თავმჯდომარის ჩიჩილაკი

მთავარი თემა

თავმჯდომარის ჩიჩილაკი

2013 იან 8 17:19:22
ავთანდილ ბერიძემ ბრიფინგამდე ჟურნალისტებს რჩევა მოგვცა: "ბრიფინგზე უნდა გითხრათ ჩემი სათქმელი. ამისთვის ორი საათი ვემზადებოდი. მე ვლაპარაკობ აქ და მერე არ მითხრათ ცალკე ჩაგწერთო. აქვე მკითხეთ, რაც გაინტერესებთ და ორჯერ ნუ მალაპარაკებთ", _ გვირჩია ავთანილ ბერიძემ.

ბრიფინგი შობა-ახალი წლის მილოცვით დაიწყო: "შეგახსენებთ, რომ 1 იანვრის დადგომისთანავე გავრცელდა უმაღლესი საბჭოს თავმჯდომარის საახალწლო მიმართვა. ასევე 7 იანვარს უმაღლესი საბჭოს თანამშრომლები ესწრებოდნენ საშობაო ღვთისმსახურებას", _ გვითხრა ბერიძემ.

"ასევე გუშინ რესტორან "მაილოში" გაიმართა შეხვედრა, სადაც მონაწილეობდნენ უმაღლესი საბჭოს თანამშრომლები და მათი ოჯახის წევრები. იყვნენ ბავშვები, თოვლის ბაბუა და გართობა. ცნობისთვის (ამ დროს ჩემკენ მოიხედა, ოდნავ გადმოიწია და ხაზგასმით თქვა. ავტ.) ბიუჯეტის ხარჯი არ ყოფილა. ჩვენ ასეთ საკითხებზე ფულს არ ვხარჯავთ".

უმაღლესი საბჭოს თავმჯდომარის ბრიფინგი რამდენიმე წუთი გაგრძელდა. თავმჯდომარეს ეტყობოდა, რომ დღესასწაულების მიუხედავად, არ დაუსვენია. საახალწლო თუ საშობაო განწყობისთვის, ტრიბუნაზე, მიკროფონების გვერდით, ჩიჩილაკი იდგა. მცირე ზომის ჩიჩილაკს სუროს 3 გამხმარი ფოთოლი ამშვენებდა. დღესასწაულების მიხედვით ატრიბუტიკით ბრიფინგების "გაფორმება" პიარის სამსახურის აშკარად "კარგ" მუშაობაზე მიუთითებს. საინტერესოა, მაგალითად, მუსულმანურ დღესასწაულ ყურბან ბაირამზე რა დეკორაცია იქნება ტრიბუნაზე _ ყურბნის ხორცი ჯამით თუ ჰალვა? ან ებრაული პასექის დღესასწაულზე "მაცას" მოაწყობენ ირგვლივ? თუმცა, ალბათ ისიც გასათვალისწინებელია, რომ უმაღლესი საბჭო აკურთხეს და აქ მხოლოდ ქვეყნის დომინანტ რელიგიას აღიარებენ.

ბრიფინგის მეორე ნაწილში თავმჯდომარემ ჟურნალისტების კითხვებს უპასუხა.

"აჭარის უმაღლესი საბჭოდან თანამშრომელთა მასობრივი განთავისუფლება არ მომხდარა არასოდეს. როგორც მე ვიცი, ნინო გრძელიძემ, უბრალოდ, მოიტყუა. მე ამას ტყუილს დავარქმევ. ქართული სიტყვაა _ როცა ადამიანი არ ამბობს სიმართლეს, ამას ჰქვია ტყუილი. მთლიანობაში, თუ არ მეშლება, დაახლოებით 40 თანამშრომლამდეა გათავისუფლებული. ნაწილი მათგანი წავიდა იმის გამო, რომ ხელშეკრულების ვადა გაუვიდათ; რამდენიმე ადამიანმა დაწერა განცხადება და საკუთარი სურვილით წავიდა. ჩვენი ინიციატივით ეგრეთ წოდებულ, ხაზს გავუსვამ, ეგრეთ წოდებულ "გაგდებას" ადგილი არ ჰქონია," _ ამბობს ავთანდილ ბერიძე.

ჟურნალისტების კითხვაზე, რატომ არ გაუგრძელდა იმ თანამშრომელებს ხელშეკრულება, რომელთაც 1 იანვარს ამოეწურათ ამ ხელშეკრულების ვადა, ავთანდილ ბერიძე პასუხობს: "რატომ უნდა გაგრძელებოდა? მან უნდა მომმართოს და მთხოვოს (მე ახლა ბრჭყალებში ვსვამ ჩემს თავს, _განმარტა ბერიძემ). შესაბამისად, ვინც უნდა დაწეროს ბრძანება, იმას უნდა მიწეროს და უნდა მივიდეს და უთხრას, მე, იცით, ხელშეკრულების ვადა მითავდება და ხომ არ გექნებათ სურვილი კიდევ გამიგრძლოთ ხელშეკრულება? ასეთ კითხვაზე აპარატის უფროსმა შეიძლება უპასუხოს ან _ კი, ან _ არა. თუ მჭირდება _ ავიყვან, თუ არ მჭირდება - არ ავიყვან. მაგრამ ასეთი მოთხოვნა იმ თანამშრომლებისგან, გთხოვთ, მე გამიგრძელოთ ხელშეკრულების ვადაო, არ ყოფილა," _ ამბობს უმაღლესი საბჭოს თავმჯდომარე.

რეგიონის საკანონმდებლო ორგანოს ხელმძღვანელი პრემიების საკითხსაც შეეხო. "გურია ნიუსის" ჟურნალისტის კითხვაზე ავთანდილ ბერიძემ შემდეგი პასუხი გასცა.

"გურია ნიუსი": _ ნინო გრძელიძემ განაცხადა, რომ ახალი მოწვევის უმაღლესმა საბჭომ ნოემბერში პრემიები გასცა მხოლოდ ახლად მიღებულ თანამშრომლებზე. თუ იყო ასეთი ფაქტი და გაიცა თუ არა მხოლოდ ახალ მიღებულ თანამშრომლებზე პრემია?

_ არა. მხოლოდ ახლად მიღებულ თანამშრომლებზე პრემია არ გაცემულა, _ გვპასუხობს ავთანდილ ბერიძე.

_ ბატონმა ალეკო ჩიტიშვილმა განაცხადა, რომ გაიცა პრემია.

_ შეეკითხეთ ბატონ ალეკო ჩიტიშვილს. მე გეუბნებით _ მხოლოდ ახლად მიღებულ თანამშრომლებზე პრემია არ გაცემულა.

_ ეს ორაზროვანი პასუხია. სიტყვა "მხოლოდ" რას ნიშნავს? _ საუბარში ერთვება აჭარის ტელევიზიის ჟურნალისტი.

_ თქვენ არა, მე ტატოს ვპასუხობ. შემეკითხა მხოლოდ ამ თანამშრომლებზე გაიცა პრემიაო? მე ვპასუხობ, რომ _ არა.

_ ბატონმა ალეკომ თქვა, რომ ძველ თანამშრომლებს მიღებული ჰქონდათ პრემია კვარტალურად 200%-ის ოდენობით და რომ არ მომხდარიყო გადამეტება, ამიტომ არ გაიცა, _ ვაგრძელებ კითხვას და ვცდილობ მივიღო კონკრეტული პასუხი.

_ კანონი ხომ არ დაგვირღვევია? _ ღიმილით მპასუხობს თავმჯდომარე.

_ ანუ ასე იყო? - ვცდილობ დავაზუსტო.

_ ამის შესახებ ხომ გესაუბრეთ წინა ბრიფინგებზე? იყო ეს შეკითხვა, გიპასუხეთ და დეტალურად აგიხსენით ჟურნალისტებს პრემიების გაცემის წესის შესახებ. მაშინ გითხარით, რომ კანონში წერია ასე, სამწუხაროდ, რომ ხელფასი შედგება თანამდებობრივ სარგოსა და პრემიისგან. ამ პრემიას ჩვენ ნუ განვხილავთ, როგორც ჯილდოს. წესით ასეც უნდა იყოს, მაგრამ კანონში ასე ჩამიწერა სააკაშვილმა თავის დროზე. ორი დღის მიღებულ ადამიანმა ორი დღის ნამუშევრის შესაბამისი პრემია მიიღო. ვინც ერთი თვე იმუშავა, ერთი თვის ნამუშევრის შესაბამისი პრემია აიღო. ვინც მიიღო პრემია ოქტომბერში ორი თვისა, მას ნოემბერში, რა თქმა უნდა, პრემია აღარ უწევდა და არ მიუღია, იმიტომ, რომ ამ ადამიანებს მისცეს პრემია წინასწარ, _ ამბობს ავთანდილ ბერიძე.

ავთანდილ ბერიძემ უმაღლესი საბჭოს თანამშრომლის ნინო გრძელიძის ბრიფინგზე გაჟღერებულ ფაქტზე ვკითხეთ _ ნინო გრძელიძემ განაცხადა, რომ საზოგადოებასთან და მასმედიასთან ურთიერთობის განყოფილებაში სამუშაოდ თავისი კლასელი ვახტანგ თავბერიძე მიიღო.

"მე ბათუმის მე-2 საშუალო სკოლა დავამთავრე 1971 წელს. შესაბამისად, ჩემი კლასელი ჩემი ტოლაა. ანუ ის არის 58 წლის. როდესაც ასე ამბობს თანამშრომელი (იგულისხმება ნინო გრძელიძე) მეორე თანამშრომელზე, რომ ის მხოლოდ ჩემი კლასელია და მეტი არაფერი, 58 წლის მამაკაცზე როცა ამას იტყვის, მე ამას უბრალოდ ვუპასუხებ, რომ ტყუილია. იმ ადამიანს 30-წლიანი ჟურნალისტური გამოცდილება აქვს. ის ადამიანი გაზეთ "აჭარის" დირექტორი იყო წლების განმავლობაში. არაპროფესიონალი და ისტორიის არმქონე ადამიანი აქ, აჭარის უმაღლეს საბჭოში ვერ იმუშავებს. იმ ნიშნით, რომ ვიღაცა ვიღაცის კლასელია ან ბიძაშვილია აქ, უმაღლეს საბჭოში ვერავინ დასაქმდება, _ ამბობს ავთანდილ ბერიძე, _ ისიც ითქვა, რომ მარინა კუპრეიშვილი არის ჩემი მეგობარი. დიახ, მარინა კუპრეიშვილი არის ჩემი მეგობარი. თქვენი მეგობარი არ არის? ვინც ეს თქვა, მისი მეგობარი არ არის? მარინა კუპრეიშვილი, ხომ ყველას მეგობარია? მე მარინა გავიცანი 1989 წელს. 91-ში როდესაც იგი ომში მიდიოდა, მე გავაცილე. და იქ მიდიოდა არა საომრად, არამედ თქვენსავით მიკროფონი ეკავა ხელში და არის ომის ვეტერანი. მე პატივს ვცემ ამ ადამიანებს, ვისაც ბეჭებზე დაათოვა შრომაში. ნებისმიერი, ვინც აქ მოვა, იქნება კვალიფიციური, სპეციალისტი, უმწიკვლო, პატიოსანი. თუ ასეთი ადამიანი შეგვეშალა, მითხარით პირდაპირ, მომახალეთ პირში".

ბრიფინგი ამით დასრულდა, თუმცა, ჟურნალისტებმა უმაღლესი საბჭოს თავმჯდომარის ბრიფინგამდელი რჩევა არ გაითვალისწინეს და ავთანდილ ბერიძეს ჟურნალისტების კითხვებზე პასუხის გაცემა ბრიფინგის შემდეგაც ინდივიდუალურად მოუხდა.




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...