნული ბიუროდან მიღებულ იქნა ხელწერის ექსპერტიზის დასკვნა, რომლის თანახმადაც, შემთხვევის ადგილზე ავტომანქანის დათვალიერებისას აღმოჩენილ მოცისფრო, პატარა ზომის ფურცელზე არსებული ტექსტობრივი ჩანაწერი: „ანაბარზე თანხაა, გამოიყენეთ“ - შესრულებულია თამარ ბაჩალიაშვილის მიერ. შემთხვევის ადგილზე ნანახი, თამარ ბაჩალიაშვილის კუთვნილი ავტომანქანა იყო დაკეტილ მდგომარეობაში. ავტომანქანის გასაღები კი მოთავსებული იყო უკანა სავარძელზე, რის გამოც ავტომანქანის გაღება მოხდა ოჯახის წევრების მიერ წარმოდგენილი სათადარიგო გასაღებით. ასევე, გადამოწმდა თამარ ბაჩალიაშვილის კუთვნილი ანგარიშები. ერთ-ერთ ბანკში თამარ ბაჩალიაშვილის ანაბარზე ირიცხება 75 000 ლარი. თამარ ბაჩალიაშვილის საქმეზე ინტენსიურად გრძელდება გამოძიება, მიმდინარეობს ექსპერტიზები. სამინისტრო აქტიურ კომუნიკაციაშია ოჯახთან. აღნიშნულ საქმესთან დაკავშირებით პერიოდულად მოხდება საზოგადოების ინფორმირება", _ ნათქვამია შსს-ს ... ...
  • ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში (R)პანდემიის პერიოდში ლიბერთიმ პარტნიორ კომპანიებში მომხმარებლისთვის ახალი პროდუქტი - ბარათით გადახდა|განაღდების სერვისი დანერგა, რომელიც სოციალური ბარათის მფლობელებს აძლევს საშუალებას, ბარათით გადახდისას, საკუთარი საბარათე ანგარიშიდან 50 ლარამდე ოდენობის ნაღდი ფულიც მიიღონ. დღეიდან, ეს სერვისი წამყვანი სააფთიაქო ქსელების გარდა, „ნიკორა სუპერმარკეტში“ გახდა ხელმისაწვდომი მთელი საქართველოს მასშტაბით. ლიბერთის ახალი სერვისის მიზანია მომხმარებელს ჰქონდეს საშუალება ისარგებლოს საბანკო მომსახურებით იქ, სადაც რეგულარულად დადის. „ნიკორა სუპერმარკეტი“ ერთ-ერთი ყველაზე წარმატებული ქსელია საქართველოში. ამ ეტაპისათვის კომპანია ფლობს 242 სავაჭრო ობიექტს რომელთაგანაც 191 თბილისში, ხოლო დანარჩენი საქართველოს სხვადასხვა რეგიონებშია წარმოდგენილი. თანხის განაღდების სერვისით სარგებლობა მარტივია - „ნიკორა სუპერმარკეტში“ მინიმუმ 5 ლარის პროდუქციის შეძენისას, სოციალური ბარათის მფლობელებს შეუძლიათ სუპერმარკეტის სალაროდან თანხის განაღდებაც მოითხოვონ. განაღდებული თანხა ერთჯერადად არ უნდა აღემატებოდეს 50 ლარს. “მოხარული ვართ, რომ „ნიკორა სუპერმარკეტთან“ ჩვენი ორ წლიანი თანამშრომლობა კიდევ ერთი ახალი პროექტით გრძელდება. ამჯერად, გავერთიანდით ახალი მიზნისთვის, რომ ჩვენს მომხმარებელს სწორედ იქ შევთავაზოთ საბანკო სერვისები, სადაც ყველაზე ხშირად დადიან. ასევე, მნიშვნელოვანია პანდემიის პირობებში გაიზარდოს გადახდის უსაფრთხო გზით სარგებლობის მოტივაცია და ნაღდი ფულის აუცილებლობის შემთხვევაში, შემცირდეს დამატებით ბანკში ვიზიტის საჭიროება. ამ პროექტში „ნიკორა სუპერმარკეტთან“ პარტნიორობა ჩვენთვის განსაკუთრებით მნიშვნელოვანია. გვინდა მადლობა გადავუხადოთ კომპანიის მენეჯმენტს და მომსახურე პერსონალს მაღალი სოციალური პასუხისმგებლობისთვის“ - ლიბერთის საცალო საბანკო მიმართულების დირექტორი, გიორგი მაკარიძე „ნიკორა სუპერმარკეტის“ და ლიბერთის პარტნიორობა სხვადასხვა პროექტების ფარგლებში უკვე ორ წელს ითვლის. 2018 წლიდან ლიბერთის სოციალური ბარათის ნებისმიერი მფლობელისთვის, სუპერმარკეტების ქსელში 350-მდე სხვადასხვა დასახელების პროდუქტზე მუდმივი ფასდაკლება მოქმედებს. ერთი წლის წინ კი ნიკორა ლიბერთის ლოიალობის პროგრამის, ქეშბექის მეგობარი ობიექტი გახდა, რაც ლიბერთის ნებისმიერი ბარათის მფლობელს აძლევს საშუალებას „ნიკორა სუპერმარკეტში“ ნებისმიერი პროდუქციის შეძენისას ყველაზე მაღალი ქეშბექით ისარგებლოს. სოციალური ბარათით გადახდა|განაღდების სერვისი ლიბერთის მომხმარებლებისთვის ასევე ხელმისაწვდომია ავერსის, PშP-ს და ფარმადეპოს სააფთიაქო ქსელებში მთელი ქვეყნის ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...