9 ლარით დაწყებული ბიზნესი _ აჭარელი ქალის წარმატების ფორმულა და რჩევები

მთავარი თემა

9 ლარით დაწყებული ბიზნესი _ აჭარელი ქალის წარმატების ფორმულა და რჩევები

6 აგვ. 2018, 11:04:14

ჩოხატაურში მას წარდგენა არ სჭირდება _ ყველა კარგად იცნობს.

აქაურებისთვის ის უბრალოდ თინაა _ ხილ-ბოსტნეულის მაღაზიის მფლობელი, რომელიც 35 წელია ადამიანებს დილის 7 საათიდან საღამოს 11 საათამდე ემსახურება.

თუმცა, ძალიან ცოტასთვისაა ცნობილი მისი ისტორია, რომლის ყველა დღე მუხლჩაუხრელი შრომითაა სავსე.

თინა დავითაძე 55 წლისაა. მეშვიდე კლასში იყო, როცა დაინიშნა, მეათეში _ გათხოვდა.

"მაშინ ასეთი წესი იყო ჩვენთან, აჭარაში. ადრე გნიშნავდნენ და გათხოვებდნენ. გამონაკლისი არც მე ვყოფილვარ და არ ვნანობ. კარგი ოჯახი შემხვდა, კარგი დედამთილ-მამამთილი, რომლებმაც ბევრი რამ მასწავლეს. მათ ქალიშვილი არ ჰყავდა და საკუთარივით მიმიღეს", _ ამბობს ქალბატონი თინა.

მეუღლესთან ერთად, მაღალმთიანი აჭარიდან, ხულოს მუნიციპალიტეტის სოფელი ნამონასტრევიდან, ჩოხატაურის მუნიციპალიტეტის სოფელ შუაფარცხმაში 1987 წელს ჩამოსახლდა. გვიყვება, რომ ეს გადაწყვეტილება მეუღლესთან ერთად მიიღო, რადგან იმ პერიოდში ბევრი ოჯახი წამოვიდა აჭარიდან გურიაში.

"გვითხრეს, რომ კარგი იყო აქ და წამოვედით. როდესაც მე და ჩემი მეუღლე გადმოვედით საცხოვრებლად, ძალიან გვიჭირდა _ სახლში იატაკიც არ გვქონდა, მიწაც ცოტა იყო, თუმცა, არ დავნებებულვართ და სულ ვმუშაობდით. მახსოვს, პირველად ჩემი მოყვანილი კარტოფილი გავყიდე და 9 ლარი დამრჩა. ძალიან შევწუხდი, რა უნდა ვქნა 9 ლარით,-მეთქი. პირველი კლიენტიც და მისი სიტყვებიც მახსოვს _ არ იდარდო, შენ ისე კარგად მომემსახურე, ყველაფერი გამოგივაო. ასე, 9 ლარით დავიწყე ბიზნესი.

კარტოფილს პომიდორი მოჰყვა, პომიდორს კიტრი და ნელ-ნელა ავაწყეთ. თავიდან ძალიან მიჭირდა. მე ათი კლასის განათლება მქონდა მიღებული მხოლოდ. მართალია, გურიაში ჩამოსვლამდე ჩემი ძმის კერძო ბიბლიოთეკაში ვმუშაობდი, მაგრამ განათლება მაინც სხვაა. ახლა, არ მიჭირს _ ცხოვრებამ ყველაფერი მასწავლა, თუმცა, ვფიქრობ, რომ ყველას უნდა ჰქონდეს განათლება, რადგან ყველას ერთნაირად არ უმართლებს", _ იხსენებს თინა დავითაძე.

მისივე თქმით, სწავლის გაგრძელებაზე დროზე არ უფიქრია _ მეუღლე სწავლობდა და თავად ბავშვებს უვლიდა. იმ პერიოდში მიაჩნდა, რომ სწავლა არ სჭირდებოდა, თუმცა, წლებმა სხვა რამ მიახვედრა: "მერე მივხვდი, რომ ასე სწორი არ იყო.  განათლებაზე მნიშვნელოვანი არაფერია და ამიტომ, ყველაფერს ვაკეთებ იმისთვის, რომ ჩემს შვილიშვილებს კარგი განათლება ჰქონდეთ. მათი მოვალეობა მხოლოდ სწავლაა".

გული წყდება, რომ განათლება არც მის რძალს აქვს მიღებული. ამბობს, რომ ამის სურვილი მას არ გააჩნდა. დედამთილის მონათხრობს რძალიც ადასტურებს, რომელიც საუბარში გვერთვება _ გუგული შავაძის თქმით, სწავლას შვილების მოვლა არჩია. ამბობს იმასაც, რომ ამის გამო პრობლემა არ შექმნია, რადგან მის ოჯახს მისი და მისი შვილების რჩენის საშუალება აქვს. არ უარყოფს, რომ მის გადაწყვეტილებაზე გავლენა გარემოცვამაც იქონია _ მის ირგვლივ მყოფი ქალები ყველანი ასე იქცეოდნენ, აჩენდნენ შვილებს და უვლიდნენ ოჯახებს.

გუგული შავაძე იხსენებს, რომ მის არც ერთ კლასელს სწავლა არ გაუგრძელებელია _ ზოგს საკუთარი სურვილით, ზოგს ეკონომიური პრობლემის გამო.

როგორც თინა დავითაძე ამბობს, სწავლა არც მის ქალიშვილს გაუგრძელებია, რადგან ესეც მისი არჩევანი იყო _  ადრე გათხოვდა, შვილები გააჩინა და დღეს სახლში, შვილებს უვლის.

მისივე თქმით, ქალის ცხოვრება არაა ადვილი.  თავად, დილით, 5 საათზე დგება. როცა მისი რძალია სახლში არაა, საოჯახო საქმეებს აკეთებს და  მაღაზიაში მიდის. გვიან ღამემდე მუშაობს და ძალიან იღლება, თუმცა, რასაც აკეთებს, ძალიან მოსწონს, უყვარს ხალხთან ურთიერთობა და ამის გარეშე ვერც წარმოუდგენია:

"ძალიან ბევრს მუშაობენ აჭარელი ქალები და ყველა ტვირთი მათზე გადადის, რადგან კაცების დიდი ნაწილი თურქეთშია სამუშაოდ წასული. სახლში მარტო დარჩენილებს კი სხვა გზა არ აქვთ და ამიტომ უწევთ ყანაში, ბოსტანში და საქონელში მუშაობა. სამწუხაროდ, ჩემი თაობის ქალებს არც განათლება აქვთ მიღებული, რომ სადმე სამსახური ნახონ. სიმართლე რომ ვთქვათ, არც სამსახურია. ყველაფერს ვერ იტყვი, ვერ მოყვები, მაგრამ, როცა სიღარიბეა, როცა არ იცი, შენს შვილებს რა აჭამო, ყველაფერს აკეთებ _ მიწაზეც იმუშავებ და სხვაგანაც", _ ამბობს ქალბატონი თინა.

ჩვენი რესპონდენტი მეწარმე ქალი მიიჩნევს, რომ მის წარმატებაში დიდი წვლილი ოჯახმა შეიტანა. აღნიშნავს, რომ ის იმ გამონაკლის წარმოადგენს, რომელსაც მიწაზე მუშაობა ცოტა ხანს მოუწია. გვიყვება, რომ მისი  მეუღლე, ნოდარ მარკოიძე მუდამ შრომობს _ ბოსტანი, თხილი, ვენახი, კივის პლანტაციები, ყანა, ფუტკარი მის იმედადაა.

"სანამ ჩემი ბიჭი წამოიზრდებოდა, მანამ ნოდარი  მეხმარებოდა მაღაზიაში. მას ჩამოჰქონდა პროდუქტები. ახლა ამ საქმით რეზოა დაკავებული, ჩემი მეუღლე კი კარმიდამოს უვლის. საკმაოდ დიდი ბაღები გვაქვს. დიდწილად, მაღაზიაში ჩვენს ეზოში მოყვანილ პროდუქტებს ვყიდით. კარტოფილი, პომიდორი, კიტრი, ხილი ტონობით მოგვყავს. გასულ წელს საზამთროს და ნესვის კარგი მოსავალიც გვქონდა. წელს, ამ მხრივ პრობლემებია, რადგან ამინდების და ფაროსანას გამო ბევრი რამ გაგვიფუჭდა".

თინა ბედნიერია, რომ მისმა შრომამ შედეგი გამოიღო და მის შვილიშვილებს უკვე აქვთ საკუთარი კერა:

"ვიცი, მე რომ არ ვიქნები, არაფერი გაუჭირდებათ. კარგი შვილები და შვილიშვილები მყავს _ უფროსი შვილიშვილი სპორტსმენია, ბევრი მედლის მფლობელი. მახარებს მათი ამბავი და მიმაჩნია, რომ მათ წარმატებაში ჩემი წვლილიცაა. სულ ვეუბნები, რომ ბევრი უნდა ისწავლონ იმისთვის, რომ ცხოვრებაში მათი ადგილი დაიმკვიდრონ. ვიცი, ეს ადვილი არაა, მაგრამ არც შეუძლებელია. ამას ვურჩევ ყველას, ვურჩევ ჩემი მაგალითით. სამწუხაროდ, იმის დრო არ მაქვს, ამაზე მეზობლებთან, ჩემი კუთხის შვილებთან ვისაუბრო, რადგან სულ მაღაზიაში ვარ. თუმცა, კლიენტებთან ამის შესახებ ბევრს ვლაპარაკობ", _ ამბობს თინა დავითაძე, რომელსაც არასდროს მოუხსნია თავსაფარი:

"ეს ჩვენი ტრადიციაა, რომელსაც არასდროს დავარღვევ. არავინ მაძალებს, თავად მომწონს. უთავსაფროდ სახლშიც კი არ დავდივარ. მე ჩვენს წესებს და ადათებს დიდი პატივს ვცემ. ასე მასწავლა ბებიამ და მის სიტყვებს არასდროს დავივიწყებ", _ აღნიშნავს ქალბატონი თინა.

ჩოხატაურის მუნიციპალიტეტის სოფელ ფარცხმაში, სადაც თინა შავაძე ცხოვრობს, 715 კომლია, აქედან 40 ოჯახი აჭარიდანაა ჩამოსახლებული.

ჩოხატაურის მერის წარმომადგენელი ფარცხმის თემში ზურაბ გურგენიძე ამბობს, რომ აჭარელი ოჯახების ქალბატონების უმრავლესობა მიწაზე მუშაობს და სწავლაზე უარსაც თავად ამბობენ; რამდენჯერმე დასაქმების პროგრამაში ჩართვაზეც უარი თქვეს.

გურგენიძის თქმით, მამაკაცების უმრავლესობა თურქეთში სამუშაოდაა წასული, ამიტომაც ოჯახის მთელი ტვირთი ქალებს აწევთ, რომლებსაც სწავლისთვის არ სცალიათ.  განსხვავებული სიტუაციაა ახალ თაობაში, რადგან სწავლის გაგრძელების სურვილს უფრო და უფრო მეტი ახალგაზრდა გამოთქვამს, თუმცა, არიან ისეთებიც, რომლებიც უმაღლესი განათლების მიღებაზე უარს ამბობენ.

"ბევრ მათგანს ამ თემაზე საუბარი არ სურს. რამდენჯერმე შევთავაზეთ სხვადასხვა სპეციალური პროგრამა, მაგრამ არ დაგვთანხმდნენ", _ აღნიშნავს გურგენიძე.

ამ თემაზე საუბარი არც ჩვენთან ისურვეს სოფელ ფარცხმაში მცხოვრებმა აჭარელმა ქალებმა. პირად საუბრებში მხოლოდ ის გვითხრეს, რომ მათი შვილები განათლებას სურვილის შესაბამისად მიიღებენ.

ჩვენ დავინტერესდით, არსებობს თუ არა იმის სტატისტიკა, რამდენი სტუდენტი ცხოვრობს გურიაში. როგორც აღმოჩნდა, მსგავსი  მონაცემები რესურსცენტრებს არ გააჩნიათ. ასევე, არ არსებობს ინფორმაცია, აჭარელი მოსახლეობის  რამდენი წარმომადგენელი იღებს უმაღლეს განათლებას და როგორია ამ შემთხვევაში გენდერული სტატისტიკა.

ჩოხატაურში 611 აჭარელი კომლი ცხოვრობს.  ჩოხატაურის სკოლების დამამთავრებელი კლასის 185 კლასის მოსწავლიდან 73 გოგოა, რომელთა შორის, 18 აჭარიდანაა.




 ახალი ამბები
  • მერის წარმომადგენლის ოფისი გაქურდეს - წაღებულია კომპიუტერის პროცესორებიფოთში,  მალთაყვის უბანში, მერის წარმომადგენლის ოფისი გაქურდეს.  გავრცელებული ინფორმაციით, წაღებულია  კომპიუტერის ორი პროცესორი. ქურდობის ფაქტს ადასტურებს მერის წარმომადგენელიც. უჩა დოლიძის  თქმით, შემთხვევა გუშინ ღამით მოხდა. "კარები დაკეტილი დაგხვდა ჩვეულებრივად. სავარუდოდ, ფანჯრიდან არიან შესულები. სამართალდამცველები  დაადგენს  ყველაფერს“, – ამბობს უჩა ... ...
  • რას აღნიშნავდნენ ჩოხატაურში ნინო შეწირული-გობრონიძის მხარდამჭერებირამდენიმე წუთის წინ, მოქალაქეთა პოლიტიკური გაერთიანება “ჩვენი საქართველო -სოლიდარობის ალიანსის“ კანდიდატის ნინო შეწირული-გობრონიძის მხარდამჭერებმა ჩოხატაურს მანქანებით, საყვირების ხმით შემოუარეს. იმის გასარკვევად, რას აღნიშნავდნენ პარტიის მხარდამჭერები "გურია ნიუსი" პარტიის კანდიდატს ნინო შეწირული-გობრონიძეს დაუკავშირდა. "დღეს, გურიის სამივე მუნიციპალიტეტში გავუშვით ჩვენი მხარდამჭერი 10-10 ახალგაზრდა, ჩვეულებრივად ჩაცმულები და არა ჩვენი მაისურებით. მათ გამოკითხეს, დაახლოებით, 100 ადამიანი, რომელთაგან, თითქმის, ყველა ჩვენი მხარდამჭერი აღმოჩნდა. ამ მარშის საბაბი, ესეც იყო გარკვეულწილად და გარდა ამისა, ჩვენ მოსახლეობას რუპორებით მივმართეთ და შევახსენეთ, მივიდნენ არჩევნებზე და მხარი დაგვიჭირონ", _ გვითხრა ნინო ... ...
  • კახა ასკურავა: "ქართული მარშის" წარმომადგენელი არასრულწლოვან გოგონას თავს დაესხა“ერთიანი ნაციონალური მოძრაობის ლანჩხუთელი ლიდერი კახა ასკურავა სოციალურ ქსელში წერს, რომ ქართული მარშის წარმომადგენლები ლანჩხუთში არასრულწლოვანს დაესხნენ თავს, რომელიც ექს გამგებლის გია გოგუაძის შვილიშვილია. „დაახლოებით ერთი საათის უკან, ლანჩხუთის ცენტრში "ქართულ მარშის" წარმომადგენელი თავს დაესხა ჩვენი შტაბის წამყვანი ფიგურის, ყოფილი გამგებელის გია გოგუაძის შვილიშვილს, არასრულწლოვან მარი გოგუაძეს და მიაყენა სიტყვიერი შეურაცხყოფა. ლანჩხუთის გაერთიანებული ოპოზიციის სახელით მივმართავ შინაგან საქმეთა სამინისტროს, სასწრაფოდ დაიწყოს ამ ფაქტზე მოკვლევა და მოახდინოს დამნაშავის სასწრაფო იდენტიფიცირება", _ წერს ასკურავა. „ქართული მარშის“ მხრიდან არასრულწლოვან გოგონაზე თავდასხმის ფაქტს ადასტურებს ლანჩხუთის ყოფილი გამგებელი გია ... ...
  • ქალი პოლიტიკოსის ნახევრად პოლიტიკური მონოლოგიბავშვობა ჩოხატაურთან კავშირამდე, იყო ჩოხატაურელებთან კავშირი;  ვგულისხმობ, რა თქმა უნდა, ჩემს ბებიას და ბაბუას _ ორ ძალიან მნიშვნელოვან ადამიანს ჩემს ცხოვრებაში. მამაჩემის დედ-მამა, ნელი დუმბაძე და ნოე გოგორიშვილი, სანამ პირველად ჩოხატაურში ჩამომიყვანდნენ, ისე აღწერდნენ აქაურობას, რომ ჩამოვედი, უკვე ყველაფერს ვცნობდი: წისქვილი, წისქვილის შემდეგ ეს იქნება, _ გახარებული ვამბობდი. უფრო ხშირად, ბებიაჩემის სოფელში _ ხიდისთავში ვიყავი.  ბებიას და _ ჟოზეფინა, ხიდისთავში ცხოვრობდა და ზაფხულობით იქ იკრიბებოდა მთელი ბიძაშვილ-მამიდაშვილობა. ერთი ასაკის ვიყავით ყველანი. ჟოზეფინა ბებიას მეზობლად ცხოვრობდა ერთი ქალი, ანუშკა. დღესავით მახსოვს, ანუშკამ ერთხელ მოგვიყვა ლეგენდა, რომ ზენობნის ბოლოში, ციხის ნანგრევებთან დასაფლავებული იყო თამარ მეფე. წარმოიდგინეთ მეორე-მესამე კლასელ ბავშვზე როგორ იმოქმედებდა ეს _ ყველა ეძებს თამარ მეფის საფლავს და თურმე აგერ, ზენობანშია დასაფლავებული! მეორე დღიდან ჩვენი იქაური ყოფა დაიყო  ორ ნაწილად _ ერთი, როდესაც ვთხრიდით და ვეძებდით თამარ მეფის საფლავს და მეორე, როდესაც წყალში ვჭყუმპალაობდით. სხვა არაფერზე ვცდებოდით. მახსოვს, ყველაზე დიდი ემოცია იყო, რაღაც თიხის ნატეხს რომ ვიპოვიდით, ვყვიროდით, აი, მორჩა! ვიპოვეთ! თუმცა, ცხადია, მერე თავიდან ვიწყებდით ძებნას... ყველაზე კარგად მახსენდება თავისუფლება, რომელიც სოფელში გვქონდა. დილას რომ გაიღვიძებდი და გახვიდოდი სოფელში, დარწმუნებული იყვნენ ოჯახის წევრები და მშობლები, რომ არაფერი ცუდი არ შეგემთხვეოდა. სადაც უნდა მისულიყავი, ყველგან, როგორც საკუთარ სახლში ისე გრძნობდი თავს და რომ ღამდებოდა, მარტო მაშინ ვბრუნდებოდით სახლებში. აი, ეს თავისუფლების გრძნობა არის ის, რაც ჩემთვის ბავშვობიდან ასოცირდება გურიასთან. “არ შეიძლება  მთელი დღე, ასე „თხასავით“ დარბოდეს ბაღანე აქეთ-იქით, რამე სასარგებლო უნდა ისწავლოს“, _ ამბობდა მამიდაჩემი _ საოჯახო საქმეებს გულისხმობდა, რა თქმა უნდა. მეც მზად ვიყავი, მესწავლა ყველაზე გემრიელი _ მისი გამომცხვარი კეცის ხაჭაპურის მომზადება, თუმცა, ისე მაინც ვერ ვისწავლე, როგორც ბებია და მამიდა აცხობდნენ. ჩემი ბავშვობის მთავარი მოგონება აქაური ადამიანები არიან, ადამიანები, რომელთა სახეები, სახელები მუდამ მახსოვს. მათი უმრავლესობა დღეს ცოცხალი აღარ არის, მაგრამ ის სითბო და ყველაფერი, რასაც და როგორც ლაპარაკობდნენ, დღემდე მომყვება. სწორედ  იმ ადამიანების სითბო და სიყვარულია გურიისადმი ჩემი დამოკიდებულების განმსაზღვრელი. გურია და პოლიტიკა საოცარი ხალხი ცხოვრობს გურიაში; სრულიად განცვიფრებული ვარ, რამდენ რამეს კითხულობენ და რამდენი რამე იციან. როცა შეხვედრაზე მივდივარ, ვსაუბრობთ უმუშევრობაზე, ახალგაზრდების მიგრაციაზე, რადგან აქ დასაქმების პერსპექტივა არ აქვთ. მერე გადავდივართ პროდუქტის თუ მედიკამენტების ფასებზე, რა ღირდა და როგორ გაძვირდა. ამას რომ მოვრჩებით, მერე აუცილებლად გადავდივართ საერთაშორისო ურთიერთობებზე. პირველი შეხვედრა რომ მქონდა, ერთმა კაცმა მითხრა, აი, ყველაფერი გასაგებია, ბიძიკო, საქართველოში რაც ხდება, მარა, იგი მითხარი ახლა შენ, ტრამპი რას იზამს, მოიგებს თუ ვერ მოიგებს არჩევნებსო. მე ვუთხარი, მიუხედავად ბოლო გამოკითხვებისა, მაინც მგონია, რომ ტრამპი კიდევ ერთხელ გახდება პრეზიდენტი-მეთქი. მომიბრუნდა და მკითხა, გვაწყობს მერე მაი ჩვენ, „დემოკრატები“ არ არიენ უკეთესი საქართველოზაო?! და იქ იყო კამათი ამერიკის „რესპუბლიკელები“ და „დემოკრატები“, ბაიდენი და ტრამპი, რომელი უფრო გამოადგება საქართველოს!... ჩვეულებრივად,  პოლიტოლოგებივით და ექსპერტებივით, მათზე უკეთესად მსჯელობენ ამის შესახებ! ყველაფერს კითხულობენ, წაკითხული აქვთ კონგრესმენების, სენატორების, ევროპარლამენტარების წერილები. საოცარი ხალხია გურულები და საოცრებები ხდება აქ. რამ შეიძლება გადაარჩინოს გურია ხშირად ვფიქრობთ, რამ შეიძლება გადაარჩინოს გურია, გურიის ეკონომიკა და დეტალურად განვიხილავთ ხოლმე ძირითად მიმართულებებს _ სოფლის მეურნეობას და ტურიზმს, განსაკუთრებით, ეთნოტურიზმს. ჩემს ამერიკელ მეგობარს დაბადების დღის მისალოცად გურული მრავალჟამიერი რომ გავუგზავნე, მკითხა, რომელი პროგრამაა კომპიუტერის, რომელიც ხმებს ასე ალაგებსო. მე ვუთხარი, ეს არავითარი პროგრამა არაა, სამი ადამიანი დგას და მღერის-მეთქი და დამატებით გავუგზავნე კრიმანჭული. ძლივს დავაჯერე, რომ  ასეთი ხმა შეიძლება ადამიანის პირიდან ამოვიდეს და მაშინ მითხრა, რომ 2020 წლის ზაფხულს მე ვატარებ იმ კუთხეში, სადაც ასე მღერის ხალხიო; გეგმებს ვაწყობდი, გურიაში სად და როგორ უნდა წამეყვანა, რომ არა ეს კორონავირუსი... და ეს ჩემი მეგობარი არაა ერთადერთი _ ძალიან ბევრი ადამიანია, რომელსაც უნდა ეს ყველაფერი საკუთარი თვალით ნახოს. მითუმეტეს, რომ ერთმანეთთან ასე ახლოსაა ზღვა და მთა. ასეთი შესაძლებლობები როცა აქვს კუთხეს, იქ არ შეიძლება უპერსპექტივობაზე ვილაპარაკოთ და ოპტიმისტურად არ ვიყოთ განწყობილი, თუ ნორმალური ადგილობრივი და ცენტრალური ხელისუფლება ეყოლება. ძალიან ბევრი რესურსი აქვს გურიას და ძალიან ბევრი რამის გაკეთება შეიძლება. მითუმეტეს, როცა ვიცი კონკრეტულად რამდენი ფულია წყალში გადაყრილი, რამდენი მილიონია დახარჯული შიდა გზებზე _ კოხნარის გზა 2019 წლის ივნისში ჩააბარეს, წყალგაყვანილობის სამუშაოები დაასრულეს, მაგრამ წყალი მაინც არ აქვთ. ბუკისციხის გზაზე 3 თვეში გაბიონები ჩამოინგრა და 750 000 ლარი წყალშია გადაყრილი. ეს ყველაფერი _ გაფუჭებული და ვერშესრულებული სამუშაოები მილიონებზე ადის. ამას ემატება ზღვისპირა ზოლი, სადაც 1კვმ მიწის რეალური ფასი, მინიმუმ, 20 დოლარია, შავი ზღვის არენის მოპირდაპირედ კი მიწა 30 თეთრად გაიყიდა. “კაპროვანში“ 49 000 კვმ მიწა მუნიციპალიტეტმა გაყიდა  2ლარად და 60 თეთრად. იმიტომ, რომ შავი ზღვის არენის მოპირდაპირე მხარეს 30 თეთრად რომ გაიყიდა, აუქციონში ერთადერთი მონაწილე იყო ოზურგეთის ქონების მართვის სამსახურის უფროსი მერაბ წივწივაძე. მეორე _  კაპროვანში 49 000 კვმ-ის ნახევარი გურიის გუბერნატორის მოადგილის, ქეთევან მოისწრაფიშვილის მამამ და ძმამ შეიძინა. მარტო ამ ორი მაგალითიდან, ოზურგეთის მუნიციპალიტეტის ბიუჯეტში, ნაცვლად 130 000-ისა, უნდა შესულიყო 10 მილიონი. ეს აუდიტის დასკვნაში წერია. ჩვენ რომ ნორმალური სახელმწიფო გვქონდეს, ამაზე რეაგირება ხომ უნდა მომხდარიყო, როცა სახელმწიფომ იზარალა მილიონობით ლარი?! მაგრამ რეაქცია როგორ ექნებათ, როცა, როგორც იქცევიან ცენტრალურ ხელისუფლებაში, ზუსტად იგივე ხდება ადგილობრივ ხელისუფლებაში. ვერავინ ვერ გამოიშვერს თითს აქეთ, რეგიონისკენ, იმიტომ, რომ თითონაც იმავეს აკეთებენ! წარმოიდგინეთ, მილიონნახევარი მოიგო კომპანიამ გზის გასაკეთებლად. ადგილობრივმა აუდიტმა სამუშაოები რომ ჩაიბარა, უთხრა, 220 000 ლარის სამუშაოები სად წაიღე, არ ჩანს, გამქრალია, 300 000 კიდევ უხარისხოდაა შესრულებულიო. ანუ იმ მილიონ ნახევრიდან ნახევარი მილიონი სად წავიდა, არავინ იცის. აი, ეს დაწერა ოფიციალურმა სტრუქტურამ, მერიის შიდა აუდიტის სამსახურმა და რა მოხდა  ამის მერე?!  ერთ კვირაში იმავე კომპანიამ ახალი ტენდერი მოიგო, მერე მეორე, მესამე, სულ 5 ტენდერი აქვს მოგებული და რატომ? იმიტომ, რომ ყველა ტენდერის მერე, 60 000 ლარს სწირავს „ქართულ ოცნებას“. უნდა შეიცვალოს, ეს ნეპოტიზმი, კორუფცია, ბიძაშვილ-მამიდაშვილობა... სანამ ამას არ ეშველება, არაფერს ეშველება. და თუ ეშველა, სამუშაო ადგილებიც იქნება, შემოსავალიც და კონკურენციაც. “შეცვალეთ!“ შეხვედრებზე სულ მეუბნებიან: შეცვალეთ თუ _მოქმედება, თუ _ ადამიანი. მარტო ვერავის და ვერაფერს შევცვლი, ეს ერთად უნდა შევცვალოთ. ყველა არჩევნები ძალიან კარგად მახსოვს, მაგრამ ასე ღიად და საჯაროდ ადამიანი გამოდიოდეს და გთხოვდეს არსებულის შეცვლას, ვერ ვიხსენებ... ჩვენ გვაქვს ისტორიული შანსი, რომ დამთავრდეს (ვინც არ უნდა იყოს) ერთი კაცის მმართველობა. წარმოიდგინეთ, მარტო ადამიანი ოჯახშიც ვერ მიიღებს სწორ გადაწყვეტილებას. როგორც კი გადაწყვეტილების მიღების პროცესში ბევრია ჩართული, ბევრის მოსაზრებაა გათვალისწინეებული, შედეგიც ბევრად უფრო გამართული და სწორი გამოდის. საუბრისას ყველა ძალიან მარტივად წარმოიდგენს და ხვდება, რომ ამ მდგომარეობიდან გამოსავალი კოალიციური მთავრობაა, რომელიც უნდა შედგეს 2020 წლის 31 ოქტომბრის შემდეგ. მნიშვნელოვანი კანონპროექტების ავტორი დეპუტატი გავხდი 2004 წელს; მანამდე ვიყავი პარლამენტის აპარატის უფროსი. არასოდეს დამითვლია და არც დავითვლი კონკრეტულად რამდენ ადამიანს დავხმარებივარ. შემიძლია ვიამაყო, რომ სამსახურში ძალიან მაღალი კვალიფიციური კადრების პირდაპირი მნიშვნელობით ქუჩიდან მოსვლას შევუწყვე ხელი. ისინი არიან ყველგან _ დაწყებული საკონსტიტუციო და უზენაესი სასამართლოებიდან, დამთავრებული _ სამინისტროებით. მეამაყება, რომ ვარ რამდენიმე კარგი კანონპროექტის და ზოგი- კანონის ავტორი; მაგალითად, დღეს რომ დეკლარაციები არსებობს და ნებისმიერ ადამიანს შეუძლია გაიგოს თანამდებობის პირის ყველანაირი შემოსავალი და ქონება, მე ვარ ამ კანონის ავტორი. ვამაყობ სადეკრეტო შვებულების შესახებ კანონით; შეზღუდვები რომ მოიხსნა და მშობიარობის შემდეგ ქალებს რომ ანაზღაურებადი დეკრეტული შვებულება აქვთ, დღეების რაოდენობა რომ გაეზარდათ, ამ ყველაფრის ავტორი მე ვარ. თუმცა, მისი გატანა მარტივი არ ყოფილა _ დამატებითი ხარჯების გაღებაზე იყო საუბარი და ყველა მეწინააღმდეგებოდა. ბევრი რამ შეიძლება ჩამოვთვალო, მაგრამ ყველაზე მნიშვნელოვნად მაინც ეს მიმაჩნა  _ ღია და საჯარო გავხადე სახელმწიფო მოსამსახურეების, ჩინოვნიკების ქონება ფინანსური და ქონებრივი დეკლარაციების თვალსაზრისით და ქალებს დეკრეტულ პერიოდში მეტი შეღავათები აქვთ. რატომ გურია და რატომ ახლა ეს ყველაფერი რამდენიმე მიზეზიდან გამომდინარეობს.  პირველი, 2020 წლის 31 ოქტომბრის არჩევნები არ არის ჩვეულებრივი არჩევნები; ესაა რეფერენდუმი _ გვინდა თუ არა, ჩვენი ქვეყანა სახელმწიფოს დაემსგავსოს. ცვლილება არ გულისხმობს მხოლოდ ეკონომიკურ, საგადასახადო კოდექსში ცვლილებებს. ვუყურებ როგორი უთავმოყვარეო პოლიტიკა აქვს ჩვენს ხელისუფლებას ოკუპანტი რუსეთის მიმართ, ჩემთვის, არა როგორც პოლიტიკოსისთვის, არამედ ერთი რიგითი მოქალაქისთვის, ეს ძალიან შეურაცხმყოფელია. პირდაპირ რუსეთის დაკვეთაა მაგალითად “კარტოგრაფების საქმე“და ამ სცენარს ჩვენი ხელისუფლება აღასრულებს.  ბიძინა ივანიშვილმა თქვა, საქართველო პატარა სოფელია და იგი არ უნდა გახდეს მიზეზი ევროპასა და რუსეთს შორის დაპირისპირებისო. რუსეთისთვის პრობლემის არშექმნა არის ამ ხელისუფლების ძირითადი მიმართულება და ეს ჩემთვის მიუღებელია. ყველამ გააცნობიერა, რომ სასიცოცხლოდ მნიშვნელოვანია ცვლილება და ამის შედეგი იყო უპრეცენდენტო ერთობა, რომელიც მთელი 6-7 თვის განმავლობაში ჩამოყალიბდა ლეიბორისტული პარტიის ოფისში შეკრებებისას. აქედან გამომდინარე, მე ჩემს ცხოვრებაში პირველად მივიღე გადაწყვეტილება, რომ ვყოფილიყავი მჟორიტარი და თუ სადმე მაჟორიტარი ვიქნებოდი, აუცილებლად გურიაში _ გურია არის ჩემი სამშობლო, ჩემი წინაპრების სამშობლო. ამასთან, მე არ ვარ „ერთი კინკილა“ პოლიტიკოსი _ „ევროპული საქართველოს“ გუნდის წევრი ვარ, რომელსაც აქვს ძალიან დიდი გამოცდილება. რომელმაც ზუსტად იცის, რა უნდა გააკეთოს, როგორ უშველოს ეკონომიკას და როგორ შეიძლება საგარეო პოლიტიკა იყოს თანმიმდევრული, მშვიდობიანი, მაგრამ ამავდროულად, პრინციპული. ჩვენ შეგვიძლია ახალი ინვესტიციების და ახალი შესაძლებლობების მოზიდვა ქართული ეკონომიკისთვის. მაგალითად, შესაძლებელია მოიძებნოს ინვესტორი, რომელიც აღადგენს სოფელ მერიის აეროპორტს და იქ იქნება სატრანსპორტო ტერმინალი; თუ ქუთაისისა და ბათუმის აეროპორტები სამგზავროა, სატვირთო აეროპორტის არსებობა დასავლეთ საქართველოში, მხოლოდ გურიისთვისაა შესაძლებელი. ამას მოჰყვება სხვა ინფრასტრუქტურული პროექტებიც. ის, რომ ამ გუნდის წევრი ვარ ძალიან დიდ სტიმულს მაძლევს, რომ ვიყო „ევროპული საქართველოს“ მაჟორიტარი და რატომ „ევროპული საქართველო“? _ იმიტომ, რომ საქართველოა ევროპული! ... ...
  • „ნაციონალური მოძრაობის“ წევრები და მხარდამჭერები მსვლელობას მართავენ„დავემშვიდობოთ ბიძინას“ - ამ მოწოდებით „ერთიანი ნაციონალური მოძრაობის“ წევრები და მხარდამჭერები რესპუბლიკის მოედნიდან თავისუფლების მოედნის მიმართულებით მსვლელობას მართავენ. „ნაციონალური მოძრაობის“ მიერ ორგანიზებულ აქციას მხარდამჭერები რეგიონებიდანაც შეუერთდნენ. მსვლელობა თავისუფლების მოედანზე დასრულდება, სადაც სცენაა მოწყობილი. მხარდამჭერებს მოგვიანებით სიტყვით პარტიის ლიდერები მიმართავენ. „დღეს არის ბოლო შემაჯამებელი აქცია და ბიძინა ივანიშვილს კიდევ ერთხელ დავუმტკიცებთ, რომ ვართ ბევრნი და მისი ხელისუფლება 31ოქტომბრის არჩევნებზე დამარცხდება“, - აცხადებენ აქციის ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...