"ალდაგის" კომპანიის "ტექნიკურ შეცდომას" შეწირული სოციალურად დაუცველები

მთავარი თემა

"ალდაგის" კომპანიის "ტექნიკურ შეცდომას" შეწირული სოციალურად დაუცველები

2 აპრ. 2013, 20:10:18

სწორედ ამის შემდეგ გაიგეს ექიმებმაც, რომ მათ სახელზე დარიცხული თანხა ივლისის თვიდან ნოემბრამდე,  ათჯერ მეტი იყო, ვიდრე  რეალური შემოსავალი.

მარტო ქობულეთში, ამ ფაქტის გამო, სოციალური დახმარება  5 სამედიცინო მუშაკს შეუწყდა, მათ შორის  არიან მედდები: ია ხაბაზი, გული ანანიძე, ფატი კაიკაციშვილი. დაუზუსტებელი ინფორმაციით კიდევ ორი მედდაა ანალოგიურ მდგომარეობაში.

ანანიძე და კაიკაციშვილი ამ ინფორმაციას "გურია ნიუსთან" ადასტურებენ და დახმარებას ითხოვენ.

"მე რომ დახმარებას შემიწყვიტავს ადამიანი, იმას ნამუსი თუ მოეთხოვება საერთოდ? მე ვარ ბინადაკარგული ქალი. 6 სული ვართ სახლში და ავადმყოფი დედა მყავს, ქალი ჯოხით დადის, თუ არ გჯერათ, მოდით და თქვენ თვითონ ნახეთ, რანაირად ვცხოვრობ.  ვისაც უნდა მივიდეს და ნახოს ჩვენი მდგომარეობა", _ აცხადებს "გურია ნიუსთან" ფატი კაიკაციშვილი, რომელსაც 102 ლარის ნაცვლად 400-იდან 1000 ლარამდე ჰქონდა დაფიქსირებული.

"სოციალური დახმარების მისაღებად რომ მივედი, მითხრეს, თქვენ ამოღებული ხართ სიიდან, იმიტომ რომ მაღალი ხელფასები გერიცხებათო. რომ მოვიკითხე და მითხრეს 400-500 ლარი გერიცხებათო, კინაღამ ინფარქტი მივიღე. სინამდვილეში, ხელზე 98 ლარს ვიღებ და მითხარით ერთი რა დავაშავე? ვიღაცამ შეცდომა დაუშვა თუ რა ქნა, მე რატომ უნდა ვიყო ამ დღეში?" _ აცხადებს გული ანანიძე

როგორც "გურია ნიუსს" საავადმყოფოს ყოფილმა მენეჯერმა სამედიცინო დარგში ზაალ მიქელაძემ (მან პროტესტის ნიშნად ჯერ კიდევ ოქტომრის ბოლოს  დატოვა კლინიკა) უთხრა მის სახელზე ივლისის თვიდან ნოემბრამდე დარიცხული თანხა,  ათჯერ მეტი იყო, ვიდრე მისი რეალური შემოსავალი.

"მანამ სანამ ჩვენ "უნიმედი აჭარას" მფლობელობაში ვიყავით და შემოსავლები "ლიბერთი ბანკში" გვერიცხებოდა, ყველაფერი რიგზე იყო. მას შემდეგ, რაც "უნიმედი აჭარა "ალდაგი ბისიაის" შვილობილი კომპანია "ჩემი ოჯახის კლინიკის" მფლობელობაში გადავიდა და შესაბამისად ჩვენი სახელფასო ანგარიშები "საქართველოს ბანკში" გაიხსნა, აღმოჩნდა, რომ ჩემს კუთვნილ ანგარიშზე, თითქმის ათჯერ მეტი თანხა ირიცხებოდა, ვიდრე რეალურად ვიღებდი, მაგალითად: ივლისში, ნაცვლად 1800 ლარისა, დარიცხული მაქვს 11 250 ლარი, აგვისტოში _ 13 131 ლარი, სექტემბერში ­_ 15 017 ლარი, ოქტომბერში კი 16 901 ლარი"._ აცხადებს ზაალ მიქელაძე "გურია ნიუსთან".

რა ბედი ელით დახმარება შეწყვეტილებს, ამის გარკვევა სოციალური მომსახურების სააგენტოს უფროსთან ნოე ქინქლაძესთან გადავწყვიტეთ:

"ეს არის პროკურატურის და ფინანსური პოლიციის გამოსაძიებელი საქმე. ჩვენ ნამდვილად შევუწყვიტეთ დახმარება, რადგან მათ ანგარიშზე საკმაოდ დიდი თანხა იყო. ალბათ  დამეთანხმებით, იმ თანხის მიმღები სოციალური დახმარების მიმღები არ უნდა იყოს." _ აცხადებს სააგენტოს უფროსი.

"გურია ნიუსის" კითხვაზე, ქობულეთის გარდა საქართველოს რეგიონში სადმე თუ დაფიქსირდა იდენტური შემთხვევა, ნოე ქინქლაძემ განაცხადა: "ასეთი  30-ზე მეტი  შემთხვევა გვაქვს დაფიქსირებული, სადაც ადამიანები ამბობენ, რომ მათ ანგარიშზე ერიცხებათ ფული, მაგრამ ეს ფული არ აუღიათ და საქმეში გარკვევას გვთხოვენ. ჩვენ ეს მასალები ფინანსურ პოლიციას გადავეცით. "

რაც შეეხება კომპანიის განმარტებას, რომ ადგილი ჰქონდა ტექნიკურ შეცდომას, ამასთან დაკავშირებით ნოე ქინქლაძე აცხადებს:

"სამწუხაროდ, განმარტებას ტექნიკურ შეცდომაზე მე ვერ დავეყრდნობი. იყო თუ არა შეცდომა ამას მოვიკვლევთ. მანამდე, ამ ადამიანებმა უნდა მოგვმართონ განცხადებით, შემდეგ მე საბუთებს გადავცემ შესაბამის ორგანოებს და ისინი მოიკვლევენ ტექნიკური შეცდომა იყო, თუ რაღაც სხვა მიზანი ჰქონდა ამას."

ექსპერტი ეკონომიკის საკითხებში ირაკლი ლექვინაძე "გურია ნიუსთან" აცხადებს, რომ ამ საქმით აუცილებლად უნდა დაინტერესდეს ფინანსური პოლიცია:

"გამორიცხულია ასეთი დონის კომპანია, მსგავსი ტიპის შეცდომებს უშვებდეს. მე ვფიქრობ, ეს არის გამიზნულად გაკეთებული თემა ხარჯების გაზრდის მიზნით, რადგან კომპანია სპეციალურად გავიდეს ზარალზე ან მოგება ნაკლები აჩვენოს. ამიტომ ეს საქმე აუცილებლად უნდა გახდეს ფინანსური პოლიციის შესწავლის საგანი. სოციალური სააგენტოს პოზიცია ლოგიკურია, რადგან მაღალშემოსავლიან ადამიანებს შემწეობა უკვე აღარ ეკუთვნით. ეს ფაქტი არის პირველ რიგში კომპანიის პასუხისმგებლობის საგანი"

28 მარტს "გურია ნიუსის" მიერ გავრცელებულ სტატიაზე "ალდაგის" სკანდალი _ 6 და 35 ლარიანი ექიმებზე ხელფასად გაწერილი ათი ათასები შპს "უნიმედი აჭარა" განმარტებას აკეთებს.

"შპს „უნიმედი აჭარა“ კიდევ ერთხელ ცალსახად უსვამს ხაზს, იმას, რომ  აღნიშნულ პერიოდში, თანამშრომლებზე ხელფასების გაცემა მოხდა სწორად, ხოლო აღნიშნული გაუგებრობა გამოწვეული იყო მხოლოდ სახელფასო განაცემების დეკლარირებისას მომხდარი ტექნიკური ხარვეზით, რასაც არანაირი კავშირი არ აქვს ხელფასის გაცემასთან და უბრალოდ ასახავს განაცემების შესახებ ინფორმაციას." - ნათქვამია მათ მიერ "გურია ნიუსის" სახელზე მოწერილ წერილში.

კომპანიის განცხადებით, აღნიშნული ტექნიკური ხარვეზის მოგვარება დაიწყო 25 მარტს და 28 მარტის მდგომარეობით სრულად არის გასწორებული საქართველოს საგადასახადო კოდექსის მოთხოვნების შესაბამისად.

"იმ ოჯახებს, რომლებსაც აღნიშნული ხარვეზის გამო შეუწყდათ სოციალური შემწეობა და არ ჩაერიცხათ განსაზღვრული თანხა, შპს "უნიმედი აჭარა" აუნაზღაურებს სოციალური დახმარების აღდგენამდე." _ აღნიშნავენ კომპანიაში.

ქალთა კონსულტაციის თერაპევტი _ 8 ლარი; ექოსქოპისიტი -72 ლარი; ქალთა კონსულტაციის გინეკოლოგი _ 35 ლარი; ქალთა კონსულტაციის გამგე - 55 ლარი; გინეკოლოგი -75 ლარი; ბავშვთა პოლიკლინიკის პედიატრები -75  ლარი; იმუნიზაციის ექთანი - 14 ლარი; პოლიკლინიკის ექიმები და თერაპევტები - 80-100 ლარი; ექიმი ტრავმატოლოგი - 50 ლარი, სამეანო განყოფილების მედდები - 10 ლარი, _ ასეთი ხელფასები მიიღეს წინასაახალწლოდ ქობულეთის სამედიცინო ცენტრის ექიმებმა "ალდაგი ბისიაის" შვილობილი კომპანია "ჩემი ოჯახის კლინიკისგან." ამის შესახებ "გურია ნიუსი" ჯერ კიდევ იანვრის თვეში წერდა.




 ახალი ამბები
  • პატრიარქის სამადლობელი წერილი და პრეზიდენტის სტუმრობა ზემო აკეთშიქვეყნის  პრეზიდენტი სალომე ზურაბიშვილი და კულტურის გამოჩენილი წარმომადგენლები დღეს ლანჩხუთში, ზემო აკეთს სტუმრობდნენ. საქმე ისაა, რომ ივნისს–ივლისის თვეში, ლანჩხუთში, საექსპედიციო ჯგუფმა, რომელსაც სათავეში ანსამბლ ,,შავნაბადას“ ხელმძღვანელი დავით ცინცაძე და ლანჩხუთის ხუხუნაიშვილების სახელობის სკოლის ხელმძღვანელი ავთანდილ თურქია ედგა, აკეთის წმინდა გიორგის სახელობის ტაძრის ეზოს ტერიტორიაზე, ცნობილი მომღერლების საფლავების აღმოჩენა-რესტავრაცია განახორციელეს. დღეს უკვე აღმოჩენილია ცნობილი გვარის - ხუხუნაიშვილების ანსამბლის წევრების 6 საფლავი, ხოლო ცარიზმის დროს ხელყუმბარით დაზიანებული ტაძარი, მზად არის რესტავრაციის დასაწყებად. სწორედ ეს  რესტავრირებულ საფლავები და რესტავრაციაში მყოფი ტაძარი მოინახულეს სტუმრებმა. მიღების მეორე ნაწილს კი სოფელმა აცანამ საკონცერტო ფორმატითა და კულტურული ნიმუშების წარდგენით უმასპინძლა. პრეზიდენტმა ცანაში სტუმრობისას გამოჩენილი მომღერალი, ლოტბარი, კომპოზიტორი, ანსამბლების – „რუსთავისა“ და „მართვეს“ დამაარსებელი, ანზორ ერქომაიშვილი, რომელსაც 80 წელი 10 აგვისტოს უსრულდება,  გაწეული ღვაწლისთვის დააჯილდოვა. დღევანდელ ღონისძიებებთან დაკავშირებით, ლანჩხუთში სამადლობელი წერილი გამოგზავნა საქართველოს კათალიკოს-პატრიარქმა ილია მეორემაც. „ჩვენი ქვეყნის დიდი სიმდიდრე ჩვენი კულტურაა და მასში მარგალიტადაა ჩასმული ჩვენი მრავალხმიანობა. იგი ჯვარია ჩვენი ხალხისა. გალობა ჯვრის ვერტიკალური სვეტია ღვთისკენ მიმართული, ხოლო ჯვრის ჰორიზონტალური ნაწილი სიმღერაა - ხალხში გაბნეული, როგორც სიყვარული მოყვასისა. მადლობა ღმერთს, რომ ჩვენ ისტორიას ახსოვს გამორჩეული და დიდი ღვაწლის მქონე გვარები: დუმბაძეები, კარბელაშვილები, ერქომაიშვილები, კავსაძეები, ბერძენიშვილები, ჩავლეიშვილები და სხვანი. მათ მუსიკალურ რანგს მიეკუთვნება ხუხუნაიშვილებიც, რომელთა ნიჭი მსოფლიომ აღიარა და მათ საქართველო წარმოაჩინეს, როგორც მუსიკალურად მაღალი აზროვნების მქონე ქვეყანა. ზემო აკეთის მომღერალთა შესაძლებლობები ყველა დონის მუსიკოსს ქედს ახრევინებს მათი გენიის წინაშე. ხოლო ალმასხან ხუხუნაიშვილის იმპროვიზაცია დღემდე აოცებს თანამედროვე მუსიკოსებს თავისუფლების შეგრძნებით.“ _ წერს პატრიარქი და მადლობას უხდის ამ საქმის ინიციატორებს: „მადლობა მინდა ვუთხრა ექსპედიტორთა ჯგუფს: მამა მიქაელის (მახარაძის), დავით ცინცაძის, ავთანდილ და მერაბ თურქიების თაოსნობით, რომელთაც დიდად იშრომეს წინაპართა პატივსაგებად”. ჩვენ არ უნდა დაგვავიწყდეს, რომ კაცი საქმით იცნობა და რომ გარდაცვლილი წინაპრები გვეხმარებიან ცოცხლებს.“ საქართველოს პატრიარქი თავის წერილში იუბილეს ულოცავს ანზორ ერქომაიშვილს. „დღეს, საბედნიეროდ ჩვენი ქვეყნის საუკუნოვან კულტურას ჰყავს გამორჩეული პატრონი, რომლის გვარმაც განსაკუთრებულად იღვაწა ერისა და ბერის წინაშე. მადლობა ღმერთს, რომ მეტად რთულ დროს ჩვენ ქვეყანას მოუვლინა ანზორ ერქომაიშვილი - ტრადიციული მუსიკის პატრიარქი და დიდი საგვარეულო კულტურის გზის გამგრძელებელი. ვულოცავ მას 80 წლის იუბილეს და მინდა გითხრათ, რომ მე მადლიერი ვარ მისი ფასდაუდებელი ღვაწლისა, რომელიც მან გასწია ჩვენი ქვეყნის წინაშე. ვუსურვებ ჯანმრთელობას და დიდხანს სიცოცხლეს. ღმერთმა დაგლოცოთ და გაგაძლიეროთ!“ -წერს ილია ... ...
  • ჭიათურაში ბენზინგასამართი სადგური გაძარცვესჭიათურაში ბენზინგასამართი სადგური გაძარცვეს. არსებული ინფორმაციით, შეიარაღებული პირები ბენზინგასამართ სადგურზე შეიჭრნენ და ადგილზე მყოფ ოპერატორს მუქარის ძალით თანხა მოსთხოვეს. წაღებულია რამდენიმე ასეული ლარი. გამოძიება სისხლის სამართლის კოდექსის 178-ე მუხლით მიმდინარეობს, რაც ძარცვას ... ...
  • იმერეთში ახალგაზრდა მამაკაცი მოკლესტყიბულში ახალგაზრდა მამაკაცი მოკლეს. არსებული ინფორმაციით, გვიან ღამით ქალაქის ცენტრში ორი მამაკაცი ერთმანეთს დაუპირისპირდა, კონფლიქტის დროს კი ერთმა მეორეს სასიკვდილო ჭრილობა მიაყენა. გარდაცვლილი მამაკაცი თერჯოლის მკვიდრია. მომხდარზე გამოძიება 108-ე მუხლით დაიწყო, რაც განზრახ მკვლელობას ... ...
  • რუსთავში, საცხოვრებელი კორპუსის მესამე სართულიდან კაცი გადმოვარდარუსთავში, საცხოვრებელი კორპუსის მესამე სართულიდან კაცი გადმოვარდა. ის უგონო მდგომარეობაში რუსთავის ცენტრალურ საავადმყოფოში გადაიყვანეს. დაშავებული მამაკაცის მდგომარეობა მძიმეა. მომხდარზე გამოძიება 115-ე მუხლით მიმდინარეობს, რაც თვითმკვლელობამდე მიყვანას ... ...
  • Air France-მა საქართველოს მიმართულებით რეგულარული ფრენები განაახლაფრანგულმა ავიაკომპანია Air France-მა საქართველოს მიმართულებით რეგულარული ფრენები განაახლა. ამის შესახებ ინფორმციას ,,ტავ ჯორჯია“ ავრცელებს. როგორც „ტავ ჯორჯია“-ში აცხადებენ, პარიზიდან თბილისში უკვე 178 მგზავრი ჩამოფრინდა. ავიაკომპოანია Air France  ფრენებს ,,ეარბას“ A320 და A321  ტიპის ხომალდებით კვირაში ორი სიხშირით იფრენს, რომელიც  შემდეგი განრiგით შეასრულებს ავიამიმოსვლას:  პარიზი(შარლ დე გოლის აეროპორტი)  - თბილისის მიმართულებით, ყოველ ოთხშაბათსა და შაბათს; თბილისი-პარიზის (შარლ დე გოლის აეროპორტი) მიმართულებით ყოველ ხუთშაბათსა და კვირას.   ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...