87 მილიონით შემცირებული დღგ და მუნიციპალიტეტების ფინანსური პრობლემები _ ექსკლუზიური ინტერვიუ პრემიერთან

მთავარი თემა

87 მილიონით შემცირებული დღგ და მუნიციპალიტეტების ფინანსური პრობლემები _ ექსკლუზიური ინტერვიუ პრემიერთან

12 აპრ. 2019, 12:34:33

მუნიციპალიტეტების დაფინანსების წესი მიმდინარე წლის იანვრიდან შეცვლილია _ საქართველოს მთავრობის გადაწყვეტილებით, ადგილობრივ თვითმმართველობებს გამოთანაბრებითი ტრანსფერი აღარ ეძლევათ, საშემოსავლო გადასახადი კი სრულად მიდის ცენტრალურ ბიუჯეტში. ამის ნაცვლად თვითმმართველობებს დამატებითი ღირებულების გადასახადის (დღგ) სახით მიღებული შემოსავლების 19 პროცენტი დაუტოვეს. ამ 19 პროცენტიდან დედაქალაქს _ 50.01 პროცენტი ეკუთვნის; 4 თვითმმართველ ქალაქს, ჯამში _ 11.19 პროცენტი, ხოლო დანარჩენ 58 მუნიციპალიტეტს _ 38.8 პროცენტი.

2018 წლის ბოლოს, კანონპროექტის ავტორები ამტკიცებდნენ, რომ ეს ცვლილება მუნიციპალიტეტებზე კარგად აისახებოდა და ამ წესით დაფინანსებაც უნდა გაზრდილიყო, თუმცა, პრაქტიკამ სხვა რამ აჩვენა.

მუნიციპალიტეტების დიდი ნაწილი ფინანსური პრობლემის წინაშეა. ლანჩხუთის მუნიციპალიტეტის მერის, ალექსანდრე სარიშვილის თქმით, რომ არა წინა წლიდან გადმოსული ნაშთი, პრობლემა გარდაუვალი იყო:

_ წინა წლიდან გადმოგვყვა ნაშთი და ის ვაბრუნეთ. ამის დახმარებით დავაღწიეთ თავი პრობლემებს. ახლა ეს ნაშთი ამოგვეწურა და ჯერ არ ვიცით, აპრილში რა იქნება, _ აღნიშნა ჩვენთან საუბრისას სარიშვილმა.

დაფინანსების ახალმა წესმა სერიოზული პრობლემები შეუქმნა ჩოხატაურის მუნიციპალიტეტს, სადაც ა(ა)იპ-ებში ხელფასების გაცემაც კი გაუჭირდათ.

როგორც გავარკვიეთ, ამის მიზეზი სახელმწიფო ბიუჯეტში დღგ-ს შემცირებაა.

გეგმის თანახმად, წელს, ლანჩხუთის მუნიციპალიტეტს დღგ-ს 0.74% (6 980 800 ლარი) უნდა ერგოს, ოზურგეთის მუნიციპალიტეტს _ 1.41 % (13 313 800 ლარი), ხოლო ჩოხატაურს 0.32% _ (3 021 800 ლარი), თუმცა, დღეს არსებული რეალობით, ამ შემოსავლის მიღება კითხვის ნიშნის ქვეშ დგება.

ყოველ შემთხვევაში, პირველი კვარტლის ოფიციალური მონაცემები სასიკეთოს არაფერს ამბობს _ დღგ-ს გადასახადი წინა წელთან შედარებით ძალიან ნაკლებია.

საქართველოს პრემიერ-მინისტრის მამუკა ბახტაძე "გურია ნიუსთან" ექსკლუზიურ ინტერვიუში ამბობს, რომ ცენტრალური ბიუჯეტი ამ ყველაფერს გაითვალისწინებს.

_ ბატონო მამუკა, მას შემდეგ, რაც თვითმმართველობის დაფინანსების წესი შეიცვალა და დარჩა მხოლოდ დღგ-ს გადასახადი, მუნიციპალიტეტების დიდ ნაწილს გაუჭირდა. ჩვენ შევადარეთ ფინანსთა სამინისტროს ვებგვერდზე გამოქვეყნებული მონაცემები და გაირკვა, რომ წინა წლის 2 თვესთან შედარებით, წელს 87 მილიონი ლარით ნაკლები დღგ-ა შემოსული. ეს, ბუნებრივია, იმას ნიშნავს, რომ ეკონომიკის პრობლემაა და ბიზნესი არ მუშაობს. საინტერესოა, ამ მიმართულებით რას აკეთებთ და როგორ ფიქრობთ მდგომარეობის გამოსწორებას?

_ ჩვენ არჩეული გვაქვს მუნიციპალიტეტების დეცენტრალიზაციის პოლიტიკა _ ფისკალურ დეცენტრალიზაციას ვგულისხმობ. ეს არის რეგიონების მდგრადი განვითარების ერთადერთი სწორი გზა. ამ დეცენტრალიზაციის გზაზე, ჩვენ, რა თქმა უნდა, ეტაპობრივად უნდა გავახორციელოთ ეს რეფორმები.

რაც შეეხება კონსოლიდირებულ ბიუჯეტს, აქ გვაქვს ძალიან დიდი პროგრესი _ ჩვენი ბიუჯეტი 2019-2020 წლებში იქნება 26-27 მილიარდი ლარი. მე არ მაქვს იმის ილუზია, რომ ეს არის იმის საკმარისი რესურსი, რომ ჩვენ ყველა პრობლემას გავუმკლავდეთ, მაგრამ ეს რესურსი საკმარისია იმისთვის, რომ საქართველოს ყველა რეგიონში მოვაგვაროთ ძალიან ბევრი პრობლემა.

რა თქმა უნდა, ჩემი სურვილი იქნება, რომ მუნიციპალიტეტებს ჰქონდეთ მეტი თავისუფლება თანხების განკარგვის ნაწილში და მათ ეს აუცილებლად ექნებათ, იმიტომ, რომ ტრანსფერები ხორციელდება. ჩემთვის 2019-2020 წლებში განსაკუთრებული პრიორიტეტები იქნება რეგიონში არსებული ინფრასტრუქტურული პრობლემების დაძლევა _ როგორიც არის საავტომობილო გზები, გაზიფიკაცია, ის პრობლემები, რომლებსაც ჯერ კიდევ აქვს ადგილი ელექტრომომარაგების ნაწილში და, რა თქმა უნდა, სკოლების, ბაღების მშენებლობა და რეაბილიტაცია.

_ დღგ-სთან დაკავშირებით კითხვაზე არ გვიპასუხეთ _ გასულ წელთან შედარებით წელს ნაკლებია შემოსული და როგორც გითხარით, ამან იმოქმედა მუნიციპალიტეტებზე. ვგულისხმობთ იმ მუნიციპალიტეტებს, რომლებსაც მცირე ბიუჯეტი აქვთ _ მაგალითად, ჩოხატაურის მუნიციპალიტეტს, სადაც ხელფასების გაცემაც კი გაუჭირდათ. გაქვთ თუ არა ამის შესახებ ინფორმაცია და როგორ აპირებთ ამ პრობლემის მოგვარებას?

_ ტრანსფერებით მოხდება ეს ყველაფერი. კიდევ ერთხელ მინდა გითხრათ _ ბიუჯეტის შესრულება მიმდინარეობს ნორმალურ რეჟიმში. სახელმწიფო ბიუჯეტის რესურსი ორი წლის განმავლობაში იქნება 26-27 მილიარდი ლარი და მის შესრულებას არანაირი პრობლემა არ ექნება. რა თქმა უნდა, რომელიღაც გადასახადმა შეიძლება დაიკლოს, რომელიღაც მოიმატებს, მაგრამ, საერთო ჯამში, გვექნება ეს რესურსი. მუნიციპალიტეტებს, რომლებსაც გაუჩნდებათ პრობლემა და დეფიციტი ფულადი სახსრების თვალსაზრისით, დავეხმარებით _ ბუნებრივია, ცენტრალური ბიუჯეტი ამ ყველაფერს გაითვალისწინებს და დააკორექტირებს. ეს ძალიან მარტივია. რაც შეეხება საგადასახადო შემოსავლების მიცემას რეგიონებისთვის, ჩვენ ვართ ორიენტირებული იმაზე, რომ ფისკალური დეცენტრალიზაცია გავაკეთოთ სწრაფად და ადგილობრივ მუნიციპალიტეტებს ჰქონდეთ მეტი სახსრები განკარგვისთვის, _ აღნიშნა ჩვენთან საუბრისას მთავრობის მეთაურმა.




 ახალი ამბები
  • „ნაციონალური მოძრაობის" მხრიდან ძალადობა არ წყდება- მდინარაძე საპარლამენტო უმრავლესობის ლიდერი, მამუკა მდინარაძე მარნეულის მუნიციპალიტეტში საოლქო საარჩევნო კომისიის შენობასთან  "ენმ"-სა და "ოცნების" წარმომადგენლებს შორის მომხდარ დაპირისპირებას გამოეხმაურა. „კრიმინალური და მავნებელი ძალის, „ნაციონალური მოძრაობის" მხრიდან პროვოკაციები და ძალადობა არ წყდება. ამჯერად, არსებული ინფორმაციით, მარნეულის მუნიციპალიტეტში, ნაციონალური მოძრაობის პარტიული აქტივის წარმომადგენლები მივიდნენ ცესკოს საოლქო კომისიის შენობასთან, რომლის მიმდებარე ტერიტორიაზეც არის ჩვენი ოფისიც, ,,ქართული ოცნების" შტაბი, საიდანაც მძიმე შეურაცხყოფის ფონზე აპირებდნენ ჩვენი შტაბის წევრების პროვოკაციაზე წამოგებას, თუმცა ჩვენ, როგორც იცით, ჩაშლილი გვაქვს მკაცრი დირექტივა პარტიაში, რომ პარტიულმა აქტივმა მაქსიმალურად უნდა შეიკავოს თავი მსგავს მავნებლობაზე. ამიტომ, ,,ნაციონალური მოძრაობის" მხრიდან პროვოკაციის პირველი მცდელობა დასრულდა უშედეგოდ.  ამის შემდეგ, ცესკოს საოლქო ორგანიზაციის შენობაში შეუშვეს მათი აქტივისტი და ცენტრალური საარჩევნო კომისიის წევრი ნაციონალური მოძრაობიდან ( ეს პირი იდენტიფიცირებულია და შეგნებულად არ ვამბობ სახელს და გვარს) ,  რომელმაც ფიზიკური შეურაცხყოფა მიაყენა და მაისური შემოახია ცესკოს თანამშრომელს, რასაც მოჰყვა მცირე ფიზიკური დაპირისპირება. შენობასთან შეკრებილმა „ნაციონალური მოძრაობის" წარმომადგენლებმა და აქტივისტებმა აღნიშნულზე დაიწყეს ხმაური და სიტყვიერი შეურაცხყოფა, სიტუაციის თავის სასარგებლოდ გამოსაყენებლად. „ნაციონალური მოძრაობის" წევრები უკვე რამდენიმე დღეა და თქვენ ეს ფაქტები ყველამ მშვენივრად იცით, ცდილობენ „ქართული ოცნების" წევრების პროვოკაციაზე წამოგებას, თუმცა, დღეს, როდესაც ჩვენი გუნდის წევრების მიმართ მათი ასეთი მცდელობები წარუმატებელი აღმოჩნდა, ისინი უკვე ცესკოს თანამშრომელზე გადავიდნენ და აღნიშნული პიროვნება მათი ძალადობის მსხვერპლი გახდა. ამჟამად, როგორც ჩვენ ინფორმაცია გვაქვს, ადგილზე იმყოფება პოლიცია და  დაწყებულია გამოძიება. ყველას კარგად მოეხსენება, რომ ეს ადამიანები ყველაფერზე არიან წამსვლელები, რადგან მათ არჩევნებში იციან, რომ წარმატების არანაირი შანსი არ აქვთ და მხოლოდ პერმანენტულ ძალადობაზე, მუდმივ პროვოკაციაზე არიან გადასულები. კიდევ ერთხელ, დაბეჯითებით მოვუწოდებთ საქართველოს ყველა მოქალაქეს, არა მხოლოდ ჩვენს აქტივისტებს და განსაკუთრებით ჩვენი პარტიის წევრებს და აქტივისტებს,  მაქსიმალურად შეიკავეთ თავი „ნაციონალური მოძრაობის" წარმომადგენლების პროვოკაციაზე რეაგირებისგან. როგორც ჩანს უკვე მათ აქვთ თავისი პარტიის წინასაარჩევნო კამპანიის მთავარ ხაზად განსაზღვრული პროვოკაციები, ამიტომ ჩვენ ყველას გვმართებს, რომ პროვოკაციებზე არ წამოვეგოთ. სრული მობილიზება მოვახდინოთ ყველა მიმართულებით, რადგან ასევე აქვს საქართველოს მოსახლეობას უნიკალური შანსი, რომ ,, ნაციონალური მოძრაობის" რეიტინგი არჩევნების შედეგებში იყოს  ისტორიულ მინიმუმზე. ასევე, მოვუწოდებთ  საერთაშორისო პარტნიორებს და სამოქალაქო სექტორის წარმომადგენლებს, რომ „ნაციონალური მოძრაობის" მხრიდან საარჩევნო პროცესში დესტრუქციის შემოტანაზე შესაბამისი რეაგირება მოახდინონ. ხაზგასმით ვაცხადებთ, რომ ყველა კანონდარღვევას, ძალადობის ყველა ფაქტს სახელმწიფოს მხრიდან შესაბამისი, მკაცრი პასუხი მოჰყვება და დესტაბილიზაციის საშუალება არავის მიეცემა“,_ განაცხადა ... ...
  • სოფლის ცენტრში, ტუალეტში ბამბუკია ამოსული : „გაკეთებული საქმეების „მშვენება“ “ოზურგეთის მუნიციპალიტეტის სოფელ დვაბზუს მოსახლეობის უმთავრესი პრობლემა წყალსადენის მშენებლობაა, რომლის  პროექტირებაც  უკვე  დაწყებულია. აქაურები ითხოვენ  სოფლის ყველა უბანში გზის გაკეთებას, რომლის მოასფალტება შეუძლებელია თუ ჯერ წყლის გაყვანა არ მოხდა. „გურია ნიუსი“ სოფელს ეწვია. ჩვენ  გავეცანით  აქაურთა პრობლემებს. ადგილობრივები ამბობენ, რომ ბოლო წლებში ბევრი საქმე  გაკეთდა, განსაკუთრებით  კი  დვაბზუსა და გაღმა დვაბზუს შორის, მდინარე  მაღელაზე  ხიდის  აგებისთვის,  გამოთქვამენ კმაყოფილება, სომელიც მუნიციპალიტეტის მერიის მხარდაჭერით  აიგო.  მათივე თქმით, ძველი დროიდან მოყოლებული, ერთ დიდი პრობლემას წარმოადგენდა. სოფლის ცენტრში, საბავშვო  ბაღის შენობის  მიმდებარედ, სადაც ასევე სამედიცინო უბანია განთავსებული,   ტერიტორიის მოზრდილი ფართობია, რომლის უკანა კუთხე ეკალ-ბარდითაა დაფარული.  ხოლო იქვე მდგარ, ამჯერად უფუნქციოდ დარჩენილ ტუალეტში , ბამბუკის ხეებია ამოსული.   ბარდები და  და ჭინჭარია ასევე  ამოსული სამედიცინო უბნის კედლების გასწვრივ. ჩვენს კითხვაზე, თუ   რატომ არის  აქ ასეთი მდგომარეობა და შესაძლებელია თუ არა აქვე მომუშავეთა მიერ,  დასუფთავების დღის მოწყობა,  ადგილობრივებმა გვითხრეს, რომ   სოფელში გაკეტებული ბევრი კარგი სქმის „მშვენება“, ნამდვილად არ უნდა იყოს ცენტრში ასეთი ანტისანიტარიული  ადგილი. _მოვახერხებთ, დავალაგოთ და მოვაწესრიგოთ აქაურობა, - გვითხრეს მათ.   ჩვენის მხრივ, ვიტყვით, რომ აქაურობის იერ-სახეზე, დასუფთავებასა და მოვლაზე,  ხელისუფლების ადგილობრივ წარმომადგენლებს , დეპუტატს  თუ აქვე , სხვადასხვა სფეროში მომუშავეებს, ერთნაირად  უნდა შესტკიოდეთ   გული და საკუთარი ინიციატივით უნდა აწყობდნენ „დასუფთავების დღეებს“. _აქ მალე სკვერი უნდა გაკეთდეს. ზოგადად, კოორდინირებული მუშაობით, ადგილობრივ ხელისუფლებასთან და ჩვენს მოსახლეობასთან ერთად, ბევრი რამის გაკეთება შევძელით _ გვითხრა მუნიციპალიტეტის  მერის წარმომადგენელმა სოფელში, მამუკა გოგოუაძემ. დვაბზუს მცხოვრებთაგან, დღეისთვის სამ მცხოვრებს აღმოაჩნდა კორონა ვირუსი (ისინი ქობულეთის ფაბრიკის, „აჭარა ტექსტილის“ თანამშრომლები არიან)  და ყველა გადაყვანილია ბათუმში. „გურია  ნიუსი“ ვრცლად,  დვაბზუში  არსებული პრობლემების თუ   გაკეთებული საქმეების ირგვლივ, საგაზეთო სტატიაში ... ...
  • 2 დაღუპული და 2 დაშავებული_ ავარია ავტობანზეავტოსაგზაო შემთხვევას თბილისი-სენაკი ლესელიძის საავტომობილო მაგისტრალის გორის მონაკვეთზე ორი მამაკაცი ემსხვერპლა,  ორი კი მძიმე დაზიანებებით საავადმყოფოებში გადაიყვანეს. არსებული ინფორმაციით, ავტობანზე მოძრავი „ნისანის” მარკის ჯიპი ტრაილერს შეეჯახა. შემთხვევის გამო ავტობანის აღნიშნულ მონაკვეთზე დასავლეთ საქართველოდან თბილისის მიმართულებით მოძრავი ტრანსპორტის მოძრაობა ... ...
  • „თხილის ფასს არ ეხება ომი და წაბლისას აფარჩაკებს? “ _ ოზურგეთული „გარჩევა“ ფასებზე დღეს, დილიდან, ოზურგეთში თხილის ფასის კიდევ ერთი ახალი  ფორმულაა ძალაში - ამჯერად ერთი კილოგრამი შვიდლარნახევარი ღირს,  სულერთია, „ბერძნულაა “ თუ „გულშიშველა“.  ოღონდ  ათი ცალი გატეხილი თხილიდან, რვა მაინც საღი უნდა იყოს _ ასეთია თხილის მიმღები  პუნქტების ოპერატორთა ლოგიკა. კითხვაზე, თუ  ერთ ცალ საღ გულში აპირებენ 80 თეთრის გადახდას, თან ზოგი ამბობს, რომ ათიდან, რვა რომ იყოს საღი, მაინც რვა ლარს გადავიხდითო, ეს რა ლოგიკაა? _ ვკითხეთ მათ. _ის ლოგიკაა, რომ მაგდენი საღი თხილი არცერთ ვარიანტში არ   გამოვა. ტყუილა იძახიან, _ თავ-თავის „ლოგიკას“  იშველიებენ ფასებზე და ერთმანეთზე   აღრენილი  თხილის მიმღები ოპერატორები. _არაფრით არ შეიძლება ათი ცალიდან ათივე საღი გამოვიდეს,    „ბერძნულა“   ნამეტურ. ამიტომ ნუ ამბობთ და ნუ წერთ რომ, ერთი კილოგრამი რვა ლარი  ღირს. მასეც რომ იყოს, მაინც არავინ გადაიხდის შვიდლარნახევარზე მეტს. რატომ,  იცით?   გარჩეული, მზა ნედლეული, ერთი კილოგრამი თხილი დღეს  ღირს 18 ლარი. ერთ კილოგრამ გარჩეულ თხილს 2,400 კგ გაუტეხავი თხილი სჭირდება. ახლა იანგარიშეთ, რამდენია? 19 ლარს აჭარბებს გარჩეული თხილის გულის ფასი, თუ გაუტეხავში 8 ლარს გადაიხდიან.  ვინმე წაგებაზე წავა? ამიტომ, ვინც იძახის, რომ ერთ  ცალში 80 თეთრს იხდის და შესაბამისად,  ერთ კილოგრამში 8 ლარს მიიღებთო, გატყუებთ, _ გვითხრეს თაყაიშვილის ქუჩაზე განლაგებულ ჯიხურებში. რაც შეეხება წაბლის ფასს, რომელიც  ერთი კვირაა, რაც ბაზარზე შემოვიდა, ერთ კილოგრამს 2 ლარად იბარებდნენ.  თუმცა,  დღეს  ერთი კილოგრამის  ფასი  ერთი ლარია. _თხილის  ფას კი მიფრინავს, ერთი ეს გვითხარით, წაბლი რომ ღირდა 2 ლარი, ახლა რატომ განახევრდა ფასი?  ეს საქმეა?  თან საკმაოდ კარგად  ასხია წელს,_   სვამდნენ კითხვებს წაბლით სავსე ჩანთებით მოსული სოფლის მცხოვრებლები. _ხომ გითხარით, აზერბაიჯანში გაჰქონდათ, ახლა ომიაო და ამიტომ შეჩერდა გატანა. აქით თურქეთიც ჩაკეტილია, ამიტომ დაეცა ფასი. თქვენზე უფრო გვინდა ჩვენ, მაღალი ფასი რომ ჰქონდეს _ განმარტებებს არ იშურებდნენ თხილის პუნქტებიდან. _ თხილის ფასს  არ ეხება ომი და  წაბლისას   აფარჩაკებს?  _ უპასუხოდ დარჩა იმ ქალბატონების კითხვა, რომლებაც  პირი იბრუნეს და ჩასაბარებლად წამოღებული წაბლი ისევ შინ ... ...
  • საქართველოს ბანკის მხარდაჭერით ახმეტაში უალკოჰოლო ლუდის მინი საწარმო აშენდასაქართველოს ბანკი ადგილობრივი ბიზნესების მხარდაჭერას განაგრძობს. სწორედ ამ მიზნით, ახმეტაში, კერძოდ სოფელ ომალოში, უალკოჰოლო ლუდის მინი საწარმო აშენდა. კომპანია დღიურად 100 ლიტრ ლუდს აწარმოებს და მის რეალიზაციას ძირითადად ადგილობრივ ბაზარზე  ახდენს.  სამომავლოდ საწარმო ხილის გადამუშავებას და ახალი ასორტიმენტის შეთავაზებას აპირებს მომხმარებლისთვის. ისეთის როგორიცაა, ვაშლის ლუდი, კუნელის ლუდი და ასე შემდეგ. ამ ეტაპზე განხორციელებული ინვესტიციის ჯამური მოცულობა 100 000 ლარია, აქედან შეღავათიანი აგრო კრედიტის ფარგლებში საქართველოს ბანკის თანამონაწილეობა 40 000 ლარს შეადგენს. კომპანია აქტიურ რეჟიმში აწარმოებს უალკოჰოლო ლუდს და პროდუქციას ყიდის თბილისში, რუსთავში, მარნეულში, თელავსა და გურჯაანში.  კომპანია გაყიდვების ზრდას და შესაბამისად, კიდევ უფრო მეტი ადამიანის დასაქმებას ელის. ამ ეტაპზე კომპანიაში 6 ადამიანია დასაქმებული. „საქართველოს ბანკი  ადგილობრივი ბიზნესის მხარდაჭერის მიზნით აქტიურად აგრძელებს  ახალი პროექტების წახალისებას. მოხარულები ვართ, რომ კიდევ ერთხელ მოგვეცა შესაძლებლობა შეგვეტანა წვლილი ადგილობრივი წარმოების, კერძოდ უალკოჰოლო ლუდის საწარმოს მშენებლობის განხორციელებაში. მიგვაჩნია, რომ მსგავსი პროექტები დაეხმარება რეგიონის ეკონომიკას და დადებით გავლენას მოახდენს ახალი სამუშაო ადგილების შექმნაზე. გვინდა წარმატებები ვუსურვოთ საწარმოს სამომავლო საქმიანობაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls