ვინ არიან შსს-ს ექსპერტები, რომლებსაც გახმაურებული საქმეების დასკვნებს ანდობენ

მთავარი თემა

ვინ არიან შსს-ს ექსპერტები, რომლებსაც გახმაურებული საქმეების დასკვნებს ანდობენ

2013 მარ 16 17:38:23

"საექსპერტო-კრიმინალისტიკური მთავარი სამმართველოს 80 გვერდიანი ესპერტიზის დასკვნას  თან ახლავს მოცულობითი დანართები ფოტოცხრილებისა და კვლევის ლინგვისტური ნაწილის სახით. საქმისადმი მაღალი საზოგადოებრივი ინტერესის გათვალისწინებით მთავარი პროკურატურა მიზანშეწონილად მიიჩნევს განასაჯაროოს მიღებული ექსპერტიზის დასკვნითი ნაწილი. გამოძიება დამატებით განასაჯაროებს ამერიკის შეერთებული შტატების გამოძიების ფედერალური ბიუროსა და გერმანიის ფედერალური კრიმინალური სამსახურის მიერ წარმოდგენილ დასკვნებს მათი მიღებისთანავე. მითითებულ სამსახურებში ექსპერტიზები დანიშნულია გამოძიების მწარმოებელი ორგანოს მიერ." _ ნათქვამია მთავარი პროკურატურის მიერ გავრცელებულ განცხადებაში.

განცხადებას თან ახლავს ექსპერტიზის დასკვნა, რომლის გაცნობის შემდეგ, "გურია ნიუსმა" მეტად საინტერესო დეტალი აღმოაჩინა. დასკვნას ხელს აწერს შსს-ს საექსპერტო-კრიმინალისტიკური ექსპერტიზის ექსპერტი, ე. კუნელაშვილი.

ე. კუნელაშვილი იგივე ეთერ კუნელაშვილია, რომელსაც "გურია ნიუსი" გახმაურებული. ე. წ ნარკოტრანზიტის საქმიდან იცნობს (2010 წელს სოფელ ტყაჩირიდან ამოღებული მილიონ შვიდასიათასი ევროს საქმე, რომელიც თითქოს ბიზნესმენ ნუგზარ ბოჭორიშვილს ნარკოტრანზიტით ჰქონდა მიღებული. ავტ), სადაც ყოველგვარი მტკიცებულებების გარეშე, რამდენიმე ადამიანს განსაკუთრებით მკაცრი განაჩენი გამოუტანეს, დაწყებული  თავისუფლების სამუდამო აღკვეთით, დამთავრებული, 25, 27 და 30 წლიანი პატიმრობით.

ერთ-ერთი მთავარი მტკიცებულება საქმეში ვიდეოჩანაწერი იყო, რომელზე დაწერილ დასკვნასაც ხელს სწორედ ეთერ კუნელაშვილი და კიდევ ერთი ექსპერტი, გიორგი ხიზანაშვილი (22 წლის ექსპერტი, ერთწლიანი სტაჟით. ავტ) აწერდნენ.

როგორც "გურია ნიუსმა" შსს-ში გაარკვია, ორივე ექსპერტი კვლავ უწყებაში მუშაობს.

დასკვნა, რომელსაც ეს ორი ახალგაზრდა აწერდა ხელს, ეხებოდა ერთ-ერთ უმნიშვნელოვანეს მტკიცებულებას, რომლის საფუძველზეც ანასტასია ზაუტაშვილს ბრალი ედება უმძიმეს დანაშაულში _ დამამძიმებელ გარემოებებში განზრახ მკვლელობის მომზადებაში. შეგახსენებთ, რომ ანასტასია ზაუტაშვილს, სასჯელის ზომად, 30 წელი განესაზღვრა.

დაცვის მხარეს მაშინ პარლამენტის ამჟამინდელი ვიცე-სპიკერი, მანანა კობახიძე და ადვოკატი ლალი აფციაური წარმოადგენდა.

გამომდინარე იქედან, რომ აღნიშნული ექსპერტი კვლავ ატარებს ექსპერტიზას, მიზანშეწონილად მივიჩნიეთ, დეტალურად შემოგთავაზოთ მის მიერ გაცემული პასუხები ადვოკატების კითხვებზე

ადვოკატ მანანა კობახიძის კითხვაზე, _ ჩატარდა თუ არა ხმის ნიმუშზე პიროვნების იდენტიფიკაცია, ეთერ კუნელაშვილმა უპასუხა, _ არა, რადგან ჩემთვის გამოძიებას მაგ კითხვით არ მოუმართავს. გთავაზობთ კითხვა-პასუხის ციტირებას:

მანანა კობახიძე _ შეიძლება თუ არა, სრულყოფილი იყოს ფონოსკოპიური ექსპერტიზა თუ პიროვნების ხმის ნიმუშის იდენტიფიკაცია არ მომხდარა?

ეთერ კუნელაშვილი _ ხმის ნიმუშის აღების გარეშე, პიროვნება პიროვნებას ვერ შედარება.

თუმცა, ექსპერტისთვის ამ ფაქტს ხელი შეუშლია იმაში, რომ პიროვნების იდენტიფიკაციის გარეშე მოეხდინა შედარება და დაეწერა დასკვნა.

გარდა ამისა,  მონტაჟის ნიშნების გამოსარკვევად, კომპლექსური ექსპერტიზა უნდა ჩატარდეს, მათ შორის ლინგვისტურიც.

მანანა კობახიძე _ ქალბატონო ეთერ, ჩაატარეთ თუ არა ლინგვისტური ექსპერტიზა?

ეთერ კუნელაშვილი _ არა.

მანანა კობახიძე _ რატომ?

ეთერ კუნელაშვილი _ ლინგვისტი არ გვყავს!

საერთოდ, ფონოსკოპიური ექსპერტიზის ჩატარებისას, ხელმძღვანელობენ კოვალის ცნობილი მეთოდით. თუმცა, გარდა კოვალისა, სხვა გამოჩენილ ავტორთა ნაშრომებიც არსებობს. მათ შესახებ ინფორმაციას ეთერ კუნელაშვილი არ ფლობდა, რის შესახებაც მან იმავე პროცესზე განაცხადა.

მეორე ექსპერტი, გიორგი ხიზანაშვილი, რომელიც დღემდე უწყებაში რჩება,  22 წლის გახლდათ და ერთწლიანი სტაჟით...

ექსპერტის ასაკის გაგებაზე და მოსამართლე მარინე სირაძის მიერ ადვოკატებისთვის ზედიზედ მოხსნილ კიდევ 10 კითხვაზე, ადვოკატ მანანა კობახიძეს გაეღიმა.

"ქალბატონო მანანა, თქვენი ღიმილი სასამართლოს უპატივცემულობის გამომხატველია!", _ განაცხადა მოსამართლემ და კიდევ ერთხელ გაისმა ჩაქუჩის ბრახუნი 100 ლარიან ჯარიმასთან ერთად... ეს "უნიკალური პრეცედენტი იყო, როდესაც, ადვოკატი, (ამჟამინდელი ვიცე-სპიკერი)  ღიმილისთვის დააჯარიმეს.

ადვოკატ ლალი აფციაურს დღემდე კარგად ახსოვს ეს ექსპერტები და აცხადებს, რომ მათი დატოვება უწყებაში იმას ნიშნავს, რომ ნებიმიერი დასკვნა, რომელსაც ისინი აწერენ ხელს, სერიოზული ეჭვის ქვეშ დგას.

"ისეთი ექსპერტების უწყებაში დარჩენა, რომლებიც მზად იყვნენ, ნებისმიერი დასკვნა გაეყალბებინათ და ნებისმიერი უკანონო ბრძანება შეესრულებინათ, პირველ რიგში, შინაგან საქმეთა სამინისტროსთვის არის ძალიან დიდი რისკის მატარებელი. გადახედონ მათ მიერ დაწერილ დასკვნებს და იმ საქმეებს, რომლებზედაც ხელი აქვთ მოწერილი და ყველაფერი ძალიან ცხადი გახდება. თანაც, მასეთი ხალხი დატოვება უწყებაში, როდესაც მერაბიშვილის და ახალაიას მიერ მართლა პროფესიონალები გამოყარეს იქედან მხოლოდ იმიტომ, რომ მათი უკანონო ბრძანებები არ შეასრულეს, როგორც მინიმუმ, უხერხულია ახალი ხელმძღვანელობის მხრიდან. მეტი ყურადღება მართებთ მათ საკადრო პოლიტიკასთან მიმართებაში", _ აცხადებს "გურია ნიუსთან" ლალი აფციაური.

დამოუკიდებელი სასამართლო ექსპერტიზის ცენტრ "ვექტორის" ექსპერტი, მარიკა ტოკლიკიშვილი, (რომელიც შსს-ს  საექსპერტო- კრიმინალისტიკურ მთავარ სამმართველოში,  2005 წლიდან მუშაობდა.  მანამდე კი მუშაობდა სახელმწიფო უშიშროების სამინისტროს საექსპერტო–კრიმინალისტიკურ სამმართველოში 1998 წლიდან), "გურია ნიუსთან" აცხადებს, რომ დასკვნა, რომელიც ბუტა რობაქიძის საქმეზეა დაწერილი, სერიოზული ეჭვის საფუძველს იძლევა.

"ეთერ კუნელაშვილს რომ ექსპერტიზის დაწერა შეძლებოდა და კიდევ სხვებს, თუნდაც ძალიან მარტივი საქმის, თავის დროზე იმდენი საქმეები გვქონდა შეუსრულებელი, როგორ ფიქრობთ არ ვთხოვდით "დახმარებას" კუნელაშვილს? ის მაშინ ჰაბიტოსკოპიის მიმართულებაში ფოტორობოტის შედგენაზე მუშაობდა.

ჰაბიტოსკოპიას არავითარი კავშირი არა აქვს ფონოსკოპიასთან. ასე რომ, ჩემთვის საერთოდ გაუგებარია, რატომ ავალებენ ფონოსკოპიური დასვნის დაწერას ამ საქმის არამცოდნე და არაკვალიფიციურ ადამიანს.

წავიკითხე დასკვნა და შემიძლია გითხრათ, რომ ამას დასკვნა არ ჰქვია ნამდვილად. მე კუნელაშვილებს რომც არ ვიცნობდე, ამის წაკითხვის შემდეგ ვიტყოდი, რომ ეს არის დაწერილი ისეთი ადამიანის მიერ, რომელსაც ელემენტარული ცოდნა არ გააჩნია ფონოსკოპიის დარგში." _ აცხადებს მარიკა ტოკლიკიშვილი "გურია ნიუსთან" და კონკრეტულ დეტალებზე საუბრობს:

"პირველივე კითხვის პასუხად უწერია საშინელი აბსურდი.

" . . . ვიდეოგრამა მონტაჟის წესით არის მიღებული. აქედან გამომდინარე ვიდეოგრამა ორიგინალ ჩანაწერს წარმოადგენს თუ ასლს ექსპერტების მიერ პასუხის გაცემა შეუძლებელია"

ძალიან სასაცილოა. დანარჩენზე რომ აღარაფერი ვთქვა, ელემენტარულად იმას ვერ მიხვდა ექსპერტი, რომ პირველადი ჩანაწერი არ იყო ციფრული, და მხოლოდ შემდეგ მოხდა მისი გადატანა ციფრულ ფორმატში.

იმ ჩანაწერს რომ ნახავს ადამიანი, არავითარი ცოდნა რომ არ ქონდეს და ფონოსკოპია გაგონილიც რომ არ ჰქონდეს მიხვდება, რომ პირველადი ჩანაწერი, ანუ ორიგინალი ჩაწერილია VHშ კასეტაზე და შემდეგ არის გადატანილი სხვა ფორმატში.

ექსპერტმა ის რომ არ იცის, რომ ვიდეოგრამის ვიზუალური გამოკვლევა არ ხდება და მაგას აუდიტორული ანალიზი ქვია, ამის შემდეგ რაღა უნდა ვთქვა?" _ აცხადებს დამოუკიდებელი ექსპერტი.

კიდევ ერთი პუნქტი, რომელზედაც მარიკა ტოკლიკიშვილი ყურადღებას ამახვილებს, ვიდეომასალაში დაფიქსირებულ დროის ფაქტორს ეხება

"მერე იმას რომ წერს, საათები სიბნელეშია და არ ჩანსო, კი მაგრამ რისთვის აქვთ ის ტექნიკა თუ ვერ გამოიყენებენ. ესე იგი არ იციან, თორემ იქ ყველა საათზე შეიძლება დროის ამოკითხვა."

რამდენად სანდოა მსგავსი კვალიფიკაციის ექსპერტები და მათ მიერ დაწერილი დასკვნები თუნდაც ისეთ სერიოზულ საქმეზე, როგორიც ბუტა რობაქიძისაა, ამის განსჯა შსს-ს ხელმძღვანელი პირებისთვის მიგვინდია...




 ახალი ამბები
  • სემეკში თავმჯდომარის არჩევნები ჩატარდასაქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები  გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს. ახალი რეგულაციით,   კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში განისაზღვრა თავმჯდომარის არჩევის წესი და პროცედურა. წესის შესაბამისად, არჩევნებში გამარჯვებულად ცხადდება ის კანდიდატი, რომელიც მიიღებს არჩევნებში მონაწილე წევრების ხმათა უმრავლესობას. ახალი პროცედურების მიხედვით, კენჭისყრის შედეგების დამტკიცება მოხდება საჯარო სხდომაზე. თავმჯდომარის უფლებამოსილების ვადის ათვლა დაიწყება საჯარო სხდომაზე კენჭისყრის შედეგების დამტკიცების მომენტიდან. საჯარო სხდომა ხვალ, 22 ოქტომბერს 11:00 საათზე გაიმართება.  (R) ... ...
  • საქართველოს ბანკის მხარდაჭერით NASA Space Apps Challenge-ს საქართველომ პირველად უმასპინძლა (R)საქართველოს ბანკის მხარდაჭერით, ილიას სახელმწიფო უნივერსიტეტის აბასთუმნის ასტროფიზიკურმა ობსერვატორიამ NASA Space Apps Challenge Abastumani-ს უმასპინძლა. 18-20 ოქტომბერს გამართული ჰაკათონის მთავარი მიზანი იყო ისეთ ინოვაციურ თემებზე მუშაობა, რომლებიც მიმართულია კაცობრიობისთვის მნიშვნელოვანი პრობლემატიკის მოგვარებისკენ. მაგალითად, როგორიცაა გლობალური დათბობა და მისი მავნე შედეგები, ოკეანის გასუფთავება მავნე ნივთიერებებისა და ნაგვისგან, მთვარის მტვრის იდენტიფიცირება და მისი ნეგატიური გავლენის შემცირების მექანიზმები და ა.შ.  ჰაკათონის ფარგლებში, ისევე, როგორც სხვა ქვეყნებში გამართული Space Apps Challenge-ის მონაწილეებს, საქართველოშიც ჰქონდათ ხუთი სამუშაო თემა: ოკეანეები, მთვარე, მზის სისტემის პლანეტები და ეგზოპლანეტები, გზა დედამიწიდან ვარსკვლავებისკენ, ცხოვრება ჩვენს სამყაროში. თემის არჩევის შემდეგ, მონაწილეებმა 48 საათის განმავლობაში იმუშავეს ისეთ პროექტებზე, როგორებიცაა: ღია ოკეანეში ინტერნეტთან წვდომის პრობლემის გადაჭრა, ვიდეოთამაშის მოფიქრება კოსმოსური ნარჩენების შესაგროვებლად; ციფრული გლობუსის ვებაპლიკაციის შექმნა, რომელიც დედამიწის სამეცნიერო მონაცემების ვიზუალიზაციას NASA-ს Web WorldWind-ის გამოყენებით შეძლებს და სხვა.  „საქართველოს ბანკისთვის მნიშვნელოვანია ინოვაციური პროექტების განხორციელების მხარდაჭერა. განსაკუთრებით ისეთი ფორმატისა, რომელშიც გამორჩეულ და საინტერესო იდეების მქონე ადამიანებს აქვთ შესაძლებლობა,  ფართო საზოგადოებას გააცნონ საკუთარი მიგნებები და ამავე დროს, გააცნონ საქართველო მსოფლიოს. საქართველოს ბანკისთვის მნიშვნელოვანია მსგავსი ღონისძიებების მხარდაჭერით ინოვაციების ხელშეწყობა“, - აცხადებენ საქართველოს ბანკში.  ინფორმაციისთვის, NASA Space Apps მსოფლიოში ყველაზე ფართომასშტაბიანი ჰაკათონია, რომელიც ერთდროულად იმართება 200 სხვადასხვა ადგილას და 48 საათი მიმდინარეობს. ის ინოვაციათა ინკუბატორის პროგრამაა. ჰაკათონში მონაწილეობა შეუძლია ყველას, ვისაც შეუსრულდა 18 წელი და დაინტერესებულია დედამიწისა და კოსმოსის კვლევებით, კოდირებით, ტექნოლოგიებით, დიზაინითა და სხვა გამოყენებითი მეცნიერებებით. პირველ და მეორე ადგილზე გასულ პროექტებს ფულადი ჯილდოები გადაეცათ. გამარჯვებულია გუნდი Algien პროექტით -  Nature at work, რომელიც ორიენტირებულია  წყლის რესურსების მართვისა და რისკების შემცირების სფეროში მწვანე ინფრასტრუქტურის რთული ამოცანების გადაჭრაზე. ასევე, გუნდი Baby Shark პროექტით- Ship chain, რომელიც  ღია ოკეანეში ინტერნეტთან წვდომის პრობლემის გადაჭრას ემსახურება. NASA Space Apps Challenge ჰაკათონის საუკეთესო პროექტებს Global Awards-ის დაჯილდოებაზე წარადგენენ. ... ...
  • ოზურგეთის "ლაშეს" სტადიონის შეტრიალების ინიციატივით დასრულებული ხანგრძლივი დავა ხმაური და ხანგრძლივი დავა მოჰყვა ოზურგეთის მუნიციპალიტეტის საკრებულოს სხდომათა დარბაზში ჩატარებულ თანამონაწილეობითი ბიუჯეტირების პროექტის ფარგლებში  გამარჯვებული პროექტის _  „ლაშეს სტადიონის კეთილმოწყობა“ _ ავტორებთან, მხარდამჭერებთან და დაინტერესებულ პირებთან ერთად განხილვას. მხარდამჭერი მოქალაქეები, მწვრთნელი აკაკი ათუაშვილი, არასამთავრობო და სამთავრობო სექტორის წარომადგენლები დიდხანს დაობდნენ ლაშეს  სტადიონის ტერიტორიის განაშენიანების პროექტზე, რომლისთვისაც 75 ათასი ლარია გათვალისწინებული. აზრთა სხვადასხვაობა თავიდან გამოიწვია შენობის და სხვა ნაგებობების  განთავსების თემამ. _ ჩვენ  ვინც ვართ  ფეხბურთის სპეციალისტები და როგორც ვიტყვით, ის აზრი გათვალისწინებული უნდა იქნეს. მაქვს კითხვა, არის თუ არა სტადიონი სტანდარტში ჩამჯდარი? იქ კეთდება სარბენი ბილიკები, კალათბურთის მოედანი, მაგრამ ჩვენ ფეხბურთის კუთხით ვუყურებთ პირველ რიგში, დღეს აქ ვერ  ვხედავ პიროვნებას, ვინც პროექტი დაწერა, _ თქვა  მწვრთნელმა აკაკი ათუაშვილმა, რაზეც უპასუხეს, რომ პროექტი შედგა ხალხის გამოკითხვის მხარდაჭერით. _ მოსახლეობის გამოკითხვას  მე ვუძღვებოდი, კარგად ვიცი, რა უნდათ _ დიდი ჯოხით  როდის შემორეკონ ძროხები სტადიონზე, _ თქვა გაბრაზებულმა მწვრთნელმა. შეღობვა, სანიაღვრე არხების მოწყობა, დამატებითი სივრცის გამოყოფა _  ეს და კიდევ მრავალი პრობლემური საკითხი წამოსწიეს განხილვის მონაწილეებმა, თუმცა, აკაკი ათუაშვილი დაჟინებით  ითხოვდა სტადიონის მიმდებარე სივრცის გადიდებას, რაც გასახდელების ბოლომდე,   საზღვრის ღობემდე მიწევას გულისხმობდა. _ ვარჯიში სხვა რამეა და თამაში _ სხვა! როცა ვარჯიშია, შეიძლება სტადიონის ერთ ნახევარზე ერთმა ჯგუფმა  ივარჯიშოს და მეორეზე _ მეორემ.  ჩვენ გვჭირდება სივრცე და ეს სივრცე გვაქვს და ამისდაკარგვა არ შეიძლება.  გასახდელები უნდა მივიწიოთ, რომ სივრცე გათავისუფლდეს, _ ასე ვინ  შეადგინა ეს პროექტი, მეარ მეასმის, _ არ ცხრებოდა ათუაშვილი.   _ გადაწყვეტილი არაფერია. ეს პროექტი  თქვენია, თქვენ მოიგეთ და როგორც გსურთ, ისე უნდა გაკეთდეს. გამოგიგზავნით  გენგეგმას, ერთხელ კიდევ დავსხდეთ, შეიტანეთ ცვლილებები, როგორც ჩათვლით საჭიროდ, _ უთხრა ათუაშვილს ოზურგეთის მუნიციპალიტეტის მერის მრჩეველმა ალეკო ბერიძემ, რომელიც განხილვაში აქტიურად მონაწილეობდა და გამუდმებით არწმუნებდა ლაშეს სტადიონის მოწყობის მხარდამჭერებს, რომ ყველაფრი ისე გაკეთდებოდა, როგორც მათ სურდათ. _მე თანახმა ვარ, თუ სტადიონი შეტრიალდება, სივრცე მეტი დარჩება. გარდა ამისა, ახლანდელ შემთხვევაში  დასავლეთ და აღმოსავლეთ  მიმართულებები არ არის გათვალისწინებული  და მეკარეს მზე პირდაპირ  თვალებში ანათებს, _ თქვა ბერიძემ. _აგაშენა  ღმერთმა, მეც ამის თქმა მინდოდა, მაგრამ ბოძების ხელახლა ამოთხრა და სხვა სამუშაოები დამატებით ხარჯებს მოითხოვს და ამიტომ ვერ ვთქვი, _ თქვა ათუაშვილმა. _სჯობს ათასი ლარით მეტი დაიხარჯოს და მოვიძიოთ ეს თანხა, ვიდრე 75 ათას ლარიანი პროექტი გახორციელდეს და უყაირათოდ გაიხარჯოს და ხელახლა გახდეს საკეთებელი, _ უთხრა მას ალეკო ბერიძემ. ხანგრძლივი დავისა და ხმამაღალი  უთანხმოების გამოხატვით გაწელილი  განხილვა მალევე დასრულდა შეთანხმებით, _ მიიღეს  სტადიონის შეტრიალების  გადაწყვეტილება.    დააზუსტეს,  რომ ასეთ შემთხვევაში  სივრცე მეტი დარჩებოდა და აქამდე მიუღწეველი შეთანხმებაც შედგა. „გურია ნიუსის“ კითხვაზე, სტადიონის შეტრიალებით როგორ  მოგვარდებოდა პრობლემა, უფრო ზუსტად რომ ეთქვათ, ალეკო ბერიძემ განაცხადა, რომ მთავარია ისიც,  თამაშის დროს მეკარეს მზე არ მიანათებს თვალებში. _ მზის მინათებისთვის არ დაობდა მწვრთნელი ათუაშვილი. სივრცე აინტრესებდა... _ სხვა რამეზე დაობდა. ის დაობდა, რომ გასახდელი, რომელიც ახლოს არ იყო სტადიონთან, გადატანილიყო ღობესთან და გასახდელს და სტადიონს შორის გამოთავისუფლდებოდა ადგილი. ახლა, სტადიონის შეტრიალებით,  ის სადავო საკითხი ამოვარდა და სივრცეც დარჩება. ამ ყველაფერს როცა ადგილზე ნახავთ, უფრო მიხვდებით. _ თავიდანვე ასე რომ გადაგეწყვიტათ? _ კამათში იბადება ჭეშმარიტება, _ რიტორიკა მოიშველია  ბერიძემ, რის განმტკიცებაშიც მას  საკრებულოს პარატის უფროსი  ნანა თავდუმაძეც შეეშველა: „სამოქალაქო ბიუჯეტირება კარგად ხორცილედება და კონსესუსის მიღწევა შესაძლებელია  მაშინ, როცა  არის უწყვეტი კომუნიკაცია, აზრთა შეჯერება, როგორც დღეს მოხდა აქ,“  _თქვა ... ...
  • სოფელ დარჩელში ბაბუამ შვილიშვილი დაჭრაზუგდიდის მუნიციპალიტეტის, სოფელ დარჩელში ბაბუამ შვილიშვილი დაჭრა. დაჭრილი 27 წლის ასაკის მამაკაცია. როგორც საქართველოს პირველი არხის ჟურნალისტი იუწყება, დაშავებული კლინიკაში ზუგდიდის რეფერალურ ჰოსპიტალში გადაიყვანეს. ექიმების თქმით, მას მარჯვენა მხარის მიდამოებში სავარაუდოდ, ბასრი საგნით აქვს ჭრილობა აქვს მიყენებული, რომელიც ქირურგიულად დამუშავდა. დაჭრილი პალატაში უკვე გადაიყვანეს და მის სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, მომხდარზე აღძრულია სისხლის სამართლის საქმე და დაკავებულია 1937 წელს დაბადებული ... ...
  • სუს-ის უფროსის ახალი მოადგილე ლილუაშვილის ბიძაშვილია _ ოპოზიციის ბრალდებები და უმრავლესობის განმარტებადანიშნა თუ არა სუს-ის უფროსმა, გრიგოლ ლილუაშვილმა, საკუთარ მოადგილედ მისი ახლო ნათესავი _ დღეს ამ თემაზე პარლამენტში კომენტარები დილიდან კეთდება. ოპოზიცია ირწმუნება, რომ სუს-ის უფროსის ახალი მოადგილე, გიგა ნიკოლეიშვილი, გრიგოლ ლილუაშვილის ბიძაშვილია. პარლამენტის ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ ლილუაშვილი ქვეყანაში არსებული ნეპოტისტური ცხოვრების წესის პრინციპით მოიქცა, რაც მას არ აკვირვებს.  "თუ ნდობაზეა საკითხი, ვის უნდა ენდოს თუ არა ახლობელს. რა თქმა უნდა, სანდო ადამიანია და სანდოობის პრინციპით და დღეს საქართველოში მოქმედი ნეპოტისტური ცხოვრების წესის პრინციპით მოიქცა, ისე, როგორც უნდა მოქცეულიყო. რა გიკვირთ? მე პირიქით გამიკვირდებოდა, რომ ღია კონკურსი გამოეცხადებინათ და მსოფლიოში საუკეთესო სპეციალისტი ჩამოეყვანა მოადგილედ," - განაცხადა რომან გოცირიძემ. მმართველ გუნდში აცხადებენ, რომ მსგავს ინფორმაციას არ ფლობენ და ფაქტს უარყოფენ. პარლამენტის საგარეო ურთიერთობათა კომიტეტის თავმჯდომარის მოადგილე ამბობს, რომ არანაირ მსგავს ინფორმაციას არ ფლობს. დიმიტრი ცქიტიშვილი აცხადებს, რომ გიგა ნიკოლეიშვილი საკმაოდ გამოცდილი კადრია და ის დიდი ხანია რაც არსებულ სისტემაში მუშაობს. "ბიძაშვილია ნამდვილად? სხვა არაფერი არ აქვს იმ ადამიანს? ანუ მე არ ვიცი ვინაა, მაგრამ მას სხვა დამსახურებები არა აქვს სამსახურში? არ ვიცი, მე ვერ გეტყვით რამდენად ბიძაშვილია თუ არა, მე რამდენადაც ვიცი ეს პიროვნება დიდი ხანია მუშაობს ამ სისტემაში და არის გამოცდილი. დანარჩენი დეტალები არ ვიცი. არ ვიცი ბიძაშვილია თუ არა და ვერ გეტყვით, თქვენ ამბობთ, რომ ბიძაშვილია და შეიძლება არც არის, შეიძლება ნათესავია, საქართველოში ბევრი ვიღაცა ერთმანეთის ნათესავია," - აცხადებს დიმიტრი ცქიტიშვილი. ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...