დაუბრუნებს თუ არა ვანო მერაბიშვილი ნუგზარ შევარდნაძეს ორ ჰექტარ მიწის ნაკვეთს

მთავარი თემა

დაუბრუნებს თუ არა ვანო მერაბიშვილი ნუგზარ შევარდნაძეს ორ ჰექტარ მიწის ნაკვეთს

2013 მარ 21 00:43:36
თუმცა, ამჟამად ვლინდება ერთი მნიშვნელოვანი დეტალი, რომელიც აქამდე საიდუმლოდ ინახებოდა.

ეს საქმე ეხება ლანჩხუთის საფეხბურთო კლუბ "გურიას" ქონებას, კონკრეტულად კი გრიგოლეთში, შავი ზღვისა და მდინარე სუფსის შესართავთან მდებარე, მწვანეში ჩაფლულ კომპლექსს, რომლის განადგურება და ხელში ჩაგდების სურვილი ჯერ კიდევ ედუარდ შევარდნაძის ხელისუფლების მაღალჩინოსნებს ჰქონდათ. მოგვიანებით კი, ანალოგიური სურვილი "ნაცხელისუფლებამაც" გამოავლინა.

სწორედ ამიტომაც ვერ მოხერხდა დღემდე ქართულ ფეხბურთში ბრენდად ქცეული "გურიასთვის" სპონსორის პოვნა _ ზღვისპირა წალკოტზე მუდამ ჩინოვნიკებს ჰქონდათ თათი დადებული, თუმცა, ისიც ფაქტია, რომ დღემდე ძირითად ნაწილს ვერავინ შეეხო.

ჯერ კიდევ 1986 წელს, როცა "გურიამ" სსრკ-ის უმაღლეს ლიგაში თამაშის უფლება მოიპოვა, საქართველოს სსრ-ის მინისტრთა საბჭომ კლუბს გრიგოლეთში 6,5 ჰექტარი მიწის ნაკვეთი გამოუყო. აქედან 5,8 ჰექტარი ძირითადი ფართი და 0,7 ჰექტარი პლაჟის მიმდებარე ტერიტორია. პირველად ეს ქონება შევარდნაძის მაღალჩინოსან პროკურორებს მოუნდათ, 150 ლარ ხელფასზე მყოფი პროკურორი 150 ათასს იხდიდა მილიონებად შეფასებულ ნაკვეთში. მანამდე კი ბაზა აუქციონზე გასატანად "მოამზადეს", კლუბისათვის აკიდებული ვალების მიზეზით. მაშინდელი აქუციონი ჩაიშალა, რადგან ფეხბურთის გულშემატკივრებმა სააღსრულებლო ბიუროს პიკეტირება მოახდინეს. საკითხით პრეზიდენტი შევარდნაძე დაინტერესდა. ამბობენ, რომ იგი საქმის კურსში რკინიგზის მაშინდელმა შეფმა, აკაკი ჩხაიძემ ჩააყენა. შევარდნაძე ჩაერია და ჩხაიძეს საქმის და "გურიას" მიხედვა თხოვა. ამის გამო რკინიგზის მაშინდელი შეფი ძალიან კმაყოფილი დარჩენილა, პრეზიდენტმა დავალება პირადად მომცაო.

მაშინ ჩხაიძემ ერთგვარი ხრიკიც იხმარა _ ბაზის დროებით პარტნიორად რკინიგზის დეპარტამენტი შემოიყვანა. ამით მან შევარდნაძის მმართველობაში კლუბს ბაზა შეუნარჩუნა.

მოგვიანებით, ქონებით დაინტერესებას უკვე სააკაშვილის მაღალჩინოსნები იჩენდნენ. ამ მიზნით, ბაზა ეკონომიკის სამინისტროს გადაეცა, ოღონდ ცალკე სუბიექტად. ეკონომიკის უწყებასვე ეკუთვნოდა თავად კლუბიც, მაგრამ "ვარდების ხელისუფლებამ" წამგებიან-ვალებიან "გურიას" ღირებულ-თვალდადგმული ბაზა საბოლოოდ ჩამოაშორა.

მაშინ ერთდროულად გაჟღერდა ორი გავლენიანი სუბიექტის ინტერესები _ საუბარია "ვარდოსანი საქართველოს" ეკონომიკის მამად წოდებულ კახა ბენდუქიძესა და სოფლის მეურნეობის მინისტრობიდან გურიაში გუბერნატორად ჩამოლაბორანტებულ მიხო სვიმონიშვილზე. დადასტურებული ინფორმაციით, ამ უკანასკნელს გრიგოლეთში სულაც საცხენოსნო სპორტის განვითარება სურდა. ცნობილი ფაქტია, რომ "ნაბეღლავისა" და მარნეულის საკონსერვო ქარხნის მფლობელი სვიმონიშვილი, სიმღერის გარდა, ცხენების მოყვარულია და უნდა ითქვას, სიმღერაც და ჯირითობაც კარგად გამოსდის. თუმცა, ფაქტია, მან ვერ გაბედა მართალია ბალანსზე არა, მაგრამ მაინც "გურიას" საწვრთნელი კომპლექსის შეძენა.

როგორც ადრე იყო ცნობილი და ამის შესახებ ჩვენც ვწერდით, ბაზის სიახლოვეს ჯერ კიდევ მოსკოვში მყოფმა კახა ბენდუქიძემ 5 ჰექტარი მიწის ნაკვეთი ოჯახის წევრის სახელზე კანონის სრული დაცვით, დაახლოებით 1 მილიონ ლარად შეიძინა. კანონის დაცვით იმიტომ, რომ შევარდნაძის ხელისუფლების მაღალჩინოსნებმა მიწის ნაკვეთები გრიგოლეთის ზონაში ჰექტარი 912 ლარად "დაითრიეს" ანუ 1 კვმ 9 თეთრად!!! ჩვეულებრივ მოკვდავებზე კი, რომელთაც "პატრონიც" უნდა ჰყოლოდათ, 300 კვმ ფართები 17-ჯერ ძვირად, მაგრამ მაინც "ჩალის ფასად" _ 450 ლარად, ანუ 1 კვმ 1,5 ლარად გაიცა. ბენდუქიძეს კი, იმ დროისთვის საბაზრო ფასი 20 ლარი გადაახდევინეს 1 კვმ-ში. გაგახსენებთ, რომ ეს ის პერიოდია, როცა გურული ჩინოსნები დაბადების დღეებზე საჩუქრად არაგურულ ჩინოსნებს გურიის ზღვისპირეთში 1000-2000 კვმ ნაკვეთებს ისე ჩუქნიდნენ, თითქოს ეს ქონება მათი წინაპრების მემკვიდრეობიდან ჰქონდათ.

მიუხედავად იმისა, რომ ნაკვეთი პატიოსნად იყიდა, მისი კანონიერება მაინც კითხვითი ნიშნის ქვეშაა. როგორც გვითხრეს, შევარდნაძის დროინდელ ხელისუფლებს არ ყოფნიდათ ბენდუქიძეზე მისაყიდი ფართი და 1,1 ჰექტარი "გურიას" ბაზიდან მიამატეს. მაშინ ელექტრონული რეგისტრაცია არ არსებობდა, ამიტომაც ამის გაკეთება იოლიც გამოდგა. მეტიც, ფართები 2-3 ჯერ გაიყიდა და სადავო საკითხები დღემდე არსებობს.

ისევ ბენდუქიძის მიწას დავუბრუნდეთ. სადავო 1,1 ჰექტარი მოკლებულია "გურიის" ბაზას და ამჟამად ბაზა არის 5,4 ჰექტარი. თუმცა არსებობს მინისტრთა საბჭოს დადგენილება და დღევანდელი რეალობა _ ანუ პროკურატურას გარკვევა არ უნდა გაუჭირდეს.

როგორც დასაწყისში ვთქვით, წლების მანძილზე არაერთ მოქალაქეს ჩამოართვეს მიწები და მათ შორის იყვნენ ცნობილი სახეები. ერთ-ერთი მათგანი შევარდნაძის ძმისშვილი, ნუგზარ შევარდნაძე იყო. მან "ვარდების რევოლუციისთანავე" გამოიჩინა "კეთილი ნება" და მთავრობას "აჩუქა" ზღვისპირეთში 5 ჰა მიწის ნაკვეთი. მოგვიანებით კი, სუფსის მაჟორიტარმა დეპუტატმა, ჯუმბერ ბლაგიძემ ხმაური ატეხა _ სახელმწიფოსთვის "ნაჩუქარი" 5 ჰექტრიდან 2,1 ჰა გაასხვისეს, თანაც მთლიანად სიგრძითი პლაჟის მხარეს. ანუ დანარჩენ 2,9 ჰექტარს ზღვაზე პირდაპირი გასასვლელი არ დარჩა და 300-400 მეტრის მინიმუმ შემოვლა სჭირდება ზღვაზე გასასვლელად. მაშინ ბლაგიძე იმ ინფორმაციასაც აჟღერებდა, რომელიც მას ჰქონდა _ სუფსის საკრებულომ ხმა იმიტომ ვერ ამოიღო, რომ მყიდველის უკან შს მინისტრი ვანო მერაბიშვილი, კონკრეტულად კი მისი სიძე დგასო. მაშინ ისიც ითქვა, რომ ნაკვეთში ფული გადაიხადეს, თუმცა, ბლაგიძე ხმაურს იმიტომ ტეხდა, რომ სოფლისთვის ზღვაზე ადგილი დარჩენილიყო და პლუს, რა თქმა უნდა, ჩვეულებრივ მოკვდავს საკრებულო ნაკვეთის ასე ნარჩევ ნაწილს არ მიჰყიდდა. ფული რომ გადახდილია, იქიდანაც მტკიცდება, რომ მთლიანად 5 ჰექტარი არ წაიღეს. ახლა საინტერესოა, რას იზამს პროკურატურა, რომელსაც, ჩვენი ინფორმაციით, ეს საქმე "მხედველობაში" უკვე აქვს _ მიწას მერაბიშვილს ჩამოართმევს და ნუგზარ შევარდნაძეს დაუბრუნებს, თუ შევარდნაძის ძმისშვილი და უცხოურ პრესაში პირველი მლანძღველი "კოჰაბიტაციას" მოახერხებენ.

ასევე საინტერესოა, რა ბედი ელის გრიგოლეთში ერთ დროს ასევე დიდი ფართის მფლობელ და "ნაციონალებისაგან" "გაკულაკებულ" კორნელი კუკულაძეს, რომელმაც სამართალს "ვარდების ხელისუფლების" ეპოქაში ვერა და ვერ მიაღწია და ახლა არჩილ კბილაშვილის უწყებისთვის ეს საქმე ერთ-ერთი პრიორიტეტული უნდა იქნას ზემოთ ხსენებული 9560 საქმიდან.

მას გრიგოლეთში, კონკრეტულად კი ყვავილნარში, საუკეთესო ადგილზე, 60-მდე კოტეჯი ჰქონდა და დამსვენებლებიც ჰყავდა. "ვარდების რევოლუციიდან" მალე, იქ ჩატარდა ევროკავშირის მიერ დაფინანსებული პროექტი _ "წითელი ბურთები", რომელსაც მიხეილ სააკაშვილთან ერთად, ირაკლი ოქრუაშვილი, გოკა გაბაშვილი, ლევან ვარშალომიძე და გიგი უგულავაც დაესწრნენ. მაშინ ტერიტორია პრეზიდენტმა თავდაცვის მაშინდელ მინისტრთან ერთად დატოვა _ საჭესთან სწორედ ჯერ კიდევ "ოქრო"-ჩინოსანი იჯდა. მაშინვე გადაწყვეტილა, რომ ეს ადგილი კარგი იქნებოდა "პატრიოტთა ბანაკისთვის".

"მოწმე ვიყავი, მეგონა და ისეთი სიტუაცია წავიდა, უკვე ვატყობ, რომ უნდა დამიჭირონ. ბატონობით მელაპარაკებიან, მაგრამ იგრძნობა ყველაფერი. მითხრეს, რომ თითქოს მე მიწა არ მქონდა გამოყოფილი, ნახაზები არ მქონდა და ასე, თითქოს ერთ ღამეს რომ დაღამდა, ღამით ავაშენე ეს 50 კოტეჯი, თავისი სასადილოთი, მეორე პატარა ბარით და შემოვსულვარ პარტიზანულად. ეს მედებოდა ბრალად," _ ასე იხსენებს დაპატიმრებას კორნელი კუკულაძე.

მას პროკურატურა ბრალად უყენებდა 19 წლის წინ, 1987 წელს განვითარებულ მოვლენებს. კერძოდ: "კორნელი კუკულაძემ უკანონო მოქმედებით მოახერხა ლანჩხუთის რაიონის სოფელ წყალწმინდაში, შავი ზღვის სანაპიროზე, ფიჭვნარში, 49 ერთეული კოტეჯის, საპირფარეშოს, სასადილოს შენობის, საწყობისა და საყარაულო ჯიხურის აგება დასასვენებელი კომპლექსისთვის საჭირო მიწის ნაკვეთის თაღლითური გზით დასაუფლებლად." არადა, კუკულაძეები დღემდე ინახავენ ყველა იმ დოკუმენტს, რომლითაც დასტურდება, რომ 1987 წლიდან ქონებას კანონიერად ფლობდნენ, რომელიც 2001 წელს, მიწის რეფორმის ფარგლებში, სახელმწიფოსგან გამოისყიდეს და საჯარო რეესტრში დაირეგისტრირეს, თუმცა, საოლქო პროკურატურამ ეს არ გაითვალისწინა და კუკულაძისგან კერძო საკუთრების _ ზღვის სანაპიროზე განთავსებული მიწისა და მასზე განთავსებული კოტეჯების სახელმწიფოსთვის ჩუქებას მოითხოვდა. ეს სწორედ ის კოტეჯები იყო, რომელშიც ზაფხულში პატრიოტები ისვენებდნენ.

"მოგახსენებთ, რომ ლანჩხუთის რაიონის სოფელ წყალწმინდაში საკუთრებაში მქონდა უკანონოდ მისაკუთრებული 6,8 ჰა მიწის ნაკვეთი, რომლიდანაც, ვინაიდან გავაცნობიერე ჩემს მიერ ჩადენილი დანაშაული, 6 ჰა მიწის ნაკვეთი, მასზე განთავსებული 25 კოტეჯით, დავუბრუნე და ვაჩუქე უსასყიდლოდ, როგორც უკანონოდ მისაკუთრებული, სახელმწიფოს, რაზედაც განცხადებით მივმართე ლანჩხუთის პრივატიზების სამმართველოს," _ ეს განცხადება კორნელი კუკულაძემ დასავლეთ საქართველოს საოლქო პროკურორის, მიხეილ ჩოგოვაძის სახელზე, დაპატიმრებიდან მესამე დღეს "დაწერა". ქონების ჩუქებისთანავე კუკულაძე პატიმრობიდან გაათავისუფლეს.

ამის შემდეგ, მან დატოვებული მცირე ფართი უკრაინელებს მიჰყიდა, რადგან მიხვდა, რომ "ნაციონალური გაკულაკება" ისევ გაგრძელდებოდა. ქონების გაყიდვის შემდეგ, კუკულაძემ გურიის საგადასახადო სამსახურს მიაკითხა იმის გასარკვევად, ეკუთვნოდა თუ არა რაიმე გადასახადი. უთხრეს, თუ შენ ეს ტერიტორია 2 წელია გაქვს, არაფრის გადახდა არ გეკუთვნისო.

2005 წელს, როცა მოხდა მიწის საბოლოო რეგისტრაცია, ის იყო ფიზიკური პირი. წლების განმავლობაში ეს ობიექტი არ ფუნქციონირებდა. არ უმუშავია კორნელი კუკულაძეს, როგორც ინდმეწარმეს. ამ ტერიტორიაზე იდგა ბუნგალოები. ინდმეწარმის საბუთით ხდებოდა ურთიერთობა საგადასახადოსთან და იყო ნაყინის, ლუდის, გამაგრილებელი სასმელის და ყავის ბიზნესი. შემოვიდა 4 500 ლარი, რომელიც ნაჩვენებია დეკლარაციაში. საგადასახადო სამსახურში მისი ინდმეწარმის დეკლარაციაში იმ მიწის ნაკვეთის გაყიდვაც მოხვდა, რომელიც, როგორც ფიზიკურმა პირმა, ისე გაყიდა. დეკლარაციის წარდგენის შემდეგ, საგადასახადო სამსახურში ინდმეწარმე კუკულაძის შემოწმების ბრძანება გამოიცა. სამ დღეში შემოწმება დასრულდა. საბოლოოდ, კორნელი კუკულაძეს 574 213 ლარის გადახდა დაეკისრა. აქედან 177 425 ლარი საშემოსავლო გადასახადი იყო, ხოლო 264 878 ლარი დამატებითი ღირებულების გადასახადი. ჯარიმამ 133 069 ლარი შეადგინა. არადა, იმ პერიოდში მიწა საქონელი არ იყო და ვერანაირად ვერ დაიბეგრებოდადამატებული ღირებულების გადასახადით. ბიზნესმენი ამბობს, რომ ვერ წარმოიდგენდა, თუ ვერ შეძლებდა იმის დამტკიცებას, რომ უგზოდ დარჩენილ კოტეჯებში დამსვენებელს ვერ მიიღებდა და კომერციულ საქმიანობას ვერ წარმართავდა.

ამის შემდეგ, საგადასახადო უწყების ხელმძღვანელმა ჯარიმის შემცირების მიზნით, ქონების შესყიდვა ურჩია. კუკულაძემ საკუთარ სახელზე გადაიფორმა თბილისში 15 წლის წინ შვილისთვის შეძენილი ბინა, შეიძინა მიწა შეკვეთილში და ფართი ფოთში. მეორე დღესვე საგადასახადომ ყველა ქონება დაუყადაღა. სახელმწიფომ ბოლომდე გაწირა ბიზნესმენი, რომლის ზღვისპირა მიწა არ იმყოფინა "საჩუქებლად" და მამაპაპისეული ქონებაც წაართვა.




 ახალი ამბები
  • პოლიციამ ოჯახში ძალადობისა და მეუღლის მიმართ მუქარის ბრალდებით ბათუმში 1 პირი დააკავაშინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1968 წელს დაბადებული კ.ა., ოჯახში ძალადობისა და ოჯახის წევრის მიმართ განხორციელებული მუქარის ბრალდებით, ბათუმში დააკავეს. დანაშაული 1-დან 3 წლამდე ვადით თავისუფლების აღკვეთას ითვალისწინებს. ჩატარებული საგამოძიებო მოქმედებების შედეგად დადგინდა, რომ ბრალდებულმა მეუღლეს - 1975 წელს დაბადებულ ხ.გ.-ს და არასრულწლოვან შვილს სხვადასხვა დროს სიტყვიერი და ფიზიკური შეურაცხყოფა მიაყენა. გამოძიებით ასევე დადგინდა, რომ ბრალდებული მეუღლეს სიცოცხლის მოსპობით დაემუქრა. ოჯახის წევრის მიმართ მუქარისა და ოჯახის წევრების მიმართ ჩადენილ ძალადობის ფაქტებზე გამოძიება საქართველოს სსკ-ის 151-ე მუხლის მე-2 ნაწილის "დ" ქვეპუნქტით, ასევე, სსკ-ის 126-ე პრიმა მუხლის 1-ლი ნაწილით და ამავე მუხლის მე-2 ნაწილის „ა“ ქვეპუნქტით ... ...
  • როდიდან დაიწყება პირველკლასელთა რეგისტრაცია სკოლებშიპირველკლასელთა რეგისტრაციის ვადები განისაზღვრა. განათლების, მეცნიერების, კულტურის და სპორტის სამინისტროს მიერ გავრცელებული ინფორმაციის თანახმად: „I ეტაპზე – 2020 წლის 2 მარტიდან 16 მარტის ჩათვლით რეგისტრაციის გავლა შეეძლება სპეციალური საგანმანათლებლო საჭიროების მქონე პირებს. I ეტაპზე დასარეგისტრირებელი ბავშვების მშობელები განცხადებით იმ საჯარო სკოლას მიმართავენ, სადაც შვილის შეყვანა სურთ. სკოლის ადმინისტრაცია კი, თავის მხრივ, ბავშვის რეგისტრაციას განათლების მართვის საინფორმაციო სისტემაში (EMIS) მოახდენს. სპეციალური საგანმანათლებლო საჭიროების დადასტურების მიზნით, მშობელი სკოლაში მინისტრის ბრძანებით დამტკიცებულ მიმართვის ფორმას შეავსებს. აღნიშნული ფორმა სკოლიდან სამინისტროს გაეგზავნება, რის შემდეგაც მშობელთან კომუნიკაციისა და შეთანხმების საფუძველზე, 17 მარტიდან 24 აპრილის ჩათვლით, მულტიდისციპლინური გუნდის მიერ ბავშვის შეფასება და მისი საგანმანათლებლო საჭიროების დადგენა მოხდება. მულტიდისციპლინური გუნდი შეფასების დასკვნას მშობელს და იმ სკოლას მიაწვდის, სადაც ბავშვი დარეგისტრირდა. საგანმანათლებლო საჭიროების დადასტურების შემთხვევაში, სკოლა მოსწავლის ჩარიცხვას შესაბამისი დოკუმენტაციის საფუძველზე უზრუნველყოფს. საგანმანათლებლო საჭიროების მქონე მოსწავლედ შესაძლოა ჩაითვალოს ბავშვი, რომელსაც აქვს: ა) ფიზიკური შეზღუდვა; ბ) ინტელექტუალური განვითარების დარღვევა; გ) სწავლის უნარის დარღევა; დ) სენსორული განვითარების დარღვევა (სმენის და/ან მხედველობის); ე) მეტყველების განვითარების დარღვევა; ვ) ქცევითი და ემოციური დარღვევა; ზ) გრძელვადიანი ჰოსპიტალიზაციის საჭიროება თ) სოციალური ფაქტორებით გამოწვეული სირთულეები სწავლაში, რის გამოც ვერ ძლევს ეროვნული სასწავლო გეგმის მოთხოვნებს; ი) აუტიზმის სპექტრის მქონე. იმ ბავშვების მშობლებს, რომლებსაც არ დაუდასტურდებათ სპეციალური საგანმანათლებლო საჭიროება, საშუალება ექნებათ ბავშვების რეგისტრაცია მომდევნო ეტაპებზე განახორციელონ. რეგისტრაციის II ეტაპი, 27 აპრილიდან 8 მაისის ჩათვლით იქნება შესაძლებელი და სკოლაში დარეგისტრირდებიან ის ბავშვები, რომელთა: და-ძმა სწავლობს ამ სკოლაში; მშობელი სკოლის თანამშრომელია; ოჯახიდან ერთდროულად ორი ან მეტი ბავშვი შედის პირველ კლასში. ამ ეტაპზე რეგისტრაცია ხორციელდება საჯარო სკოლებში მშობლის/კანონიერი წარმომადგენლის მიერ ჩასარიცხად აუცილებელი დოკუმენტაციის წარდგენის საფუძველზე. რეგისტრაციას უზრუნველყოფს საჯარო სკოლა.   III ეტაპი - საყოველთაო რეგისტრაცია - 13 მაისიდან დაიწყება და 5 ივნისის ჩათვლით გაგრძელდება. რეგისტრაცია განხორციელდება განათლები ს მართვის საინფორმაციო სისტემის ოფიციალურ ვებგვერდზე www.emis.ge. რეგისტრაციას უზრუნველყოფს მშობელი/კანონიერი წარმომადგენელი. ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა 8 ივნისიდან 22 ივნისის ჩათვლით განხორციელდება. დადგენილ ვადებში დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება. IV ეტაპი 24 ივნისიდან 10 ივლისის ჩათვლით სკოლებში განხორციელდება. ამ ეტაპზე გამოთავისუფლებულ ვაკანტურ ან დარჩენილ თავისუფალ ადგილებზე იმ მოსწავლეების რეგისტრაცია მოხდება, რომლებიც ვერ დარეგისტრირდნენ I, II და III ეტაპებზე, ან სურთ რეგისტრაციის შეცვლა. მოსწავლის რეგისტრაციას მეოთხე ეტაპზე უზრუნველყოფს საჯარო სკოლა მშობლის/კანონიერი წარმომადგენლის მიერ წარდგენილი აუცილებელი დოკუმენტაციის საფუძველზე.  საქართველოს ზოგადსაგანმანათლებლო დაწესებულებაში მოსწავლის პირველ კლასში ჩასარიცხად წარსადგენი დოკუმენტების ნუსხა: მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას; მოსწავლის დაბადების მოწმობის ან პირადობის დამადასტურებელი დოკუმენტის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). სამინისტრო მშობლებს მოუწოდებს ყურადღებით გაეცნონ რეგისტრაციის ვადებს და პირობებს, რათა ბავშვის სკოლაში შეყვანა დროულად და შეუფერხებლად შეძლონ. 2020-2021 სასწავლო წლისთვის დარეგისტრირებას შეძლებენ ბავშვები, რომლებსაც 6 წელი 15 სექტემბრის ჩათვლით უსრულდება“,_ წერია სამინიტროს მიერ გავრცელებულ ... ...
  • „ამის გამო მოწევას არ მოვუმატოთ”_ გახდება თუ არა სიგარეტის ფასი 15 ლარისიგარეტის ფასის ზრდის შესახებ მედიაში გავრცელებულ ინფორმაციას, რომლის თანახმადაც სიგარეტი 15 ლარი უნდა გახდეს, ფინანსთა მინისტრის მოადგილე ლაშა ხუციშვილი  სოციალურ ქსელში ეხმიანება. ფინანსთა მინისტრის მოადგილის განმარტებით, 2022 წლამდე  არანაირი ცვლილება არ იგეგმება სიგარეტზე აქციზის განაკვეთთან დაკავშირებით. „ბოლო დღეებია (ერთი შეხედვით საეჭვო წყაროებიდან) სიგარეტის ფასთან დაკავშირებით ვრცელდება ინფორმაცია, რომელიც არის ამავე წყაროების მიერ ფაქტობრივი გარემოებების არასწორი ინტერპრეტაცია და თემის არასრული გაშუქება, რაც საბოლოოდ ამახინჯებს რეალურ სურათს. ჩამოვწეროთ მხოლოდ ფაქტები: 1. არავის უთქვამს რომ სიგარეტის ფასი ხვალ და ზეგ უნდა გახდეს 10 და 15 ლარი. ითქვა მხოლოდ ის, რომ საქართველოს აქვს საერთაშორისო ვალდებულებები სიგარეტის აქციზის განაკვეთთან დაკავშირებით. ეს უკანასკნელი უბრალოდ ფაქტია და ვისაც კითხვა არ ეზარება მარტივად გადამოწმებადია: https://matsne.gov.ge/ka/document/view/2496959?publication=0 2. არსებობს ევროკავშირის მიერ მიღებული დირექტივა თამბაქოს აქციზის განაკვეთების შესახებ, რომელიც აწესებს თამბაქოს პროდუქტებზე აქციზის მინიმალურ განაკვეთს, რომელიც სავალდებულოდ შესასრულებელია ევროკავშირის წევრი ყველა ქვეყნისათვის, ასევე იმ ქვეყნებისთვის, რომლებსაც აქვთ ევროკავშირთან გაფორმებული ასოცირების შეთანხმება. 3. საქართველოსთვის ამ ვალდებულების შესრულების ვადად თავდაპირველად განსაზღვრული იყო 2022 წელი (2014 + 8 წელი). 4. ბევრი ფაქტორის გათვალისწინებით (მათ შორის: რეგიონული კონტექსტი, არალეგალური ვაჭრობის რისკები და ა.შ.) 2018 წელს გაიმართა მოლაპარაკებები ევროკავშირთან და მიღწეული იქნა შეთანხმება, რომ ამ ვალდებულების შესრულება საქართველოსთვის გადაიწია 2026 წლამდე (2018 + 8 წელი). 5. დღეს, ანუ როცა ვალდებულების შესრულებისთვის განსაზღვრულ ვადამდე მინიმუმ 6 წელია დარჩენილი, მტკიცებით ფორმაში საუბარი იმაზე რომ სიგარეტის ფასი გახდება 10 და 15 ლარი, არის უბრალოდ სპეკულაცია და მეტი არაფერი. 6. 2022 წლამდე საუბარი იმაზე, რომ ამ ვალდებულების შესრულებისთვის ამჟამად განსაზღვრული ვადა რეალისტურია თუ არა, უბრალოდ ნაადრევია. შეიძლება ბევრს ჰქონდეს იმის განცდა, რომ საკითხი ისედაც ცხადია, მაგრამ ასეთი გადაწყვეტილებები მიიღება ხდება იმ კონკრეტულ მომენტში არსებული ფაქტობრივი გარემოებების შეფასების საფუძველზე და არა პროგნოზების და მითუმეტეს, მკითხაობის საფუძველზე. 7. მითუმეტეს, მაშინ როცა 2022 წლამდე საერთოდ არანაირი ცვლილება არ იგეგმება სიგარეტზე აქციზის განაკვეთთან დაკავშირებით, მხოლოდ იმის გამოტანა ნიუსად რომ საქართველოში სიგარეტზე აქციზის განაკვეთი ოდესღაც შეიძლება 5 ლარი გახდეს, მთლად ჯანმრთელად არ გამოიყურება. პ.ს. მწეველები – შეიძლება მშვიდად ვიყოთ და ამის გამო მოწევას არ მოვუმატოთ. ისინი ვინც არ ეწევიან და მხოლოდ საეჭვო წყაროებიდან წამოსული ნიუსების გავრცელებეთ ერთობიან – მინიმუმ კარგი იქნება თუ გართობასთან ერთად სიგარეტს ჯანმრთელობისათვის სასარგებლო პროდუქტად არ გამოაცხადებენ,“– წერს ლაშა ... ...
  • კორონავირუსი 12 წლის ლანჩხუთელი გიორგი ნაცვალაძის ნახატშიოზურგეთში მერაბ ბერძენიშვილის სახელობის თანამედროვე სახვითი ხელოვნების ცენტრში  მეცხრედ ჩატარებულ გამოფენა -კონკურსში ,,ზამთრის ვერნისაჟი“ არაერთმა ბავშვმა მიიღო მონაწილეობა. ლანჩხუთის მუნიციპალიტეტის #1 საჯარო სკოლის და სამხატვრო სკოლის მოსწავლე, გიორგი ნაცვალაძე, ჩინეთში გავრცელებულ კორონავირუსს ნახატით გამოეხმაურა. როგორც გიორგი ნაცვალაძის დედა, თეა გოგუაძე გვეუბნება, გიორგის სურვილი გაუჩნდა თანატოლების მიმართ თანადგომა გამოეხატა. „თემის აქტიურობის გამო, ვინაიდან ტელევიზია  განუწყვეტლივ აცხადებდა დაღუპულებისა და  დაინფიცირებული ადამიანების რაოდენობის შესახებ, სურვილი გაუჩნდა  თანადგომა გამოეხატა თანატოლების  მიმართ,”_ გვითხრა თეა გოგუაძემ. გიორგი ნაცვალაძე ამბობს, რომ ნახატი ასახავს სურვილს მთელი მსოფლიო ჩაერთოს ვირუსის საწინააღმდეგო ვაქცინის გამოსაგონებლად. “დავხატე   წვეთი , რომელიც შპრიციდან გადმოდის  და მასში მოქცეულია ჩინეთის რუკა. წვეთს აქვს მრგვალი ფორმა, რომლითაც მინდა მსოფლიო მოსახლეობა ჩაერთოს ვირუსის  საწინააღმდეგო  ვაქცინის  გამოგონებაში.  საკმარისია ერთი წვეთი მოსახლეობის გადასარჩენად”,_ აღნიშნა ჩვენთან საუბრის დროს გიორგი ნაცვალაძემ. გიორგი ნაცვალაძე წითელი ფერის კონტურით  მოუწოდებს, სიფრთხილე გამოიჩინონ ამ ვირუსის ... ...
  • ხუნდაძე: ტატუნაშვილი დასტურია, რომ საქართველოს მოქალაქეები არასოდეს შეეგუებიან ოკუპაციასსაოკუპაციო რეჟიმის მსხვერპლის  არჩილ ტატუნაშვილის გარდაცვალებიდან დღეს ორი წელი გავიდა. ამ დღესთან დაკავშირებით სოფელ წილკანში, სადაც ეროვნული გმირის ოჯახი ცხოვრობს, მისი სახელობის ახალი სკვერი და სტადიონი გაიხსნა. ამ მოვლენის გამო წილკანში ჩავიდნენ პრემიერ-მინისტრი, მცხეთის რაიონის მაჟორიტარი დეპუტატი დიმიტრი ხუნდაძე, საქართველოს მთავრობის  და ადგილობრივი ხელისუფლების წარმომადგენლები.  „მძიმე თარიღია, მძიმედ გასახსენებელია, მაგრამ ამ სიმძიმესთან არის სიამაყეც, როცა ჩვენი ახალგაზრდა კაცი არ შეეგუა ძალადობას და არ შეეგუა იმას, რომ საკუთარი ტერიტორია იქნას ოკუპირებული მუდმივად და ჩვენი მოქალაქეების უფლებები იქ ილახებოდეს. მისი  ეს მყარი პოზიცია არის დასტური იმისა, რომ საქართველო, ქართველი მოქალაქეები არასოდეს შეეგუებიან ოკუპაციას და ეს არის მხოლოდ დროებითი და ეს აუცილებლად დასრულდება", - განაცხადა დიმიტრი ხუნდაძემ ... ...

არქივი

ზაფრანი

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...

ქალები და მანქანის მართვა

ბრიტანული კვლევის თანახმად, ქალები კაცებზე...

რა არის ბედნიერება?

რას გულისხმობს ბედნიერება?_ სტაბილურ სამსახურს,...

რატომ „იყინებიან“ ქალები ხშირად

ქალებისგან ხშირად მოისმენთ, რომ ეყინებათ...

რა პროდუქტები უნდა მივირთვათ ზამთარში

რძე სუპერმარკეტებში სულ უფრო ხშირად...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...